Inserts after HV 7.45

Line 1

प्रथमे मेरुसावर्णे प्रवक्ष्यामि मुनीञ् शृणु

prathame merusāvarṇe pravakṣyāmi munīñ śṛṇu

Line 2

मेघातिथिस् तु पौलस्त्यो वसुः काश्यप एव च

meghātithis tu paulastyo vasuḥ kāśyapa eva ca

Line 3

ज्योतिष्मान् भार्गवश् चैव द्युतिमान् अङ्गिरास् तथा

jyotiṣmān bhārgavaś caiva dyutimān aṅgirās tathā

Line 4

सवनश् चैव वासिष्ठ आत्रेयो हव्यवाहनः

savanaś caiva vāsiṣṭha ātreyo havyavāhanaḥ

Line 5

पौलहः सप्त इत्य् एते ऋषयो रोहिते ऽन्तरे

paulahaḥ sapta ity ete ṛṣayo rohite 'ntare

Line 6

देवतानां गणास् तत्र त्रय एव नराधिप

devatānāṃ gaṇās tatra traya eva narādhipa

Line 7

दक्षपुत्रस्य पुत्रास् ते रोहितस्य प्रजापतेः

dakṣaputrasya putrās te rohitasya prajāpateḥ

Line 8

धृष्टकेतुर् दीप्तकेतुः पञ्चहोत्रो निराकृतिः

dhṛṣṭaketur dīptaketuḥ pañcahotro nirākṛtiḥ

Line 9

पृथुश्रवा भूरिद्युम्न ऋचीको बृहतो गयः

pṛthuśravā bhūridyumna ṛcīko bṛhato gayaḥ

Line 10

प्रथमस्य तु सावर्णेर् नव पुत्रा महौजसः

prathamasya tu sāvarṇer nava putrā mahaujasaḥ

Line 11

दशमे त्व् अथ पर्याये द्वितीयस्यान्तरे मनोः

daśame tv atha paryāye dvitīyasyāntare manoḥ

Line 12

हविष्मान् पौलहश् चैव सुकृतिश् चैव भार्गवः

haviṣmān paulahaś caiva sukṛtiś caiva bhārgavaḥ

Line 13

आपोमूर्तिस् तथात्रेयो वासिष्ठश् चाष्टमः स्मृतः

āpomūrtis tathātreyo vāsiṣṭhaś cāṣṭamaḥ smṛtaḥ

Line 14

पौलस्त्यः प्रमतिश् चैव नाभोगश् चैव काश्यपः

paulastyaḥ pramatiś caiva nābhogaś caiva kāśyapaḥ

Line 15

अङ्गिरा नभसः सत्यः सप्तैते परमर्षयः

aṅgirā nabhasaḥ satyaḥ saptaite paramarṣayaḥ

Line 16

देवतानां गणौ द्वौ तौ ऋषिमन्त्राश् च ये स्मृताः

devatānāṃ gaṇau dvau tau ṛṣimantrāś ca ye smṛtāḥ

Line 17

मनोः सुतोत्तमौजाश् च निकुषञ्जश् च वीर्यवान्

manoḥ sutottamaujāś ca nikuṣañjaś ca vīryavān

Line 18

शतानीको निरामित्रो वृषसेनो जयद्रथः

śatānīko nirāmitro vṛṣaseno jayadrathaḥ

Line 19

भूरिद्युम्नः सुवर्चाश् च दश त्व् एते मनोः सुताः

bhūridyumnaḥ suvarcāś ca daśa tv ete manoḥ sutāḥ

Line 20

एकादशे ऽथ पर्याये तृतीयस्यान्तरे मनोः

ekādaśe 'tha paryāye tṛtīyasyāntare manoḥ

Line 21

तस्य सप्तऋषींश् चापि कीर्त्यमानान् निबोध मे

tasya saptaṛṣīṃś cāpi kīrtyamānān nibodha me

Line 22

हविष्मान् काश्यपश् चापि हविष्मान् यश् च भार्गवः

haviṣmān kāśyapaś cāpi haviṣmān yaś ca bhārgavaḥ

Line 23

तरुणश् च तथात्रेयो वासिष्ठस् त्व् अनघस् तथा

taruṇaś ca tathātreyo vāsiṣṭhas tv anaghas tathā

Line 24

अङ्गिराश् चारुधिष्ण्यश् च पौलस्त्यो निश्चरस् तथा

aṅgirāś cārudhiṣṇyaś ca paulastyo niścaras tathā

Line 25

पौलहश् चाग्नितेजाश् च भाव्याः सप्त महर्षयः

paulahaś cāgnitejāś ca bhāvyāḥ sapta maharṣayaḥ

Line 26

ब्रह्मणस् तु सुता देवा गणास् तेषां त्रयः स्मृताः

brahmaṇas tu sutā devā gaṇās teṣāṃ trayaḥ smṛtāḥ

Line 27

सर्वत्रगः सुशर्मा च देवानीकः पुरूद्वहः

sarvatragaḥ suśarmā ca devānīkaḥ purūdvahaḥ

Line 28

क्षेमधन्वा दृढायुश् च आदर्शः पण्डको मनुः

kṣemadhanvā dṛḍhāyuś ca ādarśaḥ paṇḍako manuḥ

Line 29

सावर्णस्य तु पुत्रा वै तृतीयस्य नव स्मृताः

sāvarṇasya tu putrā vai tṛtīyasya nava smṛtāḥ

Line 30

चतुर्थस्य तु सावर्णेर् ऋषीन् सप्त निबोध मे

caturthasya tu sāvarṇer ṛṣīn sapta nibodha me

Line 31

द्युतिर् वसिष्ठपुत्रश् च आत्रेयः सुतपास् तथा

dyutir vasiṣṭhaputraś ca ātreyaḥ sutapās tathā

Line 32

अङ्गिरास् तपसोमूर्तिस् तपस्वी काश्यपस् तथा

aṅgirās tapasomūrtis tapasvī kāśyapas tathā

Line 33

तपोशनश् च पौलस्त्यः पौलहश् च तपो रविः

tapośanaś ca paulastyaḥ paulahaś ca tapo raviḥ

Line 34

भार्गवः सप्तमस् तेषां विज्ञेयस् तु तपोधृतिः

bhārgavaḥ saptamas teṣāṃ vijñeyas tu tapodhṛtiḥ

Line 35

पञ्च देवगणाः प्रोक्ता मानसा ब्रह्मणश् च ते

pañca devagaṇāḥ proktā mānasā brahmaṇaś ca te

Line 36

देववायुर् अदूरश् च देवश्रेष्ठो विदूरथः

devavāyur adūraś ca devaśreṣṭho vidūrathaḥ

Line 37

मित्रवान् मित्रविन्दश् च मित्रसेनश् च मित्रकृत्

mitravān mitravindaś ca mitrasenaś ca mitrakṛt

Line 38

मित्रबाहुः सुवर्चाश् च द्वादशस्य मनोः सुताः

mitrabāhuḥ suvarcāś ca dvādaśasya manoḥ sutāḥ

Line 39

त्रयोदशे ऽथ पर्याये भाव्ये मन्वन्तरे मनोः

trayodaśe 'tha paryāye bhāvye manvantare manoḥ

Line 40

अङ्गिराश् चैव धृतिमान् पौलस्त्यो हव्यपस्तु यः

aṅgirāś caiva dhṛtimān paulastyo havyapastu yaḥ

Line 41

पौलहस् तत्त्वदर्शी च भार्गवश् च निरुत्सुकः

paulahas tattvadarśī ca bhārgavaś ca nirutsukaḥ

Line 42

निष्प्रकम्पस् तथात्रेयो निर्मोहः कश्यपस् तथा

niṣprakampas tathātreyo nirmohaḥ kaśyapas tathā

Line 43

सुतपाश् चैव वासिष्ठः सप्तैते तु महर्षयः

sutapāś caiva vāsiṣṭhaḥ saptaite tu maharṣayaḥ

Line 44

त्रय एव गणाः प्रोक्ता देवतानां स्वयंभुवा

traya eva gaṇāḥ proktā devatānāṃ svayaṃbhuvā

Line 45

त्रयोदशस्य पुत्रास् ते विज्ञेयास् तु रुचेः सुताः

trayodaśasya putrās te vijñeyās tu ruceḥ sutāḥ

Line 46

चित्रसेनो विचित्रश् च नयो धर्मभृतो धृतः

citraseno vicitraś ca nayo dharmabhṛto dhṛtaḥ

Line 47

सुनेत्रः क्षत्रवृद्धश् च सुतपा निर्भयो दृढः

sunetraḥ kṣatravṛddhaś ca sutapā nirbhayo dṛḍhaḥ

Line 48

रौच्यस्यैते मनोः पुत्रा अन्तरे तु त्रयोदशे

raucyasyaite manoḥ putrā antare tu trayodaśe

Line 49

चतुर्दशे ऽथ पर्याये भौत्यस्य एवान्तरे मनोः

caturdaśe 'tha paryāye bhautyasya evāntare manoḥ

Line 50

अग्नीध्रः काश्यपश् चैव पौलस्यो मागधस् तथा

agnīdhraḥ kāśyapaś caiva paulasyo māgadhas tathā

Line 51

भार्गवो ह्य् अतिबाहुश् च शुचिर् आङ्गिरसस् तथा

bhārgavo hy atibāhuś ca śucir āṅgirasas tathā

Line 52

युक्तश् चैव तथात्रेयः शुक्रो वासिष्ठ एव च

yuktaś caiva tathātreyaḥ śukro vāsiṣṭha eva ca

Line 53

अजितः पौलहश् चैव अन्त्याः सप्तर्षयश् च ते

ajitaḥ paulahaś caiva antyāḥ saptarṣayaś ca te