Source positions 185–208 · printed 185–208
Source॥ फलश्रुती ॥ श्रीमहादेव उवाच इत्येतत् कथितं देवि राधानामसहस्रकम् । यः पठेत् पाठयद्वापि तस्य तुष्यति माधवः ॥ १८५ ॥ किं तस्य यमुनाभिर्वा नदीभिः सर्वतः प्रिये । कुरुक्षेत्रादितीर्थैश्च यस्य तुष्टो जनार्दनः ॥ १८६ ॥ स्तोत्रस्यास्य प्रसादेन किं न सिध्यति भूतले । ब्राह्मणो ब्रह्मवर्चाः स्यात् क्षत्रियो जगतिपतिः ॥ १८७ ॥ वैश्यो निधिपतिर्भूयात् शूद्रो मुच्येत जन्मतः । ब्रह्महत्यासुरापानस्तेयादेरतिपातकात् ॥ १८८ ॥ सद्यो मुच्येत देवेशि सत्यं सत्यं न संशयः । राधानामसहस्रस्य समानं नास्ति भूतले ॥ १८९ ॥ स्वर्गे वाप्यथ पाताले गिरौ व जलतोऽपि वा । नातः परं शुभं स्तोत्रम् तीर्थं नातः परं परम् ॥ १९० ॥ एकादश्यां शुचिर्भूत्वा यः पठेत् सुसमाहितः । तस्य सर्वार्थसिद्धिः स्याच्छृणुयाद् वा सुशोभने ॥ १९१ ॥ द्वादश्यां पौर्णमास्यां वा तुलसीसन्निधौ शिवे । यः पठेत् शृणुयाद्वापि तस्य तत्तत् फलं शृणु ॥ १९२ ॥ अश्वमेधं राजसूयं बार्हस्पत्यं तथाऽऽत्रिकम् । अतिरात्रं वाजपेयमग्निष्टोमं तथा शुभम् ॥ १९३ ॥ कृत्वा यत् फलमाप्नोति श्रुत्वा तत् फलमाप्नुयात् । कार्त्तिके चाष्टमीं प्राप्य पठेद्वा शृणुयादपि ॥ १९४ ॥ सहस्रयुगकल्पान्तं वैकुण्ठवसतिं लभेत् । ततश्च ब्रह्मभवने शिवस्य भवने पुनः ॥ १९५ ॥ सुराधिनाथभवने पुनर्याति सलोकताम् । गङ्गातीरं समासाद्य यः पठेत् शृणुयादपि ॥ १९६ ॥ विष्णोः सारूप्यमायाति सत्यं सत्यं सुरेश्वरि । मम वक्त्रगिरेर्जाता पार्वतीवदनाश्रिता ॥ १९७ ॥ राधानाथसहस्राख्या नदी त्रैलोक्यपावनी । पठ्यते हि मया नित्यं भक्त्या शक्त्या यथोचितम् ॥ १९८ ॥ मम प्राणसमं ह्यन्यत्त् तव प्रीत्या प्रकाशितम् । नाभक्ताय प्रदातव्यं पाखण्डाय कदाचन ॥ १९९ ॥ नास्तिकायाविरागाय रागयुक्ताय सुन्दरि । तथा देयं महास्तोत्रं हरिभक्ताय शङ्करि ॥ २०० ॥ वैष्णवेषु यथाशक्ति दात्रे पुण्यार्थशालिने । राधानामसुधावारि मम वक्त्रसुधाम्बुधेः ॥ २०१ ॥ उद्धृतासौ त्वया यत्नात् यतस्त्वं वैष्णवाग्रणीः ॥ २०२ ॥ विशुद्धसत्त्वाय यथार्थवादिने द्विजस्य सेवानिरताय मन्त्रिणे । दात्रे यथाशक्ति सुभक्तिमानसे राधापदध्यानपराय शोभने ॥ २०३ ॥ हरिपादाङ्कमधुपमनोभूताय मानसे । राधापादसुधास्वादशालिने वैष्णवाय च ॥ २०४ ॥ दद्यात् स्तोत्रं महापुण्यं हरिभक्तिप्रसाधनम् । जन्मान्तरं न तस्यास्ति राधाकृष्णपदार्थिनः ॥ २०५ ॥ मम प्राणा वैष्णवा हि तेषां रक्षार्थमेव हि । शूलं मया धर्यते हि नान्यथा मेऽत्र कारणम् ॥ २०६ ॥ हरिभक्तिद्विषामर्थे शूलं सन्धर्यते मया । शृणु देवि यथार्थं मे गदितं त्वयि सुव्रते ॥ २०७ ॥ भक्तासि मे प्रियासि त्वमतः स्नेहात् प्रकाशितम् । कदापि नोच्यते देवि मया नामसहस्रकम् ॥ २०८ ॥
|| phalaśrutī || śrīmahādeva uvāca ityetat kathitaṃ devi rādhānāmasahasrakam | yaḥ paṭhet pāṭhayadvāpi tasya tuṣyati mādhavaḥ || 185 || kiṃ tasya yamunābhirvā nadībhiḥ sarvataḥ priye | kurukṣetrāditīrthaiśca yasya tuṣṭo janārdanaḥ || 186 || stotrasyāsya prasādena kiṃ na sidhyati bhūtale | brāhmaṇo brahmavarcāḥ syāt kṣatriyo jagatipatiḥ || 187 || vaiśyo nidhipatirbhūyāt śūdro mucyeta janmataḥ | brahmahatyāsurāpānasteyāderatipātakāt || 188 || sadyo mucyeta deveśi satyaṃ satyaṃ na saṃśayaḥ | rādhānāmasahasrasya samānaṃ nāsti bhūtale || 189 || svarge vāpyatha pātāle girau va jalato'pi vā | nātaḥ paraṃ śubhaṃ stotram tīrthaṃ nātaḥ paraṃ param || 190 || ekādaśyāṃ śucirbhūtvā yaḥ paṭhet susamāhitaḥ | tasya sarvārthasiddhiḥ syācchṛṇuyād vā suśobhane || 191 || dvādaśyāṃ paurṇamāsyāṃ vā tulasīsannidhau śive | yaḥ paṭhet śṛṇuyādvāpi tasya tattat phalaṃ śṛṇu || 192 || aśvamedhaṃ rājasūyaṃ bārhaspatyaṃ tathā''trikam | atirātraṃ vājapeyamagniṣṭomaṃ tathā śubham || 193 || kṛtvā yat phalamāpnoti śrutvā tat phalamāpnuyāt | kārttike cāṣṭamīṃ prāpya paṭhedvā śṛṇuyādapi || 194 || sahasrayugakalpāntaṃ vaikuṇṭhavasatiṃ labhet | tataśca brahmabhavane śivasya bhavane punaḥ || 195 || surādhināthabhavane punaryāti salokatām | gaṅgātīraṃ samāsādya yaḥ paṭhet śṛṇuyādapi || 196 || viṣṇoḥ sārūpyamāyāti satyaṃ satyaṃ sureśvari | mama vaktragirerjātā pārvatīvadanāśritā || 197 || rādhānāthasahasrākhyā nadī trailokyapāvanī | paṭhyate hi mayā nityaṃ bhaktyā śaktyā yathocitam || 198 || mama prāṇasamaṃ hyanyatt tava prītyā prakāśitam | nābhaktāya pradātavyaṃ pākhaṇḍāya kadācana || 199 || nāstikāyāvirāgāya rāgayuktāya sundari | tathā deyaṃ mahāstotraṃ haribhaktāya śaṅkari || 200 || vaiṣṇaveṣu yathāśakti dātre puṇyārthaśāline | rādhānāmasudhāvāri mama vaktrasudhāmbudheḥ || 201 || uddhṛtāsau tvayā yatnāt yatastvaṃ vaiṣṇavāgraṇīḥ || 202 || viśuddhasattvāya yathārthavādine dvijasya sevāniratāya mantriṇe | dātre yathāśakti subhaktimānase rādhāpadadhyānaparāya śobhane || 203 || haripādāṅkamadhupamanobhūtāya mānase | rādhāpādasudhāsvādaśāline vaiṣṇavāya ca || 204 || dadyāt stotraṃ mahāpuṇyaṃ haribhaktiprasādhanam | janmāntaraṃ na tasyāsti rādhākṛṣṇapadārthinaḥ || 205 || mama prāṇā vaiṣṇavā hi teṣāṃ rakṣārthameva hi | śūlaṃ mayā dharyate hi nānyathā me'tra kāraṇam || 206 || haribhaktidviṣāmarthe śūlaṃ sandharyate mayā | śṛṇu devi yathārthaṃ me gaditaṃ tvayi suvrate || 207 || bhaktāsi me priyāsi tvamataḥ snehāt prakāśitam | kadāpi nocyate devi mayā nāmasahasrakam || 208 ||
English translation
Lord Śiva said: Thus I have spoken to you the thousand names of Śrī Rādhā. Lord Mādhava is pleased with anyone who reads or has someone else read these names. When one pleases Lord Janārdana what need has he for the sacred rivers headed by the Yamunā, or the holy places headed by Kurukṣetra? What perfection is not attained in this world by the mercy of this prayer? By its mercy a brāhmaṇa becomes powerful as the demigod Brahmā and a kṣatriya becomes king of the world. By its mercy a vaiśya becomes the master of great wealth and a śūdra becomes free from his low birth. By its mercy one becomes free from a host of sins beginning with killing a brāhmaṇa, drinking wine, and committing theft. O queen of the demigods, it is true. There is no doubt it is true. In this world there is nothing equal to the thousand names of Śrī Rādhā. In Svargaloka, in Pātālaloka, on the mountains, or in the oceans no prayer is better than this prayer, no holy place is better than this prayer. A person who becomes clean and attentively reads or hears this prayer on the ekādaśī day attains all his desires, O beautiful one. O auspicious one, please hear the result attained by a person who reads or hears this prayer in the presence of Tulasī-devī on a dvādaśi or on the full-moon day. A person who reads or hears this prayer attains the same result as if he had performed aśvamedha, rājasūya, bārhaspatya, trika, atirātra, vājapeya, and agniṣṭoma yajña. A person who reads or hears this prayer on the aṣṭamī day of the month of Kārttika lives in Vaikuṇṭha for thousands of yugas. He goes to Brahmā's abode, Śiva's abode, and Indra's abode. A person who on the Ganges shore reads or hears this prayer attains a spiritual form like that of Lord Viṣṇu. O queen of the demigods, it is true! It is true! This prayer, called the thousand names of Śrī Rādhā, is a river born on the mountain of my words that now takes shelter in the mouth of Śrī Pārvatī, a river that purifies the three worlds. I regularly read this prayer with devotion, as far as I am able. This prayer is dear to me as life. That is why I have revealed it to you, my beloved. O beautiful one, this prayer should never be given to one who is not a devotee, to a blasphemer, to an atheist, to one who is not austere, or to one filled with material desires. O auspicious one, this prayer should be given to one who is devoted to Lord Hari. It should be given to a pious person who will in turn give it to the Vaiṣṇavas as far as he is able. You are the best of Vaiṣṇavas because you have carefully taken the nectar of Śrī Rādhā's names from the nectar ocean of my words. O beautiful one, a person who gives this very sacred prayer, which gives Kṛṣṇa- bhakti, to one situated in the mode of pure goodness, to one who speaks the truth, to one who chants sacred mantras, to one who gives charity as far as he is able, to one whose heart is devoted to the Lord, to one who meditates on Śrī Rādhā's feet, to one whose mind is a bumblebee at the lotus flower of Lord Hari's feet, to one who is thoughtful, to one who tastes the nectar at Śrī Rādhā's feet, or to one who is a Vaiṣṇava, attains Śrī Śrī Rādhā-Kṛṣṇa's feet. He does not take birth again. The Vaiṣṇavas are my very life. I carry my trident to protect them. There is no other reason. I carry my trident to punish they who hate the devotees of Lord Hari. Hear this, O pious goddess, for to you I speak the truth. You are my devotee and You are dear to me. Therefore, out of affection I have revealed this to you. O goddess, I have never before spoken these thousand names.
The complete twenty-four-verse phalaśruti, aligned to the translation's twenty-three displayed text groups.