Prakṛti-khaṇḍa · Chapter 32
Sourceसावित्र्युवाच ।। धर्मराज महाभाग वेदवेदाङ्गपारग ।। नानापुराणेतिहासपाञ्चरात्रप्रदर्शकः ।।१।। सर्वेषु सारभूतं यत्सर्वेष्टं सर्वसम्मतम् ।। कर्मच्छेदे बीजरूपं प्रशंस्यं सुखदं नृणाम् ।। २ ।। यशःप्रदं धर्मदं च सर्वमंगलमंगलम् ।। येन यामीं न ते यांति यातनां भवदुःखदाम् ।। ३ ।। कुण्डानि च न पश्यन्ति तत्र नैव पतंति च ।। न भवेद्येन जन्मादि तत्कर्म वद सुव्रत ।। ४ ।। किमाकाराणि कुण्डानि कानि तेषां मतानि च ।। केन रूपेण तत्रैव सदा तिष्ठंति पापिनः ।। ५ ।। स्वदेहे भस्मसाद्भूते यांति लोकान्तरं नराः ।। केन देहेन वा भोगं भुञ्जते वा शुभाशुभम् ।। ६ ।। सुचिरं क्लेशभोगेन कथं देहो न नश्यति ।। देहो वा किंविधो ब्रह्मंस्तन्मे व्याख्यातुमर्हसि ।।७।। नारायण उवाच ।। सावित्रीवचनं श्रुत्वा धर्मराजो हरिं स्मरन् ।। कथां कथितुमारेभे गुरुं नत्वा च नारद।। ८ ।। यम उवाच ।। वत्से चतुर्षु वेदेषु धर्मो वै संहितासु च ।। पुराणेष्वितिहासेषु पाञ्चरात्रादिकेषु च ।। ९ ।। अन्येषु सर्वशास्त्रेषु वेदांगेषु च सुव्रते ।। सर्वेष्टं सारभूतं च मंगलं कृष्णसेवनम् ।। 2.32.१० ।। जन्ममृत्युजरारोगशोकसन्तापतारणम् ।। सर्वमङ्गलरूपं च परमानन्दकारणम् ।। ११ ।। कारणं सर्वसिद्धीनां नरकार्णवतारणम् ।। भक्तिवृक्षांकुरकरं कर्मवृक्षनिकृन्तनम् ।।१२ ।। गोलोकमार्गसोपानमविनाशिपदप्रदम्।। सालोक्यसार्ष्टिसारूप्यसामीप्यादिप्रदं शुभे।।१३।। कुण्डानि यमदूतं च यमं च यमकिङ्करान् ।। स्वप्नेऽपि नहि पश्यन्ति सति श्रीकृष्णकिङ्कराः ।। १४ ।। हरिव्रतं ये कुर्वंति गृहिणः कर्मभोगिनः ।। ये स्नांति हरितीर्थे च नाश्नन्ति हरिवासरे ।। १५ ।। प्रणमंति हरिं नित्यं हर्य्यर्चां पूजयन्ति च ।। न यान्ति ते च घोरां च मम संयमनीं पुरीम् ।। १६ ।। त्रिसन्ध्यपूता विप्राश्च शुद्धाचारसमन्विताः ।। स्वधर्मनिरताः शान्ता न यान्ति यममन्दिरम् ।। १७ ।। ते स्वर्गभोगिनोऽन्ये च शुद्धा देवान्यकिंकराः ।। यान्त्यायान्ति च मर्त्यं च स्वर्गं च नहि निर्वृताः ।। निवृत्तिं न हि लिप्सन्ति कृष्णसेवां विना नराः ।। १८ ।। स्वधर्म्मनिरताश्चापि स्वधर्मविरतास्तथा ।। गच्छन्तो मर्त्यलोकं च दुर्द्धर्षा यमकिङ्कराः ।। १९ ।। भीताः कृष्णोपासकाच्च वैनतेयादिवोरगाः ।। स्वदूतं पाशहस्तं च गच्छन्तं तं वदाम्यहम् ।। 2.32.२० ।। यास्यसीति च सर्वत्र हरिभक्ताश्रमं विना ।। कृष्णमन्त्रोपासकानां नामानि च निकृन्तनम् ।। २१ ।। करोति नखराञ्जल्या चित्रगुप्तश्च भीतवत् ।। मधुपर्कादिकं ब्रह्मा तेषां च कुरुते पुनः ।। २२ ।। विलंघ्य ब्रह्मलोकं च गोलोके गच्छतां सताम् ।। दुरितानि च नश्यन्ति तेषां संस्पर्शमात्रतः ।। २३ ।। यथा सुप्रज्वलद्वह्नौ काष्ठानि च तृणानि च ।। प्राप्नोति मोहः संमोहं तांश्च दृष्ट्वाऽतिभीतवत् ।। २४ ।। कामश्च कामिनं याति लोभ क्रोधौ ततः सति ।। मृत्युः पलायते रोगो जरा शोको भयं तथा ।। २५ ।। कालः शुभाशुभं कर्म्म हर्षो भोगस्तथैव च ।। ये ये न यान्ति यामीं च कथितास्ते मया सति ।। २६ ।। शृणु देहस्य विवृतिं कथयामि यथागमम् ।। पृथिवी वायुराकाशं तेजस्तोयमिति स्फुटम् ।। २७ ।। देहिनां देहबीजं च स्रष्टुः सृष्टिविधौ परम् ।। पृथ्व्यादिपञ्चभूतैश्च यो देहो निर्मितो भवेत् ।। २८ ।। स कृत्रिमो नश्वरश्च भस्मसाच्च भवेदिह ।। वृद्धाङ्गुष्ठप्रमाणेन यो जीवः पुरुषाकृतिः ।। २९ ।। बिभर्ति सूक्ष्मदेहं च तद्रूपं भोगहेतवे ।। स देहो न भवेद्भस्म ज्वलदग्नौ ममालये ।। 2.32.३० ।। जलेन नष्टो देहो वा प्रहारे सुचिरं कृते ।। न शस्त्रे च न चास्त्रे च सुतीक्ष्णे कण्टके तथा ।। ३१ ।। तप्तद्रवे तप्तलौहे तप्तपाषाण एव च ।। प्रतप्तप्रतिमाश्लेषेऽप्यत्यूर्ध्वनेऽपि च ।। ।। ३२ ।। न च दग्धो न भग्नश्च भुंक्ते संतापमेव च ।। कथितं देवि वृत्तान्तं कारणं च यथागमम् ।। कुण्डानां लक्षणं सर्वं निबोध कथयामि ते ।। ।। ३३ ।। इति श्रीब्रह्मवैवर्त्ते महापुराणे द्वितीये प्रकृतिखण्डे नारदनारायणसंवादे सावित्र्युपाख्याने द्वात्रिंशत्तमोऽध्यायः ।। ३२ ।।
sāvitryuvāca || dharmarāja mahābhāga vedavedāṅgapāraga || nānāpurāṇetihāsapāñcarātrapradarśakaḥ ||1|| sarveṣu sārabhūtaṃ yatsarveṣṭaṃ sarvasammatam || karmacchede bījarūpaṃ praśaṃsyaṃ sukhadaṃ nṛṇām || 2 || yaśaḥpradaṃ dharmadaṃ ca sarvamaṃgalamaṃgalam || yena yāmīṃ na te yāṃti yātanāṃ bhavaduḥkhadām || 3 || kuṇḍāni ca na paśyanti tatra naiva pataṃti ca || na bhavedyena janmādi tatkarma vada suvrata || 4 || kimākārāṇi kuṇḍāni kāni teṣāṃ matāni ca || kena rūpeṇa tatraiva sadā tiṣṭhaṃti pāpinaḥ || 5 || svadehe bhasmasādbhūte yāṃti lokāntaraṃ narāḥ || kena dehena vā bhogaṃ bhuñjate vā śubhāśubham || 6 || suciraṃ kleśabhogena kathaṃ deho na naśyati || deho vā kiṃvidho brahmaṃstanme vyākhyātumarhasi ||7|| nārāyaṇa uvāca || sāvitrīvacanaṃ śrutvā dharmarājo hariṃ smaran || kathāṃ kathitumārebhe guruṃ natvā ca nārada|| 8 || yama uvāca || vatse caturṣu vedeṣu dharmo vai saṃhitāsu ca || purāṇeṣvitihāseṣu pāñcarātrādikeṣu ca || 9 || anyeṣu sarvaśāstreṣu vedāṃgeṣu ca suvrate || sarveṣṭaṃ sārabhūtaṃ ca maṃgalaṃ kṛṣṇasevanam || 2.32.10 || janmamṛtyujarārogaśokasantāpatāraṇam || sarvamaṅgalarūpaṃ ca paramānandakāraṇam || 11 || kāraṇaṃ sarvasiddhīnāṃ narakārṇavatāraṇam || bhaktivṛkṣāṃkurakaraṃ karmavṛkṣanikṛntanam ||12 || golokamārgasopānamavināśipadapradam|| sālokyasārṣṭisārūpyasāmīpyādipradaṃ śubhe||13|| kuṇḍāni yamadūtaṃ ca yamaṃ ca yamakiṅkarān || svapne'pi nahi paśyanti sati śrīkṛṣṇakiṅkarāḥ || 14 || harivrataṃ ye kurvaṃti gṛhiṇaḥ karmabhoginaḥ || ye snāṃti haritīrthe ca nāśnanti harivāsare || 15 || praṇamaṃti hariṃ nityaṃ haryyarcāṃ pūjayanti ca || na yānti te ca ghorāṃ ca mama saṃyamanīṃ purīm || 16 || trisandhyapūtā viprāśca śuddhācārasamanvitāḥ || svadharmaniratāḥ śāntā na yānti yamamandiram || 17 || te svargabhogino'nye ca śuddhā devānyakiṃkarāḥ || yāntyāyānti ca martyaṃ ca svargaṃ ca nahi nirvṛtāḥ || nivṛttiṃ na hi lipsanti kṛṣṇasevāṃ vinā narāḥ || 18 || svadharmmaniratāścāpi svadharmaviratāstathā || gacchanto martyalokaṃ ca durddharṣā yamakiṅkarāḥ || 19 || bhītāḥ kṛṣṇopāsakācca vainateyādivoragāḥ || svadūtaṃ pāśahastaṃ ca gacchantaṃ taṃ vadāmyaham || 2.32.20 || yāsyasīti ca sarvatra haribhaktāśramaṃ vinā || kṛṣṇamantropāsakānāṃ nāmāni ca nikṛntanam || 21 || karoti nakharāñjalyā citraguptaśca bhītavat || madhuparkādikaṃ brahmā teṣāṃ ca kurute punaḥ || 22 || vilaṃghya brahmalokaṃ ca goloke gacchatāṃ satām || duritāni ca naśyanti teṣāṃ saṃsparśamātrataḥ || 23 || yathā suprajvaladvahnau kāṣṭhāni ca tṛṇāni ca || prāpnoti mohaḥ saṃmohaṃ tāṃśca dṛṣṭvā'tibhītavat || 24 || kāmaśca kāminaṃ yāti lobha krodhau tataḥ sati || mṛtyuḥ palāyate rogo jarā śoko bhayaṃ tathā || 25 || kālaḥ śubhāśubhaṃ karmma harṣo bhogastathaiva ca || ye ye na yānti yāmīṃ ca kathitāste mayā sati || 26 || śṛṇu dehasya vivṛtiṃ kathayāmi yathāgamam || pṛthivī vāyurākāśaṃ tejastoyamiti sphuṭam || 27 || dehināṃ dehabījaṃ ca sraṣṭuḥ sṛṣṭividhau param || pṛthvyādipañcabhūtaiśca yo deho nirmito bhavet || 28 || sa kṛtrimo naśvaraśca bhasmasācca bhavediha || vṛddhāṅguṣṭhapramāṇena yo jīvaḥ puruṣākṛtiḥ || 29 || bibharti sūkṣmadehaṃ ca tadrūpaṃ bhogahetave || sa deho na bhavedbhasma jvaladagnau mamālaye || 2.32.30 || jalena naṣṭo deho vā prahāre suciraṃ kṛte || na śastre ca na cāstre ca sutīkṣṇe kaṇṭake tathā || 31 || taptadrave taptalauhe taptapāṣāṇa eva ca || prataptapratimāśleṣe'pyatyūrdhvane'pi ca || || 32 || na ca dagdho na bhagnaśca bhuṃkte saṃtāpameva ca || kathitaṃ devi vṛttāntaṃ kāraṇaṃ ca yathāgamam || kuṇḍānāṃ lakṣaṇaṃ sarvaṃ nibodha kathayāmi te || || 33 || iti śrībrahmavaivartte mahāpurāṇe dvitīye prakṛtikhaṇḍe nāradanārāyaṇasaṃvāde sāvitryupākhyāne dvātriṃśattamo'dhyāyaḥ || 32 ||
English translation
The description of the human body SavitrT said— O Dharmaraja, O great lord, you are the best among those well-versed in the Vedas, you are the profounder of the Puranas, the history and the philosophy of Pancaratra, Therefore you tell me the true form of taitva, the one which is dearest of all, adorable by all and is responsible for the destruction from the roots of the deeds of the human-beings who is praised by everyone, is the bestower of welfare and gloiy besides dharma and is the welfare of all the welfares. You kindly enlighten me on the subject to enable me to relieve myself of the tortures of Yama and the worldly miseries. O great person, you tell me about the action by performing which one should not have a sight at the various types of hells and one should not fall into them besides fj-eeing oneself from the cycle of birth and death.
What are the size of the Kundas, what are their basis and how do the sinners dwell in them.
After the dead body is burnt, the soul travels to the other regions, then how does he suffer the result of his deeds and in what forms.
Why then the ethereal body is not destroyed after suffering so much of fortune? Therefore O what is the form at of that ctherial body you kindly explain to me.
Narayana said—O Narada, having been so asked by Savitri, Dhannaraja remembered lord Visnu and bowing before his teacher he started Yama said—O daughter, all the four Vedas, the Samhitas, the Puranas, history, Pdneardtra and other scriptures have highlighted this point.
All other scriptures also point towards the same.
The adoration of lord Krsna is the desire of all and provides welfare to all gjRtit 3i4ry4Hi ■TOvmkgRtiTH;i This relieves one of the birth, death, old age, disease, grief, sufferings and provides for welfare and bliss. It is the cause of all success and makes one to cross over the ocean of hell. It makes the tree of devotion sprout in one's mind and destroys the tree of actions in one's body.
This is the step towards proceeding to Goloka; it never vanishes and leads to the eternal place and four types of Moksas.
O glorious one, thus becoming the slave of lord Krsna, -such a person is relieved of all the kundas and messengers of Yama. Yama and his messengers do not trouble him even in dream.
The good nature house-holders should adore him, take a bath at the sacred places of the lord | and do not take food on Ekadasi day, adore the, lord daily making offerings to him, do not reach | the hell which is my abode. ^ i Those Brahmanas w^ho perform the sandhyas thrice a day, whose actions are spotless, who are engrossed in religious activities and remain peaceful, they do not have to go to the abode of Yama. They enjoy the comforts of the heaven, the other people also w^ho are very clean in their approach and serve the other gods, they travel between heaven and earth and from earth to heaven. But they do not achieve salvation because without the adoration of lord Krsna, the people cannot be freed from the cycle of birth and death. ' The messengers of Yama are quite terrific ones, but finding a devotee of lord Krsna they disappear so rapidly like the serpent who vanishes in no time on the arrival of Gamda.
Thereafter even after getting engaged in their own dharmci they get relieved of their own dharma. When the messengers of Yama holding the noose in their hands get ready to descent on earth, then 1 tell those messengers that “You should go to every place but never go to the place of the devotees of lord Krsna. In case the names of the devotees of lord Krsna are return erroneously, the messengers, of Yama gel terrified and Citragiipta removes them (from the list) with folded hands. Brahma serves them offering Madhuparka. Such devotees of Visnu cross the Brahmaloka and proceed on to Goloka the abode of Krsna. Such devotees of Krsna while proceeding on to Goloka to whomsoever they come in touch wdth, all their sins are As the dry wood and the hay burns out in flames, similarly (at the sight of devotees of Vis nu) the illusion also disappears getting terrified.
The god of love goes to the passionate person; the greed and the anger also flee at his sight; death, disease, old age, grief and fear vanish at the sight of the devotees of Visnu.
Similarly Kala, good or bad deeds, pleasures and pain also disappear. Thus they do not visit the abode of Yama at my command.
Now I tell you about the formation of the body as ordained in the scriptures. You listen to me attentively. There are five elements in the universe comprising of the earth, the wind, the sky, the fire and the water. They are put in a body with the soul and thus the body is created by the creator, which is created by the five elements as explained above.
The perishable elements are reduced to dust on the earth. Thereafter they proceed to the hell in the form of a thumb in order to face the reward of their deeds. The said body is known as the ethereal body {Suksma-sanra). This ethereal body does not vanish in the fire in the hell nor ^y torture or any other weapon or the fire. Even the burning iron or the burning stone can have no effect on the same. It does not vanish by embracing a burning image or by a fall from great heights. It does not bum. It does not break but only suffers from pain. O goddess, I have thus told you everything about the ethereal body as has been described in the scriptures. I am now describing about the different pits {kundas) in the hell. You listen to me.
Chapter-aligned complete witnesses. Sanskrit Wikisource revision 117812 (2017-08-17T02:27:06Z); Shanti Lal Nagar English scan pages n375–n379: https://archive.org/details/brahma-vaivarta-purana-all-four-kandas-english-translation/page/n375/mode/1up. The historic English OCR transcription is lightly normalized; no verse-by-verse alignment is asserted.