Gaṇapati-khaṇḍa · Chapter 9
Sourceनारायण उवाच ।। हरौ तिरोहिते शर्वाणी दुर्गा शंकरस्तदा ।। ब्राह्मणान्वेषणं कृत्वा बभ्राम परितो मुने ।। १ ।। पार्वत्युवाच ।। अये विप्रेन्द्रातिवृद्ध क्व गतोऽसि क्षुधाऽऽतुरः ।। हे तात दर्शनं देहि प्राणान्वै रक्ष मे विभो ।। २ ।। शिव शीघ्रं समुत्तिष्ठ ब्राह्मणान्वेषणं कुरु ।। क्षणमुन्मनसोरेष गतः प्रत्यक्षमावयोः ।। ३ ।। अगृहीत्वा गृहात्पूजां गृहिणोऽतिथिरीश्वर ।। यदि याति क्षुधाऽऽर्त्तश्च तस्य किं जीवनं वृथा ।। ४ ।। पितरस्तन्न गृह्णन्ति पिण्डदानं च तर्पणम् ।। तस्याहुतिं न गृह्णाति वह्निः पुष्पं जलं सुराः ।। ५ ।। हव्यं पुष्पं जलं द्रव्यमशुचेश्च सुरासमम् ।। अमेध्यसदृशः पिण्डः स्पर्शनं पुण्यनाशनम् ।। ६ ।। एतस्मिन्नन्तरे तत्र वाग् बभूवाशरीरिणी ।। कैवल्ययुक्ता सा दुर्गा तां शुश्राव शुचाऽऽतुरा ।। ७ ।। शान्ता भव जगन्मातस्स्वसुतं पश्य मन्दिरे ।। कृष्णं गोलोकनाथं तं परिपूर्णतमं परम् ।।८।। सुपुण्यकव्रततरोः फलरूपं सनातनम् ।। यत्तेजो योगिनः शश्वद्ध्यायन्ति सन्ततं मुदा ।। ९ ।। ध्यायन्ति वैष्णवा देवा ब्रह्मविष्णुशिवादयः ।। यस्य पूज्यस्य सर्वाग्रे कल्पे कल्पे च पूजनम् ।। १० ।। यस्य स्मरणमात्रेण सर्वविघ्नो विनश्यति ।। पुण्यराशिस्वरूपं च स्वसुतं पश्य मन्दिरे ।। ११ ।। कल्पे कल्पे ध्यायसि यं ज्योतीरूपं सनातनम् ।। पश्य त्वं मुक्तिदं पुत्रं भक्तानुग्रहविग्रहम् ।।१२।। तव वाञ्छापूर्णबीजं तपःकल्पतरोः फलम्।। सुन्दरं स्वसुतं पश्य कोटिकन्दर्पनिन्दकम् ।।१३।। नायं विप्रः क्षुधाऽऽर्त्तश्च विप्ररूपी जनार्दनः ।। किं वा विलापं कुरुषे क्व वा वृद्धः क्व चातिथिः ।। सरस्वती त्वेवमुक्त्वा विरराम च नारद ।। १४ ।। त्रस्ता श्रुत्वाऽऽकाशवाणीं जगाम स्वालयं सती ।। ददर्श बालं पर्य्यङ्के शयानं सस्मितं मुदा।।१५।। पश्यन्तं गेहशिखरं शतचन्द्रसमप्रभम् ।। स्वप्रभापटलेनैव द्योतयन्तं महीतलम् ।। १६ ।। कुर्वन्तं भ्रमणं तल्पे पश्यन्तं स्वेच्छया मुदा ।। उमेति शब्दं कुर्वन्तं रुदन्तं तं स्तनार्थिनम् ।। १७ ।। दृष्ट्वा तदद्भुतं रूपं त्रस्ता शंकरसन्निधिम् ।। गत्वा सोवाच गिरिशं सर्वमङ्गलमङ्गला ।। १८ ।। पार्वत्युवाच ।। गृहमागच्छ सर्वेश तपसां फलदायकम् ।। कल्पे कल्पे ध्यायसि यं तं पश्यागत्य मन्दिरम् ।। १९ ।। शीघ्रं पुत्रमुखं पश्य पुण्यबीजं महोत्सवम् ।। पुन्नामनरकत्राणकारणं भवतारणम् ।। २० ।। स्नानं च सर्वतीर्थेषु सर्वयज्ञेषु दक्षिणम् ।। पुत्रसंदर्शनस्यास्य कलां नार्हति षोडशीम् ।। २१ ।। सर्वदानेन यत्पुण्यं क्ष्माप्रदक्षिणतश्च यत् ।। पुत्रदर्शनपुण्यस्य कलां नार्हति षोडशीम् ।। २२ ।। सर्वैस्तपोभिर्यत्पुण्यं देवानशनैर्व्रतैः ।। सत्पुत्रोद्भवपुण्यस्य कलां नार्हति षोडशीम् ।। २३ ।। यद्विप्रभोजनैः पुण्यं यदेव सुरसेवनैः ।। सत्पुत्रप्राप्तिपुण्यस्य कलां नार्हति षोडशीम् ।। २४ ।। पार्वत्या वचनं श्रुत्वा शिवः संहृष्टमानसः ।। आजगाम स्वभवनं क्षिप्रं वै कान्तया सह ।। ददर्श तल्पे स्वसुतं तप्तकाञ्चनसन्निभम् ।। २५ ।। हदयस्थं च यद्रूपं तदेवातिमनोहरम् ।। दुर्गातल्पात्समादाय कृत्वा वक्षसि तं सुतम्।। चुचुम्बानन्दजलधौ निमग्ना सेत्युवाच तम् ।। २६ ।। संप्राप्यामूल्यरत्नं त्वां पूर्णमेव सनातनम् ।। यथा मनो दरिद्रस्य सहसा प्राप्य सद्धनम् ।। २७ ।। कान्ते सुचिरमायाते प्रोषिते योषितो यथा ।। मानसं परिपूर्णं च बभूव च तथा मम ।। २८ ।। सुचिरं गतमायातमेकपुत्रा कथा सुतम् ।। दृष्ट्वा तुष्टा यथा वत्स तथाऽहमपि साम्प्रतम् ।। २९ ।। सद्रत्नं सुचिरं भ्रष्टं प्राप्य हृष्टो यथा जनः ।। अनावृष्टौ सुवृष्टिं च संप्राप्याहं तथा सुतम् ।। ३० ।। यथा सुचिरमन्धानां स्थितानां च निराश्रये ।। चक्षुस्सुनिर्म्मलं प्राप्य मनः पूर्णं तथैव मे ।। ३१ ।। दुस्तरे सागरे घोरे पतितस्य च संकटे ।। अनौकस्य प्राप्य नौकां मनः पूर्णं तथा मम ।। ३२ ।। तृष्णया शुष्ककण्ठानां सुचिराच्च सुशीतलम्।। सुवासितं जलं प्राप्य मनः पूर्णं तथा मम।।३३।। दावाग्निपतितानां च स्थितानां च निराश्रये ।। निरग्निमाश्रयं प्राप्य मनः पूर्णं तथा मम ।। ३४ ।। चिरं बुभुक्षितानां च व्रतोपोषणकारिणाम् ।।३५।। सदन्नं पुरतो दृष्ट्वा मनः पूर्णं तथा मम ।। इत्युक्त्वा पार्वती तत्र क्रोडे कृत्वा स्वबालकम् ।।३६।। प्रीत्या स्तनं ददौ तस्मै परमानन्दमानसा ।। क्रोडे चकार भगवान्बालकं हृष्टमानसः ।। ३७ ।। चुचुम्ब गण्डे वेदोक्तं युयुजे चाशिषं मुदा ।। ३८ ।। इति श्रीब्रह्मवैवर्त्ते महापुराण तृतीये गणपति खण्डे नारदनारायणसंवादे बालगणेशदर्शनं नाम नवमोऽध्यायः ।। ९ ।।
nārāyaṇa uvāca || harau tirohite śarvāṇī durgā śaṃkarastadā || brāhmaṇānveṣaṇaṃ kṛtvā babhrāma parito mune || 1 || pārvatyuvāca || aye viprendrātivṛddha kva gato'si kṣudhā''turaḥ || he tāta darśanaṃ dehi prāṇānvai rakṣa me vibho || 2 || śiva śīghraṃ samuttiṣṭha brāhmaṇānveṣaṇaṃ kuru || kṣaṇamunmanasoreṣa gataḥ pratyakṣamāvayoḥ || 3 || agṛhītvā gṛhātpūjāṃ gṛhiṇo'tithirīśvara || yadi yāti kṣudhā''rttaśca tasya kiṃ jīvanaṃ vṛthā || 4 || pitarastanna gṛhṇanti piṇḍadānaṃ ca tarpaṇam || tasyāhutiṃ na gṛhṇāti vahniḥ puṣpaṃ jalaṃ surāḥ || 5 || havyaṃ puṣpaṃ jalaṃ dravyamaśuceśca surāsamam || amedhyasadṛśaḥ piṇḍaḥ sparśanaṃ puṇyanāśanam || 6 || etasminnantare tatra vāg babhūvāśarīriṇī || kaivalyayuktā sā durgā tāṃ śuśrāva śucā''turā || 7 || śāntā bhava jaganmātassvasutaṃ paśya mandire || kṛṣṇaṃ golokanāthaṃ taṃ paripūrṇatamaṃ param ||8|| supuṇyakavratataroḥ phalarūpaṃ sanātanam || yattejo yoginaḥ śaśvaddhyāyanti santataṃ mudā || 9 || dhyāyanti vaiṣṇavā devā brahmaviṣṇuśivādayaḥ || yasya pūjyasya sarvāgre kalpe kalpe ca pūjanam || 10 || yasya smaraṇamātreṇa sarvavighno vinaśyati || puṇyarāśisvarūpaṃ ca svasutaṃ paśya mandire || 11 || kalpe kalpe dhyāyasi yaṃ jyotīrūpaṃ sanātanam || paśya tvaṃ muktidaṃ putraṃ bhaktānugrahavigraham ||12|| tava vāñchāpūrṇabījaṃ tapaḥkalpataroḥ phalam|| sundaraṃ svasutaṃ paśya koṭikandarpanindakam ||13|| nāyaṃ vipraḥ kṣudhā''rttaśca viprarūpī janārdanaḥ || kiṃ vā vilāpaṃ kuruṣe kva vā vṛddhaḥ kva cātithiḥ || sarasvatī tvevamuktvā virarāma ca nārada || 14 || trastā śrutvā''kāśavāṇīṃ jagāma svālayaṃ satī || dadarśa bālaṃ paryyaṅke śayānaṃ sasmitaṃ mudā||15|| paśyantaṃ gehaśikharaṃ śatacandrasamaprabham || svaprabhāpaṭalenaiva dyotayantaṃ mahītalam || 16 || kurvantaṃ bhramaṇaṃ talpe paśyantaṃ svecchayā mudā || umeti śabdaṃ kurvantaṃ rudantaṃ taṃ stanārthinam || 17 || dṛṣṭvā tadadbhutaṃ rūpaṃ trastā śaṃkarasannidhim || gatvā sovāca giriśaṃ sarvamaṅgalamaṅgalā || 18 || pārvatyuvāca || gṛhamāgaccha sarveśa tapasāṃ phaladāyakam || kalpe kalpe dhyāyasi yaṃ taṃ paśyāgatya mandiram || 19 || śīghraṃ putramukhaṃ paśya puṇyabījaṃ mahotsavam || punnāmanarakatrāṇakāraṇaṃ bhavatāraṇam || 20 || snānaṃ ca sarvatīrtheṣu sarvayajñeṣu dakṣiṇam || putrasaṃdarśanasyāsya kalāṃ nārhati ṣoḍaśīm || 21 || sarvadānena yatpuṇyaṃ kṣmāpradakṣiṇataśca yat || putradarśanapuṇyasya kalāṃ nārhati ṣoḍaśīm || 22 || sarvaistapobhiryatpuṇyaṃ devānaśanairvrataiḥ || satputrodbhavapuṇyasya kalāṃ nārhati ṣoḍaśīm || 23 || yadviprabhojanaiḥ puṇyaṃ yadeva surasevanaiḥ || satputraprāptipuṇyasya kalāṃ nārhati ṣoḍaśīm || 24 || pārvatyā vacanaṃ śrutvā śivaḥ saṃhṛṣṭamānasaḥ || ājagāma svabhavanaṃ kṣipraṃ vai kāntayā saha || dadarśa talpe svasutaṃ taptakāñcanasannibham || 25 || hadayasthaṃ ca yadrūpaṃ tadevātimanoharam || durgātalpātsamādāya kṛtvā vakṣasi taṃ sutam|| cucumbānandajaladhau nimagnā setyuvāca tam || 26 || saṃprāpyāmūlyaratnaṃ tvāṃ pūrṇameva sanātanam || yathā mano daridrasya sahasā prāpya saddhanam || 27 || kānte suciramāyāte proṣite yoṣito yathā || mānasaṃ paripūrṇaṃ ca babhūva ca tathā mama || 28 || suciraṃ gatamāyātamekaputrā kathā sutam || dṛṣṭvā tuṣṭā yathā vatsa tathā'hamapi sāmpratam || 29 || sadratnaṃ suciraṃ bhraṣṭaṃ prāpya hṛṣṭo yathā janaḥ || anāvṛṣṭau suvṛṣṭiṃ ca saṃprāpyāhaṃ tathā sutam || 30 || yathā suciramandhānāṃ sthitānāṃ ca nirāśraye || cakṣussunirmmalaṃ prāpya manaḥ pūrṇaṃ tathaiva me || 31 || dustare sāgare ghore patitasya ca saṃkaṭe || anaukasya prāpya naukāṃ manaḥ pūrṇaṃ tathā mama || 32 || tṛṣṇayā śuṣkakaṇṭhānāṃ sucirācca suśītalam|| suvāsitaṃ jalaṃ prāpya manaḥ pūrṇaṃ tathā mama||33|| dāvāgnipatitānāṃ ca sthitānāṃ ca nirāśraye || niragnimāśrayaṃ prāpya manaḥ pūrṇaṃ tathā mama || 34 || ciraṃ bubhukṣitānāṃ ca vratopoṣaṇakāriṇām ||35|| sadannaṃ purato dṛṣṭvā manaḥ pūrṇaṃ tathā mama || ityuktvā pārvatī tatra kroḍe kṛtvā svabālakam ||36|| prītyā stanaṃ dadau tasmai paramānandamānasā || kroḍe cakāra bhagavānbālakaṃ hṛṣṭamānasaḥ || 37 || cucumba gaṇḍe vedoktaṃ yuyuje cāśiṣaṃ mudā || 38 || iti śrībrahmavaivartte mahāpurāṇa tṛtīye gaṇapati khaṇḍe nāradanārāyaṇasaṃvāde bālagaṇeśadarśanaṃ nāma navamo'dhyāyaḥ || 9 ||
English translation
Sight of child Ganesa Narayana said - O sage, after the disappearance of the lord from the scene, both Durga and Siva went in search of hie Brahmana in all directions.
He performing of yajna offering of flowers, water and other articles become impure beside the pindas. The merits vanish with the touch of such a person. In the meantime a divine voice was heard from the sky when Durga was feeling immensely grieved. It said, ”0 mother of the universe, be peaceful.” You go to your son who is the lord of Goloka and is the form of lord Krs na completely and who happens to be the best of the humans.
He happens to be the result of the Supunyaka- vrata performed by you and whom the great yogis meditate upon always with a pleasant He is the one who is adored first by the gods like Brahma, Visnu, Siva and Vaisnava gods in every kalpa.
With the mere reciting of whose names all the obstructions disappear. You go to your abode and find your virtuous son, who has taken to the human form, showing his grace on the devotees.
He is the seed for the fulfilling of your desire and is the fruit of the kalpavrksa as a result of your tapas. You look at the beautiful son who surpasses the beauty of the crores of the gods of He was not a hungry or a thirsty Brahmana but was lord JanSrdana turned as a Brahmana.
Therefore why are you lamenting? Where is the old man and where is the guest?" O Narada, thus speaking the eternal voice was over.
The terrified goddess Durga listening to the divine voice from the sky rushed to her house and saw an infant placed on her bed, wearing a smile on his face. He was looking at the vase at the top of the house and was having the lustre of hundreds of moons. He was illuminating the earth with his lustre.
He was rolling over the bed delightfully and was looking everywhere at will. He then started crying for sucking milk.
While crying, he uttered the word Umd. Gaurl who bestows welfare to all, saw the infant with astonishing beauty and went to lord Siva and then spoke to him.
gqrqfa IT It q yqrq ri T ^rf^ll II Parvatl said - O lord of all, you come home and find the one who bestows the reward of the tapas in all the kalpas and find him there.
Soon you will see the face of your son, who is the cause of merit, the great festival and protects from the hell named Pumndma; he is the one who can redeem us from the ocean of the The merit one earns by taking a bath in all the holy places of dtksd for all the yajnas, will not compare even the one sixteenth ray of the glory of the son.
The merit one earns by giving away everything in charity or by taking a bath in all the holy places does not compare even the sixteenth part of the merit earned by looking at the face of The merit one earns by performing all the tapas, vratas and fasting does not compare with the merit one earns by looking at the face of a As a mother feels delighted on the arrival of her son after a long time, similarly I feel immensely happy; as one gets suddenly the gem which was lost long back or a rainfall after a prolonged drought delights the people, similarly I have been delighted at the arrival of the son.
The pleasure a blind man obtains when he gets back his eye-sight, the same type of pleasure I have got by getting the son.
The merit one earns by feeding the Brahmana and serving the gods does not compare even the sixteenth part of the merit one earns by looking at the face of the son. Siva felt delighted and thereafter he went to the inner apartment with his wife and found the child having a fair complexion like gold who was quite pleasant to look at.
Goddess Durga lifted up the son from the bed and took him in her arms. She was filled with ecstasy and kissed him. Thereafter she said, '^As a mind of pauper is delighted at the sudden receiving of immense riches, similarly I have achieved a gem like you." You are completely As a wife derives pleasure after the arrival of her husband from some other country after staying there, similarly my mind has been As a man who is thrown into the difficult ocean without a support or a boat and during the time of misery if one gets a boat, the pleasure he derives can be compared with that of my A person whose throat is dried up due to thirst for long and he is delighted suddenly on receiving the cool and fragrant water, his mind is thus filled with pleasure, similarly my mind is A person who is surrounded by a forest fire all round and is suddenly rescued, the pleasure he derives in such an eventuality is comparable to
my present pleasure.
A person who suffers because of performing vrata for a long time and remains without food and water but finds the delicious food before him is pleased, similarly my mind is also feeiing Thus speaking Parvati carrying the child in her lap, fed him from her breasts. Thereafter Siva too held the child in his lap and delightfully kissed him, blessing him at the same time according to the Vedic rites.
distributed a lakh of gems in charity besides hundreds of elephants, three lakhs of horses, ten lakhs of gold coins, besides jewels, rubies, gems and several other precious stones, in addition to beautiful garments, ornaments, gems recovered from the ocean of milk and several other articles in charity. Visnu on the other hand playfully gave away the kaustubha gem to the Brahmanas.
Brahma on the other hand getting pleased gave away in charity to the Brahmanas their desired things, which were difficult to get in the
Chapter-aligned complete witnesses. Sanskrit Wikisource revision 117456 (2017-08-08T14:40:47Z); Shanti Lal Nagar English scan pages n638–n642: https://archive.org/details/brahma-vaivarta-purana-all-four-kandas-english-translation/page/n638/mode/1up. The historic English OCR transcription is lightly normalized; no verse-by-verse alignment is asserted.