Śrī Kṛṣṇa-janma-khaṇḍa · Chapter 37
Sourceश्रीराधिकोवाच ।। एवंभूतस्य च विभोः सर्वेशस्य महात्मनः ।। न शस्तं कथमुच्छिष्टं ब्रूहि संदेहभञ्जन ।। १ ।। श्रीकृष्ण उवाच ।। शृणु देवि प्रवक्ष्येऽहमितिहासं पुरातनम् ।। पापेन्धनानां दहने ज्वलदाग्निशिखोपमम् ।।२।। सनत्कुमारो वैकुण्ठमेकदा च जगाम ह ।। ददर्श भुक्तवन्तं च नाथं नारायणं द्विजः ।।३।। तुष्टाव गूढैः स्तोत्रैश्च प्रणम्य भक्तितो मुदा ।। अवशेषं ददौ तस्मै संतुष्टो भक्तवत्सलः ।। ४ ।। प्राप्तमात्रेण तत्रैव भुक्तं तेनैव किंचन।। किंचिद्ररक्ष बंधूनां भक्षणाय च दुर्लभम् ।।५।। सिद्धाश्रमे च यद्दत्तं गुरवे शूलपाणिने ।। भक्त्युद्रेकाच्च तत्सर्वं भुक्तं च प्राप्तिमात्रतः।।६।। भु्क्त्वा सुदुर्लभं वस्तु ननर्त प्रेमविह्वलः ।। पुलकाङ्कितसर्वाङ्गः साश्रुनेत्रो मुदाऽन्वितः ।।७।। गायन्मम गुणान्भक्त्या सुकण्ठः पंचवक्त्रतः ।। रागभेदैकतानेन तालमानेन सुंदरम् ।। ८ ।। पपात डमरुर्हस्ताच्छृङ्गं च व्याघ्रचर्म च ।। स्वयं निपत्य पश्चाच्च रुदन्मूर्च्छामवाप ह ।। ९ ।। अतीव कमनीयं तद्रूपं ध्यात्वैकमानमः ।। सहस्रदलमध्यस्थं मां पश्यन्हृत्सरोरुहे ।। 4.37.१० ।। एतस्मिन्नन्तरे देवी दुर्गा दुर्गार्तिनाशिनी ।। मुदाऽऽजगाम शीघ्रं तत्प्रसन्नवदनेक्षणा ।। ११ ।। रुदन्तं मूर्च्छितं दृष्ट्वा निपतन्तं च भक्तितः ।। प्रहस्य वार्तां पप्रच्छ कुमारं शूलपाणिनः ।। १२ ।। सर्वं तां कथयामास कुमारः संपुटाञ्जलिः ।। श्रुत्वा चुकोप सा देवी शिवं प्रस्फुरिताधरा ।। ।। १३ ।। तां शप्तुमुद्यतां देवीमुत्थाय च त्रिलोचनः ।। बोधयामास विविधं तुष्टाव संपुटाञ्जलिः ।। १४ ।। श्रुत्वा मनोहरं स्तोत्रं न शशाप शिवं शिवा ।। दुष्टं चक्रे तदुच्छिष्टमभक्ष्यं विदुषामपि ।। १५ ।। न लोकानां प्रभावश्च तपःसौभाग्यतेजसाम् ।। ब्रह्माण्डे सर्वसंहर्ता चकंपे पार्वतीभये ।। १६ ।। उवाच तं जगन्माता नीतिसारं परं वचः ।। गणप्रसूः सकोपा च रक्तपङ्कजलोचना ।। १७ ।। अहो तपःप्रभावश्च तेजसश्च न जीविनाम् ।। स ब्रह्माण्डस्य संहर्ता चकम्पे शैलकन्यका ।। १८ ।। पार्वत्युवाच।। त्वं पोष्टा जगतां पाता ममैव च विशेषतः ।। वक्ता चतुर्णां वेदानां जनकश्च स्वयं विभुः ।। १९ ।। मुक्तिप्रदाता भक्तानां दाता च सर्वसंपदाम् ।। त्वं चेत्करोषि दुर्नीतिं को वा धर्मं च पाति वै ।।4.37.२०।। सदा ते परिपाल्याऽहं पोष्या भक्त्या च किंकरी ।। वंचिता कर्मदोषेण हरनिर्माल्यभक्षणे ।। २१ ।। किंचिच्छुद्धं हिरण्येन किंचिद्वस्तु च वायुना ।। किंचित्प्रक्षालनेनैव सर्वं विष्णोर्निवेदनात् ।। २२ ।। विष्णोर्निवेदितान्नेन यष्टव्याः सर्वदेवताः ।। पितरोऽतिथयश्चैवमिति वेदेषु निश्चितम् ।। २३ ।। अनिवेद्यमभक्ष्यं च नैवेद्यमुदरे हरेः ।। त्यक्त्वा करोति यो भक्त्या पार्षदप्रवरो भवेत् ।। २४ ।। अमृतं सर्ववस्तूनामिष्टसारं सुदुर्लभम् ।। विष्णोर्निवेदितान्नस्य कलां नार्हति षोडशीम् ।। २५ ।। हन्त्यकालिकमृत्युं तदमृतं मूढरंजनम् ।। नैवेद्यं च हरेरेव हरितुल्यं करोत्यहो ।। २६ ।। यदृच्छया तं नैवेद्यं यो भुङ्क्ते साधुसंगतः ।। षष्टिवर्षसहस्राणां प्राप्नोति तपसः फलम् ।। २७ ।। यो निवेद्य हरिं भुङ्क्ते भक्त्या भक्तश्च नित्यशः।। किं वा तपस्यां कर्ता च स हरेस्तेजसा समः ।।२८।। श्रुतं पुरा त्वन्मुखतः पुष्करे मुनिसंसदि ।। अहं वेदविधाता न किमहं वक्तुमीश्वरी ।। ।। २९ ।। सुचिरं च तपस्तप्त्वा मया लब्धस्त्वमीश्वरः ।। त्वया विष्णोः प्रसादेन वंचिताऽहं कथं प्रभो ।। 4.37.३० ।। यतो न दत्तं नैवद्यं विष्णोर्मह्यं त्वयाऽधुना।। अतो मत्तो गृहाणैतत्फलमेव महेश्वर ।। ३१ ।। अद्यप्रभृति ये लोका नैवेद्यं भुञ्जते तव ।। ते जन्मैकं सारमेया भविष्यन्त्येव भारते ।।३२।। इत्युक्त्वा पार्वती माता रुरोद पुरतो विभोः ।। दृष्टिः पपात तत्कण्ठे नीलकण्ठो बभूव ह ।।३३।। तदा शिवः शिवां भक्त्या कृत्वा वक्षसि सादरम् ।। तन्मानभङ्गं स्तोत्रेण विनयेन चकार ह ।। ३४ ।। करेण चक्षुषोर्नीरं संमृज्य च पुनःपुनः ।। बोधयामास विविधैर्नीतिवाक्यैर्मनोहरैः ।। ३५ ।। परितुष्टा च सा देवी भर्तारं समुवाच ह ।। कलेवरं च त्यक्ष्यामि नैवेद्येन विना हरेः ।। ३६ ।। बिभर्ति देहं सततं तव सौभाग्यवर्द्धनम् ।। कथं वहामि सौभाग्यरहितं च कलेवरम् ।। ३७ ।। अपूर्वं तव नैवेद्यं जन्ममृत्युजराहरम् ।। कृतं दुष्टं च यत्तस्मात्पश्य देहं त्यजामि च ।। ३८ ।। लिङ्गोपरि च यद्दत्तं तदेवाग्राह्यमीश्वर ।। सुपवित्रं भवेत्तस्य विष्णोर्नैवेद्यमिश्रितम् ।। ३९ ।। इत्येवमुक्त्वा सा देवी देहं त्यक्तुं समुद्यता ।। त्रस्तो हरस्तत्पुरतः स्तुत्वा च स्वीचकार ह ।। 4.37.४० ।। शंकर उवाच ।। स्थिरा भव महादेवि चण्डिके जगदंबिके ।। ममापराधमखिलं क्षन्तुमर्हसि सुन्दरि ।। ।। ४१ ।। मां भृत्यं तपसा क्रीतं कृपां कुरु ममोपरि ।। ब्रह्मविष्णुमहेशानां बीजभूते सनातनि ।। ४२ ।। अहो गोलोकनाथस्थ गुणातीतस्य निर्गुणे ।। सर्वशक्तिस्वरूपे च सदैव सहचारिणि ।। ४३ ।। साकारे च निराकारे नित्ये स्वेच्छामये प्रिये ।। कृपया तद्विभोरेव मम वक्षसि सांप्रतम् ।। ४४ ।। सर्वबीजस्वरूपे च महामाये मनोहरे ।। सर्वसिद्धिप्रदे देवि मुक्तिदे कृष्णभक्तिदे ।। ४५ इच्छैव श्रीहरेः साक्षान्नाहं दातुमपि क्षमः ।। तदा देहं परित्यज्य निर्गुणं व्रज निर्गुणे ।। ४६ ।। इत्येवमुक्त्वा पुरतस्तस्थौ च चन्द्रशेखरः ।। बभूव सुप्रसन्ना सा प्रणनाम हरं परम् ।। ४७ ।। इत्येवं पार्वतीस्तोत्रं शङ्करेण कृतं पुरा ।। यः पठेद्विपदा ग्रस्तः स भयादेव मुच्यते।।४८।। मित्रभेदो भवेद् दूरं तत्संम्प्रीतिर्भवेत्पुरा ।। पार्वती परितुष्टा च न त्यजेत्तस्य मन्दिरम् ।। ४९ ।। ।। श्रीकृष्ण उवाच ।। श्रुत्वा प्रतिज्ञां नाथस्य परितुष्टा बभूव सा ।। जगाम स्वर्णदीं तूर्णं स्नानार्थं शंकराज्ञया ।। 4.37.५० ।। स्नात्वा संपूज्य भक्त्या च सुरमिष्टं च निर्गुणम् ।। चकार प्रस्तुतं शीघ्रं मिष्टान्नं व्यञ्जनानि च ।। ५१ ।। शिवः स्नात्वा च संपूज्य ब्रह्मज्योतिः सनातनम् ।। तुष्टाव परया भक्त्या मामेव हृदयस्थितम् ।। ५२ ।। गत्वा सर्वमहं भुक्त्वा तस्मै दत्त्वाऽभिवाञ्छितम् ।। नैवेद्यं पार्वती लेभे तव मूलं समागता ।। ५३ ।। भुक्त्वाऽवशेषं सा देवी सह भर्त्रा मुदाऽन्विता ।। तुष्टाव शङ्करं भक्त्या प्रणनाम मुहुर्मुहुः ।। ५४ ।। इत्येवं कथितं सर्वं त्वया पृष्टं सुरेश्वरि ।। अभिशप्तं शङ्करस्य निर्माल्यं येन हेतुना ।। ५५ ।। इति श्रीब्रह्मवैवर्त्ते महापुराणे श्रीकृष्णजन्मखण्डे नारायणनारदसंवादे हरनिर्माल्यशापप्रसङ्गो नाम सप्तत्रिंशोऽध्यायः ।।३७ ।।
śrīrādhikovāca || evaṃbhūtasya ca vibhoḥ sarveśasya mahātmanaḥ || na śastaṃ kathamucchiṣṭaṃ brūhi saṃdehabhañjana || 1 || śrīkṛṣṇa uvāca || śṛṇu devi pravakṣye'hamitihāsaṃ purātanam || pāpendhanānāṃ dahane jvaladāgniśikhopamam ||2|| sanatkumāro vaikuṇṭhamekadā ca jagāma ha || dadarśa bhuktavantaṃ ca nāthaṃ nārāyaṇaṃ dvijaḥ ||3|| tuṣṭāva gūḍhaiḥ stotraiśca praṇamya bhaktito mudā || avaśeṣaṃ dadau tasmai saṃtuṣṭo bhaktavatsalaḥ || 4 || prāptamātreṇa tatraiva bhuktaṃ tenaiva kiṃcana|| kiṃcidrarakṣa baṃdhūnāṃ bhakṣaṇāya ca durlabham ||5|| siddhāśrame ca yaddattaṃ gurave śūlapāṇine || bhaktyudrekācca tatsarvaṃ bhuktaṃ ca prāptimātrataḥ||6|| bhuktvā sudurlabhaṃ vastu nanarta premavihvalaḥ || pulakāṅkitasarvāṅgaḥ sāśrunetro mudā'nvitaḥ ||7|| gāyanmama guṇānbhaktyā sukaṇṭhaḥ paṃcavaktrataḥ || rāgabhedaikatānena tālamānena suṃdaram || 8 || papāta ḍamarurhastācchṛṅgaṃ ca vyāghracarma ca || svayaṃ nipatya paścācca rudanmūrcchāmavāpa ha || 9 || atīva kamanīyaṃ tadrūpaṃ dhyātvaikamānamaḥ || sahasradalamadhyasthaṃ māṃ paśyanhṛtsaroruhe || 4.37.10 || etasminnantare devī durgā durgārtināśinī || mudā''jagāma śīghraṃ tatprasannavadanekṣaṇā || 11 || rudantaṃ mūrcchitaṃ dṛṣṭvā nipatantaṃ ca bhaktitaḥ || prahasya vārtāṃ papraccha kumāraṃ śūlapāṇinaḥ || 12 || sarvaṃ tāṃ kathayāmāsa kumāraḥ saṃpuṭāñjaliḥ || śrutvā cukopa sā devī śivaṃ prasphuritādharā || || 13 || tāṃ śaptumudyatāṃ devīmutthāya ca trilocanaḥ || bodhayāmāsa vividhaṃ tuṣṭāva saṃpuṭāñjaliḥ || 14 || śrutvā manoharaṃ stotraṃ na śaśāpa śivaṃ śivā || duṣṭaṃ cakre taducchiṣṭamabhakṣyaṃ viduṣāmapi || 15 || na lokānāṃ prabhāvaśca tapaḥsaubhāgyatejasām || brahmāṇḍe sarvasaṃhartā cakaṃpe pārvatībhaye || 16 || uvāca taṃ jaganmātā nītisāraṃ paraṃ vacaḥ || gaṇaprasūḥ sakopā ca raktapaṅkajalocanā || 17 || aho tapaḥprabhāvaśca tejasaśca na jīvinām || sa brahmāṇḍasya saṃhartā cakampe śailakanyakā || 18 || pārvatyuvāca|| tvaṃ poṣṭā jagatāṃ pātā mamaiva ca viśeṣataḥ || vaktā caturṇāṃ vedānāṃ janakaśca svayaṃ vibhuḥ || 19 || muktipradātā bhaktānāṃ dātā ca sarvasaṃpadām || tvaṃ cetkaroṣi durnītiṃ ko vā dharmaṃ ca pāti vai ||4.37.20|| sadā te paripālyā'haṃ poṣyā bhaktyā ca kiṃkarī || vaṃcitā karmadoṣeṇa haranirmālyabhakṣaṇe || 21 || kiṃcicchuddhaṃ hiraṇyena kiṃcidvastu ca vāyunā || kiṃcitprakṣālanenaiva sarvaṃ viṣṇornivedanāt || 22 || viṣṇorniveditānnena yaṣṭavyāḥ sarvadevatāḥ || pitaro'tithayaścaivamiti vedeṣu niścitam || 23 || anivedyamabhakṣyaṃ ca naivedyamudare hareḥ || tyaktvā karoti yo bhaktyā pārṣadapravaro bhavet || 24 || amṛtaṃ sarvavastūnāmiṣṭasāraṃ sudurlabham || viṣṇorniveditānnasya kalāṃ nārhati ṣoḍaśīm || 25 || hantyakālikamṛtyuṃ tadamṛtaṃ mūḍharaṃjanam || naivedyaṃ ca harereva haritulyaṃ karotyaho || 26 || yadṛcchayā taṃ naivedyaṃ yo bhuṅkte sādhusaṃgataḥ || ṣaṣṭivarṣasahasrāṇāṃ prāpnoti tapasaḥ phalam || 27 || yo nivedya hariṃ bhuṅkte bhaktyā bhaktaśca nityaśaḥ|| kiṃ vā tapasyāṃ kartā ca sa harestejasā samaḥ ||28|| śrutaṃ purā tvanmukhataḥ puṣkare munisaṃsadi || ahaṃ vedavidhātā na kimahaṃ vaktumīśvarī || || 29 || suciraṃ ca tapastaptvā mayā labdhastvamīśvaraḥ || tvayā viṣṇoḥ prasādena vaṃcitā'haṃ kathaṃ prabho || 4.37.30 || yato na dattaṃ naivadyaṃ viṣṇormahyaṃ tvayā'dhunā|| ato matto gṛhāṇaitatphalameva maheśvara || 31 || adyaprabhṛti ye lokā naivedyaṃ bhuñjate tava || te janmaikaṃ sārameyā bhaviṣyantyeva bhārate ||32|| ityuktvā pārvatī mātā ruroda purato vibhoḥ || dṛṣṭiḥ papāta tatkaṇṭhe nīlakaṇṭho babhūva ha ||33|| tadā śivaḥ śivāṃ bhaktyā kṛtvā vakṣasi sādaram || tanmānabhaṅgaṃ stotreṇa vinayena cakāra ha || 34 || kareṇa cakṣuṣornīraṃ saṃmṛjya ca punaḥpunaḥ || bodhayāmāsa vividhairnītivākyairmanoharaiḥ || 35 || parituṣṭā ca sā devī bhartāraṃ samuvāca ha || kalevaraṃ ca tyakṣyāmi naivedyena vinā hareḥ || 36 || bibharti dehaṃ satataṃ tava saubhāgyavarddhanam || kathaṃ vahāmi saubhāgyarahitaṃ ca kalevaram || 37 || apūrvaṃ tava naivedyaṃ janmamṛtyujarāharam || kṛtaṃ duṣṭaṃ ca yattasmātpaśya dehaṃ tyajāmi ca || 38 || liṅgopari ca yaddattaṃ tadevāgrāhyamīśvara || supavitraṃ bhavettasya viṣṇornaivedyamiśritam || 39 || ityevamuktvā sā devī dehaṃ tyaktuṃ samudyatā || trasto harastatpurataḥ stutvā ca svīcakāra ha || 4.37.40 || śaṃkara uvāca || sthirā bhava mahādevi caṇḍike jagadaṃbike || mamāparādhamakhilaṃ kṣantumarhasi sundari || || 41 || māṃ bhṛtyaṃ tapasā krītaṃ kṛpāṃ kuru mamopari || brahmaviṣṇumaheśānāṃ bījabhūte sanātani || 42 || aho golokanāthastha guṇātītasya nirguṇe || sarvaśaktisvarūpe ca sadaiva sahacāriṇi || 43 || sākāre ca nirākāre nitye svecchāmaye priye || kṛpayā tadvibhoreva mama vakṣasi sāṃpratam || 44 || sarvabījasvarūpe ca mahāmāye manohare || sarvasiddhiprade devi muktide kṛṣṇabhaktide || 45 icchaiva śrīhareḥ sākṣānnāhaṃ dātumapi kṣamaḥ || tadā dehaṃ parityajya nirguṇaṃ vraja nirguṇe || 46 || ityevamuktvā puratastasthau ca candraśekharaḥ || babhūva suprasannā sā praṇanāma haraṃ param || 47 || ityevaṃ pārvatīstotraṃ śaṅkareṇa kṛtaṃ purā || yaḥ paṭhedvipadā grastaḥ sa bhayādeva mucyate||48|| mitrabhedo bhaved dūraṃ tatsaṃmprītirbhavetpurā || pārvatī parituṣṭā ca na tyajettasya mandiram || 49 || || śrīkṛṣṇa uvāca || śrutvā pratijñāṃ nāthasya parituṣṭā babhūva sā || jagāma svarṇadīṃ tūrṇaṃ snānārthaṃ śaṃkarājñayā || 4.37.50 || snātvā saṃpūjya bhaktyā ca suramiṣṭaṃ ca nirguṇam || cakāra prastutaṃ śīghraṃ miṣṭānnaṃ vyañjanāni ca || 51 || śivaḥ snātvā ca saṃpūjya brahmajyotiḥ sanātanam || tuṣṭāva parayā bhaktyā māmeva hṛdayasthitam || 52 || gatvā sarvamahaṃ bhuktvā tasmai dattvā'bhivāñchitam || naivedyaṃ pārvatī lebhe tava mūlaṃ samāgatā || 53 || bhuktvā'vaśeṣaṃ sā devī saha bhartrā mudā'nvitā || tuṣṭāva śaṅkaraṃ bhaktyā praṇanāma muhurmuhuḥ || 54 || ityevaṃ kathitaṃ sarvaṃ tvayā pṛṣṭaṃ sureśvari || abhiśaptaṃ śaṅkarasya nirmālyaṃ yena hetunā || 55 || iti śrībrahmavaivartte mahāpurāṇe śrīkṛṣṇajanmakhaṇḍe nārāyaṇanāradasaṃvāde haranirmālyaśāpaprasaṅgo nāma saptatriṃśo'dhyāyaḥ ||37 ||
English translation
Curse to the "left over" of Siva Radhika said- O remover of the doubts, why is the 'left over' of Siva not considered to be praise¬ worthy; you kindly tell me.
Sri Krsna said- O goddess, you listen to me I narrate to you an ancient story which serves as a fire wood for burning the sins of the past births.
Once Sanatkumara arrived in Vaikuntha.
Narayana found the arrival of the Brahmana after he had finished his food.
He I owed in reverence to him with devotion and offered prayers with deep devotion. The lord who loves his devotees was pleased and he offered the 'left over' to him.
The Brahmana after receiving the 'left over' ai once consumed a part of it and the remaining part was kept by him to be distributed to his Thereafter, arriving in Siddhd5>amfl he gave away the left over to lord Siva who having been filled with devotion consumed the whole of it.
After consuniing the 'left-over' which was beyond the reach of everyone, he was overwhelmed with joy and started dancing. He felt totally blissful in his body and his eyes were filled with tears; he felt extremely delighted.
He started uttering the name of Hari from all his five mouths in different tunes and in sweet voice praising him in various ways.
Since he was totally engrossed in the dhydnam of Hari, the damaru, the conch and tigers skin fell down. He also fell down fainted and started He was in deep meditation with the thousand pettaled lotus of his heart completely devoted to the lord Hari.
In the meantime Durga, the destroyer of the evil times, with smiling face and eyes arrived immediately there.
Finding Siva crying and in unconscious condition falling here and there, Durga laughed and questioned Sanatkumara about the condition of Siva.
Sanatkumara with folded hands narrated the entire episode to Durga, hearing which she was enraged and her lips started fluttering. When Siva found that Durga was about to pronounce a curse, he got up and convinced her variously praising with folded hands.
Listening to the pleasant stotra, Parvatl did not pronounce a curse on Siva but she desire that left-over should not be consumed even by the But the illustrious and fortunate people would not have the effect of the same. Siva who happens to be the destroyer of the universe felt upset with the curse of Parvatl and started Thereafter PSrvati the mother of the universe and one who is the creator of all the virtues whose eyes had become red like red lotus spoke in anger the words which were the essence of the This is the influence of the tapas and not of the tejas of the people. The one who destroy the old universe, he is being terrified by Parvatl, the daughter of mountain.
Parvatl said- You happen to be the preserver of the universe beside being the protector. You are especially so with me. Besides you happen to be the reciter of the four Vedas besides being their creator and you are yourself all virtuous.
You bestow salvation to your devotees besides all the riches. In case you indulge in improper way then who could save the dharmal.
I always maintain and feed by you. I am also your slave. Because of my own misdeeds I have been deprived of consuming the 'left over' of Vi§ Certain things get purified with gold, some of them by air and some of them by washing and some of them got purified by offering them to Vispu. The food offer to Visnu is revered by all the gods, the manes and the guests who feel satisfied with the same. This has been prescribed in the Vedas.
The one who discarding the food which is unfit for conception and consumed the naivedya of Vi?nu he is considered to be the best of the attendants of Vi§nu.
The nectar does not compare even one- sixteenth part of the food offered to lord Vi§nu Such food is the best of all and difficult to get besides being the essence of all the eatables.
The nectar helps in driving the untimely death and pleases the fools but the naivedya of Visnu turns one who consumes it like Visnu himself.
This is qtiite astonishing.
The one who consumes the naivedya of Visnu because of his own sweet will, he achieves the reward of performing tapas for sixty thousand Such of the devotee who always with their mind filled with devotion, offer food to the lord and consume the 'left-over', such persons in spite of their performing tapas compare themselves with the lord in lustre.
In the earlier times in Pu^kara-ksetra I had heard all this from your mouth in the assembly of the sages. I do not happen to be the creator of the Vedas nor could I be competent enough to speak on the subject.
O lord, I have achieved you as my husband after performing tapas for long time; then why was I deprived of consuming the naivedya of Vis O lord ^iva, you have presently deprived me from consuming the naivedya of ^iva, therefore you will have to receive the reward for the same from me just now. From today onwards, whosoever will consume your naivedya, will be bom as a dog in the land of BhSrata.
Thus speaking, the mother PSrvatl started crying before ^iva. She at once looked at the throat of Siva as a result of which he came to be known as Nllakantha or blue throated. Siva then embraced gracefully Parvatl and relieved her anguish by praising her.
He wiped out the tears from her eyes again and again and by praising her gently he removed her anguish and spoke appropriate words to her.
Getting pleased the goddess spoke to the lord.
Unless I consume the naivedya of Visnu I shall end my life. 1 maintain this body to maintain your fortune. Now how can I maintain the body without the grace.
Your naivedya which removes the, birth, death and old age was incomplete and since you have disowned it, it has become impure. Therefore in your very presence, I am ending my life.
O lord, only such of the naivedya which will be offered to Sivalihga will be unsuitable for consumption and in case your naivedya is mixed with the naivedya of Visnu it will become extremely auspicious.
Thus speaking the goddess got ready to end her life. Thereafter, the terrified Siva accepted her words praising her at the same time.
Siva said- O great goddess, O Candika, O mother of the universe, be composed, O beautiful one, you forgive me for my failing, you have purchased me by you tapas, therefore you be compassionate on me. You are eternal and happen to be the seed of Brahma, Visnu and You are all virtuous, the invisible prowess of the l^rd of the universe, the form of all the prowess and you are always my companion.
O dear one, you are visible as well as invisible, eternal and move at will, you are present in my heart because of the grace of the virtuous lord Krsna.
You are the form of all the seeds, Mahamaya, quite a pleasant one, the one who bestows all the siddhis and salvation beside the devotion of lord Krsna. This was the desire of lord Krsna himself because of which I did not give you his naivedya. O invisible one, you realise this reason carefully and only than end your life and get merged in the invisible one.
STUUm it trTniiijvsn Thus speaking lord Siva having the crescent on his head stood before her. Thereafter the goddess got immensely pleased and offered her salutation to Siva.
Thus this stotra of Parvatl was created by Siva in ancient times. The one who is entangled in controversies recites this slotra he is relieved of all the dangers.
All his bickering with friends would disappear and the earlier friendship would be restored. The goddess Parvatl would never desert him.
Krsna said- Listening to the words of her husband, Parvatl felt satisfied and with the permission of lord Siva, she went to the bank of the Gaiiga for taking a bath.
w fifw 'et Pi<juiH,i After taking a bath, she with her mind filled with devotion adored lord Siva who is eternal end thereafter at once prepared sweets and other On the other hand Siva also after taking bath adored the eternal flame of Brahman and with his mind filled with devotion he started praising her.
I than went to them and bestowed the desired reward for them. Parvatl than took refuge under your feet and accepted your naivedya.
Thereafter Parvatl with Siva consuming the with delight praised me again and O chief of the goddesses thus I have narrated to you everything whatever was asked by you and the reason for which the 'left-over' of Siva was cursed.
Chapter-aligned complete witnesses. Sanskrit Wikisource revision 125329 (2017-10-05T02:56:01Z); Shanti Lal Nagar English scan pages n1161–n1166: https://archive.org/details/brahma-vaivarta-purana-all-four-kandas-english-translation/page/n1161/mode/1up. The historic English OCR transcription is lightly normalized; no verse-by-verse alignment is asserted.