Gaṇapati-khaṇḍa · Chapter 12
Sourceनारायण उवाच ।। दुर्गा तद्वचनं श्रुत्वा सस्मार हरिमीश्वरम् ।। ईश्वरेच्छावशीभूतं जगदेवेत्युवाच ह।।१।। सा च देवी दैववशा शनिं प्रोवाच कौतुकात्।। पश्य मां मच्छिशुमिति निषेकः केन वार्य्यते।।२।। पार्वत्या वचनं श्रुत्वा शनिर्मेने हृदा स्वयम् ।। पश्यामि किं न पश्यामि पार्वतीसुतमित्यहो ।। यदि बालो मया दृष्टस्तस्य विघ्नो भवेद्ध्रुवम्।।३।। अन्यथा सुप्रशस्तं च पुरतः स्वात्मरक्षणम् ।। इत्येवमुक्त्वा धर्मिष्ठो धर्मं कृत्वा तु साक्षिणम्।। बालं द्रष्टुं मनश्चक्रे न तु तन्मातरं शनिः।।४।। विषण्णमानसः पूर्वं शुष्ककण्ठौष्ठतालुकः।। सव्यलोचनकोणेन ददर्श च शिशोर्मुखम् ।।५।। शनेश्च दृष्टिमात्रेण चिच्छिदे मस्तकं मुने ।। चक्षुर्निमीलयामास तस्थौ नम्राननः शनिः।।६।। तस्थौ च पार्वतीक्रोडे तत्सर्वाङ्गं सलोहितम्।। विवेश मस्तकं कृष्णे गत्वा गोलोकमीप्सितम्।।७।। मूर्च्छा संप्राप सा देवी विलप्य च भृशं मुहुः।। मत्तेव च पृथिव्यां तु कृत्वा वक्षसि बालकम् ।। ८ ।। विस्मितास्ते सुराः सर्वे चित्रपुत्तलिका यथा ।। देव्यश्च शैला गन्धर्वाः सर्वे कैलासवासिनः ।। ९ ।। तान्सर्वान्मूर्च्छितान्दृष्ट्वैवारुह्य गरुडं हरिः ।। जगाम पुष्पभद्रां स चोत्तरस्यां दिशि स्थिताम् ।। १० ।। पुष्पभद्रानदीतीरे ह्यपश्यत्कानने स्थितम् ।। गजेन्द्रं निद्रितं तत्र शयानं हस्तिनीयुतम् ।। ११ ।। तथोदक्छिरसं रम्यं मूर्च्छितं सुरतश्रमात् ।। परितः शावकात्कृत्वा परमानन्दमानसम् ।। १२ ।। शीघ्रं सुदर्शनेनैव चिच्छिदे तच्छिरो मुदा ।। स्थापयामास गरुडे रुधिराक्तं मनोहरम् ।। १३ ।। गजच्छिन्नाङ्गविक्षेपात्प्रबोधं प्राप्य हस्तिनी ।। शावकान्बोधयामास चाशुभं वदती तदा ।। रुरोद शावकैः सार्द्धं सा विलप्य शुचातुरा ।। १४ ।। तुष्टाव कमलाकान्तं शान्तं सस्मितमीश्वरम् ।। शंखचक्रगदापद्मधरं पीताम्बरं परम् ।। गरुडस्थं जगत्कान्तं भ्रामयन्तं सुदर्शनम् ।। १५ ।। निषेकं खण्डितुं शक्तं निषेकजनकं विभुम् ।। निषेकभोगदातारं भोगनिस्तारकारणम् ।। १६ ।। प्रभुस्तत्स्तवनात्तुष्टस्तस्यै विप्र वरं ददौ ।। मुण्डातुण्डं पृथक्कृत्य युयुजेऽन्यगजस्य च ।। १७ ।। जीवयामास तं तत्र ब्रह्मज्ञानेन सर्ववित् ।। सर्वांगे योजयामास गजस्य चरणाम्बुजम् ।। १८ ।। त्वं जीवाकल्पपर्य्यन्तं परिवारैः समं गज ।। इत्युक्त्वा च मनोयायी कैलासं ह्याजगाम सः ।। १९ ।। आहृत्य पार्वतीहस्ताद्बालं कृत्वा स्ववक्षसि ।। रुचिरं तच्छिरस्सम्यग्योजयामास बालके ।। २० ।। ब्रह्मस्वरूपो भगवान्ब्रह्मज्ञानेन लीलया ।। जीवयामास तं शीघ्रं हुंकारोच्चारणेन च ।। २१ ।। पार्वतीं बोधयित्वा तु कृत्वा क्रोडे च तं शिशुम् ।। बोधयामास तां कृष्ण आध्यात्मिकविबोधनैः ।। २२ ।। विष्णुरुवाच ।। ब्रह्मादिकीटपर्य्यन्तं फलं भुङ्क्ते स्वकर्मणः ।। जगद्बुद्धिस्वरूपाऽसि त्वं न जानासि किं शिव ।। २३ ।। कल्पकोटिशतं भोगी जीविनां तत्स्वकर्मणा ।। उपस्थितो भवेन्नित्यं प्रतियोनौ शुभाशुभैः ।। २४ ।। इन्द्रः स्वकर्मणा कीटयोनौ जन्म लभेत्सति ।। कीटश्चापि भवेदिन्द्रः पूर्वकर्मफलेन वै।।२५।। सिंहोऽपि मक्षिकां हन्तुमक्षमः प्राक्तनं विना ।। मशको हस्तिनं हन्तुं क्षमः स्वप्राक्तनेन च ।।२६।। सुखं दुःख भयं शोकमानन्दं कर्मणः फलम् ।। सुकर्मणः सुखं हर्षमितरे पापकर्मणः ।। २७ ।। इहैव कर्मणो भोगः परत्र च शुभाशुभैः ।। कर्मोपार्जनयोग्यं च पुण्यक्षेत्रं च भारतम् ।। २८ ।। कर्मणः फलदाता च विधाता च विधेरपि ।। मृत्योर्मृत्युः कालकालो निषेकस्य निषेककृत् ।। २९ ।। संहर्तुरपि संहर्त्ता पातुः पाता परात्परः ।। गोलोकनाथः श्रीकृष्णः परिपूर्णतमः स्वयम् ।।३०।। वयं यस्य कलाः पुंसो ब्रह्मविष्णुमहेश्वराः ।। महाविराड्यदंशश्च यल्लोमविवरे जगत् ।। ३१ ।। कलांशाः केऽपि तद्धर्मे कलाशांशाश्च केचन ।। चराचरं जगत्सर्वं तत्र तस्थौ विनायकः ।। ३२ ।। श्रीविष्णोर्वचनं श्रुत्वा परितुष्टा च पार्वती ।। स्तनं ददौ च शिशवे तं प्रणम्य गदाधरम् ।। ३३ ।। तुष्टाव पार्वती तुष्टा प्रेरिता शंकरेण च ।। कृताञ्जलिपुटा भक्त्या विष्णुं तं कमलापतिम् ।।३४।। आशिषं युयुजे विष्णुः शिशुं च शिशुमातरम् ।। ददौ गले बालकस्य कौस्तुभं च स्वभूषणम् ।।३५।। ब्रह्मा ददौ स्वमुकुटं धर्मो वै रत्नभूषणम्।। क्रमेण देव्यो रत्नानि ददुः सर्वे यथोचितम्।।३६।। तुष्टाव तं महादेवश्चात्यन्तं हृष्टमानसः ।। देवाश्च मुनयः शैला गन्धर्वाः सर्वयोषितः।।३७।। दृष्ट्वा शिवाः शिवा चैव बालकं मृतजीवितम् ।। ब्राह्मणेभ्यो ददौ तत्र कोटिरत्नानि नारद ।।३६।। अश्वानां च गजानां च सहस्राणि शतानि च ।। बन्दिभ्यः प्रददौ तत्र बालके मृतजीविते ।।३९।। हिमालयश्च संतुष्टो हृष्टा देवाश्च तत्र वै ।। ददुर्दानानि विप्रेभ्यो बन्दिभ्यः सर्वयोषित।।४०।। ब्राह्मणान्भोजयामास कारयामास मङ्गलम् ।। वेदांश्च पाठयामास पुराणानि रमापतिः ।। ४१ ।। शनिं संलज्जितं दृष्ट्वा पार्वती कोपशालिनी ।। शशाप च सभामध्येऽप्यङ्गहीनो भवेति च ।। ४२ ।। दृष्ट्वा शप्तं शनिं सूर्य्यः कश्यपश्च यमस्तथा ।। तेऽतिरुष्टाः समुत्तस्थुर्गामुकाः शङ्करालयात् ।। ४३ ।। रक्ताक्षास्ते रक्तमुखाः कोपप्रस्फुरिताधराः ।। तां धर्मसाक्षिणं कृत्वा विष्णुं संशप्तुमुद्यताः ।। ४४ ।। ब्रह्मा तान्बोधयामास विष्णुना प्रेरितः सुरैः ।। रक्तास्यां पार्वतीं चैव कोपप्रस्फुरिताधराम् ।। ४५ ।। ब्रह्माणमूचुस्ते तत्र क्रमेण समयोचितम् ।। भीरवो देवताः सर्वे मुनयः पर्वतास्तथा ।। ४६।। कश्यप उवाच ।। दुर्दृष्टोऽयं प्राक्तनेन पत्नीशापेन सर्वदा ।। बालं ददर्श यत्नेन तस्य वै मातुराज्ञया ।। ४७ ।। श्रीसूर्य्य उवाच ।। तं धर्मं साक्षिणं कृत्वा सूनोर्वै मातुराज्ञया ।। यत्पुत्रोऽतिप्रयत्नेन ह्यपश्यत्पार्वतीसुतम् ।। ४८ ।। यथा निरपराधेन मत्पुत्रं सा शशाप ह ।। तत्पुत्रस्यांगभंगश्च भविष्यति न संशयः ।। ४९ ।। यम उवाच ।। प्रदाय स्वयमाज्ञां च शशापेयं स्वयं कथम् ।। वयं शपामः कोऽधर्मो जिघांसोश्च विहिंसने ।। ५० ।। ब्रह्मोवाच ।। शशाप पार्वती रुष्टा स्त्रीस्वभावाच्च चापलात् ।। सर्वेषां वचनेनैव क्षन्तुमर्हन्तु साधवः ।। ५१ ।। दुर्गे दत्त्वा त्वमाज्ञां च पुत्रदर्शनहेतवे ।। कथं शपसि निर्दोषमतिथिं त्वद्गृहागतम् ।। ५२ ।। इत्युक्त्वा शनिमादाय बोधयित्वा च पार्वतीम् ।। तां तं समर्पणं चक्रे शाप मोचनहेतवे ।। ५३ ।। बभूव पार्वती तुष्टा ब्रह्मणो वचनान्मुने।। शान्ता बभूबुस्ते तत्र दिनेशयमकश्यपाः।।५४।। उवाच पार्वती तत्र सन्तुष्टा तं शनैश्चरम् ।। प्रसादिता शिवेनैव ब्रह्मणा परिसेविता ।। ५५ ।। पार्वत्युवाच ।। ग्रहराजो भव शने मद्वरेण हरिप्रियः ।। चिरजीवी च योगीन्द्रो हरिभक्तस्य का विपत् ।। ५६ ।। अद्यप्रभृति निर्विघ्ना हरौ भक्तिर्दृढाऽस्तु ते ।। शापोऽमोघस्ततो मेऽद्य किञ्चित्खञ्जो भविष्यसि ।। ५७ ।। इत्युक्त्वा पार्वती तुष्टा बालं धृत्वा च वक्षसि ।। उवास योषितां मध्ये तस्मै दत्त्वा शुभाशिषः ।। ५८ ।। शनिर्जगाम देवानां समीपं हृष्टमानसः ।। प्रणम्य भक्त्या तां ब्रह्मन्नम्बिकां जगदम्बिकाम् ।। ५९ ।। इति श्रीब्रह्मवैवर्त्ते महापुराणे तृतीये गणपतिखण्डे नारदनारायणसंवादे शनिकृतगणेशदर्शन तज्जातगणेशशिरःपतन विष्णुकृतगणेशशिरोयोजन शनिशापादिकथनं नाम द्वादशोऽध्यायः ।। १२ ।।
nārāyaṇa uvāca || durgā tadvacanaṃ śrutvā sasmāra harimīśvaram || īśvarecchāvaśībhūtaṃ jagadevetyuvāca ha||1|| sā ca devī daivavaśā śaniṃ provāca kautukāt|| paśya māṃ macchiśumiti niṣekaḥ kena vāryyate||2|| pārvatyā vacanaṃ śrutvā śanirmene hṛdā svayam || paśyāmi kiṃ na paśyāmi pārvatīsutamityaho || yadi bālo mayā dṛṣṭastasya vighno bhaveddhruvam||3|| anyathā supraśastaṃ ca purataḥ svātmarakṣaṇam || ityevamuktvā dharmiṣṭho dharmaṃ kṛtvā tu sākṣiṇam|| bālaṃ draṣṭuṃ manaścakre na tu tanmātaraṃ śaniḥ||4|| viṣaṇṇamānasaḥ pūrvaṃ śuṣkakaṇṭhauṣṭhatālukaḥ|| savyalocanakoṇena dadarśa ca śiśormukham ||5|| śaneśca dṛṣṭimātreṇa cicchide mastakaṃ mune || cakṣurnimīlayāmāsa tasthau namrānanaḥ śaniḥ||6|| tasthau ca pārvatīkroḍe tatsarvāṅgaṃ salohitam|| viveśa mastakaṃ kṛṣṇe gatvā golokamīpsitam||7|| mūrcchā saṃprāpa sā devī vilapya ca bhṛśaṃ muhuḥ|| matteva ca pṛthivyāṃ tu kṛtvā vakṣasi bālakam || 8 || vismitāste surāḥ sarve citraputtalikā yathā || devyaśca śailā gandharvāḥ sarve kailāsavāsinaḥ || 9 || tānsarvānmūrcchitāndṛṣṭvaivāruhya garuḍaṃ hariḥ || jagāma puṣpabhadrāṃ sa cottarasyāṃ diśi sthitām || 10 || puṣpabhadrānadītīre hyapaśyatkānane sthitam || gajendraṃ nidritaṃ tatra śayānaṃ hastinīyutam || 11 || tathodakchirasaṃ ramyaṃ mūrcchitaṃ surataśramāt || paritaḥ śāvakātkṛtvā paramānandamānasam || 12 || śīghraṃ sudarśanenaiva cicchide tacchiro mudā || sthāpayāmāsa garuḍe rudhirāktaṃ manoharam || 13 || gajacchinnāṅgavikṣepātprabodhaṃ prāpya hastinī || śāvakānbodhayāmāsa cāśubhaṃ vadatī tadā || ruroda śāvakaiḥ sārddhaṃ sā vilapya śucāturā || 14 || tuṣṭāva kamalākāntaṃ śāntaṃ sasmitamīśvaram || śaṃkhacakragadāpadmadharaṃ pītāmbaraṃ param || garuḍasthaṃ jagatkāntaṃ bhrāmayantaṃ sudarśanam || 15 || niṣekaṃ khaṇḍituṃ śaktaṃ niṣekajanakaṃ vibhum || niṣekabhogadātāraṃ bhoganistārakāraṇam || 16 || prabhustatstavanāttuṣṭastasyai vipra varaṃ dadau || muṇḍātuṇḍaṃ pṛthakkṛtya yuyuje'nyagajasya ca || 17 || jīvayāmāsa taṃ tatra brahmajñānena sarvavit || sarvāṃge yojayāmāsa gajasya caraṇāmbujam || 18 || tvaṃ jīvākalpaparyyantaṃ parivāraiḥ samaṃ gaja || ityuktvā ca manoyāyī kailāsaṃ hyājagāma saḥ || 19 || āhṛtya pārvatīhastādbālaṃ kṛtvā svavakṣasi || ruciraṃ tacchirassamyagyojayāmāsa bālake || 20 || brahmasvarūpo bhagavānbrahmajñānena līlayā || jīvayāmāsa taṃ śīghraṃ huṃkāroccāraṇena ca || 21 || pārvatīṃ bodhayitvā tu kṛtvā kroḍe ca taṃ śiśum || bodhayāmāsa tāṃ kṛṣṇa ādhyātmikavibodhanaiḥ || 22 || viṣṇuruvāca || brahmādikīṭaparyyantaṃ phalaṃ bhuṅkte svakarmaṇaḥ || jagadbuddhisvarūpā'si tvaṃ na jānāsi kiṃ śiva || 23 || kalpakoṭiśataṃ bhogī jīvināṃ tatsvakarmaṇā || upasthito bhavennityaṃ pratiyonau śubhāśubhaiḥ || 24 || indraḥ svakarmaṇā kīṭayonau janma labhetsati || kīṭaścāpi bhavedindraḥ pūrvakarmaphalena vai||25|| siṃho'pi makṣikāṃ hantumakṣamaḥ prāktanaṃ vinā || maśako hastinaṃ hantuṃ kṣamaḥ svaprāktanena ca ||26|| sukhaṃ duḥkha bhayaṃ śokamānandaṃ karmaṇaḥ phalam || sukarmaṇaḥ sukhaṃ harṣamitare pāpakarmaṇaḥ || 27 || ihaiva karmaṇo bhogaḥ paratra ca śubhāśubhaiḥ || karmopārjanayogyaṃ ca puṇyakṣetraṃ ca bhāratam || 28 || karmaṇaḥ phaladātā ca vidhātā ca vidherapi || mṛtyormṛtyuḥ kālakālo niṣekasya niṣekakṛt || 29 || saṃharturapi saṃharttā pātuḥ pātā parātparaḥ || golokanāthaḥ śrīkṛṣṇaḥ paripūrṇatamaḥ svayam ||30|| vayaṃ yasya kalāḥ puṃso brahmaviṣṇumaheśvarāḥ || mahāvirāḍyadaṃśaśca yallomavivare jagat || 31 || kalāṃśāḥ ke'pi taddharme kalāśāṃśāśca kecana || carācaraṃ jagatsarvaṃ tatra tasthau vināyakaḥ || 32 || śrīviṣṇorvacanaṃ śrutvā parituṣṭā ca pārvatī || stanaṃ dadau ca śiśave taṃ praṇamya gadādharam || 33 || tuṣṭāva pārvatī tuṣṭā preritā śaṃkareṇa ca || kṛtāñjalipuṭā bhaktyā viṣṇuṃ taṃ kamalāpatim ||34|| āśiṣaṃ yuyuje viṣṇuḥ śiśuṃ ca śiśumātaram || dadau gale bālakasya kaustubhaṃ ca svabhūṣaṇam ||35|| brahmā dadau svamukuṭaṃ dharmo vai ratnabhūṣaṇam|| krameṇa devyo ratnāni daduḥ sarve yathocitam||36|| tuṣṭāva taṃ mahādevaścātyantaṃ hṛṣṭamānasaḥ || devāśca munayaḥ śailā gandharvāḥ sarvayoṣitaḥ||37|| dṛṣṭvā śivāḥ śivā caiva bālakaṃ mṛtajīvitam || brāhmaṇebhyo dadau tatra koṭiratnāni nārada ||36|| aśvānāṃ ca gajānāṃ ca sahasrāṇi śatāni ca || bandibhyaḥ pradadau tatra bālake mṛtajīvite ||39|| himālayaśca saṃtuṣṭo hṛṣṭā devāśca tatra vai || dadurdānāni viprebhyo bandibhyaḥ sarvayoṣita||40|| brāhmaṇānbhojayāmāsa kārayāmāsa maṅgalam || vedāṃśca pāṭhayāmāsa purāṇāni ramāpatiḥ || 41 || śaniṃ saṃlajjitaṃ dṛṣṭvā pārvatī kopaśālinī || śaśāpa ca sabhāmadhye'pyaṅgahīno bhaveti ca || 42 || dṛṣṭvā śaptaṃ śaniṃ sūryyaḥ kaśyapaśca yamastathā || te'tiruṣṭāḥ samuttasthurgāmukāḥ śaṅkarālayāt || 43 || raktākṣāste raktamukhāḥ kopaprasphuritādharāḥ || tāṃ dharmasākṣiṇaṃ kṛtvā viṣṇuṃ saṃśaptumudyatāḥ || 44 || brahmā tānbodhayāmāsa viṣṇunā preritaḥ suraiḥ || raktāsyāṃ pārvatīṃ caiva kopaprasphuritādharām || 45 || brahmāṇamūcuste tatra krameṇa samayocitam || bhīravo devatāḥ sarve munayaḥ parvatāstathā || 46|| kaśyapa uvāca || durdṛṣṭo'yaṃ prāktanena patnīśāpena sarvadā || bālaṃ dadarśa yatnena tasya vai māturājñayā || 47 || śrīsūryya uvāca || taṃ dharmaṃ sākṣiṇaṃ kṛtvā sūnorvai māturājñayā || yatputro'tiprayatnena hyapaśyatpārvatīsutam || 48 || yathā niraparādhena matputraṃ sā śaśāpa ha || tatputrasyāṃgabhaṃgaśca bhaviṣyati na saṃśayaḥ || 49 || yama uvāca || pradāya svayamājñāṃ ca śaśāpeyaṃ svayaṃ katham || vayaṃ śapāmaḥ ko'dharmo jighāṃsośca vihiṃsane || 50 || brahmovāca || śaśāpa pārvatī ruṣṭā strīsvabhāvācca cāpalāt || sarveṣāṃ vacanenaiva kṣantumarhantu sādhavaḥ || 51 || durge dattvā tvamājñāṃ ca putradarśanahetave || kathaṃ śapasi nirdoṣamatithiṃ tvadgṛhāgatam || 52 || ityuktvā śanimādāya bodhayitvā ca pārvatīm || tāṃ taṃ samarpaṇaṃ cakre śāpa mocanahetave || 53 || babhūva pārvatī tuṣṭā brahmaṇo vacanānmune|| śāntā babhūbuste tatra dineśayamakaśyapāḥ||54|| uvāca pārvatī tatra santuṣṭā taṃ śanaiścaram || prasāditā śivenaiva brahmaṇā parisevitā || 55 || pārvatyuvāca || graharājo bhava śane madvareṇa haripriyaḥ || cirajīvī ca yogīndro haribhaktasya kā vipat || 56 || adyaprabhṛti nirvighnā harau bhaktirdṛḍhā'stu te || śāpo'moghastato me'dya kiñcitkhañjo bhaviṣyasi || 57 || ityuktvā pārvatī tuṣṭā bālaṃ dhṛtvā ca vakṣasi || uvāsa yoṣitāṃ madhye tasmai dattvā śubhāśiṣaḥ || 58 || śanirjagāma devānāṃ samīpaṃ hṛṣṭamānasaḥ || praṇamya bhaktyā tāṃ brahmannambikāṃ jagadambikām || 59 || iti śrībrahmavaivartte mahāpurāṇe tṛtīye gaṇapatikhaṇḍe nāradanārāyaṇasaṃvāde śanikṛtagaṇeśadarśana tajjātagaṇeśaśiraḥpatana viṣṇukṛtagaṇeśaśiroyojana śaniśāpādikathanaṃ nāma dvādaśo'dhyāyaḥ || 12 ||
English translation
The severing of the head of Gape^a and its replacement by Vi§pu NarSyana said - On hearing the words of Saturn, she recited the name of the lord and said to him, "The entire universe moves according to the wishes of the lord more than the move of Parvatl playfully said to Saturn, you look at me and my child. Who can prevent the festivities of the birth.
On hearing the words of Parvati, Saturn thought in his mind, he was in a fix whether to look at the son of Parvati or not because he thought in case he looked at the child there would be an obstruction and if he did not do, how could he protect himself?
Thus thinking Saturn decided to look at the child and not his mother. His mind was disturbed in the first instance and his throat, lips and palate got dried up. Therefore with the comer of the right eye he glanced at the child's face.
O sage, at the gaze of Saturn, the head of the child was cut-off and Saturn closed his eyes at once, looking downwards and stood there.
The head of the child who was lying in the lap of Parvatl was severed and his body was soaked in blood. The severed head of the child went to Goloka and entered into the body of lord Kysna.
Parvatl started lamenting and carrying the child in her lap she fainted and fell down on earth like dead. All the gods were surprised and were flabbergasted. They stood there like puppets. All the gods, the goddesses, the mountains, Gandharvas and all the dwellers of Kailasa behaved similarly. Thereafter, finding all the people fainted Vi§nu mounted on Garuda, went to the northern direction and reached the bank of Reaching the bank of Puspabhadra river, he found an elephant enjoying the company of cow elephants. He was resting after enjoying the company of the cow elephants, placing his head toward the north. The elephant-calves surrounded him. Lord Visnu delightfully cut-off his head by using Sudarsana-cakra which was soaked in blood and kept it over Garuda and was quite pleasant to look at.
ggiy qjqHiqjRT 7IRT qfqqrq^W^I I 11 With the severing of the head of the elephant, the cow elephants were awakened and getting panicky made the young elephants to wake up.
Thereafter the cow elephants with their progeny offered prayer to lord Visnu, the husband of Kamala, who was peaceful, wearing a smile on his face holding samkha, cakra, gadd and padma in his four hands, clad in yellow garments, mounted on Garuda, who was the lord of the entire universe and was wielding the Sudarsana- She said, "You are competent to shatter the birth, the creator of the birth, glorious, bestower of pleasure, emanating from the birth and the one who relieves the people from the worldly pleasures, being the soul cause of the same."
O Brahmana, lord Visnu got pleased with the prayer and getting satisfied granted a boon. He lifted the head of the elephant from the trunk.
With the application of the divine knowledge, he brought back to the dead elephant life. The lord who is all knowledgeable, touched the body of the elephant with his lotus-like feet and said, "0 elephant, you will remain alive with your family for a kalpa.'' Thus speaking lord Visnu reached the peak of the mount Kailasa.
He took out the trunk of the child from the hand of Parvati, kept him in his lap and joined the elephant head with the trunk of the child.
The lord who has been the form of Brahman applying the divine knowledge uttered humkdra and brought the child back to life. Thereafter Krs na after consoling Parvati variously placed the child in her lap and also imparted the divine knowledge to her.
Visnu said - All the creatures from Brahma to the small insect have to face the result of their deeds and you happen to be the form of wisdom.
Therefore, O Parvati, are you not aware of the fact that all the people have to face the result of their deeds for the crores of kalpas and because of the good and bad deeds, one has to take to Indra because of his deeds is also bom as an insect and an insect also because of his good deeds could reach the position of an Indra.
Even the lion is unable to kill a fly because of his deeds and a mosquito because of the result of his deed can even kill the elephant.
m gi4uT: T5HTq;i Therefore, the pleasure, pain, fear, grief and joy are the result of one's own deeds. The good deeds result in pleasure and one has to suffer pain because of evil deeds.
Because of the good or bad deeds, one has to face pleasure and pain in this world and also in the world beyond. Bharata happens to be the sacred place for performing deeds.
Therefore, the pleasure, pain, fear, grief and joy are the result of one's own deeds. The good deeds result in pleasure and one has to suffer pain because of evil deeds.
Because of the good or bad deeds, one has to face pleasure and pain in this world and also in the world beyond. Bharata happens to be the sacred place for performing deeds.
The one who bestows the reward happens to be superior to Brahma, death for the death and death for the time, origin for the origin or the originator, killer of the killer and protector of the protector, is lord Kfsna himself who is complete in himself, is lord of Goloka and also beyond Brahma, Visnu and ^iva beside myself are all his rays. Mahavirat is a part of him. The globes are enshrined in his hair-pits.
O goddess Durga, some people happen to be the rays of the same while others are parts of those rays. Thus this stable and unstable universe besides Vinayaka, is enshrined in him. On hearing the words of lord Kfsna, Parvati felt delighted. She then bowed in reverence before the lord and started suckling the child.
With the inspiration of lord Siva, Parvati delightfully folded her hands with devotion and started offering prayer to lord Krsna which pleased lord Visnu who blessed the child with his mother and adorned the neck of the child with Similarly Brahma offered his crown to him, Dharma offered gem-studded ornaments and the goddesses gave the child appropriate gems.
Thereafter lord Siva feeling delighted eulogised the lord. Similarly the gods, the sages, mountains, Gandharvas and all the ladies offered prayers to him.
gg gngii "if o 11 On Narada finding the child of Siva and Parvati alike, the Brahmanas distributed crores of gems in charity.
On regaining life by the child, the bards were given away a thousand horses and a hundred elephants in charity.
Himalaya getting pleased and satisfied beside the gods and their wives gave away many things in charity to the bards.
Visnu the lord of Yama finding the child regaining life fed the Brahmana and arranged for the recitation of the Vedas as well as the Purdrias, Saturn was filled with shame and stood there motionless. At the sight of Saturn, Parvatl was enraged and she pronounced a curse on him saying, ''You become deformed.” Finding Saturn so cursed by Parvatl, Surya, Kasyapa and Yama felt annoyed and they resolved to leave the abode of Siva at once.
Their eyes and faces became red in anger and the lips started fluttering. They intended to pronounce a curse on Parvatl and Visnu, reciting Dharma as witness.
Thereafter Brahma at the instance of Visnu and other gods tried to convince Surya and other gods, whose faces had turned red and their lips were fluttering.
All of them then spoke appropriate words to Brahma that all the gods, the sages and the mountains are timid.
Kasyapa said - This Saturn has already achieved evil vision because of the curse from his wife but he cast a glance on ^ child at the instance of his mother. ^ Surya said - He looked at the child making Dharma as witness and with the permission of his mother.
But still they have cursed my son inspite of his being innocent; therefore their son also will be deprived of a limb. There is no doubt about it.
Yama said - When she herself permitted Saturn to look at the child then why did she pronounce a curse? In such a situation if he also pronounced a curse then what would be wrong in it? Because there is nothing wrong in killing the Brahma said - Parvatl pronounced a curse getting irritated because of the female nature but the noble people are always merciful. Therefore all of you should forgive because of the insistence of all.
Brahma spoke to Durga, ”0 Durga, you had asked Saturn to have a look at the child then why are you pronouncing a curse on an innocent Parvati said - O Saturn, with my blessing you will function as the lord of planets, beloved of the lord, have a long life and become Indra among the yogis. The devotees of the lord Hari do not have to face any miseries from today onwards from you. You will have uninterrupted and deep devotion in the lord, my curse cannot be infructuous and therefore you will remain lame throughout your life.
Parvati feeling pleased, uttered these words and blessings to Saturn took the child in her lap and was seated among the ladies.
jf n tfiwa i H ii g ^ii O Brahman, Saturn also felt delighted and bowed before Parvati in reverence with devotion and went to the gods.
The lord also bestowed on him a garland of forest flowers, the divine knowledge which results in salvation besides all the siddhis, declaring him to be equal to himself.
Chapter-aligned complete witnesses. Sanskrit Wikisource revision 117459 (2017-08-08T14:48:23Z); Shanti Lal Nagar English scan pages n649–n655: https://archive.org/details/brahma-vaivarta-purana-all-four-kandas-english-translation/page/n649/mode/1up. The historic English OCR transcription is lightly normalized; no verse-by-verse alignment is asserted.