Prakṛti-khaṇḍa · Chapter 50
Sourceपार्वत्युवाच ।। को वा सुयज्ञो नृपतिः कुत्र वंशे बभूव सः ।। कथं विप्राभिशप्तश्च कथं संप्राप राधिकाम् ।। १ ।। सर्वात्मनश्च कृष्णस्य पत्नीं श्रीकृष्णपूजिताम् ।। कथं विण्मूत्रधारी च सिषेवे परमेश्वरीम् ।। २ ।। षष्टिवर्षसहस्राणि तपस्तेपे पुरा विधिः ।। यत्पादाम्भोजरेणूनां लब्धये पुष्करे विभुः ।। ३ ।। कथं ददर्श तां देवो महालक्ष्मीं पुरा सतीम् ।। दुर्दर्शामपि युष्माकं दृश्या साऽभूत्कथं नृणाम् ।। ४ ।। कथं त्रिजगतां धाता तस्मै तत्कवचं ददौ ।। ध्यानं पूजाविधिं स्तोत्रं तस्या व्याख्यातुमर्हसि ।। ५ ।। श्रीमहादेव उवाच ।। स्वायम्भुवो मनुर्देवि मनूनामादिरेव च ।। ब्रह्मात्मजस्तपस्वी च शतरूपापतिः प्रभुः ।।६।। उत्तानपादस्तत्पुत्रस्तत्पुत्रो ध्रुव एव च ।। ध्रुवस्य कीर्तिर्विख्यातस्त्रैलोक्ये शैलकन्यके ।।७।। उत्कलस्तस्य पुत्रश्च नारायणपरायणः ।। सहस्रं राजसूयानां पुष्करे स चकार ह ।। ८ ।। सर्वाणि रत्नपात्राणि ब्राह्मणेभ्यो ददौ मुदा ।। अमूल्यरत्नराशीनां सहस्रं तेजसा वृतम् ।। ९ ।। ब्राह्मणेभ्यो ददौ राजा यज्ञान्ते स महोत्सवे ।। दृष्ट्वा तच्छोभनं यज्ञं विधाता जगतां प्रिये ।। 2.50.१० ।। सुयज्ञं नाम नृपतिं चकार सुरसंसदि ।। स च राजा सुयज्ञश्च मनुवंशसमुद्भवः ।। ११ ।। अन्नदाता रत्नदाता दाता वै सर्वसम्पदाम् ।। दशलक्षं गवां चैव रत्नशृङ्गपरिच्छदम् ।। १२ ।। नित्यं ददौ स विप्रेभ्यो मुदायुक्तः सदक्षिणम् ।। गवां द्वादशलक्षाणां ददौ नित्यं मुदाऽन्वितः ।। १३ ।। सुपक्वानि च मांसानि ब्राह्मणेभ्यश्च पार्वति ।। षट्कोटीर्ब्राह्मणानां च भोजयामास नित्यशः ।। १४ ।। चोष्यैश्चर्व्यैर्लेह्यपेयैरतितृप्तं दिने दिने ।। विप्रलक्षं सूपकारं भोजयामास तत्परम् ।। १५ ।। पूर्णमन्नं च सूपाक्तं सगव्यं मांसवर्जितम् ।। विप्रा भोजनकाले च मनुवंशसमुद्भवम् ।। १६ ।। न तुष्टुवुः सुयज्ञं च तुष्टुवुस्तत्पितॄंश्च ते ।। दिने सुयज्ञयज्ञान्ते षट्त्रिंशल्लक्षकोटयः ।। १७ ।। चक्रुः सुभोजनं विप्राश्चातितृप्ताश्च सुन्दरि ।। गृहीतानि च रत्नानि स्वगृहं वोढुमक्षमाः ।। १८ ।। वृषलेभ्यो ददुः किञ्चित्किञ्चित्पथि च तत्यजुः ।। विप्राणां भोजनान्ते च विप्रान्येभ्यो ददौ नृपः ।। १९ ।। तथाप्युर्वरितं तत्र चान्नराशिसहस्रकम् ।। कृत्वा यज्ञं महाबाहुः समुवास स्वसंसदि ।। ।। 2.50.२० ।। रत्नेन्द्रसारसंक्लृप्तच्छत्रकोटिसमन्विते ।। रत्नसिंहासने रम्ये पट्टवस्त्रैः सुसंस्कृते ।। २१ ।। चन्दनादिसुसंसृष्टे रम्ये चन्दनपल्लवैः ।। शाखायुक्तैः पूर्णकुम्भै रम्भावृक्षैश्च शोभिते ।। २२ ।। चन्दनागुरुकस्तूरीवनसिन्दूरसंस्कृते ।। वसुवासवचन्द्रेन्द्ररुद्रादित्य समन्विते ।। २३ ।। मुनिनारदमन्वादिब्रह्मविष्णुशिवान्विते ।। एतस्मिन्नन्तरे तत्र विप्र एकः समाययौ ।। २४ ।। रूक्षो मलिनवासाश्च शुष्ककण्ठौष्ठतालुकः ।। रत्नसिंहासनस्थं च माल्यचन्दनचर्चितम् ।। २५ ।। राजानमाशिषं चक्रे सस्मितः सम्पुटाञ्जलिः ।। प्रणनाम नृपस्तं च नोत्तस्थौ किंचिदेव हि ।।२६।। सभासदश्च नोत्तस्थुर्जहसुः स्वल्पमेव च ।। मुनिभ्योऽपि च देवेभ्यो नमस्कृत्य द्विजोत्तमः ।। २७ ।। शशाप नृपतिं क्रोधात्तत्रातिष्ठन्निरंकुशः ।। गच्छ दूरमतो राज्याद्भ्रष्टश्रीर्भव पामर ।। २८ ।। भवाचिरं गलत्कुष्ठी बुद्धिहीनोऽप्युपद्रुतः ।। इत्युक्त्वा कम्पितः क्रोधात्सभास्थाञ्छप्तुमुद्यतः ।। २९ ।। ये यत्र जहसुः सर्वे समुत्तस्थुः सभासदः ।। सर्वे चक्रुः प्रणामं ते क्रोधं तत्याज वाडवः ।। 2.50.३० ।। प्रणम्यागत्य राजा तं रुरोद भयकातरः ।। निस्ससार सभामध्याद्धृदयेन विदूयता ।। ३१ ।। ब्राह्मणो गूढरूपी च प्रज्वलन्ब्रह्मतेजसा ।। तत्पश्चान्मुनयः सर्वे प्रययुर्भयकातराः ।। ३२ ।। हे विप्र तिष्ठ तिष्ठेति समुच्चार्य्य पुनः पुनः ।। पुलहश्च पुलस्त्यश्च प्रचेता भृगुरंगिराः ।। ३३ ।। मरीचिः कश्यपश्चैव वसिष्ठः क्रतुरेव च ।। शुक्रो बृहस्पति श्चैव दुर्वासा लोमशस्तथा ।। ३४ ।। गौतमश्च कणादश्च कण्वः कात्यायनः कठः ।। पाणिनिर्जाजलिश्चैव ऋष्यशृंगो विभाण्डकः ।। ३५ ।। तैत्तिरिश्चाप्यापिशलिर्मार्कण्डेयो महातपाः ।। सनकश्च सनन्दश्च वोढुः पैलः सनातनः ।। ३६ ।। सनत्कुमारो भगवान्नरनारायणावृषी ।। पराशरो जरत्कारुः संवर्त्तः करभस्तथा ।। ३७ ।। भरद्वाजश्च वाल्मीकिरौर्वश्च च्यवनस्तथा ।। अगस्त्यो ऽत्रिरुतथ्यश्च सङ्कर्ताऽऽस्तीक आसुरिः ।। ३८।। शिलालिर्लाङ्गलिश्चैव शाकल्यः शाकटायनः ।। गर्गो वत्सः पञ्चशिखो जमदग्निश्च देवलः ।। ३९ ।। जैगीषव्यो वामदेवो वालखिल्यादयस्तथा ।। शक्तिर्दक्षः कर्दमश्च प्रस्कन्नः कपिलस्तथा ।। 2.50.४० ।। विश्वामित्रश्च कौत्सश्चाप्यृचीकोऽप्यघमर्षणः ।। एते चान्ये च मुनयः पितरोऽग्निर्हरिप्रिया ।।४१।। दिक्पाला देवताः सर्वा विप्रं पश्चात्समाययुः।। ब्राह्मणं बोधयामासुर्वासयामासुरीश्वरि ।। ४२ ।। समूचुस्तं क्रमेणैव नीतिं नीतिविशारदाः ।। ४३ ।। इति श्रीब्रह्मवैवर्त्ते महापुराणे द्वितीये प्रकृतिखण्डे नारदनारायणसंवादान्तर्गतहरगौरीसंवादे राधोपाख्याने सुयज्ञोपाख्यानं नाम पञ्चाशत्तमोऽध्यायः ।।५०।।
pārvatyuvāca || ko vā suyajño nṛpatiḥ kutra vaṃśe babhūva saḥ || kathaṃ viprābhiśaptaśca kathaṃ saṃprāpa rādhikām || 1 || sarvātmanaśca kṛṣṇasya patnīṃ śrīkṛṣṇapūjitām || kathaṃ viṇmūtradhārī ca siṣeve parameśvarīm || 2 || ṣaṣṭivarṣasahasrāṇi tapastepe purā vidhiḥ || yatpādāmbhojareṇūnāṃ labdhaye puṣkare vibhuḥ || 3 || kathaṃ dadarśa tāṃ devo mahālakṣmīṃ purā satīm || durdarśāmapi yuṣmākaṃ dṛśyā sā'bhūtkathaṃ nṛṇām || 4 || kathaṃ trijagatāṃ dhātā tasmai tatkavacaṃ dadau || dhyānaṃ pūjāvidhiṃ stotraṃ tasyā vyākhyātumarhasi || 5 || śrīmahādeva uvāca || svāyambhuvo manurdevi manūnāmādireva ca || brahmātmajastapasvī ca śatarūpāpatiḥ prabhuḥ ||6|| uttānapādastatputrastatputro dhruva eva ca || dhruvasya kīrtirvikhyātastrailokye śailakanyake ||7|| utkalastasya putraśca nārāyaṇaparāyaṇaḥ || sahasraṃ rājasūyānāṃ puṣkare sa cakāra ha || 8 || sarvāṇi ratnapātrāṇi brāhmaṇebhyo dadau mudā || amūlyaratnarāśīnāṃ sahasraṃ tejasā vṛtam || 9 || brāhmaṇebhyo dadau rājā yajñānte sa mahotsave || dṛṣṭvā tacchobhanaṃ yajñaṃ vidhātā jagatāṃ priye || 2.50.10 || suyajñaṃ nāma nṛpatiṃ cakāra surasaṃsadi || sa ca rājā suyajñaśca manuvaṃśasamudbhavaḥ || 11 || annadātā ratnadātā dātā vai sarvasampadām || daśalakṣaṃ gavāṃ caiva ratnaśṛṅgaparicchadam || 12 || nityaṃ dadau sa viprebhyo mudāyuktaḥ sadakṣiṇam || gavāṃ dvādaśalakṣāṇāṃ dadau nityaṃ mudā'nvitaḥ || 13 || supakvāni ca māṃsāni brāhmaṇebhyaśca pārvati || ṣaṭkoṭīrbrāhmaṇānāṃ ca bhojayāmāsa nityaśaḥ || 14 || coṣyaiścarvyairlehyapeyairatitṛptaṃ dine dine || vipralakṣaṃ sūpakāraṃ bhojayāmāsa tatparam || 15 || pūrṇamannaṃ ca sūpāktaṃ sagavyaṃ māṃsavarjitam || viprā bhojanakāle ca manuvaṃśasamudbhavam || 16 || na tuṣṭuvuḥ suyajñaṃ ca tuṣṭuvustatpitṝṃśca te || dine suyajñayajñānte ṣaṭtriṃśallakṣakoṭayaḥ || 17 || cakruḥ subhojanaṃ viprāścātitṛptāśca sundari || gṛhītāni ca ratnāni svagṛhaṃ voḍhumakṣamāḥ || 18 || vṛṣalebhyo daduḥ kiñcitkiñcitpathi ca tatyajuḥ || viprāṇāṃ bhojanānte ca viprānyebhyo dadau nṛpaḥ || 19 || tathāpyurvaritaṃ tatra cānnarāśisahasrakam || kṛtvā yajñaṃ mahābāhuḥ samuvāsa svasaṃsadi || || 2.50.20 || ratnendrasārasaṃklṛptacchatrakoṭisamanvite || ratnasiṃhāsane ramye paṭṭavastraiḥ susaṃskṛte || 21 || candanādisusaṃsṛṣṭe ramye candanapallavaiḥ || śākhāyuktaiḥ pūrṇakumbhai rambhāvṛkṣaiśca śobhite || 22 || candanāgurukastūrīvanasindūrasaṃskṛte || vasuvāsavacandrendrarudrāditya samanvite || 23 || munināradamanvādibrahmaviṣṇuśivānvite || etasminnantare tatra vipra ekaḥ samāyayau || 24 || rūkṣo malinavāsāśca śuṣkakaṇṭhauṣṭhatālukaḥ || ratnasiṃhāsanasthaṃ ca mālyacandanacarcitam || 25 || rājānamāśiṣaṃ cakre sasmitaḥ sampuṭāñjaliḥ || praṇanāma nṛpastaṃ ca nottasthau kiṃcideva hi ||26|| sabhāsadaśca nottasthurjahasuḥ svalpameva ca || munibhyo'pi ca devebhyo namaskṛtya dvijottamaḥ || 27 || śaśāpa nṛpatiṃ krodhāttatrātiṣṭhanniraṃkuśaḥ || gaccha dūramato rājyādbhraṣṭaśrīrbhava pāmara || 28 || bhavāciraṃ galatkuṣṭhī buddhihīno'pyupadrutaḥ || ityuktvā kampitaḥ krodhātsabhāsthāñchaptumudyataḥ || 29 || ye yatra jahasuḥ sarve samuttasthuḥ sabhāsadaḥ || sarve cakruḥ praṇāmaṃ te krodhaṃ tatyāja vāḍavaḥ || 2.50.30 || praṇamyāgatya rājā taṃ ruroda bhayakātaraḥ || nissasāra sabhāmadhyāddhṛdayena vidūyatā || 31 || brāhmaṇo gūḍharūpī ca prajvalanbrahmatejasā || tatpaścānmunayaḥ sarve prayayurbhayakātarāḥ || 32 || he vipra tiṣṭha tiṣṭheti samuccāryya punaḥ punaḥ || pulahaśca pulastyaśca pracetā bhṛguraṃgirāḥ || 33 || marīciḥ kaśyapaścaiva vasiṣṭhaḥ kratureva ca || śukro bṛhaspati ścaiva durvāsā lomaśastathā || 34 || gautamaśca kaṇādaśca kaṇvaḥ kātyāyanaḥ kaṭhaḥ || pāṇinirjājaliścaiva ṛṣyaśṛṃgo vibhāṇḍakaḥ || 35 || taittiriścāpyāpiśalirmārkaṇḍeyo mahātapāḥ || sanakaśca sanandaśca voḍhuḥ pailaḥ sanātanaḥ || 36 || sanatkumāro bhagavānnaranārāyaṇāvṛṣī || parāśaro jaratkāruḥ saṃvarttaḥ karabhastathā || 37 || bharadvājaśca vālmīkiraurvaśca cyavanastathā || agastyo 'trirutathyaśca saṅkartā''stīka āsuriḥ || 38|| śilālirlāṅgaliścaiva śākalyaḥ śākaṭāyanaḥ || gargo vatsaḥ pañcaśikho jamadagniśca devalaḥ || 39 || jaigīṣavyo vāmadevo vālakhilyādayastathā || śaktirdakṣaḥ kardamaśca praskannaḥ kapilastathā || 2.50.40 || viśvāmitraśca kautsaścāpyṛcīko'pyaghamarṣaṇaḥ || ete cānye ca munayaḥ pitaro'gnirharipriyā ||41|| dikpālā devatāḥ sarvā vipraṃ paścātsamāyayuḥ|| brāhmaṇaṃ bodhayāmāsurvāsayāmāsurīśvari || 42 || samūcustaṃ krameṇaiva nītiṃ nītiviśāradāḥ || 43 || iti śrībrahmavaivartte mahāpurāṇe dvitīye prakṛtikhaṇḍe nāradanārāyaṇasaṃvādāntargataharagaurīsaṃvāde rādhopākhyāne suyajñopākhyānaṃ nāma pañcāśattamo'dhyāyaḥ ||50||
English translation
The story of Suyajna Parvatl said—“Who was the king Suyajna? In which dynasty was he bom? How could he get Radhika who happens to be the spoui^e of lord Krsna and was adored by him? How could the great goddess be adored by a human being?
To receive the dust of her feet, Brahma had to adore for sixty thousand years, how could he have an audience with such a chaste Mahalaks ml? Even you people get an audience with her with difficulty; then how could a human being find her? How did the creator of the three worlds give him the kavaca, dhy&nam method of adoration and 5 to/ra? You kindly tell me.
Mahadeva said—Svayambhuva Manu was first bom in the race of Manu, who happened to be the son of Brahma, a great ascetic and the husband of Satarupa.
He had a son named Uttanapada who further had a son named Dhruva. O daughter of the mountain, Dhruva enjoyed great glory and his son named Utkala was extremely devoted to lord Narayana and he performed a thousand Rdjasuya-yajnas in Puskara-ksetra.
He gave away in charity to the Brahmanas invaluable gems, a lot of riches which were shining. The king had given all these at the end of graet sacrifice.
a? feaiar wm fiferi O dear, because of the performing of so many yajfias successfully and giving away enormous in charity, Brahma the creator of the universe, conferred the title of Suyajna on him, who was born in the race of Manu. He gave away in charity food, gems, riches and a lakh of cows with horns covered with gold, besides daksind, to the Brahmanas daily. O Parvatl, he used to offer cooked meat to the Brahmanas.
He used to feed six erores of Brahmanas and gave them stuffs for sucking, chewing, beverages daily, which satisfied them. A lakh of Brahmanas took food with him daily and the meals included and cow milk.
At the time of taking food of the Brahmanas praised Suyajna and his rays. On the completion of the yajna, Suyajna fed thirty six lakh erores of Brahmanas. O beautiful one, satisfying Brahmanas with the giving away of food and the gems which they were unable to carry back to their houses. Some of them gave a part of the charity they had received to the Sudras, while a part of its was left there. He fed other Brahmanas as well. Inspite of that, heaps of food still remained there. After completion of the yajhay the monarch having long arms went to his court and occupied the lion-throne which was studded with gems and had erores of umbrellas over it, was quite a charming one, decorated with fine silken garments and with sandal leaves, having a number of vases filled with water and trunks of banana trees and sandal-wood branches, scented with agiiru, kastilrl, camphor and vermilion.
Vasus, the moon, Rudras, Surya, the sages, Narada, Manu besides Brahma, Visnu and Siva were also present there beside the throne. In the meantime a Brahmana arrived here.
He had dishevelled hair and wore dirty clothes. His throat, lips and tongue had dried up.
That Brahmana offered his blessing to the king raising his hand and then folding them, who was seated on the lion-throne decorated with many of the garlands. But the king on his part neither accepted the greetings of the ^Brahmana, nor did he get up from his seat to receive him. All his courtiers also did not show any respect to the Brahmana and on the contrary some of them laughed at him. The best of the Brahmana after bowing to the gods and the sages got enraged but stood there fearlessly in anger. Then he pronounced a curse on the king, “O degraded one, you will be deprived of all your glory and you will be driven away from your kingdom and you will soon suffer from leprosy in the neck.
You will be deprived of your wisdom and become violent.” Thus speaking the enraged Brahmana was also getting ready to pronounce a curse on the courtiers as well. Thereafter all the people who were laughing at him got up in panic and started offering salutation to him. Finding this, the Brahmana was relieved of the anger.
I fer JT:I Overcome by fear, the king also bowed in reverence to him and started crying approaching the Brahmanas. Thereafter the Brahmana, with his mind filled with agony left the place. The Brahmana had a divine form and his face was glittering with divine glory. Thereafter all the sages were grieved in, terror. They said: “O Brahmana, you stop for a moment.” Thus saying again and again all of them Parted following him, the sages like Pulaha, Pulastya, Praceta, Apisali, Markandekya, the great sage Sanaka, Rclka and Aghmarsana and several other sages, manes, Agni, Haripriya, Dikpalas and the gods also arrived there. O goddess, they stopped the Brahmana and tried to convince him. All of them well-versed in the science of polity and started talking to him in appropriate words.
Chapter-aligned complete witnesses. Sanskrit Wikisource revision 118801 (2017-08-31T01:48:42Z); Shanti Lal Nagar English scan pages n484–n487: https://archive.org/details/brahma-vaivarta-purana-all-four-kandas-english-translation/page/n484/mode/1up. The historic English OCR transcription is lightly normalized; no verse-by-verse alignment is asserted.