Puruṣottama-kṣetra-māhātmya · Chapter 40
Source।। ।। जैमिनिरुवाच ।। ।। मार्गशीर्षे सिते पक्षे षष्ठ्यां प्रावरणोत्सवम् ।। कृत्वा दृष्ट्वा नरो भक्त्या वैष्णवं लोकमाप्नुयात् ।। १ ।। विधानं तस्य वक्ष्यामि शृणुध्वं मुनयोऽधुना ।। वासोधिवासं कुर्वीत पंचम्यां निशि कर्मवित् ।। २ ।। देवाग्रे मंडपे कुर्यात्पद्ममष्टदलान्वितम् ।। दिक्पालान्पूजयेद्दिक्षु क्षेत्रपालं गणाधिपम् ।। ३ ।। चंडप्रचंडौ च बहिश्चतुर्दिक्षु प्रपूजयेत् ।। मध्ये पात्रं समाधाय प्रोक्षयेद्वस्त्रवारिणा ।। ४ ।। द्युतानस्त्वेति मंत्रेणच्छादयेद्दिव्यवाससा ।। सुधूपितं वस्त्रजातमेकविंशतिसंख्यकम् ।। ५ ।। तन्मध्ये स्थापयेन्मंत्रं वैष्णवं च समुच्चरन् ।। अन्येन वाससा तद्धि समाच्छाद्य प्रयत्नतः ।।६।। स्पृष्ट्वा जपेन्मंत्रमिमं संस्मरन्पुरुषोत्तमम् ।। आच्छादको यो जगतां तेजसा विष्णुरव्ययः ।। ७ ।। वसनात्तस्य वस्त्र त्वं वस वासे जगत्पतेः ।। इन्द्रघोषस्त्वेति रक्षां विदध्यात्तस्य सर्वतः ।। ८ ।। पूजयेद्गंधपुष्पाभ्यां ततो देवं प्रपूजयेत् ।। सर्वलेपं प्रकुर्वीत नृत्यगीतैर्नयेन्निशाम् ।। ९ ।। ततोऽरुणोदये काले प्रातःसंध्यासमीपतः ।। पुनः प्रपूजयेद्देवं पूर्ववत्सुसमाहितः ।। 2.2.40.१० ।। ततस्तं पूजितं वस्त्रसमूहं बहिरानयेत् ।। कार्पासपट्टक्षौमाढ्यं तथैवाच्छादितं द्विजाः ।। ११ ।। छत्रध्वजपताकाभिश्चामरांदोलनैस्तथा ।। गीतवादित्रनृत्यैश्च प्रसूनोत्किरणेन च ।। १२ ।। प्रासादं त्रिः परिभ्रम्य देवं त्रिर्भ्रामयेत्ततः ।। आच्छादितं तदाकृष्य संस्कुयार्द्वीक्षणादिभिः ।। १३ ।। सप्तभिः सप्तभिर्देवान्वासोभिः परिवेष्टयेत् ।। मुखवर्जं तु सर्वांगं शीतप्रावरणैर्द्विजाः ।। १४ ।। तांबूलं च निवेद्याथ कर्पूरलतिकां तथा ।। दूर्वाक्षतैः प्रपूज्याथ कुर्यान्नीराजनं विभोः ।। १५ ।। हिमागमे नृसिंहं ये प्रावृण्वंति सुचेलकैः ।। पश्यंति प्रावृतिं ये वा न तेषां मोहसंवृतिः ।। १६ ।। ते द्वंद्ववातशीतोत्थभयं नाप्नुवते क्वचित् ।। विष्णोर्देवाधिदेवस्य इमं प्रावरणोत्सवम् ।। १७ ।। भक्त्या ये वै प्रपश्यंति सर्वान्कामानवाप्नुयुः ।। भगवंतं समुद्दिश्य ब्राह्मणेभ्यः प्रदापयेत् ।। ।। १८ ।। गुरुभ्यश्चान्यदेवेभ्यो दीनानाथेभ्य एव च ।। शीतप्रावरणं दद्यात्सत्कृत्य परया मुदा ।। ददाति भगवान्प्रीतस्तस्मै वरमनुत्तमम्।। ।। १९ ।। इति श्रीस्कांदे महापुराण एकाशीतिसाहस्र्यां संहितायां द्वितीये वैष्णवखण्डे पुरुषोत्तमक्षेत्रमाहात्म्ये प्रावरणोत्सववर्णनंनाम चत्वारिंशोऽध्यायः ।। ४० ।।
|| || jaiminiruvāca || || mārgaśīrṣe site pakṣe ṣaṣṭhyāṃ prāvaraṇotsavam || kṛtvā dṛṣṭvā naro bhaktyā vaiṣṇavaṃ lokamāpnuyāt || 1 || vidhānaṃ tasya vakṣyāmi śṛṇudhvaṃ munayo'dhunā || vāsodhivāsaṃ kurvīta paṃcamyāṃ niśi karmavit || 2 || devāgre maṃḍape kuryātpadmamaṣṭadalānvitam || dikpālānpūjayeddikṣu kṣetrapālaṃ gaṇādhipam || 3 || caṃḍapracaṃḍau ca bahiścaturdikṣu prapūjayet || madhye pātraṃ samādhāya prokṣayedvastravāriṇā || 4 || dyutānastveti maṃtreṇacchādayeddivyavāsasā || sudhūpitaṃ vastrajātamekaviṃśatisaṃkhyakam || 5 || tanmadhye sthāpayenmaṃtraṃ vaiṣṇavaṃ ca samuccaran || anyena vāsasā taddhi samācchādya prayatnataḥ ||6|| spṛṣṭvā japenmaṃtramimaṃ saṃsmaranpuruṣottamam || ācchādako yo jagatāṃ tejasā viṣṇuravyayaḥ || 7 || vasanāttasya vastra tvaṃ vasa vāse jagatpateḥ || indraghoṣastveti rakṣāṃ vidadhyāttasya sarvataḥ || 8 || pūjayedgaṃdhapuṣpābhyāṃ tato devaṃ prapūjayet || sarvalepaṃ prakurvīta nṛtyagītairnayenniśām || 9 || tato'ruṇodaye kāle prātaḥsaṃdhyāsamīpataḥ || punaḥ prapūjayeddevaṃ pūrvavatsusamāhitaḥ || 2.2.40.10 || tatastaṃ pūjitaṃ vastrasamūhaṃ bahirānayet || kārpāsapaṭṭakṣaumāḍhyaṃ tathaivācchāditaṃ dvijāḥ || 11 || chatradhvajapatākābhiścāmarāṃdolanaistathā || gītavāditranṛtyaiśca prasūnotkiraṇena ca || 12 || prāsādaṃ triḥ paribhramya devaṃ trirbhrāmayettataḥ || ācchāditaṃ tadākṛṣya saṃskuyārdvīkṣaṇādibhiḥ || 13 || saptabhiḥ saptabhirdevānvāsobhiḥ pariveṣṭayet || mukhavarjaṃ tu sarvāṃgaṃ śītaprāvaraṇairdvijāḥ || 14 || tāṃbūlaṃ ca nivedyātha karpūralatikāṃ tathā || dūrvākṣataiḥ prapūjyātha kuryānnīrājanaṃ vibhoḥ || 15 || himāgame nṛsiṃhaṃ ye prāvṛṇvaṃti sucelakaiḥ || paśyaṃti prāvṛtiṃ ye vā na teṣāṃ mohasaṃvṛtiḥ || 16 || te dvaṃdvavātaśītotthabhayaṃ nāpnuvate kvacit || viṣṇordevādhidevasya imaṃ prāvaraṇotsavam || 17 || bhaktyā ye vai prapaśyaṃti sarvānkāmānavāpnuyuḥ || bhagavaṃtaṃ samuddiśya brāhmaṇebhyaḥ pradāpayet || || 18 || gurubhyaścānyadevebhyo dīnānāthebhya eva ca || śītaprāvaraṇaṃ dadyātsatkṛtya parayā mudā || dadāti bhagavānprītastasmai varamanuttamam|| || 19 || iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye prāvaraṇotsavavarṇanaṃnāma catvāriṃśo'dhyāyaḥ || 40 ||
English translation
Note: This Festival takes place on the 6th day of the bright half of Mārgaśīrṣa . This is clothing the Lord for the winter.
Jaimini said :
1. By celebrating or by witnessing the Prāvaraṇotsava (the festival of covering the Lord) with devotion on the sixth day in the bright half of the month of Mārgaśīrṣa, one shall attain the world of Viṣṇu .
2. I shall describe the procedure for the same now, O sages. Listen to it. A devotee conversant with the holy rite should perform the preliminary consecration of the cloth on the night of the fifth day.
3-6. He should make a lotus design with eight petals in the pavilion in front of the Lord. He should worship the Guardians of the Quarters in the various directions. He should worship Kṣetrapāla , Gaṇādhipa , Caṇḍa and Pracaṇḍa outside the diagram in the four directions. He should place the pot in the middle and sprinkle it with the water from the cloth. He should recite the Mantra dyutā nas tvā etc. ( Taittirīya Saṃhitā 5.5.9.4) and cover it with the divine cloth. In its middle he should place well-fumigated cloths twenty-one in number repeating the Vaiṣṇava Mantra. With another cloth he should carefully cover that. Touching it and remembering Puruṣottama , he should recite this Mantra:
7-9. “Viṣṇu is the immutable Lord who envelops the worlds with his refulgence. O Cloth, worn by him you stay in the residence of the Lord of the universe.”
He should make arrangements for its protection with the Mantra indraghoṣas tvā etc. ( Taittirīya Saṃhitā 1.2.12.2).
He should worship it with sweet scents and flowers. Then he should worship the Lord. He should smear all types of unguents and spend the night in the midst of dances and songs.
10. Thereafter, at the time of dawn, about the time of morning junction, he should worship the Lord once again as before, with great concentration and purity of mind.
11-14. Then he should bring the lot of cloths that have been worshipped out (of the Pavilion). While being taken out, they should be in the same covered state in the cotton or silk cloth covering, O Brāhmaṇas .
They should be taken out in procession with umbrellas, flags, banners, waving of the chowries, songs, instrumental music, dances, scattering of flowers etc. He should circumambulate the Mansion (shrine) three times and then go round the Lord three times.
Then the covering cloth should be pulled off and the bundle of cloths should be consecrated by exposing it to the vision etc. (of the Lord). Each of the deities should be covered with seven cloths. All the limbs excepting the face should be thus covered with cloths affording protection against chilliness, O Brāhmaṇas.
15. Betel leaves are offered as Naivedya along with camphor creeper. After worshipping the Lord with Dūrvā blades and raw rice grains the rite of Nīrājana should be performed.
16. Those who cover Nṛsiṃha with excellent cloths during the advent of winter and those who witness the festival of covering will never be covered by delusion.
17. They will never experience the fear arising out of the mutually opposed pairs as well as chill wind. This is the Prāvaraṇa festival of Viṣṇu, the Lord of Devas .
18-19. Those who witness this devoutly shall attain all desires. For the sake of the Lord blankets etc. as protection against chillness should be given to Brāhmaṇas, preceptors, other Devas (?) as well as to the poor and the helpless. These should be given to them after honouring them joyfully. The delighted Lord grants him an excellent boon.
Complete chapter-aligned witnesses. Sanskrit Wikisource page 22958, revision 71144 (2016-06-12T11:38:23Z). English is G. V. Tagare’s complete translation, controlled against its chapter page at https://www.wisdomlib.org/hinduism/book/the-skanda-purana/d/doc370760.html and the archival publication witness. The witnesses are aligned at chapter level; no unsupported verse-by-verse equivalence is asserted.