Kelimālā · Padas 61-70

राग कल्यान डोलत झूलत बिहारी बिहारिनि राग रमि रहोौ। काहू के हाथ अधोटी काहू के वीन काहू के मृदंग कोऊ गहैं तार काहू कें अरगजा छिरकत रंग रह्यौ॥ डॉंड़ीं छाड़ें खेल बढ़्यौ जु परस्पर नहिं जानियत पग क्यौं रह्यौ। श्रीहरिदास के स्वामी स्यामा कुंजबिहारी कौ खेल खेलत काहू न लह्यौ॥

rāga kalyāna ḍolata jhūlata bihārī bihārini rāga rami rahoau| kāhū ke hātha adhoṭī kāhū ke vīna kāhū ke mṛdaṃga koū gahaiṃ tāra kāhū keṃ aragajā chirakata raṃga rahyau|| ḍaॉṃr̤īṃ chār̤eṃ khela bar̤hyau ju paraspara nahiṃ jāniyata paga kyauṃ rahyau| śrīharidāsa ke svāmī syāmā kuṃjabihārī kau khela khelata kāhū na lahyau||

राग कल्यान हमारौ दान मार्यौ इनि; रातिनि बेचि बेचि जात। घेरौ सखा जानि ज्यौं न पावैं छियौ जिनि।। देखौ हरि के ऊज उठाइवे की बात राति विराति बहू बेटी काहू की निकसति है पुनि। श्रीहरिदास के स्वामी की प्रकृति न फिरी छिया छाँड़ौ किनि ।।

rāga kalyāna hamārau dāna māryau ini; rātini beci beci jāta| gherau sakhā jāni jyauṃ na pāvaiṃ chiyau jini|| dekhau hari ke ūja uṭhāive kī bāta rāti virāti bahū beṭī kāhū kī nikasati hai puni| śrīharidāsa ke svāmī kī prakṛti na phirī chiyā chā~r̤au kini ||

राग कल्यान गुन रूप भरी विधिना सँवारी दुहूँ कर कंकन एक एक सोहै। छूटे बार गरें पोति दिपति मुख की जोति देखि देखि रीझे तोहिं प्रानपति नैन सलौनी मन मोहै।। सब सखीं निरखि थकित भईं आली ज्यौं ज्यौं प्रानप्यारौ तेरौ मुख जोहै। रस बस करि लीने श्रीहरिदास के स्वामी स्यामा तेरी उपमा कौं कहिधौं को है।।

rāga kalyāna guna rūpa bharī vidhinā sa~vārī duhū~ kara kaṃkana eka eka sohai| chūṭe bāra gareṃ poti dipati mukha kī joti dekhi dekhi rījhe tohiṃ prānapati naina salaunī mana mohai|| saba sakhīṃ nirakhi thakita bhaīṃ ālī jyauṃ jyauṃ prānapyārau terau mukha johai| rasa basa kari līne śrīharidāsa ke svāmī syāmā terī upamā kauṃ kahidhauṃ ko hai||

राग कल्यान अजहूँ कहा कहति है री मारै नैन आरनि। भौहैं ज्यौं धनुष चितवनि बान बॉंफिन फोंक धरें कहत स्याम प्यारनि॥। तू ही जीवन तू ही भूषन तू ही प्रान धन यारनि। श्रीहरिदास के स्वामी स्यामा कुंजबिहारी सौं मेरु भयो बिहारनि॥

rāga kalyāna ajahū~ kahā kahati hai rī mārai naina ārani| bhauhaiṃ jyauṃ dhanuṣa citavani bāna baॉṃphina phoṃka dhareṃ kahata syāma pyārani||| tū hī jīvana tū hī bhūṣana tū hī prāna dhana yārani| śrīharidāsa ke svāmī syāmā kuṃjabihārī sauṃ meru bhayo bihārani||

राग सारंग प्यारी तू गुननि राइ सिरमौर। गति में गति उपजति नाना राग रागिनी तार मंदर सुर घोर।। काहू कछू लियौ रेख छाया तौ कहा भयौ झूठी दौर। कहिं श्रीहरिदास लेत प्यारी जू के तिरप लागनि में किसोर।।

rāga sāraṃga pyārī tū gunani rāi siramaura| gati meṃ gati upajati nānā rāga rāginī tāra maṃdara sura ghora|| kāhū kachū liyau rekha chāyā tau kahā bhayau jhūṭhī daura| kahiṃ śrīharidāsa leta pyārī jū ke tirapa lāgani meṃ kisora||

राग सारंग प्यारी तोपै कितौक संग्रह छबिन कौ अंग अंग प्रति नाना भाइ दिखावति। हाथ किन्नरी मध्य सचु पाँइ सुलप राग रागिनी सौं तू मिलि गावति।। कहा कहौं एक जीभ गुन अगनित हारि पर्यौ कछु कहत न आवति। श्रीहरिदास के स्वामी स्यामकहत री प्यारी तू जे जे भाइ ल्यावति।।

rāga sāraṃga pyārī topai kitauka saṃgraha chabina kau aṃga aṃga prati nānā bhāi dikhāvati| hātha kinnarī madhya sacu pā~i sulapa rāga rāginī sauṃ tū mili gāvati|| kahā kahauṃ eka jībha guna aganita hāri paryau kachu kahata na āvati| śrīharidāsa ke svāmī syāmakahata rī pyārī tū je je bhāi lyāvati||

राग सारंग परस्पर राग जम्यौ समेत किन्नरी मृदंग सुर तार। तीन हूँ सुरनि के तान बंधान धुर धुरपद अपार।। विरस लेत धीरज न रह्यौ तिरप लाग डाट सुर मोरनि सार। श्रीहरिदास के स्वामी स्यामा जे जे अंग की गति लेत अति निपुन अंग अंग अहार।।

rāga sāraṃga paraspara rāga jamyau sameta kinnarī mṛdaṃga sura tāra| tīna hū~ surani ke tāna baṃdhāna dhura dhurapada apāra|| virasa leta dhīraja na rahyau tirapa lāga ḍāṭa sura morani sāra| śrīharidāsa ke svāmī syāmā je je aṃga kī gati leta ati nipuna aṃga aṃga ahāra||

राग सारंग तोकौं पिय बोलत हैं री लाल ठाढ़े कदंब तर। अबकैं ऐसौ ज्यौ कियें कहा होत है री मारि रही कुसुम सर।। कुंजबिहारी अपनौ अंस तासौं क्‍यौं कीजै छदम बर। श्रीहरिदास के स्वामी स्यामा ढूंढ़त वन में पाई क्रम क्रम विषम डर॥

rāga sāraṃga tokauṃ piya bolata haiṃ rī lāla ṭhār̤he kadaṃba tara| abakaiṃ aisau jyau kiyeṃ kahā hota hai rī māri rahī kusuma sara|| kuṃjabihārī apanau aṃsa tāsauṃ k‍yauṃ kījai chadama bara| śrīharidāsa ke svāmī syāmā ḍhūṃr̤hata vana meṃ pāī krama krama viṣama ḍara||

राग सारंग चलिये छबीली छबीलौ बोलत। आजु की बानिक पर तृन टूटत है कही न जाय कछु स्याम तोहिं रत॥ सखी लै चली मनाय ज्यौं हित की आई घत। श्रीहरिदास के स्वामी स्यामा बीच ही आइ मिलै तन की सुबास सकल भँवर कलमत ।।

rāga sāraṃga caliye chabīlī chabīlau bolata| āju kī bānika para tṛna ṭūṭata hai kahī na jāya kachu syāma tohiṃ rata|| sakhī lai calī manāya jyauṃ hita kī āī ghata| śrīharidāsa ke svāmī syāmā bīca hī āi milai tana kī subāsa sakala bha~vara kalamata ||

राग सारंग बेनी गूँथि कहा कोऊ जानें मेरी सी तेरी सौं । विच विच फूल सेत पीत राते को करि सकै एरी सौं॥ बैठे रसिक सॅंवारनि बारनि कोमल कर ककही सौं। श्रीहरिदास के स्वामी स्यामा नखसिख लौं बनाई दै काजर नख ही सौं ।।

rāga sāraṃga benī gū~thi kahā koū jāneṃ merī sī terī sauṃ | vica vica phūla seta pīta rāte ko kari sakai erī sauṃ|| baiṭhe rasika saॅṃvārani bārani komala kara kakahī sauṃ| śrīharidāsa ke svāmī syāmā nakhasikha lauṃ banāī dai kājara nakha hī sauṃ ||