Sanskrit · Devanagari
ॐ सीं सीतायै वदन् नमोऽन्तः सीतामन्त्र उदाहृतः। मन्त्रेऽस्मिन् राममाराध्य साङ्गं सावरणं तथा। आराध्य गुटिकीकृत्य धारयेद्यन्त्रमन्वहम्। सर्वदुःखप्रशमनं पुत्रपौत्रप्रदं नृणाम्। सर्वविद्याप्रदं शश्वत् सर्वसौख्यकरं सदा। अन्याभिचारकृत्येषु वज्रपञ्जरमेव हि। किं बहूक्त्या नृणां सर्वसिद्धिदं शोकनाशकमिति। यन्त्रं सम्यग्विधानेन धारयेत् साधकोत्तमः। श्रीरामद्वारपीठाग्रे परिवारतया स्थितान्। गणेशादिसुरान् क्षेत्रपालान् सर्वान् समर्चयेत्। स्वां तनुं शोधयित्वातः परं पूजनमाचरेत्। उपचारैः षोडशभिस्तथैकादशभिः सुधीः। पञ्चभिर्वा यजेद्देवान् स्वस्वशक्त्यनुकूलतः। सर्वशक्तियुतं रामं साङ्गं सावरणं जपेत्। स्तूयात् सर्वान् परिवारान् रामप्रीत्यर्थमादरात्। एवं यः कुरुते पूजां यन्त्रराजस्य मानवः। इह काम्यं सुखं लब्ध्वा प्रेत्य साकेतमृच्छति।
IAST
oṃ sīṃ sītāyai vadan namo'ntaḥ sītāmantra udāhṛtaḥ| mantre'smin rāmamārādhya sāṅgaṃ sāvaraṇaṃ tathā| ārādhya guṭikīkṛtya dhārayedyantramanvaham| sarvaduḥkhapraśamanaṃ putrapautrapradaṃ nṛṇām| sarvavidyāpradaṃ śaśvat sarvasaukhyakaraṃ sadā| anyābhicārakṛtyeṣu vajrapañjarameva hi| kiṃ bahūktyā nṛṇāṃ sarvasiddhidaṃ śokanāśakamiti| yantraṃ samyagvidhānena dhārayet sādhakottamaḥ| śrīrāmadvārapīṭhāgre parivāratayā sthitān| gaṇeśādisurān kṣetrapālān sarvān samarcayet| svāṃ tanuṃ śodhayitvātaḥ paraṃ pūjanamācaret| upacāraiḥ ṣoḍaśabhistathaikādaśabhiḥ sudhīḥ| pañcabhirvā yajeddevān svasvaśaktyanukūlataḥ| sarvaśaktiyutaṃ rāmaṃ sāṅgaṃ sāvaraṇaṃ japet| stūyāt sarvān parivārān rāmaprītyarthamādarāt| evaṃ yaḥ kurute pūjāṃ yantrarājasya mānavaḥ| iha kāmyaṃ sukhaṃ labdhvā pretya sāketamṛcchati|
Fresh English translation
Say ‘oṃ sīṃ sītāyai’ and end with namaḥ; this is declared to be the Sītā mantra. With this mantra worship Rāma together with his limbs and enclosures. Having worshipped the yantra, make it into an amulet and wear it daily. It stills every sorrow, grants children and grandchildren, bestows every kind of knowledge, and always brings every well-being. Against hostile rites it is truly a diamond cage. In short, it grants every accomplishment and destroys grief. The best practitioner should wear the yantra according to the full rule. Before Śrī Rāma's gateway-throne, worship Gaṇeśa and the other gods, the guardians of the field, and all who stand there as his retinue. After purifying one's own body, perform the principal worship. According to one's capacity, worship with sixteen, eleven, or five offerings. Repeat the name of Rāma endowed with all powers, limbs, and enclosures, and respectfully praise every member of his retinue for Rāma's delight. Whoever worships the king of yantras in this way obtains desired happiness here and reaches Sāketa after death.