Śrī Kṛṣṇa-janma-khaṇḍa · Chapter 97
Sourceअथ सप्तनवतितमोऽध्यायः नारायण उवाच गच्छन्तमुद्धवं दृष्ट्वा संत्रस्ता श्रीहरेः प्रिया । समुत्थायाऽऽसनाच्छीघ्रं हृदयेन विदूयता ।। १ ।। गोपीभिः सहिता शीघ्रं समुद्विग्ना सहासती । ददौ शुभाशिषं तस्मै तस्य मूर्ध्नि करं तथा ।। २ ।। स्तिग्धदूर्वाक्षतं शुक्लधान्यं पुष्पं च मङ्गलम् । प्रेरयामास लाजांश्च फलं पर्णं तथा दधि ।। ३ ।। दर्मणं दर्शयामास पूर्णकुम्भ सपल्लवम् । सफलं गन्धसिन्धूरकस्तूरीचन्दनान्वितम् ।। ४ ।। पुष्पमाल्यं प्रदीपं च रत्नं गन्धं द्विजोत्तम । पतिपुत्रवती साध्वी काञ्चनं रजतं तथा ।। ५ ।। तमुवाच महासाध्वी हितं सत्यं च मङ्गलम् । संगोप्यं साश्रुनेत्रं च पतितं दुःखिता हृदि ।। ६ ।। राधिकोवाच शुभं भवतु मार्गस्ते कल्याणमस्तु संततम् । ज्ञानं लभ हरेः स्थानात्कृष्णस्य सुप्रियो भव ।। ७ ।। कृष्णभक्तिः कृष्णदास्यं दलेषु च वरं वरम् । श्रेष्ठा पञ्चविधा मुक्तेर्हरिभक्तिर्गरीयसी ।। ८ ।। ब्रह्मत्वादपि देवत्वादिन्द्रत्वादमरादपि । अमृतात्सिद्धिलाभाच्च हरिदास्यं सुदुर्लभम् ।। ९ ।। अनेकनन्मतपसा संभूय भारते द्विजः । हरिभक्तिं यदि लभेत्तस्य जन्म सुदुर्लभम् ।। १० ।। सफलं जीवनं तस्य कुर्वतः कर्मणः क्षयम् । पितॄणां च सहस्राणि स्वस्य मातुश्च निश्चितम् ।। ११ ।। मातामहानां पुंसां च शतानां सोदरस्य च । बान्धवस्यापि पत्न्याश्च गुरूणां शिष्यभृत्ययोः ।। १२ ।। तत्कर्म शोभरं वत्स यच्च कृष्णो समर्पणम् । तत्कर्म शोभनं शुद्धं कुष्णसंतोषणं यतः ।। १३ ।। संकल्पसाधनं कर्म संप्रीतिविधिपूर्वकम् । तदेव मङ्गलं धन्यं परिणामसुखावहम् ।। १४ ।। तद्व्रतं तत्तपः सत्यं तद्भक्तिः पूजनं तथा । तदुद्देश्यमनशनं केवलं दास्यकालणम् ।। १५ ।। समस्तपृथिवीदानं प्रदक्षिण्यं भुवस्तथा । समस्ततीर्थस्नानं च समस्तं च व्रतं तपः ।। १६ ।। समस्तयज्ञकरणं सर्वदानफलं तथा । समस्तवेदवेदाङ्गपठनं पाठनं तथा ।। १७ ।। भीतस्थं रक्षणं चैव ज्ञानदानं सुदुर्लभम् । अतिथीनां पूजनं च शरणागतरक्षणम् ।। १८ ।। सर्वदेवार्चनं चैव वन्दनं जपनं मनोः । भोजनं विप्रदेवानां पुरश्चरणपूर्वकम् ।। १९ ।। गुरुशुश्रूषणं चैव पित्रोर्भक्तिश्च पोषणम् । सर्वं श्रीकृष्णदास्यस्य कलां नार्हति षोडशीम् ।। २० ।। तस्मादुद्धव यत्नेन भज कृष्णं परात्परम् । निर्गुणं च निरीहं च परमात्मानमीश्वरम् ।। २१ ।। नित्यं सत्यं परं ब्रह्म प्रकृतेः परमीश्वरम् । परिपूर्णतमं शुद्धं भक्तानुग्रहविग्रहम् ।। २२ ।। कर्मिणां कर्मणां साक्ष्यप्रदं निर्लिप्तमेव च । ज्योतिः स्वरूपं परमं कारणानां च कारणम् ।। २३ ।। सर्वस्वरूपं सर्वेशं सर्वसंपत्प्रदं शुभम् । भक्तिदं दास्यदं स्वस्य निजसंपत्पदप्रदम् ।। २४ ।। विसृज्य ज्ञातिबुद्धिं च मात्सर्यमशुभप्रदम् । भज तं परमानन्दं सानन्दं नन्दनन्दनम् ।। २५ ।। वेदे कौथुमिशाखायां तस्य नाम्नां सहस्रकम् । नन्दनन्दननामोक्तं कृतौ विघ्नं सुदुर्लभम् ।। २६ ।। उद्धवः सर्वमाकर्ण्य परमं विस्मयं ययौ । ज्ञानं संप्राप्य संपूर्ण परिबूर्णे भभूव ह ।। २७ ।। स्ववस्त्रं च गले बद्ध्वा दण्डवत्प्रणनाम् ताम् । मुर्ध्नः केशैश्च तत्पादं निबध्य च पुनाः पुनः ।। २८ ।। पुलकाञ्चितसर्वाङ्गः साश्रुनेत्रश्च भक्तितः । तद्विच्छेदशुचा प्रेम्ण रुरोदोच्चैश्च नारद ।। २९ ।। रुरोद राधा तत्प्रेम्णा रुरोद बल्लवीगणः । उद्धवस्य गलं धृत्वा सथापयामास लोभतः ।। ३० ।। उद्ववं मूर्च्छितं दृष्ट्वा जृम्भितं त्यक्तचेतनम् । शीघ्रसुत्थापयामास राधिका कृष्णमानसम् ।। ३१ ।। चेतनं कारयामास जलं दत्त्वा मुखाम्बुजे । शुभाशिषं च प्रददौ वत्स जीवेति नारद ।। ३२ ।। उद्धवश्चेतनां प्राप्य तमुवाच सुसंसदि । रुदतीनां च गोपीनां पुरतः परमार्थदम् ।। ३३ ।। उद्धव उवाच धन्यो यशस्यो द्वीपानां जम्बुद्वीपः सुदुर्लभः । यत्र भारतवर्ष तु सर्वैषामीप्सितं वरम् ।। ३४ ।। अहो भारतवर्षे तु पुण्यं वृन्दावनं वनम् । राधापादाब्जसंस्पर्शरजः पूतं सुरेप्सितम् ।। ३५ ।। धन्या मान्या च पृथिवी त्रेषु लोकेषु पूजिता । राधायास्तीर्थपूतायाः पादाब्जरजसा वरा ।। ३६ ।। षष्टिवर्षसहस्राणि दिव्यानि पुष्करे पुरा । ब्रह्मणा च तपस्तप्तं वेदोक्तं भक्तिपूर्वकम् ।। ३७ ।। गोलोके राधिकाकृष्णदर्शनार्थं मनोरथात् । गोलोके राधिकाकृष्णो न दृष्टः स्वप्नतस्तदा ।। ३८ ।। श्रुता तेनाऽऽकाशवाणी सत्यरूपा च लीलया । वाराहे भारते वर्षे पुण्ये वृन्दावने वने ।। ३९ ।। रासोत्सवे महाराम्ये तत्रैव रासमण्डले । द्रक्ष्यसीति च देवानां मध्ये सुस्थो न संशयः ।। ४० ।। श्रुत्वा च विरतो ब्रह्मा तपसः स्वगृहं गतः ।कृष्णो दृष्टश्च हृष्टश्च परिपूर्णमनोरथः ।। ४१ ।। गोपानां गोपिकानां च सफलं जन्म जीवनम् । नित्यं पश्यन्ति ते पादपद्मं ब्रह्मादिदुर्लभम् ।। ४२ ।। मानिनीं राधिकां सन्तः सदा सेवन्ति नित्यशः । योगीन्द्राश्च मुनीन्द्राश्च सिद्धेन्द्रा वैष्णवास्तथा ।। ४३ ।। सतीं पुण्यां तीर्थपूतां स्वतः शुद्धां सुदुर्लभाम् । सुलभं यत्वदाम्भोजं ब्रह्मादीनां सुदुर्लभम् ।। ४४ ।। यत्पादपद्मनखरं कृतं यावकचिह्नितम् । सर्वेश्वरेश्वरेणैव कृष्णेन परमात्मना ।। ४५ ।। चकार यस्याः पूजां च स्तोत्रराजं सुदुर्लभम् । शतशृङ्गे स्वयं कृष्णो गोलोके रासमण्डले ।। ४६ ।। पारिजातप्रसूनानामञ्जलिं गन्धयन्दनम् । ददौ दूर्वाक्षतं स्निग्धं यस्याः पादारविन्दयोः ।। ४७ ।। त्रिंशत्सहस्रकोटीनां गोपीनामीश्वरी च या । तत्षट्त्रिंशत्सखीनां च ईश्वरी राधिकाभिधा ।। ४८ ।। ये वा द्विषन्ति निन्दन्ति पापिनश्च हसन्ति च । कृष्णप्राणाधिकादेवदेवीं च राधिकां वराम् ।। ४९ ।। ब्रह्महत्याशतं ते च लभन्ते नात्र संशयः । तत्पापेन च पच्यन्ते कुम्भीपाके च रौरवे ।। ५० ।। तप्ततैले महाघोरे ध्वान्ते कीटे च यन्त्रके । चतुर्दशेन्द्रावच्छिन्नं पितृभिः सप्तभिः सह ।। ५१ ।। ततः परं च जायन्ते जन्मैकं लोकजन्मतः । दिव्यं वर्षसहस्रं च विष्ठाकीटाश्च पापतः ।। ५२ ।। पुंश्चलीनां योनिकीटास्तद्रक्तमलभक्षकाः । मलकीटाश्च तन्मानवर्षं च पूयभक्षकाः ।। ५३ ।। वेदे च काण्वशाखायामित्याह कमलोद्भवः । इत्युक्तवन्तं तं यान्तमुवाच राधिका पुनः रुदन्तं च रुदन्ती सा कृष्णविच्छेदकातरा ।। ५४ ।। राधिकोवाच गच्छ वत्स मधुपुरीं सर्वं बोधय माधवम् । यथा पश्यामि गोविन्दं प्रयत्नेन तथा कुरु ।। ५५ ।। निष्फलं च गतं जन्म गच्छ मिथ्यादुराशया । आशा हि परमं दुःखं नैराश्यं परमं सुखम् ।। ५६ ।। पश्चाद्विचिन्त्य गोविन्दं जीवन्मुक्ता बभूव सा । इत्युक्त्वा राधिका तत्र रुरोद च भृशं पुनः ।। ५७ ।। प्रणम्य तां रुदन्तीं च यशोदाभवनं ययौ । अथोद्धवे गते राधा मूर्च्छां मंप्राप नारद ।। ५८ ।। तत्याज चेतनां शश्वद्बभूव ध्यानतत्परा । पङ्कस्थे पङ्कजदके सजले शयने मुने ।। ५९ ।। गोप्यस्तां स्थापयामासुः साश्रुनेत्रोत्पला वराः । तत्स्पर्शमात्राच्छयनं भस्मीभूतं बभूव ह ।। ६० ।। पुनः स्निग्धस्थले स्थिग्धनिचोले चन्दनाङ्किते । पुनस्तां स्थापयामासुर्विरहज्वरकातराम् ।। ६१ ।। सहसा शुष्कतां प्राप सुगन्धि चन्दनोदकम् । निमेषेण शतयुगं तद्बभूवोद्धवं विना ।। ६२ ।। हा होद्धवोद्धव हरिं शीघ्रं गत्वा वदेति च । समानय हरिं शीघ्रं मत्प्राणेश्वरमित्यपि ।। ६३ ।। इत्युक्तवचनां दीनां संतापहृतचेतनाम् । रुरुदुर्गोपिकाः सर्वा राधां कृत्वा स्ववक्षसि चेतनां कारयामासुर्बोधयामासुरौप्सितम् ।। ६४ ।। इति श्रीब्रह्मo महाo श्रीकृष्णजन्मखo उत्तo नारदनाo राधोद्धवसंo सप्तनवतितमोऽध्यायः ।। ९७ ।।
atha saptanavatitamo'dhyāyaḥ nārāyaṇa uvāca gacchantamuddhavaṃ dṛṣṭvā saṃtrastā śrīhareḥ priyā | samutthāyā''sanācchīghraṃ hṛdayena vidūyatā || 1 || gopībhiḥ sahitā śīghraṃ samudvignā sahāsatī | dadau śubhāśiṣaṃ tasmai tasya mūrdhni karaṃ tathā || 2 || stigdhadūrvākṣataṃ śukladhānyaṃ puṣpaṃ ca maṅgalam | prerayāmāsa lājāṃśca phalaṃ parṇaṃ tathā dadhi || 3 || darmaṇaṃ darśayāmāsa pūrṇakumbha sapallavam | saphalaṃ gandhasindhūrakastūrīcandanānvitam || 4 || puṣpamālyaṃ pradīpaṃ ca ratnaṃ gandhaṃ dvijottama | patiputravatī sādhvī kāñcanaṃ rajataṃ tathā || 5 || tamuvāca mahāsādhvī hitaṃ satyaṃ ca maṅgalam | saṃgopyaṃ sāśrunetraṃ ca patitaṃ duḥkhitā hṛdi || 6 || rādhikovāca śubhaṃ bhavatu mārgaste kalyāṇamastu saṃtatam | jñānaṃ labha hareḥ sthānātkṛṣṇasya supriyo bhava || 7 || kṛṣṇabhaktiḥ kṛṣṇadāsyaṃ daleṣu ca varaṃ varam | śreṣṭhā pañcavidhā mukterharibhaktirgarīyasī || 8 || brahmatvādapi devatvādindratvādamarādapi | amṛtātsiddhilābhācca haridāsyaṃ sudurlabham || 9 || anekananmatapasā saṃbhūya bhārate dvijaḥ | haribhaktiṃ yadi labhettasya janma sudurlabham || 10 || saphalaṃ jīvanaṃ tasya kurvataḥ karmaṇaḥ kṣayam | pitṝṇāṃ ca sahasrāṇi svasya mātuśca niścitam || 11 || mātāmahānāṃ puṃsāṃ ca śatānāṃ sodarasya ca | bāndhavasyāpi patnyāśca gurūṇāṃ śiṣyabhṛtyayoḥ || 12 || tatkarma śobharaṃ vatsa yacca kṛṣṇo samarpaṇam | tatkarma śobhanaṃ śuddhaṃ kuṣṇasaṃtoṣaṇaṃ yataḥ || 13 || saṃkalpasādhanaṃ karma saṃprītividhipūrvakam | tadeva maṅgalaṃ dhanyaṃ pariṇāmasukhāvaham || 14 || tadvrataṃ tattapaḥ satyaṃ tadbhaktiḥ pūjanaṃ tathā | taduddeśyamanaśanaṃ kevalaṃ dāsyakālaṇam || 15 || samastapṛthivīdānaṃ pradakṣiṇyaṃ bhuvastathā | samastatīrthasnānaṃ ca samastaṃ ca vrataṃ tapaḥ || 16 || samastayajñakaraṇaṃ sarvadānaphalaṃ tathā | samastavedavedāṅgapaṭhanaṃ pāṭhanaṃ tathā || 17 || bhītasthaṃ rakṣaṇaṃ caiva jñānadānaṃ sudurlabham | atithīnāṃ pūjanaṃ ca śaraṇāgatarakṣaṇam || 18 || sarvadevārcanaṃ caiva vandanaṃ japanaṃ manoḥ | bhojanaṃ vipradevānāṃ puraścaraṇapūrvakam || 19 || guruśuśrūṣaṇaṃ caiva pitrorbhaktiśca poṣaṇam | sarvaṃ śrīkṛṣṇadāsyasya kalāṃ nārhati ṣoḍaśīm || 20 || tasmāduddhava yatnena bhaja kṛṣṇaṃ parātparam | nirguṇaṃ ca nirīhaṃ ca paramātmānamīśvaram || 21 || nityaṃ satyaṃ paraṃ brahma prakṛteḥ paramīśvaram | paripūrṇatamaṃ śuddhaṃ bhaktānugrahavigraham || 22 || karmiṇāṃ karmaṇāṃ sākṣyapradaṃ nirliptameva ca | jyotiḥ svarūpaṃ paramaṃ kāraṇānāṃ ca kāraṇam || 23 || sarvasvarūpaṃ sarveśaṃ sarvasaṃpatpradaṃ śubham | bhaktidaṃ dāsyadaṃ svasya nijasaṃpatpadapradam || 24 || visṛjya jñātibuddhiṃ ca mātsaryamaśubhapradam | bhaja taṃ paramānandaṃ sānandaṃ nandanandanam || 25 || vede kauthumiśākhāyāṃ tasya nāmnāṃ sahasrakam | nandanandananāmoktaṃ kṛtau vighnaṃ sudurlabham || 26 || uddhavaḥ sarvamākarṇya paramaṃ vismayaṃ yayau | jñānaṃ saṃprāpya saṃpūrṇa paribūrṇe bhabhūva ha || 27 || svavastraṃ ca gale baddhvā daṇḍavatpraṇanām tām | murdhnaḥ keśaiśca tatpādaṃ nibadhya ca punāḥ punaḥ || 28 || pulakāñcitasarvāṅgaḥ sāśrunetraśca bhaktitaḥ | tadvicchedaśucā premṇa rurodoccaiśca nārada || 29 || ruroda rādhā tatpremṇā ruroda ballavīgaṇaḥ | uddhavasya galaṃ dhṛtvā sathāpayāmāsa lobhataḥ || 30 || udvavaṃ mūrcchitaṃ dṛṣṭvā jṛmbhitaṃ tyaktacetanam | śīghrasutthāpayāmāsa rādhikā kṛṣṇamānasam || 31 || cetanaṃ kārayāmāsa jalaṃ dattvā mukhāmbuje | śubhāśiṣaṃ ca pradadau vatsa jīveti nārada || 32 || uddhavaścetanāṃ prāpya tamuvāca susaṃsadi | rudatīnāṃ ca gopīnāṃ purataḥ paramārthadam || 33 || uddhava uvāca dhanyo yaśasyo dvīpānāṃ jambudvīpaḥ sudurlabhaḥ | yatra bhāratavarṣa tu sarvaiṣāmīpsitaṃ varam || 34 || aho bhāratavarṣe tu puṇyaṃ vṛndāvanaṃ vanam | rādhāpādābjasaṃsparśarajaḥ pūtaṃ surepsitam || 35 || dhanyā mānyā ca pṛthivī treṣu lokeṣu pūjitā | rādhāyāstīrthapūtāyāḥ pādābjarajasā varā || 36 || ṣaṣṭivarṣasahasrāṇi divyāni puṣkare purā | brahmaṇā ca tapastaptaṃ vedoktaṃ bhaktipūrvakam || 37 || goloke rādhikākṛṣṇadarśanārthaṃ manorathāt | goloke rādhikākṛṣṇo na dṛṣṭaḥ svapnatastadā || 38 || śrutā tenā''kāśavāṇī satyarūpā ca līlayā | vārāhe bhārate varṣe puṇye vṛndāvane vane || 39 || rāsotsave mahārāmye tatraiva rāsamaṇḍale | drakṣyasīti ca devānāṃ madhye sustho na saṃśayaḥ || 40 || śrutvā ca virato brahmā tapasaḥ svagṛhaṃ gataḥ |kṛṣṇo dṛṣṭaśca hṛṣṭaśca paripūrṇamanorathaḥ || 41 || gopānāṃ gopikānāṃ ca saphalaṃ janma jīvanam | nityaṃ paśyanti te pādapadmaṃ brahmādidurlabham || 42 || māninīṃ rādhikāṃ santaḥ sadā sevanti nityaśaḥ | yogīndrāśca munīndrāśca siddhendrā vaiṣṇavāstathā || 43 || satīṃ puṇyāṃ tīrthapūtāṃ svataḥ śuddhāṃ sudurlabhām | sulabhaṃ yatvadāmbhojaṃ brahmādīnāṃ sudurlabham || 44 || yatpādapadmanakharaṃ kṛtaṃ yāvakacihnitam | sarveśvareśvareṇaiva kṛṣṇena paramātmanā || 45 || cakāra yasyāḥ pūjāṃ ca stotrarājaṃ sudurlabham | śataśṛṅge svayaṃ kṛṣṇo goloke rāsamaṇḍale || 46 || pārijātaprasūnānāmañjaliṃ gandhayandanam | dadau dūrvākṣataṃ snigdhaṃ yasyāḥ pādāravindayoḥ || 47 || triṃśatsahasrakoṭīnāṃ gopīnāmīśvarī ca yā | tatṣaṭtriṃśatsakhīnāṃ ca īśvarī rādhikābhidhā || 48 || ye vā dviṣanti nindanti pāpinaśca hasanti ca | kṛṣṇaprāṇādhikādevadevīṃ ca rādhikāṃ varām || 49 || brahmahatyāśataṃ te ca labhante nātra saṃśayaḥ | tatpāpena ca pacyante kumbhīpāke ca raurave || 50 || taptataile mahāghore dhvānte kīṭe ca yantrake | caturdaśendrāvacchinnaṃ pitṛbhiḥ saptabhiḥ saha || 51 || tataḥ paraṃ ca jāyante janmaikaṃ lokajanmataḥ | divyaṃ varṣasahasraṃ ca viṣṭhākīṭāśca pāpataḥ || 52 || puṃścalīnāṃ yonikīṭāstadraktamalabhakṣakāḥ | malakīṭāśca tanmānavarṣaṃ ca pūyabhakṣakāḥ || 53 || vede ca kāṇvaśākhāyāmityāha kamalodbhavaḥ | ityuktavantaṃ taṃ yāntamuvāca rādhikā punaḥ rudantaṃ ca rudantī sā kṛṣṇavicchedakātarā || 54 || rādhikovāca gaccha vatsa madhupurīṃ sarvaṃ bodhaya mādhavam | yathā paśyāmi govindaṃ prayatnena tathā kuru || 55 || niṣphalaṃ ca gataṃ janma gaccha mithyādurāśayā | āśā hi paramaṃ duḥkhaṃ nairāśyaṃ paramaṃ sukham || 56 || paścādvicintya govindaṃ jīvanmuktā babhūva sā | ityuktvā rādhikā tatra ruroda ca bhṛśaṃ punaḥ || 57 || praṇamya tāṃ rudantīṃ ca yaśodābhavanaṃ yayau | athoddhave gate rādhā mūrcchāṃ maṃprāpa nārada || 58 || tatyāja cetanāṃ śaśvadbabhūva dhyānatatparā | paṅkasthe paṅkajadake sajale śayane mune || 59 || gopyastāṃ sthāpayāmāsuḥ sāśrunetrotpalā varāḥ | tatsparśamātrācchayanaṃ bhasmībhūtaṃ babhūva ha || 60 || punaḥ snigdhasthale sthigdhanicole candanāṅkite | punastāṃ sthāpayāmāsurvirahajvarakātarām || 61 || sahasā śuṣkatāṃ prāpa sugandhi candanodakam | nimeṣeṇa śatayugaṃ tadbabhūvoddhavaṃ vinā || 62 || hā hoddhavoddhava hariṃ śīghraṃ gatvā vadeti ca | samānaya hariṃ śīghraṃ matprāṇeśvaramityapi || 63 || ityuktavacanāṃ dīnāṃ saṃtāpahṛtacetanām | rurudurgopikāḥ sarvā rādhāṃ kṛtvā svavakṣasi cetanāṃ kārayāmāsurbodhayāmāsuraupsitam || 64 || iti śrībrahmao mahāo śrīkṛṣṇajanmakhao uttao nāradanāo rādhoddhavasaṃo saptanavatitamo'dhyāyaḥ || 97 ||
English translation
Radha's discourse to Uddhava Narayana said- Finding Uddhava getting ready to depart, Radha the beloved of Hari felt panicky and with a painful heart she descended from the throne. Becoming anxious, together with the cowherdesses Radhika placed her hand over the head of Uddhava and blessed him.
Thereafter, she offered the tender Dwrvd-grass, unbroken rice, white paddy and other things of welfare including fried paddy, fruit, betel, curd, mirror, pitcher with tender leaves, fragrance, vermilion and sandal-paste, the lamp, gem, the damsel whose husband and son was alive, the gold and silver.
O best of the Brahmanas, thereafter Radha with a painful heart, with her eyes filled with tears, lifted up Uddhava who had fallen on her feet and spoke to her the truthful and beneficial words which were filled with welfare.
Radhika said- Let your journey be quite safe and auspicious and you should meet with prosperity. You achieve the divine knowledge from the place of the lord and be in the good books of lord Krsna.
Of all the boons I bestow upon, the boon of achieving the devotion of lord Krsna and his slavehood would be the best. Of all the five types of salvation, the devotion of lord Hari happens to be the best. The Brahmanhood, the god-hood of Indra, becoming eternal, the nectar and gaining of siddhis can be achieved but the slavehood of lord Hari is inaccessible.
One takes birth in the saered land of Bharata after performing good deeds for many births.
Sueh a Brahmana, if achieves the devotion of the lord, his life become successful.
By reducing the earlier deeds performed during the present birth, ones life becomes successful. Not only he alone, but the lives of thousands of ancestors, the mother, the grandmother, hundreds of ancestors, real brothers relatives, wife, teachers, pupils with the servants surely becomes successful. O son, the deed which is presented to lord Krsna is known to be the best deed. The deed which could please Krsna that is considered to be quite meritorious, whatever deeds are performed with devotion, for the achievement of something, it bestows welfare, becomes graceful and results in pleasure. The vrata, fasting, tapas, speaking of the truth, the devotion and the performing of pujd, which is performed for the sake of Krsna, results in the achieving of the slavehood of the The giving away of the entire earth in charity, going round the. entire earth in pilgrimage, bathing in all the holy places, performing of all
the vratas and tapas, performing of all the yajftas, performing of all the charities, recitation of all the Vedas and the post Vedic literature, providing protection ^o the terror-stricken person, imparting of the inaccessible knowledge, adoration of the guests, protection of those who takes shelter, adoration of all the gods, performing of pujd and recitation of mantras, offering of food to the Brahmanas and gods with Purascarana the adoration of the teacher and the parents and their maintenance do not weight even one-sixteenth part of the merit one achieves by attaining the slavehood of lord Krsna.
Therefore, O Uddhava, you recite the name of Krsna, who is beyond the qualities, free from desire, the supreme soul, the lord, eternal, truthful, eternal Brahman, beyond Prakrti, complete in all respect, spotless, graceful to the devotees, the witness of the deeds, uninvolved, the form of flame, the cause of all the causes, the fonn of everything, the lord of everything, bestower of all the fortunes, welfare and devotion, besides the slavehood to his feet.
Therefore discarding the evil arrogance and all other knowledge one should adore with devotion, the name of son of Nanda who is always blissful.
A thousand of his names have been mentioned in the Kauthumi-sakhS of the Vedas. By reciting the same, all the obstructions are removed. On hearing all these words Uddhava was immensely surprised and he was filled with all the Thereafter Uddhava keeping a cloth round his neck, placed his head over the feet of RSdhika and prostrated before her again and again.
O Narada, his entire body was feeling emotions, his eyes were filled with tears because of the devotion. With his mind filled with love and at the very thought of separation from Radha, he started crying aloud.
Than Radha also getting filled with emotions started crying together with all the cowherdesses.
Thereafter, Radhika lifted up Uddhava and made him sit. But took Uddhava a deep sigh and became senseless. Finding him so fainted Radhika lifted up Uddhava whose mind was full of devoted to lord Krsna and sprinkling water on his face, he was brought back to senses. O Narada, Radhika then addressed him saying, "O son, you enjoy long life". Thus speaking she bestowed her blessing on him.
On regaining consciousness Uddhava spoke the spiritual words to Radhika as well as the cowherdesses who were crying.
Uddhava said- Of all the continents Jambudvipa happens to be quite graceful glorious and inaccessible. The auspicious land of Bharata is located there, which is desired by all.
There is an auspicious Vmdavana, the same Bharatavarsa has been purified with the dust of the feet of Radha, which is desired by all the Thought the land is quite graceful in the three worlds and also auspicious but in spite of that it has become more sanctified with the dust of the feet of Radha which purify all the holy places.
In the earlier times Brahma had performed tapas at Puskara for sixty thousand years according to the Vedas in order to have a look at the lotus-like feet of Radha. But he could not have an audience with Radhika and Krsna, even in dream. Thereafter, he heard of a divine voice from the sky saying. In the Vdrdha-kalpa, in the land of Bharata, in the forest of Vmdavana, you would have a glance of them in the Rdsamandala. There is no doubt about it.
On hearing this, Brahma left for his abode getting free from tapas, thereafter in due course of time he had an audience with lord Krsna and he felt delighted with the fulfilment of his desire.
The lives of the cowherds and cowherdesses are quite graceful, because they always have a look at the lotus-like feet of Radha.
All the ascetics, the noble people, the yogis, the sages, the siddhas and Vaisnavas, serve at the feet of Radha who is quite proud, auspicious, purifies the holy places, is spotless and difficult to access, as a result of their devotion it becomes easy for them to have a look at the lotus-like feet of Radha which is difficult for Brahma and the gods to achieve.
Krsna the supreme soul and the lord of all had painted the nails of her feet and had adored her in Goloka on the mountain of hundred peaks with inaccessibles stotra. He also offered the tender unbroken rice, fragrance, sandal- paste and bunch of Pdrijdta flowers to her. She happens to be the friend of thirty six cowherdesses and the mistress of thirty thousand cowherdesses. She is known as Radhika who is dearer to Krsna than his life and is adored by the gods, whosoever feel envious of the same Radha or denounce her or finds faults with her, he earns hundreds of Brahmahatyds. There is no doubt about it. Because of that sin such sinners fall into the kumbhlpdka hell where they are thrown in the boiling oil, in pitch darkness and they are crushed like sugar cane up to the seven generations till the time of fourteen Indras.
Thereafter they are bom on earth as the insects of refuse for a thousand divine years. Then they become the germs of the pelvic region of the loose women always consuming refuse, licking This has been ordained by Brahma in the kanvasdkhd. Thus speaking Uddhava again got ready to depart. At that point of time Radhika who was suffering because of the separation of Krsna spoke to Uddhava who was crying at the same time.
Radhika said- O son, you go to Mathura and apprise Krsna about the situation here and you move in such a way that I should be able to meet Govinda, my life would be unsuccessful.
In the universe the hope is always troublesome and getting detached, from getting all the pleasures of the worlds it bestows the real pleasure. Thereafter he is absorbed in meditation of lord Krsna". Thus speaking Radhika also started sobbing. Uddhava on his part bowed in reverence to the sobbing Radha and left for the place of Yasoda.
O Narada, after departure of Uddhava, Radha was fainted she was so deeply absorbed in the meditation of Krsna that she lost consciousness.
O sage, the cowherdesses then finding her in such a position filled the lotus petals their own tears and placed with them on the bed, on which Radha was made to sleep, but with the very touch of her body, the bed was burnt out.
Thereafter, the cowherdesses made Radha to sleep on a bed which was covered by a bed-cover and was very soft. They then sprinkled the water mixed with sandal-paste on her but the water with sandal-paste with the touch of the body of Radha, also dried up. Without Uddhava, Radha felt a moment as long as the yugas.
She cried 0 Uddhava, ”You speak to Krsna at once and send here the lord of life at once”. She thus spoke filled with mental agony, loosing consciousness and a miserable condition. The cowherdesses embraced Radha in such a condition and they also started crying. Thereafter they brought her back to consciousness and consoling her.
Chapter-aligned complete witnesses. Sanskrit Wikisource revision 409935 (2025-08-10T00:54:53Z); Shanti Lal Nagar English scan pages n1524–n1530: https://archive.org/details/brahma-vaivarta-purana-all-four-kandas-english-translation/page/n1524/mode/1up. The historic English OCR transcription is lightly normalized; no verse-by-verse alignment is asserted.