Chapter 77

अथ सप्तस्पततितमोऽध्यायः नन्द उवाच केन स्पप्नेन किं पुण्यं केन मोक्षो भवेत्सुखम् । कोऽपि कोऽपि च सुस्वप्नस्तत्सर्वं कथय प्रभो ।। १ ।। श्रीभगवानुवाच वेदेषु सामवेदश्च प्रशस्तः सर्वकर्मसु । तथैव कण्वशाखायां पुण्यकाण्डे मनोहरे ।। २ ।। स व्यवतो यश्च दुःस्वप्नः शश्वतपुण्यफलप्रदः । तत्सर्व निखिलं तात कथयामि निशामय ।। ३ ।। स्वप्नाध्यायं प्रवक्ष्यामि बहुपुण्यफलप्रदम् । स्वप्नाध्यायं नरः श्रुत्वा गङ्गास्नानफलं लभेत् ।। ४ ।। स्वप्नक्तु प्रथमे यामे संवत्सरफलप्रदः । द्वितीये चाष्टभिर्मासैस्त्रिभिर्मासैस्तृतीयरे ।। ५ ।। चतुर्थे चार्धमासेन स्वप्नः स्वात्मफलप्रदः । दशाहे फलदः स्वप्नोऽप्यरुणोदयदर्णने ।। ६ ।। प्रातःस्वप्नश्च फलदस्तत्क्षणं यदि बोधितः । दिने मनसि यद्दृष्टं तत्सर्व च लभेद्ध्रुवम् ।। ७ ।। चिन्ताव्याधिसमायुक्तो नरः स्वप्नं च पश्यति । तत्सर्व निष्फलं तात प्रयात्येव न संशयः ।। ८ ।। जचडो मूत्रपुरीषेण पीडितश्च भयाकुलः । दिगम्बरो मुक्तकेशो न लभेत्स्वप्नजं फलम् ।। ९ ।। दृष्ट्वा स्वप्नं च निद्रालुर्यदि निद्रां प्रयति च । विमूढो वक्ति चेद्रात्रौ न लभेत्स्वप्नजं फलम् ।। १० ।। उक्तवा काश्यपगोत्रे च विपर्त्ति लभते ध्रुवम् । दुर्गते दुर्गतिं याति नीचे व्याधिंप्रयाति च ।। ११ ।। शत्रौ भयं च लभते मूर्खे च कलहं लभेत् । कामिन्यां धनहानिः स्याद्रात्रौ जोरभयं भवेत् ।। १२ ।। निद्रायां लभते शोकं पण़्डिते वाञ्छितं फलम् । न प्रकाश्यश्च सुस्वप्नः पण्डितैः काश्यपे व्रज ।। १३ ।। गवां च कुञ्जराणां च हयानां च व्रजेश्वर । प्रासादानां च शैलानां वृक्षाणां च तथैव च ।। १४ ।। आरोहणं च धनदं भोजनं रोदनं तथा । प्रतिगृह्यतथा वीणां सस्याढ्यां भूमिमालभेत् ।। १५ ।। शस्त्रास्त्रेण यदा विद्धो व्रणेन कृमिणा तथा । विष्ठया रुधिरेणैव संयुक्तोऽप्यर्थवान्भवेत् ।। १६ ।। स्वप्नेऽप्यगम्यागमतो भार्यालाभं करोति यः । मूत्रसिक्तः पिबेच्छुकं नरकं च विशत्यपि ।। १७ ।। नगरं प्रविशेद्रक्तं समुद्रं वा सुधां पिबेत् । शुभवार्तामवाप्नोति विपुलं चार्थमालभेत् ।। १८ ।। गजं नृपं सुवर्ण च वृषभं घेनुमेव च । दीपमन्नं फलं पुष्पं कन्यां छत्रं रथं ध्वजम् ।। १९ ।। कुटुम्बं लभते दृष्ट्वा कीर्तिं च विपुलां श्रियम् । पूर्णकुम्भंद्विजं वह्निं पुष्पताम्बूलमन्दिरम् ।। २० ।। शुक्लधान्यं नदं वेश्यां दृष्ट्वा श्रियमवाप्नुयात् । गोक्षीरं च घृतं दृष्ट्वा चार्थ पुण्यधनं लभेत् ।। २१ ।। पायसं पद्मपत्रे च दधि दुग्धं घृतं मधु । मिष्टान्नं स्वस्तिकं भुक्त्वा ध्रुवं राजा भविष्यति ।। २२ ।। पक्षिणां मानुषाणां च भुङ्क्ते मांसं नरो यदि । बह्वर्थं शुभवार्तां च लभते वाञ्छितं फलम् ।। २३ ।। छत्रं वा पादुकां वाऽपि लब्ध्वा धान्यं च गच्छति । असिं च निर्मरं तीक्ष्णं तत्तथैव भविष्यति ।। २४ ।। हेलया संतरेद्यो हि स प्रधानो भविष्यति । दृष्ट्वा च फलितं वृक्षं धनमाप्नोति निश्चितम् ।। २५ ।। सर्पेण भक्षितो यो हि णर्थलात्रश्च तद्भवेत् । स्वप्ने सूर्य विधुं दृष्ट्वा मुच्यते व्याधिबन्धनात् ।। २६ ।। वडवां कुक्कुटीं दृष्ट्वा कौञ्चीं भार्यं लभेद्ध्रुवम् । स्वप्नेयो निगडैर्बद्धः प्रतिष्ठां पुत्रमालभेत् ।। २७ ।। दध्यन्नं पायसं भुङ्कते पद्मपत्रे नदीतटे । विशीर्णपद्मपत्रे च सोऽपि राजा मविष्यति ।। २८ ।। जलौकसं वृश्चिकं च सर्प च यदि पश्यति । धनं पुत्रं च विजयं प्रतिष्ठां वा लभेदिति ।। २९ ।। शृङ्गिभिर्दंष्ट्रिभिः कोलैर्वानरैः पीडितो यदि । निश्चितं च भवेद्राजा धनं च विपुलं लभेत् ।। ३० ।। मत्स्यं मांसं मौक्तिकं च शङ्खं चन्दनहीरकम् । यस्तु पश्यति स्वप्नान्ते विपुलं धनमालभेत् ।। ३१ ।। सुरां च रुधिरं स्वर्ण भुक्त्वा विष्ठांधनं लभेत्। प्रतिमां शिवलिङ्गंच लभेद्दृष्ट्वा जयं धनम् ।। ३२ ।। फलितं पुष्पितं बिल्वमाम्रं दृष्ट्वा लभेद्धनम् । दृष्ट्वा च ज्वलदग्निं च धनं बुद्धिं श्रियं लभेत् ।। ३३ ।। आमलकं धात्रौफलमुत्पलं च धनागमम् । देवताश्च द्विजा गावः पितरो लिङ्गिनस्तथा ।। ३४ ।। यद्ददाति मिथःस्वप्ने तत्तथैव भविष्यति । शुक्लाम्बरधरा नार्यः शुक्लमाल्यानुलेपना । समाश्लिष्यन्ति यं स्वप्ने तस्य श्रीः सर्वतः सुखम् ।। ३५ ।। पीताम्बरधरां नारीं पीतमाल्यानुलेपनाम् । अवगूहति यः स्वप्ने कल्याणं तस्य जायते ।। ३६ ।। सर्वाणि शुक्लानि प्रशंसितानि भस्मास्थिकार्पासविवर्जितानि । सर्वाणि कृष्णन्यतिनिन्दितानि गोहस्तिवाजिद्विजदेववर्ज्यम् ।। ३७ ।। दिव्य स्त्री सस्मिता विप्रा नत्नभूषणभूषिता । यस्य मन्दिरमायाति स प्रियं लभते ध्रुवम् ।। ३८ ।। स्वप्ने च ब्रह्मणो देवो ब्राह्मणी देवकन्यका । ब्राह्मणो ब्राह्मणी वाऽपि संतुष्टा सस्मिता सती ।। ३९ ।। फलं ददाति यस्मै च तस्य पुत्रो भविष्यति । यं स्वप्ने ब्राह्मणा नन्द कुर्वन्ति च शुभाशिषम् ।। ४० ।। यद्वदन्ति भवेत्तस्य तस्यैश्वर्य भवेद्ध्रुवम् । परितुष्टो द्विजश्रेष्ठश्टाऽऽयाति यस्य मन्दिरम् ।। ४१ ।। नारायणः शिवो ब्रह्मा प्रविशेत्तु तदाश्रमम् । संपत्तिस्वस्य भवति यशश्च विपुलं शुभम् ।। ४२ ।। पदे पदे सुखं तस्य समानं गौरवं लभेत् । अकस्मादपि स्वप्ने तु लभते सुरभिं यदि ।। ४३ ।। भूमिलाभो भवेत्तस्य भार्या चापि पतिव्रता । करेण कृत्वा हस्ती यं मस्तके स्थापयेद्यदि ।। ४४ ।। राज्यलाभोभवेत्तस्य निश्चितं च श्रुतौ मतम् । स्वप्ने तु ब्राह्मणस्तुष्टः समाश्लिष्यतियं व्रज ।। ४५ ।। तीर्थस्नायी भवेत्सोऽपि निश्चितं च श्रियाऽन्वितः । स्वप्ने ददाति पुष्पं च यस्मै पुण्यवते द्विजः ।। ४६ ।। जययुक्तो भवेत्सोऽपि यशस्वी च धरी सुखी । स्वप्ने दृष्टवा च तीर्थानि सौधरत्नगृहाणि च ।। ४७ ।। जययुक्तश्च धनवांस्तीर्थस्नायी भवेन्नरः । स्वप्ने तु पूणंकलशं कश्चित्कस्मै ददाति च ।। ४८ ।। पुत्रलाभो भवेत्तस्य मंपत्तिं वा समालभेत् । हस्ते कृत्वा तु कुडवमाढकं वारसुन्दरी ।। ४९ ।। यस्य मन्दिरमायाति स लक्ष्मीं लभते ध्रुवम् । दिव्या स्त्री यद्गृहं गत्वा पुरीषं विसृजेद्द्विज ।। ५० ।। अर्थलाभो भवेत्तस्य दारिद्र्यं च प्रयाति च । यस्य गेहं समायाति ब्राह्मणो भार्यया सह ।। ५१ ।। पार्वत्या सह शंभुर्वा लक्ष्म्या नारायणोऽथवा । ब्राह्मणो ब्राह्मणी वाऽपि स्वप्ने तस्मै प्रदीयते ।। ५२ ।। धान्यं पुष्पाञ्जलिं वाऽपि तस्य श्रीः सर्दतोमुखी । मुक्ताहारं पुष्पमाल्यं चन्दनं च लभेद्व्रज ।। ५३ ।। स्वाप्ने ददाति विप्रश्च तस्य श्रीः सर्वo । गोरोचनं पताकां वा हरिद्रामिक्षुदण्डकम् ।। ५४ ।। सिद्धान्नं च लभेत्स्वप्ने तस्य श्रीः सर्वo । ब्राह्मणो ब्रह्माणी वाऽपि ददाति यस्य मस्तके ।। ५५ ।। छत्रं वा शुक्लवान्यं व स चराजा भविष्यति । स्वप्ने लथस्थः पुरुषः शुक्लमाल्यानुलेपनः ।। ५६ ।। तत्रस्थोदधि भुङ्क्ते च पायसं वा लृपो भवेत् । स्वप्ने ददाति विप्रश्च ब्राह्मणी च सुधांदधि ।। ५७ ।। प्रशस्तपात्रं यस्मै वा सोऽपि राजा भवेद्ध्रुवम् । कुमारी चाष्टवर्षीया रत्नभूषणभूषिता ।। ५८ ।। यस्य तुष्टा भवेत्स्वप्ने स भवेत्कविपण़्डितः । ददाति पुस्तकं स्वप्ने यस्मै पुण्यवते च सा ।। ५९ ।। स भवेद्विश्वविख्यातः कवीन्द्रः पण़्डितेश्वरः । यं पाठयति स्वप्ने वा मातेव च सुतं यथा ।। ६० ।। सरस्वतीसुतः सोऽपि तत्परो नास्ति पण्डितः । ब्राह्मणः पाठयेद्यं च पितेव यत्नपूर्वकम् ।। ६१ ।। ददाति पुस्तकं प्रीत्या स च सत्सदृशो भवेत् । प्राप्नोति पुस्तकं स्वप्ने पथि वा यत्र तत्र वा ।। ६२ ।। स पण्डितो यशस्वी च विख्यातश्च महीतले । स्वप्ने यस्मै महामन्त्रं विप्रो विप्रे ददाति चेत् ।। ६३ ।। स भवेत्पुरुषः प्राज्ञो धनवान्गुणवान्सुधीः । स्वप्ने ददाति मन्त्रं वा प्रतिमां वा शिलामयीम् ।। ६४ ।। यस्मै ददाति विप्रश्च मन्त् सिद्धिश्च तद्भवेत् । विप्रं विप्रसमूहं च दृष्ट्वा नत्वाऽऽशिषं लभेत् ।। ६५ ।। राजेन्द्रः स भवेद्वाऽपि किंवा च कविपण्डितः । शुक्लधान्ययुतां भूमीं यस्मै विप्र समुत्सृजेत् ।। ६६ ।। स्वप्नेऽपि परितुष्टश्च स भवेत्पृथिवीपतिः । स्वप्न विप्रो रथे कृत्वा नानास्वर्गं प्रदर्शयेत् ।। ६७ ।। चिरंजीवी भवेदायुर्धनवृद्धिर्भवेद्ध्रुवम् । विप्राय विप्रः संतुष्टो यस्मै कन्यां ददाति च ।। ६८ ।। स्वप्ने च स भवेन्नित्यं धनाढ्यो भूवतिः स्वयम् । स्वप्ने सरोवरं दृष्टवा समुद्रं वा नदीं नदम् ।। ६९ ।। शुक्लाहिं शुक्लशैलं च दृष्ट्वा श्रियमवाप्नुयात् । यं पश्यन्ति मृतं स्वप्ने स भवेच्चिरजीवनः ।। ७० ।। अरोगी रोगिणं दु खी सुशिनं च सुखं भवेत् । दिव्या स्त्री यं प्रवदति मम स्वामी भवानिति ।। ७१ ।। स्वप्ने दृष्ट्वा च चागतिं स च राजा भवेद्दृढम् । स्वप्ने वा कालिकां दृष्ट्वा लब्धवा स्फटिकमालिकाम् ।। ७२ ।। इन्द्रचापं शक्रवज्रं स प्रतिष्ठां लभेद्ध्रुवम् । स्वप्ने वदति यं विप्रो मम दासो भवेति च ।। ७३ ।। हरिदास्यं च मद्भक्तिं स लब्ध्वा वैष्णवो भवेत् । स्वप्ने विप्रो हरीः शंभुर्ब्राह्मणी कमला शिवा ।। ७४ ।। शक्ला स्त्री देवमाता वा जाह्नवी वा सरस्वती । गोपालिकावेषधरी बालिका राधिका मम ।। ७५ ।। बालश्च बालगोपालः स्वप्नविद्भिः प्रकाशितः । एष ते कथितो नन्द सुस्वप्नः पुण्यहेतुकः ।। श्रोतुमिच्छसि किं वा त्वं किं भूयः कथयामि ते ।। ७६ ।। इति श्रीब्रह्मo महाo श्रीकृष्णजन्मखo उत्तo नारादनाo सुस्वप्नकथानं नाम सप्तसप्ततितमोऽध्यायः ।। ७७ ।।

atha saptaspatatitamo'dhyāyaḥ nanda uvāca kena spapnena kiṃ puṇyaṃ kena mokṣo bhavetsukham | ko'pi ko'pi ca susvapnastatsarvaṃ kathaya prabho || 1 || śrībhagavānuvāca vedeṣu sāmavedaśca praśastaḥ sarvakarmasu | tathaiva kaṇvaśākhāyāṃ puṇyakāṇḍe manohare || 2 || sa vyavato yaśca duḥsvapnaḥ śaśvatapuṇyaphalapradaḥ | tatsarva nikhilaṃ tāta kathayāmi niśāmaya || 3 || svapnādhyāyaṃ pravakṣyāmi bahupuṇyaphalapradam | svapnādhyāyaṃ naraḥ śrutvā gaṅgāsnānaphalaṃ labhet || 4 || svapnaktu prathame yāme saṃvatsaraphalapradaḥ | dvitīye cāṣṭabhirmāsaistribhirmāsaistṛtīyare || 5 || caturthe cārdhamāsena svapnaḥ svātmaphalapradaḥ | daśāhe phaladaḥ svapno'pyaruṇodayadarṇane || 6 || prātaḥsvapnaśca phaladastatkṣaṇaṃ yadi bodhitaḥ | dine manasi yaddṛṣṭaṃ tatsarva ca labheddhruvam || 7 || cintāvyādhisamāyukto naraḥ svapnaṃ ca paśyati | tatsarva niṣphalaṃ tāta prayātyeva na saṃśayaḥ || 8 || jacaḍo mūtrapurīṣeṇa pīḍitaśca bhayākulaḥ | digambaro muktakeśo na labhetsvapnajaṃ phalam || 9 || dṛṣṭvā svapnaṃ ca nidrāluryadi nidrāṃ prayati ca | vimūḍho vakti cedrātrau na labhetsvapnajaṃ phalam || 10 || uktavā kāśyapagotre ca vipartti labhate dhruvam | durgate durgatiṃ yāti nīce vyādhiṃprayāti ca || 11 || śatrau bhayaṃ ca labhate mūrkhe ca kalahaṃ labhet | kāminyāṃ dhanahāniḥ syādrātrau jorabhayaṃ bhavet || 12 || nidrāyāṃ labhate śokaṃ paṇa़ḍite vāñchitaṃ phalam | na prakāśyaśca susvapnaḥ paṇḍitaiḥ kāśyape vraja || 13 || gavāṃ ca kuñjarāṇāṃ ca hayānāṃ ca vrajeśvara | prāsādānāṃ ca śailānāṃ vṛkṣāṇāṃ ca tathaiva ca || 14 || ārohaṇaṃ ca dhanadaṃ bhojanaṃ rodanaṃ tathā | pratigṛhyatathā vīṇāṃ sasyāḍhyāṃ bhūmimālabhet || 15 || śastrāstreṇa yadā viddho vraṇena kṛmiṇā tathā | viṣṭhayā rudhireṇaiva saṃyukto'pyarthavānbhavet || 16 || svapne'pyagamyāgamato bhāryālābhaṃ karoti yaḥ | mūtrasiktaḥ pibecchukaṃ narakaṃ ca viśatyapi || 17 || nagaraṃ praviśedraktaṃ samudraṃ vā sudhāṃ pibet | śubhavārtāmavāpnoti vipulaṃ cārthamālabhet || 18 || gajaṃ nṛpaṃ suvarṇa ca vṛṣabhaṃ ghenumeva ca | dīpamannaṃ phalaṃ puṣpaṃ kanyāṃ chatraṃ rathaṃ dhvajam || 19 || kuṭumbaṃ labhate dṛṣṭvā kīrtiṃ ca vipulāṃ śriyam | pūrṇakumbhaṃdvijaṃ vahniṃ puṣpatāmbūlamandiram || 20 || śukladhānyaṃ nadaṃ veśyāṃ dṛṣṭvā śriyamavāpnuyāt | gokṣīraṃ ca ghṛtaṃ dṛṣṭvā cārtha puṇyadhanaṃ labhet || 21 || pāyasaṃ padmapatre ca dadhi dugdhaṃ ghṛtaṃ madhu | miṣṭānnaṃ svastikaṃ bhuktvā dhruvaṃ rājā bhaviṣyati || 22 || pakṣiṇāṃ mānuṣāṇāṃ ca bhuṅkte māṃsaṃ naro yadi | bahvarthaṃ śubhavārtāṃ ca labhate vāñchitaṃ phalam || 23 || chatraṃ vā pādukāṃ vā'pi labdhvā dhānyaṃ ca gacchati | asiṃ ca nirmaraṃ tīkṣṇaṃ tattathaiva bhaviṣyati || 24 || helayā saṃtaredyo hi sa pradhāno bhaviṣyati | dṛṣṭvā ca phalitaṃ vṛkṣaṃ dhanamāpnoti niścitam || 25 || sarpeṇa bhakṣito yo hi ṇarthalātraśca tadbhavet | svapne sūrya vidhuṃ dṛṣṭvā mucyate vyādhibandhanāt || 26 || vaḍavāṃ kukkuṭīṃ dṛṣṭvā kauñcīṃ bhāryaṃ labheddhruvam | svapneyo nigaḍairbaddhaḥ pratiṣṭhāṃ putramālabhet || 27 || dadhyannaṃ pāyasaṃ bhuṅkate padmapatre nadītaṭe | viśīrṇapadmapatre ca so'pi rājā maviṣyati || 28 || jalaukasaṃ vṛścikaṃ ca sarpa ca yadi paśyati | dhanaṃ putraṃ ca vijayaṃ pratiṣṭhāṃ vā labhediti || 29 || śṛṅgibhirdaṃṣṭribhiḥ kolairvānaraiḥ pīḍito yadi | niścitaṃ ca bhavedrājā dhanaṃ ca vipulaṃ labhet || 30 || matsyaṃ māṃsaṃ mauktikaṃ ca śaṅkhaṃ candanahīrakam | yastu paśyati svapnānte vipulaṃ dhanamālabhet || 31 || surāṃ ca rudhiraṃ svarṇa bhuktvā viṣṭhāṃdhanaṃ labhet| pratimāṃ śivaliṅgaṃca labheddṛṣṭvā jayaṃ dhanam || 32 || phalitaṃ puṣpitaṃ bilvamāmraṃ dṛṣṭvā labheddhanam | dṛṣṭvā ca jvaladagniṃ ca dhanaṃ buddhiṃ śriyaṃ labhet || 33 || āmalakaṃ dhātrauphalamutpalaṃ ca dhanāgamam | devatāśca dvijā gāvaḥ pitaro liṅginastathā || 34 || yaddadāti mithaḥsvapne tattathaiva bhaviṣyati | śuklāmbaradharā nāryaḥ śuklamālyānulepanā | samāśliṣyanti yaṃ svapne tasya śrīḥ sarvataḥ sukham || 35 || pītāmbaradharāṃ nārīṃ pītamālyānulepanām | avagūhati yaḥ svapne kalyāṇaṃ tasya jāyate || 36 || sarvāṇi śuklāni praśaṃsitāni bhasmāsthikārpāsavivarjitāni | sarvāṇi kṛṣṇanyatininditāni gohastivājidvijadevavarjyam || 37 || divya strī sasmitā viprā natnabhūṣaṇabhūṣitā | yasya mandiramāyāti sa priyaṃ labhate dhruvam || 38 || svapne ca brahmaṇo devo brāhmaṇī devakanyakā | brāhmaṇo brāhmaṇī vā'pi saṃtuṣṭā sasmitā satī || 39 || phalaṃ dadāti yasmai ca tasya putro bhaviṣyati | yaṃ svapne brāhmaṇā nanda kurvanti ca śubhāśiṣam || 40 || yadvadanti bhavettasya tasyaiśvarya bhaveddhruvam | parituṣṭo dvijaśreṣṭhaśṭā''yāti yasya mandiram || 41 || nārāyaṇaḥ śivo brahmā praviśettu tadāśramam | saṃpattisvasya bhavati yaśaśca vipulaṃ śubham || 42 || pade pade sukhaṃ tasya samānaṃ gauravaṃ labhet | akasmādapi svapne tu labhate surabhiṃ yadi || 43 || bhūmilābho bhavettasya bhāryā cāpi pativratā | kareṇa kṛtvā hastī yaṃ mastake sthāpayedyadi || 44 || rājyalābhobhavettasya niścitaṃ ca śrutau matam | svapne tu brāhmaṇastuṣṭaḥ samāśliṣyatiyaṃ vraja || 45 || tīrthasnāyī bhavetso'pi niścitaṃ ca śriyā'nvitaḥ | svapne dadāti puṣpaṃ ca yasmai puṇyavate dvijaḥ || 46 || jayayukto bhavetso'pi yaśasvī ca dharī sukhī | svapne dṛṣṭavā ca tīrthāni saudharatnagṛhāṇi ca || 47 || jayayuktaśca dhanavāṃstīrthasnāyī bhavennaraḥ | svapne tu pūṇaṃkalaśaṃ kaścitkasmai dadāti ca || 48 || putralābho bhavettasya maṃpattiṃ vā samālabhet | haste kṛtvā tu kuḍavamāḍhakaṃ vārasundarī || 49 || yasya mandiramāyāti sa lakṣmīṃ labhate dhruvam | divyā strī yadgṛhaṃ gatvā purīṣaṃ visṛjeddvija || 50 || arthalābho bhavettasya dāridryaṃ ca prayāti ca | yasya gehaṃ samāyāti brāhmaṇo bhāryayā saha || 51 || pārvatyā saha śaṃbhurvā lakṣmyā nārāyaṇo'thavā | brāhmaṇo brāhmaṇī vā'pi svapne tasmai pradīyate || 52 || dhānyaṃ puṣpāñjaliṃ vā'pi tasya śrīḥ sardatomukhī | muktāhāraṃ puṣpamālyaṃ candanaṃ ca labhedvraja || 53 || svāpne dadāti vipraśca tasya śrīḥ sarvao | gorocanaṃ patākāṃ vā haridrāmikṣudaṇḍakam || 54 || siddhānnaṃ ca labhetsvapne tasya śrīḥ sarvao | brāhmaṇo brahmāṇī vā'pi dadāti yasya mastake || 55 || chatraṃ vā śuklavānyaṃ va sa carājā bhaviṣyati | svapne lathasthaḥ puruṣaḥ śuklamālyānulepanaḥ || 56 || tatrasthodadhi bhuṅkte ca pāyasaṃ vā lṛpo bhavet | svapne dadāti vipraśca brāhmaṇī ca sudhāṃdadhi || 57 || praśastapātraṃ yasmai vā so'pi rājā bhaveddhruvam | kumārī cāṣṭavarṣīyā ratnabhūṣaṇabhūṣitā || 58 || yasya tuṣṭā bhavetsvapne sa bhavetkavipaṇa़ḍitaḥ | dadāti pustakaṃ svapne yasmai puṇyavate ca sā || 59 || sa bhavedviśvavikhyātaḥ kavīndraḥ paṇa़ḍiteśvaraḥ | yaṃ pāṭhayati svapne vā māteva ca sutaṃ yathā || 60 || sarasvatīsutaḥ so'pi tatparo nāsti paṇḍitaḥ | brāhmaṇaḥ pāṭhayedyaṃ ca piteva yatnapūrvakam || 61 || dadāti pustakaṃ prītyā sa ca satsadṛśo bhavet | prāpnoti pustakaṃ svapne pathi vā yatra tatra vā || 62 || sa paṇḍito yaśasvī ca vikhyātaśca mahītale | svapne yasmai mahāmantraṃ vipro vipre dadāti cet || 63 || sa bhavetpuruṣaḥ prājño dhanavānguṇavānsudhīḥ | svapne dadāti mantraṃ vā pratimāṃ vā śilāmayīm || 64 || yasmai dadāti vipraśca mant siddhiśca tadbhavet | vipraṃ viprasamūhaṃ ca dṛṣṭvā natvā''śiṣaṃ labhet || 65 || rājendraḥ sa bhavedvā'pi kiṃvā ca kavipaṇḍitaḥ | śukladhānyayutāṃ bhūmīṃ yasmai vipra samutsṛjet || 66 || svapne'pi parituṣṭaśca sa bhavetpṛthivīpatiḥ | svapna vipro rathe kṛtvā nānāsvargaṃ pradarśayet || 67 || ciraṃjīvī bhavedāyurdhanavṛddhirbhaveddhruvam | viprāya vipraḥ saṃtuṣṭo yasmai kanyāṃ dadāti ca || 68 || svapne ca sa bhavennityaṃ dhanāḍhyo bhūvatiḥ svayam | svapne sarovaraṃ dṛṣṭavā samudraṃ vā nadīṃ nadam || 69 || śuklāhiṃ śuklaśailaṃ ca dṛṣṭvā śriyamavāpnuyāt | yaṃ paśyanti mṛtaṃ svapne sa bhaveccirajīvanaḥ || 70 || arogī rogiṇaṃ du khī suśinaṃ ca sukhaṃ bhavet | divyā strī yaṃ pravadati mama svāmī bhavāniti || 71 || svapne dṛṣṭvā ca cāgatiṃ sa ca rājā bhaveddṛḍham | svapne vā kālikāṃ dṛṣṭvā labdhavā sphaṭikamālikām || 72 || indracāpaṃ śakravajraṃ sa pratiṣṭhāṃ labheddhruvam | svapne vadati yaṃ vipro mama dāso bhaveti ca || 73 || haridāsyaṃ ca madbhaktiṃ sa labdhvā vaiṣṇavo bhavet | svapne vipro harīḥ śaṃbhurbrāhmaṇī kamalā śivā || 74 || śaklā strī devamātā vā jāhnavī vā sarasvatī | gopālikāveṣadharī bālikā rādhikā mama || 75 || bālaśca bālagopālaḥ svapnavidbhiḥ prakāśitaḥ | eṣa te kathito nanda susvapnaḥ puṇyahetukaḥ || śrotumicchasi kiṃ vā tvaṃ kiṃ bhūyaḥ kathayāmi te || 76 || iti śrībrahmao mahāo śrīkṛṣṇajanmakhao uttao nārādanāo susvapnakathānaṃ nāma saptasaptatitamo'dhyāyaḥ || 77 ||