Gaṇapati-khaṇḍa · Chapter 19
Sourceनारद उवाच ।। किं स्तोत्रं कवचं नाथ ब्रह्मणा लोकसाक्षिणा ।। दानवाभ्यां पुरा दत्तं सूर्यस्य परमात्मनः ।। १ ।। किं वा पूजाविधानं वा किं मन्त्रं व्याधिनाशनम् ।। सर्वं चास्य महाभाग तन्मे त्वं वक्तुमर्हसि ।।२।। सूत उवाच ।। नारदस्य वचः श्रुत्वा भगवान्करुणानिधिः।। स्तोत्रं च कवचं मन्त्रमूचे तत्पूजनक्रमम् ।।३।। नारायण उवाच।। शृणु नारद वक्ष्यामि सूर्य्यपूजाविधेः क्रमम्।। स्तोत्रं च कवचं सर्वं पापव्याधिविमोचकम् ।। ४ ।। सुमालिमालिनौ दैत्यौ व्याधिग्रस्तौ बभूवतुः ।। विधिं सस्मरतुः स्तोतुं शिवमन्त्रप्रदायकम् ।। ९ ।। ब्रह्मा गत्वा च वैकुण्ठं पप्रच्छ कमलापतिम् ।। शिवं तत्रैव संपश्यन्वसन्तं हरिसन्निधौ ।। ६ ।। ब्रह्मोवाच ।। सुमालिमालिनौ दैत्यौ व्याधिग्रस्तौ बभूवतुः ।। क उपायो वद हरे तयोर्व्याधिविनाशने ।। ७ ।। विष्णुरुवाच ।। कृत्वा सूर्य्यस्य सेवां च पुष्करे पूर्णवत्सरम् ।। व्याधिहन्तुर्मदंशस्य तौ च मुक्तौ भविष्यतः ।। ८ ।। शंकर उवाच ।। सूर्यस्तोत्रं च कवचं मन्त्रं कल्पतरुं परम् ।। देहि ताभ्यां जगत्कान्त व्याधिहन्तुर्महात्मनः ।। ९ ।। आरात्सम्पत्प्रदातारौ सर्वदाता हरिः स्वयम् ।। व्याधिहन्ता दिनकरो यस्य यो विषयो विधे ।। १ ।। तयोस्तु मन्त्रं संप्राप्य ययौ दैत्यगृहं विधिः ।। तदा प्रणम्य तं दृष्ट्वा तस्मै ददतुरासनम् ।। ११ ।। तावुवाच स्वयं ब्रह्मा रोगग्रस्तौ दयानिधिः ।। स्तब्धावाहाररहितौ पूयदुर्गन्धसंयुतौ ।। १२ ।। ब्रह्मोवाच ।। गृहीत्वा कवचं स्तोत्रं मन्त्रं पूजाविधिक्रमम् ।। गत्वा हि पुष्करं वत्सौ भजथः प्रणतौ रविम् ।। १३ ।। तावूचतुः ।। भजावः केन विधिना केन मन्त्रेण वा विधे ।। किं स्तोत्रं कवचं किं वा तदावाभ्यां वदाधुना ।। १४ ।। ब्रह्मोवाच ।। कृत्वा त्रिकालं स्नानं च मन्त्रेणानेन भास्करम् ।। संसेव्य भास्करं भक्त्या नीरुजौ च भविष्यथ ।। १५ ।। ॐ ह्रीं नमो भगवते सूर्य्याय परमात्मने स्वाहा ।। इत्यनेन च मन्त्रेण सावधानं दिवाकरम् ।। संपूज्य भक्त्या दत्त्वा वै चोपहारांस्तु षोडश ।। एवं संवत्सरं यावद्ध्रुवं मुक्तौ भविष्यथः ।। १६ ।। अपूर्वं कवचं तस्य युवाभ्यां प्रददाम्यहम् ।। यद्दत्तं गुरुणा पूर्वमिन्द्राय प्रीतिपूर्वकम् ।। १७ ।। तत्सहस्रभगाङ्गाय शापेन गौतमस्य च ।। अहल्याहरणेनैव पापमुक्ताय सङ्कटे ।। १८ ।। बृहस्पतिरुवाच ।। इन्द्र शृणु प्रवक्ष्यामि कवचं परमाद्भुतम् ।। यद्धृत्वा मुनयः पूता जीवन्मुक्ताश्च भारते ।। १९ ।। कवचं बिभ्रतो व्याधिर्न भिया याति सन्निधिम् ।। यथा दृष्ट्वा वैनतेयं पलायन्ते भुजङ्गमाः ।। २० ।। शुद्धाय गुरुभक्ताय स्वशिष्याय प्रकाशयेत् ।। खलाय परशिष्याय दत्त्वा मृत्युमवाप्नुयात् ।। २१ ।। जगद्विलक्षणस्यास्य कवचस्य प्रजापतिः ।। ऋषिश्छन्दश्च गायत्री देवो दिनकरः स्वयम् ।। व्याधिप्रणाशे सौन्दर्य्ये विनियोगः प्रकीर्त्तितः ।। २२ ।। सद्योरोगहरं सारं सर्वपापप्रणाशनम् ।। ॐ क्लीं ह्रीं श्रीं श्रीसूर्य्याय स्वाहा मे पातु मस्तकम् ।।२३ ।। अष्टादशाक्षरो मन्त्रः कपालं मे सदाऽवतु।। ॐ ह्रीं ह्रीं श्रीं श्रीं सूर्य्याय स्वाहा मे पातु नासिकाम् ।। २४ ।। चक्षुर्मे पातु सूर्यश्च तारकां च विकर्तनः ।। भास्करो मेऽधरं पातु दन्तान्दिनकरः सदा ।। २५ ।। प्रचण्डः पातु गण्डं मे मार्तण्डः कर्णमेव च ।। मिहिरश्च सदा स्कन्धे जंघे पूषा सदाऽवतु ।।२६।। वक्षः पातु रविः शश्वन्नाभिं सूर्य्यः स्वयं सदा।। कंकालं मे सदा पातु सर्वदेवनमस्कृतः।।२७।। करौ पातु सदा ब्रध्नः पातु पादौ प्रभाकरः।। विभाकरो मे सर्वांगं पातु सन्ततमीश्वरः।।२८।। इति ते कथितं वत्स कवचं सुमनोहरम्।। जगद्विलक्षणं नाम त्रिजगत्सु सुदुर्लभम् ।।२९।। पुरा दत्तं च मनवे पुलस्त्येन तु पुष्करे ।। मया दत्तं च तुभ्यं तद्यस्मै कस्मै न देहि भोः ।। ३० ।। व्याधितो मुच्यसे त्वं च कवचस्य प्रसादतः ।। भवानरोगी श्रीमांश्च भविष्यति न संशयः ।। ३१ ।। लक्षवर्षहविष्येण यत्फलं लभते नरः ।। तत्फलं लभते नूनं कवचस्यास्य धारणात् ।। ३२ ।। इदं कवचमज्ञात्वा यो मूढो भास्करं यजेत् ।। दशलक्षप्रजप्तोऽपि मन्त्रसिद्धिर्न जायते ।। ३३ ।। ब्रह्मोवाच ।। धृत्वेदं कवचं वत्सौ कृत्वा च स्तवनं रवेः ।। युवां व्याधिविनिर्मुक्तौ निश्चितं तु भविष्यथः ।। ३४ ।। स्तवनं सामवेदोक्तं सूर्य्यस्य व्याधिमोचनम् ।। सर्वपापहरं सारं धनारोग्यकरं परम् ।। ३५ ।। ब्रह्मोवाच ।। तं ब्रह्म परमं धाम ज्योतीरूपं सनातनम् ।। त्वामहं स्तोतुमिच्छामि भक्तानुग्रहकारकम् ।। ३६ ।। त्रैलोक्यलोचनं लोकनाथं पापविमोचनम् ।। तपसां फलदातारं दुःखदं पापिनां सदा ।। ३७ ।। कर्मानुरूपफलदं कर्मबीजं दयानिधिम् ।। कर्मरूपं क्रियारूपमरूपं कर्मबीजकम् ।। ३८ ।। ब्रह्मविष्णुमहेशानामंशं च त्रिगुणात्मकम् ।। व्याधिदं व्याधिहन्तारं शोकमोहभयापहम् ।। सुखदं मोक्षदं सारं भक्तिदं सर्वकामदम्।। ३९ ।। सर्वेश्वरं सर्वरूपं साक्षिणं सर्वकर्मणाम् ।। प्रत्यक्षं सर्वलोकानामप्रत्यक्षं मनोहरम् ।। ४० ।। शश्वद्रसहरं पश्चाद्रसदं सर्वसिद्धिदम् ।। सिद्धि स्वरूपं सिद्धेशं सिद्धानां परमं गुरुम् ।। ४१ ।। स्तवराजमिदं प्रोक्तं गुह्याद्गुह्यतरं परम् ।। त्रिसन्ध्यं यः पठेन्नित्यं व्याधिभ्यस्स प्रमुच्यते ।। ४२ ।। आन्ध्यं कुष्ठं च दारिद्र्यं रोगः शोको भयं कलिः ।। तस्य नश्यति विश्वेश श्रीसूर्य्यकृपया ध्रुवम् ।। ४३ ।। महाकुष्ठी च गलितश्चक्षुर्हीनो महाव्रणी ।। यक्ष्मग्रस्तो महाशूली नानाव्याधियुतोऽसि वा ।। ४४ ।। मासं कृत्वा हविष्यान्नं श्रुत्वाऽतो मुच्यते ध्रुवम् ।। स्नानं च सर्वतीर्थानां लभते नात्र संशयः ।। ।।४५।। पुष्करं गच्छतं शीघ्रं भास्करं भजतं सुतौ ।। इत्येवमुक्त्वा स विधिर्जगाम स्वालयं मुदा ।।४६।। तौ निषेव्य दिनेशं तं नीरुजौ संबभूवतुः।। इत्येवं कथितं वत्स किं भूयः श्रोतुमिच्छसि।।४७।। सर्वविघ्नहरं सारं विघ्नेशं विघ्ननाशनम्।। स्तोत्रेणानेन तं स्तुत्वा मुच्यते नात्र संशयः ।। ४८ ।। इति श्रीब्रह्मवैवर्त्ते महापुराणे तृतीये गणपतिखण्डे नारदनारायणसंवादे विघ्नकारणकथनं नामैकोनविंशतितमोऽध्यायः ।। १९ ।।
nārada uvāca || kiṃ stotraṃ kavacaṃ nātha brahmaṇā lokasākṣiṇā || dānavābhyāṃ purā dattaṃ sūryasya paramātmanaḥ || 1 || kiṃ vā pūjāvidhānaṃ vā kiṃ mantraṃ vyādhināśanam || sarvaṃ cāsya mahābhāga tanme tvaṃ vaktumarhasi ||2|| sūta uvāca || nāradasya vacaḥ śrutvā bhagavānkaruṇānidhiḥ|| stotraṃ ca kavacaṃ mantramūce tatpūjanakramam ||3|| nārāyaṇa uvāca|| śṛṇu nārada vakṣyāmi sūryyapūjāvidheḥ kramam|| stotraṃ ca kavacaṃ sarvaṃ pāpavyādhivimocakam || 4 || sumālimālinau daityau vyādhigrastau babhūvatuḥ || vidhiṃ sasmaratuḥ stotuṃ śivamantrapradāyakam || 9 || brahmā gatvā ca vaikuṇṭhaṃ papraccha kamalāpatim || śivaṃ tatraiva saṃpaśyanvasantaṃ harisannidhau || 6 || brahmovāca || sumālimālinau daityau vyādhigrastau babhūvatuḥ || ka upāyo vada hare tayorvyādhivināśane || 7 || viṣṇuruvāca || kṛtvā sūryyasya sevāṃ ca puṣkare pūrṇavatsaram || vyādhihanturmadaṃśasya tau ca muktau bhaviṣyataḥ || 8 || śaṃkara uvāca || sūryastotraṃ ca kavacaṃ mantraṃ kalpataruṃ param || dehi tābhyāṃ jagatkānta vyādhihanturmahātmanaḥ || 9 || ārātsampatpradātārau sarvadātā hariḥ svayam || vyādhihantā dinakaro yasya yo viṣayo vidhe || 1 || tayostu mantraṃ saṃprāpya yayau daityagṛhaṃ vidhiḥ || tadā praṇamya taṃ dṛṣṭvā tasmai dadaturāsanam || 11 || tāvuvāca svayaṃ brahmā rogagrastau dayānidhiḥ || stabdhāvāhārarahitau pūyadurgandhasaṃyutau || 12 || brahmovāca || gṛhītvā kavacaṃ stotraṃ mantraṃ pūjāvidhikramam || gatvā hi puṣkaraṃ vatsau bhajathaḥ praṇatau ravim || 13 || tāvūcatuḥ || bhajāvaḥ kena vidhinā kena mantreṇa vā vidhe || kiṃ stotraṃ kavacaṃ kiṃ vā tadāvābhyāṃ vadādhunā || 14 || brahmovāca || kṛtvā trikālaṃ snānaṃ ca mantreṇānena bhāskaram || saṃsevya bhāskaraṃ bhaktyā nīrujau ca bhaviṣyatha || 15 || oṃ hrīṃ namo bhagavate sūryyāya paramātmane svāhā || ityanena ca mantreṇa sāvadhānaṃ divākaram || saṃpūjya bhaktyā dattvā vai copahārāṃstu ṣoḍaśa || evaṃ saṃvatsaraṃ yāvaddhruvaṃ muktau bhaviṣyathaḥ || 16 || apūrvaṃ kavacaṃ tasya yuvābhyāṃ pradadāmyaham || yaddattaṃ guruṇā pūrvamindrāya prītipūrvakam || 17 || tatsahasrabhagāṅgāya śāpena gautamasya ca || ahalyāharaṇenaiva pāpamuktāya saṅkaṭe || 18 || bṛhaspatiruvāca || indra śṛṇu pravakṣyāmi kavacaṃ paramādbhutam || yaddhṛtvā munayaḥ pūtā jīvanmuktāśca bhārate || 19 || kavacaṃ bibhrato vyādhirna bhiyā yāti sannidhim || yathā dṛṣṭvā vainateyaṃ palāyante bhujaṅgamāḥ || 20 || śuddhāya gurubhaktāya svaśiṣyāya prakāśayet || khalāya paraśiṣyāya dattvā mṛtyumavāpnuyāt || 21 || jagadvilakṣaṇasyāsya kavacasya prajāpatiḥ || ṛṣiśchandaśca gāyatrī devo dinakaraḥ svayam || vyādhipraṇāśe saundaryye viniyogaḥ prakīrttitaḥ || 22 || sadyorogaharaṃ sāraṃ sarvapāpapraṇāśanam || oṃ klīṃ hrīṃ śrīṃ śrīsūryyāya svāhā me pātu mastakam ||23 || aṣṭādaśākṣaro mantraḥ kapālaṃ me sadā'vatu|| oṃ hrīṃ hrīṃ śrīṃ śrīṃ sūryyāya svāhā me pātu nāsikām || 24 || cakṣurme pātu sūryaśca tārakāṃ ca vikartanaḥ || bhāskaro me'dharaṃ pātu dantāndinakaraḥ sadā || 25 || pracaṇḍaḥ pātu gaṇḍaṃ me mārtaṇḍaḥ karṇameva ca || mihiraśca sadā skandhe jaṃghe pūṣā sadā'vatu ||26|| vakṣaḥ pātu raviḥ śaśvannābhiṃ sūryyaḥ svayaṃ sadā|| kaṃkālaṃ me sadā pātu sarvadevanamaskṛtaḥ||27|| karau pātu sadā bradhnaḥ pātu pādau prabhākaraḥ|| vibhākaro me sarvāṃgaṃ pātu santatamīśvaraḥ||28|| iti te kathitaṃ vatsa kavacaṃ sumanoharam|| jagadvilakṣaṇaṃ nāma trijagatsu sudurlabham ||29|| purā dattaṃ ca manave pulastyena tu puṣkare || mayā dattaṃ ca tubhyaṃ tadyasmai kasmai na dehi bhoḥ || 30 || vyādhito mucyase tvaṃ ca kavacasya prasādataḥ || bhavānarogī śrīmāṃśca bhaviṣyati na saṃśayaḥ || 31 || lakṣavarṣahaviṣyeṇa yatphalaṃ labhate naraḥ || tatphalaṃ labhate nūnaṃ kavacasyāsya dhāraṇāt || 32 || idaṃ kavacamajñātvā yo mūḍho bhāskaraṃ yajet || daśalakṣaprajapto'pi mantrasiddhirna jāyate || 33 || brahmovāca || dhṛtvedaṃ kavacaṃ vatsau kṛtvā ca stavanaṃ raveḥ || yuvāṃ vyādhivinirmuktau niścitaṃ tu bhaviṣyathaḥ || 34 || stavanaṃ sāmavedoktaṃ sūryyasya vyādhimocanam || sarvapāpaharaṃ sāraṃ dhanārogyakaraṃ param || 35 || brahmovāca || taṃ brahma paramaṃ dhāma jyotīrūpaṃ sanātanam || tvāmahaṃ stotumicchāmi bhaktānugrahakārakam || 36 || trailokyalocanaṃ lokanāthaṃ pāpavimocanam || tapasāṃ phaladātāraṃ duḥkhadaṃ pāpināṃ sadā || 37 || karmānurūpaphaladaṃ karmabījaṃ dayānidhim || karmarūpaṃ kriyārūpamarūpaṃ karmabījakam || 38 || brahmaviṣṇumaheśānāmaṃśaṃ ca triguṇātmakam || vyādhidaṃ vyādhihantāraṃ śokamohabhayāpaham || sukhadaṃ mokṣadaṃ sāraṃ bhaktidaṃ sarvakāmadam|| 39 || sarveśvaraṃ sarvarūpaṃ sākṣiṇaṃ sarvakarmaṇām || pratyakṣaṃ sarvalokānāmapratyakṣaṃ manoharam || 40 || śaśvadrasaharaṃ paścādrasadaṃ sarvasiddhidam || siddhi svarūpaṃ siddheśaṃ siddhānāṃ paramaṃ gurum || 41 || stavarājamidaṃ proktaṃ guhyādguhyataraṃ param || trisandhyaṃ yaḥ paṭhennityaṃ vyādhibhyassa pramucyate || 42 || āndhyaṃ kuṣṭhaṃ ca dāridryaṃ rogaḥ śoko bhayaṃ kaliḥ || tasya naśyati viśveśa śrīsūryyakṛpayā dhruvam || 43 || mahākuṣṭhī ca galitaścakṣurhīno mahāvraṇī || yakṣmagrasto mahāśūlī nānāvyādhiyuto'si vā || 44 || māsaṃ kṛtvā haviṣyānnaṃ śrutvā'to mucyate dhruvam || snānaṃ ca sarvatīrthānāṃ labhate nātra saṃśayaḥ || ||45|| puṣkaraṃ gacchataṃ śīghraṃ bhāskaraṃ bhajataṃ sutau || ityevamuktvā sa vidhirjagāma svālayaṃ mudā ||46|| tau niṣevya dineśaṃ taṃ nīrujau saṃbabhūvatuḥ|| ityevaṃ kathitaṃ vatsa kiṃ bhūyaḥ śrotumicchasi||47|| sarvavighnaharaṃ sāraṃ vighneśaṃ vighnanāśanam|| stotreṇānena taṃ stutvā mucyate nātra saṃśayaḥ || 48 || iti śrībrahmavaivartte mahāpurāṇe tṛtīye gaṇapatikhaṇḍe nāradanārāyaṇasaṃvāde vighnakāraṇakathanaṃ nāmaikonaviṃśatitamo'dhyāyaḥ || 19 ||
English translation
Narada said - O lord in the earlier times Brahma who happens to be the witness of universe imparted to the demons the knowledge of the adoration of Surya and his stotra besides kavaca. You kindly give us the details of the Thereafter Brahma went to Vaikuntha. On finding Siva present there with Visnu, he asked Visnu the husband of Laksmi.
Brahma said - O Siva, the demons named Mali and Sumali are suffering from some ailment.
You kindly tell me some way out to relieve them of the ailment.
Visnu said - Surya is bom out of my rays and whosoever adores him in the sacred land of Pus kara for one year, he gets relieved of all the TRijr I Siva said - O lord of the universe, you kindly enlighten me on the stotra, kavaca and mantra of Surya which are like kalpataru and removes all the ailments. O Brahma, both of us only bestow the riches but though everything is bestowed by Hari yet Surya alone can remove ailment.
Because the one who is concerned with the particular subject, the relevant task is accomplished by him.
Thereafter, getting permission from both of them Brahma went to the house of the demons who bowed in reverence to the god of creation offering him a seat.
Brahma the ocean of mercy himself went to them surprising them at the same time and found the demons suffering from some ailment with pus oozing out of their wounds creating a bad smell. And they were without food also.
Brahma said - O sons, you accept this kavaca, stotra, mantra and the method of adoration of Surya. Thereafter you go to Puskara-ksetra and adore the sun-god there offering salutations to Both of them said, "You kindly let us know the method by which we should adore him and recite his stotra. What is the stotra and kavacal You kindly tell us."
Brahma said - "Proceeding to Puskara-ksetra, you take a bath thrice a day and by reciting this mantra with devotion you will be freed from the wrWl this mantra should be recited carefully with devotion and by giving away sixteen types of offerings you should adore the sun god. This adoration should continue for a year. You will surely be relieved of your ailment.
I am bestowing on you the knowledge of this kavaca the knowledge of which was lovingly imparted to Indra in earlier times.
At the time Indra developed in his body a thousand vaginas and Indra was infatuated with the curse of the abduction of Ahalya. At that time Brhaspati had imparted the knowledge of him.
Brhaspati said - O Indra I am going to enlighten you about the astonishing kavaca by bearing which the ascetics are freed from the cycle of birth and death.
As the serpent flees away at the sight of Garuda similarly all the ailments disappear from the body of the person who recites the kavaca.
Therefore the knowledge of the same should be imparted to a pure hearted pupil, devoted to the teacher, because if the knowledge of the same is imparted to a wicked person or an unintelligent pupil, one surely meets with his end. Prajapati happens to be Rsi of this astonishing kavaca, Gayatrl is the metre, Suiya is the god and achieving beauty.
gjuff TT 15 TO isT: Tii^ 3wran::i It relieves immediately of the ailments and also the sins. ^ 'ii?Jf rfl l) this mantra should protect my head, this eighteen letter this mantra should protect my nose.
Shrya should protect my eyes. Vikarttana should protect my lips. Dinakara should always protect my teeth, Pracanda should always protect my cheeks. Marttanda should protect my ears, Mihira should protect both my shoulders and should protect both my thighs. Ravi should protect my chest, Surya himself should protect my navel, the god Surya should protect my chin.
Brahma should protect my ears, Prabhakara should protect my feet and IsVara-Vibhakara should protect all my limbs always.
O son, thus I have narrated to you the details about the kavaca which is quite astonishing in the universe, quite pleasant and difficult to get in the three worlds. In the earlier times Pulastya had given this kavaca to Manu and I have given the same to you; but don't part with its knowledge to everyone. By the grace of this kavaca, you will be relieved of the ailment and get back all the fortune. There is no doubt about it. The merit one achieves by consuming Havisya (the left on the sacrifice), for a lakh of years, the same merit is achieved by one, by holding on to this kavaca.
If a foolish fellow worships Bhaskara without fully knowing about the kavaca, he cannot meet with success even after reciting the same for lakhs of times.
Brahma said - O son, by holding on this kavaca and by offering prayers to the sun, you will surely be relieved of your ailment, this is the stotra which removes all the ailments and has been prescribed in the Sdmaveda. It relieves one of all the sins, is the essence of all and bestows riches by removing all the ailments.
besides the remover of the fear, bestower of pleasure and moksa, essence of all, the bestower of devotion, the one who fulfils all the desires, the lord of all, the form of everything, the witness of all the deeds, visible to all the people and invisible also, quite pleasant, the one who always extracts the essence, bestower of the essence, bestower of all success, the form of success, the lord of success and the teacher of all Brahma said - I intend to adore the eternal Brahmana who is full of lustre, is everlasting and always is merciful towards his devotees.
He happens to be the eye of the three worlds, lord of the lokas, one who relieved one of all the sins, provides fruit of the tapes and is always troublesome for the sinners. He provides the reward according to one's own deeds, is all merciful, is the form of deeds, the form of actions, formless, Brahmana, the seed of all the actions, the rays of Vi§nu and Siva, the form of trigurias, bestower of ailments and the remover of the ailments as well, the grief and the illusion I have imparted the knowledge of this stotra which is quite secretive in nature; whosoever recites the same thrice a day, will be relieved all the ailments, grief, fear and ill-effect of Kali. All these disappear with the grace of the sun-god.
i p) if q^rgTjfti A person suffering from the terrific leprosy, septic ailments, blindness, wounds, consumption, stomach-ache and various other ailments can be relieved of the same if he consumes the left-over of the sacrificial food and listens to this stotra.
He will also earn the merit of taking a bath in all the sacred places. There is no doubt about it.
rfr TwoJT TT I yigftresftl I Infill Therefore, O sons, both of you should immediately proceed to Puskara and adore the Thus speaking.Brahma left for his abode with a mind full of delight. O son, thus both of them by adoring the sun-god were relieved of the ailment. I have narrated the story
Chapter-aligned complete witnesses. Sanskrit Wikisource revision 117468 (2017-08-08T21:09:50Z); Shanti Lal Nagar English scan pages n681–n686: https://archive.org/details/brahma-vaivarta-purana-all-four-kandas-english-translation/page/n681/mode/1up. The historic English OCR transcription is lightly normalized; no verse-by-verse alignment is asserted.