23.001
Sourceश्रीश्रीगान्धर्विकायै नमः । वृन्दावने विहरतोरिह किलेकुञ्जे मत्तद्विपप्रवरकौतुकविभ्रमेण । सन्दर्शयस्व युवयोर्वदनारविन्द द्वन्द्वं विधेहि मयि देवि कृपां प्रसीद ॥ १॥
śrīśrīgāndharvikāyai namaḥ | vṛndāvane viharatoriha kilekuñje mattadvipapravarakautukavibhrameṇa | sandarśayasva yuvayorvadanāravinda dvandvaṃ vidhehi mayi devi kṛpāṃ prasīda || 1||
English translation
Fresh editorial translation from the Sanskrit Documents Stava-mālā authority authority
Obeisance to Śrī Śrī Gāndharvikā. O Goddess, as the two of you sport here in a Vṛndāvana grove with the delightful abandon of a pair of noble, intoxicated elephants, let me behold the twin lotuses of your faces. Bestow your mercy upon me and be pleased.
23.002
Sourceहा देवि काकुभरगद्गदयाद्य वाचा याचे निपत्य भुवि दण्डवदुद्भटार्तिः । अस्य प्रसादमबुधस्य जनस्य कृत्वा गान्धर्विके निजगणे गणनां विधेहि ॥ २॥
hā devi kākubharagadgadayādya vācā yāce nipatya bhuvi daṇḍavadudbhaṭārtiḥ | asya prasādamabudhasya janasya kṛtvā gāndharvike nijagaṇe gaṇanāṃ vidhehi || 2||
English translation
Fresh editorial translation from the Sanskrit Documents Stava-mālā authority authority
O Goddess, overcome by fierce anguish, I fall flat upon the ground and beg you today in a faltering voice laden with entreaty: show favor to this ignorant person, O Gāndharvikā, and count me among your own attendants.
23.003
Sourceश्यामे रमारमणसुन्दरतावरिष्ठ सौन्दर्यमोहितसमस्तजगज्जनस्य । श्यामस्य वामभुजबद्धतनुं कदाहं त्वामिन्दिराविरलरूपभरां भजामि ॥ ३॥
śyāme ramāramaṇasundaratāvariṣṭha saundaryamohitasamastajagajjanasya | śyāmasya vāmabhujabaddhatanuṃ kadāhaṃ tvāmindirāviralarūpabharāṃ bhajāmi || 3||
English translation
Fresh editorial translation from the Sanskrit Documents Stava-mālā authority authority
O dark-complexioned beauty, when will I worship you—an inexhaustible abundance of loveliness, your form held by the left arm of Śyāma, whose supreme beauty enchants all the people of the world?
23.004
Sourceत्वां प्रच्छदेन मुदिरच्छविना पिधाय मञ्जीरमुक्तचरणां च विधाय देवि । कुञ्जे व्रजेन्द्रतनयेन विराजमाने नक्तं कदा प्रमुदितामभिसारयिष्ये ॥ ४॥
tvāṃ pracchadena mudiracchavinā pidhāya mañjīramuktacaraṇāṃ ca vidhāya devi | kuñje vrajendratanayena virājamāne naktaṃ kadā pramuditāmabhisārayiṣye || 4||
English translation
Fresh editorial translation from the Sanskrit Documents Stava-mālā authority authority
O Goddess, when will I cover you with a wrap the color of a rain cloud, remove the ankle bells from your feet, and joyfully guide you at night to a tryst in the grove where the son of Vraja's king waits?
23.005
Sourceकुञ्जे प्रसूनकुलकल्पितकेलितल्पे संविष्टयोर्मधुरनर्मविलासभाजोः । लोकत्रयाभरणयोश्चरणाम्बुजानि संवाहयिष्यति कदा युवयोर्जनोऽयम् ॥ ५॥
kuñje prasūnakulakalpitakelitalpe saṃviṣṭayormadhuranarmavilāsabhājoḥ | lokatrayābharaṇayoścaraṇāmbujāni saṃvāhayiṣyati kadā yuvayorjano'yam || 5||
English translation
Fresh editorial translation from the Sanskrit Documents Stava-mālā authority authority
When will this person massage the lotus feet of you both—the ornaments of the three worlds—as you recline upon a play-bed fashioned from masses of flowers in the grove, delighting in sweet and playful intimacy?
23.006
Sourceत्वत्कुण्डरोधसि विलासपरिश्रमेण स्वेदाम्बुचुम्बिवदनाम्बुरुहश्रियो वाम् । वृन्दावनेश्वरि कदा तरुमूलभाजो संवीजयामि चमरीचयचामरेण ॥ ६॥
tvatkuṇḍarodhasi vilāsapariśrameṇa svedāmbucumbivadanāmburuhaśriyo vām | vṛndāvaneśvari kadā tarumūlabhājo saṃvījayāmi camarīcayacāmareṇa || 6||
English translation
Fresh editorial translation from the Sanskrit Documents Stava-mālā authority authority
O sovereign of Vṛndāvana, when will I fan the two of you beneath a tree on the bank of your lake with a yak-tail fan, while drops of perspiration from the exertion of your play kiss the beauty of your lotus faces?
23.007
Sourceलीनां निकुञ्जकुहरे भवतीं मुकुन्दे चित्रैव सूचितवतीं रुचिराक्षि नाहम् । भुग्नां भ्रुवं न रचयेति मृषारुषां त्वां अग्रे व्रजेन्द्रतनयस्य कदा नु नेष्ये ॥ ७॥
līnāṃ nikuñjakuhare bhavatīṃ mukunde citraiva sūcitavatīṃ rucirākṣi nāham | bhugnāṃ bhruvaṃ na racayeti mṛṣāruṣāṃ tvāṃ agre vrajendratanayasya kadā nu neṣye || 7||
English translation
Fresh editorial translation from the Sanskrit Documents Stava-mālā authority authority
O lovely-eyed one, when you hide with Mukunda in the recess of a grove, when will I bring you before the son of Vraja's king and soothe your feigned anger, saying, ‘It was Citrā who revealed you, not I; please do not arch your brow at me’?
23.008
Sourceवाग्युद्धकेलिकुतुके व्रजराजसूनुं जित्वोन्मदामधिकदर्पविकासिजल्पाम् । फुल्लाभिरालिभिरनल्पमुदीर्यमाण स्तोत्रां कदा नु भवतीमवलोकयिष्ये ॥ ८॥
vāgyuddhakelikutuke vrajarājasūnuṃ jitvonmadāmadhikadarpavikāsijalpām | phullābhirālibhiranalpamudīryamāṇa stotrāṃ kadā nu bhavatīmavalokayiṣye || 8||
English translation
Fresh editorial translation from the Sanskrit Documents Stava-mālā authority authority
When will I behold you exultant after defeating the son of Vraja's king in the delightful contest of words, speaking with swelling pride while your jubilant friends pour forth abundant praises of you?
23.009
Sourceयः कोऽपि सुष्ठु वृषभानुकुमारिकायाः संप्रार्थनाष्टकमिदं पठति प्रपन्नः । सा प्रेयसा सह समेत्य धृतप्रमोदा तत्र प्रसादलहरीमुररीकरोति ॥ ९॥
yaḥ ko'pi suṣṭhu vṛṣabhānukumārikāyāḥ saṃprārthanāṣṭakamidaṃ paṭhati prapannaḥ | sā preyasā saha sametya dhṛtapramodā tatra prasādalaharīmurarīkaroti || 9||
English translation
Fresh editorial translation from the Sanskrit Documents Stava-mālā authority authority
Whoever takes shelter and faithfully recites this eight-verse prayer to Vṛṣabhānu's daughter will find that she comes there with her beloved, filled with joy, and accepts that devotee in a wave of grace.
23.010
Sourceइति श्रीरूपगोस्वामिविरचितस्तवमालायां श्रीगान्धर्वासंप्रार्थनाष्टकं सम्पूर्णम् ।
iti śrīrūpagosvāmiviracitastavamālāyāṃ śrīgāndharvāsaṃprārthanāṣṭakaṃ sampūrṇam |
English translation
Fresh editorial translation from the Sanskrit Documents Stava-mālā authority authority
Thus ends the Śrī Gāndharvā-samprārthanāṣṭakam in the Stava-mālā composed by Śrī Rūpa Goswāmī.