Padas 37-48

बेगि चलहि उठि गहरु करति कत, निकुंज बुलावत लाल। हा राधा राधिका पुकारत, निरखि मदन गज ढाल॥ करत सहाइ सरद ससि मारुत, फूटि मिली उर माल। दुर्गम तकत समर अति कातर, करहि न पिय प्रतिपाल॥ (जै श्री) हित हरिवंश चली अति आतुर, श्रवन सुनत तेहि काल। लै राखे गिरि कुच बिच सुंदर, सुरत-सूर ब्रज बाल॥

begi calahi uṭhi gaharu karati kata, nikuṃja bulāvata lāla| hā rādhā rādhikā pukārata, nirakhi madana gaja ḍhāla|| karata sahāi sarada sasi māruta, phūṭi milī ura māla| durgama takata samara ati kātara, karahi na piya pratipāla|| (jai śrī) hita harivaṃśa calī ati ātura, śravana sunata tehi kāla| lai rākhe giri kuca bica suṃdara, surata-sūra braja bāla||

चलहि उठि गहर करति कत, निकुंज बुलावत लाल । हा राधा राधिका पुकारत, निरखि मदन गज ढाल ॥ करत सहाइ सरद ससि मारुत, फुटि मिली उर माल । दुर्गम तकत समर अति कातर, करहि न पिय प्रतिपाल ॥ (जै श्री) हित हरिवंश चली अति आतुर, श्रवन सुनत तेहि काल । लै राखे गिरि कुच बिच सुंदर, सुरत – सूर ब्रज बाल॥

calahi uṭhi gahara karati kata, nikuṃja bulāvata lāla | hā rādhā rādhikā pukārata, nirakhi madana gaja ḍhāla || karata sahāi sarada sasi māruta, phuṭi milī ura māla | durgama takata samara ati kātara, karahi na piya pratipāla || (jai śrī) hita harivaṃśa calī ati ātura, śravana sunata tehi kāla | lai rākhe giri kuca bica suṃdara, surata – sūra braja bāla||

खेल्यो लाल चाहत रवन । रचि रचि अपने हाथ सँवारयौ निकुंज भवन ॥ रजनी सरद मंद सौरभ सौं सीतल पवन । तो बिनु कुँवरि काम की बेदन मेटब कवन ॥ चलहि न चपल बाल मृगनैनी तजिब मवन । (जै श्री) हित हरिवंश मिलब प्यारे की आरति दवन॥

khelyo lāla cāhata ravana | raci raci apane hātha sa~vārayau nikuṃja bhavana || rajanī sarada maṃda saurabha sauṃ sītala pavana | to binu ku~vari kāma kī bedana meṭaba kavana || calahi na capala bāla mṛganainī tajiba mavana | (jai śrī) hita harivaṃśa milaba pyāre kī ārati davana||

बैठे लाल निकुंज भवन । रजनी रुचिर मल्लिका मुकुलित त्रिविध पवन ॥ तूँ सखी काम केलि मन मोहन मदन दवन । वृथा गहरु कत करति कृसोदरी कारन कवन ॥ चपल चली तन की सुधि बिसरी सुनत श्रवन । (जै श्री) हित हरिवंश मिले रस लंपट राधिका रवन॥

baiṭhe lāla nikuṃja bhavana | rajanī rucira mallikā mukulita trividha pavana || tū~ sakhī kāma keli mana mohana madana davana | vṛthā gaharu kata karati kṛsodarī kārana kavana || capala calī tana kī sudhi bisarī sunata śravana | (jai śrī) hita harivaṃśa mile rasa laṃpaṭa rādhikā ravana||

प्रीति की रीति रंगिलोइ जानै । जद्यपि सकल लोक चूड़ामनि दीन अपनपौ मानै ॥ जमुना पुलिन निकुंज भवन में मान मानिनी ठानै । निकट नवीन कोटि कामिनि कुल धीरज मनहिं न आनै ॥ नस्वर नेह चपल मधुकर ज्यों आँन आँन सौं बानै । (जै श्री) हित हरिवंश चतुर सोई लालहिं छाड़ि मैंड पहिचानै॥

prīti kī rīti raṃgiloi jānai | jadyapi sakala loka cūr̤āmani dīna apanapau mānai || jamunā pulina nikuṃja bhavana meṃ māna māninī ṭhānai | nikaṭa navīna koṭi kāmini kula dhīraja manahiṃ na ānai || nasvara neha capala madhukara jyoṃ ā~na ā~na sauṃ bānai | (jai śrī) hita harivaṃśa catura soī lālahiṃ chār̤i maiṃḍa pahicānai||

प्रीति न काहु की कानि बिचारै । मारग अपमारग विथकित मन को अनुसरत निवारै ॥ ज्यौं सरिता साँवन जल उमगत सनमुख सिंधु सिधारै । ज्यौं नादहि मन दियें कुरंगनि प्रगट पारधी मारै ॥ (जै श्री) हित हरिवंश हिलग सारँग ज्यौं सलभ सरीरहि जारै । नाइक निपून नवल मोहन बिनु कौन अपनपौ हारै॥

prīti na kāhu kī kāni bicārai | māraga apamāraga vithakita mana ko anusarata nivārai || jyauṃ saritā sā~vana jala umagata sanamukha siṃdhu sidhārai | jyauṃ nādahi mana diyeṃ kuraṃgani pragaṭa pāradhī mārai || (jai śrī) hita harivaṃśa hilaga sāra~ga jyauṃ salabha sarīrahi jārai | nāika nipūna navala mohana binu kauna apanapau hārai||

अति नागरि वृषभानु किसोरी । सुनि दूतिका चपल मृगनैनी, आकरषत चितवन चित गोरी ॥ श्रीफल उरज कंचन सी देही, कटि केहरि गुन सिंधु झकोरी । बैंनी भुजंग चन्द्र सत वदनी, कदलि जंघ जलचर गति चोरी ॥ सुनि ‘हरिवंश’ आजु रजनी मुख, बन मिलाइ मेरी निज जोरी । जद्यपि मान समेत भामिनी, सुनि कत रहत भली जिय भोरी॥

ati nāgari vṛṣabhānu kisorī | suni dūtikā capala mṛganainī, ākaraṣata citavana cita gorī || śrīphala uraja kaṃcana sī dehī, kaṭi kehari guna siṃdhu jhakorī | baiṃnī bhujaṃga candra sata vadanī, kadali jaṃgha jalacara gati corī || suni ‘harivaṃśa’ āju rajanī mukha, bana milāi merī nija jorī | jadyapi māna sameta bhāminī, suni kata rahata bhalī jiya bhorī||

चलि सुंदरि बोली वृंदावन । कामिनि कंठ लागि किन राजहि, तूँ दामिनि मोहन नौतन घन ॥ कंचुकी सुरंग विविध रँग सारी, नख जुग ऊन बने तरे तन ॥ ये सब उचित नवल मोहन कौं, श्रीफल कुच जोवन आगम धन ॥ अतिसै प्रीति हुती अंतरगत, (जैश्री) हित हरिवंश चली मुकुलित मन । निविड़ निकुंज मिले रस सागर, जीते सत रति राज सुरत रन॥

cali suṃdari bolī vṛṃdāvana | kāmini kaṃṭha lāgi kina rājahi, tū~ dāmini mohana nautana ghana || kaṃcukī suraṃga vividha ra~ga sārī, nakha juga ūna bane tare tana || ye saba ucita navala mohana kauṃ, śrīphala kuca jovana āgama dhana || atisai prīti hutī aṃtaragata, (jaiśrī) hita harivaṃśa calī mukulita mana | nivir̤a nikuṃja mile rasa sāgara, jīte sata rati rāja surata rana||

आवति श्रीवृषभानु दुलारी । रूप रासि अति चतुर सिरोमनि अंग अंग सुकुमारी ॥ प्रथम उबटि मज्जन करि सज्जित नील बरन तन सारी । गुंथित अलक तिलक कृत सुंदर सैंदूर माँग सँवारी ॥ मृगज समान नैंन अंजन जुत रुचिर रेख अनुसारी । जटित लवंग ललित नासा पर दसनावलि कृत कारी ॥ श्रीफल उरज कँसूभी कंचुकि कसि ऊपर हार छबि न्यारी । कृस कटि उदर गँभीर नाभि पुट जघन नितंबनि भारी ॥ मनौं मृनाल भूषन भूषित भुज स्याम अंस पर डारी । (जै श्री) हित हरिवंश जुगल करिनी गज विहरत वन पिय प्यारी॥

āvati śrīvṛṣabhānu dulārī | rūpa rāsi ati catura siromani aṃga aṃga sukumārī || prathama ubaṭi majjana kari sajjita nīla barana tana sārī | guṃthita alaka tilaka kṛta suṃdara saiṃdūra mā~ga sa~vārī || mṛgaja samāna naiṃna aṃjana juta rucira rekha anusārī | jaṭita lavaṃga lalita nāsā para dasanāvali kṛta kārī || śrīphala uraja ka~sūbhī kaṃcuki kasi ūpara hāra chabi nyārī | kṛsa kaṭi udara ga~bhīra nābhi puṭa jaghana nitaṃbani bhārī || manauṃ mṛnāla bhūṣana bhūṣita bhuja syāma aṃsa para ḍārī | (jai śrī) hita harivaṃśa jugala karinī gaja viharata vana piya pyārī||

विपिन घन कुंज रति केलि भुज मेलि रूचि, स्याम स्यामा मिले सरद की जमिनी । हृदै अति फूल समतूल पिय नागरी, करिनि करि मत्त मनौं विवध गुन रामिनी ॥ सरस गति हास परिहास आवेस बस, दलित दल मदन बल कोक रस कामिनी । (जै श्री) हित हरिवंश सुनि लाल लावन्य भिदे, प्रिया अति सूर सुख सुरत संग्रामिनी॥

vipina ghana kuṃja rati keli bhuja meli rūci, syāma syāmā mile sarada kī jaminī | hṛdai ati phūla samatūla piya nāgarī, karini kari matta manauṃ vivadha guna rāminī || sarasa gati hāsa parihāsa āvesa basa, dalita dala madana bala koka rasa kāminī | (jai śrī) hita harivaṃśa suni lāla lāvanya bhide, priyā ati sūra sukha surata saṃgrāminī||

वन की लीला लालहिं भावै । पत्र प्रसून बीच प्रतिबिंबहिं नख सिख प्रिया जनावै ॥ सकुच न सकत प्रकट परिरंभन अलि लंपट दुरि धावै । संभ्रम देति कुलकि कल कामिनि रति रन कलह मचावै ॥ उलटी सबै समझि नैंननि में अंजन रेख बनावै । (जै श्री) हित हरिवंश प्रीति रीति बस सजनी स्याम कहावै॥

vana kī līlā lālahiṃ bhāvai | patra prasūna bīca pratibiṃbahiṃ nakha sikha priyā janāvai || sakuca na sakata prakaṭa pariraṃbhana ali laṃpaṭa duri dhāvai | saṃbhrama deti kulaki kala kāmini rati rana kalaha macāvai || ulaṭī sabai samajhi naiṃnani meṃ aṃjana rekha banāvai | (jai śrī) hita harivaṃśa prīti rīti basa sajanī syāma kahāvai||

बनी वृषभानु नंदिनी आजु । भूषन वसन विविध पहिरे तन पिय मोहन हित साजु ॥ हाव भाव लावन्य भृकुटि लट हरति जुवति जन पाजु । ताल भेद औघर सुर सूचत नूपुर किंकिनि बाजु ॥ नव निकुंज अभिराम स्याम सँग नीकौ बन्यौ समाजु । (जै श्री) हित हरिवंश विलास रास जुत जोरी अविचल राजु॥

banī vṛṣabhānu naṃdinī āju | bhūṣana vasana vividha pahire tana piya mohana hita sāju || hāva bhāva lāvanya bhṛkuṭi laṭa harati juvati jana pāju | tāla bheda aughara sura sūcata nūpura kiṃkini bāju || nava nikuṃja abhirāma syāma sa~ga nīkau banyau samāju | (jai śrī) hita harivaṃśa vilāsa rāsa juta jorī avicala rāju||