Gaṇapati-khaṇḍa · Chapter 30
Sourceशंकर उवाच ।। कस्त्वं वटो कस्य पुत्रः क्व वासः स्तवनं कथम् ।। किं वा तेऽहं करिष्यामि वाञ्छितं वद साम्प्रतम् ।। १ ।। पार्वत्युवाच ।। शोकाकुलं त्वां पश्यामि विमनस्कं सुविस्मितम् ।। वयसाऽतिशिशुं शान्तं गुणेन गुणिनां वरम्।।२।] भृगुरुवाच ।। जमदग्निसुतोऽहं च भृगुवंशसमुद्भवः।। रेणुकाऽम्बा मे परशुरामोऽहं नामतः प्रभो ।।३।। क्रीणीहि मां दयासिन्धो विद्यापण्येन किंकरम् ।। त्वामीशः शरणापन्नं रक्ष मां दीनवत्सल ।। ४ ।। मृगयामागतं भूपं पिता मे चोपवासिनम्।। चकारातिथ्यमानीय कपिलादत्तवस्तुना ।। ५ ।। राजा तं कपिलालोभाद्घातयामास मन्दधीः ।। कपिला तं मृतं दृष्ट्वा गोलोकं च जगाम सा ।।६।। माताऽनुगमनं चक्रे ह्यनाथोऽहं च साम्प्रतम् ।। त्वं मे पिता शिवा माता रक्ष मां पुत्रवत्प्रभो ।। ७ ।। मया कृता प्रतिज्ञा च शोकेनैवातिदुष्करा ।। त्रिस्सप्तकृत्वो निर्भूपां करिष्यामि महीमिति ।। ८ ।। कार्तवीर्य्यं हनिष्यामि समरे तातघातकम् ।। इत्येतत्परिपूर्णं मे भगवान्कर्तुमर्हति ।। ९ ।। ब्राह्मणस्य वचः श्रुत्वा दृष्ट्वा दुर्गामुखं हरः ।। बभूवानम्रवक्त्रश्च सा च शुष्कौष्ठतालुका ।। १० ।। पार्वत्युवाच ।। तपस्विन्विप्रपुत्रस्त्वं निर्भूपां कर्तुमिच्छसि ।। त्रिस्सप्तकृत्वः कोपेन साहसस्ते महान्बटो ।। ११ ।। हन्तुमिच्छसि निःशस्त्रः सहस्रार्जुनमीश्वरम् ।। भ्रूभङ्गलीलया यस्य रावणस्य पराजयः ।। १२ ।। तस्मै प्रदत्तं दत्तेन श्रीहरेः कवचं बटो ।। शक्तिरव्यर्थरूपा च यया ते हिंसितः पिता ।। १३ ।। हरेर्म्मन्त्रं संस्तवनं यः पठेच्च दिवानिशम् ।। को वा शक्नोति तं हन्तुं न पश्यामीह भूतले ।। १४ ।। अये विप्र गृहं गच्छ किं करिष्यति शंकरः ।। अन्ये भूपाश्च मद्भृत्याः का भीस्तेषां मयि स्थिते।।१५।। काल्युवाच।। अये विप्र बटो जाल्म निर्भूपान्कर्तुमिच्छसि।। यथा हि वामनश्चन्द्रं करेणाहर्तुमिच्छति।।१६।। कृतयज्ञान्महापुण्यान्महाबलपराक्रमान् ।। दिगम्बरसहायेन मद्भृत्यान्हन्तुमिच्छसि ।। १७ ।। स तयोर्वचनं श्रुत्वा रुरोदोच्चैश्च शोकतः ।। सहसा पुरतस्तेषां प्राणांस्त्यक्तुं समुद्यतः ।। १८ ।। विप्रस्य रोदनं श्रुत्वा शंकरः करुणानिधिः ।। पश्यन्दुर्गां च कालीं च ज्ञात्वाऽऽशयमथो विभुः ।। १९ ।। तयोरनुमतिं प्राप्य सर्वेशो भक्तवत्सलः ।। जमदग्निसुतं सद्यः प्रवक्तुमुपचक्रमे ।। २० ।। शंकर उवाच ।। अद्यप्रभृति हे वत्स त्वं मे पुत्रसमो महान् ।। दास्यामि मन्त्रं गुह्यं ते त्रिषु लोकेषु दुर्ल्लभम् ।। २१ ।। एवंभूतं च कवचं दास्यामि परमाद्भुतम् ।। लीलया मत्प्रसादेन कार्त्तवीर्यं हनिष्यसि ।। २२ ।। त्रिस्सप्तकृत्वो निर्भूपां करिष्यसि महीं द्विज ।। जगत्ते यशसा पूर्णं भविष्यति न संशयः ।। २३ ।। इत्युक्त्वा शंकरस्तस्मै ददौ मन्त्रं सुदुर्लभम् ।। त्रैलोक्यविजयं नाम कवचं परमाद्भुतम् ।। २४ ।। स्तवं पूजाविधानं च पुरश्चरणपूर्वकम् ।। मन्त्रसिद्धेरनुष्ठानं यथावन्नियमक्रमम् ।। २५ ।। सिद्धिस्थानं कालसंख्यं कथयामास नारद ।। वेदवेदाङ्गादिकं च पाठयामास तत्क्षणम् ।। २६ ।। नागपाशं पाशुपतं ब्रह्मास्त्रं च सुदुर्लभम् ।। नारायणास्त्रमाग्नेयं वायव्यं वारुणं तथा ।। २७ ।। गान्धर्वं गारुडं चैव जृम्भणास्त्रं तथैव च ।। गदां शक्तिं च परशुं शूलमव्यर्थमुत्तमम् ।। २८ ।। नानाप्रकारशस्त्रास्त्रमन्त्रं च विधिपूर्वकम् ।। शस्त्रास्त्राणां च संहारं तूणी चाक्षयसायकौ ।। २९ ।। आत्मरक्षणसन्धानं संग्रामविजयक्रमम् ।। मायायुद्धं च विविधं हुंकारं मन्त्रपूर्वकम् ।। ३० ।। रक्षणं च स्वसैन्यानां परसैन्यविमर्दनम् ।। नानाप्रकारमतुलमुपायं रणसंकटे ।। संहारे मोहिनीं विद्यां ददौ मृत्युहरां हरः ।। ३१ ।। स्थित्वा चिरं गुरोर्वांसे सर्वविद्यां विबोध्य सः ।। तीर्थे कृत्वा मन्त्रसिद्धिं तांश्च नत्वा जगाम सः ।।३२।। इति श्रीब्रह्मवैवर्त्ते महापुराणे तृतीये गणपतिखण्डे नारदनारायणसंवादे परशुरामस्य शिवदत्तास्त्रशस्त्रादिप्राप्तिवर्णनं नाम त्रिंशत्तमोऽध्यायः ।।३०।।
śaṃkara uvāca || kastvaṃ vaṭo kasya putraḥ kva vāsaḥ stavanaṃ katham || kiṃ vā te'haṃ kariṣyāmi vāñchitaṃ vada sāmpratam || 1 || pārvatyuvāca || śokākulaṃ tvāṃ paśyāmi vimanaskaṃ suvismitam || vayasā'tiśiśuṃ śāntaṃ guṇena guṇināṃ varam||2|] bhṛguruvāca || jamadagnisuto'haṃ ca bhṛguvaṃśasamudbhavaḥ|| reṇukā'mbā me paraśurāmo'haṃ nāmataḥ prabho ||3|| krīṇīhi māṃ dayāsindho vidyāpaṇyena kiṃkaram || tvāmīśaḥ śaraṇāpannaṃ rakṣa māṃ dīnavatsala || 4 || mṛgayāmāgataṃ bhūpaṃ pitā me copavāsinam|| cakārātithyamānīya kapilādattavastunā || 5 || rājā taṃ kapilālobhādghātayāmāsa mandadhīḥ || kapilā taṃ mṛtaṃ dṛṣṭvā golokaṃ ca jagāma sā ||6|| mātā'nugamanaṃ cakre hyanātho'haṃ ca sāmpratam || tvaṃ me pitā śivā mātā rakṣa māṃ putravatprabho || 7 || mayā kṛtā pratijñā ca śokenaivātiduṣkarā || trissaptakṛtvo nirbhūpāṃ kariṣyāmi mahīmiti || 8 || kārtavīryyaṃ haniṣyāmi samare tātaghātakam || ityetatparipūrṇaṃ me bhagavānkartumarhati || 9 || brāhmaṇasya vacaḥ śrutvā dṛṣṭvā durgāmukhaṃ haraḥ || babhūvānamravaktraśca sā ca śuṣkauṣṭhatālukā || 10 || pārvatyuvāca || tapasvinvipraputrastvaṃ nirbhūpāṃ kartumicchasi || trissaptakṛtvaḥ kopena sāhasaste mahānbaṭo || 11 || hantumicchasi niḥśastraḥ sahasrārjunamīśvaram || bhrūbhaṅgalīlayā yasya rāvaṇasya parājayaḥ || 12 || tasmai pradattaṃ dattena śrīhareḥ kavacaṃ baṭo || śaktiravyartharūpā ca yayā te hiṃsitaḥ pitā || 13 || harermmantraṃ saṃstavanaṃ yaḥ paṭhecca divāniśam || ko vā śaknoti taṃ hantuṃ na paśyāmīha bhūtale || 14 || aye vipra gṛhaṃ gaccha kiṃ kariṣyati śaṃkaraḥ || anye bhūpāśca madbhṛtyāḥ kā bhīsteṣāṃ mayi sthite||15|| kālyuvāca|| aye vipra baṭo jālma nirbhūpānkartumicchasi|| yathā hi vāmanaścandraṃ kareṇāhartumicchati||16|| kṛtayajñānmahāpuṇyānmahābalaparākramān || digambarasahāyena madbhṛtyānhantumicchasi || 17 || sa tayorvacanaṃ śrutvā rurodoccaiśca śokataḥ || sahasā puratasteṣāṃ prāṇāṃstyaktuṃ samudyataḥ || 18 || viprasya rodanaṃ śrutvā śaṃkaraḥ karuṇānidhiḥ || paśyandurgāṃ ca kālīṃ ca jñātvā''śayamatho vibhuḥ || 19 || tayoranumatiṃ prāpya sarveśo bhaktavatsalaḥ || jamadagnisutaṃ sadyaḥ pravaktumupacakrame || 20 || śaṃkara uvāca || adyaprabhṛti he vatsa tvaṃ me putrasamo mahān || dāsyāmi mantraṃ guhyaṃ te triṣu lokeṣu durllabham || 21 || evaṃbhūtaṃ ca kavacaṃ dāsyāmi paramādbhutam || līlayā matprasādena kārttavīryaṃ haniṣyasi || 22 || trissaptakṛtvo nirbhūpāṃ kariṣyasi mahīṃ dvija || jagatte yaśasā pūrṇaṃ bhaviṣyati na saṃśayaḥ || 23 || ityuktvā śaṃkarastasmai dadau mantraṃ sudurlabham || trailokyavijayaṃ nāma kavacaṃ paramādbhutam || 24 || stavaṃ pūjāvidhānaṃ ca puraścaraṇapūrvakam || mantrasiddheranuṣṭhānaṃ yathāvanniyamakramam || 25 || siddhisthānaṃ kālasaṃkhyaṃ kathayāmāsa nārada || vedavedāṅgādikaṃ ca pāṭhayāmāsa tatkṣaṇam || 26 || nāgapāśaṃ pāśupataṃ brahmāstraṃ ca sudurlabham || nārāyaṇāstramāgneyaṃ vāyavyaṃ vāruṇaṃ tathā || 27 || gāndharvaṃ gāruḍaṃ caiva jṛmbhaṇāstraṃ tathaiva ca || gadāṃ śaktiṃ ca paraśuṃ śūlamavyarthamuttamam || 28 || nānāprakāraśastrāstramantraṃ ca vidhipūrvakam || śastrāstrāṇāṃ ca saṃhāraṃ tūṇī cākṣayasāyakau || 29 || ātmarakṣaṇasandhānaṃ saṃgrāmavijayakramam || māyāyuddhaṃ ca vividhaṃ huṃkāraṃ mantrapūrvakam || 30 || rakṣaṇaṃ ca svasainyānāṃ parasainyavimardanam || nānāprakāramatulamupāyaṃ raṇasaṃkaṭe || saṃhāre mohinīṃ vidyāṃ dadau mṛtyuharāṃ haraḥ || 31 || sthitvā ciraṃ gurorvāṃse sarvavidyāṃ vibodhya saḥ || tīrthe kṛtvā mantrasiddhiṃ tāṃśca natvā jagāma saḥ ||32|| iti śrībrahmavaivartte mahāpurāṇe tṛtīye gaṇapatikhaṇḍe nāradanārāyaṇasaṃvāde paraśurāmasya śivadattāstraśastrādiprāptivarṇanaṃ nāma triṃśattamo'dhyāyaḥ ||30||
English translation
Siva gives away weapons to Parasurama Siva said - "O child, who are you, who is your father and where do you live? Why are you eulogising me? You express your desire to me.?
PSrvati said - "I find you filled with grief, sad and surprised, you resemble a child in age but because of your peaceful nature and other virtues, you are comparable to the virtuous field and shall also destroy KSrtavIrya who had killed my father.
Rt fa i mo ziq Bhrgu said - "O lord, I am the son of Jamadagni and am bom in the race of Bhrgu; the name of my mother is Renuka and my name is Parasurama. O lord of the universe, by imparting divine knowledge to me, you take me as your pupil. O lord, O uplifter of the down-trodden, I take refuge under you. Therefore, you protect O lord you, enable me to fulfil this vow."
On listening to the words of the Brahmana, looked at the face of Durga and the palate of Parvatl dried up.
Finding the king who had come for hunting, hungry, my father welcomed him as a guest and served him with food provided by the Kapila cow. Thereafter, the foolish king became desirous of possessing the Kapila cow and he killed my father. Kapila on her part, finding my father dead, went back to Goloka.
The mother also accompanied the father and I am an orphan at the moment. Therefore, O lord, you are my father at the moment and Parvati happens to be my mother. You protect me like your own son. With my mind filled with grief I have taken a difficult vow that I shall rid the earth of Ksatriyas, twenty one times in the battle¬ Parvatl said - ”0 tapasvl, because of your anger, you want to relieve the kings of the earth twenty one times. O ascetic this is a great courage of yours that you want to kill Sahasrarjuna without any weapon. He is the one by the side glance of whom even Ravana was W ^ f?feT: ftlTTII II O ascetic, he has been provided with a kavaca of the lord by the Dattatreya and there is no let up in his prowess which never decreases because of which he has killed your father. He is the one who recites the name of the lord throughout day and night. Who can kill him on earth? I don't
have any such person known to me.
O Brahmana, you get back to your home.
What shall Siva be able to do in this case, the rest of the kings are my devotees and why should they be afraid when I am there."
BhadrakalT said - ”0 Brahmana ascetic, you are foolish that you intend to deprive the earth of her rulers. It is like the one who is dwarf but intends to catch hold of the moon.
Do you intend to kill my devotees who are quite virtuous and have become meritorious with the help of Siva.” Parasurama listening to the words of both of them started crying aloud and in their very presence he got ready to end his life. Hearing the cries of Parasurama the merciful lord Siva looked at Kali and Durga both and with their permission, he started speaking to Parasurtoa.
Siva said - ”0 son, from today onwards you will be like my son and I shall bestow on you the inaccessible secret mantra of the three world.
I will also give you an astonishing kavaca with the use of which you will be able to kill O Brahmana, you will relieve the earth of the Ksatriyas twenty one times and the glory of your prowess will be spread in the universe. There is no doubt about it.” Thus speaking lord Siva gave him the inaccessible mantra called Trilokyavijaya the astonishing kavaca, stotra and the method of adoration, besides purascarana- mantra siddhi and the relevant regulations to be followed for making the same a success.
O Narada, he then told him the name and time of success. He imparted to him the knowledge of the Vedas.
He also imparted to him the knowledge of Ndrdyandstra, the fire weapon, the wind weapon, the water weapon, Gandharvdstra Jrmbhandstra, besides the use of gadd, s'akti, pars'u and the indestructible trident.
He also imparted the knowledge of the use of various types of weapons, mantras, the method of their use, the quivers and infallible arrows, the methods of protecting himself, for achieving success in the battle-field, many types of illusory wars, uttering of huihkdra, reciting of mantras, protection of his army and destruction of the enemy army, the method of protecting himself at the time of danger in the battle-field and the knowledge of over-coming death, besides the knowledge of illusion.
Remaining with the teacher for a long time, he fully acquainted himself with the use of all the weapons achieving the entire knowledge.
Thereafter, bowing in reverence to everyone, Parasurama left the place.
Chapter-aligned complete witnesses. Sanskrit Wikisource revision 117479 (2017-08-08T21:34:50Z); Shanti Lal Nagar English scan pages n731–n735: https://archive.org/details/brahma-vaivarta-purana-all-four-kandas-english-translation/page/n731/mode/1up. The historic English OCR transcription is lightly normalized; no verse-by-verse alignment is asserted.