Gaṇapati-khaṇḍa · Chapter 29
Sourceनारायण उवाच ।। ब्रह्मणो वचनं श्रुत्वा प्रणम्य च जगद्गुरुम्।। स्फीतस्तस्माद्वरं प्राप्य शिवलोकं जगाम सः ।। १ ।। लक्षयोजनमूर्ध्वं च ब्रह्मलोकाद्विलक्षणम् ।। अनिर्वाच्यसुशोभाढ्यं वाय्वाधारं मनोहरम् ।। २ ।। वैकुण्ठं दक्षिणे यस्य गौरीलोकश्च वामतः ।। यदधो धुवलोकश्च सर्वलोकात्परः स्मृतः ।। ३ ।। तेषामूर्ध्वं च गोलोकः पञ्चाशत्कोटियोजनः ।। अत ऊर्ध्वं न लोकश्च सर्वोपरि च स स्मृतः ।। ४ ।। मनोयायी स योगीन्द्रः शिवलोकं ददर्श ह ।। उपमानोपमेयाभ्यां रहितं महदद्भुतम् ।।५।। योगीन्द्राणां वरेण्यैश्च सिद्धविद्याविशारदैः।। कोटिकल्पतपःपूतैः पुण्यवद्भिर्निषेवितम्।।६।। वेष्टितं कल्पवृक्षाणां समूहैर्वाञ्छितप्रदैः ।। समूहैः कामधेनूनामसंख्यानां विराजितम् ।। ७ ।। पारिजाततरूणां च वनराजिविराजितम् ।। पुष्पोद्यानायुतैर्युक्तं सदा चातिसुशोभितम् ।। ८ ।। मणीन्द्रसाररचितैः शोभितैर्मणिवेदिभिः ।। राजमार्गशतैर्दिव्यैः सर्वतः परिभूषितम् ।।९।। मणीन्द्रासारनिर्माणशतकोटिगृहैर्युतम् ।। नानाचित्रविचित्राढ्यैर्मणीन्द्रकलशोज्ज्वलैः ।। १० ।। तन्मध्यदेशे रम्ये च ददर्श शङ्करालयम् ।। मणीन्द्रसाररचितप्राकारं सुमनोहरम् ।। ११ ।। अत्यूर्ध्वमम्बरस्पर्शि क्षीरनीरनिभं परम् ।। षोडशद्वारसंयुक्तं शोभितं शतमन्दिरैः ।। १२ ।। अमूल्यरत्नरचितै रत्नसोपानभूषितैः ।। रत्नस्तम्भकपाटैश्च हीरकेण परिष्कृतैः ।। १३ ।। माणिक्यजालमालाभिः सद्रत्नकलशोज्ज्वलैः ।। नानाविचित्रचित्रेण चित्रितैः सुमनोहरैः ।। १४ ।। आलयस्य पुरस्तत्र सिंहद्वारं ददर्श सः ।। रत्नेन्द्रसारखचितकपाटैश्च विराजितैः ।। १५ ।। शोभितं वेदिकाभिश्च बाह्याभ्यन्तरतः सदा ।। रचिताभिः पद्मरागैर्महामरकतैर्गृहम् ।। १६ ।। नानाप्रकारचित्रेण चित्रितं सुमनोहरम् ।। करालरूपावद्राक्षीद् द्वारपालौ भयंकरौ ।। ।। १७ ।। महाकरालदन्तास्यौ विरक्तौ रक्तलोचनौ ।। दग्धशैलप्रतीकाशौ महाबलपराक्रमौ ।। १८ ।। विभूतिभूषितांगौ च व्याघ्रचर्माम्बरौ वरौ ।। पिङ्गलाक्षौ विशालाक्षौ जटिलौ च त्रिलोचनौ ।।१९।। त्रिशूलपट्टिशधरौ ज्वलन्तौ ब्रह्मतेजसा ।। तौ दृष्ट्वा मनसा भीतस्त्रस्तः किञ्चिदुवाच ह ।। २० ।। विनयेन विनीतश्च दुर्विनीतौ महाबलौ ।। आत्मनः सर्ववृत्तान्तं कथयामास तत्पुरः ।। ।। २१ ।। विप्रस्य वचनं श्रुत्वा कृपायुक्तौ बभूवतुः ।। गृहीत्वाऽऽज्ञां चरद्वारा शंकरस्य महात्मनः ।। २२ ।। प्रवेष्टुमाज्ञां ददतुरीश्वरानुचरौ वरौ ।। भृगुस्तदाज्ञामादाय प्रविवेश हरिं स्मरन् ।। २३ ।। प्रत्येकं षोडश द्वारो ददर्श सुमनोहराः ।। द्वारपालैर्नियुक्ताश्च नानाचित्रविचित्रिताः ।। २४ ।। दृष्ट्वा ता महदाश्चर्य्यादपश्यच्छूलिनः सभाम् ।। नानासिद्धगणाकीर्णां महर्षिगणसेविताम् ।। २५ ।। पारिजातसुगन्धाढ्यवायुना सुरभीकृताम् ।। ददर्श तत्र देवेशं शङ्करं चन्द्रशेखरम् ।। २६ ।। त्रिशूलपट्टिशधरं व्याघ्रचर्माम्बरं परम्।। विभूतिभूषितांगं तं नागयज्ञोपवीतिनम् ।। रत्नसिंहासनस्थं च रत्नभूषणभूषितम् ।।२७।। महाशिवं शिवकरं शिवबीजं शिवाश्रयम्।। आत्मारामं पूर्णकामं सूर्य्यकोटिसमप्रभम् ।। २८ ।। ईषद्धास्यं प्रसन्नास्यं भक्तानुग्रहकातरम् ।। शश्वज्ज्योतिस्स्वरूपं च लोकानुग्रहविग्रहम्।।२९।। धृतवन्तं जटाजालं दक्षकन्यासमन्वितम् ।। तपसां फलदातारं दातारं सर्वसम्पदाम् ।।३०।। शुद्धस्फटिकसंकाशं पञ्च वक्त्रं त्रिलोचनम् ।। गुह्यं ब्रह्म प्रवोचन्तं शिष्येभ्यस्तत्त्वमुद्रया ।। ३१ ।। स्तूयमानं च योगीन्द्रैः सिद्धेन्द्रैः परिसेवितम् ।। पार्षदप्रवरैश्शश्वत्सेवितं श्वेतचामरैः।।३२।। ध्यायमानं परं ब्रह्म परिपूर्णतमं परम्।। स्वेच्छामयं गुणातीतं जरामृत्युहरं परम्।।३३।। ज्योतीरूपं च सर्वाद्यं श्रीकृष्णं प्रकृतेः परम् ।। ध्यायन्तं परमानन्दं पुलकाञ्चितविग्रहम् ।। सुस्वरं साश्रुनेत्रं तमुद्गायन्तं गुणार्णवम् ।। ३४ ।। भूतेन्द्रैर्वै रुद्रगणैः क्षेत्रपालैश्च वेष्टितम् ।। मूर्ध्ना ननाम परशुरामो दृष्ट्वा तमादरात् ।। ३५ ।। तद्वामे कार्त्तिकेयं च दक्षिणे च गणेश्वरम् ।। नन्दीश्वरं महाकालं वीरभद्रं च तत्पुरः ।। अंके ददर्श कान्तां तां गौरीं शैलेन्द्रकन्यकाम् ।। ३६ ।। ननाम सर्वान्मूर्ध्ना च भक्त्या च परया मुदा ।। दृष्ट्वा हरं परं तोषात्स्तोतुं समुपचक्रमे ।।३७।। सगद्गदपदं दीनस्साश्रुनेत्रोऽतिकातरः ।। कृताञ्जलिपुटः शान्तः शोकार्तः शोकनाशनम् ।। ३८ ।। परशुराम उवाच ।। ईश त्वां स्तोतुमिच्छामि सर्वथा स्तोतुमक्षमः ।। अक्षराक्षयबीजं च किं वा स्तौमि निरीहकम् ।।३९।। न योजनां कर्त्तुमीशो देवेशं स्तौमि मूढधीः ।। वेदा न शक्ता यं स्तोतुं कस्त्वां स्तोतुमिहेश्वरः ।। ।।४०।। वाग्बुद्धिमनसां दूरं सारात्सारं परात्परम् ।। ज्ञानमात्रेण साध्यं च सिद्धं सिद्धैर्निषेवितम्।। ४१।। यमाकाशमिवाद्यन्तमध्यहीनं तथाऽव्ययम् ।। विश्वतन्त्रमतन्त्रं च स्वतन्त्रं तन्त्रबीजकम् ।। ४२ ।। ध्यानासाध्यं दुराराध्यमतिसाध्यं कृपानिधिम् ।। त्राहि मां करुणासिन्धो दीनबन्धोऽतिदीनकम् ।। ४३ ।। अद्य मे सफलं जन्म जीवितं च सुजीवितम् ।। स्वप्नेऽप्यदृष्टं भक्तैश्चाधुना पश्यामि चक्षुषा ।। ४४ ।। शक्रादयः सुरगणाः कलया यस्य सम्भवाः ।। चराचराः कलांशेन तं नमामि महेश्वरम् ।। ४५ ।। स्त्रीरूपं क्लीबरूपं च पौरुषं च बिभर्ति यः ।। सर्वाधारं सर्वरूपं तं नमामि महेश्वरम् ।। ४६ ।। यं भास्करस्वरूपं च शशिरूपं हुताशनम् ।। जलरूपं वायुरूपं तं नमामि महेश्वरम् ।। ४७ ।। अनन्तविश्वसृष्टीनां संहर्तारं भयंकरम् ।। क्षणेन लीलामात्रेण तं नमामि महेश्वरम् ।।४८।। यः कालः कालकालश्च कलिर्बीजं च कालजः।। अजः प्रजश्च यः सर्वस्तं नमामि महेश्वरम्।।४९।। इत्येवमुक्त्वा स भृगुः पपात चरणाम्बुजे ।। आशिषं च ददौ तस्मै सुप्रसन्नो बभूव सः ।। ५० ।। जामदग्न्यकृतं स्तोत्रं यः पठेद्भक्तिसंयुतः ।। सर्वपापविनिर्मुक्तः शिवलोकं स गच्छति ।। ५१ ।। इति श्रीब्रह्मवैवर्ते महापुराणे तृतीये गणपतिखण्डे नारदनारायणसंवादे परशुरामस्य कैलासगमननामैकोनत्रिंशोऽध्यायः ।। २९ ।।
nārāyaṇa uvāca || brahmaṇo vacanaṃ śrutvā praṇamya ca jagadgurum|| sphītastasmādvaraṃ prāpya śivalokaṃ jagāma saḥ || 1 || lakṣayojanamūrdhvaṃ ca brahmalokādvilakṣaṇam || anirvācyasuśobhāḍhyaṃ vāyvādhāraṃ manoharam || 2 || vaikuṇṭhaṃ dakṣiṇe yasya gaurīlokaśca vāmataḥ || yadadho dhuvalokaśca sarvalokātparaḥ smṛtaḥ || 3 || teṣāmūrdhvaṃ ca golokaḥ pañcāśatkoṭiyojanaḥ || ata ūrdhvaṃ na lokaśca sarvopari ca sa smṛtaḥ || 4 || manoyāyī sa yogīndraḥ śivalokaṃ dadarśa ha || upamānopameyābhyāṃ rahitaṃ mahadadbhutam ||5|| yogīndrāṇāṃ vareṇyaiśca siddhavidyāviśāradaiḥ|| koṭikalpatapaḥpūtaiḥ puṇyavadbhirniṣevitam||6|| veṣṭitaṃ kalpavṛkṣāṇāṃ samūhairvāñchitapradaiḥ || samūhaiḥ kāmadhenūnāmasaṃkhyānāṃ virājitam || 7 || pārijātatarūṇāṃ ca vanarājivirājitam || puṣpodyānāyutairyuktaṃ sadā cātisuśobhitam || 8 || maṇīndrasāraracitaiḥ śobhitairmaṇivedibhiḥ || rājamārgaśatairdivyaiḥ sarvataḥ paribhūṣitam ||9|| maṇīndrāsāranirmāṇaśatakoṭigṛhairyutam || nānācitravicitrāḍhyairmaṇīndrakalaśojjvalaiḥ || 10 || tanmadhyadeśe ramye ca dadarśa śaṅkarālayam || maṇīndrasāraracitaprākāraṃ sumanoharam || 11 || atyūrdhvamambarasparśi kṣīranīranibhaṃ param || ṣoḍaśadvārasaṃyuktaṃ śobhitaṃ śatamandiraiḥ || 12 || amūlyaratnaracitai ratnasopānabhūṣitaiḥ || ratnastambhakapāṭaiśca hīrakeṇa pariṣkṛtaiḥ || 13 || māṇikyajālamālābhiḥ sadratnakalaśojjvalaiḥ || nānāvicitracitreṇa citritaiḥ sumanoharaiḥ || 14 || ālayasya purastatra siṃhadvāraṃ dadarśa saḥ || ratnendrasārakhacitakapāṭaiśca virājitaiḥ || 15 || śobhitaṃ vedikābhiśca bāhyābhyantarataḥ sadā || racitābhiḥ padmarāgairmahāmarakatairgṛham || 16 || nānāprakāracitreṇa citritaṃ sumanoharam || karālarūpāvadrākṣīd dvārapālau bhayaṃkarau || || 17 || mahākarāladantāsyau viraktau raktalocanau || dagdhaśailapratīkāśau mahābalaparākramau || 18 || vibhūtibhūṣitāṃgau ca vyāghracarmāmbarau varau || piṅgalākṣau viśālākṣau jaṭilau ca trilocanau ||19|| triśūlapaṭṭiśadharau jvalantau brahmatejasā || tau dṛṣṭvā manasā bhītastrastaḥ kiñciduvāca ha || 20 || vinayena vinītaśca durvinītau mahābalau || ātmanaḥ sarvavṛttāntaṃ kathayāmāsa tatpuraḥ || || 21 || viprasya vacanaṃ śrutvā kṛpāyuktau babhūvatuḥ || gṛhītvā''jñāṃ caradvārā śaṃkarasya mahātmanaḥ || 22 || praveṣṭumājñāṃ dadaturīśvarānucarau varau || bhṛgustadājñāmādāya praviveśa hariṃ smaran || 23 || pratyekaṃ ṣoḍaśa dvāro dadarśa sumanoharāḥ || dvārapālairniyuktāśca nānācitravicitritāḥ || 24 || dṛṣṭvā tā mahadāścaryyādapaśyacchūlinaḥ sabhām || nānāsiddhagaṇākīrṇāṃ maharṣigaṇasevitām || 25 || pārijātasugandhāḍhyavāyunā surabhīkṛtām || dadarśa tatra deveśaṃ śaṅkaraṃ candraśekharam || 26 || triśūlapaṭṭiśadharaṃ vyāghracarmāmbaraṃ param|| vibhūtibhūṣitāṃgaṃ taṃ nāgayajñopavītinam || ratnasiṃhāsanasthaṃ ca ratnabhūṣaṇabhūṣitam ||27|| mahāśivaṃ śivakaraṃ śivabījaṃ śivāśrayam|| ātmārāmaṃ pūrṇakāmaṃ sūryyakoṭisamaprabham || 28 || īṣaddhāsyaṃ prasannāsyaṃ bhaktānugrahakātaram || śaśvajjyotissvarūpaṃ ca lokānugrahavigraham||29|| dhṛtavantaṃ jaṭājālaṃ dakṣakanyāsamanvitam || tapasāṃ phaladātāraṃ dātāraṃ sarvasampadām ||30|| śuddhasphaṭikasaṃkāśaṃ pañca vaktraṃ trilocanam || guhyaṃ brahma pravocantaṃ śiṣyebhyastattvamudrayā || 31 || stūyamānaṃ ca yogīndraiḥ siddhendraiḥ parisevitam || pārṣadapravaraiśśaśvatsevitaṃ śvetacāmaraiḥ||32|| dhyāyamānaṃ paraṃ brahma paripūrṇatamaṃ param|| svecchāmayaṃ guṇātītaṃ jarāmṛtyuharaṃ param||33|| jyotīrūpaṃ ca sarvādyaṃ śrīkṛṣṇaṃ prakṛteḥ param || dhyāyantaṃ paramānandaṃ pulakāñcitavigraham || susvaraṃ sāśrunetraṃ tamudgāyantaṃ guṇārṇavam || 34 || bhūtendrairvai rudragaṇaiḥ kṣetrapālaiśca veṣṭitam || mūrdhnā nanāma paraśurāmo dṛṣṭvā tamādarāt || 35 || tadvāme kārttikeyaṃ ca dakṣiṇe ca gaṇeśvaram || nandīśvaraṃ mahākālaṃ vīrabhadraṃ ca tatpuraḥ || aṃke dadarśa kāntāṃ tāṃ gaurīṃ śailendrakanyakām || 36 || nanāma sarvānmūrdhnā ca bhaktyā ca parayā mudā || dṛṣṭvā haraṃ paraṃ toṣātstotuṃ samupacakrame ||37|| sagadgadapadaṃ dīnassāśrunetro'tikātaraḥ || kṛtāñjalipuṭaḥ śāntaḥ śokārtaḥ śokanāśanam || 38 || paraśurāma uvāca || īśa tvāṃ stotumicchāmi sarvathā stotumakṣamaḥ || akṣarākṣayabījaṃ ca kiṃ vā staumi nirīhakam ||39|| na yojanāṃ karttumīśo deveśaṃ staumi mūḍhadhīḥ || vedā na śaktā yaṃ stotuṃ kastvāṃ stotumiheśvaraḥ || ||40|| vāgbuddhimanasāṃ dūraṃ sārātsāraṃ parātparam || jñānamātreṇa sādhyaṃ ca siddhaṃ siddhairniṣevitam|| 41|| yamākāśamivādyantamadhyahīnaṃ tathā'vyayam || viśvatantramatantraṃ ca svatantraṃ tantrabījakam || 42 || dhyānāsādhyaṃ durārādhyamatisādhyaṃ kṛpānidhim || trāhi māṃ karuṇāsindho dīnabandho'tidīnakam || 43 || adya me saphalaṃ janma jīvitaṃ ca sujīvitam || svapne'pyadṛṣṭaṃ bhaktaiścādhunā paśyāmi cakṣuṣā || 44 || śakrādayaḥ suragaṇāḥ kalayā yasya sambhavāḥ || carācarāḥ kalāṃśena taṃ namāmi maheśvaram || 45 || strīrūpaṃ klībarūpaṃ ca pauruṣaṃ ca bibharti yaḥ || sarvādhāraṃ sarvarūpaṃ taṃ namāmi maheśvaram || 46 || yaṃ bhāskarasvarūpaṃ ca śaśirūpaṃ hutāśanam || jalarūpaṃ vāyurūpaṃ taṃ namāmi maheśvaram || 47 || anantaviśvasṛṣṭīnāṃ saṃhartāraṃ bhayaṃkaram || kṣaṇena līlāmātreṇa taṃ namāmi maheśvaram ||48|| yaḥ kālaḥ kālakālaśca kalirbījaṃ ca kālajaḥ|| ajaḥ prajaśca yaḥ sarvastaṃ namāmi maheśvaram||49|| ityevamuktvā sa bhṛguḥ papāta caraṇāmbuje || āśiṣaṃ ca dadau tasmai suprasanno babhūva saḥ || 50 || jāmadagnyakṛtaṃ stotraṃ yaḥ paṭhedbhaktisaṃyutaḥ || sarvapāpavinirmuktaḥ śivalokaṃ sa gacchati || 51 || iti śrībrahmavaivarte mahāpurāṇe tṛtīye gaṇapatikhaṇḍe nāradanārāyaṇasaṃvāde paraśurāmasya kailāsagamananāmaikonatriṃśo'dhyāyaḥ || 29 ||
English translation
The Arrival of Parasurama at Kailasa Narayana said - On hearing the words of Brahma, Parasurama hfowed in reverence to him and after getting blessed by him, went to Sivaloka with great enthusiasm. This Sivaloka is located a lakh of yojanas above Brahmaloka T his is more astonishing than the abode of Brahma having glory which cannot be explained and is floating in the air besides being quite charming. Vaikuntha is located to its north and the abode of Gauri is located below. The region of the Dhruva is located still below it and it is beyond all the lokas.
The Goloka is located at a distance of fifty crore yojanas and above that there are no other lokas. It is the topmost of all. This has been stated in the scriptures.
That Parasurama the best of the yogis who could move with the speed thought reached there is an instance. Sivaloka which was incomparable, immensely astonishing and was the dwelling place of great yogis, siddhas, for crores of kalpas was purified by the auspicious souls.
It was surrounded by kalpavrksas which fulfil the desires of all, besides innumerable herds of Omadhenu cows, innumerable forests of Pdrijata trees, infatuated with black-wasps always greedy for honey, filled with freest tree leaves and the sweet notes of cuckoos. It was built as per the desires of Siva and the yogis.
Such a type of construction had not been witnessed to even by Visvakarma, the teacher of the architects. O Brahmana, Sivaloka was surrounded by yogis and healthy wild animals.
There were hundreds of divine pools with lines of lotus flowers and orchards, which added to the beauty of the place.
ifeV T S f' WHTti ^mi There were many pedestals made of gems and the roads were also decorated with gems besides hundreds of dwelling places which were made of the best of precious gems and the astonishing type of decorated bases.
He found the abode of lord ^iva surrounded by beautiful buildings which were surrounded by a beautiful boundary wall.
It was quite high almost touching the sky, white in colour like milk and had sixteen entrance gates besides other buildings.
It had charming pillars and doors which were studded with gems.
There were beds of fine decorations with sapphire gems, best of gems and many types of beautiful paintings.
He found again the main gates in front of the palace, which had a gate in which the best of the gems were studded. He then saw the palace having the pedestal decorated with gems and precious stones besides beautiful paintings. He found two terrific looking gatekeepers guarding the gate. Their teeth were protruding, were terrific to look at, with red and deformed eyes.
They looked like a bumt-out mountain, were quite valorous and great warriors. They had applied ashes on their bodies, were clad in tiger skins, having broad pinkish eyes, wearing matted locks of hair on the head, having three eyes and held a strident and a pattis'a in their hands and appeared like burning fire flames. The sight of those gate-keepers frightened Parasurama but inspite of that he spoke to them.
Becoming meek and humble, appearing miserable, he narrated the pathetic story before the gate-keepers.
On hearing the story of the Brahmana both of them felt pity and getting permission from lord Siva, they allowed him to have an audience with the lord. At the command of the lord Parasurama reciting his name entered the chamber of Siva.
Thus he crossed sixteen gates, all of which were quite charming to look at and were guarded by astonishing types of gate-keepers.
After witnessing all the gate-keepers he entered the court of lord ^iva which was surrounded by the siddha people and ascetics.
The breeze carrying the fragrance of Pdrijdta flowers pervaded the place. He found there ^iva, the lord of the gods, wearing a crescent on his head. He was holding a trident and paftis'a, wore the skin of a tiger with all the limbs plastered with ashes, wearing the yajnopavita of ndgas and was seated in sukhdsana on the gem-studded lion-throne, adorned with all the ornaments studded with gems.
He bestowed welfare, the seed of prosperity, refuge of welfare, the great soul, the one who fulfils all the desires, having the lustre of crores of suns. Wearing a serene smile on his face, he was having a delightful face. He is the one who is always merciful towards his devotees, always having the form of flame and the one who takes to the human forms for the welfare of all, wearing matted locks of hair, accompanied by Gaurl. He is the result of tapas and bestower of all the riches, having the spotless complexion like a crystal gem, having five faces, three eyes and was imparting the divine knowledge to his pupils in tattva and the divine knowledge of Brahmana. He was adored by the yogis, served the siddhas all round, served by the attendants with white fly-whisks, form of flame and reciting the name of blissful lord Krsna, who is primeval and beyond Prakrti, meditated upon by people as Mahasiva, getting emotional. They were loudly
reciting the name of the lord who happens to be oceans of virtues and the tears were flowing from their eyes. He was surrounded by bhutas, Rudras and ksetra-pdlas. Thereafter Parasurama bowed in reverence to him; Kartikeya appeared to his left, Ganes'a appeared to his right, while Nandikesvara, Mahakala and Virbhadra were seated in front of him. P5rvatl the daughter of the king of mountains was seated in his lap. With his mind filled with devotion Paras'urama offered his salutation to lord Siva bowing his head. Finding Siva there, Parasurama was satisfied and he started offering prayers to him. He was feeling miserable, his eyes were filled with tears and he stood there with folded hands. He then started reciting the glory of lord Siva with a choked Parasurama said - O lord, I intend to eulogise you but am unable to do so. What type of prayer can I offer to the one who is imperishable, eternal and without any desire?
I bow in reverence to Mahesvara who is having the form of a man, a woman, impotent, possessing great prowess and the base of all; I bow in reverence to Mahesvara.
I cannot think about it but still I venture to do so being an utterly foolish person because the one whose glory is beyond the reach of the Vedas, then who else can recite your glory.
You are beyond speech, wisdom and the mind; you are the essence of the essence, beyond everything. You are the one who can be achieved only by divine knowledge. You are the siddha and are served by the siddhas.
The one who is the form of the sun, the moon, fire, water and the wind, I bow in reverence to the same Mahesvara.
The one who can destroy the entire universe in an instant, I bow in reverence to the same Thus speaking Parasurtoa fell at the feet of Siva who getting delighted blessed him.
You are without beginning, middle or end, like the sky, without destruction, tantra of the universe, beyond tantra, independent, the seed of tantra, difficult to achieve even by meditation, difficult to meditate upon and are most merciful.
Therefore, O ocean of mercy, O lover of the down-trodden, I am in a miserable condition, therefore, you kindly protect me.
Whosoever recites the stotra composed by Parasurama, he is relieved of all sins and he My life has been a successful today because the one who is beyond the reach of the devotees even in dream, him I am visualising with my own eyes.
From whose race, the gods like Indra have emerged and all the movable and immovable things on earth are his reflection alone. I bow in reverence to such a type of Mahesvara.
Chapter-aligned complete witnesses. Sanskrit Wikisource revision 117478 (2017-08-08T21:32:41Z); Shanti Lal Nagar English scan pages n727–n731: https://archive.org/details/brahma-vaivarta-purana-all-four-kandas-english-translation/page/n727/mode/1up. The historic English OCR transcription is lightly normalized; no verse-by-verse alignment is asserted.