Śrī Kṛṣṇa-janma-khaṇḍa · Chapter 89
Sourceअथ नवाशीतितमोऽध्यायः श्रीकृष्ण उवाच गच्छ गच्छ गृहं गच्छ व्रजराज व्रजं व्रज । सर्वं तत्त्वं त्वया ज्ञातं दृष्टाश्च मुनयः सुराः ।। १ ।। श्रुतं मे धन्यमाख्यानं नानाख्यानं सुदुर्लभम् । दुर्गायाः स्तोत्रराजं च जन्मपाशनिकृन्तनम् ।। २ ।। स्थितं तते निगदितं हर्षेण च सुखेन च । मत्कृतं बालभावेन चापराद्धं च तत्क्षणम् ।। ३ ।। यत्सुखं न कृतं तात पित्रोश्च नृपमन्दिरे । कृतं सुखं तत्परं च स्वर्गादपि सुदुर्लभम् ।। ४ ।। मदीयं प्रियवाक्यं च प्रह्वत्वं विनयं नयम् । परिहासं बहतरं यशोदां गोपिकागणम् ।। ५ ।। बालकानां समूहं च राधां चापि विशेषतः । एकत्र च स्थितं तेषु बन्धुवर्गेषु कर्मणा ।। ६ ।। इहैवापि सुखं भुक्त्वा गच्छ गोलोकमुत्तमम् । सार्ध यशोदया तात रोहिण्या गोपिकागणैः ।। ७ ।। गोपानां बालकैः सार्धं वृषभानेन गोपकैः । राधामात्रा कलावत्या राधया सह यास्यसि ।। ८ ।। रथानां शतलक्षं च गोलोकादागतं पितः । अमूल्यरत्ननिर्माणं हीरहारपरिष्कृतम् ।। ९ ।। मणिमाणिक्यमुक्तानां मालाजालविभूषितम् । वह्निशुद्धांशुकै रम्यैराच्छन्नं पीतवर्णकैः ।। १० ।। पार्षदप्रवरै रम्यैर्वेष्टितं श्वेतचामरैः । सद्रत्नदर्पणै रम्यैर्गोपिकाभिश्च गोपकैः ।। ११ ।। वेष्टितं च तदारुह्य कौतुकाद्यास्यसि ध्रुवम् । त्यक्त्वा च पार्थिवं देहं दिव्यदेहं विधाय च ।। १२ ।। अयोनिसंभवा राधा राधामाता कलावती । यास्यत्येव हि तेनैव नित्यदेहेन निश्चितम् ।। १३ ।। पितृणां मानसी कन्या धन्या मान्या कलावती । धन्या च सीतामाता च दुर्गामाता च मेनका ।। १४ ।। अयोनिसंभवा दुर्गा तारा सीता च सुन्दरी । अयोनिसंभवास्ताश्च धन्या मेना कलावती ।। १५ ।। इत्येव कथितं तात गोपनीयं सुदुर्लभम् । वरोऽयं तत्तस्तुभ्यं च मया च दुर्गया तथा ।। १६ ।। श्रीकृष्णस्य वचः श्रुत्वा प्रत्युवाच व्रजेश्वरः । पुनरेव जगन्नाथं त द्भक्तो भक्तवात्सलम् ।। १७ ।। नन्द उवाच युगानां च चतुर्णां च यं यं धर्म सनातनम् । क्रमेण कृष्ण विस्तीर्णं कृत्वा मां कथय प्रभो ।। १८ ।। कलिशेषे भवेद्यद्यद्गुणदोषं कलेस्तथा । का गतिर्वा पृथिव्याश्च धर्मस्य प्रणिनां तथा ।। १९ ।। नन्दस्य वचनं श्रुत्वा हृष्टः कमललोचनः । कथां कथितुमारेभे विचित्रां मधुरान्विताम् ।। २० ।। इति श्रीब्रह्मo महाo श्रीकृष्ण जन्मखo उत्तo नारदनाo भगवन्न- न्दसंo एकोननवतितमोऽध्यायः ।। ८९ ।।
atha navāśītitamo'dhyāyaḥ śrīkṛṣṇa uvāca gaccha gaccha gṛhaṃ gaccha vrajarāja vrajaṃ vraja | sarvaṃ tattvaṃ tvayā jñātaṃ dṛṣṭāśca munayaḥ surāḥ || 1 || śrutaṃ me dhanyamākhyānaṃ nānākhyānaṃ sudurlabham | durgāyāḥ stotrarājaṃ ca janmapāśanikṛntanam || 2 || sthitaṃ tate nigaditaṃ harṣeṇa ca sukhena ca | matkṛtaṃ bālabhāvena cāparāddhaṃ ca tatkṣaṇam || 3 || yatsukhaṃ na kṛtaṃ tāta pitrośca nṛpamandire | kṛtaṃ sukhaṃ tatparaṃ ca svargādapi sudurlabham || 4 || madīyaṃ priyavākyaṃ ca prahvatvaṃ vinayaṃ nayam | parihāsaṃ bahataraṃ yaśodāṃ gopikāgaṇam || 5 || bālakānāṃ samūhaṃ ca rādhāṃ cāpi viśeṣataḥ | ekatra ca sthitaṃ teṣu bandhuvargeṣu karmaṇā || 6 || ihaivāpi sukhaṃ bhuktvā gaccha golokamuttamam | sārdha yaśodayā tāta rohiṇyā gopikāgaṇaiḥ || 7 || gopānāṃ bālakaiḥ sārdhaṃ vṛṣabhānena gopakaiḥ | rādhāmātrā kalāvatyā rādhayā saha yāsyasi || 8 || rathānāṃ śatalakṣaṃ ca golokādāgataṃ pitaḥ | amūlyaratnanirmāṇaṃ hīrahārapariṣkṛtam || 9 || maṇimāṇikyamuktānāṃ mālājālavibhūṣitam | vahniśuddhāṃśukai ramyairācchannaṃ pītavarṇakaiḥ || 10 || pārṣadapravarai ramyairveṣṭitaṃ śvetacāmaraiḥ | sadratnadarpaṇai ramyairgopikābhiśca gopakaiḥ || 11 || veṣṭitaṃ ca tadāruhya kautukādyāsyasi dhruvam | tyaktvā ca pārthivaṃ dehaṃ divyadehaṃ vidhāya ca || 12 || ayonisaṃbhavā rādhā rādhāmātā kalāvatī | yāsyatyeva hi tenaiva nityadehena niścitam || 13 || pitṛṇāṃ mānasī kanyā dhanyā mānyā kalāvatī | dhanyā ca sītāmātā ca durgāmātā ca menakā || 14 || ayonisaṃbhavā durgā tārā sītā ca sundarī | ayonisaṃbhavāstāśca dhanyā menā kalāvatī || 15 || ityeva kathitaṃ tāta gopanīyaṃ sudurlabham | varo'yaṃ tattastubhyaṃ ca mayā ca durgayā tathā || 16 || śrīkṛṣṇasya vacaḥ śrutvā pratyuvāca vrajeśvaraḥ | punareva jagannāthaṃ ta dbhakto bhaktavātsalam || 17 || nanda uvāca yugānāṃ ca caturṇāṃ ca yaṃ yaṃ dharma sanātanam | krameṇa kṛṣṇa vistīrṇaṃ kṛtvā māṃ kathaya prabho || 18 || kaliśeṣe bhavedyadyadguṇadoṣaṃ kalestathā | kā gatirvā pṛthivyāśca dharmasya praṇināṃ tathā || 19 || nandasya vacanaṃ śrutvā hṛṣṭaḥ kamalalocanaḥ | kathāṃ kathitumārebhe vicitrāṃ madhurānvitām || 20 || iti śrībrahmao mahāo śrīkṛṣṇa janmakhao uttao nāradanāo bhagavanna- ndasaṃo ekonanavatitamo'dhyāyaḥ || 89 ||
English translation
Srt Krsna said- O lord of Vraja now yovi revert to Vraja because you have been bestowed with all the knowledge beside meeting with the sages and the gods. You have listened from my various types of inaccessible stories which remove the cycle of birth and death and the slotra of DurgS which is quite auspicious.
O father, I have described everything whatever was visible, whatever shortcomings I have been responsible for, you kindly forgive me, the pleasure which I could not get from my parents in the royal houses here were provided to me in your house which would not be available even in the heaven.
My loving words which are filled with humility, fear, joy were spoken by me to Ya^da, the cowherdesses, the boys of Vraja and especially to Radha. All of them are still in Gokula; you enjoy their company with your family and friends in Goloka in due course of father, after enjoying all the pleasures in this world, Yas'oda, RohinI, the cowherdesses, the cowherds, Vysabhanu, Kalavatl, the mother of Radha and Radha also leaving the human body would go to the Goloka. O father, at that that point of time, a hundred lakhs of chariots would arrive in Gokula from Goloka which will be decorated with innumerable ornaments of gems, the garland of gems, the sapphire, rubies and jewel, garlands, flags of yellow fine garments with v/hite fly-whisks held by the divine attendants. The chariot would also have the mirrors of gems and would have a number of cowherds and cowherdesses aboard the same, you would proceed to Goloka mounted on the
Since Radha and her mother Kalavatl were not bom of any human contact, they would go to the Goloka with their human bodies because Kalavatl happens to be the mind bom daughter of the manes. The mother of Sita, the mother of Parvatl named Mena, Durga, TSra and beautiful Sita are all bom without any human contact; all of them including Kalavatl and Mena are quite O father, thus I have spoken to you the extremely secret story which is inaccessible to others. Both Durga and myself have bestowed our blessing to you". On hearing the words of Krsna, Nanda the lord of Vraja spoke to Krsna the lord of the universe and who is graceful to the devotees thus.
Nanda said- O lord Krsna what are the eternal dharma of the four yugas, you kindly tell me in You kindly tell me the merits and demerits of Kali age, beside the position of dharma, artha and the people, On hearing the words of Nanda, lord Krsna delightfully spoke to him the sweet story.
Chapter-aligned complete witnesses. Sanskrit Wikisource revision 122518 (2017-09-18T13:29:19Z); Shanti Lal Nagar English scan pages n1479–n1481: https://archive.org/details/brahma-vaivarta-purana-all-four-kandas-english-translation/page/n1479/mode/1up. The historic English OCR transcription is lightly normalized; no verse-by-verse alignment is asserted.