Śrī Kṛṣṇa-janma-khaṇḍa · Chapter 45
Source।। श्रीकृष्ण उवाच ।। अथ वेदविधानेन संस्थाप्य वह्निमीश्वरः ।। यज्ञं चकार तत्रैव वामे संस्थाप्य पार्वतीम् ।। १ ।। निवृत्ते विधिवद्यज्ञे विप्राय दक्षिणां ददौ ।। शिवः शतसुवर्णानि वृंदावनविनोदिनि ।। २ ।। अथ प्रदीपमानीय शैलेंद्रनगरस्त्रियः ।। निर्वर्त्य मंगलं कर्म गृहं संप्राप्य दंपती ।। ३ ।। कृत्वा जयध्वनिं प्रीत्या शुभनिर्मञ्छनादिकम् ।। सस्मिताः सकटाक्षाश्च पुलकांचितविग्रहाः ।। ४ ।। वासगेहं संप्रविश्य ददृशुः कामिनीगणाः ।। शंकरं रूपवेषाढ्यं रत्नभूषणभूषितम् ।। ५ ।। चन्दनागुरुकस्तूरीकुंकुमांचितविग्रहम् ।। ईषद्धास्यप्रसन्नास्यं सकटाक्षं मनोहरम् ।। ६ ।। अपूर्वसूक्ष्मवेषाढ्यं सिंदूरबिंदुभूषितम् ।। चारुचंपकवर्णाभं सर्वावयवसुंदरम् ।। ७ ।। नवीनयौवनस्थं च मुनीन्द्रचित्तमोहनम् ।। सरस्वतीं च लक्ष्मीं च सावित्रीं जाह्नवीं रतिम् ।।८।। अदितिं च शचीं चैव लोपामुद्रामरुंधतीम् ।। अहल्यां तुलसीं स्वाहां रोहिणीं च वसुंधराम् ।। ९ ।। शतरूपां च संज्ञां च सतीस्त्रीणां च षोडश ।। देवकन्या नागकन्या मुनिकन्या मनोहराः ।।4.45.१०।। या याः स्थितास्तत्र तासां संख्यां कर्तुं च कः क्षमः ।। ताभी रत्नासने दत्ते तत्रोवास शिवो मुदा ।। तमूचुः क्रमशो देव्यो मधुरोक्तिं सुधामिव ।। ११ ।। सरस्वत्युवाच ।। प्राप्ता सती महादेवाधुना प्राणधिका मुदा ।। दृष्ट्वा प्रियास्यं चंद्राभं संतापं त्यज कामुक ।। ।। १२ ।। कालं गमय कालेश सदा संश्लेषपूर्वकम् ।। विश्लेषस्ते न भविता सर्वकालं ममाशिषा ।। १३ ।। लक्ष्मीरुवाच ।। लज्जां विहाय देवेश सतीं कृत्वा स्ववक्षसि ।। तिष्ठ संप्रति का लज्जा प्राणा यांति यया विना ।। १४ ।। सावित्र्युवाच ।। भोजयित्वा सतीं शंभो शीघ्रं भोजय मा खिदः ।। तदाचम्य सकर्पूरं तांबूलं देहि भक्तितः ।। १५ ।। जाह्नव्युवाच ।। स्वर्णकंकतिकां धृत्वा केशान्मार्जय योषितः ।। कामिन्याः स्वामिसौभाग्यं सुखं नातः परं भवेत् ।। १६ ।। रतिरुवाच ।। गृहीत्वा पार्वतीं देव सुभगामतिदुर्लभाम् ।। कथं मम प्राणनाथो निःस्वार्थ भस्मसात्कृतः ।। १७ ।। जीवयसि विभो कामं कामव्यापारमात्मनि ।। कुरु दूरं च संतापं मम विश्लेषहेतुकम् ।।१८ ।। दम्पतीविरहक्लेशं सर्वं ज्ञात्वा दयानिधे ।। तथापि मम कांतश्च कोपेन भस्मसात्कृतः ।। १९ ।। इत्युक्त्वा कामभस्माथ ददौ सा ग्रन्थिबंधितम् ।। रुरोद पुरतः शंभोर्नाथनाथेत्युदीर्य च ।। 4.45.२० ।। हरिस्तद्रोदनं श्रुत्वा करुणामयसागरः ।। ब्रह्मा धर्मादिदेवाश्च ययुर्वासगृहं शिवम् ।। २१ ।। दृष्ट्वा नारायणं धर्मं ब्रह्माणं च सुरानपि ।। जवेन पीठादुत्थाय स्वाज्ञां कुर्वित्युवाच ह ।। २२ ।। शंकरस्य वचः श्रुत्वा तमुवाच हरिः स्वयम् ।। कामं जीवय हे रुद्रेत्युक्त्वा शीघ्रं जगाम सः ।। २३ ।। ऊचुर्देव्यो बहुतरं वाक्यं विनयपूर्वकम्।। क्रुधा दृष्ट्वा शूलभृतो भस्मतो निर्गतः स्मरः ।। २४ ।। दृष्ट्वा कामं रतिस्तं च प्रणनाम महेश्वरम् ।। तद्रूपं च तदाकारं सस्मितं सधनुःशरम् ।। २५ ।। प्रणम्य शंकरं कामः स्तुतिं कृत्वा यथागमम् ।। बहिर्गत्वा हरिं देवान्प्रणम्य समुवाच ह ।। २६ ।। कामं संभाष्य देवाश्च युयुजुश्च तमाशिषम् ।। काले रक्षा विनाशश्च निषेधः केन वार्यते ।। २७।। अथ शैलः सुरान्सर्वान्नारायणपुरोगमान् ।। भोजयामास भक्त्या च शाययामास यत्नतः ।। २८ ।। अथ शंभुर्वासगृहे वामे संस्थाप्य पार्वतीम् ।। मिष्टान्नं भोजयामास तया सह मुदान्वितः ।। २९ ।। भुक्तवंतं शिवं तत्र देवमाताऽदितिः स्वयम् ।। उवाच सस्मितं राधे संप्रीत्या सरसं वचः ।। 4.45.३० ।। अदितिरुवाच ।। भोजनांते शचि शंभोः शौचार्थं जलमर्पय ।। देहि शीघ्रं मम प्रीत्या दंपत्योः प्रीतिपूर्वकम् ।। ३१ ।। शच्युवाच ।। कृत्वा विलापं यद्धेतोः शवं कृत्वा स्ववक्षसि ।। यो बभ्राम भुवं मोहात्कालेन प्राप तां सतीम् ।। ३२ ।। अरुंधत्युवाच ।। मया दत्ता सती तुभ्यं मेना दातुमनीप्सिता ।। विविधं बोधयित्वेमां रतिं च कर्तुमर्हसि ।। ३३ ।। अहल्योवाच ।। वृद्धावस्थां परित्यज्य ह्यतीव तरुणोऽधुना ।। तेन मेना तु मेने त्वां सुतामर्पितुमीश्वर ।। ३४ ।। तुलस्युवाच ।। सती त्वया परित्यक्ता कामो दग्धः पुराकृतः ।। कथं तदा वसिष्ठश्च प्रभो प्रस्थापितोऽधुना ।। ३५ ।। स्वाहोवाच ।। स्थिरो भव महादेव स्त्रीणां वचसि सांप्रतम् ।। विवाहे व्यवहारोऽस्ति पुरस्त्रीणां प्रगल्भता ।। ३६ ।। रोहिण्युवाच ।। कामं पूरय पार्वत्याः कामशास्त्रविशारद ।। कुरु पारं स्वयं कामी कामिनां कामसागरम् ।। ।। ३७ ।। वसुंधरोवाच ।। भोगद्रव्यं विना भोगी न हि तुष्टः क्षुधातुरः ।। येन तुष्टिर्भवेच्छंभो तत्कर्तुमुचितं स्त्रिया ।। ३८ ।। संज्ञोवाच ।। जानासि भावं सर्वज्ञ कामार्तानां च योषिताम् ।। न च स्वस्वामिनं शंभो सती जानाति संगतम् ।। ३९ ।। शतरूपोवाच ।। तूर्णं प्रस्थापय प्रीत्या पार्वत्या सह शंकरम् ।। रत्नप्रदीपं तांबूलं तल्पं निर्माय निर्जने ।। 4.45.४० ।। श्रीकृष्ण उवाच ।। स्त्रीणां तद्वचनं श्रुत्वा ता उवाच शिवः स्वयम् ।। निर्विकारी च भगवान्योगींद्राणां गुरोर्गुरुः ।। ४१ ।। शंकर उवाच ।। देव्यो मा वदतोक्तिं च ह्येवंभूतां ममांतिके ।। जगतां मातरः साध्व्यः पुत्रे चपलता कथम् ।।४२।। शंकरस्य वचः श्रुत्वा लज्जिताः सुरयोषितः ।। बभूवुः संभ्रमात्तूष्णीं चित्रपुत्तलिका यथा ।। ४३ ।। भुक्त्वा मिष्टानि भगवानाचम्य च मुदाऽन्वितः ।। सकर्पूरं च तांबूलं बुभुजे भार्यया सह ।। ४४ ।। रत्नसिंहासने शंभुर्मेनादत्ते मनोहरे ।। सन्निधाय मुदायुक्तो ददर्श वासमंदिरम् ।। ४५ रत्नप्रदीपशतकैर्ज्वलद्भि र्ज्वलितं श्रिया ।। रत्नपात्रघटाकीर्णं मुक्तामाणिक्यभूषितम् ।। ४६ ।। रत्नदर्पणशोभाढ्यं मंडितं श्वेतचामरैः ।। चंदनागुरुसंयुक्तं पुष्पशय्यासमन्वितम् ।। ४७ ।। नानाचित्रविचित्राढयं निर्मितं विश्वकर्मणा ।। रत्नसारेण खचितं रचितं हीरकैर्वरैः ।। ४८ ।। कुत्रचित्सुरनिर्माणवैकुंठसुमनोहरम् ।। वृंदावनं कुंजवनं कुत्रचिद्रासमंडलम् ।। ४९ ।। कैलासं च कुत्रचन कुत्रचिदिंद्रमंदिरम् ।। दृष्ट्वाश्चर्यं महादेवः परितुष्टो बभूव ह ।। 4.45.५० ।। अथ प्रभातकालश्च बभूव प्राणवल्लभे ।। नानाप्रकारवाद्यानि वादयांचक्रिरे जनाः ।। ५१ ।। सर्वे सुराः समुत्तस्थुः सज्जीभूताः ससंभ्रमाः ।। स्ववाहनान्समारुह्य कैलासं गन्तुमुद्यताः ।।५२।। वासगेहं समागत्य धर्मो नारायणाज्ञया ।। उवाच शंकरं योगी योगीशं समयोचितम् ।। ५३ ।। धर्म उवाच ।। उत्तिष्ठोत्तिष्ठ भद्रं ते भवतु प्रमथाधिप ।। पार्वत्या सह माहेंद्रे यात्रां कुरु हरिं स्मरन् ।। ५४ ।। इत्थं धर्मवचः श्रुत्वा पार्वत्या सह शंकरः ।। यात्रां चकार माहेंद्रे वृंदावनविनोदिनि ।। ५५ ।। यात्रां कुर्वति देवेशे पार्वत्या सह शंकरे ।। उच्चै रुदित्वा सा मेना तमुवाच कृपानिधिम् ।। ५६ ।। मेनोवाच ।। कृपानिधे कृपां कृत्वा मद्वत्सां पालयिष्यसि ।। सहस्रदोषान्भगवानाशुतोषः क्षमिष्यसि ।। ५७ ।। त्वत्पदांबुजभक्तैषा मद्वत्सा जन्म जन्मनि ।। स्वप्ने ज्ञाने स्मृतिर्नास्ति महादेवप्रभुं विना ।। ५८ ।। त्वद्भक्तिश्रुतिमात्रेण हर्षाश्रुपुलकान्विता ।। त्वन्निंदया भवेन्मौना मृत्युंजय मृता इव ।। ५९ ।। इत्युक्ता मेनका शीघ्रं तत्रागत्य हिमालयः ।। उच्चै रुरोद च तदा वत्सां कृत्वा स्ववक्षसि ।। 4.45.६० ।। क्व यासि वत्सेत्युच्चार्य शून्यं कृत्वा हिमालयम् ।। स्मारंस्मारं तद्गणौघं विदार्य मन्मनः स्फुटम् ।। ६१ ।। इत्येवमुक्त्वा शैलेन्द्रः समर्प्य च शिवां शिवे ।। स शैलः सहपुत्रश्च रुरोदोच्चैर्मुहुर्मुहुः ।। ६२ ।। नारायणश्च भगवानध्यात्मविद्यया स्वयम् ।। सर्वान्प्रबोधयामास कृपया स कृपानिधिः ।। ६३ ।। ननाम पार्वती भक्त्या मातरं पितरं गुरुम् ।। मायया च महामाया रुरोदोच्चैर्मुर्हुमुहुः ।। ६४ ।। पार्वतीरोदनेनैव रुरुदुः सर्वयोषितः ।। मुनयश्च सुराः सर्वे सस्त्रीकाः सगणं ध्रुवम् ।। ६५ ।। शीघ्रं ययुस्ते कैलासं देवा मानसशायिनः ।। मुहूर्तार्द्धेन मुदिताः संप्रापुः शंकरालयम् ।। ६६ ।। दृष्ट्वा गतं देवपत्न्यो मुनिपत्न्यश्च सत्वरम् ।। आययुर्दीपमानीय मुदा मङ्गलकर्मणि ।। ६७ वायुपत्नी कुबेरस्य कामिनी शुक्रकामिनी ।। तारा सुरगुरोः पत्नी पत्नी दुर्वाससस्तथा ।। ६८ ।। अत्रिभार्यानुसूया च चंद्रपत्न्यस्तथैव च ।। देवकन्या नागकन्या मुनिकन्याः सहस्रशः ।। ६९ ।। असंख्यकामिनीसंघः संख्यां कर्तुं च कः क्षमः ।। ताश्च प्रवेशयामासुर्दंपतीवासमंदिरम् ।। 4.45.७०।। रत्नसिंहासने रम्ये वासयामासुरीश्वरीम् ।। सतीं तां दर्शयामास शिवः पूर्वालयं मुदा ।। ७१ ।। सति स्मरस्यतो गेहाद्यद्गता तातमंदिरम् ।। अधुना शैलकन्या त्वं तत्र दक्षसुता पुरा ।। ७२ ।। जातिस्मरां स्मारयामि नित्यं स्मरसि चेद्वद ।। शंकरस्य वचः श्रुत्वा सस्मितोवाच सा सती ।। ७३ ।। सर्वं स्मरामि प्राणेश मौनीभूतो भवेति तम् ।। शिवः संभृतसंभारो नानावस्तुमनोहरम् ।। ७४ ।। भोजयामास देवांश्च नारायणपुरोगमान् ।। भुक्त्वा देवाः प्रजग्मुस्ते नानारत्नविभूषिताः।।७५।। सस्त्रीका सगणाः सर्वे प्रणम्य चन्द्रशेखरम् ।। नारायणं च ब्रह्माणं ननाम शंकरः स्वयम् ।।७६।। तौ च तं च समाश्लिष्याशिषं कृत्वा प्रजग्मतुः ।। अथ शैलश्च मेना च मैनाकमाजुहाव ह ।। ७७ ।। शीघ्रमानय भद्रं ते पार्वतीं शंकरं सुत ।। तयोः स वचनं श्रुत्वा शीघ्रं गत्वा शिवालयम् ।।७८।। आजगाम समानीय पार्वतीपरमेश्वरौ ।। पार्वत्यागमनं श्रुत्वा बालाश्च बालिकास्तथा ।।७९।। वृद्धा युवत्यो या याश्च शैलाश्च दुद्रुवुर्मुदा ।। मेना सुताभ्यां वध्वा च सह दुद्राव सस्मिता ।। 4.45.८० ।। हिमालयश्च मुदितो दुद्रावानुव्रजन्सुताम् ।। अवरुह्य रथाद्देवी मातरं पितरं गुरुम् ।।८१।। प्रणनाम प्रमुदिता निमग्नाऽऽनन्दसागरे ।। पार्वतीं च समाश्लिष्य मेनका हर्षविह्वला ।। ८२ ।। हिमालयश्च मुदितो गताः प्राणा इवागताः ।। सुतां निधाय गेहे स्वे रत्नसिंहासनं ददौ ।।८३।। शूलभृते गणेभ्यश्च मधुपर्कादिकं मुदा ।। तस्थौ श्वशुरगेहे च सगणश्चन्द्रशेखरः ।।८४।। नित्यं षोडशोपचारैः पूजितः सह भार्यया ।। इत्येवं कथितं राधे शंकरोद्वाहमङ्गलम् ।। शोकजं हर्षजनकं किं भूयः श्रोतुमिच्छसि ।। ८५ ।। ।। इति श्रीब्रह्मवैवर्त्ते महापुराणे श्रीकृष्णजन्मखण्डे नारायणनारदसंवादे शंकरविवाहो नाम पञ्चचत्वारिंशोऽध्यायः ।। ।। ४५ ।।
|| śrīkṛṣṇa uvāca || atha vedavidhānena saṃsthāpya vahnimīśvaraḥ || yajñaṃ cakāra tatraiva vāme saṃsthāpya pārvatīm || 1 || nivṛtte vidhivadyajñe viprāya dakṣiṇāṃ dadau || śivaḥ śatasuvarṇāni vṛṃdāvanavinodini || 2 || atha pradīpamānīya śaileṃdranagarastriyaḥ || nirvartya maṃgalaṃ karma gṛhaṃ saṃprāpya daṃpatī || 3 || kṛtvā jayadhvaniṃ prītyā śubhanirmañchanādikam || sasmitāḥ sakaṭākṣāśca pulakāṃcitavigrahāḥ || 4 || vāsagehaṃ saṃpraviśya dadṛśuḥ kāminīgaṇāḥ || śaṃkaraṃ rūpaveṣāḍhyaṃ ratnabhūṣaṇabhūṣitam || 5 || candanāgurukastūrīkuṃkumāṃcitavigraham || īṣaddhāsyaprasannāsyaṃ sakaṭākṣaṃ manoharam || 6 || apūrvasūkṣmaveṣāḍhyaṃ siṃdūrabiṃdubhūṣitam || cārucaṃpakavarṇābhaṃ sarvāvayavasuṃdaram || 7 || navīnayauvanasthaṃ ca munīndracittamohanam || sarasvatīṃ ca lakṣmīṃ ca sāvitrīṃ jāhnavīṃ ratim ||8|| aditiṃ ca śacīṃ caiva lopāmudrāmaruṃdhatīm || ahalyāṃ tulasīṃ svāhāṃ rohiṇīṃ ca vasuṃdharām || 9 || śatarūpāṃ ca saṃjñāṃ ca satīstrīṇāṃ ca ṣoḍaśa || devakanyā nāgakanyā munikanyā manoharāḥ ||4.45.10|| yā yāḥ sthitāstatra tāsāṃ saṃkhyāṃ kartuṃ ca kaḥ kṣamaḥ || tābhī ratnāsane datte tatrovāsa śivo mudā || tamūcuḥ kramaśo devyo madhuroktiṃ sudhāmiva || 11 || sarasvatyuvāca || prāptā satī mahādevādhunā prāṇadhikā mudā || dṛṣṭvā priyāsyaṃ caṃdrābhaṃ saṃtāpaṃ tyaja kāmuka || || 12 || kālaṃ gamaya kāleśa sadā saṃśleṣapūrvakam || viśleṣaste na bhavitā sarvakālaṃ mamāśiṣā || 13 || lakṣmīruvāca || lajjāṃ vihāya deveśa satīṃ kṛtvā svavakṣasi || tiṣṭha saṃprati kā lajjā prāṇā yāṃti yayā vinā || 14 || sāvitryuvāca || bhojayitvā satīṃ śaṃbho śīghraṃ bhojaya mā khidaḥ || tadācamya sakarpūraṃ tāṃbūlaṃ dehi bhaktitaḥ || 15 || jāhnavyuvāca || svarṇakaṃkatikāṃ dhṛtvā keśānmārjaya yoṣitaḥ || kāminyāḥ svāmisaubhāgyaṃ sukhaṃ nātaḥ paraṃ bhavet || 16 || ratiruvāca || gṛhītvā pārvatīṃ deva subhagāmatidurlabhām || kathaṃ mama prāṇanātho niḥsvārtha bhasmasātkṛtaḥ || 17 || jīvayasi vibho kāmaṃ kāmavyāpāramātmani || kuru dūraṃ ca saṃtāpaṃ mama viśleṣahetukam ||18 || dampatīvirahakleśaṃ sarvaṃ jñātvā dayānidhe || tathāpi mama kāṃtaśca kopena bhasmasātkṛtaḥ || 19 || ityuktvā kāmabhasmātha dadau sā granthibaṃdhitam || ruroda purataḥ śaṃbhornāthanāthetyudīrya ca || 4.45.20 || haristadrodanaṃ śrutvā karuṇāmayasāgaraḥ || brahmā dharmādidevāśca yayurvāsagṛhaṃ śivam || 21 || dṛṣṭvā nārāyaṇaṃ dharmaṃ brahmāṇaṃ ca surānapi || javena pīṭhādutthāya svājñāṃ kurvityuvāca ha || 22 || śaṃkarasya vacaḥ śrutvā tamuvāca hariḥ svayam || kāmaṃ jīvaya he rudretyuktvā śīghraṃ jagāma saḥ || 23 || ūcurdevyo bahutaraṃ vākyaṃ vinayapūrvakam|| krudhā dṛṣṭvā śūlabhṛto bhasmato nirgataḥ smaraḥ || 24 || dṛṣṭvā kāmaṃ ratistaṃ ca praṇanāma maheśvaram || tadrūpaṃ ca tadākāraṃ sasmitaṃ sadhanuḥśaram || 25 || praṇamya śaṃkaraṃ kāmaḥ stutiṃ kṛtvā yathāgamam || bahirgatvā hariṃ devānpraṇamya samuvāca ha || 26 || kāmaṃ saṃbhāṣya devāśca yuyujuśca tamāśiṣam || kāle rakṣā vināśaśca niṣedhaḥ kena vāryate || 27|| atha śailaḥ surānsarvānnārāyaṇapurogamān || bhojayāmāsa bhaktyā ca śāyayāmāsa yatnataḥ || 28 || atha śaṃbhurvāsagṛhe vāme saṃsthāpya pārvatīm || miṣṭānnaṃ bhojayāmāsa tayā saha mudānvitaḥ || 29 || bhuktavaṃtaṃ śivaṃ tatra devamātā'ditiḥ svayam || uvāca sasmitaṃ rādhe saṃprītyā sarasaṃ vacaḥ || 4.45.30 || aditiruvāca || bhojanāṃte śaci śaṃbhoḥ śaucārthaṃ jalamarpaya || dehi śīghraṃ mama prītyā daṃpatyoḥ prītipūrvakam || 31 || śacyuvāca || kṛtvā vilāpaṃ yaddhetoḥ śavaṃ kṛtvā svavakṣasi || yo babhrāma bhuvaṃ mohātkālena prāpa tāṃ satīm || 32 || aruṃdhatyuvāca || mayā dattā satī tubhyaṃ menā dātumanīpsitā || vividhaṃ bodhayitvemāṃ ratiṃ ca kartumarhasi || 33 || ahalyovāca || vṛddhāvasthāṃ parityajya hyatīva taruṇo'dhunā || tena menā tu mene tvāṃ sutāmarpitumīśvara || 34 || tulasyuvāca || satī tvayā parityaktā kāmo dagdhaḥ purākṛtaḥ || kathaṃ tadā vasiṣṭhaśca prabho prasthāpito'dhunā || 35 || svāhovāca || sthiro bhava mahādeva strīṇāṃ vacasi sāṃpratam || vivāhe vyavahāro'sti purastrīṇāṃ pragalbhatā || 36 || rohiṇyuvāca || kāmaṃ pūraya pārvatyāḥ kāmaśāstraviśārada || kuru pāraṃ svayaṃ kāmī kāmināṃ kāmasāgaram || || 37 || vasuṃdharovāca || bhogadravyaṃ vinā bhogī na hi tuṣṭaḥ kṣudhāturaḥ || yena tuṣṭirbhavecchaṃbho tatkartumucitaṃ striyā || 38 || saṃjñovāca || jānāsi bhāvaṃ sarvajña kāmārtānāṃ ca yoṣitām || na ca svasvāminaṃ śaṃbho satī jānāti saṃgatam || 39 || śatarūpovāca || tūrṇaṃ prasthāpaya prītyā pārvatyā saha śaṃkaram || ratnapradīpaṃ tāṃbūlaṃ talpaṃ nirmāya nirjane || 4.45.40 || śrīkṛṣṇa uvāca || strīṇāṃ tadvacanaṃ śrutvā tā uvāca śivaḥ svayam || nirvikārī ca bhagavānyogīṃdrāṇāṃ gurorguruḥ || 41 || śaṃkara uvāca || devyo mā vadatoktiṃ ca hyevaṃbhūtāṃ mamāṃtike || jagatāṃ mātaraḥ sādhvyaḥ putre capalatā katham ||42|| śaṃkarasya vacaḥ śrutvā lajjitāḥ surayoṣitaḥ || babhūvuḥ saṃbhramāttūṣṇīṃ citraputtalikā yathā || 43 || bhuktvā miṣṭāni bhagavānācamya ca mudā'nvitaḥ || sakarpūraṃ ca tāṃbūlaṃ bubhuje bhāryayā saha || 44 || ratnasiṃhāsane śaṃbhurmenādatte manohare || sannidhāya mudāyukto dadarśa vāsamaṃdiram || 45 ratnapradīpaśatakairjvaladbhi rjvalitaṃ śriyā || ratnapātraghaṭākīrṇaṃ muktāmāṇikyabhūṣitam || 46 || ratnadarpaṇaśobhāḍhyaṃ maṃḍitaṃ śvetacāmaraiḥ || caṃdanāgurusaṃyuktaṃ puṣpaśayyāsamanvitam || 47 || nānācitravicitrāḍhayaṃ nirmitaṃ viśvakarmaṇā || ratnasāreṇa khacitaṃ racitaṃ hīrakairvaraiḥ || 48 || kutracitsuranirmāṇavaikuṃṭhasumanoharam || vṛṃdāvanaṃ kuṃjavanaṃ kutracidrāsamaṃḍalam || 49 || kailāsaṃ ca kutracana kutracidiṃdramaṃdiram || dṛṣṭvāścaryaṃ mahādevaḥ parituṣṭo babhūva ha || 4.45.50 || atha prabhātakālaśca babhūva prāṇavallabhe || nānāprakāravādyāni vādayāṃcakrire janāḥ || 51 || sarve surāḥ samuttasthuḥ sajjībhūtāḥ sasaṃbhramāḥ || svavāhanānsamāruhya kailāsaṃ gantumudyatāḥ ||52|| vāsagehaṃ samāgatya dharmo nārāyaṇājñayā || uvāca śaṃkaraṃ yogī yogīśaṃ samayocitam || 53 || dharma uvāca || uttiṣṭhottiṣṭha bhadraṃ te bhavatu pramathādhipa || pārvatyā saha māheṃdre yātrāṃ kuru hariṃ smaran || 54 || itthaṃ dharmavacaḥ śrutvā pārvatyā saha śaṃkaraḥ || yātrāṃ cakāra māheṃdre vṛṃdāvanavinodini || 55 || yātrāṃ kurvati deveśe pārvatyā saha śaṃkare || uccai ruditvā sā menā tamuvāca kṛpānidhim || 56 || menovāca || kṛpānidhe kṛpāṃ kṛtvā madvatsāṃ pālayiṣyasi || sahasradoṣānbhagavānāśutoṣaḥ kṣamiṣyasi || 57 || tvatpadāṃbujabhaktaiṣā madvatsā janma janmani || svapne jñāne smṛtirnāsti mahādevaprabhuṃ vinā || 58 || tvadbhaktiśrutimātreṇa harṣāśrupulakānvitā || tvanniṃdayā bhavenmaunā mṛtyuṃjaya mṛtā iva || 59 || ityuktā menakā śīghraṃ tatrāgatya himālayaḥ || uccai ruroda ca tadā vatsāṃ kṛtvā svavakṣasi || 4.45.60 || kva yāsi vatsetyuccārya śūnyaṃ kṛtvā himālayam || smāraṃsmāraṃ tadgaṇaughaṃ vidārya manmanaḥ sphuṭam || 61 || ityevamuktvā śailendraḥ samarpya ca śivāṃ śive || sa śailaḥ sahaputraśca rurodoccairmuhurmuhuḥ || 62 || nārāyaṇaśca bhagavānadhyātmavidyayā svayam || sarvānprabodhayāmāsa kṛpayā sa kṛpānidhiḥ || 63 || nanāma pārvatī bhaktyā mātaraṃ pitaraṃ gurum || māyayā ca mahāmāyā rurodoccairmurhumuhuḥ || 64 || pārvatīrodanenaiva ruruduḥ sarvayoṣitaḥ || munayaśca surāḥ sarve sastrīkāḥ sagaṇaṃ dhruvam || 65 || śīghraṃ yayuste kailāsaṃ devā mānasaśāyinaḥ || muhūrtārddhena muditāḥ saṃprāpuḥ śaṃkarālayam || 66 || dṛṣṭvā gataṃ devapatnyo munipatnyaśca satvaram || āyayurdīpamānīya mudā maṅgalakarmaṇi || 67 vāyupatnī kuberasya kāminī śukrakāminī || tārā suraguroḥ patnī patnī durvāsasastathā || 68 || atribhāryānusūyā ca caṃdrapatnyastathaiva ca || devakanyā nāgakanyā munikanyāḥ sahasraśaḥ || 69 || asaṃkhyakāminīsaṃghaḥ saṃkhyāṃ kartuṃ ca kaḥ kṣamaḥ || tāśca praveśayāmāsurdaṃpatīvāsamaṃdiram || 4.45.70|| ratnasiṃhāsane ramye vāsayāmāsurīśvarīm || satīṃ tāṃ darśayāmāsa śivaḥ pūrvālayaṃ mudā || 71 || sati smarasyato gehādyadgatā tātamaṃdiram || adhunā śailakanyā tvaṃ tatra dakṣasutā purā || 72 || jātismarāṃ smārayāmi nityaṃ smarasi cedvada || śaṃkarasya vacaḥ śrutvā sasmitovāca sā satī || 73 || sarvaṃ smarāmi prāṇeśa maunībhūto bhaveti tam || śivaḥ saṃbhṛtasaṃbhāro nānāvastumanoharam || 74 || bhojayāmāsa devāṃśca nārāyaṇapurogamān || bhuktvā devāḥ prajagmuste nānāratnavibhūṣitāḥ||75|| sastrīkā sagaṇāḥ sarve praṇamya candraśekharam || nārāyaṇaṃ ca brahmāṇaṃ nanāma śaṃkaraḥ svayam ||76|| tau ca taṃ ca samāśliṣyāśiṣaṃ kṛtvā prajagmatuḥ || atha śailaśca menā ca mainākamājuhāva ha || 77 || śīghramānaya bhadraṃ te pārvatīṃ śaṃkaraṃ suta || tayoḥ sa vacanaṃ śrutvā śīghraṃ gatvā śivālayam ||78|| ājagāma samānīya pārvatīparameśvarau || pārvatyāgamanaṃ śrutvā bālāśca bālikāstathā ||79|| vṛddhā yuvatyo yā yāśca śailāśca dudruvurmudā || menā sutābhyāṃ vadhvā ca saha dudrāva sasmitā || 4.45.80 || himālayaśca mudito dudrāvānuvrajansutām || avaruhya rathāddevī mātaraṃ pitaraṃ gurum ||81|| praṇanāma pramuditā nimagnā''nandasāgare || pārvatīṃ ca samāśliṣya menakā harṣavihvalā || 82 || himālayaśca mudito gatāḥ prāṇā ivāgatāḥ || sutāṃ nidhāya gehe sve ratnasiṃhāsanaṃ dadau ||83|| śūlabhṛte gaṇebhyaśca madhuparkādikaṃ mudā || tasthau śvaśuragehe ca sagaṇaścandraśekharaḥ ||84|| nityaṃ ṣoḍaśopacāraiḥ pūjitaḥ saha bhāryayā || ityevaṃ kathitaṃ rādhe śaṃkarodvāhamaṅgalam || śokajaṃ harṣajanakaṃ kiṃ bhūyaḥ śrotumicchasi || 85 || || iti śrībrahmavaivartte mahāpurāṇe śrīkṛṣṇajanmakhaṇḍe nārāyaṇanāradasaṃvāde śaṃkaravivāho nāma pañcacatvāriṃśo'dhyāyaḥ || || 45 ||
English translation
Marriage of Siva Sri Krsna said- Thereafter Siva made Parvatl to sit to his left side and performed the yajna according to the Vedic rites. O damsel of the pleasure of Vmdavana, after the completion of the yajna Siva gave away to the Brahmanas a hundred gold coins in daksina.
Thereafter the wives of the lord of mountains performed the welfare ceremonies took the newly wedded couple in the inner apartment.
All of them recited the slogan of victory of Siva and sprinkling divine water on the couple smilingly looked at Siva with side-glances. All of them became emotional at that time. After getting into the palace, all the damsels looked at the face of Siva who was looking with side glances. He looked quite graceful.
His costumes and ornaments were quite fine; he was decorated with the spots of vermilion; his fair complexion was putting to shame the lustre of the campaka flowers he appeared youthful from all his limbs and could attract even the minds of the ascetics. The sixteen chaste damsels SatarQpa and Sahjiia were present there. Besides them several daughters, of gods, Nagas and the ascetics also reached there, who could count the number of damsels present there at that time?
Siva took his seat on the gem-studded lion- throne delightfully and all the goddesses started offering prayer to Siva.
Savitri said- O Mahadeva we have got back Sat! who is dearer to you than your life delightfully at this time. Therefore O passionate one, you relieve the suffering of your mind while looking at the beauty of your beloved.
O lord of the death, you spend your time in union with her and with my blessing you will never be separated from her at any time.
Laksmi said- O lord of the gods, now shedding away shyness you embrace Satl. She is the one without whom, one feels deprived of his life, why should one feel shy in getting her.
Savitri said- O Siva you make Sati to take her food first and than you take your food. Don't worry; thereafter sipping dcamana you chew betel with camphor with great devotion.
giqi 4i?lI^T4q qlfel: I Jahnavl said- using the comb of gold you arrange the hair of Sati; there is no other pleasure greater than looking at the face of charming Sati.
tm tnr i 11 Rati said- "O god why did you bum out kama my husband without any reason? O virtuous one, for your own purpose you revive kdma back to life and remove my mental agony. O ocean of mercy, you are well-aware of the pain of separation of a couple. You had reduced to ashes my husband in anger.” Thus speaking she handed over the bundle of the ashes of kdma before him and spoke to Siva.
Thus speaking she started crying.
On hearing her cries Visnu, the ocean of mercy and Brahma beside other gods reached the palace and stood besides Siva.
Finding Siva, Brahma and Dharma there besides other gods present before him. Siva got ^ up with force and said, "Give me the command.” On hearing the words of Siva lord Visnu himself said, ”0 Rudra revive kdma back to life".
Thus speaking he left that place The damsels present there also made several types of prayers to Siva in this regard. Thereafter Siva looked at the bundle of ashes gracefully and with the nectar-like sight of Siva, Kamadeva emerged from the bundle of ashes.
Finding kdma having been revived she bowed in reverence to her husband as well as Mahesvara. At that point of time Kamadeva had the same beauty which he had possessed earlier and he wore a serene smile on his face, holding the bow and arrow in his hand.
He offered his prayer to lord Siva according to the scriptures. Than he came out and bowed in reverence to other gods.
The gods talked to him and then blessed him.
Who can prevent the destruction or the protection as destined.
Thereafter, Himalaya served food to all the gods including Narayana with great devotion and offered them the beds to sleep.
In the pleasure house Siva made Parvatl to be seated on his left and he took food with sweets in her company.
O Radha at that point of time Aditi the mother of gods talked to Siva and Parvatl in sweet words who had already taken their food.
Aditi said- O Indrani serve water to Siva for washing his hands and rinsing his mouth.
Because of my affection for the newdy wedded couple, you presently supply water to them.
Sad said- The purpose for which you had lamented embracing the body of Satl and had wandered in the entire universe, you have achieved back the same Satl.
Arundhatl said- Mena was not prepared to give away Parvati in marriage. I tried to convince her variously and have got you Satl, now you should enjoy the conjugal pleasures with her.
Ahalaya said- O lord, now disowning the old age, you have taken to the youthful form.
Therefore Mena had agreed to give her daughter TulasI said- O lord, you had disowned Satl earlier and also reduced to ashes, kdma then why did you send again Vasistha here.
Svaha said- O Mahadeva whatever is being told by the damsels at present you please listen to me attentively, it is quite common for the ladies to indulge in such loose talk.
Vasundhara said- O ^iva, a hungry or a passionate person cannot be satisfied without the articles of pleasures. You satisfy the damsel in anyway you like.
Sanjna said- O all knowledgeable ^iva you are well-aware of the sentiments of the passionate damsels. But Sati is unaware of enjoying the love-sports with her husband.
SatarQpa said- In secluded chamber placing the betel and the comfortable bed, both Parvati and ^iva should be sent delightfully.
Sri Krsna said- On listening to the pleasant and jovial words of the damsels, ^iva who happens to be the teacher of the yogis himself said- 0 goddesses you should not talk to me like that because all of you are pretty chaste and the mothers of the universe; than why do you become so talkative with the son.
RohinI said- O well-versed in the scriptures on love, fulfils the desire of Parvati. Becoming yourself passionate you cross over the ocean of passion by means of the damsel Parvati.
V ' raifffl ftgi HfeicTi: fi^itfer:i On hearing the words of ^iva all the damsels of the gods felt ashamed and getting upset kept Thereafter lord 6iva delightfully consumed the sweets rinsed his mouth and started chewing the betel with camphor.
He was then seated on the gem-studded lion throne provided to him by Mena and started looking at the bed-room which was illumining like hundreds of burning lamps. It had enough of vases of gems and pitchers filled with water, the mirrors studded with various types of gems and diamonds besides the white fly-whisks. It had enough of sandal-paste, aguru and flower spread on the beds.
The house was constructed by Visvakarma himself in which several types of paintings were decorated. It was built in the best of gems and was inlaid with precious gems.
In that house the abodes of the gods, charming Vaikuntha, Vmdavana, Kunjavana and Rdsamandala had been painted.
At places Kailasa, the abode of Indra and several other astonishing scene were painted, looking at which Siva was immensely pleased.
O lady of my life, at the time of down various types of musical instrument were played upon.
Than all the gods abruptly got up and j decorating themselves with best of costumes and ornaments, mounted over their vehicles and got ready to depart for Kailasa.
At that point of time with the command of Yogis and Dharma, went to the dwelling place and addressing Siva spoke to him.
Dharma said- ”0 lord of the Pramathas you meet with welfare. Get up and reciting the name of Hari you move on with Parvatl for a journey.”.
O beloved of Vmdavana, on hearing the words of Dharma, Siva started his journey with Parvatl in Mahendra-yogu.
When Parvatl started on her journey with Siva.
Mena while sobbing spoke to compassionate Mena said- O merciful one, kindly maintain my daughter carefully, you are the lord who is easily pleased; therefore you forgive her for her follies. This daughter of mine is devoted at your feet for many births. Except Mahadeva as her lord, she does not think of anyone else even in Hearing about your devotion she becomes overwhelmed and the tears start flowing from her eyes. O conqueror of the death at your denouncement, she keeps mum like a dead When Mena was so speaking Himalaya also reached there and embracing his daughter started crying aloud. He said- "O daughter, where are you going deserting the house of Himalaya? I am reminded of your qualities again and again and my heart feels shattered at the moment Thus speaking Himalaya entrusted the care of Parvatl to Siva and started weeping loudly. At that point of time the merciful lord Narayana with the
quoting of Adhyatma-vidya consoled everybody.
Parvatl bowed in reverence to the parents and the teacher with devotion, She is the form of illusion and therefore influenced with Parvati also started crying aloud, when Parvatl was crying all other ladies followed her. All the gods and the sages also started crying with their wives. Thereafter the gods who moved with the speed of the mind at ones left for Kailasa and in two ghadls (forty four minutes) and reached the place of Siva On their arrival at Kailasa the wives of the gods and the sages performed all the welfare ceremonies and holding burning lamps in their hands they welcomed them.
The spouse of Vayu, the spouse of Kubera, the beloved of Sukra, the wife of Deva-guru, Brhaspati known as Tara, the wife of Durvasa, Anasuya the wife of Atri and the wife of CandramS besides other daughters of the gods, the Nagas and the sages also were present there.
No one was able to count the number of damsels present there. All those ladies made the newly added couple to enter the pleasure-house.
Parvatl was made to sit on the gem-studded lion-throne. Siva than took round Parvatl in the earlier house of Sat! and asked her. O Satl, are you remembering when you come here from the house of your father at this place. At that point of time you are the daughter of Daksa and presently you are the daughter of the king of the mountains. You remember the happening of the earlier birth. In case you remember them all, then tell me. On hearing the words of Siva, Parvatl spoke with a serene smile on her face. ”0 lord of my life, I am well-aware of the past happenings but presently you better, keep quiet and do not discuss about the past.” Thereafter Himalaya collecting all the food stuffs prepared the foods for gods and served them all including Narayana.
After taking food all the gods getting adored with the gems proceeded on to their respective places with their wives and attendants, bowing in reverence to Siva. Siva himself bowed in reverence to Narayana and Brahma.
Both of them embraced him and blessing him left the place. Thereafter Mena and Himalaya summoned their son Mainaka and said, ”0 son you will meet with welfare, you go to Siva and get back Siva and Parvati again." On hearing the words of both of them Mainaka went to Kailasa and brought with him Siva and Parvati leaning about the arrival of Siva and Parvati, all the old ladies, girls damsels and the mountains rushed to the abode of Himalaya to meet them. Mena on the other hand, accompanied with her son and daughter-in-law rushed towards Parvati He offered madhuparka to Siva together with his attendants and welcomed them all.
Candrasekhara Siva continued to live in the house of his father-in-law together with his gams where he was adored Parvati with sixteen types of offerings. O Radha thus I have spoken to you about the marriage of Siva which removes all the griefs and provides happiness, what else do you want to listen from me.
Himalaya also came running to welcome his daughter, Parvati descended from the chariot and bowed in reverence to her parents and teachers.
All of them were feeling delighted. With her mind filled with delight, Mena embraced Parvati.
Himalaya was also filled with delight as if life had come back in his body. Keeping the daughter in her palace, he offered the gem-studded lion- throne to her.
Chapter-aligned complete witnesses. Sanskrit Wikisource revision 125492 (2017-10-08T03:11:17Z); Shanti Lal Nagar English scan pages n1222–n1229: https://archive.org/details/brahma-vaivarta-purana-all-four-kandas-english-translation/page/n1222/mode/1up. The historic English OCR transcription is lightly normalized; no verse-by-verse alignment is asserted.