Sanskrit · Devanagari
अथ तत्पञ्चबीजानामावृत्तिं विदधीत वै। भूयो दशाक्षरेण तद्वेष्टयेच्छुद्धबुद्धिमान्। अग्निकोणादिकोणेषु षडङ्गानि क्रमाल्लिखेत्। पुनः कोणकपोलेषु ह्रीं श्रीं च विलिखेत् सुधीः। प्रतिकोणाग्रमालेख्यं हुं बीजं केशरेषु च। वर्णमाला मनुः ख्याता चत्वारिंशच्च सप्त च। वर्णाः सप्तदलेष्वेवं षट् षट् पञ्चाष्टमे दले। पूर्वस्याद्वेष्टयेत् कादिवर्णैः सर्वं च तत्त्ववित्। लिखेद्बीजद्वयं सम्यक् नरसिंहवराहयोः। दिग्विदिक्षु च पूर्वस्यां भूगृहे चतुरस्रके। यन्त्रमेतत्समाराध्य भुक्तिं मुक्तिं लभेन्नरः।
IAST
atha tatpañcabījānāmāvṛttiṃ vidadhīta vai| bhūyo daśākṣareṇa tadveṣṭayecchuddhabuddhimān| agnikoṇādikoṇeṣu ṣaḍaṅgāni kramāllikhet| punaḥ koṇakapoleṣu hrīṃ śrīṃ ca vilikhet sudhīḥ| pratikoṇāgramālekhyaṃ huṃ bījaṃ keśareṣu ca| varṇamālā manuḥ khyātā catvāriṃśacca sapta ca| varṇāḥ saptadaleṣvevaṃ ṣaṭ ṣaṭ pañcāṣṭame dale| pūrvasyādveṣṭayet kādivarṇaiḥ sarvaṃ ca tattvavit| likhedbījadvayaṃ samyak narasiṃhavarāhayoḥ| digvidikṣu ca pūrvasyāṃ bhūgṛhe caturasrake| yantrametatsamārādhya bhuktiṃ muktiṃ labhennaraḥ|
Fresh English translation
Then make an enclosure of the five seed syllables and, with purified understanding, surround it again with the ten-syllable formula. Beginning with the fire-corner, write the six limbs in the successive angles. In the flanks of the angles write hrīṃ and śrīṃ; at the point of each angle write hūṃ, and in the filaments the mantra known as the forty-seven-letter alphabet. Put six letters in each of the first seven petals and five in the eighth, and let the knower of reality surround the whole, beginning in the east, with the letters from ka onward. Correctly write the two seed syllables of Narasiṃha and Varāha in the cardinal and intermediate directions within the square earth-enclosure. By fully worshipping this yantra, a person obtains both enjoyment and liberation.