Chapter 108

अथाष्टाधिकशततमोऽध्यायः नारायाण उवाच एतस्मिन्नन्तरे देवी महालक्ष्मीश्च रुक्मिणी । आजगाम सभामध्ये मुनिदेवादिभिर्युते ।। १ ।। रत्नसिंहासनस्था च रत्नालंकारभूषिता । वह्निशुद्धाशुकाधाना कबरीभारभूषिता ।। २ ।। पश्यन्ती सस्मिता साध्वीह्यमूल्यरत्नदर्पणम् । कस्तूरीबिन्दुभिर्युक्ता स्निग्धचन्दनचर्चिता ।। ३ ।। सिधूरबिदुना शश्वद्भालमध्यस्थलोज्ज्वला । तप्तकाञ्चनवर्णभा शतचन्द्रसमप्रभा ।। ४ ।। चन्दनोक्षितमर्वाङ्गा मालतीमाल्यशोभिता । सप्तभिर्नृपपुत्रैश्चसमानीता च बालकैः ।। ५ ।। देवेन्द्राश्च मुनीन्द्राश्च सिद्धेन्द्रा नृपपुंगवाः । ददृशू रुक्मिणीं देवीं महालक्ष्मीं पतिव्रताम् ।। ६ ।। सप्तप्रदक्षिणाःकृत्वा प्रणम्य स्वपतिंसती । सिषेच शीततोयेन स्निग्धचन्दनपल्लवैः ।। ७ ।। तां सिषेच जगत्कान्तः कान्ता शान्तां च सस्मिताम् । ददर्श कान्तः कान्तां च कान्तं कान्ता शुभे क्षणे ।। ८ ।। अथ देवी पितुः क्रोडे समुवास शुभानना । लज्जया नम्रवदना ज्वलन्ती च स्वतेजसा ।। ९ ।। राजा देवेश्वरीं तस्मै परिबूर्णतमाय च । प्रददौ संप्रदानेन वेदमन्त्रेण नारद ।। १० ।। वसुदेवाज्ञया कृष्णः स्वस्तीत्युक्त्वा स्थितो मुदा । जग्राह देवीं देवश्च भवानीं च भवो यथा ।। ११ ।। सुवर्णानां पञ्चलक्षं कृष्णाय परमात्मने । दक्षिणां तां ददौ राजा परिपूर्णतमाय च ।। १२ ।। शुभकर्मणि निष्पन्ने कृत्वा कन्यां च वक्षसि । रुरोद राजा मोहेन मुनिदेवेन्द्रसंसदि ।। १३ ।। परिहारेण वचसा कुत्वा तस्मै समर्पणम् । सिषेच कन्यां धन्यां च नेत्रयुग्मजलेन च ।। १४ ।। इति श्रीब्रह्मo महाo श्रीकृष्णजन्मखo उत्तo नारदनाo रुक्मिण्यु- द्वाहेऽष्टाधिकशाततमोऽध्यायः ।। १०८ ।।

athāṣṭādhikaśatatamo'dhyāyaḥ nārāyāṇa uvāca etasminnantare devī mahālakṣmīśca rukmiṇī | ājagāma sabhāmadhye munidevādibhiryute || 1 || ratnasiṃhāsanasthā ca ratnālaṃkārabhūṣitā | vahniśuddhāśukādhānā kabarībhārabhūṣitā || 2 || paśyantī sasmitā sādhvīhyamūlyaratnadarpaṇam | kastūrībindubhiryuktā snigdhacandanacarcitā || 3 || sidhūrabidunā śaśvadbhālamadhyasthalojjvalā | taptakāñcanavarṇabhā śatacandrasamaprabhā || 4 || candanokṣitamarvāṅgā mālatīmālyaśobhitā | saptabhirnṛpaputraiścasamānītā ca bālakaiḥ || 5 || devendrāśca munīndrāśca siddhendrā nṛpapuṃgavāḥ | dadṛśū rukmiṇīṃ devīṃ mahālakṣmīṃ pativratām || 6 || saptapradakṣiṇāḥkṛtvā praṇamya svapatiṃsatī | siṣeca śītatoyena snigdhacandanapallavaiḥ || 7 || tāṃ siṣeca jagatkāntaḥ kāntā śāntāṃ ca sasmitām | dadarśa kāntaḥ kāntāṃ ca kāntaṃ kāntā śubhe kṣaṇe || 8 || atha devī pituḥ kroḍe samuvāsa śubhānanā | lajjayā namravadanā jvalantī ca svatejasā || 9 || rājā deveśvarīṃ tasmai paribūrṇatamāya ca | pradadau saṃpradānena vedamantreṇa nārada || 10 || vasudevājñayā kṛṣṇaḥ svastītyuktvā sthito mudā | jagrāha devīṃ devaśca bhavānīṃ ca bhavo yathā || 11 || suvarṇānāṃ pañcalakṣaṃ kṛṣṇāya paramātmane | dakṣiṇāṃ tāṃ dadau rājā paripūrṇatamāya ca || 12 || śubhakarmaṇi niṣpanne kṛtvā kanyāṃ ca vakṣasi | ruroda rājā mohena munidevendrasaṃsadi || 13 || parihāreṇa vacasā kutvā tasmai samarpaṇam | siṣeca kanyāṃ dhanyāṃ ca netrayugmajalena ca || 14 || iti śrībrahmao mahāo śrīkṛṣṇajanmakhao uttao nāradanāo rukmiṇyu- dvāhe'ṣṭādhikaśātatamo'dhyāyaḥ || 108 ||