Inserts at HV 118 (adhyāya-level)

Line 1

हरिवंशे पुराणे तु श्रुते मुनिवरोत्तम

harivaṃśe purāṇe tu śrute munivarottama

Line 2

किं फलं किं च देयं वै तद् ब्रूहि त्वं ममाग्रतः

kiṃ phalaṃ kiṃ ca deyaṃ vai tad brūhi tvaṃ mamāgrataḥ

Line 3

हरिवंशे पुराणे तु श्रुते च भरतोत्तम

harivaṃśe purāṇe tu śrute ca bharatottama

Line 4

कायिकं वाचिकं चैव मनसा समुपार्जितम्

kāyikaṃ vācikaṃ caiva manasā samupārjitam

Line 5

तत् सर्वं नाशम् आयाति हिमं सूर्योदये यथा

tat sarvaṃ nāśam āyāti himaṃ sūryodaye yathā

Line 6

अष्टादशपुराणानां श्रवणाद् यत् फलं लभेत्

aṣṭādaśapurāṇānāṃ śravaṇād yat phalaṃ labhet

Line 7

तत् फलं समवाप्नोति वैष्णवो नात्र संशयः

tat phalaṃ samavāpnoti vaiṣṇavo nātra saṃśayaḥ

Line 8

श्लोकार्धं श्लोकपादं वा हरिवंशसमुद्भवम्

ślokārdhaṃ ślokapādaṃ vā harivaṃśasamudbhavam

Line 9

शृण्वन्तः श्रद्धया युक्ता वैष्णवं पदम् आप्नुयुः

śṛṇvantaḥ śraddhayā yuktā vaiṣṇavaṃ padam āpnuyuḥ

Line 10

जम्बूद्वीपं समाश्रित्य श्रोतारो दुर्लभाः कलौ

jambūdvīpaṃ samāśritya śrotāro durlabhāḥ kalau

Line 11

भविष्यन्ति नरा राजन् सत्यं सत्यं वदाम्य् अहम्

bhaviṣyanti narā rājan satyaṃ satyaṃ vadāmy aham

Line 12

स्त्रीभिश् च पुत्रकामाभिः श्रोतव्यं वैष्णवं यशः

strībhiś ca putrakāmābhiḥ śrotavyaṃ vaiṣṇavaṃ yaśaḥ

Line 13

दक्षिणा चात्र देया वै निष्कत्रयसुवर्णकम्

dakṣiṇā cātra deyā vai niṣkatrayasuvarṇakam

Line 14

वाचकाय यथाशक्त्या यथोक्तं फलम् इच्छता

vācakāya yathāśaktyā yathoktaṃ phalam icchatā

Line 15

स्वर्णशृङ्गीं च कपिलां सवत्सां वस्त्रसंयुताम्

svarṇaśṛṅgīṃ ca kapilāṃ savatsāṃ vastrasaṃyutām

Line 16

वाचकाय प्रदद्याद् वै आत्मनः श्रेयकाङ्क्षया

vācakāya pradadyād vai ātmanaḥ śreyakāṅkṣayā

Line 17

अलंकारं प्रदद्याच् च पाण्योर् वै भरतर्षभ

alaṃkāraṃ pradadyāc ca pāṇyor vai bharatarṣabha

Line 18

कर्णस्याभरणं दद्याद् यानं च सविशेषतः

karṇasyābharaṇaṃ dadyād yānaṃ ca saviśeṣataḥ

Line 19

भूमिदानं समादद्याद् ब्राह्मणाय नराधिप

bhūmidānaṃ samādadyād brāhmaṇāya narādhipa

Line 20

भूमिदानसमं दानं न भूतं न भविष्यति

bhūmidānasamaṃ dānaṃ na bhūtaṃ na bhaviṣyati

Line 21

शृणोति श्रावयाद् वापि हरिवंशं तु यो नरः

śṛṇoti śrāvayād vāpi harivaṃśaṃ tu yo naraḥ

Line 22

सर्वपापविनिर्मुक्तो वैष्णवं पदम् आप्नुयात्

sarvapāpavinirmukto vaiṣṇavaṃ padam āpnuyāt

Line 23

पितॄन् उद्धरते सर्वान् एकादश समुद्भवान्

pitṝn uddharate sarvān ekādaśa samudbhavān

Line 24

आत्मानं ससुतं चैव स्त्रियं च भरतर्षभ

ātmānaṃ sasutaṃ caiva striyaṃ ca bharatarṣabha

Line 25

दशांशश् चात्र होमो वै कार्यः श्रोत्रा नराधिप

daśāṃśaś cātra homo vai kāryaḥ śrotrā narādhipa

Line 26

इदं मया तवाग्रे च सर्वं प्रोक्तं नरर्षभ

idaṃ mayā tavāgre ca sarvaṃ proktaṃ nararṣabha

Line 27

यस्य श्रवणमात्रेण सर्वपापैः प्रमुच्यते

yasya śravaṇamātreṇa sarvapāpaiḥ pramucyate

Line 28

अपुत्रः पुत्रम् आप्नोति अधनो धनम् आप्नुयात्

aputraḥ putram āpnoti adhano dhanam āpnuyāt

Line 29

नरमेधाश्वमेधाभ्यां यत् फलं प्राप्यते नरैः

naramedhāśvamedhābhyāṃ yat phalaṃ prāpyate naraiḥ

Line 30

तत् फलं लभते नूनं पुराणश्रवणाद् धरेः

tat phalaṃ labhate nūnaṃ purāṇaśravaṇād dhareḥ

Line 31

ब्रह्महा भ्रूणहा गोघ्नः सुरापो गुरुतल्पगः

brahmahā bhrūṇahā goghnaḥ surāpo gurutalpagaḥ

Line 32

सकृत् पुराणश्रवणात् पूतो भवति नान्यथा

sakṛt purāṇaśravaṇāt pūto bhavati nānyathā

Line 33

इदं मया ते परिकीर्तितं महच् @

idaṃ mayā te parikīrtitaṃ mahac @

Line 34

छ्रीकृष्णमाहात्म्यम् अपारम् अद्भुतम् ।

chrīkṛṣṇamāhātmyam apāram adbhutam |

Line 35

शृण्वन् पठन्न् आशु समाप्नुयात् फलं @

śṛṇvan paṭhann āśu samāpnuyāt phalaṃ @

Line 36

यच् चापि लोकेषु सुदुर्लभं महत् ॥

yac cāpi lokeṣu sudurlabhaṃ mahat ||