Śrī Kṛṣṇa-janma-khaṇḍa · Chapter 110
Sourceनारायण उवाच आगतेषु गतेष्वेवं साङ्गे मङ्गलकर्मणि । नन्दो यशोदया सार्ध पुत्राभ्याशं समाययौ ।। १ ।। यशोदोवाच ज्ञानं च भवता दत्तं पित्रे नन्दाय माधव । मां चापि मातरं वत्स कृपां कुरु कृपानिधे ।। २ ।। मामुद्धर महाभाग धरोद्धारणकारण । भवाब्धितरणे भीमौ भीतां च पतितामपि ।। ३ ।। मायामयी सा प्रकृतिर्भवाब्धितरणे तरिः । त्वमेव कर्णधारश्च भक्तोत्तीर्णे कृपामय ।। ४ ।। यशोदावचनं श्रुत्वा जहास पुरुषोत्तमः । उवाच मातरं भक्त्या ज्ञानिनां च गुरोर्गुरुः ।। ५ ।। श्रीभगवानुवाच ज्ञानं योगात्मकं मातर्ज्ञानं च विषयात्मकम् । ज्ञानं भक्त्यात्मकं श्रेष्ठं मद्दास्यकारणं शुभम् ।। ६ ।। ज्ञानं पञ्चविधं प्रोक्तं सर्ववेदेषु संमतम् । भक्त्यात्मकं सर्वपरं तेषां च लक्षणं शृणु ।। ७ ।। क्षुत्पिपासादिकानां च खण्डनं स्वान्तशोधनम् । नाडीनां शोधनं चैव चक्राणामपि भेदनम् ।। ८ ।। शक्तिकुण्डलिनीयुक्तमीश्वरं चिन्तयेत्ततः । इन्द्रियाणां च दमनं लौभादीनां च वर्जनम् ।। ९ ।। मूलाधारं स्वधिष्ठानं मणिपूरमनाहतम् । विशुद्धं च तथा ज्ञाख्यं चक्रषट्कं प्रकीर्तितम् ।। १० ।। नारीणामपि दुर्बोधं मुर्खाणां च विशेषतः । ज्ञानं योगात्मकं साध्वि सिद्धानां साध्यमीप्सितम् ।। ११ ।। जन्तूनामपि सर्वेषां ज्ञानं स्वविषये तथा । सन्तः सर्वे विजानन्ति स्वेच्छया च मदीयया ।। १२ ।। सिद्ध्यात्मकं च सिद्धानां नियुक्तं सर्वकर्मसु । चतुस्त्रिंशत्सु सिद्धानां साधनं बोधनं तथा ।। १३ ।। ज्ञानं मौक्षात्मकं सिद्धं परं निर्वाणकारणम् । निवृत्तिमार्गमारूढं भक्तस्तत्रैव वाञ्छति ।। १४ ।। भक्त्यात्मकं च यज्ज्ञानं तुभ्यं राधा प्रदास्यति । तस्यां च मानवं भावं त्यक्त्वा ज्ञानं करिष्यति ।। १५ ।। नन्दाय दत्तं यज्ज्ञानं तच्च तुभ्यं प्रदास्यति । गच्छ नन्दव्रजं मातर्नन्देन सह सादरम् ।। १६ ।। इत्युक्त्वा विनयं कृत्वा जगामाभ्यन्तरं हरिः । नन्दो यशोदया सार्धं प्रययौ कदलीवनम् ।। १७ ।। ददर्श राधां तत्रैव निद्रितां त्यक्तभूषणम् । दधानां शुक्लवस्त्रं च निराहारां कृशोदरीम् ।। १८ ।। पङ्कस्थे पङ्कजदले सजले चन्दनार्चिते । शयानां शुष्कितौष्ठीं च साश्रुनेत्रां च मूर्च्छिताम् ।। १९ ।। ध्यायमानां पदाम्भोजं कृष्णस्य परमात्मनः । बाह्यज्ञानपरित्यक्तां तन्नि विष्टैकमानसाम् ।। २० ।। पश्यन्तीं सस्मितं कान्तं पश्यन्तीं तन्मुखाम्बुजम् । हसन्तीं च रुदन्तीं च स्वप्ने कान्तसमीपतः ।। २१ ।। सखीभिः परितः शश्वत्सेवितां श्चेतचामरैः । दिवानिशं रक्षितां च गोपीभिः शतकोटिभिः ।। २२ ।। सावधानपराभिश्च वेत्रहस्ताभिरीश्वरीम् । सप्तद्वारेषु युक्ताभिः परितः प्राङ्गणेषु च ।। २३ ।। तां दृष्ट्वा विस्मयं प्राप्य सभार्यो नन्द एव च । ननाम परया भक्त्या दण्डवत्प्रणिपत्य च ।। २४ ।। निद्रां त्याक्त्वा च सहसा बुबुधे सेश्वरेच्छया । क्षणेन चेतनां प्राप विषयज्ञानवर्चिताम् ।। २५ ।। पुरतो दंपती दृष्ट्वा पप्रच्छ सादरं सती । उवाच मधुरं चैवं तत्रैव सखिसंसदि ।। २६ ।। राधिकोवाच कस्त्वं चात्र समायातो ब्रूहि वा किं प्रयोजनम् । न च मे विषयज्ञानं न जानामि नरं पशुम् ।। २७ ।। किं जलं वा स्थलं किंवा नक्तं तिनं श्रुणु । स्त्रियं पुमांसं क्लीबं वा नाहं जानामि भेदाकम् ।। २८ ।। राधिकावचनं श्रुत्वा नन्दश्च विस्मयं ययौ । भीता यशोदा निकटं गोपीसंभाषिता ययौ ।। २९ ।। उवास निकटे तस्याः समुवाच प्रियं वचः । उवास तत्र नन्दश्च गोपीदत्तासनेन च ।। ३० ।। यशोदोवाच चेतनं कुरु राधे त्वमात्मानं रक्ष यत्नतः । द्रक्ष्यसि प्राणनाथं च संप्राप्ते मङ्गले दिने ।। ३१ ।। त्वत्तो विश्वं पवित्रं च स्वकुलं च सुरेश्वरि । गोप्यश्च पुण्यवत्यश्च त्वत्पादाम्बुजसेवया ।। ३२ ।। लोका गास्यन्ति त्वत्कीर्तितीर्थपूतां सुमङ्गलाम् । सन्तो वेदाश्च चत्वारः पुराणानि पुरातनीम् ।। ३३ ।। अहं यशोदा नन्दोऽयं बुद्धिरूपे निबोध माम् । वृषभानसुता त्वं च मां निशामय सुव्रते ।। ३४ ।। द्वारकानगराद्भद्रे श्रीकृष्णसंनिधानतः । तवान्तिकमागताऽहं प्रेरिता हरिणा सति ।। ३५ ।। शृणु मङ्गलवार्तां च मङ्गलं च गदाभृतः । आराद्द्रक्ष्यसि कृष्णं तं हे देवि चेतनं कुरु ।। ३६ ।। भक्त्या त्मकं परिज्ञानं देहि मह्यं च सांप्रतम् । त्वद्भर्तुरुपदेशेन त्वत्समीपं समागतौ ।। ३७ ।। पश्चदायास्यति हरिस्त्वां मुहूर्तं वरानने । भविष्यत्यचिरेणैव श्रीदाम्नः शापमोचनम् ।। ३८ ।। यशोदावचनं श्रुत्वा वार्तां प्राप्य गदाभृतः । श्रीकृष्णनामस्मरणाद्दूरिभूतममङ्गलम् ।। ३९ ।। संप्राप चेतनं राधा संभाव्य कृष्णमातरम् । उवाच मधुरं शान्ता लौकिकीं भक्तिमुत्तमाम् ।। ४० ।। इति श्रीब्रह्मo महाo श्रीकृष्णजन्मखo उत्तo नारदनाo राधायशोदासंo दशाधिकशततमोऽध्यायः ।। ११० ।।
nārāyaṇa uvāca āgateṣu gateṣvevaṃ sāṅge maṅgalakarmaṇi | nando yaśodayā sārdha putrābhyāśaṃ samāyayau || 1 || yaśodovāca jñānaṃ ca bhavatā dattaṃ pitre nandāya mādhava | māṃ cāpi mātaraṃ vatsa kṛpāṃ kuru kṛpānidhe || 2 || māmuddhara mahābhāga dharoddhāraṇakāraṇa | bhavābdhitaraṇe bhīmau bhītāṃ ca patitāmapi || 3 || māyāmayī sā prakṛtirbhavābdhitaraṇe tariḥ | tvameva karṇadhāraśca bhaktottīrṇe kṛpāmaya || 4 || yaśodāvacanaṃ śrutvā jahāsa puruṣottamaḥ | uvāca mātaraṃ bhaktyā jñānināṃ ca gurorguruḥ || 5 || śrībhagavānuvāca jñānaṃ yogātmakaṃ mātarjñānaṃ ca viṣayātmakam | jñānaṃ bhaktyātmakaṃ śreṣṭhaṃ maddāsyakāraṇaṃ śubham || 6 || jñānaṃ pañcavidhaṃ proktaṃ sarvavedeṣu saṃmatam | bhaktyātmakaṃ sarvaparaṃ teṣāṃ ca lakṣaṇaṃ śṛṇu || 7 || kṣutpipāsādikānāṃ ca khaṇḍanaṃ svāntaśodhanam | nāḍīnāṃ śodhanaṃ caiva cakrāṇāmapi bhedanam || 8 || śaktikuṇḍalinīyuktamīśvaraṃ cintayettataḥ | indriyāṇāṃ ca damanaṃ laubhādīnāṃ ca varjanam || 9 || mūlādhāraṃ svadhiṣṭhānaṃ maṇipūramanāhatam | viśuddhaṃ ca tathā jñākhyaṃ cakraṣaṭkaṃ prakīrtitam || 10 || nārīṇāmapi durbodhaṃ murkhāṇāṃ ca viśeṣataḥ | jñānaṃ yogātmakaṃ sādhvi siddhānāṃ sādhyamīpsitam || 11 || jantūnāmapi sarveṣāṃ jñānaṃ svaviṣaye tathā | santaḥ sarve vijānanti svecchayā ca madīyayā || 12 || siddhyātmakaṃ ca siddhānāṃ niyuktaṃ sarvakarmasu | catustriṃśatsu siddhānāṃ sādhanaṃ bodhanaṃ tathā || 13 || jñānaṃ maukṣātmakaṃ siddhaṃ paraṃ nirvāṇakāraṇam | nivṛttimārgamārūḍhaṃ bhaktastatraiva vāñchati || 14 || bhaktyātmakaṃ ca yajjñānaṃ tubhyaṃ rādhā pradāsyati | tasyāṃ ca mānavaṃ bhāvaṃ tyaktvā jñānaṃ kariṣyati || 15 || nandāya dattaṃ yajjñānaṃ tacca tubhyaṃ pradāsyati | gaccha nandavrajaṃ mātarnandena saha sādaram || 16 || ityuktvā vinayaṃ kṛtvā jagāmābhyantaraṃ hariḥ | nando yaśodayā sārdhaṃ prayayau kadalīvanam || 17 || dadarśa rādhāṃ tatraiva nidritāṃ tyaktabhūṣaṇam | dadhānāṃ śuklavastraṃ ca nirāhārāṃ kṛśodarīm || 18 || paṅkasthe paṅkajadale sajale candanārcite | śayānāṃ śuṣkitauṣṭhīṃ ca sāśrunetrāṃ ca mūrcchitām || 19 || dhyāyamānāṃ padāmbhojaṃ kṛṣṇasya paramātmanaḥ | bāhyajñānaparityaktāṃ tanni viṣṭaikamānasām || 20 || paśyantīṃ sasmitaṃ kāntaṃ paśyantīṃ tanmukhāmbujam | hasantīṃ ca rudantīṃ ca svapne kāntasamīpataḥ || 21 || sakhībhiḥ paritaḥ śaśvatsevitāṃ ścetacāmaraiḥ | divāniśaṃ rakṣitāṃ ca gopībhiḥ śatakoṭibhiḥ || 22 || sāvadhānaparābhiśca vetrahastābhirīśvarīm | saptadvāreṣu yuktābhiḥ paritaḥ prāṅgaṇeṣu ca || 23 || tāṃ dṛṣṭvā vismayaṃ prāpya sabhāryo nanda eva ca | nanāma parayā bhaktyā daṇḍavatpraṇipatya ca || 24 || nidrāṃ tyāktvā ca sahasā bubudhe seśvarecchayā | kṣaṇena cetanāṃ prāpa viṣayajñānavarcitām || 25 || purato daṃpatī dṛṣṭvā papraccha sādaraṃ satī | uvāca madhuraṃ caivaṃ tatraiva sakhisaṃsadi || 26 || rādhikovāca kastvaṃ cātra samāyāto brūhi vā kiṃ prayojanam | na ca me viṣayajñānaṃ na jānāmi naraṃ paśum || 27 || kiṃ jalaṃ vā sthalaṃ kiṃvā naktaṃ tinaṃ śruṇu | striyaṃ pumāṃsaṃ klībaṃ vā nāhaṃ jānāmi bhedākam || 28 || rādhikāvacanaṃ śrutvā nandaśca vismayaṃ yayau | bhītā yaśodā nikaṭaṃ gopīsaṃbhāṣitā yayau || 29 || uvāsa nikaṭe tasyāḥ samuvāca priyaṃ vacaḥ | uvāsa tatra nandaśca gopīdattāsanena ca || 30 || yaśodovāca cetanaṃ kuru rādhe tvamātmānaṃ rakṣa yatnataḥ | drakṣyasi prāṇanāthaṃ ca saṃprāpte maṅgale dine || 31 || tvatto viśvaṃ pavitraṃ ca svakulaṃ ca sureśvari | gopyaśca puṇyavatyaśca tvatpādāmbujasevayā || 32 || lokā gāsyanti tvatkīrtitīrthapūtāṃ sumaṅgalām | santo vedāśca catvāraḥ purāṇāni purātanīm || 33 || ahaṃ yaśodā nando'yaṃ buddhirūpe nibodha mām | vṛṣabhānasutā tvaṃ ca māṃ niśāmaya suvrate || 34 || dvārakānagarādbhadre śrīkṛṣṇasaṃnidhānataḥ | tavāntikamāgatā'haṃ preritā hariṇā sati || 35 || śṛṇu maṅgalavārtāṃ ca maṅgalaṃ ca gadābhṛtaḥ | ārāddrakṣyasi kṛṣṇaṃ taṃ he devi cetanaṃ kuru || 36 || bhaktyā tmakaṃ parijñānaṃ dehi mahyaṃ ca sāṃpratam | tvadbharturupadeśena tvatsamīpaṃ samāgatau || 37 || paścadāyāsyati haristvāṃ muhūrtaṃ varānane | bhaviṣyatyacireṇaiva śrīdāmnaḥ śāpamocanam || 38 || yaśodāvacanaṃ śrutvā vārtāṃ prāpya gadābhṛtaḥ | śrīkṛṣṇanāmasmaraṇāddūribhūtamamaṅgalam || 39 || saṃprāpa cetanaṃ rādhā saṃbhāvya kṛṣṇamātaram | uvāca madhuraṃ śāntā laukikīṃ bhaktimuttamām || 40 || iti śrībrahmao mahāo śrīkṛṣṇajanmakhao uttao nāradanāo rādhāyaśodāsaṃo daśādhikaśatatamo'dhyāyaḥ || 110 ||
English translation
Ugrasena accompanied by the sages and the gods TT 3 IT cfeRiJimn Entering the city of Dvaraka the welfare ceremonies were performed and the musical instrument were played upon. Devaki, charming RohinI, Yasoda, the wife of Nanda, Aditi, Diti and the best of damsels looked at the charming RukminI and Krsna again and again and then took them to their home, performing all the Four types of dishes were served to the gods, the sages, the king, relatives and who begged forgiveness from them for any short coming., The bards and the Brahmanas were seized | with gems delightfully and happily served thel Thus consuming the food all the people went j back to their respective houses. Devaki the wife j of Vasudeva then performed the welfare Sri Krsna said- O mother knowledge is connected with yoga and knowledge is also connected with different subjects but the knowledge pertaining to devotion is considered
to be the best. This is the auspicious cause of my The knowledge has been defined to be in Vedas of five types but the knowledge concerning the devotion is considered to be the best of all. You listen to some of the symptoms of the same. i By over-coming hunger and thirst, purifying inner-self, purification of the entrails, the shattering of the cakras and meditating upon the the control of the organs of senses and discarding of the greed one achieves nt w Qr?htct:i Visuddha and Jna are the six cakras. These are inaccessible to the foolish and especially the woman. O chaste lady, the knowledge of yogic practices is meant for the siddhas.
The knowledge about one's own self is desirable by all. The noble people know about themselves as per desire. The knowledge of siddhis is important in all the deeds of the The knowledge which bestows moksa is quite successful and redeems everyone. Such a type of knowledge makes one to follow the path of Nivrttimdrga and the devotee is however never desirous of the same.
The knowledge about the devotion can be imparted to you by RadhS. By shedding away the human approach, you can achieve the divine knowledge fi'om her.
The knowledge that I imparted to Nanda, the same will be imparted to you by her. O mother, you move on gracefully with Nanda to Vraja.
Thus speaking displaying all his humility, ^rl Kfsna went to the iimer apartment while Nanda accompanied by YasodS went to the banana forest. Both of them foimd Radha there, who was lying unconscious on the bed of lotus leaves soaked with water and sandal-paste. Radha had discarded all the ornaments and was clad in bright costumes. By remaining without food her belly had shrunk the lips had dried up, the eyes were filled with tears. She was lying unconscious; she was meditating upon the lotus¬ like feet of lord Krsna remaining unconcerned from the outer world; she was totally engrossed in the meditation of lord Krsna. She was witnessing her smiling beloved in the dream and staring at his lotus-like face; she sometimes laughed before her beloved and same time wept before him. Her female friends were moving the white fly-whisks continuously. Hundreds and crores of the cowherdesses guarded the place,
holding the canes in their hands. They were guarding the seven gates throughout the day and Finding her there in that condition Nanda together with his wife was surprised and prostrated before her in reverence.
With the will of the lord Radha at once got up from here sleep and she regained consciousness, unmindful of the subject to be discussed, finding the couple there, the chaste lady asked them, the reason for their arrival there. She than spoke sweet words in presence of her female friends.
Radhika said- "Who are you?" What for have you arrived here? You tell me I am not aware of the subject to be talked I an unable to distinguish between a human and an animal.
I am unable to differentiate between the earth and the water, the day and night, the man and woman or the eunuch. I am unaware of any On hearing the words of Radhika, Nanda was extremely surprised. On hearing the words of cowherd Yasoda feeling panicky went closer to her and sitting besides here, she said. Nanda also took his seat offered by the cowherdesses.
Yasoda said- O Radha, be conscious. You save yourself making all the efforts because on the arrival of the days of welfare you will surely meet the lord of your life. O great goddess, you have purified not only your own race but also the universe as a whole. The cowherdesses have been purified by serving at your lotus-like feet.
The people, the sages, all the four Vedas and Puranas shall always recite your glory like other O form of intelligence, I am Yasoda and he is Nanda and you happen to be Radha the daughter of Vrsabhana. O performer of noble vratas, you listen to my words.
O virtuous one, I have just returned from Dvaraka, the abode of Krsna. O chaste lady, lord Hari has directed me towards you.
Now you listen to the welfare news of lord Gadadhara. You would shortly meet ^rl Kr§na O goddess regain your senses.
You bestow the knowledge of devotion to me, presently. Both of us have arrived here at the advice of your husband.
O beautiful faced one, "Lord Hari would arrive here before you after this and you would soon to be freed from the curse of Sridama".
On hearing the words of Yasoda about the news of Gadadhara, all the miseries of Radha were removed.
Radha regained her consciousness becoming peaceful, honouring the mother of Krsna, she spoke to her sweet words concerning the
Chapter-aligned complete witnesses. Sanskrit Wikisource revision 223714 (2020-01-28T23:28:15Z); Shanti Lal Nagar English scan pages n1584–n1589: https://archive.org/details/brahma-vaivarta-purana-all-four-kandas-english-translation/page/n1584/mode/1up. The historic English OCR transcription is lightly normalized; no verse-by-verse alignment is asserted.