Veṅkaṭācala-māhātmya · Chapter 31
Source।। अथ सुवर्णमुखरीप्रभावशुश्रूषया भरद्वाजं प्रत्यर्जुनप्रश्रः ।। ।। श्रीसूत उवाच ।। ।। कृतसायन्तनविधिं हुताशनसमद्युतिम् ।। सुखासीनं मुनिपतिं प्रणम्य भरतर्षभः ।। १ ।। तदीयशीतलामोदसुधापूरानुमोदितः ।। गम्भीरं प्रश्रयोपेतमिदं वचनमब्रवीत् ।। २ ।। ।। ।। अर्जुन उवाच ।। ।। मुनिपुंगव लोकेऽस्मिन्धन्य एकोऽहमेव हि ।। पुत्राविशेषं भवता यदेवं सम्यगादृतः ।। ३ ।। भवदादरसञ्जातकौतुकं मम मानसम् ।। भवद्वाक्यामृतं दिव्यं पातुं त्वरयतीव माम् ।।४।। कस्माच्छैलादियं जाता केनानीता महानदी ।। किं पुण्यं स्नानदानाद्यैः कृतैस्तत्रोपलभ्यते ।।५।। अस्याः प्रभावं प्रभवं प्रह्वस्य मम सन्मुने ।। वक्तुमर्हसि कार्यो हि भक्तानुग्रह एव ते ।।६।। अर्जुनस्य वचः श्रुत्वा भरद्वाजो द्विजोत्तमः ।। तदाननं समालोक्य वाक्यं वाक्यविदब्रवीत् ।। ७ ।। ।। भरद्वाज उवाच ।। ।। त्वमर्जुन महाबाहो कौरवान्वयपावनः ।। विशेषान्मम मान्योऽसि धर्मपुत्रानुजो यतः ।। ८ ।। अनेके भूमिपा दृष्टा न ते त्वमिव फाल्गुन ।। लीलार्जवदयौदार्यधैर्यगाम्भीर्यशालिनः ।। ९ ।। कुलं विद्या धनं चैव बलिनां मदकारणम् ।। भवादृशानां भव्यानां तानि प्रश्रयकारणम् ।। 2.1.31.१० ।। प्राज्येषु राज्यभोगेषु विद्यमानेषु कौरव ।। ऋते भवन्तं को वान्यो नोपैति विकृतेर्वशम् ।। ११ ।। परवानस्मि कौन्तेय गुणैलाकोत्तरैस्तव ।। किमस्त्यकथनीयं ते कौतुकोपेतमानस ।। १२ ।। शृणु राजन्कथां दिव्यां मया मुनिमुखाच्छुताम् ।। यां श्रुत्वा पातकातङ्कान्मुच्यन्ते सर्वजन्तवः ।। १३ ।। ।। अथ भरद्वाजकथित शंकरविवाहप्रक्रिया ।। ।। पूर्वं दाक्षायणी देवी जनकेनावमानिता ।। त्यक्त्वा तनुं तां नीहारगिरेरभवदात्मजा ।। १४ ।। सप्तर्षिभिरुपागम्य प्रार्थितो धरणीधरः ।। मृत्युंजयाय स्वां पुत्रीं विवाहे दातुमुद्यतः ।। १५ ।। वृषभांको जगत्स्वामी विवोढुं सर्वमंगलाम् ।। प्राप्तो हिमवदावासमोषधीप्रस्थनामकम् ।। १६ ।। तच्छासनात्समाजग्मुः स्थावराणि चराणि च ।। भूतानि भूतनाथस्य कल्याणमभिनंदितुम् ।। १७ ।। तद्भूरिभारसंभग्ना भूमिरुत्तरसंश्रया ।। निम्नतामाययौ तावद्यावत्पातालमास्थिता ।।१८।। निर्भारलाघवादस्माद्भृशं दक्षिणगामिनी । ऊर्ध्वं गता च तं दृष्ट्वा सर्वेषामभवद्भयम् ।।१९।। ज्ञात्वा तां विकृतिं भूमेर्दृष्ट्वागस्त्यंमहेश्वरः ।। इत एहि महाप्राज्ञेत्युक्त्वा वचनमब्रवीत् ।। 2.1.31.२० ।। आगतेषु समस्तेषु भूतेष्वत्र वसुन्धरा ।। तद्भारेण समाक्रान्ता विकृतिं समुपागता ।। २१ ।। तद्भुवः साम्यकरणे त्वमर्हसि महामते ।। ऋते त्वामत्र हि त्वत्तः परेणैतत्कथं भवेत् ।। २२ ।। मत्तेजःसंभवो हि त्वं लोकसंरक्षणोद्यतः ।। तस्मान्मद्वचनाद्वत्स भुवमेतां समीकुरु ।। २३ ।। मत्पाणिग्रहणाल्लोककौतुकायत्तबुद्धिषु ।। आगतेषु समस्तेषु स्थातव्यं भवताऽपि च ।। २४ ।। त्वं न तिष्ठसि चेदत्र न कश्चिद्विकृतिं भुवः ।। अपनेतुं हि शक्नोति तद्गन्तव्यं त्वयानघ ।। २५ ।। इमां गिरिसुतापाणिग्रहकल्याणभासुराम् ।। मूर्तिं प्रदर्शयिष्यामि यत्र तिष्ठसि तत्र ते ।। २६ ।। ।। अथ भूसाम्यकरणायागस्त्यस्य हिमाद्रेर्दक्षिणदिग्गमनम् ।। ।। इत्युक्त्वा तं परिष्वज्य विससर्ज महेश्वरः ।। तथेति प्रणम्यासौ ययौ याम्यां दिशं मुनिः ।। २७ ।। विन्ध्याद्रिं समतिक्रम्य दक्षिणामागते दिशम् ।। अगस्त्ये मुनिशार्दूले मही साम्यमुपाययौ ।। २८ ।। भुवोऽपनीय विकृतिं स्थितं कलशजं मुनिम् ।। तुष्टुवुर्हर्षतरलाः सुरगन्धर्वकिन्नराः ।। २९ ।। स ददर्श ततो गत्वा कश्चिच्छैलं समुन्नतम् ।। विततैर्धरणीं पादैर्धृत्वा संस्थितमग्रतः ।। 2.1.31.३० ।। महौषधीनां रत्नानामशेषाणां स्वयंभुवा ।। अखण्डतेजोदीप्तानां विनिर्मितमिवाकरम् ।। ३१ ।। समुन्नतैर्यः शिखरैर्निपतद्व्योमभूतले ।। उदारधारासंपन्नैर्दधातीव निरन्तरम् ।। ३२ ।। शनैरारुह्य तं शैलमगस्त्यो मुनिपुंगवः ।। निवासाय मतिं चक्रे रम्ये तच्छिखरस्थले ।। ३३ ।। तस्यामृतोपमेयस्य पद्मोत्पलकुलश्रियः ।। नानाद्रुमपरीतस्य कासारस्योत्तरे तटे ।। ३४ ।। मनोहरे महीभागे विधायाश्रममुत्तमम् ।। आराध्य पितृदेवर्षीन्विधिवद्वास्तुदेवताम् ।। ३५ ।। उवास सुचिरं तत्र मुनिसङ्घसमन्वितः ।। देवतासिद्धगन्धर्वाप्सरोजुष्टमहीधरे ।। ३६ ।। तपः समावेशितवित्तवृत्तौ तपोवने तिष्ठति कुम्भजाते ।। प्रशस्तसौभाग्यसमन्वितोऽद्रिरगस्त्यशैलाह्वयमाससाद ।। ३७ ।। इति श्रीस्कांदे महापुराण एकाशीतिसाहस्र्यां संहितायां द्वितीये वैष्णवखण्डे वेंकटाचलमाहात्म्ये सुवर्णमुखरीमाहात्म्यप्रशंसायामर्जुनभरद्वाजसंवादे शंकरविवाहागस्त्यदक्षिणदिग्गमनवर्णननामैकत्रिंशोऽध्यायः ।। ३१ ।।
|| atha suvarṇamukharīprabhāvaśuśrūṣayā bharadvājaṃ pratyarjunapraśraḥ || || śrīsūta uvāca || || kṛtasāyantanavidhiṃ hutāśanasamadyutim || sukhāsīnaṃ munipatiṃ praṇamya bharatarṣabhaḥ || 1 || tadīyaśītalāmodasudhāpūrānumoditaḥ || gambhīraṃ praśrayopetamidaṃ vacanamabravīt || 2 || || || arjuna uvāca || || munipuṃgava loke'smindhanya eko'hameva hi || putrāviśeṣaṃ bhavatā yadevaṃ samyagādṛtaḥ || 3 || bhavadādarasañjātakautukaṃ mama mānasam || bhavadvākyāmṛtaṃ divyaṃ pātuṃ tvarayatīva mām ||4|| kasmācchailādiyaṃ jātā kenānītā mahānadī || kiṃ puṇyaṃ snānadānādyaiḥ kṛtaistatropalabhyate ||5|| asyāḥ prabhāvaṃ prabhavaṃ prahvasya mama sanmune || vaktumarhasi kāryo hi bhaktānugraha eva te ||6|| arjunasya vacaḥ śrutvā bharadvājo dvijottamaḥ || tadānanaṃ samālokya vākyaṃ vākyavidabravīt || 7 || || bharadvāja uvāca || || tvamarjuna mahābāho kauravānvayapāvanaḥ || viśeṣānmama mānyo'si dharmaputrānujo yataḥ || 8 || aneke bhūmipā dṛṣṭā na te tvamiva phālguna || līlārjavadayaudāryadhairyagāmbhīryaśālinaḥ || 9 || kulaṃ vidyā dhanaṃ caiva balināṃ madakāraṇam || bhavādṛśānāṃ bhavyānāṃ tāni praśrayakāraṇam || 2.1.31.10 || prājyeṣu rājyabhogeṣu vidyamāneṣu kaurava || ṛte bhavantaṃ ko vānyo nopaiti vikṛtervaśam || 11 || paravānasmi kaunteya guṇailākottaraistava || kimastyakathanīyaṃ te kautukopetamānasa || 12 || śṛṇu rājankathāṃ divyāṃ mayā munimukhācchutām || yāṃ śrutvā pātakātaṅkānmucyante sarvajantavaḥ || 13 || || atha bharadvājakathita śaṃkaravivāhaprakriyā || || pūrvaṃ dākṣāyaṇī devī janakenāvamānitā || tyaktvā tanuṃ tāṃ nīhāragirerabhavadātmajā || 14 || saptarṣibhirupāgamya prārthito dharaṇīdharaḥ || mṛtyuṃjayāya svāṃ putrīṃ vivāhe dātumudyataḥ || 15 || vṛṣabhāṃko jagatsvāmī vivoḍhuṃ sarvamaṃgalām || prāpto himavadāvāsamoṣadhīprasthanāmakam || 16 || tacchāsanātsamājagmuḥ sthāvarāṇi carāṇi ca || bhūtāni bhūtanāthasya kalyāṇamabhinaṃditum || 17 || tadbhūribhārasaṃbhagnā bhūmiruttarasaṃśrayā || nimnatāmāyayau tāvadyāvatpātālamāsthitā ||18|| nirbhāralāghavādasmādbhṛśaṃ dakṣiṇagāminī | ūrdhvaṃ gatā ca taṃ dṛṣṭvā sarveṣāmabhavadbhayam ||19|| jñātvā tāṃ vikṛtiṃ bhūmerdṛṣṭvāgastyaṃmaheśvaraḥ || ita ehi mahāprājñetyuktvā vacanamabravīt || 2.1.31.20 || āgateṣu samasteṣu bhūteṣvatra vasundharā || tadbhāreṇa samākrāntā vikṛtiṃ samupāgatā || 21 || tadbhuvaḥ sāmyakaraṇe tvamarhasi mahāmate || ṛte tvāmatra hi tvattaḥ pareṇaitatkathaṃ bhavet || 22 || mattejaḥsaṃbhavo hi tvaṃ lokasaṃrakṣaṇodyataḥ || tasmānmadvacanādvatsa bhuvametāṃ samīkuru || 23 || matpāṇigrahaṇāllokakautukāyattabuddhiṣu || āgateṣu samasteṣu sthātavyaṃ bhavatā'pi ca || 24 || tvaṃ na tiṣṭhasi cedatra na kaścidvikṛtiṃ bhuvaḥ || apanetuṃ hi śaknoti tadgantavyaṃ tvayānagha || 25 || imāṃ girisutāpāṇigrahakalyāṇabhāsurām || mūrtiṃ pradarśayiṣyāmi yatra tiṣṭhasi tatra te || 26 || || atha bhūsāmyakaraṇāyāgastyasya himādrerdakṣiṇadiggamanam || || ityuktvā taṃ pariṣvajya visasarja maheśvaraḥ || tatheti praṇamyāsau yayau yāmyāṃ diśaṃ muniḥ || 27 || vindhyādriṃ samatikramya dakṣiṇāmāgate diśam || agastye muniśārdūle mahī sāmyamupāyayau || 28 || bhuvo'panīya vikṛtiṃ sthitaṃ kalaśajaṃ munim || tuṣṭuvurharṣataralāḥ suragandharvakinnarāḥ || 29 || sa dadarśa tato gatvā kaścicchailaṃ samunnatam || vitatairdharaṇīṃ pādairdhṛtvā saṃsthitamagrataḥ || 2.1.31.30 || mahauṣadhīnāṃ ratnānāmaśeṣāṇāṃ svayaṃbhuvā || akhaṇḍatejodīptānāṃ vinirmitamivākaram || 31 || samunnatairyaḥ śikharairnipatadvyomabhūtale || udāradhārāsaṃpannairdadhātīva nirantaram || 32 || śanairāruhya taṃ śailamagastyo munipuṃgavaḥ || nivāsāya matiṃ cakre ramye tacchikharasthale || 33 || tasyāmṛtopameyasya padmotpalakulaśriyaḥ || nānādrumaparītasya kāsārasyottare taṭe || 34 || manohare mahībhāge vidhāyāśramamuttamam || ārādhya pitṛdevarṣīnvidhivadvāstudevatām || 35 || uvāsa suciraṃ tatra munisaṅghasamanvitaḥ || devatāsiddhagandharvāpsarojuṣṭamahīdhare || 36 || tapaḥ samāveśitavittavṛttau tapovane tiṣṭhati kumbhajāte || praśastasaubhāgyasamanvito'driragastyaśailāhvayamāsasāda || 37 || iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe veṃkaṭācalamāhātmye suvarṇamukharīmāhātmyapraśaṃsāyāmarjunabharadvājasaṃvāde śaṃkaravivāhāgastyadakṣiṇadiggamanavarṇananāmaikatriṃśo'dhyāyaḥ || 31 ||
English translation
[ Prompted by His Desire to Know the Power of Suvarṇamukharī Arjuna asks Bharadvāja About the Same ]:—
Śrī Sūta said :
1-2. The prominent scion of the family of Bharata (Arjuna) bowed down to the leader of sages who had concluded his evening holy rites. He had a splendour like that of fire and was comfortably seated. He was pleased by his gladdening (words) of nectarine sweetness and cooling fragrance. Then he uttered the following words of decorous gravity full of humility:
Arjuna said :
3. O most excellent sage, I am the only blessed one in this world, since I have been enthusiastically honoured by you as though I am not at all different from your own son.
4. My mind, the curiosity of which has been aroused by your affection and encouragement, strongly urges me to imbibe the divine nectar of your words.
5. From which mountain has this great river originated? By whom was it brought? What is the merit obtained if the holy rites of bath, charitable gift etc. are performed there?
6. It behoves you, O good sage, to recount to me, your humble (follower), the origin and power of this (river). A devotee has to be blessed by you.
7. On hearing the words of Arjuna Bharadvāja, the excellent Brāhmaṇa , a skilled speaker, looked at his face and spoke these words:
Bharadvāja said :
8. O mighty-armed Arjuna, you are the sanctifier of the family of Kurus . You are specially worthy of my honour because you are the younger brother of Dharmaputra .
9. Many kings have been seen (by me), but, O Phālguna , they are not endowed with grace, rectitude, kindness, liberalmindedness, courage and sagacity like you.
10. Nobility (of birth), learning and affluence are (usually) the cause of haughtiness in strong men. But in the case of excellent persons like you they are the cause of (greater) modesty and courteousness.
11. In spite of the abundant pleasures and vast kingdom, O descendant of Kura , who else other than you can resist the tendency to deviate from normal decency?
12. O son of Kuntī , I am overcome by your extraordinary good qualities. What is it that should not be disclosed to you, O (noble one) with a mind full of such keen curiosity?
13. O king, listen to the divine story heard by me from a sage. On hearing this story all creatures are liberated from the afflictions born of sins.
[ Story of Śaṅkara ’s Marriage as Narrated by Bharadvāja ]:—
14. Formerly the Goddess, the daughter of Dakṣa , was subjected to insult by her father. After forsaking that body she became the daughter of the Snow-clad Mountain ( Himālaya ).
15. The Mountain (Himālaya) was approached and requested by the Seven Sages. Hence he was ready to give his daughter in marriage to Mṛtyuñjaya ( Śiva ).
16. The Bull-emblemed Lord of the universe came to the residence of Himavān , named Oṣadhīprastha, [1] in order to marry Sarvamaṅgalā ( Pārvatī ).
17. At his bidding all the living beings, both mobile and immobile, came there to rejoice in the felicity and prosperity of the Lord of Bhūtas (goblins).
18. The earth in the northern region became heavily burdened with their weight and caved in to such an extent that it reached the nether worlds. [2]
19. The southern region became very light because there was no burden on it. Hence it went up, on seeing which everyone became frightened.
20. On realising this change in the position of the earth, Maheśvara turned towards Agastya and said, “Come here, O highly intelligent one.” Then he spoke these words:
21-22. “Since all the Bhūtas have come down here, the earth has become over-burdened by their weight. It has undergone a great alteration. Hence it behoves you, O highly intelligent one, to level up the earth. How can this be done by anyone other than you?
23. Indeed you are born of my splendour. You are engaged in the protection of the worlds. Hence, O my dear one, at my instance level up this earth.
24-26. You must not stay here among all those persons who have come down here eager to witness my marriage celebration. If you stay here, no one will be competent to set right the change in the level of the earth. Hence, O sinless one, you must go. Wherever you stay, I shall reveal unto you this form of mine resplendent in my marriage with the daughter of the Mountain.”
[ Agastya’s Departure to the South of the Himālaya for the Levelling of the Earth ]:—
27. After saying this Maheśvara embraced him and bade farewell to him. Saying “So be it”, the sage bowed down to him and went in the direction of South.
28. When Agastya, a tiger among sages, went to the southern region after crossing the Vindhya mountain, the earth became level.
29. Suras , Gandharvas and Kinnaras experienced the thrill of delight (at it) and eulogized the Pot-born Sage who stayed on there (even) after removing the imbalance of the earth.
30. He then proceeded from that place and saw a lofty mountain standing upright in front of him, sustaining the earth by means of its extensive foothills.
31. It appeared like a veritable mine of great medicinal herbs and all types of gems and jewels, all with unimpaired brilliance and created by the Self-born Lord ( Brahmā ).
32. By means of its lofty peaks having extensive currents of water it appeared to hold up the sky permanently (preventing it from) falling upon the earth.
33. Agastya, the eminent sage, slowly climbed up the mountain and decided to reside in the beautiful region of its summit.
34-37. He built his excellent hermitage on a charming piece of land on the northern bank of a lake on that (mountain) with water that could be compared with nectar. The lake was surrounded by many trees and had the brilliance of clusters of lilies and lotuses.
He propitiated the Pitṛs , the celestial sages and the presiding deity of architecture in accordance with the injunctions.
Accompanied by multitudes of sages, he stayed there for a long time on that mountain frequented by Devas , Siddhas , Gandharvas and celestial damsels.
As the Pot-born Sage stayed in a penance grove with his mind engrossed in penance, the mountain became possessed of excellent sublimity and therefore acquired the name Agastyaśaila. [3]
[1]: [1] : A significant name as Himālaya has been traditionally famous for medicinal plants, some luminous even by night, (vide Kumārasaṃbhava 1.10).
[2]: [2] : Imbalance of the earth is a novel reason in this Purāṇa for sending sage Agastya to the South.
[3]: [3] : The genesis of the name Agastyaśaila of the mountain where Suvarṇamukharī rises.
Complete chapter-aligned witnesses. Sanskrit Wikisource page 22904, revision 71032 (2016-06-09T21:11:27Z). English is G. V. Tagare’s complete translation, controlled against its chapter page at https://www.wisdomlib.org/hinduism/book/the-skanda-purana/d/doc370710.html and the archival publication witness. The witnesses are aligned at chapter level; no unsupported verse-by-verse equivalence is asserted.