Complete witness positions 1–40

श्रीशिव उवाच अथातः संप्रवक्ष्यामि राधानामसहस्रकम् । शृणुनारद भद्रं ते गोपनीयं प्रयत्नतः ॥ १ ॥ प्रातः सायं निशीथेवा पठितव्यं मुमुक्षुभिः । त्रिराचम्य शुचिर्भूत्वा यो जपेत्सुसमाहितः ॥ २ ॥ सवैष्णवो विशुद्धात्मा जायते नात्र संशयः । बहु किं पठनादस्य भवेद्विष्णुसमः पुमान् ॥ ३ ॥ मासैकपठनादस्य भवेत्सर्वार्थसिद्धिदः । मासद्वयेन देवर्षे भवेद्वै वैष्णवोत्तमः ॥ ४ ॥ सोऽम्बरीषः स प्रह्लाद उद्धवः स युधिष्ठिरः । सभीष्म अर्जुनश्चैव स्तवराजं पठेत्तु यः ॥ ५ ॥ अथ किं बहुनोक्तेन वर्णनेन पुनः पुनः । यद्यदिष्टतमं लोके तत्तदाप्नोति साधकः ॥ ६ ॥ रहस्यं कथयाम्यद्य यद्वै नामसहस्रकम् । इदमेव पुरा पृष्टः कृष्ण उद्धवमूचिवान् ॥ ७ ॥ अथ स्तोत्रम् । ॐ श्रीराधाराधिकाऽऽराध्या राधाकृष्णशिवादिभिः । गोपिका गोपराज्ञी च गोपानन्दविधायिनी ॥ ८ ॥ गोपपूज्या गोपहृष्टा गोपगोपीभिरावृता । गोपाह्लादकरी गोपी गोपागोपशिवङ्करी ॥ ९ ॥ सुन्दरी सुन्दराकारा सुन्दरोत्तमवन्दिता । सुन्दरानन्दसंहृष्टा सुन्दरी बहुभाविनी ॥ १० ॥ सौन्दर्यनिलयारामाभिरामा बहुमानिता । श्यामा श्यामप्रियाऽश्यामा श्यामाभिवन्दिता नवा ॥ ११ ॥ ललिता ललिताचारा ललिताचारशालिनी । कृष्णा कृष्णकृपाकर्त्री कृष्णानन्दपरायणा ॥ १२ ॥ कृष्णप्रिया कृष्णपूज्या कृष्णाकर्षणकारिणी । कृष्णाराध्या कृष्णवन्द्या कृत्स्नवर्त्मनिबुद्धिदा ॥ १३ ॥ कृष्णपूजनसर्वस्वा कृष्णदर्शनतत्परा । श्रीकृष्णपदसर्वस्वा कृष्णकृष्णेतिवादिनी ॥ १४ ॥ श्रीकृष्णकान्तसक्ता च कृष्णप्रेमविवर्द्धिनी ॥ १५ ॥ विशेषा च विशेषज्ञा बल्लवी वल्लभार्चिता । बल्लवीनाञ्चहार्दज्ञा बल्लवीनांसुखावहा ॥ १६ ॥ रासमण्डलमध्यस्था रासकेलिकलोत्सुका । श्रीकृष्णालिङ्गितभुजा रासक्रीडाभिनन्दिनी ॥ १७ ॥ वृषभानुसुताराधा वृषभानुसुखप्रदा । वृषभानुसुतादेवी कीर्त्यानन्दप्रदायिनी ॥ १८ ॥ वृषभानुसुता तन्वी वृषभानोः कुलध्वजा । सर्वागमप्रिया सर्वाचारतत्परमानसा ॥ १९ ॥ प्रजासञ्जीवनी जीवनौषधीं परमामृता । प्रजासेव्या प्रजावन्द्या व्रजमानुषमुक्तिदा ॥ २० ॥ सौदामिनी दामप्रिया तपोयुक्ता तपोनिधिः । तापसीगीतगुणका तापसानां गतिप्रिया ॥ २१ ॥ तपः कर्त्री तपोयुक्ता तपोमूर्तिस्तपोमयी । तपसां सिद्धिदा सिद्धा सिद्धाचारविचारिणी ॥ २२ ॥ सिद्धागमा च सिद्धाख्या सिद्धिदात्री सुखावहा । सुखदासुखसंहृष्टा सुखाकारासुखालया ॥ २३ ॥ सखिभिः सेवितासेव्या सेवकानां शिवङ्करी । सेविकासेवितपदा सेवकार्पितमानसा ॥ २४ ॥ मनोवेगा मनोरूपा मनोगतिविडम्बिनी । मनसःप्रेरिका माया मायामयविनाशिनी ॥ २५ ॥ मोक्षदा मोक्षमार्गज्ञा मोक्षमार्गप्रकाशिनी । मोक्षरूपा मोक्षगृहा कर्त्री मोक्षस्य जाह्नवी ॥ २६ ॥ जह्नुकन्या जलावासा जलाधीशा जलप्रिया । समुद्रगा विहङ्गाच गङ्गा शिवशिरः स्थिता ॥ २७ ॥ शिवरूपा शिवकरी शिवहृद्या शिवंवदा । शिवप्रिया शिवगतिः शिवमार्गरतिप्रदा ॥ २८ ॥ शिवाचारप्रिया गुर्वी गुप्तिर्गुप्तगतिर्नृणाम् । गुप्ता गुप्ततरा गोप्या गोप्यविद्भिः समर्चिता ॥ २९ ॥ गुप्तालया गुप्तरूपा गुप्तमार्गप्रवर्तिका । लक्ष्मीह्रीश्रीदयामूर्तिस्तुष्टिः पुष्टिः स्तुतिः प्रभा ॥ ३० ॥ क्षमा मेधा सुधा विद्या शुद्धिर्बुद्धिधृतिर्गतिः । प्रचण्डचण्डमुण्डघ्नी रक्तबीजविनाशिनी ॥ ३१ ॥ मथुरा द्वारका काञ्ची माहिष्मत्यथ कौशिकी । अयोध्या कर्णिका काशीवासिनी कर्मवर्द्धिनी ॥ ३२ ॥ शान्ता शान्तिकरी पुष्टा शान्तविज्ञानदायिका । शान्तिरूपासदा साङ्गा साङ्गोपाङ्गगतिप्रिया ॥ ३३ ॥ मनोहरा मनोज्ञाच मनोवृत्तिप्रकाशिनी । मनःकान्तिभ्रमकरी भ्रामरी भ्रमकारिका ॥ ३४ ॥ जगद्भ्रमणधाराच जगतो मुक्तिकारिणी । जगन्माता जगद्धात्री जगज्जीवनजीविका ॥ ३५ ॥ जगन्मूर्तिर्जगद्देहा जगतां जीवनौषधी । जगतां बुद्धिसन्दात्री जगतां बुद्धिहारिणी ॥ ३६ ॥ माया मुद्रा महाविद्या महायोगीश्वरी मही । योगयुक्ता योगविद्या योगाङ्गायोगवल्लभा ॥ ३७ ॥ योगविद्येश्वरी योग्यायुक्ताहारासुखान्विता । योगैकसाध्या योगाद्या योगक्षेमप्रवाहिका ॥ ३८ ॥ वृन्दावनप्रिया वृन्दावृन्दावनविहारिणी । वृन्दावनकृतालास्या वृन्दावनवरार्चिता ॥ ३९ ॥ वृन्दावनस्थजन्तूनां सर्वतोभद्रकारिणी । वृन्दावनरसोत्कण्ठा वृन्दावनकृतालया ॥ ४० ॥

śrīśiva uvāca athātaḥ saṃpravakṣyāmi rādhānāmasahasrakam | śṛṇunārada bhadraṃ te gopanīyaṃ prayatnataḥ || 1 || prātaḥ sāyaṃ niśīthevā paṭhitavyaṃ mumukṣubhiḥ | trirācamya śucirbhūtvā yo japetsusamāhitaḥ || 2 || savaiṣṇavo viśuddhātmā jāyate nātra saṃśayaḥ | bahu kiṃ paṭhanādasya bhavedviṣṇusamaḥ pumān || 3 || māsaikapaṭhanādasya bhavetsarvārthasiddhidaḥ | māsadvayena devarṣe bhavedvai vaiṣṇavottamaḥ || 4 || so'mbarīṣaḥ sa prahlāda uddhavaḥ sa yudhiṣṭhiraḥ | sabhīṣma arjunaścaiva stavarājaṃ paṭhettu yaḥ || 5 || atha kiṃ bahunoktena varṇanena punaḥ punaḥ | yadyadiṣṭatamaṃ loke tattadāpnoti sādhakaḥ || 6 || rahasyaṃ kathayāmyadya yadvai nāmasahasrakam | idameva purā pṛṣṭaḥ kṛṣṇa uddhavamūcivān || 7 || atha stotram | oṃ śrīrādhārādhikā''rādhyā rādhākṛṣṇaśivādibhiḥ | gopikā goparājñī ca gopānandavidhāyinī || 8 || gopapūjyā gopahṛṣṭā gopagopībhirāvṛtā | gopāhlādakarī gopī gopāgopaśivaṅkarī || 9 || sundarī sundarākārā sundarottamavanditā | sundarānandasaṃhṛṣṭā sundarī bahubhāvinī || 10 || saundaryanilayārāmābhirāmā bahumānitā | śyāmā śyāmapriyā'śyāmā śyāmābhivanditā navā || 11 || lalitā lalitācārā lalitācāraśālinī | kṛṣṇā kṛṣṇakṛpākartrī kṛṣṇānandaparāyaṇā || 12 || kṛṣṇapriyā kṛṣṇapūjyā kṛṣṇākarṣaṇakāriṇī | kṛṣṇārādhyā kṛṣṇavandyā kṛtsnavartmanibuddhidā || 13 || kṛṣṇapūjanasarvasvā kṛṣṇadarśanatatparā | śrīkṛṣṇapadasarvasvā kṛṣṇakṛṣṇetivādinī || 14 || śrīkṛṣṇakāntasaktā ca kṛṣṇapremavivarddhinī || 15 || viśeṣā ca viśeṣajñā ballavī vallabhārcitā | ballavīnāñcahārdajñā ballavīnāṃsukhāvahā || 16 || rāsamaṇḍalamadhyasthā rāsakelikalotsukā | śrīkṛṣṇāliṅgitabhujā rāsakrīḍābhinandinī || 17 || vṛṣabhānusutārādhā vṛṣabhānusukhapradā | vṛṣabhānusutādevī kīrtyānandapradāyinī || 18 || vṛṣabhānusutā tanvī vṛṣabhānoḥ kuladhvajā | sarvāgamapriyā sarvācāratatparamānasā || 19 || prajāsañjīvanī jīvanauṣadhīṃ paramāmṛtā | prajāsevyā prajāvandyā vrajamānuṣamuktidā || 20 || saudāminī dāmapriyā tapoyuktā taponidhiḥ | tāpasīgītaguṇakā tāpasānāṃ gatipriyā || 21 || tapaḥ kartrī tapoyuktā tapomūrtistapomayī | tapasāṃ siddhidā siddhā siddhācāravicāriṇī || 22 || siddhāgamā ca siddhākhyā siddhidātrī sukhāvahā | sukhadāsukhasaṃhṛṣṭā sukhākārāsukhālayā || 23 || sakhibhiḥ sevitāsevyā sevakānāṃ śivaṅkarī | sevikāsevitapadā sevakārpitamānasā || 24 || manovegā manorūpā manogativiḍambinī | manasaḥprerikā māyā māyāmayavināśinī || 25 || mokṣadā mokṣamārgajñā mokṣamārgaprakāśinī | mokṣarūpā mokṣagṛhā kartrī mokṣasya jāhnavī || 26 || jahnukanyā jalāvāsā jalādhīśā jalapriyā | samudragā vihaṅgāca gaṅgā śivaśiraḥ sthitā || 27 || śivarūpā śivakarī śivahṛdyā śivaṃvadā | śivapriyā śivagatiḥ śivamārgaratipradā || 28 || śivācārapriyā gurvī guptirguptagatirnṛṇām | guptā guptatarā gopyā gopyavidbhiḥ samarcitā || 29 || guptālayā guptarūpā guptamārgapravartikā | lakṣmīhrīśrīdayāmūrtistuṣṭiḥ puṣṭiḥ stutiḥ prabhā || 30 || kṣamā medhā sudhā vidyā śuddhirbuddhidhṛtirgatiḥ | pracaṇḍacaṇḍamuṇḍaghnī raktabījavināśinī || 31 || mathurā dvārakā kāñcī māhiṣmatyatha kauśikī | ayodhyā karṇikā kāśīvāsinī karmavarddhinī || 32 || śāntā śāntikarī puṣṭā śāntavijñānadāyikā | śāntirūpāsadā sāṅgā sāṅgopāṅgagatipriyā || 33 || manoharā manojñāca manovṛttiprakāśinī | manaḥkāntibhramakarī bhrāmarī bhramakārikā || 34 || jagadbhramaṇadhārāca jagato muktikāriṇī | jaganmātā jagaddhātrī jagajjīvanajīvikā || 35 || jaganmūrtirjagaddehā jagatāṃ jīvanauṣadhī | jagatāṃ buddhisandātrī jagatāṃ buddhihāriṇī || 36 || māyā mudrā mahāvidyā mahāyogīśvarī mahī | yogayuktā yogavidyā yogāṅgāyogavallabhā || 37 || yogavidyeśvarī yogyāyuktāhārāsukhānvitā | yogaikasādhyā yogādyā yogakṣemapravāhikā || 38 || vṛndāvanapriyā vṛndāvṛndāvanavihāriṇī | vṛndāvanakṛtālāsyā vṛndāvanavarārcitā || 39 || vṛndāvanasthajantūnāṃ sarvatobhadrakāriṇī | vṛndāvanarasotkaṇṭhā vṛndāvanakṛtālayā || 40 ||