Kelimālā · Padas 11-20

राग कान्हरौ वात तौ कहत कहि गई अब कठिन परी बिहारी। प्रान तौ नाहिंने तन अस्तविस्त भये कहै कहा प्यारी॥ भाँवते की प्रकृति देखत जु श्रम भयौ बहुत हिया री। श्रीहरिदास के स्वामी स्याम बाह सौं बाहु मिलाय रहे मुख निहारी॥

rāga kānharau vāta tau kahata kahi gaī aba kaṭhina parī bihārī| prāna tau nāhiṃne tana astavista bhaye kahai kahā pyārī|| bhā~vate kī prakṛti dekhata ju śrama bhayau bahuta hiyā rī| śrīharidāsa ke svāmī syāma bāha sauṃ bāhu milāya rahe mukha nihārī||

राग कान्हरौ कुंजविहारी हौं तेरी बलाइ लेऊँ नीके हौं गावत। राग रागिनीन के जूथ उपजावत॥ तैसीयै तैसी मिली जोरी प्रिया जू कौ मुख देखत चंद लजावत। श्रीहरिदास के स्वामी स्यामा कौ नृत्य देखत काहि न भावत॥

rāga kānharau kuṃjavihārī hauṃ terī balāi leū~ nīke hauṃ gāvata| rāga rāginīna ke jūtha upajāvata|| taisīyai taisī milī jorī priyā jū kau mukha dekhata caṃda lajāvata| śrīharidāsa ke svāmī syāmā kau nṛtya dekhata kāhi na bhāvata||

राग कान्हरौ एक समै एकांत वन में करत सिंगार परस्पर दोई। वे उनके वे उनके प्रतिबिंबनि देखत रहत परस्पर भोई | जैसे नीके आजु बने ऐसे न बने आरसी सब झूठी परी कैसीयैब कोई । श्रीहरिदास के स्वामी स्यामा कुंजबिहारी रीझि परस्पर प्रीति नोई॥

rāga kānharau eka samai ekāṃta vana meṃ karata siṃgāra paraspara doī| ve unake ve unake pratibiṃbani dekhata rahata paraspara bhoī | jaise nīke āju bane aise na bane ārasī saba jhūṭhī parī kaisīyaiba koī | śrīharidāsa ke svāmī syāmā kuṃjabihārī rījhi paraspara prīti noī||

राग कान्हरौ राधे चलि री हरि बोलत कोकिला अलापत सुर देत पंछी राग बन्यौ। जहाँ मोर काछ बाँधे नृत्य करत मेघ मृदंग बजावत बंधान गन्यौ।। प्रकृति की कोऊ नाहीं यातें सुरति के उनमान गहि हौं आई मैं जन्यौ। श्रीहरिदास के स्वामी स्यामा कुंजबिहारी की अटपटी बानि औरै कहत कछु औरै भन्यौ।॥।

rāga kānharau rādhe cali rī hari bolata kokilā alāpata sura deta paṃchī rāga banyau| jahā~ mora kācha bā~dhe nṛtya karata megha mṛdaṃga bajāvata baṃdhāna ganyau|| prakṛti kī koū nāhīṃ yāteṃ surati ke unamāna gahi hauṃ āī maiṃ janyau| śrīharidāsa ke svāmī syāmā kuṃjabihārī kī aṭapaṭī bāni aurai kahata kachu aurai bhanyau||||

राग कान्हरौ तेरौ मग जोवत लाल बिहारी। तेरी समाधि अजहूँ नहीं छूटत चाहत नाहिंने नेंकु निहारी।। औचक आइ द्वै कर सो मूँदे नैन अरबराइ उठी चिहारी। श्रीहरिदास के स्वामी स्यामा ढूँढ़त वन में पाई प्रिया दिहारी॥

rāga kānharau terau maga jovata lāla bihārī| terī samādhi ajahū~ nahīṃ chūṭata cāhata nāhiṃne neṃku nihārī|| aucaka āi dvai kara so mū~de naina arabarāi uṭhī cihārī| śrīharidāsa ke svāmī syāmā ḍhū~r̤hata vana meṃ pāī priyā dihārī||

राग कान्हरौ मानि तूब चल री एक संग रह्यौ कीजै तौ कीजै जो बिन देखै जीजै ।। ये स्याम घन तुम दामिनी प्रेम पुंज वरषा रस पीजै। श्रीहरिदास के स्वामी स्यामा कुंजबिहारी सौं हिलि मिलि रंग लीजै॥

rāga kānharau māni tūba cala rī eka saṃga rahyau kījai tau kījai jo bina dekhai jījai || ye syāma ghana tuma dāminī prema puṃja varaṣā rasa pījai| śrīharidāsa ke svāmī syāmā kuṃjabihārī sauṃ hili mili raṃga lījai||

राग कान्हरौ तू रिस छाँड़ि री राधे राधे। ज्यौं ज्यौं तोकौं गहर त्यौं त्यौं मोकौं विथा री साधे साधे॥ प्राननि कौं पोषत है री तेरे वचन सुनियत आधे आधे। श्रीहरिदास के स्वामी स्यामा कुंजबिहारी तेरी प्रीति बाँधे बाँधे ॥

rāga kānharau tū risa chā~r̤i rī rādhe rādhe| jyauṃ jyauṃ tokauṃ gahara tyauṃ tyauṃ mokauṃ vithā rī sādhe sādhe|| prānani kauṃ poṣata hai rī tere vacana suniyata ādhe ādhe| śrīharidāsa ke svāmī syāmā kuṃjabihārī terī prīti bā~dhe bā~dhe ||

राग कान्हरौ आजु तृन टूटत है री ललित त्रिभंगी पर। चरन चरन पर मुरली अधर धरैं चितवनि बंक छबीली भू पर॥ चलहु न वेगि राधिका पिय पै जो भयौ चाहत हौ सर्वोपर। श्रीहरिदास के स्वामी कौ समयौ अब नीको बन्यौ हिलि मिलि केलि अटल रति भई धू पर॥

rāga kānharau āju tṛna ṭūṭata hai rī lalita tribhaṃgī para| carana carana para muralī adhara dharaiṃ citavani baṃka chabīlī bhū para|| calahu na vegi rādhikā piya pai jo bhayau cāhata hau sarvopara| śrīharidāsa ke svāmī kau samayau aba nīko banyau hili mili keli aṭala rati bhaī dhū para||

राग कान्हरौ दिन डफ ताल बजावत गावत भरत परस्पर छिन छिन होरी। अति सुकुमार वदन श्रम वरसत भलै मिलै रसिक किसोर किसोरी॥ वातनि बतबतात राग रंग रमि रह्यौ इत उत चाहि चलत तकि खोरी। सुनि हरिदास तमाल स्याम सौं लता लपटि कंचन की थोरी ।।

rāga kānharau dina ḍapha tāla bajāvata gāvata bharata paraspara china china horī| ati sukumāra vadana śrama varasata bhalai milai rasika kisora kisorī|| vātani batabatāta rāga raṃga rami rahyau ita uta cāhi calata taki khorī| suni haridāsa tamāla syāma sauṃ latā lapaṭi kaṃcana kī thorī ||

राग कान्हरौ द्वै लर मोतिन की एक पुंजा पोति कौ सादा नेत्रनि दृष्टि लागौ जिनि मेरी । हाथनि चारि चारि चूरी पाँइनि इकसार चूरा चौपहलू इकटक रहे हरि हेरी ।। एक मरगजी सारी तन तें कंचुकी न्यारी अरु अँचरा की बाँई गति मोरि उरसनि फेरी। श्रीहरिदास के स्वामी स्यामा कुंजबिहारी या रस ही बस भये हरैं हरैं सरकनि नेरी॥

rāga kānharau dvai lara motina kī eka puṃjā poti kau sādā netrani dṛṣṭi lāgau jini merī | hāthani cāri cāri cūrī pā~ini ikasāra cūrā caupahalū ikaṭaka rahe hari herī || eka maragajī sārī tana teṃ kaṃcukī nyārī aru a~carā kī bā~ī gati mori urasani pherī| śrīharidāsa ke svāmī syāmā kuṃjabihārī yā rasa hī basa bhaye haraiṃ haraiṃ sarakani nerī||