Complete witness positions 41–80

वृन्दावनप्रभावज्ञा वृन्दावनसुपूजिता । वेणुवादरता वेणुनादिनी कलभाषिणी ॥ ४१ ॥ वेष्णवी विष्णुनिरता विष्णुमायावसुन्धरा । वसुदा वसुकृद्रामा विष्णुवामाङ्गवासिनी ॥ ४२ ॥ विष्णुभक्तैः सदा सेव्या विष्णुभक्तहितैषिणी । विष्णुविद्या विष्णुरूपा विश्वज्ञा च विवेकिनी ॥ ४३ ॥ विवेकदायिका साध्वी सम्यक्साधुजनार्चिता । सम्यग्ज्ञानपरा सम्यक् सम्यग्विद्याविशारदा ॥ ४४ ॥ सारदा शारदा साध्या शरत्पूर्णनिभानना । शराह्वया सदाह्लादकारिणी जयदा मता ॥ ४५ ॥ माता मातामही मन्त्रा मूर्तिर्वन्द्या पितामही । अर्थैश्वर्यकरी प्रज्ञा ब्राह्मीनारायणी दया ॥ ४६ ॥ पुण्यापुण्यविधानज्ञा पुण्यदेवद्विजार्चिता । पुण्यमूर्तिः पुण्यदेहा पुण्यग्रामनिवासिनी ॥ ४७ ॥ गोकुलस्य प्रिया देवी गोकुले सर्वनर्मदा । गोकुलाचारसर्वज्ञा गोकुलस्य सुखार्थिनी ॥ ४८ ॥ गोकुलीयैः सदा ध्येया गोकुलाय गतिप्रदा । गोकुलाचारविदुषी गोकुलाचारवर्णिनी ॥ ४९ ॥ सुरारिदमनी दिव्या सुरवृन्दविनाशिनी । दुष्टदानवसंहत्रीं कंसचाणूरमर्दिनी ॥ ५० ॥ कुमारी कुलजा कुन्ती कुलस्त्री कुलपालिका । पाञ्चाली द्रौपदी सीता तारा शैब्याऽथ रुक्मिणी ॥ ५१ ॥ सत्यभामा तथा सत्या सत्यधर्मपरायणा । बृहतीच तथा स्थूला सूक्ष्मा ह्रस्वाच दीर्घिका ॥ ५२ ॥ यशोदादेवकी चित्तिरन्तःसंलग्नमानसा । रोहिणी कुब्जिका गुर्वी किशोरी षोडशाब्दिका ॥ ५३ ॥ चित्रिणी चित्रभावज्ञा चित्रकर्मकरी सदा । विचित्राभरणानन्दव्रजसौभाग्यवर्द्धिनी ॥ ५४ ॥ नन्दस्तुता नन्दप्रिया नन्दानन्दकरी मही । नन्दादिगोपैः प्रणता नन्दस्मरप्रभावती ॥ ५५ ॥ यमुनाकृतसङ्क्रीडा यमुनारूपधारिणी । यमुनायां सदास्नाता यमुनारामकारिणी ॥ ५६ ॥ गुणाढ्या गुणदा गुण्या त्रिगुणा गुणनिर्वृता । गुणान्विता गुणमयी गुणग्रामनिवासिनी ॥ ५७ ॥ गोपस्त्रीभिः परिवृता गोपकन्याविनोदिनी । गोपस्त्रीणां पराशक्तिः परमामृतवर्षिणी ॥ ५८ ॥ परमानन्दसन्तुष्टा ब्रह्मानन्दमयीश्वरी । ब्रह्मानन्दप्रिया ब्रह्मवादिनी ब्राह्मणप्रिया ॥ ५९ ॥ सरस्वती त्रिवेणी च पुष्करा पुष्करालया । त्रयीमयी स्मृतिमयी वेदमार्गविभूषणा ॥ ६० ॥ वेदमार्गरतावेदवेद्या विद्वत्सुपूजिता । पुराणगीतगुणिका पुराणव्रतशोभना ॥ ६१ ॥ पुराणातिपुराणाम्बा पुराणपरमार्थदा । भूता भूतप्रिया भूतग्रामपालनमानसा ॥ ६२ ॥ भूतवर्गधरा भूतपोषणव्रतपालिका । भूतानन्दकरी भूतमाता धात्री धृतिः क्रिया ॥ ६३ ॥ भूतप्राणप्रिया भूतरक्षिका भूतदर्पहा । शर्वाणी सर्वदा सार्वी सर्वमोहविधायिनी ॥ ६४ ॥ सर्वसङ्कटसंहर्त्री सर्वसिद्धिसमन्विता । सर्वाधारा सर्वमयी सर्वरूपा सदानवा ॥ ६५ ॥ सर्वशक्तिः परं ज्योतिः सर्वशस्त्रप्रणाशिका । रागिणी रागजननी रागभूमिर्दृढव्रता ॥ ६६ ॥ रागवश्या वीतरागा सर्वरागानुरागिणी । धर्मदा धर्मधारा च धनदा धान्यदा शुचिः ॥ ६७ ॥ भोगमुक्तिव्रताधारा भोगमुक्तिस्वरूपिणी । पाननी पावनगुणा पामराणां च पावनी ॥ ६८ ॥ पावनश्राविणी शश्वत्पावनश्रवणात्मिका । पार्वती पर्वतसुता पर्वतेषु विहारिणी ॥ ६९ ॥ श्रीकृष्णान्वेषणपरा कृष्णदर्शनलालसा । तत्त्वात्मिका तत्त्वभावा तत्त्वानां तत्त्ववर्धिनी ॥ ७० ॥ तत्त्वानुरागिणी बाला तत्त्वाकर्षणकारिणी । तत्त्वोत्पत्तिविधानज्ञा तत्त्वानां नाशकारिणी ॥ ७१ ॥ तत्त्वविद्भिः सदा ध्याता तत्त्वविन्मोक्षदायिका । तत्त्वविद्विघ्नशमनी तत्त्वविद्याधिकारिका ॥ ७२ ॥ तत्त्ववित्प्रदसर्वस्वा तत्त्ववित्प्राणरक्षिका । शङ्खिनी शङ्खहस्ता च शङ्खनादकरी प्रिया ॥ ७३ ॥ चक्रिणी चक्रवृत्तिज्ञा दुष्टचक्रक्षयङ्करी । शूलिनी शूलहस्ता च भक्ताशूलकरी सदा ॥ ७४ ॥ गदनिगदसंहर्त्री अगदङ्कारजीविनी । सदाचाररता साध्वी सदाचारप्रकाशिनी ॥ ७५ ॥ सदाचाराऽसदाचारदूरकर्त्री सदार्तिहा । सदाचारविशेषा च सदाचारप्रमाणिका ॥ ७६ ॥ सङ्केतनिरता लोला सङ्केतसुसमाहिता । सङ्केतस्वामिनी श्यामा सङ्केतप्रीतिदा शुभा ॥ ७७ ॥ सुसङ्केतकृतक्रीडा सङ्केतकृतनिश्चया । रामारामागता रामप्रिया दुःखादिभञ्जिका ॥ ७८ ॥ पद्मा पद्ममुखी पद्मवासिनी पद्मभूषणा । पद्मालया पद्महस्ता पद्माक्षी पद्मिनी पुरी ॥ ७९ ॥ पद्मवर्णा पद्मगर्भा पद्मानाम्नी महानिधिः । रुक्माङ्गपारुक्मपर्णा रुक्मदात्री च निर्भया ॥ ८० ॥

vṛndāvanaprabhāvajñā vṛndāvanasupūjitā | veṇuvādaratā veṇunādinī kalabhāṣiṇī || 41 || veṣṇavī viṣṇuniratā viṣṇumāyāvasundharā | vasudā vasukṛdrāmā viṣṇuvāmāṅgavāsinī || 42 || viṣṇubhaktaiḥ sadā sevyā viṣṇubhaktahitaiṣiṇī | viṣṇuvidyā viṣṇurūpā viśvajñā ca vivekinī || 43 || vivekadāyikā sādhvī samyaksādhujanārcitā | samyagjñānaparā samyak samyagvidyāviśāradā || 44 || sāradā śāradā sādhyā śaratpūrṇanibhānanā | śarāhvayā sadāhlādakāriṇī jayadā matā || 45 || mātā mātāmahī mantrā mūrtirvandyā pitāmahī | arthaiśvaryakarī prajñā brāhmīnārāyaṇī dayā || 46 || puṇyāpuṇyavidhānajñā puṇyadevadvijārcitā | puṇyamūrtiḥ puṇyadehā puṇyagrāmanivāsinī || 47 || gokulasya priyā devī gokule sarvanarmadā | gokulācārasarvajñā gokulasya sukhārthinī || 48 || gokulīyaiḥ sadā dhyeyā gokulāya gatipradā | gokulācāraviduṣī gokulācāravarṇinī || 49 || surāridamanī divyā suravṛndavināśinī | duṣṭadānavasaṃhatrīṃ kaṃsacāṇūramardinī || 50 || kumārī kulajā kuntī kulastrī kulapālikā | pāñcālī draupadī sītā tārā śaibyā'tha rukmiṇī || 51 || satyabhāmā tathā satyā satyadharmaparāyaṇā | bṛhatīca tathā sthūlā sūkṣmā hrasvāca dīrghikā || 52 || yaśodādevakī cittirantaḥsaṃlagnamānasā | rohiṇī kubjikā gurvī kiśorī ṣoḍaśābdikā || 53 || citriṇī citrabhāvajñā citrakarmakarī sadā | vicitrābharaṇānandavrajasaubhāgyavarddhinī || 54 || nandastutā nandapriyā nandānandakarī mahī | nandādigopaiḥ praṇatā nandasmaraprabhāvatī || 55 || yamunākṛtasaṅkrīḍā yamunārūpadhāriṇī | yamunāyāṃ sadāsnātā yamunārāmakāriṇī || 56 || guṇāḍhyā guṇadā guṇyā triguṇā guṇanirvṛtā | guṇānvitā guṇamayī guṇagrāmanivāsinī || 57 || gopastrībhiḥ parivṛtā gopakanyāvinodinī | gopastrīṇāṃ parāśaktiḥ paramāmṛtavarṣiṇī || 58 || paramānandasantuṣṭā brahmānandamayīśvarī | brahmānandapriyā brahmavādinī brāhmaṇapriyā || 59 || sarasvatī triveṇī ca puṣkarā puṣkarālayā | trayīmayī smṛtimayī vedamārgavibhūṣaṇā || 60 || vedamārgaratāvedavedyā vidvatsupūjitā | purāṇagītaguṇikā purāṇavrataśobhanā || 61 || purāṇātipurāṇāmbā purāṇaparamārthadā | bhūtā bhūtapriyā bhūtagrāmapālanamānasā || 62 || bhūtavargadharā bhūtapoṣaṇavratapālikā | bhūtānandakarī bhūtamātā dhātrī dhṛtiḥ kriyā || 63 || bhūtaprāṇapriyā bhūtarakṣikā bhūtadarpahā | śarvāṇī sarvadā sārvī sarvamohavidhāyinī || 64 || sarvasaṅkaṭasaṃhartrī sarvasiddhisamanvitā | sarvādhārā sarvamayī sarvarūpā sadānavā || 65 || sarvaśaktiḥ paraṃ jyotiḥ sarvaśastrapraṇāśikā | rāgiṇī rāgajananī rāgabhūmirdṛḍhavratā || 66 || rāgavaśyā vītarāgā sarvarāgānurāgiṇī | dharmadā dharmadhārā ca dhanadā dhānyadā śuciḥ || 67 || bhogamuktivratādhārā bhogamuktisvarūpiṇī | pānanī pāvanaguṇā pāmarāṇāṃ ca pāvanī || 68 || pāvanaśrāviṇī śaśvatpāvanaśravaṇātmikā | pārvatī parvatasutā parvateṣu vihāriṇī || 69 || śrīkṛṣṇānveṣaṇaparā kṛṣṇadarśanalālasā | tattvātmikā tattvabhāvā tattvānāṃ tattvavardhinī || 70 || tattvānurāgiṇī bālā tattvākarṣaṇakāriṇī | tattvotpattividhānajñā tattvānāṃ nāśakāriṇī || 71 || tattvavidbhiḥ sadā dhyātā tattvavinmokṣadāyikā | tattvavidvighnaśamanī tattvavidyādhikārikā || 72 || tattvavitpradasarvasvā tattvavitprāṇarakṣikā | śaṅkhinī śaṅkhahastā ca śaṅkhanādakarī priyā || 73 || cakriṇī cakravṛttijñā duṣṭacakrakṣayaṅkarī | śūlinī śūlahastā ca bhaktāśūlakarī sadā || 74 || gadanigadasaṃhartrī agadaṅkārajīvinī | sadācāraratā sādhvī sadācāraprakāśinī || 75 || sadācārā'sadācāradūrakartrī sadārtihā | sadācāraviśeṣā ca sadācārapramāṇikā || 76 || saṅketaniratā lolā saṅketasusamāhitā | saṅketasvāminī śyāmā saṅketaprītidā śubhā || 77 || susaṅketakṛtakrīḍā saṅketakṛtaniścayā | rāmārāmāgatā rāmapriyā duḥkhādibhañjikā || 78 || padmā padmamukhī padmavāsinī padmabhūṣaṇā | padmālayā padmahastā padmākṣī padminī purī || 79 || padmavarṇā padmagarbhā padmānāmnī mahānidhiḥ | rukmāṅgapārukmaparṇā rukmadātrī ca nirbhayā || 80 ||