Gaṇapati-khaṇḍa · Chapter 24
Sourceनारद उवाच ।। नारायण महाभाग हरेरंशसमुद्भव ।। सर्वं श्रुतं त्वत्प्रसादाद्गणेशचरितं शुभम् ।।१।। दन्तद्वययुतं वक्त्रं गजराजस्य बालके ।। विष्णुना योजितं ब्रह्मन्नेकदन्तः कथं शिशुः ।।२।। कुतो गतोऽस्य दन्तोऽन्यस्तद्भवान्वक्तुमर्हति ।। सर्वेश्वरस्त्वं सर्वज्ञः कृपावान्भक्तवत्सलः ।। ३ ।। सूत उवाच ।। नारदस्य वचः श्रुत्वा स्मेरानन सरोरुहः ।। एकदन्तस्य चरितं प्रवक्तुमुपचक्रमे ।। ४ ।। नारायण उवाच ।। शृणु नारद वक्ष्येऽहमितिहासं पुरातनम् ।। एकदन्तस्य चरितं सर्वमंगलमंगलम् ।। ५ ।। एकदा कार्त्तवीर्य्यश्च जगाम मृगयां मुने ।। मृगान्निहत्य बहुलान्परिश्रान्तो बभूव सः ।। ६ ।। निशामुखे दिनेऽतीते तत्र तस्थौ वने नृपः ।। जमदग्न्याश्रमाभ्याशे चोपोष्यानीकसंयुतः ।।७।। प्रातः सरोवरे राजा स्नातः शुचिरलंकृतः ।। तदाऽऽत्रेयेण दत्तं च ह्यजपद्भक्तितो मनुम् ।। ८ ।। मुनिर्ददर्श राजानं शुष्ककण्ठौष्ठतालुकम्।। प्रीत्याऽऽदरेण मृदुलं पप्रच्छ कुशलं मुनिः ।। ९ ।। ननाम सम्भमाद्राजा मुनिं सूर्य्यसमप्रभम् ।। स च तस्मै ददौ प्रीत्या प्रणताय शुभाशिषः ।। १० ।। वृत्तान्तं कथयामास राजा चानशनादिकम् ।। संभ्रमेणैव मुनिना त्रस्तो राजा निमन्त्रितः ।। ११ ।। विज्ञाप्य तं मुनिश्रेष्ठः प्रययौ स्वालयं मुदा ।। एतद्वृत्तं कामधेनुं कथयामास भीतवत् ।।१२।। उवाच सा मुनिं भीतं भयं किं ते मम स्थितौ ।। जगद्भोजयितुं शक्तस्त्वं मया को नृपो मुने ।। १३ ।। राजभोजनयोग्यार्हं यद्यद्द्रव्यं प्रयाचसे ।। सर्वं तुभ्यं प्रदास्यामि त्रिषु लोकेषु दुर्लभम् ।। १४ ।। सौवर्णानि च रौप्याणि पात्राणि विविधानि च ।। भोजनार्हाण्यसंख्यानि पाकपात्राणि यानि च ।। १५ ।। पात्राणि स्वादुपूर्णानि प्रददौ मुनये च सा ।। नानाविधानि स्वादूनि परिपक्वफलानि च ।। १६ ।। पनसाम्रश्रीफलानि नारिकेलादिकानि च ।। राशीभूतान्यसंख्यानि स्वादुलड्डुकराशयः ।। १७ ।। यवगोधूमचूर्णानां भक्ष्याणि विविधानि च ।। पक्वान्नानां पर्वतांश्च परमान्नस्य कन्दरान् ।। १८ ।। दुग्धानां च घृतानां च नदीर्दध्नां ददौ मुदा ।। शर्कराणां तथा राशिं मोदकानां च पर्वतान् ।। १९ ।। पृथुकानां सुशालीनां पर्वतान्प्रददौ मुदा ।। ताम्बूलं च ददौ पूर्णं कर्पूरादिसुवासितम् ।। २० ।। नृपयोग्यं कौतुकाच्च सुन्दरं वस्त्रभूषणम् ।। मुनिः सम्भृतसम्भारो दत्त्वा द्रव्यं मनोहरम् ।। २१ ।। भोजयामास राजानं ससैन्यमपि लीलया ।। यद्यस्तु दुर्लभं वस्तु परिपूर्णं नृपेश्वर ।। जगाम विस्मयं राजा दृष्ट्वा पात्राण्युवाच ह ।। २२ ।। राजोवाच ।। द्रव्याण्येतानि सचिव दुर्लभान्यश्रुतानि च ।। ममासाध्यानि सहसा क्वागतान्यवलोकय ।। २३ ।। नृपाज्ञया च सचिवः सर्वं दृष्ट्वा मुनेर्गृहे ।। राजानं कथयामास वृत्तान्तं महद्भुतम् ।। २४ ।। सचिव उवाच ।। दृष्टं सर्वं महाराज निबोध मुनिमन्दिरम् ।। वह्निकुण्डं यज्ञकाष्ठकुशपुष्पफलान्वितम् ।।२५।। कृष्णचर्मस्रुवस्रुग्भिः शिष्यसंघैश्च संकुलम् ।। तैजसाधारसस्यादिसर्वसम्पद्विवर्जितम् ।। २६ ।। वृक्षचर्मपरीधाना दृष्टाः सर्वे जटाधराः ।। गृहैकदेशे दृष्टा सा कपिलैका मनोहरा ।। २७ ।। चार्वंगी रुद्रवर्णाभा रक्तपङ्कजलोचना ।। ज्वलन्ती तेजसा तत्र पूर्णचन्द्रसमप्रभा ।। २८ ।। सर्वसम्पद्गुणाधारा साक्षादिव हरिप्रिया ।। इत्येवं बोधितो राजा दुर्बुद्धिः सचिवाज्ञया ।। २९ ।। मुनिं ययाचे तां धेनुं निबद्धः कालपाशतः ।। किं वा पुण्यं च का बुद्धिः कः कालः सर्वतो बली।।३०।। पुण्यवान्बुद्धिमान्दैवाद्राजेन्द्रो ऽयाचत द्विजम् ।। पुण्यात्प्रजायते कर्म पुण्यरूपं च भारते ।। ३१ ।। पापात्प्रजायते कर्म पापरूपं भयावहम् ।। पुण्यात्कृत्वा स्वर्गभोगं जन्म पुण्यस्थले नृणाम् ।। ३२ ।। पापाद्भुक्त्वा च नरकं कुत्सितं जन्म जीविनाम् ।। जीविनां निष्कृतिर्नास्ति स्थिते कर्मणि नारद ।। ३३ ।। तेन कुर्वन्ति सन्तश्च सन्ततं कर्मणः क्षयम् ।। सा विद्या तत्तपो ज्ञानं स गुरुः स च बान्धवः ।। ३४ ।। सा माता स पिता पुत्रस्तत्क्षयं कारयेत्तु यः ।। जीविनां दारुणो रोगः कर्मभोगः शुभाशुभः ।। ३९ ।। भक्तवैद्यस्तं निहन्ति कृष्णभक्तिरसायनात् ।। माया ददाति तां भक्तिं प्रतिजन्मनि सेविता ।। ३६ ।। परितुष्टा जगद्धात्री भक्तेभ्यो बुद्धिदायिनी ।। परा परम भक्ताय माया यस्मै ददाति च ।।३७।। मायां तस्मै मोहयितुं न विवेकं कदाचन ।। मायाविमोहिते राजा मुनिमानीय यत्नतः ।। ।। ३८ ।। उवाच विनयाद्भक्त्या कृताञ्जलिपुटो मुदा ।। ३९ ।। राजोवाच ।। देहि भिक्षां कल्पतरो कामधेनुं च कामदाम् ।। मह्यं भक्ताय भक्तेश भक्तानुग्रहकारक ।।४०।। युष्मद्विधानां दातॄणामदेयं नास्ति भारते ।। दधीचिर्देवताभ्यश्च ददौ स्वास्थि पुरा श्रुतम् ।। ।। ४१ ।। भ्रूभंगलीलामात्रेण तपोराशे तपोधन ।। समूहं कामधेनूनां स्रष्टुं शक्तोऽसि भारते ।। ४२ ।। मुनिरुवाच ।। अहो व्यतिक्रमं राजन्ब्रवीषि शठ वञ्चक ।। दानं दास्यामि विप्रोऽहं क्षत्रियाय कथं नृप ।। ४३ ।। कृष्णेन दत्ता गोलोके ब्रह्मणे परमात्मना ।। कामधेनुरियं यज्ञे न देया प्राणतः प्रिया ।। ४४ ।। ब्रह्मणा भृगवे दत्ता प्रियपुत्राय भूमिप ।। मह्यं दत्ता च भृगुणा कपिला पैतृकी मम ।।४५।। गोलोकजा कामधेनुर्दुर्लभा भुवनत्रये।। लीलामात्रात्कथमहं कपिलां स्रष्टुमीश्वरः ।। ४६ ।। नाहं रे हालिको मूढस्तुत्या नोत्थापितो बुधः ।। क्षणेन भस्मसात्कर्तुं क्षमोऽहमतिथिं विना ।। ४७ ।। गृहं गच्छ गृहं गच्छ मे कोपं नैव वर्द्धय ।। पुत्र दारादिकं पश्य दैवबाधित पामर ।।४८।। मुनेस्तद्वचनं श्रुत्वा चुकोप स नराधिपः ।। नत्वा मुनिं सैन्यमध्यं प्रययौ विधिबाधितः ।। ।। ४९ ।। गत्वा सैन्यसकाशं स कोपप्रस्फुरिताधरः ।। किङ्करान्प्रेषयामास धेनुमानयितुं बलात् ।। ५० ।। कपिलासन्निधिं गत्वा रुरोद मुनिपुंगवः ।। कथयामास वृत्तान्तं शोकेन हतचेतनः ।। ५१ ।। रुदन्तं ब्राह्मणं दृष्ट्वा सुरभिस्तमुवाच ह ।। साक्षाल्लक्ष्मीस्वरूपा सा भक्तानुग्रहकारिका ।।५२।। सुरभिरुवाच ।। इन्द्रो वा हालिको वाऽपि वस्तु स्वं दातुमीश्वरः ।। शास्ता पालयिता दाता स्ववस्तूनां च सन्ततम् ।।५३।। स्वेच्छया चेन्नृपेन्द्राय मां ददासि तपोधन ।। तेन सार्द्धं गमिष्यामि स्वेच्छया च तवाज्ञया ।।९४।। अथवा न ददासि त्वं न गमिष्यामि ते गृहात् ।। मत्तो दत्तेन सैन्येन दूरीकुरु नृपं द्विषम् ।। ५५ ।। कथं रोदिषि सर्वज्ञ मायामोहितचेतनः ।। संयोगश्च वियोगश्च कालसाध्यो न चात्मनः ।। ५६ ।। त्वं वा को मे तवाहं का सम्बन्धः कालयोजितः ।। यावदेव हि सम्बन्धो ममत्वं तावदेव हि ।।५७।। मनो जानाति यद्द्रव्यमात्मीयं चेति केवलम् ।। दुःखं च तस्य विच्छेदाद्यावत्स्वत्वं च तत्र वै ।।। ।।। ५८ ।। इत्युक्त्वा कामधेनुश्च सुषाव विविधानि च ।। शस्त्राण्यस्त्राणि सैन्यानि सूर्यतुल्यप्रभाणि च ।।५९।। निर्गताः कपिलावक्त्रात्त्रिकोट्यः खड्गधारिणाम् ।। विनिस्सृता नासिकायाः शूलिनः पञ्च कोटयः ।। ६० ।। विनिस्सृता लोचनाभ्यां शतकोटिधनुर्द्धरा।। कपालान्निस्सृता वीरास्त्रिकोट्यो दण्डधारिणाम्।। ६१ ।। वक्षस्स्थलान्निस्सृताश्च त्रिकोट्यश्शक्तिधारिणाम् ।। शतकोट्यो गदाहस्ताः पृष्ठदेशाद्विनिर्गताः।।६२।। विनिस्सृताः पादतलाद्वाद्यभाण्डाः सहस्रशः ।। जंघादेशान्निस्सृताश्च त्रिकोट्यो राजपुत्रकाः ।। ६३ ।। विनिर्गता गुह्यदेशात्त्रिकोटिम्लेच्छजातयः।। दत्त्वा सैन्यानि कपिला मुनये चाभयं ददौ। युद्धं कुर्वन्तु सैन्यानि त्वं न याहीत्युवाच ह।।६४।। मुनिः सम्भूतसम्भारैर्हर्षयुक्तो बभूव ह।। नृपेण प्रेरितो भृत्यो नृपं सर्वमुवाच ह।।६५।। कपिलासैन्यवृत्तान्तमात्मवर्गपराजयम्।। तच्छ्रुत्वा नृपशार्दूलस्त्रस्तः कातरमानसः ।। दूतान्त्संप्रेष्य सैन्यानि चाजहार स्वदेशतः।।६६।। इति श्रीब्रह्मवैवर्त्ते महापुराणे तृतीये गणपतिखण्डे नारदनारायणसंवादे एकदन्तत्वप्रश्नप्रसङ्गे जदमग्निकार्त्तवीर्ययुद्धारंभवर्णनंनाम चतुर्विंशोऽध्यायः ।। २४ ।।
nārada uvāca || nārāyaṇa mahābhāga hareraṃśasamudbhava || sarvaṃ śrutaṃ tvatprasādādgaṇeśacaritaṃ śubham ||1|| dantadvayayutaṃ vaktraṃ gajarājasya bālake || viṣṇunā yojitaṃ brahmannekadantaḥ kathaṃ śiśuḥ ||2|| kuto gato'sya danto'nyastadbhavānvaktumarhati || sarveśvarastvaṃ sarvajñaḥ kṛpāvānbhaktavatsalaḥ || 3 || sūta uvāca || nāradasya vacaḥ śrutvā smerānana saroruhaḥ || ekadantasya caritaṃ pravaktumupacakrame || 4 || nārāyaṇa uvāca || śṛṇu nārada vakṣye'hamitihāsaṃ purātanam || ekadantasya caritaṃ sarvamaṃgalamaṃgalam || 5 || ekadā kārttavīryyaśca jagāma mṛgayāṃ mune || mṛgānnihatya bahulānpariśrānto babhūva saḥ || 6 || niśāmukhe dine'tīte tatra tasthau vane nṛpaḥ || jamadagnyāśramābhyāśe copoṣyānīkasaṃyutaḥ ||7|| prātaḥ sarovare rājā snātaḥ śuciralaṃkṛtaḥ || tadā''treyeṇa dattaṃ ca hyajapadbhaktito manum || 8 || munirdadarśa rājānaṃ śuṣkakaṇṭhauṣṭhatālukam|| prītyā''dareṇa mṛdulaṃ papraccha kuśalaṃ muniḥ || 9 || nanāma sambhamādrājā muniṃ sūryyasamaprabham || sa ca tasmai dadau prītyā praṇatāya śubhāśiṣaḥ || 10 || vṛttāntaṃ kathayāmāsa rājā cānaśanādikam || saṃbhrameṇaiva muninā trasto rājā nimantritaḥ || 11 || vijñāpya taṃ muniśreṣṭhaḥ prayayau svālayaṃ mudā || etadvṛttaṃ kāmadhenuṃ kathayāmāsa bhītavat ||12|| uvāca sā muniṃ bhītaṃ bhayaṃ kiṃ te mama sthitau || jagadbhojayituṃ śaktastvaṃ mayā ko nṛpo mune || 13 || rājabhojanayogyārhaṃ yadyaddravyaṃ prayācase || sarvaṃ tubhyaṃ pradāsyāmi triṣu lokeṣu durlabham || 14 || sauvarṇāni ca raupyāṇi pātrāṇi vividhāni ca || bhojanārhāṇyasaṃkhyāni pākapātrāṇi yāni ca || 15 || pātrāṇi svādupūrṇāni pradadau munaye ca sā || nānāvidhāni svādūni paripakvaphalāni ca || 16 || panasāmraśrīphalāni nārikelādikāni ca || rāśībhūtānyasaṃkhyāni svādulaḍḍukarāśayaḥ || 17 || yavagodhūmacūrṇānāṃ bhakṣyāṇi vividhāni ca || pakvānnānāṃ parvatāṃśca paramānnasya kandarān || 18 || dugdhānāṃ ca ghṛtānāṃ ca nadīrdadhnāṃ dadau mudā || śarkarāṇāṃ tathā rāśiṃ modakānāṃ ca parvatān || 19 || pṛthukānāṃ suśālīnāṃ parvatānpradadau mudā || tāmbūlaṃ ca dadau pūrṇaṃ karpūrādisuvāsitam || 20 || nṛpayogyaṃ kautukācca sundaraṃ vastrabhūṣaṇam || muniḥ sambhṛtasambhāro dattvā dravyaṃ manoharam || 21 || bhojayāmāsa rājānaṃ sasainyamapi līlayā || yadyastu durlabhaṃ vastu paripūrṇaṃ nṛpeśvara || jagāma vismayaṃ rājā dṛṣṭvā pātrāṇyuvāca ha || 22 || rājovāca || dravyāṇyetāni saciva durlabhānyaśrutāni ca || mamāsādhyāni sahasā kvāgatānyavalokaya || 23 || nṛpājñayā ca sacivaḥ sarvaṃ dṛṣṭvā munergṛhe || rājānaṃ kathayāmāsa vṛttāntaṃ mahadbhutam || 24 || saciva uvāca || dṛṣṭaṃ sarvaṃ mahārāja nibodha munimandiram || vahnikuṇḍaṃ yajñakāṣṭhakuśapuṣpaphalānvitam ||25|| kṛṣṇacarmasruvasrugbhiḥ śiṣyasaṃghaiśca saṃkulam || taijasādhārasasyādisarvasampadvivarjitam || 26 || vṛkṣacarmaparīdhānā dṛṣṭāḥ sarve jaṭādharāḥ || gṛhaikadeśe dṛṣṭā sā kapilaikā manoharā || 27 || cārvaṃgī rudravarṇābhā raktapaṅkajalocanā || jvalantī tejasā tatra pūrṇacandrasamaprabhā || 28 || sarvasampadguṇādhārā sākṣādiva haripriyā || ityevaṃ bodhito rājā durbuddhiḥ sacivājñayā || 29 || muniṃ yayāce tāṃ dhenuṃ nibaddhaḥ kālapāśataḥ || kiṃ vā puṇyaṃ ca kā buddhiḥ kaḥ kālaḥ sarvato balī||30|| puṇyavānbuddhimāndaivādrājendro 'yācata dvijam || puṇyātprajāyate karma puṇyarūpaṃ ca bhārate || 31 || pāpātprajāyate karma pāparūpaṃ bhayāvaham || puṇyātkṛtvā svargabhogaṃ janma puṇyasthale nṛṇām || 32 || pāpādbhuktvā ca narakaṃ kutsitaṃ janma jīvinām || jīvināṃ niṣkṛtirnāsti sthite karmaṇi nārada || 33 || tena kurvanti santaśca santataṃ karmaṇaḥ kṣayam || sā vidyā tattapo jñānaṃ sa guruḥ sa ca bāndhavaḥ || 34 || sā mātā sa pitā putrastatkṣayaṃ kārayettu yaḥ || jīvināṃ dāruṇo rogaḥ karmabhogaḥ śubhāśubhaḥ || 39 || bhaktavaidyastaṃ nihanti kṛṣṇabhaktirasāyanāt || māyā dadāti tāṃ bhaktiṃ pratijanmani sevitā || 36 || parituṣṭā jagaddhātrī bhaktebhyo buddhidāyinī || parā parama bhaktāya māyā yasmai dadāti ca ||37|| māyāṃ tasmai mohayituṃ na vivekaṃ kadācana || māyāvimohite rājā munimānīya yatnataḥ || || 38 || uvāca vinayādbhaktyā kṛtāñjalipuṭo mudā || 39 || rājovāca || dehi bhikṣāṃ kalpataro kāmadhenuṃ ca kāmadām || mahyaṃ bhaktāya bhakteśa bhaktānugrahakāraka ||40|| yuṣmadvidhānāṃ dātṝṇāmadeyaṃ nāsti bhārate || dadhīcirdevatābhyaśca dadau svāsthi purā śrutam || || 41 || bhrūbhaṃgalīlāmātreṇa taporāśe tapodhana || samūhaṃ kāmadhenūnāṃ sraṣṭuṃ śakto'si bhārate || 42 || muniruvāca || aho vyatikramaṃ rājanbravīṣi śaṭha vañcaka || dānaṃ dāsyāmi vipro'haṃ kṣatriyāya kathaṃ nṛpa || 43 || kṛṣṇena dattā goloke brahmaṇe paramātmanā || kāmadhenuriyaṃ yajñe na deyā prāṇataḥ priyā || 44 || brahmaṇā bhṛgave dattā priyaputrāya bhūmipa || mahyaṃ dattā ca bhṛguṇā kapilā paitṛkī mama ||45|| golokajā kāmadhenurdurlabhā bhuvanatraye|| līlāmātrātkathamahaṃ kapilāṃ sraṣṭumīśvaraḥ || 46 || nāhaṃ re hāliko mūḍhastutyā notthāpito budhaḥ || kṣaṇena bhasmasātkartuṃ kṣamo'hamatithiṃ vinā || 47 || gṛhaṃ gaccha gṛhaṃ gaccha me kopaṃ naiva varddhaya || putra dārādikaṃ paśya daivabādhita pāmara ||48|| munestadvacanaṃ śrutvā cukopa sa narādhipaḥ || natvā muniṃ sainyamadhyaṃ prayayau vidhibādhitaḥ || || 49 || gatvā sainyasakāśaṃ sa kopaprasphuritādharaḥ || kiṅkarānpreṣayāmāsa dhenumānayituṃ balāt || 50 || kapilāsannidhiṃ gatvā ruroda munipuṃgavaḥ || kathayāmāsa vṛttāntaṃ śokena hatacetanaḥ || 51 || rudantaṃ brāhmaṇaṃ dṛṣṭvā surabhistamuvāca ha || sākṣāllakṣmīsvarūpā sā bhaktānugrahakārikā ||52|| surabhiruvāca || indro vā hāliko vā'pi vastu svaṃ dātumīśvaraḥ || śāstā pālayitā dātā svavastūnāṃ ca santatam ||53|| svecchayā cennṛpendrāya māṃ dadāsi tapodhana || tena sārddhaṃ gamiṣyāmi svecchayā ca tavājñayā ||94|| athavā na dadāsi tvaṃ na gamiṣyāmi te gṛhāt || matto dattena sainyena dūrīkuru nṛpaṃ dviṣam || 55 || kathaṃ rodiṣi sarvajña māyāmohitacetanaḥ || saṃyogaśca viyogaśca kālasādhyo na cātmanaḥ || 56 || tvaṃ vā ko me tavāhaṃ kā sambandhaḥ kālayojitaḥ || yāvadeva hi sambandho mamatvaṃ tāvadeva hi ||57|| mano jānāti yaddravyamātmīyaṃ ceti kevalam || duḥkhaṃ ca tasya vicchedādyāvatsvatvaṃ ca tatra vai ||| ||| 58 || ityuktvā kāmadhenuśca suṣāva vividhāni ca || śastrāṇyastrāṇi sainyāni sūryatulyaprabhāṇi ca ||59|| nirgatāḥ kapilāvaktrāttrikoṭyaḥ khaḍgadhāriṇām || vinissṛtā nāsikāyāḥ śūlinaḥ pañca koṭayaḥ || 60 || vinissṛtā locanābhyāṃ śatakoṭidhanurddharā|| kapālānnissṛtā vīrāstrikoṭyo daṇḍadhāriṇām|| 61 || vakṣassthalānnissṛtāśca trikoṭyaśśaktidhāriṇām || śatakoṭyo gadāhastāḥ pṛṣṭhadeśādvinirgatāḥ||62|| vinissṛtāḥ pādatalādvādyabhāṇḍāḥ sahasraśaḥ || jaṃghādeśānnissṛtāśca trikoṭyo rājaputrakāḥ || 63 || vinirgatā guhyadeśāttrikoṭimlecchajātayaḥ|| dattvā sainyāni kapilā munaye cābhayaṃ dadau| yuddhaṃ kurvantu sainyāni tvaṃ na yāhītyuvāca ha||64|| muniḥ sambhūtasambhārairharṣayukto babhūva ha|| nṛpeṇa prerito bhṛtyo nṛpaṃ sarvamuvāca ha||65|| kapilāsainyavṛttāntamātmavargaparājayam|| tacchrutvā nṛpaśārdūlastrastaḥ kātaramānasaḥ || dūtāntsaṃpreṣya sainyāni cājahāra svadeśataḥ||66|| iti śrībrahmavaivartte mahāpurāṇe tṛtīye gaṇapatikhaṇḍe nāradanārāyaṇasaṃvāde ekadantatvapraśnaprasaṅge jadamagnikārttavīryayuddhāraṃbhavarṇanaṃnāma caturviṃśo'dhyāyaḥ || 24 ||
English translation
The Reason for Ganesa having a single tusk Narada said - O Narayana, O virtuous one, you are bom out of the Arhs'a of the lord; I have listened to the entire stoiy by your grace, about O Brahman, the king of the elephant had two tusks which was fixed on the trunk of the child but how was the child left with only one tusk.
Where did the other tusk disappear. You kindly tell me because you are the lord of all and are quite compassionate, besides being the beloved of the devotees and are all knowledgeable.
Sflta said - On hearing the words of NSrada, the lord smiled and started narrating the story about Ganesa having a single tusk which is part of ancient history and provides welfare to all the O sage, once the king KSrtavIrya went for hunting in the forest and felt tired after hunting a number of deer. It was already the evening time and the king camped in the forest together with his army. Close by, there was a hermitage of sage Jamadagni. The king was quite unaware of the same and had to fast for the night.
In the early morning, the king took a bath and getting purified, he adorned himself with ornaments and recited the mantra of Dattatreya with devotion.
Thereafter, the sage spotted the king and he felt panicky. His lips, throat and palate dried up.
Lovingly with his tender voice, he enquired respectfiilly about the welfare of the king. The king bowed in reverence to the sage who was shining like the sun. The sage on his part offered blessings to the humble king. Thereafter the king narrated the story of his fasting during the night to the sage, hearing which the sage getting panicky invited the king for food in his The sage lived in his hermitage and narrated the story feeling panicky to Kamadhenu, the She spoke to the panicky sage, "O sage, why should you be afiraid of anything, when I am You are competent enough to serve food to the entire universe through me, what to speak of a king.
gfg: 'm h=i1'PH.i Whatever food stuffs and royal delicious dishes will be desired, you shall be given by me.
These will be made available, though they will be difficult to get in the three worlds. Several of the vases of gold and silver, innumerable cooking vases, the betel boxes made of pure gems and delicious food stuffs in the fruits including jack-fruit, mango, wood apple, coconut and delicious sweet balls in heaps, special preparation of wheat and barley flour, heaps of fried sweets, caves filled with sacred food, the milk, curd and ghee flowing in streams were given by the sacred cow. Besides the heaps of sugar, mountains of sweet balls, best of the preparation of paddy, were also given in heaps.
The betels scented with camphor were also given. Thus the great sage served the king playfully with delicious food and drinks and also the beautiful garments, ornaments best of other precious material. Thus the food was served to the king.
The king on the other hand got all the articles in abundance which were beyond the reach of ordinary people. The king felt surprised while looking at the vases.
The king said - O courtiers all these articles are not only beyond the reach of a man but are also unheard of. These are even beyond my reach. You find out how these have things The courtier at the command of the king searched the entire cottage of the sage and told the king the astonishing news.
The courtier said - O lord, listen I have searched the entire hermitage and found the fire altars, the food for yajhas, kusa-gx&ss, flowers, fruits, the skins of black-buck, sruvas and many of the disciples of the sage, the fire altars filled with paddy and there is no trace of wealth All the people are wearing the bark of trees.
They are ascetics with matted locks of hair on their heads. On the one side of the hermitage, there is a sacred white cow having beautiM limbs, the glory of the moon, the eyes resembling the red lotus flowers and the lustre comparable with the full moon. She appears to be burning with her own lustre and she looks like LaksmI, the beloved of lord. She enshrines in her all the virtues and riches.
Thus the courtier told everything to the wicked king. Thereafter, the king under the influence of destiny demanded for the sacred cow, as the move of destiny. The meritorious and wise king influenced by the move of destiny demanded the cow from the Brahmana. In the land of Bharata, meritorious deeds emerge from merits alone and sins emerge from evil deeds. By performing good deeds a person achieves the heaven and is ultimately reborn in the sacred place of merit.
Similarly the sinner has to suffer in the hell and has to be reborn as a degraded person.
O Narada, the people can hardly have a change of rescue when they get entangled in the evil effects of their own actions. That is why the noble people always aspire for the destruction of the deeds. Because it is the same knowledge, it is the same tapas, it is the same wisdom, it is the same teacher, it is the same brother, the same parents and the same sons who really help in the destruction of the karmas. For humans it is the biggest ailment to face the result of good and bad deeds. Therefore the devotees using the medicine of adoration of Krsna, try to destroy the deeds.
After serving the gods in each birth, it is the goddess Durga alone who bestows the devotion of the lord. She preserves the universe and getting pleased she bestows the noble wisdom to the devotees; she is the primeval illusion which over powers the devotees with her influence and cannot regain their senses. Therefore, the king having been influenced with the illusion went to the sage and spoke to him with folded hands, the The king said - O wish fulfilling tree, you give away this Kamadhenu in charity to me which fulfils all the desires. O lord of the devotees, I happen to be one of your devotees.
In the land of Bharata nothing is beyond charity for a devotee like you because it is heard that the sage Dadhici gave away his bones in the earlier times for the welfare of the gods. O best of the sages, you are the treasure of tapas and you are competent enough to create a herd of Ktoadhenu cows simply with the raising of your The sage said - O king, this is just the reverse and you are talking like a wicked person or a cheat. O king, being a Brahmana, how can I give charity to a ksatrlya.
Lord Krsna gave away this Kamadhenu in Goloka to Brahma. Therefore it is not fit to be given away. O king, Brahma gave her to his dear son named Bhrgu and in turn the same sacred cow was given to me by Bhrgu. Therefore this cow happens to be my ancestral property. This Kamadhenu who was bom in Goloka is beyond the reach of anyone in the three worlds.
Therefore, how can I create such a sacred cow O foolish king, I am not a farmer and the learned people never get influenced by flattery.
Of course, have you not been my guest, I would have reduced you to ashes in a moment.
Therefore, you get back home, I again emphasise that you get back home and don't ignite my anger. O degraded one, misfortune has overshadowed you. You should therefore get back to your house at once and see the face of your wife and son.
Hearing these words of the sage, the king at the turn of destiny, went back to his army, bowing at the feet of the sage.
Reaching there, his lips started fluttering in anger. He, therefore, deputed his army-men to forcibly take away the cow from the hermitage.
On the other hand Jamadagni, the sage, went to the cow and started crying before her narrating the entire story to her. Finding the Brahmana crying, the sacred cow Surabhi who was indeed the form of LaksmI herself said to the sage.
Surabhi said- Whether he is Indra or a farmer, he has the right to give away his own things.
Therefore he can control, preserve or give away his own things in charity. Therefore, O sage, in case you intend to willingly hand me over to the king, then in that case, bowing at your command I shall willingly go to the king.
But in case you are not willing to give me to the king, I shall never leave your abode.
Therefore, you drive away the king with the soldiers provided by me.
O all knowledgeable one, why are you crying?
Your mind has been influenced by illusion because of the meeting with somebody and not within the competence of any individual. What are you to me and what am I to you? But your relationship with me has been established due to the time because the attachment remains till such time as the relationship is there.
Whatever is known to the mind as its own and till such time as the mind accepts its ownership only up to that time he feels painful by its Thus speaking, the sacred cow Kamadhenu created many soldiers equipped with various types of weapons.
qTdtrggiai?i Thereafter, three crores of soldiers appeared from the mouth of Kapila the cow, who were holding swords and shields, five crores of soldiers holding tridents, a hundred crores of soldiers from the eyes holding bow and arrow, three crores of soldiers, carrying staff and three crores of warriors holding saktis and a hundred crores of warriors holding clubs. Thousands of drummers emerged from the soles of hoofs, besides three crores of Rajaputras from the thighs and from private parts and three crores of soldiers who were Mlecchas. Thus the sacred cow Kapila handed over the entire army of soldiers to the sage and granted him full protection. She said these soldiers will go immediately and fight with the king's army. You do not have to go there. Thus getting protected with so great an army, the sage was delighted.
The messengers of the king went back to him and conveyed the news of the army of Kapila.
On realising the possibility of his defeat, the king felt panicky and deputing his messengers he called for more army from his kingdom.
Chapter-aligned complete witnesses. Sanskrit Wikisource revision 117473 (2017-08-08T21:20:47Z); Shanti Lal Nagar English scan pages n702–n708: https://archive.org/details/brahma-vaivarta-purana-all-four-kandas-english-translation/page/n702/mode/1up. The historic English OCR transcription is lightly normalized; no verse-by-verse alignment is asserted.