Prakṛti-khaṇḍa · Chapter 19
Sourceनारायण उवाच ।। शिवं प्रणम्य शिरसा दानवेन्द्रः प्रतापवान् ।। समारुरोह यानं च स्वामात्यैः सह सत्वरः ।। १ ।। बभूवुस्ते च संक्षुब्धाः स्कन्दशक्त्याऽर्दितास्तदा ।। नेदुर्दुन्दुभयः स्वर्गे पुष्पवृष्टिर्बभूव ह ।। २ ।। स्कन्दस्योपरि तत्रैव समरे च भयङ्करे ।। स्कन्दस्य समरं दृष्ट्वा महदद्भुतमुल्बणम् ।। ३ ।। दानवानां क्षयकरं यथा प्राकृतिकं लयम् ।। राजा विमानमारुह्य शरवर्षं चकार ह ।। ४ ।। नृपस्य शरवृष्टिश्च घनवृष्टिर्यथा तथा ।। महान्घोरान्धकारश्च वह्न्युत्थानं बभूव ह ।। ५ ।। देवाः प्रदुद्रुवुश्चान्ये सर्वे नन्दीश्वरादयः ।। एकाकी कार्त्तिकेयस्तु तस्थौ समरमूर्द्धनि ।। ६ ।। पर्वतानां च सर्पाणां शिलानां शाखिनां तथा ।। शश्वच्चकार वृष्टिं च दुर्वाह्यां च भयङ्करीम् ।। ७ ।। नृपस्य शरवृष्ट्या च प्रच्छन्नः शिवनन्दनः । नीरदेन च सान्द्रेण संच्छन्नो भास्करो यथा ।।८।। धनुस्स्कन्दस्य चिच्छेद दुर्वहं च भयङ्करम् ।। बभञ्ज च रथं दिव्यं चिच्छेद रथघोटकान् ।। ९ ।। मयूरं जर्ज्जरीभूतं दिव्यास्त्रेण चकार सः ।। शक्तिं चिक्षेप सूर्य्याभां तस्य वक्षोविभेदिनीम् ।। 2.19.१० ।। क्षणं मूर्छां च संप्राप्य चेतनामुपलभ्य सः ।। गृहीत्वाऽन्यद्धनुर्दिव्यं यद्दत्तं विष्णुना पुरा ।। ११ ।। रत्नेन्द्रसारखचितं यानमारुह्य चाग्निभूः ।। शस्त्रमस्त्रं गृहीत्वा च चकार रणमुल्बणम् ।। १२ ।। सर्पांश्च पर्वतांश्चैव वृक्षांश्च प्रस्तरांस्तथा ।। सर्वांश्चिच्छेद कोपेन दिव्यास्त्रेण शिवात्मजः ।। १३ ।। आग्नेयं वारुणास्त्रेण वारयामास वै गुहः ।। रथं धनुश्च चिच्छेद शंखचूडस्य लीलया ।। १४ ।। सवाहं सारथिं चैव किरीटं मुकुटोज्ज्वलम् ।। चिक्षेप शक्तिमुल्काभां दानवेन्द्रस्य वक्षसि ।। १५ ।। मूर्च्छां संप्राप्य राजोपलभ्य वै चेतनां पुनः ।। आरुह्य वै यानमन्यं धनुर्जग्राह सत्वरः ।। १६ ।। चकार शरजालं च मायया मायिनां वरः ।। गुहं चाच्छाद्य समरे शरजालेन नारद ।। १७ ।। जग्राह शक्तिमव्यर्थां शतसूर्य्यसमप्रभाम् ।। प्रलयाग्निशिखारूपां विष्णोर्वै तेजसा वृताम् ।। १८ ।। चिक्षेप तां च कोपेन महावेगेन कार्त्तिके ।। पपात शक्तिस्तद्गात्रे वह्निराशिरिवोज्ज्वला ।। १९ ।। मूर्च्छां संप्राप शक्त्या च कार्त्तिकेयो महाबलः ।। काली गृहीत्वा तं क्रोडे निनाय शिवसन्निधौ ।। 2.19.२० ।। शिवस्तं दर्शनादेव जीवयामास लीलया ।। ददौ बलमनन्तं च स चोत्तस्थौ प्रतापवान् ।। २१ ।। शिवः स्वसैन्यं देवांश्च प्रेरयामास सत्वरः।। दानवेन्द्रैः ससैन्यैश्च युद्धारम्भो बभूव ह ।। २२ ।। स्वयं महेन्द्रो युयुधे सार्द्धं च वृषपर्वणा ।। भास्करो युयुधे विप्रचित्तिना सह सत्वरः ।। २३ ।। दम्भेन सह चन्द्रश्च चकार समरं परम् ।। कालेश्वरेण कालश्च गोकर्णेन हुताशनः ।। २४ ।। कुबेरः कालकेयेन विश्वकर्मा मयेन च ।। भयङ्करेण मृत्युश्च संहारेण यमस्तथा ।। २९ ।। कलविङ्केन वरुणश्चञ्चलेन समीरणः ।। बुधश्च धृतपुष्टेन रक्ताक्षेण शनैश्चरः ।। २६ ।। जयन्तो रत्नसारेण वसवो वर्चसां गणैः ।। अश्विनौ वै दीप्तिमता धूम्रेण नलकूबरः ।। २७ ।। धनुर्द्धरेण धर्मश्च मण्डूकाक्षेण मङ्गलः ।। शोभाकरेणैवेशानः पिठरेण च मन्मथः ।।२८।। उल्कामुखेन धूम्रेण खङ्गेनापि ध्वजेन च ।। कांचीमुखेन पिण्डेन धूम्रेण सह नन्दिना ।। २९ ।। विश्वेन च पलाशेन चादित्या युयुधुः परम् ।। एकादश महारुद्राश्चैकादश भयङ्करैः ।। 2.19.३० ।। महामारी च युयुधे चोग्रदण्डादिभिः सह ।। नन्दीश्वरादयः सर्वे दानवानां गणैः सह ।। ३१ ।। युयुधुश्च महद्युद्धे प्रलये च भयङ्करे ।। वटमूले च शम्भुश्च तस्थौ काल्या सुतेन च ।। ३२ ।। सर्वे च युयुधुः सैन्यसमूहाः सततं मुने ।। रत्नसिंहासने रम्ये कोटिभिर्दानवैः सह ।। ३३ ।। उवास शंखचूडश्च रत्नभूषणभूषितः ।। शङ्करस्य च योधाश्च युद्धे सर्वे पराजिताः ।। ३४ ।। देवाश्च दुद्रुवुः सर्वे भीताश्च क्षतविक्षताः ।। चकार कोपं स्कन्दश्च देवेभ्यश्चाभयं ददौ ।। ३९ ।। बलं च स्वगणानां वै वर्द्धयामास तेजसा।। स्वयमेकश्च युयुधे दानवानां गणैः सह ।। ३६ ।। अक्षौहिणीनां शतकं समरे स जघान ह ।। खर्परं पातयामास काली कमललोचना ।। ३७ ।। पपौ रक्तं दानवानां क्रुद्धा सा शतखर्परम् ।। दशलक्षं गजेन्द्राणां शतलक्षं च वाजिनाम् ।। ३८ ।। समादायैकहस्तेन मुखे चिक्षेप लीलया ।। कबन्धानां सहस्रं च ननर्त्त समरे मुने ।। ३९ ।। स्कन्दस्य शरजालेन दानवाः क्षतविक्षताः ।। भीताश्च दुद्रुवुः सर्वे महाबलपराक्रमाः ।। 2.19.४० ।। वृषपर्वा विप्रचित्तिर्दम्भश्चापि विकङ्कनः ।। स्कन्देन सार्द्धं युयुधुस्ते च सर्वे क्रमेण च।।४१।। काली जगाम समरमरक्षत्कार्त्तिकं शिवः ।। वीरास्तामनुजग्मुश्च ते च नन्दीश्वरादयः ।। ४२ ।। सर्वे देवाश्च गन्धर्वा यक्षराक्षसकिन्नराः ।। राज्यभाण्डाश्च बहुशः शतकोटिर्बलाहकाः ।। ४३ ।। सा च गत्वा च संग्रामं सिंहनादं चकार ह ।। देव्या वै सिंहनादेन प्रापुर्मूर्च्छां च दानवाः ।। ४४ ।। अट्टाट्टहासमशिवं चकार च पुनः पुनः ।। हृष्टा पपौ च माध्वीकं ननर्त्त रणमूर्द्धनि ।। ४५ ।। उग्रदंष्ट्रा चोग्रचण्डा कौट्टरी च पपौ मधु ।। योगिनीनां डाकिनीनां गणाः सुरगणादयः ।। ४६ ।। दृष्ट्वा कालीं शङ्खचूडः शीघ्रमाजिं समाययौ ।। दानवाश्च भयं प्रापू राजा तेभ्योऽभयं ददौ ।। ४७ ।। काली चिक्षेप चाग्नेयं प्रलयाग्निशिखोपमम् ।। राजा निर्वापयामास वारुणेन स लीलया ।। ४८ ।। चिक्षेप वारुणं सा च तत्तीव्रं महदद्भुतम् ।। गान्धर्वेण च चिच्छेद दानवेन्द्रश्च लीलया ।। ४९ ।। माहेश्वरं प्रचिक्षेप काली वह्निशिखोपमम् ।। राजा जघान तच्छीघ्रं वैष्णवेन च लीलया ।। 2.19.५० ।। नारायणास्त्रं सा देवी चिक्षिपे मन्त्रपूर्वकम् ।। राजा ननाम तं दृष्ट्वा चावरुह्य रथादहो ।।५१।। ऊर्ध्वं जगाम तच्छस्त्रं प्रलयाग्निशिखोपमम् ।। पपात शङ्खचूडश्च भक्त्या वै दण्डवद्भुवि ।। ब्रह्मास्त्रं सा च चिक्षेप यत्नतो मन्त्रपूर्वकम् ।। ५२ ।। ब्रह्मास्त्रेण महाराज निर्वाणं च चकार ह ।। चिक्षेपातीव दिव्यास्त्रं सा देवी मन्त्रपूर्वकम् ।। ५३ ।। राजा दिव्यास्त्रजालेन निर्वाणं च चकार ह ।। देवी चिक्षेप शक्तिं च यत्नतो योजनायताम् ।। ५४ ।। राजा तीक्ष्णास्त्रजालेन शतखण्डं चकार ह ।। जग्राह मन्त्रपूर्वं च देवी पाशुपतं रुषा ।। ५५ ।। निक्षेप्तुं सा निषिद्धा च वाग्बभूवाशरीरिणी ।। मृत्युः पाशुपते नास्ति नृपस्य च महात्मनः ।। ५६ ।। यावदस्त्येव कण्ठेऽस्य कवचं हि हरेरिति ।। यावत्सतीत्वमस्तीह सत्याश्च नृपयोषितः ।। ५७ ।। तावदस्य जरा मृत्युर्नास्तीति ब्रह्मणो वरः ।। इत्याकर्ण्य महाकाली न तच्चिक्षेप सा सती।।५८।। शतलक्षं दानवानामग्रहील्लीलया क्रुधा।। अत्तुं जगाम वेगेन शंखचूडं भयंकरी।।।।।। दिव्यास्त्रेण सुतीक्ष्णेन वारयामास दानवः ।। खङ्गं चिक्षेप सा देवी ग्रीष्मसूर्योपमं परम् ।।2.19.६०।। दिव्यास्त्रैर्दानवेन्द्रोऽयं शतखण्डं चकार सः ।। पुनरत्तुं महादेवी वेगेन च जगाम तम् ।। ६१ ।। सर्वसिद्धेश्वरः श्रीमान्ववृधे दानवेश्वरः ।। निवारयामास च तां सर्वसिद्धेश्वरो वरः ।। वेगेन मुष्टिना काली कोपयुक्ता भयंकरी ।।६२।। बभञ्जाथ रथं तस्य चाहनत्सारथिं सती ।। सा च शूलं च चिक्षेप प्रलयाग्निशिखोपमम् ।। ६३ ।। वामहस्तेन जग्राह शंखचूडश्च लीलया ।। मुष्ट्या जघान तं देवी महाकोपेन वेगतः ।। ६४ ।। बभ्राम व्यथया दैत्यः क्षणं मूर्च्छामवाप ह ।। क्षणेन चेतनां प्राप्य समुत्तस्थौ प्रतापवान् ।। ६९ ।। न चक्रे बाहुयुद्धं स देव्या सह ननाम ताम् ।। देव्याश्चास्त्रं च चिच्छेद चाग्रहीत्स्वेन तेजसा ।। ६६ ।। नास्त्रं चिक्षेप तां भक्त्या मातृबुद्ध्या च वैष्णवः ।। ६७ ।। गृहीत्वा दानवं देवी भ्रामयित्वा पुनः पुनः ।। ऊर्ध्वं च प्रेरयामास महावेगेन कोपतः ।। ६८ ।। ऊर्ध्वात्पपात वेगेन शंखचूडः प्रतापवान् ।। निपत्य च समुत्तस्थौ स नत्वा भद्रकालिकाम् ।।६९।। रत्नेन्द्रसारखचितं विमानाग्र्यं मनोहरम् ।। आरुरोह रथं हृष्टो न विश्रान्तो महारणे ।। । ।। 2.19.७० ।। क्षतजं दानवानां च मांसं च विपुलं क्षुधा ।। पीत्वा भुक्त्वा भद्रकाली ययौ सा शंकरान्तिकम् ।। ७१ ।। उवाच रणवृत्तान्तं पौर्वापर्य्यं यथाक्रमम् ।। श्रुत्वा जहास शम्भुश्च दानवानां विनाशनम् ।।७२।। लक्षं च दानवेन्द्राणामवशिष्टं रणेऽधुना ।। उद्वृत्तं भूभृता सार्द्धं तदन्यं भुक्तमीश्वर ।।७३।। संग्रामे दानवेन्द्रं च हन्तुं पाशुपतेन वै ।। अवध्यस्तव राजेति वाग्बभूवाशरीरिणी ।। ।। ७४ ।। राजेन्द्रश्च महाज्ञानी महाबलपराक्रमः ।। न च चिक्षेप मय्यस्त्रं चिच्छेद मम सायकम् ।। ७५ ।। इति श्री ब्रह्मवैवर्ते महापुराणे द्वितीये प्रकृतिखण्डे नारदनारायणसंवादे तुलस्युपाख्याने कालीशंखचूडयुद्ध एकोनविंशोऽध्यायः ।। १९ ।।
nārāyaṇa uvāca || śivaṃ praṇamya śirasā dānavendraḥ pratāpavān || samāruroha yānaṃ ca svāmātyaiḥ saha satvaraḥ || 1 || babhūvuste ca saṃkṣubdhāḥ skandaśaktyā'rditāstadā || nedurdundubhayaḥ svarge puṣpavṛṣṭirbabhūva ha || 2 || skandasyopari tatraiva samare ca bhayaṅkare || skandasya samaraṃ dṛṣṭvā mahadadbhutamulbaṇam || 3 || dānavānāṃ kṣayakaraṃ yathā prākṛtikaṃ layam || rājā vimānamāruhya śaravarṣaṃ cakāra ha || 4 || nṛpasya śaravṛṣṭiśca ghanavṛṣṭiryathā tathā || mahānghorāndhakāraśca vahnyutthānaṃ babhūva ha || 5 || devāḥ pradudruvuścānye sarve nandīśvarādayaḥ || ekākī kārttikeyastu tasthau samaramūrddhani || 6 || parvatānāṃ ca sarpāṇāṃ śilānāṃ śākhināṃ tathā || śaśvaccakāra vṛṣṭiṃ ca durvāhyāṃ ca bhayaṅkarīm || 7 || nṛpasya śaravṛṣṭyā ca pracchannaḥ śivanandanaḥ | nīradena ca sāndreṇa saṃcchanno bhāskaro yathā ||8|| dhanusskandasya ciccheda durvahaṃ ca bhayaṅkaram || babhañja ca rathaṃ divyaṃ ciccheda rathaghoṭakān || 9 || mayūraṃ jarjjarībhūtaṃ divyāstreṇa cakāra saḥ || śaktiṃ cikṣepa sūryyābhāṃ tasya vakṣovibhedinīm || 2.19.10 || kṣaṇaṃ mūrchāṃ ca saṃprāpya cetanāmupalabhya saḥ || gṛhītvā'nyaddhanurdivyaṃ yaddattaṃ viṣṇunā purā || 11 || ratnendrasārakhacitaṃ yānamāruhya cāgnibhūḥ || śastramastraṃ gṛhītvā ca cakāra raṇamulbaṇam || 12 || sarpāṃśca parvatāṃścaiva vṛkṣāṃśca prastarāṃstathā || sarvāṃściccheda kopena divyāstreṇa śivātmajaḥ || 13 || āgneyaṃ vāruṇāstreṇa vārayāmāsa vai guhaḥ || rathaṃ dhanuśca ciccheda śaṃkhacūḍasya līlayā || 14 || savāhaṃ sārathiṃ caiva kirīṭaṃ mukuṭojjvalam || cikṣepa śaktimulkābhāṃ dānavendrasya vakṣasi || 15 || mūrcchāṃ saṃprāpya rājopalabhya vai cetanāṃ punaḥ || āruhya vai yānamanyaṃ dhanurjagrāha satvaraḥ || 16 || cakāra śarajālaṃ ca māyayā māyināṃ varaḥ || guhaṃ cācchādya samare śarajālena nārada || 17 || jagrāha śaktimavyarthāṃ śatasūryyasamaprabhām || pralayāgniśikhārūpāṃ viṣṇorvai tejasā vṛtām || 18 || cikṣepa tāṃ ca kopena mahāvegena kārttike || papāta śaktistadgātre vahnirāśirivojjvalā || 19 || mūrcchāṃ saṃprāpa śaktyā ca kārttikeyo mahābalaḥ || kālī gṛhītvā taṃ kroḍe nināya śivasannidhau || 2.19.20 || śivastaṃ darśanādeva jīvayāmāsa līlayā || dadau balamanantaṃ ca sa cottasthau pratāpavān || 21 || śivaḥ svasainyaṃ devāṃśca prerayāmāsa satvaraḥ|| dānavendraiḥ sasainyaiśca yuddhārambho babhūva ha || 22 || svayaṃ mahendro yuyudhe sārddhaṃ ca vṛṣaparvaṇā || bhāskaro yuyudhe vipracittinā saha satvaraḥ || 23 || dambhena saha candraśca cakāra samaraṃ param || kāleśvareṇa kālaśca gokarṇena hutāśanaḥ || 24 || kuberaḥ kālakeyena viśvakarmā mayena ca || bhayaṅkareṇa mṛtyuśca saṃhāreṇa yamastathā || 29 || kalaviṅkena varuṇaścañcalena samīraṇaḥ || budhaśca dhṛtapuṣṭena raktākṣeṇa śanaiścaraḥ || 26 || jayanto ratnasāreṇa vasavo varcasāṃ gaṇaiḥ || aśvinau vai dīptimatā dhūmreṇa nalakūbaraḥ || 27 || dhanurddhareṇa dharmaśca maṇḍūkākṣeṇa maṅgalaḥ || śobhākareṇaiveśānaḥ piṭhareṇa ca manmathaḥ ||28|| ulkāmukhena dhūmreṇa khaṅgenāpi dhvajena ca || kāṃcīmukhena piṇḍena dhūmreṇa saha nandinā || 29 || viśvena ca palāśena cādityā yuyudhuḥ param || ekādaśa mahārudrāścaikādaśa bhayaṅkaraiḥ || 2.19.30 || mahāmārī ca yuyudhe cogradaṇḍādibhiḥ saha || nandīśvarādayaḥ sarve dānavānāṃ gaṇaiḥ saha || 31 || yuyudhuśca mahadyuddhe pralaye ca bhayaṅkare || vaṭamūle ca śambhuśca tasthau kālyā sutena ca || 32 || sarve ca yuyudhuḥ sainyasamūhāḥ satataṃ mune || ratnasiṃhāsane ramye koṭibhirdānavaiḥ saha || 33 || uvāsa śaṃkhacūḍaśca ratnabhūṣaṇabhūṣitaḥ || śaṅkarasya ca yodhāśca yuddhe sarve parājitāḥ || 34 || devāśca dudruvuḥ sarve bhītāśca kṣatavikṣatāḥ || cakāra kopaṃ skandaśca devebhyaścābhayaṃ dadau || 39 || balaṃ ca svagaṇānāṃ vai varddhayāmāsa tejasā|| svayamekaśca yuyudhe dānavānāṃ gaṇaiḥ saha || 36 || akṣauhiṇīnāṃ śatakaṃ samare sa jaghāna ha || kharparaṃ pātayāmāsa kālī kamalalocanā || 37 || papau raktaṃ dānavānāṃ kruddhā sā śatakharparam || daśalakṣaṃ gajendrāṇāṃ śatalakṣaṃ ca vājinām || 38 || samādāyaikahastena mukhe cikṣepa līlayā || kabandhānāṃ sahasraṃ ca nanartta samare mune || 39 || skandasya śarajālena dānavāḥ kṣatavikṣatāḥ || bhītāśca dudruvuḥ sarve mahābalaparākramāḥ || 2.19.40 || vṛṣaparvā vipracittirdambhaścāpi vikaṅkanaḥ || skandena sārddhaṃ yuyudhuste ca sarve krameṇa ca||41|| kālī jagāma samaramarakṣatkārttikaṃ śivaḥ || vīrāstāmanujagmuśca te ca nandīśvarādayaḥ || 42 || sarve devāśca gandharvā yakṣarākṣasakinnarāḥ || rājyabhāṇḍāśca bahuśaḥ śatakoṭirbalāhakāḥ || 43 || sā ca gatvā ca saṃgrāmaṃ siṃhanādaṃ cakāra ha || devyā vai siṃhanādena prāpurmūrcchāṃ ca dānavāḥ || 44 || aṭṭāṭṭahāsamaśivaṃ cakāra ca punaḥ punaḥ || hṛṣṭā papau ca mādhvīkaṃ nanartta raṇamūrddhani || 45 || ugradaṃṣṭrā cogracaṇḍā kauṭṭarī ca papau madhu || yoginīnāṃ ḍākinīnāṃ gaṇāḥ suragaṇādayaḥ || 46 || dṛṣṭvā kālīṃ śaṅkhacūḍaḥ śīghramājiṃ samāyayau || dānavāśca bhayaṃ prāpū rājā tebhyo'bhayaṃ dadau || 47 || kālī cikṣepa cāgneyaṃ pralayāgniśikhopamam || rājā nirvāpayāmāsa vāruṇena sa līlayā || 48 || cikṣepa vāruṇaṃ sā ca tattīvraṃ mahadadbhutam || gāndharveṇa ca ciccheda dānavendraśca līlayā || 49 || māheśvaraṃ pracikṣepa kālī vahniśikhopamam || rājā jaghāna tacchīghraṃ vaiṣṇavena ca līlayā || 2.19.50 || nārāyaṇāstraṃ sā devī cikṣipe mantrapūrvakam || rājā nanāma taṃ dṛṣṭvā cāvaruhya rathādaho ||51|| ūrdhvaṃ jagāma tacchastraṃ pralayāgniśikhopamam || papāta śaṅkhacūḍaśca bhaktyā vai daṇḍavadbhuvi || brahmāstraṃ sā ca cikṣepa yatnato mantrapūrvakam || 52 || brahmāstreṇa mahārāja nirvāṇaṃ ca cakāra ha || cikṣepātīva divyāstraṃ sā devī mantrapūrvakam || 53 || rājā divyāstrajālena nirvāṇaṃ ca cakāra ha || devī cikṣepa śaktiṃ ca yatnato yojanāyatām || 54 || rājā tīkṣṇāstrajālena śatakhaṇḍaṃ cakāra ha || jagrāha mantrapūrvaṃ ca devī pāśupataṃ ruṣā || 55 || nikṣeptuṃ sā niṣiddhā ca vāgbabhūvāśarīriṇī || mṛtyuḥ pāśupate nāsti nṛpasya ca mahātmanaḥ || 56 || yāvadastyeva kaṇṭhe'sya kavacaṃ hi hareriti || yāvatsatītvamastīha satyāśca nṛpayoṣitaḥ || 57 || tāvadasya jarā mṛtyurnāstīti brahmaṇo varaḥ || ityākarṇya mahākālī na taccikṣepa sā satī||58|| śatalakṣaṃ dānavānāmagrahīllīlayā krudhā|| attuṃ jagāma vegena śaṃkhacūḍaṃ bhayaṃkarī|||||| divyāstreṇa sutīkṣṇena vārayāmāsa dānavaḥ || khaṅgaṃ cikṣepa sā devī grīṣmasūryopamaṃ param ||2.19.60|| divyāstrairdānavendro'yaṃ śatakhaṇḍaṃ cakāra saḥ || punarattuṃ mahādevī vegena ca jagāma tam || 61 || sarvasiddheśvaraḥ śrīmānvavṛdhe dānaveśvaraḥ || nivārayāmāsa ca tāṃ sarvasiddheśvaro varaḥ || vegena muṣṭinā kālī kopayuktā bhayaṃkarī ||62|| babhañjātha rathaṃ tasya cāhanatsārathiṃ satī || sā ca śūlaṃ ca cikṣepa pralayāgniśikhopamam || 63 || vāmahastena jagrāha śaṃkhacūḍaśca līlayā || muṣṭyā jaghāna taṃ devī mahākopena vegataḥ || 64 || babhrāma vyathayā daityaḥ kṣaṇaṃ mūrcchāmavāpa ha || kṣaṇena cetanāṃ prāpya samuttasthau pratāpavān || 69 || na cakre bāhuyuddhaṃ sa devyā saha nanāma tām || devyāścāstraṃ ca ciccheda cāgrahītsvena tejasā || 66 || nāstraṃ cikṣepa tāṃ bhaktyā mātṛbuddhyā ca vaiṣṇavaḥ || 67 || gṛhītvā dānavaṃ devī bhrāmayitvā punaḥ punaḥ || ūrdhvaṃ ca prerayāmāsa mahāvegena kopataḥ || 68 || ūrdhvātpapāta vegena śaṃkhacūḍaḥ pratāpavān || nipatya ca samuttasthau sa natvā bhadrakālikām ||69|| ratnendrasārakhacitaṃ vimānāgryaṃ manoharam || āruroha rathaṃ hṛṣṭo na viśrānto mahāraṇe || | || 2.19.70 || kṣatajaṃ dānavānāṃ ca māṃsaṃ ca vipulaṃ kṣudhā || pītvā bhuktvā bhadrakālī yayau sā śaṃkarāntikam || 71 || uvāca raṇavṛttāntaṃ paurvāparyyaṃ yathākramam || śrutvā jahāsa śambhuśca dānavānāṃ vināśanam ||72|| lakṣaṃ ca dānavendrāṇāmavaśiṣṭaṃ raṇe'dhunā || udvṛttaṃ bhūbhṛtā sārddhaṃ tadanyaṃ bhuktamīśvara ||73|| saṃgrāme dānavendraṃ ca hantuṃ pāśupatena vai || avadhyastava rājeti vāgbabhūvāśarīriṇī || || 74 || rājendraśca mahājñānī mahābalaparākramaḥ || na ca cikṣepa mayyastraṃ ciccheda mama sāyakam || 75 || iti śrī brahmavaivarte mahāpurāṇe dvitīye prakṛtikhaṇḍe nāradanārāyaṇasaṃvāde tulasyupākhyāne kālīśaṃkhacūḍayuddha ekonaviṃśo'dhyāyaḥ || 19 ||
English translation
The battle between Siva and Saihkhacu^a Narayana said—The glorious king of demons named Samkhacuda bowed in reverence to lord Siva, left the place together with his courtiers and boarded the plane.
The battle started between both the sides. The Danavas suffered Considerably with the prowess of Skanda. A commotion was created among them. On the other hand the drums were beaten ill the heaven. In that terrific war the gods started showering flowers over Skanda. The war of Skanda was quite astonishing and terrific; it was proving to be destructive for the demons like the natural dissolution. Thereafter Saiiikhacuda Thereafter SarhkhacQda with the use of a divine weapon, injured the peacock of Skanda.
With the intention of tearing out the chest of Skanda he shot a Sakti which had the lustre of the sun.
With the attack of the Sakti, Skanda fainted for a moment. Thereafter he regained consciousness and again held another divine bow in his hand, which was handed over to him by lord Visnu in The showering of arrows by the demon king appeared like the fall of rain which created darkness eveiy where. Thereafter the fire All the gods including Nandlsvara fled away from the place in terror. Karttikeya alone continued to face the battle as before.
In the battle field the mountains, the serpents, the rocks and the trees were continuously being showered in a horrible manner.
Skanda appeared like the sun which is covered by the clouds and he became invisible with the showering of arrows by the demon king.
The demon king then cut-off the horrible bow of Skanda held by him in his hand. He also shattered the divine chariot of Skanda, together with the horses of his chariot and charioteer.
Thereafter Skanda mounted on another chariot which was built with the gist of gem. Skanda then equipped himself with all the weapons and started a great war.
Skanda the son of Siva destroyed in anger all the snakes, the mountains, the trees and the rocks showered by the demons on him.
The fire weapon of SarhkhacQda was neutralised by Skanda with his Varuna-weapon and simultaneously he destroyed his bow quite easily besides his chariot and the horses.
Thereafter his charioteer, the horses and the hint a crown were destroyed. This attack of Skanda appeared like the fall of a planet over the demon The demon king fainted with that attack. After regaining consciousness, he boarded another chariot holding a bow in his hand.
O Narada, Saiiikhacuda who was well-versed in the best of illusion covered Skanda in the battle field with the shooting of innumerable arrows. Thereafter he took up his invisible sakti which having the lustre of crores of suns and appeared like the fire of dissolution was also covered with the glory of lord Visnu. He took out the Sakti in his hand and in anger he shot at Karttikeya with great force. The Sakti struck the body of Skanda like a burning fire. Karttikeya the great warrior fainted at this. Thereafter the goddess Kali picked him up in her lap and took him to lord Siva. Lord Siva on his part brought him back to life with a mere glance at him, restoring the immense strength possessed by him.
The glorious Skanda got up at once thereafter.
TRisr TRjR Tmt ti7t;i Lord Siva then deputed several of his soldiers and gods to fight with the demon king. The battle between the gods and the demon king again started with their armies. In the battle Vrsaparva fought with Mahendra, Vipracitti with Surya, Dambha with the moon, Kalesvara with Kala, Gokarana with Agni, Kalakeya with Kubera, Maya with VisvakarmS, the terrific demon called Bhayaiikara with Mrtyu and Yama with VIH: filte r TRTgr: II7 d It MHIVH rIT55%JTT gTq;i Similarly Kalavihka fought with Vanina, Cancala with Vayu, Ghrtapusta with Budha, Raktaksa with Satum, RatnasSra with Jayanta, Varcasva with Vasus, Diptiman with Asvinl Dhumra with Nalakubara, Dhanurddhara with Dharma, Mandukaksa with Mars, Sobhakarana with Tsana, Pithara with the god of love and Ulkamukha, Dhumra, Khahga, Dhvaja, Kahcimukha, Pinda, Dhumra and Nandi with Visvedeva, Palasa with Aditya and the eleven Rudras fought with eleven terrific
Ugradanda and others fought with MahamM and Nandi and others fought with other demon warriors.
In that terrific battle which had commenced only lord Siva was seated under the banyan tree accompanied by Kali and Skanda.
O sage, many of the warriors were engaged in the battle at that point of time, while Samkhacuda adorned with all the ornaments was seated on a gem-studded lion throne accompanied by crores of demons. In the battle field all the gams of Siva were defeated. Getting injured, all of them fled from the battle field in terror. Thereafter, Skanda felt enraged and ehallenged the demons, boosting the morale of his soldiers. He himself then proceeded alone to fight the demon in the battle field.
Skanda then destroyed a hundred aJcsaiihim demon army. The lotus-eyed Kali also got enraged and drank a hundred skulls full of the blood of demons and playfully held ten lakhs of elephants and a hundred lakhs of horses and playfully swallowed them all. Thus she consumed thousands of dead bodies and she then started dancing in the battle field.
On the other, hand the demon warriors were injured with the showering of the arrows by Skanda. The demon army fled in terror.
All the great demon warriors like Vrsaparva, Vipracitti, Dambha and Vikahkana fought a terrific battle with Skanda.
Siva was protecting Karttikeya and Kali was engaged in the battle field. He was followed by Nandlsvara and several other great warriors. The besides many of the court jesters and crores of Balahakas were also there. The goddess uttered a lion's roar, reaching the battle field which made the demon army to lose their senses, The goddess then uttered a terrific laughter and delightfully started drinking the wine, dancing in the battle field at the same time.
Thereafter Ugradahstra, Ugracanda and Kauttarl started consuming honey, besides the innumerable Yoginls, Dakinls. The ganas of Siva and many other gods also participated in it.
Finding Kali there Samkhacuda at once rushed to the battle field and started reassuring the panicky Kali then used the fire of dissolution^. The demon king on his part neutralised this by shooting a Varunastra.
The goddess then started using extremely sharp and astonishing type of arrows which destroyed the Gandharvastra and other weapons shot by the demon king.
The goddess Kali then used the Mahesvarastra which was like a fire flame. The king neutralised the same with the use of Vais navastra. The goddess then shot Narayanastra reciting the mantras. The king bowed in reverence before it and at once got down from the chariot. The weapon rushed like the fire of dissolution and reached before the demon king who in utter devotion prostrated before it on the ground. Thereafter the goddess with great efforts shot the Brahmdstra which was neutralised by the demon king by shooting another Brahmdstra.
The Goddess again used the divine weapon, which was neutralised by the demon king by shooting another divine weapon. The goddess then njade use of Sakti which was a yojana in length. The king on the other hand broke it into a hundred pieces with the use his sharp weapons.
The goddess getting enraged intended to use Pasupata weapon, but before she could do so, there was a divine voice from the sky warning her against its use saying, “The noble king cannot die with the use of Pasupata weapon.
Till such time the kavaca of lord Visnu was adorning his neck and his wife maintains her chastity, old age and death Can never influence the noble demon king. This is the boon granted to him by Brahma.” On hearing this the chaste MahakalT did not use the Pasupata weapon.
But in anger she swallowed a hundred lakhs of demons. She then rushed towards Samkhacuda in order to swallow him.
The demon king obstructed her forward movement by shooting a sharp divine arrow. The goddess then made use of her sword, which was shining like the sun of the summer season. The demon king reduced it into a hundred pieces with the use of his divine weapon. Thereafter MahadevI rushed towards the demon king to swallow him.
Thereafter Samkhacuda, the king of the demons who was bestowed with all success, started moving forward and because of the boon of Sarvasiddhesvara, defeated the goddess. The goddess Kali was again enraged and attacked him with her fist as a result of which the chariot and the charioteer of the demon king were shattered. The goddess then took up a trident in her hand which emitted flames like the fire of dissolution but the demon king Samkhacuda playfully held it in his hand kept and it aside. At that point of time the goddess was immensely enraged and she attacked the demon king with her fist with great force. It struck lu^avily the demon king, who fell down on the ground unconscious. He regained consciousness in a moment and sat down in the battle field.
Iiispite of that, the demon king never fought with the goddess and on the other hand he bowed in reverence to her. He caught the weapons of the goddess and also caught them in his hands with his prowess.
The great Vaisnava king of the demons bowed before her in reverence and never attacked her He then mounted his chariot which was built of the best of the gems and he never felt fatigued.
Thereafter Bhadrakall consuming the flesh of the killed demons went back to lord Siva.
Reaching there, she narrated the entire story of the battle field which had happened there. Siva then smiled on liearing the news about the destruction of the demons.
She again said to Siva, ''O lord presently only a lakh of demons are left in the battle field who are devoted to the demon king, I have consumed the remaining demons. I have consumed the rest of them.
In the battle field I intended to kill the demon king with the Pasupata weapon but a divine voice from the sky was heard declaring that the death of the demon king is not destined at my hands. Thereafter the most intelligent, strong and valorous demon king never used any weapons against me. He only engaged himself in neutralising the weapons shot by me.
with any weapon. But the goddess caught hold of him in rage and moved him round and round throwing him in the sky with great force. The demon king, however, could save himself with llie influence of his tapas and descending on earth he stood before the goddess Kali and bowed in reverence to her.
Chapter-aligned complete witnesses. Sanskrit Wikisource revision 117629 (2017-08-12T02:12:50Z); Shanti Lal Nagar English scan pages n295–n301: https://archive.org/details/brahma-vaivarta-purana-all-four-kandas-english-translation/page/n295/mode/1up. The historic English OCR transcription is lightly normalized; no verse-by-verse alignment is asserted.