Suruci and Sunīti

उत्तानपादनृपतेर्मनुनन्दनस्य
जाया बभूव सुरुचिर्नितरामभीष्टा ।
अन्या सुनीतिरिति भर्तुरनादृता सा
त्वामेव नित्यमगतिः शरणं गताऽभूत्

uttānapādanṛpatermanunandanasya jāyā babhūva surucirnitarāmabhīṣṭā anyā sunītiriti bharturanādṛtā sā tvāmeva nityamagatiḥ śaraṇaṁ gatā'bhūt

“King Uttānapāda, son of Manu, had Suruci as his most-beloved wife. The other, Sunīti, disregarded by her husband, took you alone as her constant refuge, having no other path.”

अङ्के पितुः सुरुचिपुत्रकमुत्तमं तं
दृष्ट्वा ध्रुवः किल सुनीतिसुतोऽधिरोक्ष्यन् ।
आचिक्षिपे किल शिशुः सुतरां सुरुच्या
दुस्सन्त्यजा खलु भवद्विमुखैरसूया

aṅke pituḥ suruciputrakamuttamaṁ taṁ dṛṣṭvā dhruvaḥ kila sunītisuto'dhirokṣyan ācikṣipe kila śiśuḥ sutarāṁ surucyā dussantyajā khalu bhavadvimukhairasūyā

“On his father's lap, when Sunīti's son Dhruva tried to climb up beside Suruci's son Uttama, the child was rebuked sharply by Suruci. Indeed, the envy of those turned away from you is hard to abandon.”

त्वन्मोहिते पितरि पश्यति दारवश्ये
दूरं दुरुक्तिनिहतः स गतो निजाम्बाम् ।
साऽपि स्वकर्मगतिसन्तरणाय पुंसां
त्वत्पादमेव शरणं शिशवे शशंस

tvanmohite pitari paśyati dāravaśye dūraṁ duruktinihataḥ sa gato nijāmbām sā'pi svakarmagatisantaraṇāya puṁsāṁ tvatpādameva śaraṇaṁ śiśave śaśaṁsa

“While the king, deluded, dependent on his wife, watched, the boy, struck by harsh words, went to his own mother. She, for the crossing of his karma's tide, told the child that your feet alone are the refuge of beings.”

आकर्ण्य सोऽपि भवदर्चनिश्चितात्मा
मानी निरेत्य नगरात्किल पञ्चवर्षः ।
सन्दृष्टनारदनिवेदितमन्त्रमार्गस्
त्वामारराध तपसा मधुकाननान्ते

ākarṇya so'pi bhavadarcaniścitātmā mānī niretya nagarātkila pañcavarṣaḥ sandṛṣṭanāradaniveditamantramārgas tvāmārarādha tapasā madhukānanānte

“Hearing her, with mind set on your worship, proud, leaving the city at only five years old, given the mantra-path by Nārada whom he met, he worshipped you with austerity at the edge of the Madhuvana.”

ताते विषण्णहृदये नगरीं गतेन
श्रीनारदेन परिसान्त्वितचित्तवृत्तौ ।
बालस्त्वदर्पितमनाः क्रमवर्धितेन
निन्ये कठोरतपसा किल पञ्च मासान्

tāte viṣaṇṇahṛdaye nagarīṁ gatena śrīnāradena parisāntvitacittavṛttau bālastvadarpitamanāḥ kramavardhitena ninye kaṭhoratapasā kila pañca māsān

“When the father was sad-hearted, Nārada went to the city and calmed his mental anguish. The boy, with mind given to you, by harsh austerity that grew progressively, passed five months.”

तावत्तपोबलनिरुच्छ्वसिते दिगन्ते
देवार्थितस्त्वमुदयत्करुणार्द्रचेताः ।
त्वद्रूपचिद्रसनिलीनमतेः पुरस्ता
दाविर्बभूविथ विभो गरुडाधिरूढः

tāvattapobalanirucchvasite digante devārthitastvamudayatkaruṇārdracetāḥ tvadrūpacidrasanilīnamateḥ purastā dāvirbabhūvitha vibho garuḍādhirūḍhaḥ

“When the directions stopped breathing from his austerity's force, asked by the gods, you, with heart wet with arising compassion, appeared before him whose mind was absorbed in the rasa of your form, mounted on Garuḍa.”

त्वद्दर्शनप्रमदभारतरङ्गितं तं
दृग्भ्यां निमग्नमिव रूपरसायने ते ।
तुष्टूषमाणमवगम्य कपोलदेशे
संस्पृष्टवानसि दरेण तथाऽऽदरेण

tvaddarśanapramadabhārataraṅgitaṁ taṁ dṛgbhyāṁ nimagnamiva rūparasāyane te tuṣṭūṣamāṇamavagamya kapoladeśe saṁspṛṣṭavānasi dareṇa tathā''dareṇa

“Him, full of waves of joy at seeing you, eyes plunged as if into the very nectar of your form, eager to praise but unable, you touched on the cheek with your conch, with care, with care.”

तावद्विबोधविमलं प्रणुवन्तमेन
माभाषथास्त्वमवगम्य तदीयभावम् ।
राज्यं चिरं समनुभूय भजस्व भूयः
सर्वोत्तरं ध्रुव पदं विनिवृत्तिहीनम्

tāvadvibodhavimalaṁ praṇuvantamena mābhāṣathāstvamavagamya tadīyabhāvam rājyaṁ ciraṁ samanubhūya bhajasva bhūyaḥ sarvottaraṁ dhruva padaṁ vinivṛttihīnam

“Then to him, who was praising you with awakening clear mind, you spoke, knowing his disposition: 'Enjoy the kingdom long; then take my supreme abode, the place beyond all, beyond return, the place called Dhruva.'”

इत्यूचिषि त्वयि गते नृपनन्दनोऽसौ
आनन्दिताखिलजनो नगरीमुपेतः ।
रेमे चिरं भवदनुग्रहपूर्णकामस्
ताते गते च वनमादृतराज्यभारः

ityūciṣi tvayi gate nṛpanandano'sau ānanditākhilajano nagarīmupetaḥ reme ciraṁ bhavadanugrahapūrṇakāmas tāte gate ca vanamādṛtarājyabhāraḥ

“When you had spoken thus and gone, the prince came back to his city, gladdening every person; reigned long, all desires fulfilled by your grace; and when his father went to the forest, took up the burden of rule.”

यक्षेण देव निहते पुनरुत्तमेऽस्मिन्
यक्षैः स युद्धनिरतो विरतो मनूक्त्या ।
शान्त्या प्रसन्नहृदयाद्धनदादुपेतात्
त्वद्भक्तिमेव सुदृढामवृणोन्महात्मा

yakṣeṇa deva nihate punaruttame'smin yakṣaiḥ sa yuddhanirato virato manūktyā śāntyā prasannahṛdayāddhanadādupetāt tvadbhaktimeva sudṛḍhāmavṛṇonmahātmā

“When his brother Uttama was killed by a yakṣa, this Dhruva engaged in war with the yakṣas. Withdrawing on Manu's word, with peaceful mind, from Kubera who came pleased, the great-souled one chose only firm devotion to you.”

अन्ते भवत्पुरुषनीतविमानयातो
मात्रा समं ध्रुवपदे मुदितोऽयमास्ते ।
एवं स्वभृत्यजनपालनलोलधीस्त्वं
वातालयाधिप निरुन्धि ममामयौघान्

ante bhavatpuruṣanītavimānayāto mātrā samaṁ dhruvapade mudito'yamāste evaṁ svabhṛtyajanapālanaloladhīstvaṁ vātālayādhipa nirundhi mamāmayaughān

“At the end, taken in a vimāna by your servant, with his mother, glad in the place of Dhruva, he stays. So, with mind eager to protect your servants, lord of the Wind-house, hold back the floods of my disease.”