Prakṛti-khaṇḍa · Chapter 47
Sourceनारद उवाच ।। का वा सा सुरभी देवी गोलोका दागता च या ।। तज्जन्मचरितं ब्रह्मञ्छ्रोतुमिच्छामि तत्त्वतः ।। १ ।। नारायण उवाच ।। गवामधिष्ठातृदेवी गवामाद्या गवां प्रसूः ।। गवां प्रधाना सुरभी गोलोके च समुद्भवा ।। २ ।। सर्वादिसृष्टेः कथनं कथयामि निशामय ।। बभूव तेन तज्जन्म पुरा वृन्दावने वने ।। ३ ।। एकदा राधिकानाथो राधया सह कौतुकात् ।। गोपांगनापरिवृतः पुण्यं वृन्दावनं ययौ ।। ४ ।। सहसा तत्र रहसि विजहार च कौतुकात् ।। बभूव क्षीरपानेच्छा तदा स्वेच्छापरस्य च।। ५ ।। ससृजे सुरभीं देवीं लीलया वामपार्श्वतः ।। वत्सयुक्तां दुग्धवतीं वत्सानां च मनोरमाम् ।। ६ ।। दृष्ट्वा सवत्सां सुरभीं रत्नभाण्डे दुदोह सः ।। क्षीरं सुधातिरिक्तं च जन्ममृत्युहरं परम्।। ७।। तदुष्णं च पयः स्वादु पपौ गोपीपतिः स्वयम् ।। सरो बभूव पयसा भाण्डविस्रंसनेन च ।।८।। दीर्घे च विस्तृते चैव परितः शतयोजनम् ।। गोलोकेषु प्रसिद्धं तद्रम्यं क्षीरसरोवरम् ।। ९ ।। गोपिकानां च राधायाः क्रीडावापी बभूव सा ।। रत्नेन रचिता तूर्णं भूता वापीश्वरेच्छया ।। 2.47.१० ।। बभूव कामधेनूनां सहसा लक्षकोटयः ।। तावत्यो हि सवत्साश्च सुरभीलोमकूपतः ।। ११ ।। तासां पुत्राश्च पौत्राश्च संबभूवुरसंख्यकाः ।। कथिता च गवां सृष्टिस्तया संपूरितं जगत् ।। १२ ।। पूजां चकार भगवान्सुरभ्याश्च पुरा मुने ।। ततो बभूव तत्पूजा त्रिषु लोकेषु दुर्लभा ।। १३ ।। दीपान्विता परदिने श्रीकृष्णस्याज्ञया भवे ।। बभूव सुरभीपूजा धर्मवक्त्रादिति श्रुतम् ।। १४ ।। ध्यानं स्तोत्रं मूलमन्त्रं यद्यत्पूजाविधिक्रमम् ।। वेदोक्तं च महाभाग निबोध कथयामि ते ।। १५ ।। ॐ सुरभ्यै नम इति मन्त्रोऽयं तु षडक्षरः ।। सिद्धो लक्षजपेनैव भक्तानां कल्पपादपः ।।१६।। स्थितं ध्यानं यजुर्वेदे पूजनं सर्वसम्मतम् ।। ऋद्धिदां वृद्धिदां चैव मुक्तिदो सर्वकामदाम् ।। १७ ।। लक्ष्मीस्वरूपां परमां राधासहचरीं पराम् ।। गवामधिष्ठातृदेवीं गवामाद्यां गवां प्रसूम् ।।१८।। पवित्ररूपां पूज्यां च भक्तानां सर्वकामदाम् ।। यया पूतं सर्वविश्वं तां देवीं सुरभीं भजे ।। १९ ।। घटे वा धेनुशिरसि बद्धस्तंभे गवां च वा ।। शालग्रामे जलेऽग्नौ वा सुरभी पूजयेद्द्विजः ।। 2.47.२० ।। दीपान्विता परदिने पूर्वाह्णे भक्तिसंयुतः ।। यः पूजयेच्च सुरभीं स च पूज्यो भवेद्भुवि ।। २१ ।। एकदा त्रिषु लोकेषु वाराहे विष्णुमायया ।। क्षीरं जहार सहसा चिन्तिताश्च सुरादयः ।। २२ ।। ते गत्वा ब्रह्मणो लोकं ब्रह्माणं तुष्टुवुस्तदा ।। तदाज्ञया च सुरभीं तुष्टुवे पाकशासनः ।। २३ ।। महेन्द्र उवाच ।। नमो देव्यै महादेव्यै सुरभ्यै च नमो नमः ।। गवां बीजस्वरूपायै नमस्ते जगदम्बिके ।। २४ ।। नमो राधाप्रियायै च पद्मांशायै नमो नमः ।। नमः कृष्णप्रियायै च गवां मात्रे नमो नमः ।। कल्पवृक्षस्वरूपायै प्रदात्र्यै सर्वसंपदाम् ।। २५ ।। श्रीदायै धनदायै च बुद्धिदायै नमो नमः ।। शुभदायै प्रसन्नायै गोप्रदायै नमो नमः ।। २६ ।। यशोदायै सौख्यदायै धर्मज्ञायै नमो नमः ।। स्तोत्रश्रवणमात्रेण तुष्टा हृष्टा जगत्प्रसूः ।। २७ ।। आविर्बभूव तत्रैव ब्रह्मलोके सनातनी ।। महेन्द्राय वरं दत्त्वा वाञ्छितं सर्वदुर्लभम् ।। २८ ।। जगाम सा च गोलोकं ययुर्देवादयो गृहम् ।। बभूव विश्वं सहसा दुग्धपूर्णं च नारद ।। २९ ।। दुग्धाद् घृतं ततो यज्ञस्ततः प्रीतिः सुरस्य च ।। इदं स्तोत्रं महापुण्यं भक्तियुक्तश्च यः पठेत् ।। 2.47.३० ।। स गोमान्धनवांश्चैव कीर्त्तिमान्पुण्यवान्भवेत् ।। सुस्नातः सर्वतीर्थेषु सर्वयज्ञेषु दीक्षितः ।। ३१ ।। इह लोके सुखं भुक्त्वा यात्यन्ते कृष्णमन्दिरम् ।। सुचिरं निवसेत्तत्र कुरुते कृष्णसेवनम् ।। ३२ ।। न पुनर्भवनं तस्य ब्रह्मपुत्र भवे भवेत् ।। ३३ ।। इति श्रीब्रह्मवैवर्त्ते महापुराणे द्वितीये प्रकृतिखण्डे नारदनारायणसंवादे सुरभ्युपाख्याने तदुत्पत्ति तत्पूजादिकथनं नाम सप्तचत्वारिंशत्तमोऽध्यायः ।। ४७ ।।
nārada uvāca || kā vā sā surabhī devī golokā dāgatā ca yā || tajjanmacaritaṃ brahmañchrotumicchāmi tattvataḥ || 1 || nārāyaṇa uvāca || gavāmadhiṣṭhātṛdevī gavāmādyā gavāṃ prasūḥ || gavāṃ pradhānā surabhī goloke ca samudbhavā || 2 || sarvādisṛṣṭeḥ kathanaṃ kathayāmi niśāmaya || babhūva tena tajjanma purā vṛndāvane vane || 3 || ekadā rādhikānātho rādhayā saha kautukāt || gopāṃganāparivṛtaḥ puṇyaṃ vṛndāvanaṃ yayau || 4 || sahasā tatra rahasi vijahāra ca kautukāt || babhūva kṣīrapānecchā tadā svecchāparasya ca|| 5 || sasṛje surabhīṃ devīṃ līlayā vāmapārśvataḥ || vatsayuktāṃ dugdhavatīṃ vatsānāṃ ca manoramām || 6 || dṛṣṭvā savatsāṃ surabhīṃ ratnabhāṇḍe dudoha saḥ || kṣīraṃ sudhātiriktaṃ ca janmamṛtyuharaṃ param|| 7|| taduṣṇaṃ ca payaḥ svādu papau gopīpatiḥ svayam || saro babhūva payasā bhāṇḍavisraṃsanena ca ||8|| dīrghe ca vistṛte caiva paritaḥ śatayojanam || golokeṣu prasiddhaṃ tadramyaṃ kṣīrasarovaram || 9 || gopikānāṃ ca rādhāyāḥ krīḍāvāpī babhūva sā || ratnena racitā tūrṇaṃ bhūtā vāpīśvarecchayā || 2.47.10 || babhūva kāmadhenūnāṃ sahasā lakṣakoṭayaḥ || tāvatyo hi savatsāśca surabhīlomakūpataḥ || 11 || tāsāṃ putrāśca pautrāśca saṃbabhūvurasaṃkhyakāḥ || kathitā ca gavāṃ sṛṣṭistayā saṃpūritaṃ jagat || 12 || pūjāṃ cakāra bhagavānsurabhyāśca purā mune || tato babhūva tatpūjā triṣu lokeṣu durlabhā || 13 || dīpānvitā paradine śrīkṛṣṇasyājñayā bhave || babhūva surabhīpūjā dharmavaktrāditi śrutam || 14 || dhyānaṃ stotraṃ mūlamantraṃ yadyatpūjāvidhikramam || vedoktaṃ ca mahābhāga nibodha kathayāmi te || 15 || oṃ surabhyai nama iti mantro'yaṃ tu ṣaḍakṣaraḥ || siddho lakṣajapenaiva bhaktānāṃ kalpapādapaḥ ||16|| sthitaṃ dhyānaṃ yajurvede pūjanaṃ sarvasammatam || ṛddhidāṃ vṛddhidāṃ caiva muktido sarvakāmadām || 17 || lakṣmīsvarūpāṃ paramāṃ rādhāsahacarīṃ parām || gavāmadhiṣṭhātṛdevīṃ gavāmādyāṃ gavāṃ prasūm ||18|| pavitrarūpāṃ pūjyāṃ ca bhaktānāṃ sarvakāmadām || yayā pūtaṃ sarvaviśvaṃ tāṃ devīṃ surabhīṃ bhaje || 19 || ghaṭe vā dhenuśirasi baddhastaṃbhe gavāṃ ca vā || śālagrāme jale'gnau vā surabhī pūjayeddvijaḥ || 2.47.20 || dīpānvitā paradine pūrvāhṇe bhaktisaṃyutaḥ || yaḥ pūjayecca surabhīṃ sa ca pūjyo bhavedbhuvi || 21 || ekadā triṣu lokeṣu vārāhe viṣṇumāyayā || kṣīraṃ jahāra sahasā cintitāśca surādayaḥ || 22 || te gatvā brahmaṇo lokaṃ brahmāṇaṃ tuṣṭuvustadā || tadājñayā ca surabhīṃ tuṣṭuve pākaśāsanaḥ || 23 || mahendra uvāca || namo devyai mahādevyai surabhyai ca namo namaḥ || gavāṃ bījasvarūpāyai namaste jagadambike || 24 || namo rādhāpriyāyai ca padmāṃśāyai namo namaḥ || namaḥ kṛṣṇapriyāyai ca gavāṃ mātre namo namaḥ || kalpavṛkṣasvarūpāyai pradātryai sarvasaṃpadām || 25 || śrīdāyai dhanadāyai ca buddhidāyai namo namaḥ || śubhadāyai prasannāyai gopradāyai namo namaḥ || 26 || yaśodāyai saukhyadāyai dharmajñāyai namo namaḥ || stotraśravaṇamātreṇa tuṣṭā hṛṣṭā jagatprasūḥ || 27 || āvirbabhūva tatraiva brahmaloke sanātanī || mahendrāya varaṃ dattvā vāñchitaṃ sarvadurlabham || 28 || jagāma sā ca golokaṃ yayurdevādayo gṛham || babhūva viśvaṃ sahasā dugdhapūrṇaṃ ca nārada || 29 || dugdhād ghṛtaṃ tato yajñastataḥ prītiḥ surasya ca || idaṃ stotraṃ mahāpuṇyaṃ bhaktiyuktaśca yaḥ paṭhet || 2.47.30 || sa gomāndhanavāṃścaiva kīrttimānpuṇyavānbhavet || susnātaḥ sarvatīrtheṣu sarvayajñeṣu dīkṣitaḥ || 31 || iha loke sukhaṃ bhuktvā yātyante kṛṣṇamandiram || suciraṃ nivasettatra kurute kṛṣṇasevanam || 32 || na punarbhavanaṃ tasya brahmaputra bhave bhavet || 33 || iti śrībrahmavaivartte mahāpurāṇe dvitīye prakṛtikhaṇḍe nāradanārāyaṇasaṃvāde surabhyupākhyāne tadutpatti tatpūjādikathanaṃ nāma saptacatvāriṃśattamo'dhyāyaḥ || 47 ||
English translation
The story of Surabhl Narada said—0 Brahma who was Surabhi, who arrived in the Golokal Who was she?
Where was she born and what is the story about her? You kindly tell me.
NarSyana said—Surabhl was bom in Goloka and the foremost of the cows. She is the chief goddess of the cows, the eternal cow and the mother of the gods.
Now I am going to tell you about the story of Surabhl who happens to be the eternal one. In the earlier times, in the forest named Vradavana, she was bom when lord Krsna once playfully went to Vrndavana together with other cowherdesses.
Once Kr^iia the lord of Radhika playfully went to Vrndavana together with all the On reaching there, they hid themselves playfully in a secluded place. After sometime, they developed a desire for consuming milk. He then playfully created the cow Surabhl from his left side together with the calf. Finding her with her calf, he started milking her. The milk was like the nectar which removed the cycle of birth and death. Thereafter the warm milk was consumed by lord Kr?na himself. The vase in which the cow was milked fell onto the ground and was broken, as a result of which a stream of milk was consumed by lord Kfsna himself. The vase in which the cow was milked fell on the ground and was broken as a result of which a stream of milk appeared on the scene which spread over an area of a hundred yojanas and was subsequently known as the ocean of milk.
Then there appeared a step-well for the water- sport of Radhika which was filled with gems.
Thereafter from the hair-pits of Surabhl lakhs and crores of cows with calves emerged. They had many sons and grandsons, the number of which could not be estimated. They were all spread over the entire universe. Thus I have told you about the creation of the cows.
O s^e, in the earlier times, Surabhl was adored' by the lord and she came to be adored by the entire universe in the three worlds.
Thus at the command of lord Kr§na, her adoration started from the next day, offering her a lamp. This is all that, I have heard from the mouth of Dharma.
great ascetic, I am now apprising you of his dhyanam, slotra, mulamantra and the method of her adoration. You please listen to me.
Her mantra is sff HF: which consists of six letters and one meets with success by reciting it a lakh of times. It serves as the kalpavrk?a for the devotees.
gw TraHTggff wi^i I am now telling you about the dhydnam and the pujd as has been prescribed in the Yajurveda, The goddess who bestows fortune, increase in riches, salvation and fulfils all the desires, is the form of LaksmI, the chaste Radha and her fiiend, the supreme goddess of the cows, the eternal cow and her mother, is quite auspicious, adorable and grants all the wishes of the devotees; she has purified the whole universe, I adore such a goddess Surabhl.
The Brahmana should adore Surabhl in the form of a vase, the head of the cow or the post with which the cows are tied, Sdlagrdma, the water or the fire.
The one who adores Surabhl at the time of forenoon with devotion, becomes always respectfully on the earth.
WIT w'ETT fgRidTg';i? ^ ii Once at the time of the incarnation of Varaha, the illusion of the lord suddenly made the milk to disappear from the ocean of the milk. This made the gods a worried lot.
Thereafter all of them went to Brahmaloka and offered prayers to Brahma. Indra then advised Brahma to adore Surabhl which he did.
Mahendra said—I adore the goddess Surabhl who happens to be the great goddess. She happens to be the cause of all the cows, I offer my salutation to the goddess, who is the mother of the universe.
I adore the goddess who is dear to Radha and was bom from the ray of padma, I offer my salutation to her. I offer my salutation to the beloved of Krsna. I offer my salutation to the mother of the cows again and again, who taking to the form of kalpavrk^a bestows riches to all and also bestows grace besides riches and is intelligent. I offer my salutation to her.
She bestows all the welfare, is delightful and bestows the cows. I offer my salutation to her, she bestows grace, all the pleasure and devotion to dharma I bow in reverence to her.
fgr fsr i On hearing this prayer from Indra, the goddess Surabhl was extremely pleased. She therefore appeared in Brahmaloka and granted a boon to Mahendra as a result of which all his desires were fulfilled. Thereafter, she went back to Goloka. The gods also, O Narada, went back to their respective abodes.
Thereafter, the entire universe was suddenly filled with milk. Thereafter the ghee emerged out of the milk which was used in the performing of the yajhas and pleased the god.
Whosoever recites the stotra with devotion, possesses cows, riches, glory and nobility. He is treated as if he has taken a bath in all the sacred places or having performed all the yajnas.
Thereafter, he, enjoying all the pleasures in the universe, proceeds on to the abode of lord Krsna and stays there for a long time. O son of Brahma, he is never bom again on earth,
Chapter-aligned complete witnesses. Sanskrit Wikisource revision 118688 (2017-08-30T02:32:40Z); Shanti Lal Nagar English scan pages n469–n473: https://archive.org/details/brahma-vaivarta-purana-all-four-kandas-english-translation/page/n469/mode/1up. The historic English OCR transcription is lightly normalized; no verse-by-verse alignment is asserted.