4.7.1
Sourceपुष्टिं निज-विभावाद्यैर् जुगुप्सा-रतिर् आगता । असौ भक्ति-रसो धीरैर् बीभत्साख्य इतीर्यते
puṣṭiṃ nija-vibhāvādyair jugupsā-ratir āgatā | asau bhakti-raso dhīrair bībhatsākhya itīryate
English translation
“When jugupsa - rati is nourished by its vibhāvas and other elements [of rasa ], it is called bībhatsa - bhakti -rasa by the wise.”
4.7.2
Sourceअस्मिन्न् आश्रित-शान्ताद्या धीरैर् आलम्बना मताः
asminn āśrita-śāntādyā dhīrair ālambanā matāḥ
English translation
“The aśritas and śānta -bhaktas and other who are not close to the Lord are the ālambana of this rasa .”
4.7.3
Sourceपाण्डित्यं रत-हिण्डकाध्वनि गतो यः काम-दीक्षा-व्रती कुर्वन् पूर्वम् अशेष-षिड्ग-नगरी साम्राज्य-चर्याम् अभूत् । चित्रं सो ऽयम् उदीरयन् हरि-गुणान् उद्बाष्प-दृष्टिर् जनो दृष्टे स्त्री-वदने विकूणित-मुखो विष्टभ्य निष्ठीवति
pāṇḍityaṃ rata-hiṇḍakādhvani gato yaḥ kāma-dīkṣā-vratī kurvan pūrvam aśeṣa-ṣiḍga-nagarī sāmrājya-caryām abhūt | citraṃ so 'yam udīrayan hari-guṇān udbāṣpa-dṛṣṭir jano dṛṣṭe strī-vadane vikūṇita-mukho viṣṭabhya niṣṭhīvati
English translation
An example: “Astonishingly, those persons who previously were clever in methods of seducing women, and dedicated to lust, ruling over lecherous cities, now continually chant the Holy Name of the Lord with tears in their eyes. When they see the face of a woman, they twist their faces, and becoming motionless, spit.”
4.7.4
Sourceअत्र निष्ठीवनं वक्त्र-कूणनं घ्राण-संवृतिः । धावनं कम्प-पुलक-प्रस्वेदाद्याश् च विक्रियाः
atra niṣṭhīvanaṃ vaktra-kūṇanaṃ ghrāṇa-saṃvṛtiḥ | dhāvanaṃ kampa-pulaka-prasvedādyāś ca vikriyāḥ
English translation
“The anubhāvas of this rasa are spitting, distorting the face in disgust, covering the nose, running, quivering of the body, hair standing on end and perspiration.”
4.7.5
Sourceइह ग्लानि-श्रमोन्माद-मोह-निर्वेद-दीनताः । विषाद-चापलावेग-जाड्याद्यो व्यभिचारिणः
iha glāni-śramonmāda-moha-nirveda-dīnatāḥ | viṣāda-cāpalāvega-jāḍyādyo vyabhicāriṇaḥ
English translation
“The vyabhicārī-bhāvas of this rasa are glāni , śrama , unmāda , moha , nirveda , dainya , viṣāda , cāpalya and jāḍyam .”
4.7.6
Sourceजुगुप्सा-रतिर् अत्र स्यात् स्थायी सा च विवेकजा । प्रायिकी चेति कथिता जुगुप्सा द्वि-विधा बुधैः
jugupsā-ratir atra syāt sthāyī sā ca vivekajā | prāyikī ceti kathitā jugupsā dvi-vidhā budhaiḥ
English translation
“The sthāyī - bhāva of this rasa is jugupsā - rati . According to the wise, there are two types of jugupsā-rati: vivekaja (arising from discrimination) and prāyikī (common).”
4.7.7
Sourceतत्र विवेकजा-- जात-कृष्ण-रतेर् भक्त-विशेषस्य तु कस्यचित् । विवेकोत्था तु देहादौ जुगुप्सा स्याद् विवेकजा
tatra vivekajā-- jāta-kṛṣṇa-rater bhakta-viśeṣasya tu kasyacit | vivekotthā tu dehādau jugupsā syād vivekajā
English translation
“Disgust for the body arising from analytical contemplation in certain devotees who have developed rati for Kṛṣṇa is called disgust arising from discrimination or vivekaja- jugupsā -rati. ”
4.7.8
Sourceघन-रुधिर-मये त्वचा पिनद्धे पिशित-विमिश्रित-विस्र-गन्ध-भाजि । कथम् इह रमतां बुधः शरीरे भगवति हन्त रतेर् लवे ऽप्य् उदीर्णे
ghana-rudhira-maye tvacā pinaddhe piśita-vimiśrita-visra-gandha-bhāji | katham iha ramatāṃ budhaḥ śarīre bhagavati hanta rater lave 'py udīrṇe
English translation
An example of disgust arising from discrimination: “When a person develops attraction for the Lord, how can he be attracted to this body made of flesh, smelling of raw meat, composed of thick blood and covered by skin?”
4.7.9
Sourceअथ प्रायिकी-- अमेध्य-पूत्य्-अनुभवात् सर्वेषाम् एव सर्वतः । या प्रायो जायते सेयं जुगुप्सा प्रायिकी मता
atha prāyikī-- amedhya-pūty-anubhavāt sarveṣām eva sarvataḥ | yā prāyo jāyate seyaṃ jugupsā prāyikī matā
English translation
“Disgust arising in all types of people and in all sorts of circumstances from impure or foul-smelling things is called prāyikī (common) disgust.”
4.7.10
Sourceअसृङ्-मूत्राकीर्णे घन-शमल-पङ्क-व्यतिकरे वसन्न् एष क्लिन्नो जड-तनुर् अहं मातुर् उदरे । लभे चेतः-क्षोभं तव भजन-कर्माक्षमतया तद् अस्मिन् कंसारे कुरु मयि कृपा-सागर कृपाम्
asṛṅ-mūtrākīrṇe ghana-śamala-paṅka-vyatikare vasann eṣa klinno jaḍa-tanur ahaṃ mātur udare | labhe cetaḥ-kṣobhaṃ tava bhajana-karmākṣamatayā tad asmin kaṃsāre kuru mayi kṛpā-sāgara kṛpām
English translation
An example of general disgust: “O enemy of Kaṃsa ! Trapped in this body, living in the mother’s womb in contact with a thick muck of skin, covered with urine and blood, I am distressed in heart. Ocean of mercy, please be merciful to me, who am unable to worship You.”
4.7.11
Sourceघ्राणोद्घूर्णक-पूत-गन्धि-विकटे कीटाकुले देहली- स्रस्त-व्याधित-यूथ-गूथ-घटना-निर्धूत-नेत्रायुषि । कारा-नामनि हन्त मागध-यमेनामी वयं नारके क्षिप्तास् ते स्मृतिम् आकलय्य नरक-ध्वंसिन्न् इह प्राणिमः
ghrāṇodghūrṇaka-pūta-gandhi-vikaṭe kīṭākule dehalī- srasta-vyādhita-yūtha-gūtha-ghaṭanā-nirdhūta-netrāyuṣi | kārā-nāmani hanta māgadha-yamenāmī vayaṃ nārake kṣiptās te smṛtim ākalayya naraka-dhvaṃsinn iha prāṇimaḥ
English translation
Another example: “We have been thrown by the personification of death, Jarāsandha into this prison, the summation of all hells, which destroys vision with piles of stool from sick humans lying in a yard infested with terrible worms, whose stink makes the nose unsteady. O destroyer of hell! We maintain our lives only by remembering You.”
4.7.12
Sourceलब्ध-कृष्ण-रतेर् एव सुष्ठु पूतं मनः सदा । क्षुभ्यत्य् अहृद्य् अलेशे ऽपि ततो ऽस्यां रत्य्-अनुग्रहः
labdha-kṛṣṇa-rater eva suṣṭhu pūtaṃ manaḥ sadā | kṣubhyaty ahṛdy aleśe 'pi tato 'syāṃ raty-anugrahaḥ
English translation
“The pure minds of those who have attained rati for Kṛṣṇa become disturbed by even a small amount of unwanted things. Thus there is nourishment of the primary ratis in jugupsā -rati. ”
4.7.13
Sourceहास्यादीनां रसत्वं यद् गौणत्वेनापि कीर्तितम् । प्राचां मतानुसारेण तद् विज्ञेयं मनीषिभिः
hāsyādīnāṃ rasatvaṃ yad gauṇatvenāpi kīrtitam | prācāṃ matānusāreṇa tad vijñeyaṃ manīṣibhiḥ
English translation
“That the ratis starting with hāsya are accepted as secondary rasas is understood by the wise to be according to the opinions of ancient scholars such as Bharata Muni .”
4.7.14
Sourceअमी पञ्चैव शान्ताद्या हरेर् भक्ति-रसा मताः । एषु हास्यादयः प्रायो बिभ्रति व्यभिचारिताम्
amī pañcaiva śāntādyā harer bhakti-rasā matāḥ | eṣu hāsyādayaḥ prāyo bibhrati vyabhicāritām
English translation
“The five primary rasas starting with śānta - rasa are accepted as hari - bhakti -rasa . The secondary ratis generally act as vyabhicārī-bhāvas within the five primary rasas .”
iti śrī-śrī-bhakti-rasāmṛta-sindhāv uttara -vibhāge gauṇa-bhakti-rasa-nirūpaṇe bībhatsa-bhakti-rasa-laharī saptamī ||
“Thus ends the Seventh Wave in the Northern Ocean of Śrī Bhakti-rasāmṛta- sindhu , concerning bībhatsa -bhakti-rasa .”