Inserts at HV 118 (adhyāya-level)

Line 1

हरिवंशे ऽत्र वृत्तान्ताः क्रमाद् एते इहोदिताः

harivaṃśe 'tra vṛttāntāḥ kramād ete ihoditāḥ

Line 2

तत्राद्य आदिसर्गस् तु भूतसर्गस् ततः परः

tatrādya ādisargas tu bhūtasargas tataḥ paraḥ

Line 3

पृथोर् वैन्यस्य चाख्यानं मनूनां कीर्तनं तथा

pṛthor vainyasya cākhyānaṃ manūnāṃ kīrtanaṃ tathā

Line 4

वैवस्वतकुलोत्पत्तिर् धुन्धुमारकथा तथा

vaivasvatakulotpattir dhundhumārakathā tathā

Line 5

गालवोत्पत्तिर् इक्ष्वाकु+ वंशस्याप्य् अनुकीर्तनम्

gālavotpattir ikṣvāku+ vaṃśasyāpy anukīrtanam

Line 6

पितृकल्पस् तथोत्पत्तिः सोमस्य च बुधस्य च

pitṛkalpas tathotpattiḥ somasya ca budhasya ca

Line 7

अमावसोर् अन्वयस्य कीर्तनं कीर्तिवर्धनम्

amāvasor anvayasya kīrtanaṃ kīrtivardhanam

Line 8

च्युतिप्रतिष्ठे शक्रस्य प्रसवः क्षत्रवृद्धिजः

cyutipratiṣṭhe śakrasya prasavaḥ kṣatravṛddhijaḥ

Line 9

ययातिचरितं चैव पूरुवंशानुकीर्तनम्

yayāticaritaṃ caiva pūruvaṃśānukīrtanam

Line 10

कीर्तनं कृष्णसंभूतेः स्यमन्तकमणेस् तथा

kīrtanaṃ kṛṣṇasaṃbhūteḥ syamantakamaṇes tathā

Line 11

संक्षेपात् कीर्तिता विष्णोः प्रादुर्भावास् ततः परम्

saṃkṣepāt kīrtitā viṣṇoḥ prādurbhāvās tataḥ param

Line 12

तारकामययुद्धं च ब्रह्मलोकस्य वर्णनम्

tārakāmayayuddhaṃ ca brahmalokasya varṇanam

Line 13

योगनिद्रासमुत्थानं विष्णोर् वाक्यं च वेधसः

yoganidrāsamutthānaṃ viṣṇor vākyaṃ ca vedhasaḥ

Line 14

पृथ्वीवाक्यं च देवानाम् अंशावतरणं तथा

pṛthvīvākyaṃ ca devānām aṃśāvataraṇaṃ tathā

Line 15

ततो नारदवाक्यं च स्वप्नगर्भविधिस् तथा

tato nāradavākyaṃ ca svapnagarbhavidhis tathā

Line 16

आर्यास्तवः पुनः कृष्ण+ समुत्पत्तिः प्रपञ्चतः

āryāstavaḥ punaḥ kṛṣṇa+ samutpattiḥ prapañcataḥ

Line 17

गोव्रजे गमनं विष्णोः शकटस्य निवर्तनम्

govraje gamanaṃ viṣṇoḥ śakaṭasya nivartanam

Line 18

पूतनाया वधो भङ्गो यमलार्जुनयोर् अपि

pūtanāyā vadho bhaṅgo yamalārjunayor api

Line 19

वृकसंदर्शनं चैव वृन्दावननिवेशनम्

vṛkasaṃdarśanaṃ caiva vṛndāvananiveśanam

Line 20

प्रावृषो वर्णनं चापि यमुनाह्रददर्शनम्

prāvṛṣo varṇanaṃ cāpi yamunāhradadarśanam

Line 21

दमनं कालियस्यापि धेनुकस्य वधस् तथा

damanaṃ kāliyasyāpi dhenukasya vadhas tathā

Line 22

प्रलम्बनिधनं चैव शरद्वर्णनम् एव च

pralambanidhanaṃ caiva śaradvarṇanam eva ca

Line 23

गिरियज्ञप्रवृत्तिश् च गोवर्धनविधारणम्

giriyajñapravṛttiś ca govardhanavidhāraṇam

Line 24

गोविन्दस्याभिषेकं च गोपीसंक्रीडनं तथा

govindasyābhiṣekaṃ ca gopīsaṃkrīḍanaṃ tathā

Line 25

रिष्टासुरस्य निधनम् अक्रूरप्रेषणं तथा

riṣṭāsurasya nidhanam akrūrapreṣaṇaṃ tathā

Line 26

अन्धकस्य च वाक्यानि केशिनो निधनं तथा

andhakasya ca vākyāni keśino nidhanaṃ tathā

Line 27

अक्रूरागमनं चैव नागलोकस्य दर्शनम्

akrūrāgamanaṃ caiva nāgalokasya darśanam

Line 28

धनुर्भण्गस्य कथनं कंसवाक्यम् अतः परम्

dhanurbhaṇgasya kathanaṃ kaṃsavākyam ataḥ param

Line 29

कुवलयापीडवधश् चाणूरस्य वधस् तथा

kuvalayāpīḍavadhaś cāṇūrasya vadhas tathā

Line 30

कंसस्य निधनं चापि विलापः कंसयोषिताम्

kaṃsasya nidhanaṃ cāpi vilāpaḥ kaṃsayoṣitām

Line 31

कंससत्कारकरणम् उग्रसेनाभिषेचनम्

kaṃsasatkārakaraṇam ugrasenābhiṣecanam

Line 32

प्रत्यागतिर् गुरुकुलाद् अथोक्ता रामकृष्णयोः

pratyāgatir gurukulād athoktā rāmakṛṣṇayoḥ

Line 33

मथुरायाश् चोपरोधो जरासंढनिवर्तनम्

mathurāyāś coparodho jarāsaṃḍhanivartanam

Line 34

विकद्रुवाक्यं रामस्य दर्शनं भाषणं तथा

vikadruvākyaṃ rāmasya darśanaṃ bhāṣaṇaṃ tathā

Line 35

गोमन्तारोहणं चापि जरासंधागतिस् तथा

gomantārohaṇaṃ cāpi jarāsaṃdhāgatis tathā

Line 36

गोमन्तस्य गिरेर् दाहः करवीरपुरे गतिः

gomantasya girer dāhaḥ karavīrapure gatiḥ

Line 37

शृगालस्य वधस् तत्र मथुरागमनं ततः

śṛgālasya vadhas tatra mathurāgamanaṃ tataḥ

Line 38

यमुनाकर्षणं चैव मथुरापक्रमस् तथा

yamunākarṣaṇaṃ caiva mathurāpakramas tathā

Line 39

उपायेन वधः काल+ यवनस्य प्रकीर्तितः

upāyena vadhaḥ kāla+ yavanasya prakīrtitaḥ

Line 40

निर्माणं द्वारवत्यास् तु रुक्मिणीहरणं तथा

nirmāṇaṃ dvāravatyās tu rukmiṇīharaṇaṃ tathā

Line 41

विवाहश् चैव रुक्मिण्या रुक्मिणो निधनं तथा

vivāhaś caiva rukmiṇyā rukmiṇo nidhanaṃ tathā

Line 42

बलदेवाह्निकं पुण्यं बलमाहात्म्यम् एव च

baladevāhnikaṃ puṇyaṃ balamāhātmyam eva ca

Line 43

नरकस्य वधः पारि+ जातस्य हरणं तथा

narakasya vadhaḥ pāri+ jātasya haraṇaṃ tathā

Line 44

द्वारवत्या विशेषेण पुनर् निर्माणकीर्तनम्

dvāravatyā viśeṣeṇa punar nirmāṇakīrtanam

Line 45

द्वारकायां प्रवेशश् च सभायां च प्रवेशनम्

dvārakāyāṃ praveśaś ca sabhāyāṃ ca praveśanam

Line 46

नारदस्य च वाक्यानि वृष्णिवंशानुकीर्तनम्

nāradasya ca vākyāni vṛṣṇivaṃśānukīrtanam

Line 47

षट्पुरस्य वधाख्यानम् अन्धकस्य निबर्हणम्

ṣaṭpurasya vadhākhyānam andhakasya nibarhaṇam

Line 48

समुद्रयात्रा कृष्णस्य जलक्रीडाकुतूहलम्

samudrayātrā kṛṣṇasya jalakrīḍākutūhalam

Line 49

तथा भैमप्रवीराणां मधुपानप्रवर्तनम्

tathā bhaimapravīrāṇāṃ madhupānapravartanam

Line 50

ततश् छालिक्यगान्धर्व+ कम् उदाहरणं हरेः

tataś chālikyagāndharva+ kam udāharaṇaṃ hareḥ

Line 51

भानोश् च दुहितुर् भानुम् अत्याहरणकीर्तनम्

bhānoś ca duhitur bhānum atyāharaṇakīrtanam

Line 52

निकुम्भस्य वधाख्यानं प्रपञ्चेनैव कीर्तितम्

nikumbhasya vadhākhyānaṃ prapañcenaiva kīrtitam

Line 53

अथ वज्रपुरे भूरि+ विचित्रोपायकल्पनैः

atha vajrapure bhūri+ vicitropāyakalpanaiḥ

Line 54

वज्रनाभवधश् चात्र प्रपञ्चेनैव दर्शितः

vajranābhavadhaś cātra prapañcenaiva darśitaḥ

Line 55

शम्बरस्य वधश् चैव धन्योपाख्यानम् एव च

śambarasya vadhaś caiva dhanyopākhyānam eva ca

Line 56

वासुदेवस्य माहात्म्यं बाणयुद्धं प्रपञ्चितम्

vāsudevasya māhātmyaṃ bāṇayuddhaṃ prapañcitam

Line 57

भविष्यं पुष्करं चैव प्रपञ्चेनैव कीर्तितम्

bhaviṣyaṃ puṣkaraṃ caiva prapañcenaiva kīrtitam

Line 58

वाराहं नारसिंहं च वामनं बहुविस्तरम्

vārāhaṃ nārasiṃhaṃ ca vāmanaṃ bahuvistaram

Line 59

त्रिपुरस्यापि दाहश् च इति वृत्तान्तसंग्रहः

tripurasyāpi dāhaś ca iti vṛttāntasaṃgrahaḥ