Sanskrit · Devanagari
अथातो वीरशक्तिश्चतुर्भुजाऽभयवरदपद्मधरा किरीटाभरणयुता सर्वदेवैः परिवृता कल्पतरुमूले चतुर्भिर्गजै रत्नघटैरमृतजलैरभिषिच्यमाना सर्वदेवैर्ब्रह्मादिभिर्वन्द्यमाना अणिमाद्यष्टैश्वर्ययुता संमुखे कामधेनुना स्तूयमाना वेदशास्त्रादिभिः स्तूयमाना जयाद्यप्सरःस्त्रीभिः परिचर्यमाणा आदित्यसोमाभ्यां दीपाभ्यां प्रकाश्यमाणा तुम्बुरुनारदादिभिर्गीयमाना राकासिनीवालीभ्यां छत्रेण ह्लादिनीमायाभ्यां चामरेण स्वाहास्वधाभ्यां व्यजनेन भृगुपुण्यादिभिरभ्यर्च्यमाना देवी दिव्यसिंहासने पद्मासनारूढा सकलकारणकार्यकरी लक्ष्मीर्देवस्य पृथग्भवनकल्पनालङ्कारस्थिरा प्रसन्नलोचना सर्वदेवतैः पूज्यमाना वीरलक्ष्मीरिति विज्ञायत इत्युपनिषत् ॥ ३७ ॥
IAST
athāto vīraśaktiścaturbhujā'bhayavaradapadmadharā kirīṭābharaṇayutā sarvadevaiḥ parivṛtā kalpatarumūle caturbhirgajai ratnaghaṭairamṛtajalairabhiṣicyamānā sarvadevairbrahmādibhirvandyamānā aṇimādyaṣṭaiśvaryayutā saṃmukhe kāmadhenunā stūyamānā vedaśāstrādibhiḥ stūyamānā jayādyapsaraḥstrībhiḥ paricaryamāṇā ādityasomābhyāṃ dīpābhyāṃ prakāśyamāṇā tumburunāradādibhirgīyamānā rākāsinīvālībhyāṃ chatreṇa hlādinīmāyābhyāṃ cāmareṇa svāhāsvadhābhyāṃ vyajanena bhṛgupuṇyādibhirabhyarcyamānā devī divyasiṃhāsane padmāsanārūḍhā sakalakāraṇakāryakarī lakṣmīrdevasya pṛthagbhavanakalpanālaṅkārasthirā prasannalocanā sarvadevataiḥ pūjyamānā vīralakṣmīriti vijñāyata ityupaniṣat || 37 ||
Fresh English translation
Now Vīra-śakti: four-armed, she bears the gestures of fearlessness and blessing and holds a lotus; crowned and jeweled, she is surrounded by all the gods. Beneath the wish-fulfilling tree, four elephants bathe her with nectar-water from jeweled vessels. Brahmā and all the gods bow to her. She possesses the eight sovereign powers beginning with minuteness; the wish-granting cow praises her before her, and Veda and śāstra extol her. Celestial women beginning with Jayā attend her. Sun and moon shine as her lamps; Tumburu, Nārada, and others sing of her. Rākā and Sinīvālī hold her parasol, Hlādinī and Māyā her fly-whisks, Svāhā and Svadhā her fans, while Bhṛgu, Puṇya, and others worship her. Seated in lotus posture upon a divine lion-throne, the goddess effects every cause and consequence. Lakṣmī, steadfast as the adornment through which the Lord appears distinct, looks forth graciously and is worshiped by every deity. She is known as Vīra-Lakṣmī. Thus ends the Upaniṣad.