Chapter 76

अथ षट्सप्ततितमोऽध्यायः नन्द उवाच येषां च दर्शने पुण्यं पापं यस्य च दर्शने । तत्सर्व वद सर्वेश श्रोतुं कौतूहरं मम ।। १ ।। श्रीभगवानुवाच सुब्राह्मणानां तीर्थानां वैष्णवानां च दर्शने । देवताप्रतिमादर्शी तीर्थस्नायी भवेन्नरः ।। २ ।। सूर्यस्य दर्शने भक्त्या मतीनां दर्शने तथाः । संन्यासिनां यतीनां च तथैव ब्रह्मचारिणाम् ।। ३ ।। भक्त्या गवां च वह्नीनां गुरूणां च विशेषतः । गजेन्द्राणां च सिंहानां श्वेताश्वानां तथैव च ।। ४ ।। शुकानां च पिकानां च खञ्जनानां तथैव च । हंसानां च मयूराणां चाषाणां शङ्खपक्षिणाम् ।। ५ ।। वत्सप्रयुक्तधेनूनासश्वत्थानां तथैव च । पतिपुत्रवतीनां च नराणां तीन्थयायिनाम् ।। ६ ।। प्रदीपानां सुवर्णानां मणीनां च विशेषतः । णुक्तानां हीरकाणां च माणिक्यानां महाशय ।। ७ ।। तुलसीशुक्लपुष्पाणां दर्शनं पापनाशम् । फलानि शुक्लधान्यानि घृतं दधि मधूनि च ।। ८ ।। पूर्णकुम्भं च लाजांश्च राजेन्द्रं दर्पणं जलम् । मालां च शुक्लपुष्पाणां दृष्ट्वा पुण्यं लभेन्नरः ।। ९ ।। गोरोचनं च कर्पूरं रजतं च सरोवरम् । पुष्पोद्यानं पुष्पितां च दृष्ट्वा पुण्यं लभेन्नरः ।। १० ।। शुक्लपक्षस्य चन्द्रं च पीयूषं चन्दनं तथा । कस्तूरीं कुङ्कुमं दृष्ट्वा नन्द पुण्यं ।। ११ ।। पताकामक्षयवटं तरुं देवोत्थितं शुभम् । देवालयं देवखातं दृष्ट्वा पुण्यं लभेन्नरः ।। १२ ।। देवाक्षितां देवद्यटं सुगन्धिपवनं तथा । शङ्खं च दुंदुभिं दृष्ट्वा सद्यः पुण्यं लभेन्नरः ।। १३ ।। शुकिंत प्रवालं रजतं स्फटिकं कुशमूलकम् । गङ्गामृदं कुशं ताम्रं दृष्ट्वा पुण्यं लभेन्नरः ।। १४ ।। पुराणपुस्तकं शुद्धं सबीजं विष्णुयन्त्रकम् । स्निग्धदूर्वाक्षते रत्नं दृष्ट्वा पुण्यं लभेन्नरः।। १५ ।। तपस्विनां सिद्धमन्त्रं मसुद्रं कृष्णसारकम् । यज्ञं महोत्सवं दृष्ट्वा स पुण्यं लभते नरः ।। १६ ।। गोमूत्रं गोमयं दुग्धं गोधूलिं गोष्ठगोष्पदम् । पक्वसस्यान्वितं क्षेत्रं दृष्ट्वा पुण्यं लभेद्ध्रुवम् ।। १७ ।। रुचिरां पद्मिनीं श्यामां न्यग्रोधपरिमण्डलाम् । सुवेषकां सुवसनां दिव्यभूषणभूषिताम् ।। १८ ।। वेश्यां क्षेमकरीं गन्धं सुदूर्वाक्षततण्डुलम् । सिद्धान्नं परमान्नं च दृष्ट्वा पुण्यं लभेन्नरः ।। १९ ।। कान्तिक्यां पूर्णिमायां च राधिकाप्रतिमां शुभाम् । संपूज्य दृष्ट्वा नत्वा च करोति जन्मखण्डनम् ।। २० ।। हिङ्गुलायां तथाऽष्टम्यामिषे मासि सिते शुभे । श्रीदुर्गाप्रतिमां दृष्ट्वा करोति जन्मखण्डनम् ।। २१ ।। शिवरात्रौ च काश्यां च विश्वनाथस्य दर्शनम् । कृत्वोपवासं पूजां च करोति जन्मखण्डनम्।। २२ ।। जन्माष्टमीदिने भक्तो दृष्ट्वा मां बिन्दुमाधवम् । प्रणम्य पूजां कृत्वा च करोति जन्मखण्डनम् ।। २३ ।। पौषे मासि शुक्लरात्रौ यत्र यत्र स्थले नरः । पद्मायाः प्रतिमां दृष्ट्वा करोति जन्मखण्डनम् ।। २४ ।। सप्तजन्म भवेत्तस्य पुत्रः पौत्रो धनेश्वरः । उपोष्यैकादशीं स्नात्वा प्रभाते द्वादशीदिने ।। २५ ।। दृष्ट्वा काश्यामन्नपूर्णां करोति जन्मखण्डनम् । चैत्रै मासि चतुर्दश्यां कामरूपेषु पुण्यदे ।। २६ ।। दृष्ट्वा नत्वा भद्रकालीं करोति जन्मखण्डनम् । अयोध्यायां च रामं च श्रीरामनवमीदिने ।। २७ ।। संपूज्य नत्वा दृष्ट्वा च करोति जन्मखण्डनम् । उपोष्य पुष्करे स्नात्वा किंवा बदरिकाश्रमे ।। २८ ।। मंपूज्य दृष्ट्वा मामेकं करोति जन्मखण्डनम् । दत्तवा तिष्णुपदे पिण्डं विष्णुं यश्च प्रपूज्येत् ।। २९ ।। पितणां स्वात्मनश्चैव करोति जन्मखण्डनम् । प्रयागे मुण्डनं कृत्वा दानं च कुरुते यदि ।। ३० ।। उपोष्य नैमिषारण्ये करोति जन्मखण्डनम् । सिद्धिं कृत्वा च वदरींभुङ्क्ते बदरिकाश्रमे ।। ३१ ।। दृष्टवा मत्प्रतिमां नन्द करोति जन्मखण्डनम् । देलायमानं गोविन्दं पुण्ये वृन्दावने च माम् ।। ३२ ।। दृष्टवा संपूज्य नत्वा च करोति जन्मखण्डनम् । भाद्रे दृष्ट्वा च मञ्चस्थं मामेव मधुसूदनम् ।। ३३ ।। संपूज्य नत्वा भक्तश्च करोति जन्मखण्डनम् । रथस्थं च जगन्नाथं यो द्रक्ष्यति कलौ नरः ।। संपूज्य नत्वा भक्त्या च करोति जन्मखण्डनम् ।। ३४ ।। उत्तरायणसंक्रान्त्यां प्रयागे स्नानमाचरेत् । संपूज्य नत्वा मामेव करोति जन्मखण्डनम् ।। ३५ ।। कार्तिक्यां पूर्णिमायां च दृष्ट्वा मत्प्रतिमां शुभाम् । उपोष्य पूजरं कृत्वा करोति जन्मखण्डनम् ।। ३६ ।। चन्द्रभागासमीपे च माध्यां च मां नमेत्सुधीः । राधया सह मां दृष्ट्वा करोति जन्मनः क्षयम् ।। ३७ ।। रामेश्वरं सेतुबन्ध अषाणीपूर्णिमादिने । उपेष्य दृष्ट्वा संपूज्य करोति जन्मखण्डनम् ।। ३८ ।। स्वर्गे विद्याधरा रात्रौ नृत्यन्ति च सुहुर्मुहुः। प्रणामं कर्तुमीशं तं समायाति विभीषणः ।। ३९ ।। गायन्ति किंनरा रात्रौ गन्धर्वाश्च मनोहरम् । प्रणामं कर्तुमीशं त समायाति य माधवः ।। ४० ।। दृष्ट्वा साक्षाद्वसन्तं च सर्वेशं चन्द्रशेखरम् । जीवन्मुक्तो भवेदन्ते प्रयाति हरिमन्दिरम् ।। ४१ ।। दीननाथं दिनकरं कोणार्के चोत्तरायणे । उपोष्य दृष्ट्वा संपूज्य करोति जन्मखण्डनम् ।। ४२ ।। कृषिकोष्ठे सुवसने कलर्विके वसुंधरे । विस्पन्दके राजकोष्ठे नन्दके पुष्पभद्रके ।। ४३ ।। पार्वतीप्रतिमां दृष्ट्वा कार्तिकेयं गणेश्वरम् । नन्दिनं शंकरं दृष्ट्वा करोति जन्मनः क्षयम् ।। ४४ ।। उपोष्य प्रातः संपूज्य दृष्ट्वा स्तुत्वा स्तुतौ नतः । पारणं च दधि प्राश्य करोति जन्मखण्डनम् ।। ४५ ।। त्रिकूटे मणिभद्रे च पश्चिमोदधिसंनिधौ । समुपोष्य दधि प्रश्य मां दृष्ट्वा मुक्तिमाप्नुयात् ।। ४६ ।। प्रतिमासु मदीयासु पार्वतीप्रतिमासु च । जीवं संन्यस्य संपूज्य करोति जन्मखण्डनम् ।। ४७ ।। शिवदुर्गालयं कृत्वा मदीयं च विशेषतः । शिवसंस्थापनं कृत्वा करोति जन्मखण्डनम् ।। ४८ ।। पुष्पोद्यानं च शंकुं च सेतुं खातं सरोवरम् । विप्रसंस्थापनं कृत्वा करोति जन्मखण्डनम् ।। ४९ ।। न च वेदाः पुराणानि ब्रह्मसंस्थापनं फलम् । जानन्ति सन्तो मुनयः सुरा विप्रादयः पितः ।। ५० ।। गण्यन्ते पांसवो भूमेर्गण्यन्ते वृष्टिबिन्दवः । न गण्यते विधात्राऽपि विप्रसंस्थापने फलम् ।। ५१ ।। कृत्वोपजींयं विप्रस्य जीवन्मुक्तो भवेन्नरः । अचलां श्रीयमाप्नोति परे सुक्तिचतुष्टयम् ।। ५२ ।। मद्दास्यभक्तिं स लभेद्वैकुण्ठे मोदके चिरम् । न हि पातो भवेत्तस्य यथा मे परमात्मनः ।। ५३ ।। कुमारीमष्टवर्षोयां सुविप्रय ददाति यः । संपूज्य सर्वाभरणां दुर्गादानफलं लभेत् ।। ५४ ।। सर्व स्वर्ग्य समालोक्य ब्रह्मलोकेषु पूजितः । लभते मम दास्यं च वैसुण्ठे मोदते चिरम् ।। ५५ ।। विवाहदर्शने कोटिस्वर्णदानफलं लभेत् । अन्ते स्वर्गे प्रयात्येवमिहैव निश्चलां श्रियम् ।। ५६ ।। यः सुविप्रमनाथं च दरिद्रं च सुपण़्डितम् । दृष्ट्वा कुर्यात्तद्विवाहं स मोक्षं लभते ध्रुवम् ।। ५७ ।। यच्छत्रपादुकादानं शालग्रामस्य योषितः । करोति भक्त्या पुण्याहे पृथ्वीदानफलं लभेत् ।। ५८ ।। गजचदाने च तल्लोममानवर्ष श्रुतौ श्रुतम् । चतुर्गुणं गजेन्द्रं च मोदते मम मन्दिरे ।। ५९ ।। गजर्ध श्वेततुरगे तदर्ध चेतने पितः । गजतुल्यं कृष्णगवां दाने च तत्फलं लभेत् ।। ६० ।। तत्तुल्यं धेनुदाने च ह्यर्धं सामान्यगोस्तथा । लभेद्वत्सप्रसूतानां दाने दाने फलं भुवः ।। ६१ ।। भूमिदाने रेणुमानवर्ष स्थानं च मत्पदे । ज्ञानदाने महत्पुण्यं वैकुण्ठे मोदते चिरम् ।। ६२ ।। श्रियं लभेत्स्वर्णदाने राजत्वं रजतेन च । अन्नदाने फलं गहं कथं जानामि पै शुतम् ।। ६३ ।। लभते सर्वदानस्य फलं ब्रह्मणभोजने । अन्नदानात्परं दानं न भूतं न भविष्यति ।। ६४ ।। नात्र पात्रपरीक्षाऽस्ति न कालनियमः क्वचित् । अन्नदाने शुभं पुण्यं दातुः पात्रं त्वपातकी ।। ६५ ।। अन्नदानं च धन्यं स्याद्भूमौ वैकुण्ठहेतुकम् । वस्त्रं ददाति विप्रय दरिद्राय कुटुम्बिने ।। ६६ ।। वस्त्रंसूत्रमानवर्ष वैकुण्ठे मोदते चिरम् । सुरम्ये चन्द्रलोके च वारुणे च तथैव च ।। ६७ ।। कृत्वा लोहप्रदीपं च स्वर्णवर्तिसमन्वितम् । दत्तवा घृतप्रदीपं च हरये परमात्मने ।। ६८ ।। अन्धकारं च न गृहं यमदूतं यमं तथा । न हि पश्यति दाता च प्रयाति मम मन्दिरम् ।। ६९ ।। ब्रह्मणाय च दत्तवैव न याति यमयातनाम् । दिव्यवर्षसहश्रं च मोदते शक्रमन्दिरे ।। ७० ।। आसनं लभते स्वर्गे वस्तुमात्रानुरूपतः । उत्तमे लक्षवर्षे च तदर्ध चेतरे व्रजेत् ।। ७१ ।। ताम्पूलेन लभेद्भोगं स्वर्गे वर्षशतं व्रजेत् । माल्यदाने प्रियं स्वर्ग वस्तुमात्रानुरूपतः ।। ७२ ।। फलदानफलं स्वर्ग लभते नात्र संशयः । सामान्यशय्यादानेन स्वर्ग वर्षशतं व्रजेत् ।। ७३ ।। चतुर्गुणं प्रकृष्टायां गुणलक्षं दिलक्षणे । अनाथाय सुविप्राय यदि गेहं प्रदीयते ।। ७४ ।। अत्रैव मानवर्ष च शक्रलोके महीयते । दृष्ट्वा बुभुक्षितं विप्रमन्नं तस्मै प्रदीयते ।। ७५ ।। अयलां श्रियमाप्नोति पुत्रपौत्रविवर्धिनीम् । व्रजनाथ व्रजं गत्वा व्रजभूमौ व्रजाधुना ।। ७६ ।। व्रज भोजय विपांश्च व्रज सर्व व्रजे व्रजे । गोकुले गोकुले वत्स वत्स वत्स निराकुले ।। ७७ ।। व्याकुलानां गोकुलानां संकुले च व्रजे व्रजे । एतत्ते कथितं नन्द सानन्दं पुण्यवर्धनम् ।। सुस्वप्नदर्शनं पुण्यं यदि नीचं न वक्ति च ।। ७८ ।। काश्यपं दुर्भगं नीचं शत्रुमज्ञानिनं स्त्रेयम् । त्यक्त्वा रात्रिं च दिवसे वक्ति विप्रं मुपण्डितम् ।। ७९ ।। देवालये च देवं वाऽप्यश्वत्थतुलशीवटम् । उक्त्वा तद्द्विगुणं पुण्यमप्रकाश्य चतुर्गुणम् ।। ८० ।। सुस्वप्नदर्शने प्राज्ञो गंगास्नानफलं लभेत् । अर्थं वित्तं च भार्या च भूमिं पुत्रं लभेत्प्रजाम् ।। ८१ ।। मोक्षं च परमैश्वर्यं लभते सर्ववाञ्छितम् । इत्येवं कथितं तात किं भूयः श्रोतुमिच्छसि ।। ८२ ।। इति श्रीब्रह्मo महाo श्रीकृष्णजन्मखo उत्तo नारदनाo भगवन्नन्दसंo षट्सप्ततितमोऽध्यायः ।। ७६ ।।

atha ṣaṭsaptatitamo'dhyāyaḥ nanda uvāca yeṣāṃ ca darśane puṇyaṃ pāpaṃ yasya ca darśane | tatsarva vada sarveśa śrotuṃ kautūharaṃ mama || 1 || śrībhagavānuvāca subrāhmaṇānāṃ tīrthānāṃ vaiṣṇavānāṃ ca darśane | devatāpratimādarśī tīrthasnāyī bhavennaraḥ || 2 || sūryasya darśane bhaktyā matīnāṃ darśane tathāḥ | saṃnyāsināṃ yatīnāṃ ca tathaiva brahmacāriṇām || 3 || bhaktyā gavāṃ ca vahnīnāṃ gurūṇāṃ ca viśeṣataḥ | gajendrāṇāṃ ca siṃhānāṃ śvetāśvānāṃ tathaiva ca || 4 || śukānāṃ ca pikānāṃ ca khañjanānāṃ tathaiva ca | haṃsānāṃ ca mayūrāṇāṃ cāṣāṇāṃ śaṅkhapakṣiṇām || 5 || vatsaprayuktadhenūnāsaśvatthānāṃ tathaiva ca | patiputravatīnāṃ ca narāṇāṃ tīnthayāyinām || 6 || pradīpānāṃ suvarṇānāṃ maṇīnāṃ ca viśeṣataḥ | ṇuktānāṃ hīrakāṇāṃ ca māṇikyānāṃ mahāśaya || 7 || tulasīśuklapuṣpāṇāṃ darśanaṃ pāpanāśam | phalāni śukladhānyāni ghṛtaṃ dadhi madhūni ca || 8 || pūrṇakumbhaṃ ca lājāṃśca rājendraṃ darpaṇaṃ jalam | mālāṃ ca śuklapuṣpāṇāṃ dṛṣṭvā puṇyaṃ labhennaraḥ || 9 || gorocanaṃ ca karpūraṃ rajataṃ ca sarovaram | puṣpodyānaṃ puṣpitāṃ ca dṛṣṭvā puṇyaṃ labhennaraḥ || 10 || śuklapakṣasya candraṃ ca pīyūṣaṃ candanaṃ tathā | kastūrīṃ kuṅkumaṃ dṛṣṭvā nanda puṇyaṃ || 11 || patākāmakṣayavaṭaṃ taruṃ devotthitaṃ śubham | devālayaṃ devakhātaṃ dṛṣṭvā puṇyaṃ labhennaraḥ || 12 || devākṣitāṃ devadyaṭaṃ sugandhipavanaṃ tathā | śaṅkhaṃ ca duṃdubhiṃ dṛṣṭvā sadyaḥ puṇyaṃ labhennaraḥ || 13 || śukiṃta pravālaṃ rajataṃ sphaṭikaṃ kuśamūlakam | gaṅgāmṛdaṃ kuśaṃ tāmraṃ dṛṣṭvā puṇyaṃ labhennaraḥ || 14 || purāṇapustakaṃ śuddhaṃ sabījaṃ viṣṇuyantrakam | snigdhadūrvākṣate ratnaṃ dṛṣṭvā puṇyaṃ labhennaraḥ|| 15 || tapasvināṃ siddhamantraṃ masudraṃ kṛṣṇasārakam | yajñaṃ mahotsavaṃ dṛṣṭvā sa puṇyaṃ labhate naraḥ || 16 || gomūtraṃ gomayaṃ dugdhaṃ godhūliṃ goṣṭhagoṣpadam | pakvasasyānvitaṃ kṣetraṃ dṛṣṭvā puṇyaṃ labheddhruvam || 17 || rucirāṃ padminīṃ śyāmāṃ nyagrodhaparimaṇḍalām | suveṣakāṃ suvasanāṃ divyabhūṣaṇabhūṣitām || 18 || veśyāṃ kṣemakarīṃ gandhaṃ sudūrvākṣatataṇḍulam | siddhānnaṃ paramānnaṃ ca dṛṣṭvā puṇyaṃ labhennaraḥ || 19 || kāntikyāṃ pūrṇimāyāṃ ca rādhikāpratimāṃ śubhām | saṃpūjya dṛṣṭvā natvā ca karoti janmakhaṇḍanam || 20 || hiṅgulāyāṃ tathā'ṣṭamyāmiṣe māsi site śubhe | śrīdurgāpratimāṃ dṛṣṭvā karoti janmakhaṇḍanam || 21 || śivarātrau ca kāśyāṃ ca viśvanāthasya darśanam | kṛtvopavāsaṃ pūjāṃ ca karoti janmakhaṇḍanam|| 22 || janmāṣṭamīdine bhakto dṛṣṭvā māṃ bindumādhavam | praṇamya pūjāṃ kṛtvā ca karoti janmakhaṇḍanam || 23 || pauṣe māsi śuklarātrau yatra yatra sthale naraḥ | padmāyāḥ pratimāṃ dṛṣṭvā karoti janmakhaṇḍanam || 24 || saptajanma bhavettasya putraḥ pautro dhaneśvaraḥ | upoṣyaikādaśīṃ snātvā prabhāte dvādaśīdine || 25 || dṛṣṭvā kāśyāmannapūrṇāṃ karoti janmakhaṇḍanam | caitrai māsi caturdaśyāṃ kāmarūpeṣu puṇyade || 26 || dṛṣṭvā natvā bhadrakālīṃ karoti janmakhaṇḍanam | ayodhyāyāṃ ca rāmaṃ ca śrīrāmanavamīdine || 27 || saṃpūjya natvā dṛṣṭvā ca karoti janmakhaṇḍanam | upoṣya puṣkare snātvā kiṃvā badarikāśrame || 28 || maṃpūjya dṛṣṭvā māmekaṃ karoti janmakhaṇḍanam | dattavā tiṣṇupade piṇḍaṃ viṣṇuṃ yaśca prapūjyet || 29 || pitaṇāṃ svātmanaścaiva karoti janmakhaṇḍanam | prayāge muṇḍanaṃ kṛtvā dānaṃ ca kurute yadi || 30 || upoṣya naimiṣāraṇye karoti janmakhaṇḍanam | siddhiṃ kṛtvā ca vadarīṃbhuṅkte badarikāśrame || 31 || dṛṣṭavā matpratimāṃ nanda karoti janmakhaṇḍanam | delāyamānaṃ govindaṃ puṇye vṛndāvane ca mām || 32 || dṛṣṭavā saṃpūjya natvā ca karoti janmakhaṇḍanam | bhādre dṛṣṭvā ca mañcasthaṃ māmeva madhusūdanam || 33 || saṃpūjya natvā bhaktaśca karoti janmakhaṇḍanam | rathasthaṃ ca jagannāthaṃ yo drakṣyati kalau naraḥ || saṃpūjya natvā bhaktyā ca karoti janmakhaṇḍanam || 34 || uttarāyaṇasaṃkrāntyāṃ prayāge snānamācaret | saṃpūjya natvā māmeva karoti janmakhaṇḍanam || 35 || kārtikyāṃ pūrṇimāyāṃ ca dṛṣṭvā matpratimāṃ śubhām | upoṣya pūjaraṃ kṛtvā karoti janmakhaṇḍanam || 36 || candrabhāgāsamīpe ca mādhyāṃ ca māṃ nametsudhīḥ | rādhayā saha māṃ dṛṣṭvā karoti janmanaḥ kṣayam || 37 || rāmeśvaraṃ setubandha aṣāṇīpūrṇimādine | upeṣya dṛṣṭvā saṃpūjya karoti janmakhaṇḍanam || 38 || svarge vidyādharā rātrau nṛtyanti ca suhurmuhuḥ| praṇāmaṃ kartumīśaṃ taṃ samāyāti vibhīṣaṇaḥ || 39 || gāyanti kiṃnarā rātrau gandharvāśca manoharam | praṇāmaṃ kartumīśaṃ ta samāyāti ya mādhavaḥ || 40 || dṛṣṭvā sākṣādvasantaṃ ca sarveśaṃ candraśekharam | jīvanmukto bhavedante prayāti harimandiram || 41 || dīnanāthaṃ dinakaraṃ koṇārke cottarāyaṇe | upoṣya dṛṣṭvā saṃpūjya karoti janmakhaṇḍanam || 42 || kṛṣikoṣṭhe suvasane kalarvike vasuṃdhare | vispandake rājakoṣṭhe nandake puṣpabhadrake || 43 || pārvatīpratimāṃ dṛṣṭvā kārtikeyaṃ gaṇeśvaram | nandinaṃ śaṃkaraṃ dṛṣṭvā karoti janmanaḥ kṣayam || 44 || upoṣya prātaḥ saṃpūjya dṛṣṭvā stutvā stutau nataḥ | pāraṇaṃ ca dadhi prāśya karoti janmakhaṇḍanam || 45 || trikūṭe maṇibhadre ca paścimodadhisaṃnidhau | samupoṣya dadhi praśya māṃ dṛṣṭvā muktimāpnuyāt || 46 || pratimāsu madīyāsu pārvatīpratimāsu ca | jīvaṃ saṃnyasya saṃpūjya karoti janmakhaṇḍanam || 47 || śivadurgālayaṃ kṛtvā madīyaṃ ca viśeṣataḥ | śivasaṃsthāpanaṃ kṛtvā karoti janmakhaṇḍanam || 48 || puṣpodyānaṃ ca śaṃkuṃ ca setuṃ khātaṃ sarovaram | viprasaṃsthāpanaṃ kṛtvā karoti janmakhaṇḍanam || 49 || na ca vedāḥ purāṇāni brahmasaṃsthāpanaṃ phalam | jānanti santo munayaḥ surā viprādayaḥ pitaḥ || 50 || gaṇyante pāṃsavo bhūmergaṇyante vṛṣṭibindavaḥ | na gaṇyate vidhātrā'pi viprasaṃsthāpane phalam || 51 || kṛtvopajīṃyaṃ viprasya jīvanmukto bhavennaraḥ | acalāṃ śrīyamāpnoti pare sukticatuṣṭayam || 52 || maddāsyabhaktiṃ sa labhedvaikuṇṭhe modake ciram | na hi pāto bhavettasya yathā me paramātmanaḥ || 53 || kumārīmaṣṭavarṣoyāṃ suvipraya dadāti yaḥ | saṃpūjya sarvābharaṇāṃ durgādānaphalaṃ labhet || 54 || sarva svargya samālokya brahmalokeṣu pūjitaḥ | labhate mama dāsyaṃ ca vaisuṇṭhe modate ciram || 55 || vivāhadarśane koṭisvarṇadānaphalaṃ labhet | ante svarge prayātyevamihaiva niścalāṃ śriyam || 56 || yaḥ suvipramanāthaṃ ca daridraṃ ca supaṇa़ḍitam | dṛṣṭvā kuryāttadvivāhaṃ sa mokṣaṃ labhate dhruvam || 57 || yacchatrapādukādānaṃ śālagrāmasya yoṣitaḥ | karoti bhaktyā puṇyāhe pṛthvīdānaphalaṃ labhet || 58 || gajacadāne ca tallomamānavarṣa śrutau śrutam | caturguṇaṃ gajendraṃ ca modate mama mandire || 59 || gajardha śvetaturage tadardha cetane pitaḥ | gajatulyaṃ kṛṣṇagavāṃ dāne ca tatphalaṃ labhet || 60 || tattulyaṃ dhenudāne ca hyardhaṃ sāmānyagostathā | labhedvatsaprasūtānāṃ dāne dāne phalaṃ bhuvaḥ || 61 || bhūmidāne reṇumānavarṣa sthānaṃ ca matpade | jñānadāne mahatpuṇyaṃ vaikuṇṭhe modate ciram || 62 || śriyaṃ labhetsvarṇadāne rājatvaṃ rajatena ca | annadāne phalaṃ gahaṃ kathaṃ jānāmi pai śutam || 63 || labhate sarvadānasya phalaṃ brahmaṇabhojane | annadānātparaṃ dānaṃ na bhūtaṃ na bhaviṣyati || 64 || nātra pātraparīkṣā'sti na kālaniyamaḥ kvacit | annadāne śubhaṃ puṇyaṃ dātuḥ pātraṃ tvapātakī || 65 || annadānaṃ ca dhanyaṃ syādbhūmau vaikuṇṭhahetukam | vastraṃ dadāti vipraya daridrāya kuṭumbine || 66 || vastraṃsūtramānavarṣa vaikuṇṭhe modate ciram | suramye candraloke ca vāruṇe ca tathaiva ca || 67 || kṛtvā lohapradīpaṃ ca svarṇavartisamanvitam | dattavā ghṛtapradīpaṃ ca haraye paramātmane || 68 || andhakāraṃ ca na gṛhaṃ yamadūtaṃ yamaṃ tathā | na hi paśyati dātā ca prayāti mama mandiram || 69 || brahmaṇāya ca dattavaiva na yāti yamayātanām | divyavarṣasahaśraṃ ca modate śakramandire || 70 || āsanaṃ labhate svarge vastumātrānurūpataḥ | uttame lakṣavarṣe ca tadardha cetare vrajet || 71 || tāmpūlena labhedbhogaṃ svarge varṣaśataṃ vrajet | mālyadāne priyaṃ svarga vastumātrānurūpataḥ || 72 || phaladānaphalaṃ svarga labhate nātra saṃśayaḥ | sāmānyaśayyādānena svarga varṣaśataṃ vrajet || 73 || caturguṇaṃ prakṛṣṭāyāṃ guṇalakṣaṃ dilakṣaṇe | anāthāya suviprāya yadi gehaṃ pradīyate || 74 || atraiva mānavarṣa ca śakraloke mahīyate | dṛṣṭvā bubhukṣitaṃ vipramannaṃ tasmai pradīyate || 75 || ayalāṃ śriyamāpnoti putrapautravivardhinīm | vrajanātha vrajaṃ gatvā vrajabhūmau vrajādhunā || 76 || vraja bhojaya vipāṃśca vraja sarva vraje vraje | gokule gokule vatsa vatsa vatsa nirākule || 77 || vyākulānāṃ gokulānāṃ saṃkule ca vraje vraje | etatte kathitaṃ nanda sānandaṃ puṇyavardhanam || susvapnadarśanaṃ puṇyaṃ yadi nīcaṃ na vakti ca || 78 || kāśyapaṃ durbhagaṃ nīcaṃ śatrumajñāninaṃ streyam | tyaktvā rātriṃ ca divase vakti vipraṃ mupaṇḍitam || 79 || devālaye ca devaṃ vā'pyaśvatthatulaśīvaṭam | uktvā taddviguṇaṃ puṇyamaprakāśya caturguṇam || 80 || susvapnadarśane prājño gaṃgāsnānaphalaṃ labhet | arthaṃ vittaṃ ca bhāryā ca bhūmiṃ putraṃ labhetprajām || 81 || mokṣaṃ ca paramaiśvaryaṃ labhate sarvavāñchitam | ityevaṃ kathitaṃ tāta kiṃ bhūyaḥ śrotumicchasi || 82 || iti śrībrahmao mahāo śrīkṛṣṇajanmakhao uttao nāradanāo bhagavannandasaṃo ṣaṭsaptatitamo'dhyāyaḥ || 76 ||