Prakṛti-khaṇḍa · Chapter 48
Sourceनारद उवाच ।। नारायण महाभाग नारायणपरायण ।। नारायणांश भगवन्ब्रूहि नारायणीं कथाम् ।। १ ।। श्रुतं सुरभ्युपाख्यानमतीव सुमनोहरम् ।। गोप्यं सर्वपुराणेषु पुराविद्भिः प्रशंसितम् ।। २ ।। अधुना श्रोतुमिच्छामि राधिकाख्यानमुत्तमम् ।। तदुत्पत्तिं च तद्ध्यानं स्तोत्रं कवचमुत्तमम् ।। ३ ।। श्रीनारायण उवाच ।। पुरा कैलासशिखरे भगवन्तं सनातनम् ।। सिद्धेशं सिद्धिदं सर्वस्वरूपं शंकरं परम् ।। ४ ।। प्रफुल्लवदनं प्रीतं सस्मितं मुनिभिः स्तुतम् ।। कुमाराय प्ररोचन्तं कृष्णस्य परमात्मनः ।। ५ ।। रासोत्सवरसाख्यानं रासमण्डलवर्णनम् ।। तदाख्यानावसाने च प्रस्तावावसरे सती ।। ६ ।। पप्रच्छ पार्वती स्फीता सस्मिता प्राणवल्लभम् ।। स्तवनं कुर्वती भीता प्राणेशेन प्रसादिता । ।। ७ ।। प्रोवाच तं महादेवं महादेवी सुरेश्वरी ।। अपूर्वं राधिकाख्यानं पुराणेषु सुदुर्लभम् ।। ८ ।। श्रीपार्वत्युवाच ।। आगमं निखिलं नाथ श्रुतं सर्वमनुत्तमम् ।। पाञ्चरात्रादिकं नीतिशास्त्रयोगं च योगिनाम् ।। ९ ।। सिद्धानां सिद्धिशास्त्रं च नानातन्त्रं मनोहरम् ।। भक्तानां भक्तिशास्त्रं च कृष्णस्य परमात्मनः ।। 2.48.१० ।। देवीनामपि सर्वासां चरितं त्वन्मुखाम्बुजात् ।। अधुना श्रोतुमिच्छामि राधिकाख्यानमुत्तमम् ।।१ १।। श्रुतौ श्रुतं प्रशस्तं च राधायाश्च समासतः ।। त्वन्मुखात्काण्वशाखाया व्यासेनोक्तां वदाधुना ।। १२ ।। आगमाख्यानकाले च भवता स्वीकृतं पुरा ।। नहीश्वरव्याहृतिश्च मिथ्या भवितुमर्हति ।। १३ ।। तदुत्पतिं च तद्ध्यानं नाम्नो माहात्म्यमुत्तमम् ।। पूजाविधानं चरितं स्तोत्रं कवचमुत्तमम् ।।१४।। आराधनविधानं च पूजापद्धतिमीप्सिताम्।। साम्प्रतं ब्रूहि भगवन्मां भक्तां भक्तवत्सल ।। १५ ।। कथं न कथितं पूर्वमागमाख्यानकालतः ।। पार्वतीवचनं श्रुत्वा नम्रवक्त्रो बभूव सः ।। १६ ।। पञ्चवक्त्रश्च भगवाञ्छुष्ककण्ठोष्ठतालुकः ।। स्वसत्यभङ्गभीतश्च मौनीभूय विचिन्तयन् ।। १७ ।। सस्मार कृष्णं ध्यानेनाभीष्टदेवं कृपानिधिम् ।। तदनुज्ञां च संप्राप्य स्वार्द्धाङ्गां तामुवाच सः ।। १८ ।। निषिद्धोऽहं भगवता कृष्णेन परमात्मना ।। आगमारम्भसमये राधाख्यानप्रसंगतः ।। १९ ।। मदर्द्धांगस्वरूपा त्वं न मद्भिन्ना स्वरूपतः ।। अतोऽनुज्ञां ददौ कृष्णो मह्यं वक्तुं महेश्वरि ।। 2.48.२० ।। मदिष्टदेवकान्ताया राधायाश्चरितं सति ।। अतीव गोपनीयं च सुखदं कृष्णभक्तिदम् ।। २१ ।। जानामि तदहं दुर्गे सर्वं पूर्वापरं वरम् ।। यज्जानामि रहस्यं च न तद्ब्रह्मा फणीश्वरः ।। २२ ।। न तत्सनत्कुमारश्च न च धर्मः सनातनः ।। न देवेन्द्रो मुनींद्राश्च सिद्धेन्द्राः सिद्धपुङ्गवाः ।। २३ ।। मत्तो बलवती त्वं च प्राणांस्त्यक्तुं समुद्यता ।। अतस्त्वां गोपनीयं च कथयामि सुरेश्वरि ।। २४ ।। शृणु दुर्गे प्रवक्ष्यामि रहस्यं परमाद्भुतम् ।। चरितं राधिकायाश्च दुर्लभं च सुपुण्यदम् ।। २५ ।। पुरा वृन्दावने रम्ये गोलोके रासमण्डले ।। शतशृंगैकदेशे च मालतीमल्लिकावने ।। २६ ।। रत्नसिंहासने रम्ये तस्थौ तत्र जगत्पतिः ।। स्वेच्छामयश्च भगवान्बभूव रमणोत्सुकः ।। २७ ।। रिरंसोस्तस्य जगतां पत्युस्तन्मल्लिकावने ।। इच्छया च भवेत्सर्वं तस्य स्वेच्छामयस्य च ।। २८ ।। एतस्मिन्नन्तरे दुर्गे द्विधारूपो बभूव सः ।। दक्षिणांगं च श्रीकृष्णो वामार्द्धांगा च राधिका ।। २९ ।। बभूव रमणी रम्या रासेशा रमणोत्सुका ।। अमूल्यरत्नाभरणा रत्नसिंहासनस्थिता ।। 2.48.३० ।। वह्निशुद्धांशुकाधाना कोटिपूर्णशशिप्रभा ।। तप्तकाञ्चनवर्णाभा राजिता च स्वतेजसा।।३१।। सस्मिता सुदती शुद्धा शरत्पद्मनिभानना ।। बिभ्रती कबरीं रम्यां मालतीमाल्यमण्डिताम्।।३२।। रत्नमालां च दधती ग्रीष्मसूर्य्यसमप्रभाम् ।। मुक्ताहारेण शुभ्रेण गंगाधारानिभेन च ।। ३३ ।। संयुक्तं वर्तुलोत्तुंगं सुमेरु गिरिसन्निभम् ।। कठिनं सुन्दरं दृश्यं कस्तूरीपत्रचिह्नितम् ।। ३४ ।। मांगल्यं मंगलार्हं च स्तनयुग्मं च बिभ्रती ।। नितम्बश्रोणिभारार्त्ता नवयौवनसुन्दरी ।। ३५ ।। कामातुरः सस्मितां तां ददर्श रसिकेश्वरः ।। दृष्ट्वा कान्तां जगत्कान्तो बभूव रमणोत्सुकः ।।३६।। दृष्ट्वा चैनं सुकान्तं च सा दधार हरेः पुरः ।। तेन राधा समाख्याता पुराविद्भिर्महेश्वरि ।। ३७ ।। राधा भजति तं कृष्णं स च तां च परस्परम् ।। उभयोः सर्वसाम्यं च सदा सन्तो वदन्ति च ।। ३८ ।। भवनं धावनं रासे स्मरत्यालिंगनं जपन् ।। तेन जल्पति संकेतं तत्र राधां स ईश्वरः ।। ३९ ।। राशब्दोच्चारणाद्भक्तो राति मुक्तिं सुदुर्लभाम् ।। धाशब्दोच्चारणाद्दुर्गे धावत्येव हरेः पदम् ।। ।। 2.48.४० ।। कृष्णवामांशसम्भूता राधा रासेश्वरी पुरा ।। तस्याश्चांशांशकलया बभूवुर्देवयोषितः ।। ४१ ।। रा इत्यादानवचनो धा च निर्वाणवाचकः ।। ततोऽवाप्नोति मुक्तिं च तेन राधा प्रकीर्तिता ।। ४२ ।। बभूव गोपीसंघश्च राधाया लोमकूपतः ।। श्रीकृष्णलोमकूपेभ्यो बभूवुः सर्वबल्लवाः ।। ४३ ।। राधावामांशभागेन महालक्ष्मीर्बभूव सा ।। तस्याधिष्ठातृदेवी सा गृहलक्ष्मीर्बभूव सा ।। ४४ ।। चतुर्भुजस्य सा पत्नी देवी वैकुण्ठवासिनी।। तदंशा राजलक्ष्मीश्च राजसम्पत्प्रदायिनी ।। ४५ ।। तदंशा मर्त्यलक्ष्मीश्च गृहिणां च गृहे गृहे ।। दीपाधिष्ठातृदेवी च सा चैव गृहदेवता ।। ४६ ।। स्वयं राधा कृष्णपत्नी कृष्णवक्षःस्थलस्थिता ।। प्राणाधिष्ठातृदेवी च तस्यैव परमात्मनः ।। ४७ ।। आब्रह्मस्तम्बपर्यन्तं सर्वं मिथ्यैव पार्वति ।। भज सत्यं परं ब्रह्म राधेशं त्रिगुणात्परम् ।। ४८ ।। परं प्रधानं परमं परमात्मानमीश्वरम् ।। सर्वाद्यं सर्वपूज्यं व निरीहं प्रकृतेः परम् ।। ४९ ।। स्वेच्छामयं नित्यरूपं भक्तानुग्रहविग्रहम् ।। तद्भिन्नानां च देवानां प्राकृतं रूपमेव च ।। 2.48.५० ।। तस्य प्राणाधिका राधा बहुसौभाग्यसंयुता ।। महाविष्णोः प्रसूः सा च मूलप्रकृतिरीश्वरी ।। ५१ ।। मानिनीं राधिकां सन्तः सेवन्ते नित्यशस्सदा ।। सुलभं यत्पदाम्भोजं ब्रह्मादीनां सुदुर्लभम् ।। ५२ ।। स्वप्ने राधापदाम्भोजं नहि पश्यन्ति बल्लवाः ।। स्वयं देवी हरेः क्रोडे छायारूपेण कामिनी ।। ५३ ।। स च द्वादशगोपानां रायाणप्रवरः प्रिये ।। श्रीकृष्णांशश्च भगवान्विष्णुतुल्यपराक्रमः ।। ५४ ।। सुदामशापात्सा देवी गोलोकादागता महीम् ।। वृषभानुगृहे जाता तन्माता च कलावती ।।५५।। इति श्रीब्रह्मवैवर्त्ते महापुराणे द्वितीये प्रकृतिखण्डे नारदनारायणसंवादान्तर्गत हरगौरीसंवादे राधोपाख्याने राधोत्पत्तितत्पूजादिकथनं नामाष्टचत्वारिंशत्तमोऽध्यायः ।। ४८ ।।
nārada uvāca || nārāyaṇa mahābhāga nārāyaṇaparāyaṇa || nārāyaṇāṃśa bhagavanbrūhi nārāyaṇīṃ kathām || 1 || śrutaṃ surabhyupākhyānamatīva sumanoharam || gopyaṃ sarvapurāṇeṣu purāvidbhiḥ praśaṃsitam || 2 || adhunā śrotumicchāmi rādhikākhyānamuttamam || tadutpattiṃ ca taddhyānaṃ stotraṃ kavacamuttamam || 3 || śrīnārāyaṇa uvāca || purā kailāsaśikhare bhagavantaṃ sanātanam || siddheśaṃ siddhidaṃ sarvasvarūpaṃ śaṃkaraṃ param || 4 || praphullavadanaṃ prītaṃ sasmitaṃ munibhiḥ stutam || kumārāya prarocantaṃ kṛṣṇasya paramātmanaḥ || 5 || rāsotsavarasākhyānaṃ rāsamaṇḍalavarṇanam || tadākhyānāvasāne ca prastāvāvasare satī || 6 || papraccha pārvatī sphītā sasmitā prāṇavallabham || stavanaṃ kurvatī bhītā prāṇeśena prasāditā | || 7 || provāca taṃ mahādevaṃ mahādevī sureśvarī || apūrvaṃ rādhikākhyānaṃ purāṇeṣu sudurlabham || 8 || śrīpārvatyuvāca || āgamaṃ nikhilaṃ nātha śrutaṃ sarvamanuttamam || pāñcarātrādikaṃ nītiśāstrayogaṃ ca yoginām || 9 || siddhānāṃ siddhiśāstraṃ ca nānātantraṃ manoharam || bhaktānāṃ bhaktiśāstraṃ ca kṛṣṇasya paramātmanaḥ || 2.48.10 || devīnāmapi sarvāsāṃ caritaṃ tvanmukhāmbujāt || adhunā śrotumicchāmi rādhikākhyānamuttamam ||1 1|| śrutau śrutaṃ praśastaṃ ca rādhāyāśca samāsataḥ || tvanmukhātkāṇvaśākhāyā vyāsenoktāṃ vadādhunā || 12 || āgamākhyānakāle ca bhavatā svīkṛtaṃ purā || nahīśvaravyāhṛtiśca mithyā bhavitumarhati || 13 || tadutpatiṃ ca taddhyānaṃ nāmno māhātmyamuttamam || pūjāvidhānaṃ caritaṃ stotraṃ kavacamuttamam ||14|| ārādhanavidhānaṃ ca pūjāpaddhatimīpsitām|| sāmprataṃ brūhi bhagavanmāṃ bhaktāṃ bhaktavatsala || 15 || kathaṃ na kathitaṃ pūrvamāgamākhyānakālataḥ || pārvatīvacanaṃ śrutvā namravaktro babhūva saḥ || 16 || pañcavaktraśca bhagavāñchuṣkakaṇṭhoṣṭhatālukaḥ || svasatyabhaṅgabhītaśca maunībhūya vicintayan || 17 || sasmāra kṛṣṇaṃ dhyānenābhīṣṭadevaṃ kṛpānidhim || tadanujñāṃ ca saṃprāpya svārddhāṅgāṃ tāmuvāca saḥ || 18 || niṣiddho'haṃ bhagavatā kṛṣṇena paramātmanā || āgamārambhasamaye rādhākhyānaprasaṃgataḥ || 19 || madarddhāṃgasvarūpā tvaṃ na madbhinnā svarūpataḥ || ato'nujñāṃ dadau kṛṣṇo mahyaṃ vaktuṃ maheśvari || 2.48.20 || madiṣṭadevakāntāyā rādhāyāścaritaṃ sati || atīva gopanīyaṃ ca sukhadaṃ kṛṣṇabhaktidam || 21 || jānāmi tadahaṃ durge sarvaṃ pūrvāparaṃ varam || yajjānāmi rahasyaṃ ca na tadbrahmā phaṇīśvaraḥ || 22 || na tatsanatkumāraśca na ca dharmaḥ sanātanaḥ || na devendro munīṃdrāśca siddhendrāḥ siddhapuṅgavāḥ || 23 || matto balavatī tvaṃ ca prāṇāṃstyaktuṃ samudyatā || atastvāṃ gopanīyaṃ ca kathayāmi sureśvari || 24 || śṛṇu durge pravakṣyāmi rahasyaṃ paramādbhutam || caritaṃ rādhikāyāśca durlabhaṃ ca supuṇyadam || 25 || purā vṛndāvane ramye goloke rāsamaṇḍale || śataśṛṃgaikadeśe ca mālatīmallikāvane || 26 || ratnasiṃhāsane ramye tasthau tatra jagatpatiḥ || svecchāmayaśca bhagavānbabhūva ramaṇotsukaḥ || 27 || riraṃsostasya jagatāṃ patyustanmallikāvane || icchayā ca bhavetsarvaṃ tasya svecchāmayasya ca || 28 || etasminnantare durge dvidhārūpo babhūva saḥ || dakṣiṇāṃgaṃ ca śrīkṛṣṇo vāmārddhāṃgā ca rādhikā || 29 || babhūva ramaṇī ramyā rāseśā ramaṇotsukā || amūlyaratnābharaṇā ratnasiṃhāsanasthitā || 2.48.30 || vahniśuddhāṃśukādhānā koṭipūrṇaśaśiprabhā || taptakāñcanavarṇābhā rājitā ca svatejasā||31|| sasmitā sudatī śuddhā śaratpadmanibhānanā || bibhratī kabarīṃ ramyāṃ mālatīmālyamaṇḍitām||32|| ratnamālāṃ ca dadhatī grīṣmasūryyasamaprabhām || muktāhāreṇa śubhreṇa gaṃgādhārānibhena ca || 33 || saṃyuktaṃ vartulottuṃgaṃ sumeru girisannibham || kaṭhinaṃ sundaraṃ dṛśyaṃ kastūrīpatracihnitam || 34 || māṃgalyaṃ maṃgalārhaṃ ca stanayugmaṃ ca bibhratī || nitambaśroṇibhārārttā navayauvanasundarī || 35 || kāmāturaḥ sasmitāṃ tāṃ dadarśa rasikeśvaraḥ || dṛṣṭvā kāntāṃ jagatkānto babhūva ramaṇotsukaḥ ||36|| dṛṣṭvā cainaṃ sukāntaṃ ca sā dadhāra hareḥ puraḥ || tena rādhā samākhyātā purāvidbhirmaheśvari || 37 || rādhā bhajati taṃ kṛṣṇaṃ sa ca tāṃ ca parasparam || ubhayoḥ sarvasāmyaṃ ca sadā santo vadanti ca || 38 || bhavanaṃ dhāvanaṃ rāse smaratyāliṃganaṃ japan || tena jalpati saṃketaṃ tatra rādhāṃ sa īśvaraḥ || 39 || rāśabdoccāraṇādbhakto rāti muktiṃ sudurlabhām || dhāśabdoccāraṇāddurge dhāvatyeva hareḥ padam || || 2.48.40 || kṛṣṇavāmāṃśasambhūtā rādhā rāseśvarī purā || tasyāścāṃśāṃśakalayā babhūvurdevayoṣitaḥ || 41 || rā ityādānavacano dhā ca nirvāṇavācakaḥ || tato'vāpnoti muktiṃ ca tena rādhā prakīrtitā || 42 || babhūva gopīsaṃghaśca rādhāyā lomakūpataḥ || śrīkṛṣṇalomakūpebhyo babhūvuḥ sarvaballavāḥ || 43 || rādhāvāmāṃśabhāgena mahālakṣmīrbabhūva sā || tasyādhiṣṭhātṛdevī sā gṛhalakṣmīrbabhūva sā || 44 || caturbhujasya sā patnī devī vaikuṇṭhavāsinī|| tadaṃśā rājalakṣmīśca rājasampatpradāyinī || 45 || tadaṃśā martyalakṣmīśca gṛhiṇāṃ ca gṛhe gṛhe || dīpādhiṣṭhātṛdevī ca sā caiva gṛhadevatā || 46 || svayaṃ rādhā kṛṣṇapatnī kṛṣṇavakṣaḥsthalasthitā || prāṇādhiṣṭhātṛdevī ca tasyaiva paramātmanaḥ || 47 || ābrahmastambaparyantaṃ sarvaṃ mithyaiva pārvati || bhaja satyaṃ paraṃ brahma rādheśaṃ triguṇātparam || 48 || paraṃ pradhānaṃ paramaṃ paramātmānamīśvaram || sarvādyaṃ sarvapūjyaṃ va nirīhaṃ prakṛteḥ param || 49 || svecchāmayaṃ nityarūpaṃ bhaktānugrahavigraham || tadbhinnānāṃ ca devānāṃ prākṛtaṃ rūpameva ca || 2.48.50 || tasya prāṇādhikā rādhā bahusaubhāgyasaṃyutā || mahāviṣṇoḥ prasūḥ sā ca mūlaprakṛtirīśvarī || 51 || māninīṃ rādhikāṃ santaḥ sevante nityaśassadā || sulabhaṃ yatpadāmbhojaṃ brahmādīnāṃ sudurlabham || 52 || svapne rādhāpadāmbhojaṃ nahi paśyanti ballavāḥ || svayaṃ devī hareḥ kroḍe chāyārūpeṇa kāminī || 53 || sa ca dvādaśagopānāṃ rāyāṇapravaraḥ priye || śrīkṛṣṇāṃśaśca bhagavānviṣṇutulyaparākramaḥ || 54 || sudāmaśāpātsā devī golokādāgatā mahīm || vṛṣabhānugṛhe jātā tanmātā ca kalāvatī ||55|| iti śrībrahmavaivartte mahāpurāṇe dvitīye prakṛtikhaṇḍe nāradanārāyaṇasaṃvādāntargata haragaurīsaṃvāde rādhopākhyāne rādhotpattitatpūjādikathanaṃ nāmāṣṭacatvāriṃśattamo'dhyāyaḥ || 48 ||
English translation
The story of Narayani and Radha Narayana said—In the earlier times, Siva was seated on the top of the mountain Kailua who happened to be the lord of iht siddhas, who grants success, the form of all, the best of all having a pleasant face, delightful, wearing a serene smile on the face, adored by the ascetic and was narrating the story of the Rdsamaridala of lord Krsna at the instance of KumSra Karttikeya. Finding an opportunity goddess Parvatl, feeling delighted in her mind, put a question to the lord offering prayers as she had already earned the grace of the lord. The goddess Parvatl then said to Mahadeva.
Narada said—O Narayana, O great lord you are the one who emerged as Narayana, are the ams'a of Narayana, O lord, you kindly narrate to me the story of NarayanL xHtct tcti^ cbcirigTm4,i have heard the story of Surabhl which is quite pleasant and is considered to be the secret of the Puranas and is praised therein.
Now I want to listen to the best of the story of Radhika including her birth, dhydnam, stotra and the best of the kavacas.
Parvatl said—I would like to listen to the unprecedented story of Radhika which is difficult to get even in the PUranas. 0 lord, I have listened to all the Agamas, the best of P&ncar&tra, the text on polity, Yogasdstras of the yogis, siddhisastras of the siddhas, several types of tantras and the story of the devotion of lord Kr§ na. Besides the above I have already listened to the stories of all the goddesses from your mouth.
Now I want to listen to the unprecedented story of Radhika as described in the Vedas and praised by you and also brought out in the Kanvas'akha.
You have already admitted while speaking on the other scriptures, that the words of ^iva can never be untrue. Therefore, O lord, protector of the devotees, now you kindly tell me about the birth of Radha, her dhydnam, the glory of reciting her name, the method of her adoration and her stotra besides the dhydnam and the method of adoration. Why was it not recited in the literature before the Agamas? At these words of Parvatl, bowed his head. Getting afraid of desecrating his own words, the five faced ^iva felt panicky and his throat, lips and tongue got dried up.
He started thinking, keeping quite. He then thought of his own god lord Krsna and getting his permission, mentally, he spoke to his wife Mahadeva said—During the time of Agamas I was prevented by lord Krsna to narrate the story of Radha.
O Parvatl, you happen to be my better-half and you will never separate from me. Therefore, lord has permitted me to narrate the story of Radha to you now.
Radhika happens to be the beloved of my lord and her story is quite secret. It is quite pleasant for the devotees and bestows the devotion of lord O Durga, I know the entire story of Radha Sanatkumara, Sanatana, Indra, the best of sages, the siddhas and even the lord of siddha.
beautiful one, O goddess, at one stage you got ready to end your life, therefore you are quite powerful. Because of that, I am narrating to you the secret story.
O Durga, the astonishing story of Radha is going to be narrated which is quite difficult to get and bestows immense merit.
In the earlier times in the charming place of Vnidayana, in Goloka lord Krsna seated on the gem-studded throne in Rdsamandala on the beautiful peaks of the mountain having fragrant creepers of the forest. At that point of time lord Krsna developed the desire for the love sport.
Because everything moves according to his will, therefore in the forest of the creepers when lord Jagannatha developed the desire for enjoying a love-sport, he was divided into two parts, Krsna emerged from right side while his left side was transformed into Radhika.
The damsel was quite charming, was the goddess of the divine dance and was desirous of having the love of Krsna. She was then seated on the gem-studded throne adorned with all the Her garments were purified by fire and possessed the glory resembling the crores of full moons. She had the complexion of molten gold.
Illumining in her own lustre, she wore a serene smile on her face. She had the face resembling the lotus flower of the winter season and the lines of teeth looked quite beautiful. She had a beautiful hair-do on her head and there was a fragrant garland of jasmine flowers round her neck. She wore a garland of gems which emitted lustre like the sun; she wore a garland of jewels having the lustre of the flow of the water of She had very stiff breasts which were roundish, raised like Sumeru mountain; were stiff, beautiful to look at and painted with kasturl. Both of them were the treasure of welfare and bestower of the welfare, her pelvic region was stiff and heavy. She appeared fatigued and looked quite channing because of her youth.
Lord Krsna who happens to be the lord of the lovers and the most beautiful of the universe, looked at her who was smiling with passion and was anxious to enjoy the company of the lord.
He had also taken her in his lap on meeting her. O goddess, the ancient people described her as Radha because of this.
Radha recites the name of Krsna while Krsna recites the name of Radha; for them everything is equal. This has been stated by the learned people.
Lord Krsna while in the divine dance takes to the form of Radha, runs after her, embraces her and makes love reciting her name and occasionally he invites her with a sign.
Therefore O Durga, the devotee of lord Krsna achieves salvation by the mere recitation of TT and by reciting the name of ^ they rush to the abode of the lord.
Radha the goddess of the divine dance emerged from the left side of Krsna and all the other damsel$ emerged from her. Therefore the word Radha is. also interpreted to mean salvation.
Therefore one gets redeemed with the recitation of her name.
All the cowherdesses emerged from the hair- pits of Radha whereas the cowherds emerged from the hair-pits of Krsna.
Mahalaksml was bom from the left side of Radha and became the great goddess of the lord known as Grhalaksmi.
She became the wife of lord Visnu and resided in Vaikuntha. The daughter of Sindhu was bom of her ray and resided in Sveta-dvJpa and happens to be wife of lord Visnu who dwells in the ocean of milk. O Parvatl, Laksmi of the heaven was bom out of her ray and bestowed treasure on Indra. She is known as Svarag-laks ml. From her ray Raja-laksmi emerged, who provides grace to the kings.
The Martya-laksmi emerged from her and is found in the house of everyone. She is known by the name of Grhalaksmi.
Radha herself becoming the wife of Krsna resides in his heart and she is the presiding deity of life of graet sole.
O Parvatl, taking everything from a straw of Brahma as false you should recite the name of the husband of Radha, who is the form of truth, beyond all the gums, best of all, the supreme soul, the lord, eternal, adored by all without any desire, beyond Prakrti, moves at will having the eternal form and bestows grace on his devotees.
There is nothing beyond him.
His Radha is dearer to him than his life which represents great fortune. She happens to be the creator of Mahavisnu and is the basic Prakrti and the supreme goddess.
All the sages adore Radhika daily with devotion because her lotus-like feet are easily available to them though Brahma and other gods cannot easily get the same.
The cowherds are unable to look at the feet of Radha even in their dream. Radha herself always remains in the lap of lord Krsna like a shadow.
O dearest one, out of the twelve cowherds, there was a cowherd named Rayana-gopa who happened to be a ray of lord Krsna and was as valorous as lord Visnu himself. Because of the curse of a cowherd named Sudama, the goddess Radha descended from Goloka and was bom on earth in the house of Vrsabhanu and her mothers name was Kalavatl.
Chapter-aligned complete witnesses. Sanskrit Wikisource revision 118689 (2017-08-30T02:33:21Z); Shanti Lal Nagar English scan pages n473–n478: https://archive.org/details/brahma-vaivarta-purana-all-four-kandas-english-translation/page/n473/mode/1up. The historic English OCR transcription is lightly normalized; no verse-by-verse alignment is asserted.