Prapāṭhaka 1.1
Sourceओꣳ । अथ सुषुप्तौ रामः स्वबोधम् आधायेव—किꣳ मे देवः? क्वासौ कृष्णो योऽयꣳ मम भ्रातेति? तस्य का निष्ठा ब्रूहीति । सा वै ह्य् उवाच ।
oṁ | atha suṣuptau rāmaḥ svabodham ādhāyeva—kiṁ me devaḥ? kvāsau kṛṣṇo yo'yaṁ mama bhrāteti? tasya kā niṣṭhā brūhīti | sā vai hy uvāca |
English translation
Fresh editorial translation from the Rādhopaniṣad textual dossier authority
Om. Then, in deep sleep, Rama, as though established in his own awareness, asked: ‘Who is my deity? Where is that Krishna who is my brother? Tell me: what is his foundation?’ She indeed replied.
Prapāṭhaka 1.2
Sourceराम शृणु—भूर् भुवः स्वर् महर् जनस् तपः सत्यꣳ तलꣳ वितलꣳ सुतलꣳ रसातलꣳ तलातलꣳ महातलꣳ पातालम् । एवꣳ पञ्चाशत्कोटियोजनꣳ बहुलꣳ स्वर्णाण्डꣳ ब्रह्माण्डम् इति । अनन्तकोटिब्रह्माण्डानाम् उपरि कारणजलोपरि महाविष्णोर् नित्यꣳ स्थानꣳ वैकुण्ठः ।
rāma śṛṇu—bhūr bhuvaḥ svar mahar janas tapaḥ satyaṁ talaṁ vitalaṁ sutalaṁ rasātalaṁ talātalaṁ mahātalaṁ pātālam | evaṁ pañcāśatkoṭiyojanaṁ bahulaṁ svarṇāṇḍaṁ brahmāṇḍam iti | anantakoṭibrahmāṇḍānām upari kāraṇajalopari mahāviṣṇor nityaṁ sthānaṁ vaikuṇṭhaḥ |
English translation
Fresh editorial translation from the Rādhopaniṣad textual dossier authority
‘Rama, listen. Bhur, Bhuvar, Svar, Mahar, Jana, Tapas, Satya, Tala, Vitala, Sutala, Rasatala, Talatala, Mahatala, and Patala: the golden egg called the Brahmanda extends through fifty crores of yojanas. Above infinite crores of universes and above the causal waters is Vaikuntha, the eternal abode of Mahavishnu.’
Prapāṭhaka 1.3
Sourceस ह पृच्छति—कथꣳ शून्यमण्डले निरालम्बने वैकुण्ठ इति?
sa ha pṛcchati—kathaṁ śūnyamaṇḍale nirālambane vaikuṇṭha iti?
English translation
Fresh editorial translation from the Rādhopaniṣad textual dossier authority
He asked: ‘How can Vaikuntha exist in the unsupported sphere of emptiness?’
Prapāṭhaka 1.4
Sourceसानुयुक्ता—पद्मासनासीनः कृष्णध्यानपरायणः शेषदेवोऽस्ति । तस्यानन्तरोमकूपेष्व् अनन्तकोटिब्रह्माण्डानि अनन्तकोटिकारणजलानि । तस्य सप्तकोटिपरिसहस्रपरिमिताः फणाः । तदुपरि वैकुण्ठो विष्णुलोक इति । रुद्रलोकः शिववैकुण्ठ इति । दशकोटियोजनविस्तीर्णो रुद्रलोकः । तदुपरि विष्णुलोकः । सप्तकोटियोजनविस्तीर्णो विष्णुलोकः । तदुपरि सुदर्शनचक्रꣳ त्रिकोटियोजनविस्तीर्णम् । तदुपरि कृष्णस्य स्थानꣳ गोकुलाढ्यꣳ माथुरमण्डलꣳ महत् पदꣳ सुधामयसमुद्रेणावेष्टितम् इति । तत्राष्टदलकेसरमध्ये मणिपीठे सप्तावरणकम् इति ।
sānuyuktā—padmāsanāsīnaḥ kṛṣṇadhyānaparāyaṇaḥ śeṣadevo'sti | tasyānantaromakūpeṣv anantakoṭibrahmāṇḍāni anantakoṭikāraṇajalāni | tasya saptakoṭiparisahasraparimitāḥ phaṇāḥ | tadupari vaikuṇṭho viṣṇuloka iti | rudralokaḥ śivavaikuṇṭha iti | daśakoṭiyojanavistīrṇo rudralokaḥ | tadupari viṣṇulokaḥ | saptakoṭiyojanavistīrṇo viṣṇulokaḥ | tadupari sudarśanacakraṁ trikoṭiyojanavistīrṇam | tadupari kṛṣṇasya sthānaṁ gokulāḍhyaṁ māthuramaṇḍalaṁ mahat padaṁ sudhāmayasamudreṇāveṣṭitam iti | tatrāṣṭadalakesaramadhye maṇipīṭhe saptāvaraṇakam iti |
English translation
Fresh editorial translation from the Rādhopaniṣad textual dossier authority
She answered: ‘Shesha Deva is there, seated in the lotus posture and wholly intent on meditation upon Krishna. Within his endless hair-pores are infinite crores of universes and causal oceans; his hoods are measured in seven crores of thousands. Above him is Vaikuntha, called Vishnuloka. Rudraloka is Shiva’s Vaikuntha and extends ten crores of yojanas. Above it is the seven-crore-yojana Vishnuloka, and above that the Sudarshana disc extending three crores. Above it is Krishna’s abode: Gokula-rich Mathura-mandala, the great station encircled by an ocean made of nectar. There, within the pericarp of an eight-petalled lotus, stands a jewelled seat with seven enclosures.’
Prapāṭhaka 1.5
Sourceस पृच्छति—किꣳ रूपꣳ? किꣳ स्थानꣳ? किꣳ पद्मꣳ? किम् अन्तःकेसरः? किम् आवरणम्?
sa pṛcchati—kiṁ rūpaṁ? kiṁ sthānaṁ? kiṁ padmaṁ? kim antaḥkesaraḥ? kim āvaraṇam?
English translation
Fresh editorial translation from the Rādhopaniṣad textual dossier authority
He asked: ‘What is the form? What is the place? What is the lotus? What is within its pericarp? What are the enclosures?’
Prapāṭhaka 1.6
Sourceइत्य् उक्ते सानुयुक्ता—गोकुलाढ्ये माथुरमण्डले वृन्दावनमध्ये सहस्रदलपद्मे षोडशदलमध्ये अष्टदलकेसरे गोविन्दोऽपि श्यामपीताम्बरो द्विभुजो मयूरपिञ्छशिराः वेणुवेत्रहस्तो निर्गुणः सगुणो निराकारः साकारो निरीहः स चेष्टते विराजत इति । पार्श्वे राधिका चेति । तस्या अꣳशो लक्ष्मीदुर्गाविजयादिशक्तिर् इति । पश्चिमे सम्मुखे ललिता । वायव्ये श्यामला । उत्तरस्मिन् श्रीमती । ऐशान्याꣳ हरिप्रिया । पूर्वस्मिन् विशाला । अग्नेय्याꣳ श्रद्धा । याम्याꣳ पद्मा । नैरृत्याꣳ भद्रा । षोडशदले अग्रे चन्द्रावती । तद्वामे चित्ररेखा । तत्पार्श्वे चित्रकरा । तत्पार्श्वे मदनसुन्दरी । तत्पार्श्वे श्रीमदा । तत्पार्श्वे शशिरेखा । तत्पार्श्वे कृष्णप्रिया । तत्पार्श्वे वृन्दा । तत्पार्श्वे मनोहरा । तत्पार्श्वे योगानन्दा । तत्पार्श्वे परानन्दा । तत्पार्श्वे प्रेमानन्दा । तत्पार्श्वे सत्यानन्दा । तत्पार्श्वे चन्द्रा । तत्पार्श्वे किशोरीवल्लभा । तत्पार्श्वे करुणाकुशला इति । एवꣳ विविधा गोप्यः कृष्णसेवाꣳ कुर्वन्तीति ।
ity ukte sānuyuktā—gokulāḍhye māthuramaṇḍale vṛndāvanamadhye sahasradalapadme ṣoḍaśadalamadhye aṣṭadalakesare govindo'pi śyāmapītāmbaro dvibhujo mayūrapiñchaśirāḥ veṇuvetrahasto nirguṇaḥ saguṇo nirākāraḥ sākāro nirīhaḥ sa ceṣṭate virājata iti | pārśve rādhikā ceti | tasyā aṁśo lakṣmīdurgāvijayādiśaktir iti | paścime sammukhe lalitā | vāyavye śyāmalā | uttarasmin śrīmatī | aiśānyāṁ haripriyā | pūrvasmin viśālā | agneyyāṁ śraddhā | yāmyāṁ padmā | nairṛtyāṁ bhadrā | ṣoḍaśadale agre candrāvatī | tadvāme citrarekhā | tatpārśve citrakarā | tatpārśve madanasundarī | tatpārśve śrīmadā | tatpārśve śaśirekhā | tatpārśve kṛṣṇapriyā | tatpārśve vṛndā | tatpārśve manoharā | tatpārśve yogānandā | tatpārśve parānandā | tatpārśve premānandā | tatpārśve satyānandā | tatpārśve candrā | tatpārśve kiśorīvallabhā | tatpārśve karuṇākuśalā iti | evaṁ vividhā gopyaḥ kṛṣṇasevāṁ kurvantīti |
English translation
Fresh editorial translation from the Rādhopaniṣad textual dossier authority
She answered: ‘In Gokula-rich Mathura-mandala, in the midst of Vrindavan, within the sixteen petals of a thousand-petalled lotus and in the pericarp of its eight petals, Govinda shines: dark, dressed in yellow, two-armed, crowned with a peacock feather, flute and herding-stick in hand; beyond qualities yet possessed of qualities, formless yet formed, desireless yet active. Radhika is at his side. Lakshmi, Durga, Vijaya, and the other powers are portions of her. Facing him in the west is Lalita; in the northwest Shyamala; north Shrimati; northeast Haripriya; east Vishala; southeast Shraddha; south Padma; southwest Bhadra. On the sixteen petals are Chandravati, Chitrarekha, Chitrakara, Madanasundari, Shrimada, Shashirekha, Krishnapriya, Vrinda, Manohara, Yogananda, Parananda, Premananda, Satyananda, Chandra, Kishorivallabha, and Karunakushala. Thus the various gopis serve Krishna.’
The GGM transcription's informal correction beside Yogananda has been resolved to the normalized reading yogānandā; the parallel recension remains archived for comparison.
Prapāṭhaka 1.7
Sourceइति वेदवचनꣳ भवति । इति वेदवचनꣳ भवति । इति वेदवचनꣳ भवति । मानसपूजया जपेन ध्यानेन कीर्तनेन स्तुत्या मानसेन सर्वेण नित्यस्थलꣳ प्राप्नोति । नान्येनेति । नान्येनेति । नान्येनेति । इत्य् आथर्वण्याꣳ पुरुषबोधन्याꣳ पारमहꣳस्याꣳ प्रथमः प्रपाठकः ।
iti vedavacanaṁ bhavati | iti vedavacanaṁ bhavati | iti vedavacanaṁ bhavati | mānasapūjayā japena dhyānena kīrtanena stutyā mānasena sarveṇa nityasthalaṁ prāpnoti | nānyeneti | nānyeneti | nānyeneti | ity ātharvaṇyāṁ puruṣabodhanyāṁ pāramahaṁsyāṁ prathamaḥ prapāṭhakaḥ |
English translation
Fresh editorial translation from the Rādhopaniṣad textual dossier authority
So declares the Veda; so declares the Veda; so declares the Veda. By mental worship, recitation, meditation, singing, praise, and the whole inward discipline one reaches the eternal place—not by another means, not by another means, not by another means. Thus ends the first prapathaka of the Atharvanic, Purusha-bodhini, Paramahamsa teaching.