Kelimālā · Padas 91-100

राग मलार यह अचरज देख्यौ न सुन्यौ कहूँ नवीन मेघ संग बिजुरी एक रस। तामें मौज उठति अधिक बहु भाँति लस॥ मन के देखिवे कौं और सुख नाहिंने चितवत चितहिं करत बस। श्रीहरिदास के स्वामी स्यामा कुंजबिहारी बिहारिनि जू कौ पवित्र जस॥

rāga malāra yaha acaraja dekhyau na sunyau kahū~ navīna megha saṃga bijurī eka rasa| tāmeṃ mauja uṭhati adhika bahu bhā~ti lasa|| mana ke dekhive kauṃ aura sukha nāhiṃne citavata citahiṃ karata basa| śrīharidāsa ke svāmī syāmā kuṃjabihārī bihārini jū kau pavitra jasa||

राग मलार बूँदें सुहावनी री लागति मति भींजै तेरी चूनरी। मोहिं दे उतारि धरि राखौं बगल में तू न री॥ लागि लपटाइ रहैं छाती सौं छातीजो न आवबे तोहिं बौछार की फूनरी। श्रीहरिदास के स्वामी स्याम कहत बिजुरी कौंधे करि हाँ हूँ न री॥

rāga malāra bū~deṃ suhāvanī rī lāgati mati bhīṃjai terī cūnarī| mohiṃ de utāri dhari rākhauṃ bagala meṃ tū na rī|| lāgi lapaṭāi rahaiṃ chātī sauṃ chātījo na āvabe tohiṃ bauchāra kī phūnarī| śrīharidāsa ke svāmī syāma kahata bijurī kauṃdhe kari hā~ hū~ na rī||

राग मलार भीजन लागे री दोऊ जन। अँचरा की ओट करत दोऊ जन॥ अति उन्मत्त रहत निसि वासर राग ही के रंग रंगे दोऊ जन । श्रीहरिदास के स्वामी स्याम प्रेम परस्पर नृत्य करत दोऊ जन।।

rāga malāra bhījana lāge rī doū jana| a~carā kī oṭa karata doū jana|| ati unmatta rahata nisi vāsara rāga hī ke raṃga raṃge doū jana | śrīharidāsa ke svāmī syāma prema paraspara nṛtya karata doū jana||

राग मलार नदित मन मृदंगी रास भूमि सुकांति अभिनय सु नव गति त्रिभंगी। धापि राधा नटति ललिता रसवती नागरी गाइतेग्रि नाभि तान तुंगी।। रसद बिहारी बंदे वल्लभा राधिका निसि दिन रंग रंगी। श्रीहरिदास के स्वामी स्यामा कुंजबिहारी संगीत संगी।।

rāga malāra nadita mana mṛdaṃgī rāsa bhūmi sukāṃti abhinaya su nava gati tribhaṃgī| dhāpi rādhā naṭati lalitā rasavatī nāgarī gāitegri nābhi tāna tuṃgī|| rasada bihārī baṃde vallabhā rādhikā nisi dina raṃga raṃgī| śrīharidāsa ke svāmī syāmā kuṃjabihārī saṃgīta saṃgī||

राग मलार दामिनि कहति मेघ सौं हमारी उपमा देहिं ते झूठे एई मेघ एई बिजुरी साँची। जिन जिन हमारी उपमा दीनी तिन तिन की मति काँची॥ ऐसी कहूँ सुनी जु दूँद तें कन न्यारौता पटतर क्यौं दीजै समुद्र राँची। श्रीहरिदास के स्वामी स्यामा कुंजबिहारी अटल अटल प्रीति माँची॥

rāga malāra dāmini kahati megha sauṃ hamārī upamā dehiṃ te jhūṭhe eī megha eī bijurī sā~cī| jina jina hamārī upamā dīnī tina tina kī mati kā~cī|| aisī kahū~ sunī ju dū~da teṃ kana nyārautā paṭatara kyauṃ dījai samudra rā~cī| śrīharidāsa ke svāmī syāmā kuṃjabihārī aṭala aṭala prīti mā~cī||

राग गौड़ नाचत मोरनि संग स्याम मुदित स्यामाहि रिझावत। तैसीयै कोकिला अलापत पपीहा देत सुरतैसेई मेघ गरजि मृदंग बजावत॥ तैसीयै स्याम घटा निसि सी कारी तैसीये दामिनी कौंधि दीप दिखावत । श्रीहरिदास के स्वामी स्यामा कुंजबिहारी रीझि राधे हँसि कंठ लगावत।।

rāga gaur̤a nācata morani saṃga syāma mudita syāmāhi rijhāvata| taisīyai kokilā alāpata papīhā deta surataiseī megha garaji mṛdaṃga bajāvata|| taisīyai syāma ghaṭā nisi sī kārī taisīye dāminī kauṃdhi dīpa dikhāvata | śrīharidāsa ke svāmī syāmā kuṃjabihārī rījhi rādhe ha~si kaṃṭha lagāvata||

राग गौड़ हरि के अंग कौ चंदन लपटानौ तन तेरे देखियत जैसे पीत चोली। मरगजे अभरन वदन छिपावति छिपै न छिपायें मानौं कृष्ण बोली।। कहुँ अंजन कहुँ अलक रही खसि सुरति रंग की पोटैं खोली। श्रीहरिदास के स्वामी स्यामा बिहारिनि मिलत हार न रह्यौ कंठ बिच ओली।।

rāga gaur̤a hari ke aṃga kau caṃdana lapaṭānau tana tere dekhiyata jaise pīta colī| maragaje abharana vadana chipāvati chipai na chipāyeṃ mānauṃ kṛṣṇa bolī|| kahu~ aṃjana kahu~ alaka rahī khasi surati raṃga kī poṭaiṃ kholī| śrīharidāsa ke svāmī syāmā bihārini milata hāra na rahyau kaṃṭha bica olī||

राग बसंत कुच गडुवा जोवन मौर कंचुकी वसन ढॉंपि लै राख्यौ बसंत। गुन मंदिर रूप बगीचा में बैठी है मुख लसंत।। कोटि काम लावण्य बिहारी जाहि देखत सब दुख नसंत। ऐसे रसिक श्रीहरिदास के स्वामी तिनकौं भरन आई मिलि हसंत॥

rāga basaṃta kuca gaḍuvā jovana maura kaṃcukī vasana ḍhaॉṃpi lai rākhyau basaṃta| guna maṃdira rūpa bagīcā meṃ baiṭhī hai mukha lasaṃta|| koṭi kāma lāvaṇya bihārī jāhi dekhata saba dukha nasaṃta| aise rasika śrīharidāsa ke svāmī tinakauṃ bharana āī mili hasaṃta||

राग वसंत श्रीकुंजबिहारी कौ बसंत सखि चलहु न देखन जाहिं। नव वन नव निकुंज नव पल्लव नव जुवतिन मिलि माहिं॥ वंसी सरस मधुर धुनि सुनियत फूली अंग न माहिं। सुनि हरिदास प्रेम सौं प्रेमहि छिरकत छैल छुवाहिं॥

rāga vasaṃta śrīkuṃjabihārī kau basaṃta sakhi calahu na dekhana jāhiṃ| nava vana nava nikuṃja nava pallava nava juvatina mili māhiṃ|| vaṃsī sarasa madhura dhuni suniyata phūlī aṃga na māhiṃ| suni haridāsa prema sauṃ premahi chirakata chaila chuvāhiṃ||

राग वसंत चलि री भीर तें न्यारेई खेलैं। कुंज निकुंज मंजु में झेलैं॥ जहाँ पंछी न सहित सखी न संग कोऊ तिहिं वन चलि मिलि केलैं। श्रीहरिदास के स्वामी स्यामा प्रेम परस्पर बूका बंदन मेलैं।।

rāga vasaṃta cali rī bhīra teṃ nyāreī khelaiṃ| kuṃja nikuṃja maṃju meṃ jhelaiṃ|| jahā~ paṃchī na sahita sakhī na saṃga koū tihiṃ vana cali mili kelaiṃ| śrīharidāsa ke svāmī syāmā prema paraspara būkā baṃdana melaiṃ||