Prakṛti-khaṇḍa · Chapter 20
Sourceनारायण उवाच ।। शिवस्तत्त्वं समाकर्ण्य तत्त्वज्ञानविशारदः ।। ययौ स्वयं च समरं स्वगणैः सह नारद ।। १ ।। शंखचूडः शिवं दृष्ट्वा विमानादवरुह्य च ।। ननाम परया भक्त्या दण्डवत्पतितो भुवि ।। २ ।। तं प्रणम्य च वेगेन विमानं ह्यारुरोह सः ।। तूर्णं चकार सन्नाहं धनुर्जग्राह दुर्वहम् ।। ३ ।। शिवदानवयोर्युद्धं पूर्णमब्दं बभूव ह ।। न वै बभूवतुर्ब्रह्मंस्तयोर्जयपराजयौ ।। ४ ।। न्यस्तशस्त्रश्च भगवान्न्यस्तशस्त्रश्च दानवः ।। रथस्थः शंखचूडश्च वृषस्थो वृषभध्वजः ।। ५ ।। दानवानां च शतकमुद्वृत्तं च बभूव ह ।। रणे ये मृताः शंभोर्जीवयामास तान्विभुः ।। ६ ।। ततो विष्णुर्महामायो वृद्धब्राह्मणरूपधृक् ।। आगत्य च रणस्थानमवोचद्दानवेश्वरम्।।७।। वृद्धब्राह्मण उवाच ।। देहि भिक्षां च राजेन्द्र मह्यं विप्राय साम्प्रतम् ।। त्वं सर्वसम्पदां दाता यन्मे मनसि वाञ्छितम् ।। ८ ।। निराहाराय वृद्धाय तृषितायातुराय च ।। पश्चात्त्वां कथयिष्यामि पुरः सत्यं च कुर्विति ।।९।। ओमित्युवाच राजेन्द्रः प्रसन्नवदनेक्षणः ।। कवचार्थी जनश्चाहमित्युवाच स मायया ।। 2.20.१० ।। तच्छ्रुत्वा दानवश्रेष्ठो ददौ कवचमुत्तमम् ।। गृहीत्वा कवचं दिव्यं जगाम हरिरेव च ।। ११ ।। शङ्खचूडस्य रूपेण जगाम तुलसीं प्रति ।। गत्वा तस्यां मायया च वीर्य्याधानं चकार ह ।। १२ ।। अथ शम्भुर्हरेः शूलं दानवार्थं समग्रहीत् ।। ग्रीष्ममध्याह्नमार्त्तण्डशतकप्रभमुज्ज्वलम् ।। १३ ।। नारायणाधिष्ठिताग्रं ब्रह्माधिष्ठितमध्यमम् ।। शिवाधिष्ठितमूलं च कालाधिष्ठितधारकम् ।।१४।। किरणावलिसंयुक्तं प्रलयाग्निशिखोपमम् ।। दुर्निवार्यं च दुर्धर्षमव्यर्थं वैरिघातकम् ।। ।। १५ ।। तेजसा चक्रतुल्यं च सर्वशस्त्रविघातकम् ।। शिवकेशवयोरन्यद् दुर्वहं च भयंकरम् ।। १६ ।। धनुस्सहस्रं दैर्घ्येण विस्तृत्या शतहस्तकम् ।। सजीवं ब्रह्मरूपं च नित्यरूपमनिर्मितम् ।। १७ ।। संहर्तुं सर्वविध्यण्डमेकदा दैवलीलया ।। चिक्षेप घूर्णनं कृत्वा शंखचूडे च नारद ।। १८ ।। राजा चापं परित्यज्य श्रीकृष्णचरणाम्बुजम् ।। ध्यानं चकार भक्त्या च कृत्वा योगासनं धिया ।। ।।१९।। शूलं च भ्रमणं कृत्वा न्यपतद्दानवोपरि ।। चकार भस्मसात्तं च सरथं चैव लीलया ।। 2.20.२० ।। राजा धृत्वा दिव्यरूपं बालकं गोपवेषकम् ।। द्विभुजं मुरलीहस्तं रत्नभूषणभूषितम् ।।२१।। नानारत्नसुभूषाढ्यगोपकोटिभिरावृतम् ।। गोलोकादागतं यानमारुह्य तत्पुरं ययौ।।२२।। गत्वा ननाम शिरसा राधामाधवयोर्मुने ।। भक्त्या तच्चरणाम्भोजं रासे वृन्दावने मुने।। सुदामानं तौ च दृष्ट्वा प्रसन्न वदनेक्षणौ ।। २३ ।। तदा च चक्रतुः क्रोडे स्नेहेन परिसंप्लुतौ ।। अथ शूलश्च वेगेन प्रययौ शूलिनः करम् ।। २४ ।। शङ्करस्तेन शूलेन दानवस्यास्थिजालकम् ।। २५ ।। प्रेम्णा च प्रेरयामास लवणोदे च सागरे ।। अस्थिभिः शंखचूडस्य शंखजातिर्बभूव ह ।। ।। २६ ।। नानाप्रकाररूपा च श्रेष्ठा पूता सुरार्चने ।। प्रशस्तं शंखतोयं च देवानां प्रीतिदं परम् ।। २७ ।। तीर्थतोयस्वरूपं च पवित्रं शंकरं विना ।। शंखशब्दो भवेद्यत्र तत्र लक्ष्मीश्च सुस्थिरा ।। २८ ।। स स्नातः सर्वतीर्थेषु यः स्नातः शंखवारिणा ।। शंखं हरेरधिष्ठानं यत्र शंखस्ततो हरिः ।। २९ ।। तत्रैव सततं लक्ष्मीर्दूरीभूतममङ्गलम् ।। स्त्रीणां च शंखध्वनिभिः शूद्राणां च विशेषतः ।। भीता रुष्टा याति लक्ष्मीः स्थलमन्यं स्थलात्ततः ।।2.20.३०।। शिवश्च दानवं हत्वा शिवलोकं जगाम सः।। प्रहृष्टो वृषमारुह्य स्वगणैश्च समावृतः ।। ३१ ।। सुराः स्वविषयं प्रापुः परमानन्दसंयुताः ।। नेदुर्दुन्दुभयः स्वर्गे जगुर्गन्धर्वकिन्नराः ।। ।। ३२ ।। बभूव पुष्पवृष्टिश्च शिवस्योपरि सन्ततम् ।। प्रशशंसुः सुरास्तं च मुनीन्द्रप्रवरादयः ।। ३३ ।। इति श्रीब्रह्मवैवर्त्ते महापु राणे द्वितीये प्रकृतिखण्डे नारदनारायणसंवादे तुलस्युपाख्याने शंखचूडवधे शंखप्रस्तावो नाम विंशोऽध्यायः ।। २० ।।
nārāyaṇa uvāca || śivastattvaṃ samākarṇya tattvajñānaviśāradaḥ || yayau svayaṃ ca samaraṃ svagaṇaiḥ saha nārada || 1 || śaṃkhacūḍaḥ śivaṃ dṛṣṭvā vimānādavaruhya ca || nanāma parayā bhaktyā daṇḍavatpatito bhuvi || 2 || taṃ praṇamya ca vegena vimānaṃ hyāruroha saḥ || tūrṇaṃ cakāra sannāhaṃ dhanurjagrāha durvaham || 3 || śivadānavayoryuddhaṃ pūrṇamabdaṃ babhūva ha || na vai babhūvaturbrahmaṃstayorjayaparājayau || 4 || nyastaśastraśca bhagavānnyastaśastraśca dānavaḥ || rathasthaḥ śaṃkhacūḍaśca vṛṣastho vṛṣabhadhvajaḥ || 5 || dānavānāṃ ca śatakamudvṛttaṃ ca babhūva ha || raṇe ye mṛtāḥ śaṃbhorjīvayāmāsa tānvibhuḥ || 6 || tato viṣṇurmahāmāyo vṛddhabrāhmaṇarūpadhṛk || āgatya ca raṇasthānamavocaddānaveśvaram||7|| vṛddhabrāhmaṇa uvāca || dehi bhikṣāṃ ca rājendra mahyaṃ viprāya sāmpratam || tvaṃ sarvasampadāṃ dātā yanme manasi vāñchitam || 8 || nirāhārāya vṛddhāya tṛṣitāyāturāya ca || paścāttvāṃ kathayiṣyāmi puraḥ satyaṃ ca kurviti ||9|| omityuvāca rājendraḥ prasannavadanekṣaṇaḥ || kavacārthī janaścāhamityuvāca sa māyayā || 2.20.10 || tacchrutvā dānavaśreṣṭho dadau kavacamuttamam || gṛhītvā kavacaṃ divyaṃ jagāma harireva ca || 11 || śaṅkhacūḍasya rūpeṇa jagāma tulasīṃ prati || gatvā tasyāṃ māyayā ca vīryyādhānaṃ cakāra ha || 12 || atha śambhurhareḥ śūlaṃ dānavārthaṃ samagrahīt || grīṣmamadhyāhnamārttaṇḍaśatakaprabhamujjvalam || 13 || nārāyaṇādhiṣṭhitāgraṃ brahmādhiṣṭhitamadhyamam || śivādhiṣṭhitamūlaṃ ca kālādhiṣṭhitadhārakam ||14|| kiraṇāvalisaṃyuktaṃ pralayāgniśikhopamam || durnivāryaṃ ca durdharṣamavyarthaṃ vairighātakam || || 15 || tejasā cakratulyaṃ ca sarvaśastravighātakam || śivakeśavayoranyad durvahaṃ ca bhayaṃkaram || 16 || dhanussahasraṃ dairghyeṇa vistṛtyā śatahastakam || sajīvaṃ brahmarūpaṃ ca nityarūpamanirmitam || 17 || saṃhartuṃ sarvavidhyaṇḍamekadā daivalīlayā || cikṣepa ghūrṇanaṃ kṛtvā śaṃkhacūḍe ca nārada || 18 || rājā cāpaṃ parityajya śrīkṛṣṇacaraṇāmbujam || dhyānaṃ cakāra bhaktyā ca kṛtvā yogāsanaṃ dhiyā || ||19|| śūlaṃ ca bhramaṇaṃ kṛtvā nyapataddānavopari || cakāra bhasmasāttaṃ ca sarathaṃ caiva līlayā || 2.20.20 || rājā dhṛtvā divyarūpaṃ bālakaṃ gopaveṣakam || dvibhujaṃ muralīhastaṃ ratnabhūṣaṇabhūṣitam ||21|| nānāratnasubhūṣāḍhyagopakoṭibhirāvṛtam || golokādāgataṃ yānamāruhya tatpuraṃ yayau||22|| gatvā nanāma śirasā rādhāmādhavayormune || bhaktyā taccaraṇāmbhojaṃ rāse vṛndāvane mune|| sudāmānaṃ tau ca dṛṣṭvā prasanna vadanekṣaṇau || 23 || tadā ca cakratuḥ kroḍe snehena parisaṃplutau || atha śūlaśca vegena prayayau śūlinaḥ karam || 24 || śaṅkarastena śūlena dānavasyāsthijālakam || 25 || premṇā ca prerayāmāsa lavaṇode ca sāgare || asthibhiḥ śaṃkhacūḍasya śaṃkhajātirbabhūva ha || || 26 || nānāprakārarūpā ca śreṣṭhā pūtā surārcane || praśastaṃ śaṃkhatoyaṃ ca devānāṃ prītidaṃ param || 27 || tīrthatoyasvarūpaṃ ca pavitraṃ śaṃkaraṃ vinā || śaṃkhaśabdo bhavedyatra tatra lakṣmīśca susthirā || 28 || sa snātaḥ sarvatīrtheṣu yaḥ snātaḥ śaṃkhavāriṇā || śaṃkhaṃ hareradhiṣṭhānaṃ yatra śaṃkhastato hariḥ || 29 || tatraiva satataṃ lakṣmīrdūrībhūtamamaṅgalam || strīṇāṃ ca śaṃkhadhvanibhiḥ śūdrāṇāṃ ca viśeṣataḥ || bhītā ruṣṭā yāti lakṣmīḥ sthalamanyaṃ sthalāttataḥ ||2.20.30|| śivaśca dānavaṃ hatvā śivalokaṃ jagāma saḥ|| prahṛṣṭo vṛṣamāruhya svagaṇaiśca samāvṛtaḥ || 31 || surāḥ svaviṣayaṃ prāpuḥ paramānandasaṃyutāḥ || nedurdundubhayaḥ svarge jagurgandharvakinnarāḥ || || 32 || babhūva puṣpavṛṣṭiśca śivasyopari santatam || praśaśaṃsuḥ surāstaṃ ca munīndrapravarādayaḥ || 33 || iti śrībrahmavaivartte mahāpu rāṇe dvitīye prakṛtikhaṇḍe nāradanārāyaṇasaṃvāde tulasyupākhyāne śaṃkhacūḍavadhe śaṃkhaprastāvo nāma viṃśo'dhyāyaḥ || 20 ||
English translation
The destruction of Sariikhacuda with the trident of Siva Narayana said—O Narada, Siva who is well- versed in the knowledge of tattva, learnt about the factual position from Bhadrakall and he went to the battle field himself w ^ irrefi? It: I Finding Siva approaching the battle field Samkhacuda descending^ from the plane prostrated before Siva, bowing in reverence to him. He at once mounted his chariot and alerted his demon soldiers. He then picked up his invisible bow.
O Brahmana, the battle between Siva and the demon continued for a year but no one could be victorious. Thereafter lord Siva disowning his weapons stood there without them. The demon too stood there quietly. Thereafter Samkhacuda mounted on his chariot and Siva on his bull Nandi. The innumerable demons were killed in the battle field. Such of the soldiers of Siva's army as were killed in the battle field were brought back to life by him.
Thereafter lord Visnu taking to the form of an old Brahmana reached the battle field and said to the demon king.
The old Brahmana said—“O demon, king you give an old Brahmana the alms desired by him, since you are the possessor of>immcnse riches and I have not eaten for iUrfiy days. 1 am old, thirsty and am a helpless BMhmana. In case you give me a solemn promise that you will give away whatever is begged by me, only then shall I disclose the same. The delighted demon king Samkhacuda reciting promised to give him the desired things. Thereafter lord Visnu said— am desirous of your kavaca'\ On hearing this the best of the demons took out the kavaca and handed it over to the beggar who left the place at once.
Thereafter taking to the form of Samkhacuda, Visnu went to TulasI and with an illusion implanted his seed into the womb of TulasL At that very moment lord Siva took up his trident in order to destroy the demon king. The trident was shining like hundreds of suns at noon in summer.
Over the fore part of the trident resided Narayana, Brahma in the eentre and lord Siva at the rear end. It had very sharp edges.
It had the lustre of the fire of dissolution and was terrific and could never be wasted. It was fatal for the enemies.
Like the Sudarsana-cakra it possessed lustre and could penetrate all the weapons and except Siva and Visnu no one could handle it.
It was as long as a thousand bows and was a hundred feet in width. It had the figure of Brahman itself. Its form', could never change and it was of divine origin.
O Narada, the trident had the capacity to destroy the entire universe. Lord SivPc playfully held it and moved it round and round and then threw it at Samkhaciida. The intelligent demon king realised the entire secret of it and intelligently sat in Yogcisana and devoted his mind to the lotus-like feet of lord Krsna. The trident after taking many rounds, ultimately fell on the demon king who was reduced to ashes together with his chariot and horses.
h l MchlfdRHI<jdH.I Thereafter the demon king was turned into the form of a cowherd boy. He had two arms and held a flute in his hand. He was adorned with all the ornaments and was surrounded by crores of cowherds. He then mounted on the divine plane and went to Goloka. O sage, reaching Rasamcmdala in Goloka, he bowed in reverence at the lotus-like feet of Radha and Madhu.
Thereafter he prostrated before them. Finding Sudama there both Radha and Krsna felt delighted. With their minds filled with love and affection, the lord lifted him up in his lap. On the other hand the trident shot by Siva returned to his hand with great force. Lord Siva then carried the bones of the demon king and consigned them to the ocean of salt water. From the bones several g ggig giigg gTH,i These 5a/«/c/m which emerged in several fonns were used for performing pujd of the gods. The water of the samkha offered to the gods is immensely liked by them.
The water of the samkha is offered to all the gods except lord Siva. Wherever the sound of the s'amkha echoes, the goddess Laksmi resides Whosoever takes a bath with the water of samkha, earns the merit of having a bath in all the sacred places. Indeed saiiikha represents lord Visnu and wherever samkha lives, it becomes the of lord Visnu.
The goddess Laksml also resides there continuously and all the evils are removed, but the goddess Laksml is adverse to the blowing of the conches by the ladies as well as the Siidras and leaves the place at once.
Thus with the killing of the demon king, Siva was extremely pleased and mounting on his bull, he returned to his abode together with his ganas.
The gods felt delighted at getting back their kingdoms. The sound of dunduhhl echoed in the heavens. The Gandharvas and Kinnaras started singing and dancing.
PvIcIWImR ■R?RTH;I The gods started showering flowers over Siva.
The gods and the sages immensely pleased lord
Chapter-aligned complete witnesses. Sanskrit Wikisource revision 117630 (2017-08-12T02:13:26Z); Shanti Lal Nagar English scan pages n301–n304: https://archive.org/details/brahma-vaivarta-purana-all-four-kandas-english-translation/page/n301/mode/1up. The historic English OCR transcription is lightly normalized; no verse-by-verse alignment is asserted.