Complete witness positions 81–120

रुक्माधारारुक्मरुक्मा रुक्मिणी रुक्मप्रीतिदा । कामिनी कामभूः काम्या कमनीया कुटुम्बिनी ॥ ८१ ॥ कमनीयस्वभावाढ्या करुणाकारिणी कुरुः । कामरूपा काम्यमाना कामदेवकृपाधरा ॥ ८२ ॥ कालकर्त्री कला कल्या कलिनी कुलभामिनी । तुलसी च तुला तन्द्रा तोतला तारका ध्वनिः ॥ ८३ ॥ तनुका तालवद्दीर्घा तारिणी तामसी नवा । रम्भा तिलोत्तमा रम्या रमणीया वसुन्धरा ॥ ८४ ॥ कोकिला कलनिर्ह्रादा कलकण्ठी कलासुधा । सुधापानमहानन्दा शुद्धाचारपरायणा ॥ ८५ ॥ सुधासमुद्रलहरी सुधासिन्धुनिवासिनी । सुधामयी सुधामूर्तिः सुधाकान्तिः सुधाह्वया ॥ ८६ ॥ सुधीभिर्वन्दिता शुद्धा शुद्धाङ्गी शुद्धकर्मदा । शुद्धमार्गरता शुद्धकारिका भक्तवत्सला ॥ ८७ ॥ भक्तागमनसाकाझी भक्तकीर्ति विधायिनी । सुषुम्नाच सुषामा च सुषमा परमा मता ॥ ८८ ॥ इडा चेड्या महद्भिः सा सूर्यवाहा सुशर्मदा । चन्द्रादित्यकला ज्योतिः सूर्यचन्द्रसुकुण्डला ॥ ८९ ॥ सूर्यमण्डलमध्यस्था चन्द्रमण्डलमानिता । सूर्याग्निधाम्नी सर्वेषां धाम्नी धात्री धरित्रिणी ॥ ९० ॥ लज्जालज्जावती लज्जापूरिणी क्लेशनाशिनी । नानारूपधरा नानाव्याधिनाशनतत्परा ॥ ९१ ॥ नानागमरहस्यज्ञा नानासाधनसाधिका । नानामन्त्रविधानज्ञा नानामन्त्रस्वरूपिणी ॥ ९२ ॥ नानाभूषणभूषाङ्गी नानावस्त्वर्थगामिनी । नानानाट्यकलाभिज्ञा नानाश्लाघार्थज्ञापिका ॥ ९३ ॥ नानाकर्मकरी नानाकर्ममार्गविधायिका । तीर्थनाम्नी भीतिहरातीर्थश्रवणशोधिता ॥ ९४ ॥ तीर्थस्थितालङ्करणा तीर्थाश्रितसुखोन्मुखी । निरञ्जना निरालम्बा निराधारा निराश्रया ॥ ९५ ॥ निरीहा निस्पृहा नारी निर्द्वन्द्वा निरहङ्कृतिः । निर्गुणागुणसंयुक्ता निर्भ्रमा भ्रमवर्जिता ॥ ९६ ॥ गरुडासनगामीया गारुडी गरुडार्चिता । गरुडस्कन्धसंस्थाना गरुडार्तिविनाशिनी ॥ ९७ ॥ भावपूजकसर्वस्वा भावनिन्दकनाशिनी । भावानुगाच भाव्यज्ञा भावाभावस्वरूपिणी ॥ ९८ ॥ भूताभूतभविष्यादिज्ञानकर्त्री भवार्तिहा । चार्वङ्गी चतुरा चित्या चञ्चला चञ्चरीध्वनिः ॥ ९९ ॥ चामुण्डा चारुचरणा चिरचारणमोदिता । वामनी वर्तुलमुखी वृत्तिर्वृत्तान्तसेविता ॥ १०० ॥ प्रकृत्तिकारिणी प्राप्तिः प्राची प्राणाशुरक्षिणी । प्राणप्रतिष्ठा प्राकाम्या परमाणुप्रमाणिका ॥ १०१ ॥ परमा परमोत्कृष्टा परमाण्वी पराशरा । परभागवतैर्ध्याता परभागवताभिधा ॥ १०२ ॥ श्रीभागवतहार्दिक्या श्रीभागवतमानसा । श्रीभागवतनिष्ठाच श्रीभागवतभाविता ॥ १०३ ॥ श्रीभागवतसंविज्ज्ञा श्रीभागवतभाषिता । सावित्री श्रीसचिद्रूपासवितुः सुगतिप्रदा ॥ १०४ ॥ सवित्राराधितपदा सच्चिन्मण्डलमण्डिता । कल्पान्तस्थापिनी कल्पकल्पिता कल्पनाकुला ॥ १०५ ॥ कल्पकल्पायुषः कल्पकरी कल्पप्रभञ्जिका । मन्वन्तरप्रिया मन्वी मन्वन्तरमनुप्रिया ॥ १०६ ॥ शतरूपा शतगुणा शताक्षी च शकुन्तिनी । सहस्राक्षी दशशतभुजार्पितमहायुधा ॥ १०७ ॥ सहस्रशिरसी मातासहस्रचरणैर्युता । सहस्रदलपद्मान्तर्बद्धपद्मासनार्चिता ॥ १०८ ॥ षट्कोणयन्त्रनिलया षट्कोणस्थापितप्रभा । त्रिकोणगृहमध्यस्था त्रिकोणे पूजिता शुभा ॥ १०९ ॥ तुरीया चत्वरातन्त्री तन्त्रीस्वरविडम्बिनी । तन्त्रगीता तन्त्रसेव्या तन्त्रोक्ता तान्त्रिकी स्मृतिः ॥ ११० ॥ तन्त्रविद्या स्वतन्त्राच परतन्त्रप्रिया नदी । स्मृतिसंस्कारजननी संस्कृतिः संस्कृता पुरा ॥ १११ ॥ सन्ध्याध्यानरतिः शङ्का शक्तिः सर्वेषु जन्तुषु । सौम्या सोमानना सौम्यमार्गबुद्धिप्रदा नृणाम् ॥ ११२ ॥ सौम्यागमकरी शुद्धा सौम्यवार्ताविधायिनी । सौम्यमूर्तिः सौम्यदेहा सौम्याचारविशेषिका ॥ ११३ ॥ सौम्याराध्या सौम्ययुक्ता सौम्यपूजकपुत्रिणी । गुर्वी गुरुविधा गौरी गोरोचनविभूषणा ॥ ११४ ॥ गुरुभक्ता गुरुकुला गुरुज्ञाना गुरुस्पृहा । गुरुतालविशेषज्ञा गुरुपूज्या गुहालया ॥ ११५ ॥ सामज्ञा सामगासामविदितस्वार्थसाधना । शची सरस्वती दिव्यारुन्धती प्रमदोत्तमा ॥ ११६ ॥ जयदा जित्वरा याम्या जयजाप्या जपान्तिका । हविष्याहुतिभोक्त्री च हविर्धानी मुनिप्रिया ॥ ११७ ॥ होत्री होमक्रिया होमसन्तुष्टा होमवत्सला । यजुः प्रिया यजुर्माता यजुर्वेदप्रणालिका ॥ ११८ ॥ यजुर्वेदाभिलाषा च यजुर्वेदकृपाकरी । ऋचां सारार्थविदुषी ऋग्यजुः सामगायनी ॥ ११९ ॥ सामदानमितानन्दा सामगेया च सामगा । सामसामप्रिया सिद्धिः समाधिनिरतप्रिया ॥ १२० ॥

rukmādhārārukmarukmā rukmiṇī rukmaprītidā | kāminī kāmabhūḥ kāmyā kamanīyā kuṭumbinī || 81 || kamanīyasvabhāvāḍhyā karuṇākāriṇī kuruḥ | kāmarūpā kāmyamānā kāmadevakṛpādharā || 82 || kālakartrī kalā kalyā kalinī kulabhāminī | tulasī ca tulā tandrā totalā tārakā dhvaniḥ || 83 || tanukā tālavaddīrghā tāriṇī tāmasī navā | rambhā tilottamā ramyā ramaṇīyā vasundharā || 84 || kokilā kalanirhrādā kalakaṇṭhī kalāsudhā | sudhāpānamahānandā śuddhācāraparāyaṇā || 85 || sudhāsamudralaharī sudhāsindhunivāsinī | sudhāmayī sudhāmūrtiḥ sudhākāntiḥ sudhāhvayā || 86 || sudhībhirvanditā śuddhā śuddhāṅgī śuddhakarmadā | śuddhamārgaratā śuddhakārikā bhaktavatsalā || 87 || bhaktāgamanasākājhī bhaktakīrti vidhāyinī | suṣumnāca suṣāmā ca suṣamā paramā matā || 88 || iḍā ceḍyā mahadbhiḥ sā sūryavāhā suśarmadā | candrādityakalā jyotiḥ sūryacandrasukuṇḍalā || 89 || sūryamaṇḍalamadhyasthā candramaṇḍalamānitā | sūryāgnidhāmnī sarveṣāṃ dhāmnī dhātrī dharitriṇī || 90 || lajjālajjāvatī lajjāpūriṇī kleśanāśinī | nānārūpadharā nānāvyādhināśanatatparā || 91 || nānāgamarahasyajñā nānāsādhanasādhikā | nānāmantravidhānajñā nānāmantrasvarūpiṇī || 92 || nānābhūṣaṇabhūṣāṅgī nānāvastvarthagāminī | nānānāṭyakalābhijñā nānāślāghārthajñāpikā || 93 || nānākarmakarī nānākarmamārgavidhāyikā | tīrthanāmnī bhītiharātīrthaśravaṇaśodhitā || 94 || tīrthasthitālaṅkaraṇā tīrthāśritasukhonmukhī | nirañjanā nirālambā nirādhārā nirāśrayā || 95 || nirīhā nispṛhā nārī nirdvandvā nirahaṅkṛtiḥ | nirguṇāguṇasaṃyuktā nirbhramā bhramavarjitā || 96 || garuḍāsanagāmīyā gāruḍī garuḍārcitā | garuḍaskandhasaṃsthānā garuḍārtivināśinī || 97 || bhāvapūjakasarvasvā bhāvanindakanāśinī | bhāvānugāca bhāvyajñā bhāvābhāvasvarūpiṇī || 98 || bhūtābhūtabhaviṣyādijñānakartrī bhavārtihā | cārvaṅgī caturā cityā cañcalā cañcarīdhvaniḥ || 99 || cāmuṇḍā cārucaraṇā ciracāraṇamoditā | vāmanī vartulamukhī vṛttirvṛttāntasevitā || 100 || prakṛttikāriṇī prāptiḥ prācī prāṇāśurakṣiṇī | prāṇapratiṣṭhā prākāmyā paramāṇupramāṇikā || 101 || paramā paramotkṛṣṭā paramāṇvī parāśarā | parabhāgavatairdhyātā parabhāgavatābhidhā || 102 || śrībhāgavatahārdikyā śrībhāgavatamānasā | śrībhāgavataniṣṭhāca śrībhāgavatabhāvitā || 103 || śrībhāgavatasaṃvijjñā śrībhāgavatabhāṣitā | sāvitrī śrīsacidrūpāsavituḥ sugatipradā || 104 || savitrārādhitapadā saccinmaṇḍalamaṇḍitā | kalpāntasthāpinī kalpakalpitā kalpanākulā || 105 || kalpakalpāyuṣaḥ kalpakarī kalpaprabhañjikā | manvantarapriyā manvī manvantaramanupriyā || 106 || śatarūpā śataguṇā śatākṣī ca śakuntinī | sahasrākṣī daśaśatabhujārpitamahāyudhā || 107 || sahasraśirasī mātāsahasracaraṇairyutā | sahasradalapadmāntarbaddhapadmāsanārcitā || 108 || ṣaṭkoṇayantranilayā ṣaṭkoṇasthāpitaprabhā | trikoṇagṛhamadhyasthā trikoṇe pūjitā śubhā || 109 || turīyā catvarātantrī tantrīsvaraviḍambinī | tantragītā tantrasevyā tantroktā tāntrikī smṛtiḥ || 110 || tantravidyā svatantrāca paratantrapriyā nadī | smṛtisaṃskārajananī saṃskṛtiḥ saṃskṛtā purā || 111 || sandhyādhyānaratiḥ śaṅkā śaktiḥ sarveṣu jantuṣu | saumyā somānanā saumyamārgabuddhipradā nṛṇām || 112 || saumyāgamakarī śuddhā saumyavārtāvidhāyinī | saumyamūrtiḥ saumyadehā saumyācāraviśeṣikā || 113 || saumyārādhyā saumyayuktā saumyapūjakaputriṇī | gurvī guruvidhā gaurī gorocanavibhūṣaṇā || 114 || gurubhaktā gurukulā gurujñānā guruspṛhā | gurutālaviśeṣajñā gurupūjyā guhālayā || 115 || sāmajñā sāmagāsāmaviditasvārthasādhanā | śacī sarasvatī divyārundhatī pramadottamā || 116 || jayadā jitvarā yāmyā jayajāpyā japāntikā | haviṣyāhutibhoktrī ca havirdhānī munipriyā || 117 || hotrī homakriyā homasantuṣṭā homavatsalā | yajuḥ priyā yajurmātā yajurvedapraṇālikā || 118 || yajurvedābhilāṣā ca yajurvedakṛpākarī | ṛcāṃ sārārthaviduṣī ṛgyajuḥ sāmagāyanī || 119 || sāmadānamitānandā sāmageyā ca sāmagā | sāmasāmapriyā siddhiḥ samādhiniratapriyā || 120 ||