Complete witness positions 161–200

व्यक्ताऽव्यक्ताऽनेकमूर्तिः सर्वतीर्थफलाधिका । श्रीरूपा श्रीस्तुता श्राव्या श्रवणात्पापनाशिनी ॥ १६१ ॥ सर्वधर्मवदान्याच निन्दानिन्दकनाशिनी । श्रीप्रसादकरी श्रद्धामेधारूपासुशर्मदा ॥ १६२ ॥ गोपी गिरिसुता गुर्वी गौरी गौः सर्वतोमुखी । चतुर्भुजा दशभुजा चतुर्वर्गफलप्रदा ॥ १६३ ॥ चर्मण्वती वेदवती चतुराचातुरी कला । षोडशाधिसहस्राणां स्त्रीणां मध्ये तुवन्दिता ॥ १६४ ॥ नवमी पञ्चमीभूता षष्ठी षष्ठी च सप्तमी । अमाच पूर्णिमा पूर्णा शिवरात्रिः प्रभावती ॥ १६५ ॥ चतुःषष्टिकलायुक्ता षोडशी त्रिपुरेश्वरी । सर्वप्राणमयी वन्द्या दृढबन्धविमुक्तिदा ॥ १६६ ॥ सर्वाधारा सर्वदेवी सर्वाराध्या समालिका । मन्त्रबीजरहस्यादिसर्वविद्याप्रकाशिनी ॥ १६७ ॥ सर्ववर्णमयीन्द्राणी जपजाप्यपरा च सा । श्रीधरी श्रीधरावन्द्या श्रीधरप्राणवल्लभा ॥ १६८ ॥ श्रीराधा (श्री) कृष्णहृदया श्रीधरप्राणजीवनी । श्रीधरस्य प्रतापादिशा(ज्ञा) पिकाखिलकारणम् ॥ १६९ ॥ सर्वानुस्यूतशक्तिश्च बृहद्वृन्दवनालया । इतीदं राधिकादेव्या दिव्यं नामसहस्रकम् । मया सम्यक्तया प्रोक्तमृषे त्वद्धितकाम्यया ॥ १७० ॥ यः पठेत् प्रातरुत्थाय शुचिस्तद्गतमानसः । स भवेत्सर्वसम्पूर्णः शुभाचारः परात्परः ॥ १७१ ॥ प्रज्ञाचक्षुर्लभेदृष्टिं नेत्ररोगैर्न पीड्यते । मूकोवाचं लभेत्सर्वलक्षणैः संयुतां शुभाम् ॥ १७२ ॥ प्रातःकालेऽथ सायाह्ने निशीथे यः पठेत्स्तवम् । श्रीराधाकृष्णसाक्षात्कारोजायते सुनिश्चितम् ॥ १७३ ॥ वैष्णवेषु भवेद्धन्यस्त्रिषु लोकेषु विश्रुतः । धर्मकर्तृषुधर्मीशः पठेद्यः स्तोत्रमुत्तमम् ॥ १७४ ॥ स योगी परमोत्कृष्टः स ऋषिः सर्ववेदवित् । स ज्ञानी स च भक्तस्तु स कर्मसकलार्थवित् ॥ १७५ ॥ स इन्द्रः स हरिर्ब्रह्मा स रुद्रो ब्रह्मरूपवित् । सशेषः स मुनिर्व्यासो दत्तात्रेयः सदाशिवः ॥ १७६ ॥ प्रातरुत्थाय योऽधीते नाम्नां दशशतीमिमाम् । सर्वतीर्थेषु यत्स्नानं सर्वलोकेषु यद्धितम् ॥ १७७ ॥ सर्ववेदेषु यत्सर्वं सर्वस्मृतिषु यत्फलम् । पुराणेषु च शास्त्रेषु तथा गीतप्रहेलिषु ॥ १७८ ॥ यत्सारं यच्च हार्दं तु या शक्तिः सर्पदस्युहृत् । तत्सर्वमिदमाख्यातं नातः किञ्चित्परं मुने ॥ १७९ ॥ धन्यं यशस्यमायुष्यं श्रीकृष्णप्रेमवर्द्धनम् । इदमेकं मया दृष्टं राधानामसहस्रकम् ॥ १८० ॥ सर्वपापप्रशमनमकालमृत्युनाशनम् । सर्वमाङ्गल्यदमिदं पठितव्यं मुमुक्षुभिः ॥ १८१ ॥ सर्वागमप्रियं ह्येतत् सर्वपापप्रणाशनम् । सर्ववेदशिरोभागे सर्वाधिव्याधिशान्तिकृत् ॥ १८२ ॥ भावुकं भव्यसाधूनां तारक तत्त्वमीक्षताम् । मारकं सर्वदुष्टानामिदमेव हि निर्मितम् ॥ १८३ ॥ एतस्य पठनात्सद्योमुक्तिः स्यादनपायिनी । भक्तिरप्यस्य श्रीकृष्णे राधया सहिते भवेत् ॥ १८४ ॥ कृष्णवश्यकरं सम्यक् ज्ञानविज्ञानवर्द्धनम् । बहु किं पठनादस्य मासैकेन महामुने ॥ १८५ ॥ भक्तियुक्तोलभेज्ज्ञानं श्रद्धावांश्चेन्मुनिः पठेत् । आयुरारोग्यमैश्वर्यं ज्ञानं वैराग्यसंयुतम् ॥ १८६ ॥ यद्यदिष्टतमंलोके तत्तदाप्नोत्यसंशयम् । महतां सङ्गतिकरं महद्भाग्योदयप्रदम् ॥ १८७ ॥ महतां हि सदा सेव्यमिदमेव ह्युदाहृतम् । वेदशास्त्रपुराणेभ्य इदमेव समुद्धृतम् ॥ १८८ ॥ तस्मात्सर्वप्रयत्नेन राधानामसहस्रकम् । भूताष्टम्याममायां च सङ्क्रान्तौ व्यतिपातके ॥ १८९ ॥ सूर्यचन्द्रोपरागेच पठितव्यं शुभेप्सुभिः । पठ्यमानमिदं स्तोत्रं श्रद्धया यः शृणोतिच ॥ १९० ॥ सर्वाभीष्टेन संयुक्तो जायते राधिकाज्ञया । एकादश्यां महारात्रौ द्वादश्यां ग्रहपर्वणि ॥ १९१ ॥ पठतां शृण्वतां पुंसां तेषां मुक्तिर्न दुर्लभा । हिक्कारोगस्तथा छर्दिर्मूत्रकृच्छूं तथा ज्वरः ॥ १९२ ॥ अतीसारस्तधा शूलं आमवातादयोऽपि च । अन्ये च बहवो रोगाः सन्निपातमुखा ऋषे ॥ १९३ ॥ शान्तिं प्रयान्ति ते सर्वे स्तोत्रस्यास्य प्रभावतः । स्तोत्रस्य पठनादस्य प्रह्लादः सिद्धतां गतः ॥ १९४ ॥ युधिष्ठिरोऽध भीष्मश्च जामदग्न्योद्धवौ तथा । हरिश्चन्द्राम्बरीषौ च ब्रह्मपुत्रास्तथाऽनघाः ॥ १९५ ॥ एते सिद्धिं गताः सर्वे सत्यं सत्यं वदाम्यहम् । श्रीराधायाः प्रसादेन सर्वानुग्रहणे क्षमाः ॥ १९६ ॥ तस्मात्सदेयमेवात्र पूजनीया मुहुर्मुहुः । अथास्यसाधनं वक्ष्ये उभयोः प्रीतिवर्द्धनम् ॥ १९७ ॥ प्रातरुत्थाय कर्त्तव्यं साधकेन शुभेच्छुना । प्रक्षाल्य हस्तौ पादौ च त्रिराचम्य शुचिः पुमान् ॥ १९८ ॥ जलाशये तथा नद्यां देवखाते ह्रदे तथा । कूपे गृहे स्वकीये वा स्नायाद्वै विधिपूर्वकम् ॥ १९९ ॥ सदाचारं ततः कृत्वा पुष्पधूपादिचन्दनैः । पुस्तकं तु प्रपूज्याथ मन्त्रराजमुदीरयेत् ॥ २०० ॥

vyaktā'vyaktā'nekamūrtiḥ sarvatīrthaphalādhikā | śrīrūpā śrīstutā śrāvyā śravaṇātpāpanāśinī || 161 || sarvadharmavadānyāca nindānindakanāśinī | śrīprasādakarī śraddhāmedhārūpāsuśarmadā || 162 || gopī girisutā gurvī gaurī gauḥ sarvatomukhī | caturbhujā daśabhujā caturvargaphalapradā || 163 || carmaṇvatī vedavatī caturācāturī kalā | ṣoḍaśādhisahasrāṇāṃ strīṇāṃ madhye tuvanditā || 164 || navamī pañcamībhūtā ṣaṣṭhī ṣaṣṭhī ca saptamī | amāca pūrṇimā pūrṇā śivarātriḥ prabhāvatī || 165 || catuḥṣaṣṭikalāyuktā ṣoḍaśī tripureśvarī | sarvaprāṇamayī vandyā dṛḍhabandhavimuktidā || 166 || sarvādhārā sarvadevī sarvārādhyā samālikā | mantrabījarahasyādisarvavidyāprakāśinī || 167 || sarvavarṇamayīndrāṇī japajāpyaparā ca sā | śrīdharī śrīdharāvandyā śrīdharaprāṇavallabhā || 168 || śrīrādhā (śrī) kṛṣṇahṛdayā śrīdharaprāṇajīvanī | śrīdharasya pratāpādiśā(jñā) pikākhilakāraṇam || 169 || sarvānusyūtaśaktiśca bṛhadvṛndavanālayā | itīdaṃ rādhikādevyā divyaṃ nāmasahasrakam | mayā samyaktayā proktamṛṣe tvaddhitakāmyayā || 170 || yaḥ paṭhet prātarutthāya śucistadgatamānasaḥ | sa bhavetsarvasampūrṇaḥ śubhācāraḥ parātparaḥ || 171 || prajñācakṣurlabhedṛṣṭiṃ netrarogairna pīḍyate | mūkovācaṃ labhetsarvalakṣaṇaiḥ saṃyutāṃ śubhām || 172 || prātaḥkāle'tha sāyāhne niśīthe yaḥ paṭhetstavam | śrīrādhākṛṣṇasākṣātkārojāyate suniścitam || 173 || vaiṣṇaveṣu bhaveddhanyastriṣu lokeṣu viśrutaḥ | dharmakartṛṣudharmīśaḥ paṭhedyaḥ stotramuttamam || 174 || sa yogī paramotkṛṣṭaḥ sa ṛṣiḥ sarvavedavit | sa jñānī sa ca bhaktastu sa karmasakalārthavit || 175 || sa indraḥ sa harirbrahmā sa rudro brahmarūpavit | saśeṣaḥ sa munirvyāso dattātreyaḥ sadāśivaḥ || 176 || prātarutthāya yo'dhīte nāmnāṃ daśaśatīmimām | sarvatīrtheṣu yatsnānaṃ sarvalokeṣu yaddhitam || 177 || sarvavedeṣu yatsarvaṃ sarvasmṛtiṣu yatphalam | purāṇeṣu ca śāstreṣu tathā gītapraheliṣu || 178 || yatsāraṃ yacca hārdaṃ tu yā śaktiḥ sarpadasyuhṛt | tatsarvamidamākhyātaṃ nātaḥ kiñcitparaṃ mune || 179 || dhanyaṃ yaśasyamāyuṣyaṃ śrīkṛṣṇapremavarddhanam | idamekaṃ mayā dṛṣṭaṃ rādhānāmasahasrakam || 180 || sarvapāpapraśamanamakālamṛtyunāśanam | sarvamāṅgalyadamidaṃ paṭhitavyaṃ mumukṣubhiḥ || 181 || sarvāgamapriyaṃ hyetat sarvapāpapraṇāśanam | sarvavedaśirobhāge sarvādhivyādhiśāntikṛt || 182 || bhāvukaṃ bhavyasādhūnāṃ tāraka tattvamīkṣatām | mārakaṃ sarvaduṣṭānāmidameva hi nirmitam || 183 || etasya paṭhanātsadyomuktiḥ syādanapāyinī | bhaktirapyasya śrīkṛṣṇe rādhayā sahite bhavet || 184 || kṛṣṇavaśyakaraṃ samyak jñānavijñānavarddhanam | bahu kiṃ paṭhanādasya māsaikena mahāmune || 185 || bhaktiyuktolabhejjñānaṃ śraddhāvāṃścenmuniḥ paṭhet | āyurārogyamaiśvaryaṃ jñānaṃ vairāgyasaṃyutam || 186 || yadyadiṣṭatamaṃloke tattadāpnotyasaṃśayam | mahatāṃ saṅgatikaraṃ mahadbhāgyodayapradam || 187 || mahatāṃ hi sadā sevyamidameva hyudāhṛtam | vedaśāstrapurāṇebhya idameva samuddhṛtam || 188 || tasmātsarvaprayatnena rādhānāmasahasrakam | bhūtāṣṭamyāmamāyāṃ ca saṅkrāntau vyatipātake || 189 || sūryacandroparāgeca paṭhitavyaṃ śubhepsubhiḥ | paṭhyamānamidaṃ stotraṃ śraddhayā yaḥ śṛṇotica || 190 || sarvābhīṣṭena saṃyukto jāyate rādhikājñayā | ekādaśyāṃ mahārātrau dvādaśyāṃ grahaparvaṇi || 191 || paṭhatāṃ śṛṇvatāṃ puṃsāṃ teṣāṃ muktirna durlabhā | hikkārogastathā chardirmūtrakṛcchūṃ tathā jvaraḥ || 192 || atīsārastadhā śūlaṃ āmavātādayo'pi ca | anye ca bahavo rogāḥ sannipātamukhā ṛṣe || 193 || śāntiṃ prayānti te sarve stotrasyāsya prabhāvataḥ | stotrasya paṭhanādasya prahlādaḥ siddhatāṃ gataḥ || 194 || yudhiṣṭhiro'dha bhīṣmaśca jāmadagnyoddhavau tathā | hariścandrāmbarīṣau ca brahmaputrāstathā'naghāḥ || 195 || ete siddhiṃ gatāḥ sarve satyaṃ satyaṃ vadāmyaham | śrīrādhāyāḥ prasādena sarvānugrahaṇe kṣamāḥ || 196 || tasmātsadeyamevātra pūjanīyā muhurmuhuḥ | athāsyasādhanaṃ vakṣye ubhayoḥ prītivarddhanam || 197 || prātarutthāya karttavyaṃ sādhakena śubhecchunā | prakṣālya hastau pādau ca trirācamya śuciḥ pumān || 198 || jalāśaye tathā nadyāṃ devakhāte hrade tathā | kūpe gṛhe svakīye vā snāyādvai vidhipūrvakam || 199 || sadācāraṃ tataḥ kṛtvā puṣpadhūpādicandanaiḥ | pustakaṃ tu prapūjyātha mantrarājamudīrayet || 200 ||