Śrī Kṛṣṇa-janma-khaṇḍa · Chapter 100
Sourceअथ शाततमेऽध्यायः नारायण उवाच अथादितिर्दितिश्चैव देवकी रोहिणी रतिः । सरस्वती च सावित्री यशोदा च पतिव्रता ।। १ ।। लोबामुद्राऽरुन्धती च अहल्या तारका तथा । ययुस्ताः पार्वतीं दृष्टवा वेगेन मन्दिरादपि ।। २ ।। परस्परं च संभाष्य समाश्लिष्य पुनः पुनः । प्रणम्य वेशयामासुर्मन्दिरं रत्ननिर्मितम् ।। ३ ।। रत्नसिहासने रम्ये वासयामासुरीश्वरीम् । वरयामासुर्माल्येन वाससा रत्नभूषणैः ।। ४ ।। पारिजातस्य पुष्पं च शक्रानीतं मनोहरम् । ददौ तत्पादपद्मे च देवकी भक्तिपूर्वकम् ।। ५ ।। सिन्दूरबिन्दुं सीमन्ते भाले चन्दनबिन्दुकम् । कस्तूरीकुङ्कुमादींश्च प्रददौ परितस्तयोः ।। ६ ।। मिष्टान्नं भोजयामास शीततोयं सुवासितं । ताम्बूलं च वरं रम्यं कर्पूरादिसुवासितम् ।। ७ ।। अलक्तकं च प्रददौ नखेषु पादपद्मयोः । कुङ्कुमस्यापि रागं च सिषेवे श्वेतचामरैः ।। ८ ।। मंपुज्य पार्वतीं देवीं मुनिपत्नीः क्रमेण च । पूजयामास विधिवत्पतिपुत्रवतीः सतीः ।। ९ ।। राजकन्या देवकन्या नागकन्या मनोहराः । मुनिकन्या बन्धुकन्याः पूजयामास सुव्रता ।। १० ।। वाद्य नानाविधं रम्यं वादयामास कौतुकात् । मङ्गलं कारयामास भोजयामास ब्रह्मणान् ।। ११ ।। भैरवीं पूजयामास मथुराग्रामदेवताम् । उपचारैः षोडशभिः षष्ठीं मङ्गलचण्डिकाम् ।। १२ ।। पुण्यं स्वस्त्ययनं शुद्धं वारयामास मङ्गलम् । वेदांश्च पाठयामास वसुदेवास्य वल्लभा ।। १३ ।। स्वर्गङ्गासुजलेनैव सुवर्मकलशेन च । स्नापयामास सबलं श्रीकृष्णं पुत्रवत्सला ।। १४ ।। वस्त्रचन्दनमाल्यैश्च तयोर्वेषं चकार सा । रत्नेन्द्रसारनिर्माणभूषणैश्च मनोहरैः ।। १५ ।। मातृभूषणभूषाढ्यः सबलः कृष्ण एव च । आययौ च सभां देवमुनीन्द्राणां च नारद ।। १६ ।। दृष्ट्वा तं जगतां राथमुत्तस्थौ प्रजवेन च । स्वयं विधाता शंभुश्च शेषो धर्मश्च भास्करः ।। १७ ।। देवाश्च मुनयश्चैव कार्तिकेयो गणेश्वरः । पृथक्पृथक् क्रमेणैव तुष्टाव परमेश्वरम् ।। १८ ।। ब्रह्मोवाच नाथानिर्वचनोयोऽसि भक्तानुग्रहविग्रहः । वेदानिर्वचनीयं च कस्त्वां स्तोतुमिहेश्वरः ।। १९ ।। महादेव उवाच देहेषु देहिनां शश्वत्स्थितं निर्लिप्तमेव च । कर्मिणां कर्मणां शुद्धं साक्षिणां साक्षतं विभुम् ।। किं स्तौमि रूपशून्यं च गुणशून्यं च निर्गुणम् ।। २० ।। अनन्त उवाच किंवा जानाम्यहं नाथ त्वामज्ञोऽनन्तमीश्वरम् । अनन्तकोटिब्रह्माण्डकारणं दुःखतारणम् ।। २१ ।। महाविष्णोश्च लोम्नां च विवरेषु जलेषु च । सन्ति विश्वान्यसंख्यानि चित्राणि कृत्रिमाणि च ।। २२ ।। सन्ति सन्तश्च देवाश्च ब्रह्मविष्णुशिवात्मकाः । त्वदंशाः प्रतिबिम्बेषु तीर्थानि भारतं तथा ।। २३ ।। ब्रह्माण्डैकस्थितोऽहं च सूक्ष्मनागस्वरूपकः । स्थापितश्च त्वया कूर्मे गजेन्द्रे मशको यथा ।। २४ ।। परमाणुपरं सूक्ष्मं विश्वेषु नास्ति कुत्रचित् । महाविष्णोः परं स्थूलं समो नास्ति च कुत्रचित् ।। २५ ।। महाविष्णोः परस्त्वं च त्वत्परो नास्ति कश्चन । स्थूलात्स्थूलतरो देवः मूक्ष्मात्सूक्ष्मतमो महान् ।। २६ ।। आधारश्च महाविष्णो जलरूपो भवान्स्वयम् । जलाधारो हि गोलोकस्त्वं च स्थावररूपधृक् ।। २७ ।। मर्वाधारो महान्वायुः श्वासनिः श्वासरूपकः । भक्तानुग्रहदेहस्य नित्यस्य भवतो दिभो ।। २८ ।। वक्त्रैर्बहुतरैर्वांऽथ त्वया दत्तैः पुरैव च । स्तोतुमिच्छामि त्वद्योगं न दत्तं ज्ञानमैश्वरम् ।। २९ ।। देवा ऊचुः त्वामनन्तं यदि स्तोतुं देवोऽनन्तो न हीश्वरः । न हि स्वयं विधाता च न हि ज्ञानात्मकः शिवः ।। सरस्वती जडीभूता किं कुर्मः स्तवनं वयम् ।। ३० ।। मुनीन्द्रा ऊचुः वेदा न शक्ताः स्तोतुं चेत्त्वां चैव ज्ञातुमीश्वरम् । वयं वेदविदः सन्तः किं कुर्मः स्तवनं तव ।। ३१ ।। इदं स्तोत्रं महापुण्यं देवैश्च मुनिमिः कृतम् । यः पठेत्संयतः शुद्धः पूजाकाले च भक्तितः ।। ३२ ।। इह लोके सुखं भुक्त्वा लब्ध्वा ज्ञानं निरञ्जनम् । रत्नायानं समारुह्य गोलोकं स च गच्छति ।। ३३ ।। इति श्रीब्रह्मo महाo श्रीकृष्णजन्मखo उत्तo नारदनाo भगवदुपनयने शाततमोऽयायः ।। १०० ।।
atha śātatame'dhyāyaḥ nārāyaṇa uvāca athāditirditiścaiva devakī rohiṇī ratiḥ | sarasvatī ca sāvitrī yaśodā ca pativratā || 1 || lobāmudrā'rundhatī ca ahalyā tārakā tathā | yayustāḥ pārvatīṃ dṛṣṭavā vegena mandirādapi || 2 || parasparaṃ ca saṃbhāṣya samāśliṣya punaḥ punaḥ | praṇamya veśayāmāsurmandiraṃ ratnanirmitam || 3 || ratnasihāsane ramye vāsayāmāsurīśvarīm | varayāmāsurmālyena vāsasā ratnabhūṣaṇaiḥ || 4 || pārijātasya puṣpaṃ ca śakrānītaṃ manoharam | dadau tatpādapadme ca devakī bhaktipūrvakam || 5 || sindūrabinduṃ sīmante bhāle candanabindukam | kastūrīkuṅkumādīṃśca pradadau paritastayoḥ || 6 || miṣṭānnaṃ bhojayāmāsa śītatoyaṃ suvāsitaṃ | tāmbūlaṃ ca varaṃ ramyaṃ karpūrādisuvāsitam || 7 || alaktakaṃ ca pradadau nakheṣu pādapadmayoḥ | kuṅkumasyāpi rāgaṃ ca siṣeve śvetacāmaraiḥ || 8 || maṃpujya pārvatīṃ devīṃ munipatnīḥ krameṇa ca | pūjayāmāsa vidhivatpatiputravatīḥ satīḥ || 9 || rājakanyā devakanyā nāgakanyā manoharāḥ | munikanyā bandhukanyāḥ pūjayāmāsa suvratā || 10 || vādya nānāvidhaṃ ramyaṃ vādayāmāsa kautukāt | maṅgalaṃ kārayāmāsa bhojayāmāsa brahmaṇān || 11 || bhairavīṃ pūjayāmāsa mathurāgrāmadevatām | upacāraiḥ ṣoḍaśabhiḥ ṣaṣṭhīṃ maṅgalacaṇḍikām || 12 || puṇyaṃ svastyayanaṃ śuddhaṃ vārayāmāsa maṅgalam | vedāṃśca pāṭhayāmāsa vasudevāsya vallabhā || 13 || svargaṅgāsujalenaiva suvarmakalaśena ca | snāpayāmāsa sabalaṃ śrīkṛṣṇaṃ putravatsalā || 14 || vastracandanamālyaiśca tayorveṣaṃ cakāra sā | ratnendrasāranirmāṇabhūṣaṇaiśca manoharaiḥ || 15 || mātṛbhūṣaṇabhūṣāḍhyaḥ sabalaḥ kṛṣṇa eva ca | āyayau ca sabhāṃ devamunīndrāṇāṃ ca nārada || 16 || dṛṣṭvā taṃ jagatāṃ rāthamuttasthau prajavena ca | svayaṃ vidhātā śaṃbhuśca śeṣo dharmaśca bhāskaraḥ || 17 || devāśca munayaścaiva kārtikeyo gaṇeśvaraḥ | pṛthakpṛthak krameṇaiva tuṣṭāva parameśvaram || 18 || brahmovāca nāthānirvacanoyo'si bhaktānugrahavigrahaḥ | vedānirvacanīyaṃ ca kastvāṃ stotumiheśvaraḥ || 19 || mahādeva uvāca deheṣu dehināṃ śaśvatsthitaṃ nirliptameva ca | karmiṇāṃ karmaṇāṃ śuddhaṃ sākṣiṇāṃ sākṣataṃ vibhum || kiṃ staumi rūpaśūnyaṃ ca guṇaśūnyaṃ ca nirguṇam || 20 || ananta uvāca kiṃvā jānāmyahaṃ nātha tvāmajño'nantamīśvaram | anantakoṭibrahmāṇḍakāraṇaṃ duḥkhatāraṇam || 21 || mahāviṣṇośca lomnāṃ ca vivareṣu jaleṣu ca | santi viśvānyasaṃkhyāni citrāṇi kṛtrimāṇi ca || 22 || santi santaśca devāśca brahmaviṣṇuśivātmakāḥ | tvadaṃśāḥ pratibimbeṣu tīrthāni bhārataṃ tathā || 23 || brahmāṇḍaikasthito'haṃ ca sūkṣmanāgasvarūpakaḥ | sthāpitaśca tvayā kūrme gajendre maśako yathā || 24 || paramāṇuparaṃ sūkṣmaṃ viśveṣu nāsti kutracit | mahāviṣṇoḥ paraṃ sthūlaṃ samo nāsti ca kutracit || 25 || mahāviṣṇoḥ parastvaṃ ca tvatparo nāsti kaścana | sthūlātsthūlataro devaḥ mūkṣmātsūkṣmatamo mahān || 26 || ādhāraśca mahāviṣṇo jalarūpo bhavānsvayam | jalādhāro hi golokastvaṃ ca sthāvararūpadhṛk || 27 || marvādhāro mahānvāyuḥ śvāsaniḥ śvāsarūpakaḥ | bhaktānugrahadehasya nityasya bhavato dibho || 28 || vaktrairbahutarairvāṃ'tha tvayā dattaiḥ puraiva ca | stotumicchāmi tvadyogaṃ na dattaṃ jñānamaiśvaram || 29 || devā ūcuḥ tvāmanantaṃ yadi stotuṃ devo'nanto na hīśvaraḥ | na hi svayaṃ vidhātā ca na hi jñānātmakaḥ śivaḥ || sarasvatī jaḍībhūtā kiṃ kurmaḥ stavanaṃ vayam || 30 || munīndrā ūcuḥ vedā na śaktāḥ stotuṃ cettvāṃ caiva jñātumīśvaram | vayaṃ vedavidaḥ santaḥ kiṃ kurmaḥ stavanaṃ tava || 31 || idaṃ stotraṃ mahāpuṇyaṃ devaiśca munimiḥ kṛtam | yaḥ paṭhetsaṃyataḥ śuddhaḥ pūjākāle ca bhaktitaḥ || 32 || iha loke sukhaṃ bhuktvā labdhvā jñānaṃ nirañjanam | ratnāyānaṃ samāruhya golokaṃ sa ca gacchati || 33 || iti śrībrahmao mahāo śrīkṛṣṇajanmakhao uttao nāradanāo bhagavadupanayane śātatamo'yāyaḥ || 100 ||
English translation
Narayana said- Thereafter Aditi, Diti, Devaki, RohinI, Rati, Sarasvatl, the chaste Yasoda, to the temple of Parvatl and bowing. In reverence to her again and again, they offered their salutation to her. Then after talking to her they made her enter into the gem-studded palace.
There she was made to sit on the gem-studded lion throne and honoured offering the garland, the costumes, gems studded ornaments and was than established there.
The goddess Devaki offered her the Pdrijdta flowers, which were brought by Indra with great effort, at the lotus-like feet of Parvatl.
The parting of her hair was adorned with the spot of vermilion while the forehead was adorned with the spot of sandal-paste. She was also decorated with kasturl and saffron on all She was served with sweet food, offering the cool fragrant water, the fragrant betel was also offered to her, the nails of her toes were painted with saffron and she was served by moving the Devaki thus adored Parvatl and thereafter she also adored the wives of the sages, the chaste woman whose son and husband were alive, the princesses, the daughter of all the gods, the beautiful daughters of the Nagas and the sages besides the daughters of all other relatives Several of the musical instrument were sounding delightfully and welfare mantras were recited serving food to the Brahmanas.
The village deities named Bhairavl and Sa§thl were adored, offering sixteen types of Then Devaki the spouse of vasudeva had the recitations of the Vedas and welfare mantras, made by the Brahmanas.
Devaki who was graceful to her son made Balabhadra and Krsna bathe with the best of the water of the Gahga from heaven brought in golden pitchers. She then offered the costumes, the sandal-paste, the flowers garland and the ornaments made with the best of gems. They were thus fully decorated.
O Narada, having been decorated with the ornament in the form of mother, Sri Krsna reached the assembly of great sages.
On their arrival Brahma, ^iva, Sesa, Dharma and SQrya got up to welcome them. Thereafter the gods, the sages, Karttikeya and Ganesa offered prayer to lord Krsna separately.
Brahma said- O lord, you are inexplicable and you take to the human form for the only to grace your devotees. You are inexplicable by the Vedas, Therefore who could be competent enough to praise you.
Mahadeva said- You always pervades all the, creatures in the universe and still remain unattached, you are the witness of all the deeds, of the people and are imperishable. Therefore what type of adoration can I offer to you because you are formless, devoid of gums and are also Ananta said- O lord, I am devoid of knowledge, then how could I know about the endless lord, because you happen to be the cause of the creation of crores of globes and you redeem the people from the ocean of universe.
Innumerable globes are lodged into the hair-pits of Mahavisnu which are astonishing as well as Out of them the noble people, the gods, Brahma, Visnu and Siva, represent your arhsas and all the holy places are located in the land of I pervade the universe in my tiny form of Naga. You have established myself on the back of tortoise live the mosquito sits on the huge There is nothing smaller in the world than the atom and there is nothing greater than Mahavis nu but you happen to be beyond Mahavisnu and no one else is beyond you, therefore you are greater than the greatest and smaller than the smallest. You happen to be the form of water which is the base of Mahavisnu. Water is the base of Goloka and you have taken to immovable form.
O virtuous one, you take to human form for the sake of your devotees. Your breathing is the base of all the creatures in the world,.
You had provided me with several hoods in earlier times and therefore collectively with these hoods intend to recite your glory but you have not bestowed me with the divine knowledge.
The gods said- O lord you are endless and in case Ananta is not able to recite your glory, Brahma himself and lord Siva are unable to do so while Sarasvatl becomes double before you then how can the weak people recite your glory.
The sages said- 0 lord in case the Vedas are unable to recite your glory, then how could one in spite of our being well-versed in the Vedas, recite your glory.
Thus one who recites the stotra composed by the sages and the gods, at the time of adoration, purifying himself and with the mind filled with devotion, he enjoying all the pleasures in this world achieves the divine knowledge and proceeds to Goloka ultimately.
He had a circular spot of kasturl painted on his forehead and it looked like the moon among the He had two arms, beautiful dark complexion, was the beloved of Radha, quite charming, wearing a smile on his delightful face. Taking to human form, in order to grace his devotees, he was wearing armlets and wristlets of gems. He was sobbing in the lap of his father together with
Chapter-aligned complete witnesses. Sanskrit Wikisource revision 122520 (2017-09-18T13:30:36Z); Shanti Lal Nagar English scan pages n1538–n1542: https://archive.org/details/brahma-vaivarta-purana-all-four-kandas-english-translation/page/n1538/mode/1up. The historic English OCR transcription is lightly normalized; no verse-by-verse alignment is asserted.