Gaṇapati-khaṇḍa · Chapter 11
Sourceनारायण उवाच ।। हरिस्तमाशिषं कृत्वा रत्नसिंहासने वरे ।। देवैश्च मुनिभिः सार्द्धमवसत्तत्र संसदि ।। १ ।। दक्षिणे शंकरस्तस्य वामे ब्रह्मा प्रजापतिः ।। पुरतो जगतां साक्षी धर्मो धर्मवतां वरः ।। २ ।। तथा धर्मसमीपे च सूर्य्यः शक्रः कलानिधिः ।। देवाश्च मुनयो ब्रह्मन्नूषुः शैलाः सुखासने ।। ३ ।। ननर्त्त नर्त्तकश्रेणी जगुर्गन्धर्व किन्नराः ।। श्रुतिसारं श्रुतिसुखं तुष्टुवुः श्रुतयो हरिम् ।। ४ ।। एतस्मिन्नन्तरे तत्र द्रष्टुं शङ्करनन्दनम् ।। आजगाम महायोगी सूर्यपुत्रः शनैश्चरः ।। ५ ।। अत्यन्तनम्रवदन ईषन्मुद्रितलोचनः ।। अन्तर्बहिः स्मरन्कृष्णं कृष्णैकगतमानसः ।। ६ ।। तपःफलाशी तेजस्वी ज्वलदग्निशिखोपमः ।। अतीव सुन्दरः श्यामः पीताम्बरधरो वरः ।। ७ ।। प्रणम्य विष्णुं ब्रह्माणं शिवं धर्मं रविं सुरान् ।। मुनीन्द्रान्बालकं द्रष्टुं जगाम तदनुज्ञया ।।८।। प्रधानद्वारमासाद्य शिवतुल्यपराक्रमम् ।। द्वाःस्थं वै शूलहस्तं च विशालाक्षमुवाच ह ।। ९ ।। शनैश्चर उवाच ।। शिवाज्ञया शिशुं द्रष्टुं यामि शंकरकिंकर ।। विष्णुप्रमुखदेवानां मुनीनामनुरोधतः ।। १० ।। आज्ञां देहि च मां गन्तुं पार्वतीसन्निधिं बुध ।। पुनर्यामि शिशुं दृष्ट्वा विषयासक्तमानसः ।। ११ ।। विशालाक्ष उवाच ।। आज्ञावहो न देवानां नाहं शंकरकिंकरः ।। मार्गं दातुं न शक्तोऽहं विना मन्मातुराज्ञया ।। १२ ।। इत्युक्त्वाऽभ्यन्तरभ्येत्य प्रेरितः स शिवाज्ञया ।। ददौ मार्गं ग्रहेशाय विशालाक्षो मुदा ततः ।। १३ ।। शनिरभ्यन्तरं गत्वा चानमन्नम्रकन्धरः ।। रत्नसिंहासनस्थां च पार्वतीं सस्मितां मुदा ।। १४ ।। सखीभिः पञ्चभिः शश्वत्सेवितां श्वेतचामरैः ।। सखीदत्तं च ताम्बूलमुपभुज्य सुवासितम् ।।१५।। वह्निशुद्धांशुकाधानां रत्नभूषणभूषिताम् ।। पश्यन्तीं नर्त्तकीनृत्यं पुत्रं धृत्वा च वक्षसि ।। १६ ।। नतं सूर्य्यसुतं दृष्ट्वा दुर्गा संभाष्य सत्वरम् ।। शुभाशिषं ददौ तस्मै पृष्ट्वा तन्मंगलं शुभम् ।। ३७ ।। पार्वत्युवाच ।। कथमानम्रवक्त्रस्त्वं श्रोतुमिच्छामि साम्प्रतम् ।। किं न पश्यसि मां साधो बालकं वा ग्रहेश्वर ।। १८ ।। शनिरुवाच।। सर्वे स्वकर्मणा साध्वि भुञ्जते तपसः फलम्।। शुभाशुभं च यत्कर्म कोटिकल्पैर्न लुप्यते ।। १९ ।। कर्मणा जायते जन्तुर्ब्रह्मेन्द्रार्य्यममन्दिरे ।। कर्मणा नरगेहेषु पश्वादिषु च कर्मणा ।। २० ।। कर्मणा नरकं याति वैकुण्ठं याति कर्मणा ।। स्वकर्मणा च राजेन्द्रो भृत्यश्चापि स्वकर्मणा ।। २१ ।। कर्मणा सुन्दरः शश्वद्व्याधियुक्तः स्वकर्मणा ।। कर्मणा विषयी मातर्न्निर्लिप्तश्च स्वकर्मणा ।। २२ ।। कर्मणा धनवाँल्लोको दैन्ययुक्तः स्वकर्मणा ।। कर्मणा सत्कुटुम्बी च कर्मणा बन्धुकण्टकः ।। २३ ।। सुभार्यश्च सुपुत्रश्च सुखी शश्वत्स्वकर्मणा ।। अपुत्रकश्च कुस्त्रीको निस्त्रीकश्च स्वकर्मणा ।। २४ ।। इतिहासं चातिगोप्यं शृणु शङ्करवल्लभे ।। अकथ्यं जननीपार्श्वे लज्जाजनककारणम् ।। २५ ।। आबाल्यात्कृष्णभक्तोऽहं कृष्णध्यानैकमानसः ।। तपस्यासु रतश्शश्वद्विषयेऽपि रतः सदा ।। २६ ।। पिता ददौ विवाहे तु कन्यां चित्ररथस्य च ।। अतितेजस्विनी शश्वत्तपस्यासु रता सती ।। २७ ।। एकदा सा त्वृतुस्नाता सुवेषं स्वं विधाय च ।। रत्नालङ्कारसंयुक्ता मुनिमानसमोहिनी ।। २८ ।। हरेः पादं ध्यायमानं पश्यन्ती मदमोहिता ।। मत्समीपं समागत्य सस्मिता लोललोचना ।।२९।। शशाप मामपश्यन्तमृतुनाशाच्च कोपतः ।। बाह्यज्ञानविहीनं च ध्यानसंलग्नमानसम् ।। ३० ।। न दृष्टाऽहं त्वया येन न कृतं ह्यृतुरक्षणम् त्वया दृष्टं च यद्वस्तु मूढ सर्वं विनश्यति ।। ३१ ।। अहं च विरतो ध्यानात्तोषयंस्तां तदा सतीम् ।। शापं मोक्तुं न शक्ता सा पश्चात्तापमवाप ह ।। ३२ ।। तेन मातर्न पश्यामि किञ्चिद्वस्तु स्वचक्षुषा ।। ततः प्रकृतिनम्रास्यः प्राणिहिंसाभयादहम् ।। ३३ ।। शनैश्चरवचः श्रुत्वा चाहसत्पार्वती मुने ।। उच्चैः प्रजहसुः सर्वा नर्त्तकीकिन्नरीगणाः ।। ३४ ।। इति श्रीब्रह्मवैवर्त्ते महापुराणे तृतीये गणपतिखण्डे नारदनारायणसंवादे शनिपार्वतीसंवादे शनेरधोदृष्टौ कारणकथनं नामैकादशोऽध्यायः ।। ११ ।।
nārāyaṇa uvāca || haristamāśiṣaṃ kṛtvā ratnasiṃhāsane vare || devaiśca munibhiḥ sārddhamavasattatra saṃsadi || 1 || dakṣiṇe śaṃkarastasya vāme brahmā prajāpatiḥ || purato jagatāṃ sākṣī dharmo dharmavatāṃ varaḥ || 2 || tathā dharmasamīpe ca sūryyaḥ śakraḥ kalānidhiḥ || devāśca munayo brahmannūṣuḥ śailāḥ sukhāsane || 3 || nanartta narttakaśreṇī jagurgandharva kinnarāḥ || śrutisāraṃ śrutisukhaṃ tuṣṭuvuḥ śrutayo harim || 4 || etasminnantare tatra draṣṭuṃ śaṅkaranandanam || ājagāma mahāyogī sūryaputraḥ śanaiścaraḥ || 5 || atyantanamravadana īṣanmudritalocanaḥ || antarbahiḥ smarankṛṣṇaṃ kṛṣṇaikagatamānasaḥ || 6 || tapaḥphalāśī tejasvī jvaladagniśikhopamaḥ || atīva sundaraḥ śyāmaḥ pītāmbaradharo varaḥ || 7 || praṇamya viṣṇuṃ brahmāṇaṃ śivaṃ dharmaṃ raviṃ surān || munīndrānbālakaṃ draṣṭuṃ jagāma tadanujñayā ||8|| pradhānadvāramāsādya śivatulyaparākramam || dvāḥsthaṃ vai śūlahastaṃ ca viśālākṣamuvāca ha || 9 || śanaiścara uvāca || śivājñayā śiśuṃ draṣṭuṃ yāmi śaṃkarakiṃkara || viṣṇupramukhadevānāṃ munīnāmanurodhataḥ || 10 || ājñāṃ dehi ca māṃ gantuṃ pārvatīsannidhiṃ budha || punaryāmi śiśuṃ dṛṣṭvā viṣayāsaktamānasaḥ || 11 || viśālākṣa uvāca || ājñāvaho na devānāṃ nāhaṃ śaṃkarakiṃkaraḥ || mārgaṃ dātuṃ na śakto'haṃ vinā manmāturājñayā || 12 || ityuktvā'bhyantarabhyetya preritaḥ sa śivājñayā || dadau mārgaṃ graheśāya viśālākṣo mudā tataḥ || 13 || śanirabhyantaraṃ gatvā cānamannamrakandharaḥ || ratnasiṃhāsanasthāṃ ca pārvatīṃ sasmitāṃ mudā || 14 || sakhībhiḥ pañcabhiḥ śaśvatsevitāṃ śvetacāmaraiḥ || sakhīdattaṃ ca tāmbūlamupabhujya suvāsitam ||15|| vahniśuddhāṃśukādhānāṃ ratnabhūṣaṇabhūṣitām || paśyantīṃ narttakīnṛtyaṃ putraṃ dhṛtvā ca vakṣasi || 16 || nataṃ sūryyasutaṃ dṛṣṭvā durgā saṃbhāṣya satvaram || śubhāśiṣaṃ dadau tasmai pṛṣṭvā tanmaṃgalaṃ śubham || 37 || pārvatyuvāca || kathamānamravaktrastvaṃ śrotumicchāmi sāmpratam || kiṃ na paśyasi māṃ sādho bālakaṃ vā graheśvara || 18 || śaniruvāca|| sarve svakarmaṇā sādhvi bhuñjate tapasaḥ phalam|| śubhāśubhaṃ ca yatkarma koṭikalpairna lupyate || 19 || karmaṇā jāyate janturbrahmendrāryyamamandire || karmaṇā narageheṣu paśvādiṣu ca karmaṇā || 20 || karmaṇā narakaṃ yāti vaikuṇṭhaṃ yāti karmaṇā || svakarmaṇā ca rājendro bhṛtyaścāpi svakarmaṇā || 21 || karmaṇā sundaraḥ śaśvadvyādhiyuktaḥ svakarmaṇā || karmaṇā viṣayī mātarnnirliptaśca svakarmaṇā || 22 || karmaṇā dhanavā~lloko dainyayuktaḥ svakarmaṇā || karmaṇā satkuṭumbī ca karmaṇā bandhukaṇṭakaḥ || 23 || subhāryaśca suputraśca sukhī śaśvatsvakarmaṇā || aputrakaśca kustrīko nistrīkaśca svakarmaṇā || 24 || itihāsaṃ cātigopyaṃ śṛṇu śaṅkaravallabhe || akathyaṃ jananīpārśve lajjājanakakāraṇam || 25 || ābālyātkṛṣṇabhakto'haṃ kṛṣṇadhyānaikamānasaḥ || tapasyāsu rataśśaśvadviṣaye'pi rataḥ sadā || 26 || pitā dadau vivāhe tu kanyāṃ citrarathasya ca || atitejasvinī śaśvattapasyāsu ratā satī || 27 || ekadā sā tvṛtusnātā suveṣaṃ svaṃ vidhāya ca || ratnālaṅkārasaṃyuktā munimānasamohinī || 28 || hareḥ pādaṃ dhyāyamānaṃ paśyantī madamohitā || matsamīpaṃ samāgatya sasmitā lolalocanā ||29|| śaśāpa māmapaśyantamṛtunāśācca kopataḥ || bāhyajñānavihīnaṃ ca dhyānasaṃlagnamānasam || 30 || na dṛṣṭā'haṃ tvayā yena na kṛtaṃ hyṛturakṣaṇam tvayā dṛṣṭaṃ ca yadvastu mūḍha sarvaṃ vinaśyati || 31 || ahaṃ ca virato dhyānāttoṣayaṃstāṃ tadā satīm || śāpaṃ moktuṃ na śaktā sā paścāttāpamavāpa ha || 32 || tena mātarna paśyāmi kiñcidvastu svacakṣuṣā || tataḥ prakṛtinamrāsyaḥ prāṇihiṃsābhayādaham || 33 || śanaiścaravacaḥ śrutvā cāhasatpārvatī mune || uccaiḥ prajahasuḥ sarvā narttakīkinnarīgaṇāḥ || 34 || iti śrībrahmavaivartte mahāpurāṇe tṛtīye gaṇapatikhaṇḍe nāradanārāyaṇasaṃvāde śanipārvatīsaṃvāde śaneradhodṛṣṭau kāraṇakathanaṃ nāmaikādaśo'dhyāyaḥ || 11 ||
English translation
Conversation between Saturn and Parvatl Narayana said - Lord Visnu occupied the gem- studded lion-throne after offering his blessing to the child. Siva took his seat to his right side and Brahma was seated to his left. The religious Dharma also was present there. O Brahmana, Surya, Indra, the moon, the gods, the sages, the mountains were also seated close to him.
The apsaras were dancing while the Gandharvas and Kinnaras started singing from the Vedas, eulogising lord Vis^u, which was quite pleasant for the ear. In the meantime at the sight of Ganesa, the son of Surya also arrived there. He was looking downwards with half open eyes and was reciting the name of lord Krspa outside as well as inside.
He was quite illustrious who could enjoy the reward of the tapas, was like the burning flame and was clad in a beautiful yellow lower garment, he bowed in reverence to Visnu, Brahma, Siva, Dharma, Surya and other gods and thereafter he went to have a look at the child.
On reaching the main-gate Saturn spoke to the gate-keeper, who had broad eyes and was Saturn said - O servant of Siva, with the permission of Visnu, Siva and other gods, I am going to have a look at the child.
Therefore, O intelligent one, you kindly permit me to go to Parvatl. I shall come back soon after looking at the child because my mind always remains engrossed in worldly affairs.
Visalaksa said -1 am neither the servant of the gods nor am I the servant of Siva. I will not permit you to get in without the permission of my mother.
Thus speaking he entered the house of with the permission of Parvatl; he admitted Visal^sa inside the chamber.
Reaching inside he found Parvatl moving her shoulders and smiling at the same time. He then bowed in reverence to her, who was seated on the gem~studded throne.
Five of her maid-friends were swinging the white fly-whisks and serving Parvatl. Parvatl on her part was delightfully chewing the betel offered to her by her maid-friends. She was clad in garments purified by fire and adorned with all the ornaments. She held the child in her lap and was witnessing the dance by apsards.
Finding Saturn standing there, casting his gaze downwards, she blessed him and enquired of his Parvatl said - O noble person, O lord of the planets, why are you casting your eyes downwards? I would like to listen. Why don't you look at my son.
Sani said - O chaste lady, all the people have to face the result of their deeds. Whatever good or bad deeds are done, they cannot be washed away even after completion of crores of kalpas.
The Jiva is bom as Brahma, Indra and Surya because of his deeds and also is reborn as an animal because of his deeds.
One achieves hell because of his deeds an also Vaikuntha because of the same. He becomes the great king because of his own deeds and an ordinary servant because of his own deeds, He is bom beautiful because of his own deeds and he becomes sick the same way. O mother, because of his own deeds he indulges into vices and by his own deeds he becomes detached from the world.
The people become rich because of their own deeds and because of their own deeds they become pauper and miserable. Because of the deeds one achieves high family and because of his own deeds one gets the brother who always indulges in pinpricks for him.
Because of his own deeds one gets the best wife and best son and he enjoys pleasure because of his own deeds. Because of his own deeds he remains without a son, gets a wicked wife or remains without a wife. O beloved of ^iva, I tell you a secret story. Because of it being shameful, it is not appropriate to be told to the mother.
In my childhood I was a great devotee of lord Krsna and I was always devoted to him. I always recited his name and was also indulging in all types of vices. My father married me to the daughter of Citraratha but I was always devoted to tapas.
Once after having a bath, after her period, she beautifully adorned herself After adorning herself with all the ornaments, she became attractive and could attract the mind of the sages.
Wearing a serene smile on her face, she with an unstable gaze came to me and asked me to look at her. At that point of time my mind was engrossed in meditation and I was unaware of what was happening outside. Therefore instead of looking at her I kept on performing the tapas.
At this neglect, she became annoyed and feeling that her bath after the period has become infructuous, she pronounced a curse on me, "O foolish fellow you have not cared to look at me at this moment and you have not obliged me; therefore wherever you cast your glance it would Thereafter, getting relieved of the meditation I satisfied the chaste lady but she was unable to relieve me of the curse. She, therefore, repented in her mind of the same.
O mother, because of this I cannot cast my gaze at anything and in order to save the creatures from destruction I always cast my O sage, on hearing the words of Saturn, Parvatl laughed and all the damsels also followed
Chapter-aligned complete witnesses. Sanskrit Wikisource revision 117458 (2017-08-08T14:44:44Z); Shanti Lal Nagar English scan pages n646–n649: https://archive.org/details/brahma-vaivarta-purana-all-four-kandas-english-translation/page/n646/mode/1up. The historic English OCR transcription is lightly normalized; no verse-by-verse alignment is asserted.