Prakṛti-khaṇḍa · Chapter 35
Sourceनारद उवाच ।। श्रीकृष्णस्यात्मनश्चैव निर्गुणस्य निराकृतेः ।। सावित्रीयमसंवादे श्रुतं सुविमलं यशः ।।१।। तद्गुणोत्कीर्त्तनं सत्यं मंगलानां च मङ्गलम् ।। अधुना श्रोतुमिच्छामि लक्ष्म्युपाख्यानमीश्वर।।२।। केनादौ पूजिता साऽपि किम्भूता केन वा पुरा ।। तद्गुणोत्कीर्त्तनं सत्यं वद वेदविदां वर।।। ।। ३ ।। नारायण उवाच ।। सृष्टेरादौ पुरा ब्रह्मन्कृष्णस्य परमात्मनः ।। देवी वामांशसंभूता चासीत्सा रासमण्डले ।। ४ ।। अतीव सुन्दरी श्यामा न्यग्रोधपरिमण्डला ।। यथा द्वादशवर्षीया रम्या सुस्थिरयौवना ।। ५ ।। श्वेतचम्पकवर्णाभा सुखदृश्या मनोहरा ।। शरत्पार्वणकोटीन्दुप्रभासंशोभितानना ।। ६ ।। शरन्मध्याह्नपद्मानां शोभाशोभितलोचना ।। सा च देवी द्विधाभूता सहसैवेश्वरेच्छया ।। ७ ।। समा रूपेण वर्णेन तेजसा वयसा त्विषा ।। यशसा वाससा मूर्त्या भूषूणेन गुणेन च ।। ८ ।। स्मितेन वीक्षणेनैव वचसा गमनेन च ।। मधुरेण स्वरेणैव नयेनानुनयेन च ।। ९ ।। तद्वामांशा महालक्ष्मीर्दक्षिणांशा च राधिका ।। राधाऽऽदौ वरयामास द्विभुजं च परात्परम् ।। 2.35.१० ।। महालक्ष्मीश्च तत्पश्चाच्चकमे कमनीयकम् ।। कृष्णस्तद्गौरवेणैव द्विधारूपो बभूव ह ।। ११ ।। दक्षिणांशो वै द्विभुजो वामांशश्च चतुर्भुजः ।। चतुर्भुजाय द्विभुजो महालक्ष्मीं ददौ पुरा ।। १२ ।। लक्ष्यते दृश्यते विश्वं स्निग्धदृष्ट्या ययाऽनिशम्।। देवीषु या च महती महालक्ष्मीश्च सा स्मृता ।।१३।। द्विभुजो राधिकाकान्तो लक्ष्मीकान्तश्चतुर्भुजः।। गोलोके द्विभुजस्तस्थौ गोपैर्गोपीभिरावृतः।।१४।। चतुर्भुजश्च वैकुण्ठं प्रययौ पद्मया सह ।। सर्वांशेन समौ तौ द्वौ कृष्णनारायणौ परौ।।१५।। महालक्ष्मीश्च योगेन नानारूपा बभूव सा।। वैकुण्ठे च महालक्ष्मीः परिपूर्णतमा परा।।१६।। शुद्धसत्त्वस्वरूपा च सर्वसौभाग्यसंयुता।। प्रेम्णा सा वै प्रधाना च सर्वासु रमणीषु च।।१७।। स्वर्गे च स्वर्गलक्ष्मीश्च शक्रसम्पत्स्वरूपिणी।। पातालेषु च मर्त्येषु राजलक्ष्मीश्च राजसु।।१८।। गृहलक्ष्मीर्गृहेष्वेव गृहिणी च कलांशया।। सम्पत्स्वरूपा गृहिणां सर्वमङ्गलमंगला।।१९।। गवां प्रसूः सा सुरभिर्दक्षिणा यज्ञकामिनी।। क्षीरोदसिन्धु कन्या सा श्रीरूपा पद्मिनीषु च।।2.35.२०।। शोभारूपा च चन्द्रे सा सूर्य्यमण्डलमण्डिता।। विभूषणेषु रत्नेषु फलेषु जलजेषु च ।।२१।। नृपेषु नृपपत्नीषु दिव्यस्त्रीषु गृहेषु च ।। सर्वसस्येषु वस्त्रेषु स्थाने सा संस्कृते तथा ।। २२ ।। प्रतिमासु च देवानां मङ्गलेषु घटेषु च ।। माणिक्येषु च मुक्तासु माल्येषु च मनोहरा ।।२३।। मणींद्रेषु च हारेषु क्षीरं वै चन्दनेषु च ।। वृक्षशाखासु रम्यासु नवमेघेषु वस्तुषु ।। २४ ।। वैकुण्ठे पूजिता साऽऽदौ देवी नारायणेन च ।। द्वितीये ब्रह्मणा भक्त्या तृतीये शङ्करेण च ।। २५ ।। विष्णुना पूजिता सा च क्षीरोदे भारते मुने ।। स्वायम्भुवेन मनुना मानवेन्द्रैश्च सर्वतः ।। २६ ।। ऋषीन्द्रैश्च मुनीन्द्रैश्च सद्भिश्च गृहिभिर्भवेत् ।। गन्धर्वाद्यैश्च नागाद्यैः पातालेषु च पूजिता ।। २७ ।। शुक्लाष्टम्यां भाद्रपदे पूजा वै ब्रह्मणा कृता ।। भक्त्या च पक्षपर्यन्तं त्रिषु लोकेषु नारद ।। २८ ।। चैत्रे पौषे च भाद्रे च पुण्ये मङ्गलवासरे ।। विष्णुना निर्मिता पूजा त्रिषु लोकेषु भक्तितः ।। २९ ।। वर्षान्ते पौषसंक्रांत्यां मेध्यामावाह्य चाङ्गणे ।। मनुस्तां पूजयामास सा भूता भुवनत्रये ।। 2.35.३० ।। राज्ञा संपूजिता सा वै मङ्गलेनैव मङ्गला।। केदारेणैव नीलेन नलेन सुबलेन च ।। ३१ ।। ध्रुवेणौत्तानपादेन शक्रेण बलिना तथा ।। कश्यपेन च दक्षेण मनुना च विवस्वता ।। ३२ ।। प्रियव्रतेन चन्द्रेण कुबेरेणैव वायुना ।। यमेन वह्निना चैव वरुणेनैव पूजिता ।। ३३ ।। एवं सर्वत्र सर्वैश्च वन्दिता पूजिता सदा ।। सर्वैश्वर्य्याधिदेवी सा सर्वसम्पत्स्वरूपिणी ।। ३४ ।। इति श्रीब्रह्मवैवर्त्ते महापुराणे द्वितीये प्रकृतिखण्डे नारदनारायणसंवादे लक्ष्म्युपाख्याने लक्ष्मीस्वरूपपूजादिवर्णनं नाम पञ्चत्रिंशोऽध्यायः ।। ३५ ।।
nārada uvāca || śrīkṛṣṇasyātmanaścaiva nirguṇasya nirākṛteḥ || sāvitrīyamasaṃvāde śrutaṃ suvimalaṃ yaśaḥ ||1|| tadguṇotkīrttanaṃ satyaṃ maṃgalānāṃ ca maṅgalam || adhunā śrotumicchāmi lakṣmyupākhyānamīśvara||2|| kenādau pūjitā sā'pi kimbhūtā kena vā purā || tadguṇotkīrttanaṃ satyaṃ vada vedavidāṃ vara||| || 3 || nārāyaṇa uvāca || sṛṣṭerādau purā brahmankṛṣṇasya paramātmanaḥ || devī vāmāṃśasaṃbhūtā cāsītsā rāsamaṇḍale || 4 || atīva sundarī śyāmā nyagrodhaparimaṇḍalā || yathā dvādaśavarṣīyā ramyā susthirayauvanā || 5 || śvetacampakavarṇābhā sukhadṛśyā manoharā || śaratpārvaṇakoṭīnduprabhāsaṃśobhitānanā || 6 || śaranmadhyāhnapadmānāṃ śobhāśobhitalocanā || sā ca devī dvidhābhūtā sahasaiveśvarecchayā || 7 || samā rūpeṇa varṇena tejasā vayasā tviṣā || yaśasā vāsasā mūrtyā bhūṣūṇena guṇena ca || 8 || smitena vīkṣaṇenaiva vacasā gamanena ca || madhureṇa svareṇaiva nayenānunayena ca || 9 || tadvāmāṃśā mahālakṣmīrdakṣiṇāṃśā ca rādhikā || rādhā''dau varayāmāsa dvibhujaṃ ca parātparam || 2.35.10 || mahālakṣmīśca tatpaścāccakame kamanīyakam || kṛṣṇastadgauraveṇaiva dvidhārūpo babhūva ha || 11 || dakṣiṇāṃśo vai dvibhujo vāmāṃśaśca caturbhujaḥ || caturbhujāya dvibhujo mahālakṣmīṃ dadau purā || 12 || lakṣyate dṛśyate viśvaṃ snigdhadṛṣṭyā yayā'niśam|| devīṣu yā ca mahatī mahālakṣmīśca sā smṛtā ||13|| dvibhujo rādhikākānto lakṣmīkāntaścaturbhujaḥ|| goloke dvibhujastasthau gopairgopībhirāvṛtaḥ||14|| caturbhujaśca vaikuṇṭhaṃ prayayau padmayā saha || sarvāṃśena samau tau dvau kṛṣṇanārāyaṇau parau||15|| mahālakṣmīśca yogena nānārūpā babhūva sā|| vaikuṇṭhe ca mahālakṣmīḥ paripūrṇatamā parā||16|| śuddhasattvasvarūpā ca sarvasaubhāgyasaṃyutā|| premṇā sā vai pradhānā ca sarvāsu ramaṇīṣu ca||17|| svarge ca svargalakṣmīśca śakrasampatsvarūpiṇī|| pātāleṣu ca martyeṣu rājalakṣmīśca rājasu||18|| gṛhalakṣmīrgṛheṣveva gṛhiṇī ca kalāṃśayā|| sampatsvarūpā gṛhiṇāṃ sarvamaṅgalamaṃgalā||19|| gavāṃ prasūḥ sā surabhirdakṣiṇā yajñakāminī|| kṣīrodasindhu kanyā sā śrīrūpā padminīṣu ca||2.35.20|| śobhārūpā ca candre sā sūryyamaṇḍalamaṇḍitā|| vibhūṣaṇeṣu ratneṣu phaleṣu jalajeṣu ca ||21|| nṛpeṣu nṛpapatnīṣu divyastrīṣu gṛheṣu ca || sarvasasyeṣu vastreṣu sthāne sā saṃskṛte tathā || 22 || pratimāsu ca devānāṃ maṅgaleṣu ghaṭeṣu ca || māṇikyeṣu ca muktāsu mālyeṣu ca manoharā ||23|| maṇīṃdreṣu ca hāreṣu kṣīraṃ vai candaneṣu ca || vṛkṣaśākhāsu ramyāsu navamegheṣu vastuṣu || 24 || vaikuṇṭhe pūjitā sā''dau devī nārāyaṇena ca || dvitīye brahmaṇā bhaktyā tṛtīye śaṅkareṇa ca || 25 || viṣṇunā pūjitā sā ca kṣīrode bhārate mune || svāyambhuvena manunā mānavendraiśca sarvataḥ || 26 || ṛṣīndraiśca munīndraiśca sadbhiśca gṛhibhirbhavet || gandharvādyaiśca nāgādyaiḥ pātāleṣu ca pūjitā || 27 || śuklāṣṭamyāṃ bhādrapade pūjā vai brahmaṇā kṛtā || bhaktyā ca pakṣaparyantaṃ triṣu lokeṣu nārada || 28 || caitre pauṣe ca bhādre ca puṇye maṅgalavāsare || viṣṇunā nirmitā pūjā triṣu lokeṣu bhaktitaḥ || 29 || varṣānte pauṣasaṃkrāṃtyāṃ medhyāmāvāhya cāṅgaṇe || manustāṃ pūjayāmāsa sā bhūtā bhuvanatraye || 2.35.30 || rājñā saṃpūjitā sā vai maṅgalenaiva maṅgalā|| kedāreṇaiva nīlena nalena subalena ca || 31 || dhruveṇauttānapādena śakreṇa balinā tathā || kaśyapena ca dakṣeṇa manunā ca vivasvatā || 32 || priyavratena candreṇa kubereṇaiva vāyunā || yamena vahninā caiva varuṇenaiva pūjitā || 33 || evaṃ sarvatra sarvaiśca vanditā pūjitā sadā || sarvaiśvaryyādhidevī sā sarvasampatsvarūpiṇī || 34 || iti śrībrahmavaivartte mahāpurāṇe dvitīye prakṛtikhaṇḍe nāradanārāyaṇasaṃvāde lakṣmyupākhyāne lakṣmīsvarūpapūjādivarṇanaṃ nāma pañcatriṃśo'dhyāyaḥ || 35 ||
English translation
The form of Lak$ml and the method of her Narada said— I have listened to the spotless glory of lord Kysna and the story relating to the conversation between Savitrl and Yama.
The reciting of his glory is truthful and the form of welfare. O lord, now I intend to listen to the story of Laksml.
O best of the gods, who adored him first and before whom she appeared in the first instance and before whom she appeared in her true from in the earlier times. It is truthful to recite her face. Therefore, you kindly tell me all that.
Narayana said—O Brahman, in the earlier times at the beginning of the universe, she appeared from the left side of lord krsna in the Rasamandala, She was extremely beautiful, quite pleasant, having stiff breasts and buttocks with a tender waist. She was twelve years old, quite charming and had the complexion of a white jasmine flower. She was beautiful to look at, attractive, possessing the luster of crores of suns, galore of the moons of Saratpurnimd on her face and her eyes resembled the grace of the lotus flowers of the summer season blossoming during the mid-day. And because of the wish of the lord she at once was divided into two bodies which were totally equal in tejas, glory, age, serene smiles, eye-sight, speech and sweet tongue besides being well-behaved.
ffg mr? Ti? Ti1ira?Ti The female form emerging out of her left side was known as Mahalaksml and the one which appeared from the right side was known as Radhika. At that point of time Radhika selected lord Krsna possessing two anns only as her ydywicbyuii'jR u=n?3Ti While Mahalaksml also selected the beautiful husband because of the glory of both of them lord Krsna who also appeared in two fonns. The form that appeared from the right side was having two arms only and the one that emerged from the left side had four arms. Lord Krsna having two arms, had already entrusted Mahalaksml to Mahavisnu having four arms. The same goddess Mahalaksml views the entire universe with loving sight and happens to be the best of the goddesses. She is therefore called Thus lord Krsna having two arms happens to be the husband of Radhika and the four anned Mahavisnu happens to be the lord of Laksml.
The two armed lord Krsna is surrounded by the cowherds and cowherdesses dwelling in Goloka.
Thereafter the four armed lord Visnu proceeded Oil to Vaikuntha together with LaksmJ. Thus lord Krsna and lord Narayana both are equal.
The same goddess MahaiaksmI with the yogic practices took to many forms, remaining in Vaikuntha. She is the best of the women having pure and sattva form, all fortunate and bestows love on all the women.
Similarly Laksml of heaven is the asset of Indra and the one possessed by the kings on earth as well as in the nether-world is called Rajalaks Laksml of the house is known as GrhalaksmI who bestows welfare and riches to all the house¬ She is Surabhl the mother of the cows, daksina of the yajna, Kamala of the ocean of milk and Sri in the lotus flowers.
She is the grace of the moon and the lustre of the sun. Similarly she also remains present in the ornaments, gems, fmits and the things bom of the water. She also remains with the kings, the queens, the divine ladies in houses, the crops, the clothes, cultural fields, images of the gods, welfare pitchers, things made of gems, besides the garland of jewels and gems. She appears in beautiful form in the best of the garments of gem and pearls, milk, sandal, beautiful branches of the trees and new clouds.
Thus first of all lord Narayana had adored the goddess in Vaikuntha, thereafter lord Siva and Brahma followed her with devoted minds.
sage, thereafter in the ocean of milk, lord Visnu adored her; while in the sacred land of Bharata, Svayambhuva Manu and other gods adored her appropriately.
She was then adored by the ascetics, the sages, noble house-holders, besides the Gandharvas, the serpents in Patala.
O Narada, on the eighth bright day of the month of Bhadrapada, Brahma adored her with devotion and she was adored in the three worlds for a fortnight.
Lord Visnu adored her in all the three Lokas with great devotion. For her devotion in the month of Caitra, Pausa, Bhadrapada and Tuesdays are considered to be auspicious.
Manu adored her after the end of the rains, on the first day of the month of Pausa in his courtyard invoking LaksmI, as a result of which she appeared in all the three lokas on that very Thereafter, the king Mahgala adored Mahalaks ml who happens to be the form of welfare.
Thereafter Kedara, Nila, Nala, Subala, Dhruva, the son of Uttanapada, Indra, Bali, Kasyapa, Daksa, Manu, Surya, the loveable moon, Kubera, Vayu, Yama, Agni and Varuna also adored her.
She was therefore adored by all the people at all the places and became the goddess of riches and fortune.
Chapter-aligned complete witnesses. Sanskrit Wikisource revision 117841 (2017-08-18T02:37:27Z); Shanti Lal Nagar English scan pages n396–n399: https://archive.org/details/brahma-vaivarta-purana-all-four-kandas-english-translation/page/n396/mode/1up. The historic English OCR transcription is lightly normalized; no verse-by-verse alignment is asserted.