Gaṇapati-khaṇḍa · Chapter 8
Sourceनारायण उवाच ।। पार्वत्याः स्तवनं श्रुत्वा श्रीकृष्णः करुणानिधिः ।। स्वरूपं दर्शयामास सर्वादृश्यं सुदुर्लभम् ।। १ ।। स्तुत्वा देवी व्रतपरा कृष्णसंलग्नमानसा ।। ददर्श तेजसां मध्ये स्वरूपं सर्वमोहनम् ।। २ ।। सद्रत्नसाररचिते हीरकेण परिष्कृते ।। युक्ते माणिक्यमालाभी रत्नपूर्णे मनोरमे ।। ३ ।। पीतांशुकं वह्निशुद्धं वरं वंशकरं परम् ।। वनमालागलं श्यामं रत्नभूषणभूषितम् ।। ४ ।। किशोरवयसं चित्रवेषं वै चन्दनांकितम् ।। चारुस्मितास्यमीड्यं तच्छारदेन्दुविनिन्दकम् ।। ९ ।। मालतीमाल्यसंयुक्तं केकिपिच्छावचूडकम् ।। गोपांगनापरिवृतं राधावक्षस्थलोज्ज्वलम् ।। ६ ।। कोटिकन्दर्पलावण्यलीलाधाम मनोहरम् ।। अतीव हृष्टं सर्वेष्टं भक्तानुग्रहकारकम् ।। ७ ।। दृष्ट्वा रूपं रूपवती पुत्रं तदनुरूपकम् ।। मनसा वरयामास वरं संप्राप्य तत्क्षणम् ।। ८ ।। वरं दत्त्वा वरेशस्तु यद्यन्मनसि वाञ्छितम् ।। दत्त्वाऽभीष्टं सुरेभ्यश्च तत्तेजोऽन्तरधीयत ।। ९ ।। कुमारं बोधयित्वा तु देवदेव्यै दिगम्बरम् ।। ददुर्निरुपमं तत्र प्रहृष्टायै कृपान्विताः ।। १० ।। ब्राह्मणेभ्यो ददौ दुर्गा रत्नानि विविधानि च ।। सुवर्णानि च भिक्षुभ्यो बन्दिभ्यो विश्वनन्दिता ।। ११ ।। ब्राह्मणान्भोजयामास देवान्वै पर्वतांस्तथा ।। शंकरं पूजयामास चोपहारैरनुत्तमैः ।। १२ ।। दुन्दुभिं वादयामास कारयामास मंगलम् ।। संगीतं गापयामास हरिसम्बन्धि सुन्दरम्।। १३।। व्रतं समाप्य सा दुर्गा दत्त्वा दानानि सस्मिता ।। सर्वांश्च भोजयित्वा तु बुभुजे स्वामिना सह ।। १४ ।। ताम्बूलं च वरं रम्यं कर्पूरादिसुवासितम् ।। क्रमात्प्रदाय सर्वेभ्यो बुभुजे तेन कौतुकात् ।। १५ ।। पयःफेननिभां शय्यां रम्यां सद्रत्नमञ्चके ।। पुष्पचन्दनसंयुक्तां कस्तूरीकुंकुमान्विताम् ।। रहसि स्वामिना सार्द्धं सुष्वाप परमेश्वरी ।। ।। १६ ।। कैलासस्यैकदेशे च रम्ये चन्दनकानने ।। सुगन्धिकुसुमाढ्येन वायुना सुरभीकृते ।। १७ ।। भ्रमरध्वनिसंयुक्ते पुंस्कोकिलरुताश्रये ।। व्यहार्षीत्सा सुरसिका तत्र तेन सहाम्बिका ।। १८ ।। रेतःपतनकाले च स विष्णुर्विष्णुमायया ।। विधाय विप्ररूपं तदाजगाम रतेर्गृहम् ।।१९।। जटावन्तं विना तैलं कुचैलं भिक्षुकं मुने ।। अतीवशुक्लदशनं तृष्णया परिपीडितम्।। ।। २० ।। अतीव कृशगात्रं च बिभ्रत्तिलकमुज्ज्वलम् ।। बहुकाकुस्वरं दीनं दैन्यात्कुत्सितमूर्तिमत् ।। २१ ।। आजुहाव महादेवमतिवृद्धोऽन्नयाचकः ।। दण्डावलम्बनं कृत्वा रतिद्वारेऽतिदुर्बलः ।। २२ ।। ब्राह्मण उवाच ।। किं करोषि महादेव रक्ष मां शरणागतम् ।। सप्तरात्रिव्रतेऽतीते पारणाकांक्षिणं क्षुधा।।२३।। किं करोषि महादेव हे तात करुणानिधे ।। पश्य वृद्धं जराग्रस्तं तृषया परिपीडितम्।। ।। २४ ।। मातरुत्तिष्ठ मेऽन्नं त्वं प्रयच्छाद्य शिवं जलम् ।। अनन्तरत्नोद्भवजे रक्ष मां शरणागतम् ।। २५ ।। मातर्मातर्जगन्मातरेहि नाहं स्थितो बहिः ।। सीदामि तृषया कस्मात्स्थितायामात्ममातरि ।। २६ ।। इति काकुस्वरं श्रुत्वा शिवस्योत्तिष्ठतो मुने ।। पपात वीर्य्यं शय्यायां न योनौ प्रकृतेस्तदा ।। २७ ।। उत्तस्थौ पार्वती त्रस्ता सूक्ष्मवस्त्रं पिधाय च ।। आजगाम बहिर्द्वारं पार्वत्या सह शंकरः ।। २८ ।। ददर्श ब्राह्मणं दीनं जरया परिपीडितम् ।। वृद्धं लुलितगात्रं च बिभ्रतं दण्डमानतम् ।। २९ ।। तपस्विनमशान्तं च शुष्ककण्ठौष्ठतालुकम् ।। कुर्वन्तं परया भक्त्या प्रणामं स्तवनं तयोः ।। ३० ।। श्रुत्वा तद्वचनं तत्र नीलकण्ठः सुधोपमम् ।। उवाच परया प्रीत्या प्रसन्नस्तं प्रहस्य च ।। ३१ ।। शंकर उवाच ।। गृहं ते कुत्र विप्रर्षे वद वेदविदां वर ।। किन्नाम भवतः क्षिप्रं ज्ञातुमिच्छामि साम्प्रतम् ।। ३२ ।। पार्वत्युवाच ।। आगतोऽसि कुतो विप्र मम भाग्यादुपस्थितः ।। अद्य मे सफलं जन्म ब्राह्मणो मद्गृहेऽतिथिः ।। ३३ ।। अतिथिः पूजितो येन त्रिजगत्तेन पूजितम् ।। तत्रैवाधिष्ठिता देवा ब्राह्मणा गुरवो द्विज ।। ३४ ।। तीर्थान्यतिथिपादेषु शश्वत्तिष्ठन्ति निश्चितम् ।। तत्पादधौततोयेन मिश्रितानि लभेद्गृही ।। ३५।। स स्नातः सर्वतीर्थेषु सर्वयज्ञेषु दीक्षितः।। अतिथिः पूजितो येन स्वात्मशक्त्या यथोचितम् ।। ३६ ।। महादानानि सर्वाणि कृतानि तेन भूतले ।। अतिथिः पूजितो येन भारते भक्तिपूर्वकम् ।। ३७ ।। नानाप्रकारपुण्यानि वेदोक्तानि च यानि वै ।। अन्ये चातिथिसेवायाः कलां नार्हन्ति षोडशीम् ।। ३८ ।। अपूजितोऽतिथिर्यस्य भवनाद्विनिवर्त्तते ।। पितृदेवाग्नयः पश्चाद्गुरवो यान्त्यपूजिताः ।। ३९ ।। यानि कानि च पापानि ब्रह्महत्यादिकानि च ।। तानि सर्वाणि लभते नाभ्यर्च्यातिथिमीप्सितम्।।४०।। ब्राह्मण उवाच ।। जानासि वेदान्वेदज्ञे वेदोक्तं कुरु पूजनम् ।। क्षुत्तृड्भ्यां पीडितो मातर्वचनं च श्रुतौ श्रुतम् ।। ४१ ।। व्याधियुक्तो निराहारो यदा वाऽनशनव्रती ।। मनोरथेनोपहारं भोक्तुमिच्छति मानवः।।४२।। पार्वत्युवाच ।। भोक्तुमिच्छसि किं विप्र त्रैलोक्ये च सुदुर्लभम्।। दास्यामि भोक्तुं त्वामद्य मज्जन्म सफलं कुरु ।।४३।। ब्राह्मण उवाच ।। व्रते सुव्रतया सर्वमुपहारं समाहृतम् ।। नानाविधं मिष्टमिष्टं भोक्तुं श्रुत्वा समागतः।।४४।। सुव्रते तव पुत्रोऽहमग्रे मां पूजयिष्यसि ।। दत्त्वा मिष्टानि वस्तूनि त्रैलोक्ये दुर्लभानि च ।। ४५ ।। ताताः पञ्चविधाः प्रोक्ता मातरो विविधाः स्मृताः ।। पुत्रः पञ्चविधः साध्वि कथितो वेदवादिभिः।।४६।। विद्यादाताऽन्नदाता च भयत्राता च जन्मदः ।। कन्यादाता च वेदोक्ता नराणां पितरः स्मृताः ।। ४७ ।। गुरुपत्नी गर्भधात्री स्तनदात्री पितुः स्वसा ।। स्वसा मातुः सपत्नी च पुत्रभार्य्याऽन्नदायिका ।। ४८ ।। भृत्यः शिष्यश्च पोष्यश्च वीर्य्यजः शरणागतः ।। धर्मपुत्राश्च चत्वारो वीर्य्यजो धनभागिति ।। ४९ ।। क्षुत्तृड्भ्यां पीडितो मातर्वृद्धोऽहं शरणागतः ।। साम्प्रतं तव वन्ध्याया अनाथः पुत्र एव च ।। ५० ।। पिष्टकं परमान्नं च सुपक्वानि फलानि च ।। नानाविधानि पिष्टानि कालदेशोद्भवानि च ।। ५१ ।। पक्वान्नं स्वस्तिकं क्षीरमिक्षुमिक्षुविकारजम् ।। घृतं दधि च शाल्यन्नं घृतपक्वं च व्यञ्जनम् ।। ५२ ।। लड्डुकानि तिलानां च मिष्टान्नैः सगुडानि च ।। ममाज्ञातानि वस्तूनि सुधया तुल्यकानि च ।। ५३ ।। ताम्बूलं च वरं रम्यं कर्पूरादिसुवासितम् ।। चलं सुनिर्मलं स्वादु द्रव्याण्येतानि वासितम् ।।५४।। द्रव्याणि यानि भुक्त्वा मे चारु लम्बोदरं भवेत् ।। अनन्तरत्नोद्भवजे तानि मह्यं प्रदास्यसि ।। ५५ ।। स्वामी ते त्रिजगत्कर्त्ता प्रदाता सर्वसम्पदाम् ।। महालक्ष्मी स्वरूपा त्वं सर्वैश्वर्य्यप्रदायिनी ।। ५६ ।। रत्नसिंहासनं रम्यममूल्यं रत्नभूषणम् ।। वह्निशुद्धांशुकं चारु प्रदास्यसि सुदुर्लभम् ।। ५७ ।। सुदुर्लभं हरेर्मन्त्रं हरौ भक्तिं दृढां सति ।। हरिप्रिया हरेः शक्तिस्त्वमेव सर्वदा स्थिता ।। ५८ ।। ज्ञानं मृत्युञ्जयं नाम दातृशक्तिं सुखप्रदाम् ।। सर्वसिद्धिं च किं मातरदेयं स्वसुताय च ।। ५९ ।। मनः सुनिर्मलं कृत्वा धर्मे तपसि सन्ततम् ।। श्रेष्ठे सवं करिष्यामि न कामे जन्म हेतुके ।। ६० ।। स्वकामात्कुरुते कर्म कर्मणो भोग एव च ।। भोगौ शुभाशुभौ ज्ञेयौ तौ हेतू सुखदुःखयोः ।।६१।। दुःखं न कस्माद्भवति सुखं वा जगदम्बिके ।। सर्वं स्वकर्मणो भोगस्तेन तद्विरतो बुधः ।। ६२ ।। कर्म निर्मूलयन्त्येव सन्तो हि सततं मुदा ।। हरिभावनबुद्ध्या तत्तपसा भक्तसङ्गतः ।। ६३ ।। इन्द्रियद्रव्यसंयोगसुखं विध्वंसनावधि ।। हरिसंलापरूपं च सुखं तत्सर्वकालिकम् ।।६४।। हरिस्मरणशीलानां नायुर्याति सतां सती ।। न तेषामीश्वरः कालो न च मृत्युञ्जयो ध्रुवम् ।। ६५ ।। चिरं जीवन्ति ते भक्ता भारते चिरजीविनः ।। सर्वसिद्धिं च विज्ञाय स्वच्छन्दं सर्वगामिनः ।। ६६ ।। जातिस्मरा हरेर्भक्ता जानते कोटिजन्मनः ।। कथयन्ति कथां जन्म लभन्ते स्वेच्छया मुदा ।। ६७ ।। परं पुनन्ति ते पूतास्तीर्थानि स्वीयलीलया ।। पुण्यक्षेत्रेऽत्र सेवायै परार्थं च भ्रमन्ति ते ।। ६८ ।। वैष्णवानां पदस्पर्शात्सद्यः पूता वसुन्धरा ।। कालं गोदोहमात्रं तु तीर्थे यत्र वसन्ति ते ।। ६९ ।। गुरोरास्याद्विष्णुमन्त्रः श्रुतौ यस्य प्रविश्यति ।। तं वैष्णवं तीर्थपूतं प्रवदन्ति पुराविदः ।। ७० ।। पुरुषाणां शतं पूर्वमुद्धरन्ति शतं परम् ।। लीलया भारते भक्त्या सोदरान्मातरं तथा ।। ७१ ।। मातामहानां पुरुषान्दश पूर्वान्दशापरान् ।। मातुः प्रसूमुद्धरन्ति दारुणाद्यमताडनात् ।। ।। ७२ ।। भक्तदर्शनमाश्लेषं मानवाः प्राप्नुवन्ति ये ।। ते याताः सर्वतीर्थेषु सर्वयज्ञेषु दीक्षिताः ।। ७३ ।। न लिप्ताः पातकैर्भक्ताः सन्ततं हरिमानसाः ।। यथाऽग्नयः सर्वभक्ष्या यथा द्रव्येषु वायवः ।।७४।। त्रिकोटिजन्मनामन्ते प्राप्नोति जन्म मानवम् ।। प्राप्नोति भक्तसंगं स मानुषे कोटिजन्मतः ।। ७५ ।। भक्तसङ्गाद्भवेद्भक्तेरङ्कुरो जीवितः सती ।। अभक्तदर्शनादेव स च प्राप्नोति शुष्कताम् ।। ।। ७६ ।। पुनः प्रफुल्लतां याति वैष्णवालापमात्रतः ।। अंकुरश्चाविनाशी च वर्द्धते प्रतिजन्मनि ।। ७७ तत्तरोवर्द्धमानस्य हरिदास्यं फलं सति ।। परिणामे भक्तिपाके पार्षदश्च भवेद्धरेः ।। ७८ ।। महति प्रलये नाशो न भवेत्तस्य निश्चितम् ।। सर्वसृष्टेश्च संहारे ब्रह्मलोकस्य वेधसः ।। ७९ ।। तस्मान्नारायणे भक्तिं देहि मामम्बिके सदा ।। न भवेद्विष्णुभक्तिश्च विष्णुमाये त्वया विना ।।८०।। तद्वन्तं लोकशिक्षार्थं स्वतपस्तव पूजनम् ।। सर्वेषां फलदात्री त्वं नित्यरूपा सनातनी ।। ८१ ।। गणेशरूपः श्रीकृष्णः कल्पे कल्पे तवात्मजः ।। त्वत्क्रोडमागतः क्षिप्रमित्युक्त्वाऽन्तरधीयत ।। ८२ ।। कृत्वाऽन्तर्धानमीशश्च बालरूपं विधाय सः ।। जगाम पार्वती तल्पं मन्दिराभ्यन्तरस्थितम् ।। ८३ ।। तल्पस्थे शिववीर्य्ये च मिश्रितः स बभूव ह ।। ददर्श गेहशिखरं प्रसूते बालके यथा ।।८४।। शुद्धचम्पकवर्णाभः कोटिचन्द्रसमप्रभः ।। सुखदृश्यः सर्वजनैश्चक्षूरश्मिविवर्द्धकः ।। ८५ ।। अतीव सुन्दरतनुः कामदेवविमोहनः ।। सुखं निरुपमं बिभ्रच्छारदेन्दुविनिन्दकम् ।। ८६ ।। सुन्दरे लोचने बिभ्रच्चारुपद्मविनिन्दके ।। ओष्ठाधरपुटं बिभ्रत्पक्वबिम्बविनिन्दकम् ।। ८७ ।। कपालं च कपोलं च परमं सुमनोहरम् ।। नासाग्रं रुचिरं बिभ्रद्वीन्द्रचञ्चुविनिन्दकम् ।। ८८ ।। त्रैलोक्ये वै निरुपमं सर्वांगं बिभ्रदुत्तमम् ।। शयानः शयने रम्ये प्रेरयन्हस्तपादकम् ।। ८९ ।। इति श्रीब्रह्मवैवर्त्ते महापुराणे तृतीये गणेशखण्डे नारदनारायणसंवादे गणेशोत्पत्तिवर्णनं नामाष्टमोऽध्यायः ।। ८ ।।
nārāyaṇa uvāca || pārvatyāḥ stavanaṃ śrutvā śrīkṛṣṇaḥ karuṇānidhiḥ || svarūpaṃ darśayāmāsa sarvādṛśyaṃ sudurlabham || 1 || stutvā devī vrataparā kṛṣṇasaṃlagnamānasā || dadarśa tejasāṃ madhye svarūpaṃ sarvamohanam || 2 || sadratnasāraracite hīrakeṇa pariṣkṛte || yukte māṇikyamālābhī ratnapūrṇe manorame || 3 || pītāṃśukaṃ vahniśuddhaṃ varaṃ vaṃśakaraṃ param || vanamālāgalaṃ śyāmaṃ ratnabhūṣaṇabhūṣitam || 4 || kiśoravayasaṃ citraveṣaṃ vai candanāṃkitam || cārusmitāsyamīḍyaṃ tacchāradenduvinindakam || 9 || mālatīmālyasaṃyuktaṃ kekipicchāvacūḍakam || gopāṃganāparivṛtaṃ rādhāvakṣasthalojjvalam || 6 || koṭikandarpalāvaṇyalīlādhāma manoharam || atīva hṛṣṭaṃ sarveṣṭaṃ bhaktānugrahakārakam || 7 || dṛṣṭvā rūpaṃ rūpavatī putraṃ tadanurūpakam || manasā varayāmāsa varaṃ saṃprāpya tatkṣaṇam || 8 || varaṃ dattvā vareśastu yadyanmanasi vāñchitam || dattvā'bhīṣṭaṃ surebhyaśca tattejo'ntaradhīyata || 9 || kumāraṃ bodhayitvā tu devadevyai digambaram || dadurnirupamaṃ tatra prahṛṣṭāyai kṛpānvitāḥ || 10 || brāhmaṇebhyo dadau durgā ratnāni vividhāni ca || suvarṇāni ca bhikṣubhyo bandibhyo viśvananditā || 11 || brāhmaṇānbhojayāmāsa devānvai parvatāṃstathā || śaṃkaraṃ pūjayāmāsa copahārairanuttamaiḥ || 12 || dundubhiṃ vādayāmāsa kārayāmāsa maṃgalam || saṃgītaṃ gāpayāmāsa harisambandhi sundaram|| 13|| vrataṃ samāpya sā durgā dattvā dānāni sasmitā || sarvāṃśca bhojayitvā tu bubhuje svāminā saha || 14 || tāmbūlaṃ ca varaṃ ramyaṃ karpūrādisuvāsitam || kramātpradāya sarvebhyo bubhuje tena kautukāt || 15 || payaḥphenanibhāṃ śayyāṃ ramyāṃ sadratnamañcake || puṣpacandanasaṃyuktāṃ kastūrīkuṃkumānvitām || rahasi svāminā sārddhaṃ suṣvāpa parameśvarī || || 16 || kailāsasyaikadeśe ca ramye candanakānane || sugandhikusumāḍhyena vāyunā surabhīkṛte || 17 || bhramaradhvanisaṃyukte puṃskokilarutāśraye || vyahārṣītsā surasikā tatra tena sahāmbikā || 18 || retaḥpatanakāle ca sa viṣṇurviṣṇumāyayā || vidhāya viprarūpaṃ tadājagāma ratergṛham ||19|| jaṭāvantaṃ vinā tailaṃ kucailaṃ bhikṣukaṃ mune || atīvaśukladaśanaṃ tṛṣṇayā paripīḍitam|| || 20 || atīva kṛśagātraṃ ca bibhrattilakamujjvalam || bahukākusvaraṃ dīnaṃ dainyātkutsitamūrtimat || 21 || ājuhāva mahādevamativṛddho'nnayācakaḥ || daṇḍāvalambanaṃ kṛtvā ratidvāre'tidurbalaḥ || 22 || brāhmaṇa uvāca || kiṃ karoṣi mahādeva rakṣa māṃ śaraṇāgatam || saptarātrivrate'tīte pāraṇākāṃkṣiṇaṃ kṣudhā||23|| kiṃ karoṣi mahādeva he tāta karuṇānidhe || paśya vṛddhaṃ jarāgrastaṃ tṛṣayā paripīḍitam|| || 24 || mātaruttiṣṭha me'nnaṃ tvaṃ prayacchādya śivaṃ jalam || anantaratnodbhavaje rakṣa māṃ śaraṇāgatam || 25 || mātarmātarjaganmātarehi nāhaṃ sthito bahiḥ || sīdāmi tṛṣayā kasmātsthitāyāmātmamātari || 26 || iti kākusvaraṃ śrutvā śivasyottiṣṭhato mune || papāta vīryyaṃ śayyāyāṃ na yonau prakṛtestadā || 27 || uttasthau pārvatī trastā sūkṣmavastraṃ pidhāya ca || ājagāma bahirdvāraṃ pārvatyā saha śaṃkaraḥ || 28 || dadarśa brāhmaṇaṃ dīnaṃ jarayā paripīḍitam || vṛddhaṃ lulitagātraṃ ca bibhrataṃ daṇḍamānatam || 29 || tapasvinamaśāntaṃ ca śuṣkakaṇṭhauṣṭhatālukam || kurvantaṃ parayā bhaktyā praṇāmaṃ stavanaṃ tayoḥ || 30 || śrutvā tadvacanaṃ tatra nīlakaṇṭhaḥ sudhopamam || uvāca parayā prītyā prasannastaṃ prahasya ca || 31 || śaṃkara uvāca || gṛhaṃ te kutra viprarṣe vada vedavidāṃ vara || kinnāma bhavataḥ kṣipraṃ jñātumicchāmi sāmpratam || 32 || pārvatyuvāca || āgato'si kuto vipra mama bhāgyādupasthitaḥ || adya me saphalaṃ janma brāhmaṇo madgṛhe'tithiḥ || 33 || atithiḥ pūjito yena trijagattena pūjitam || tatraivādhiṣṭhitā devā brāhmaṇā guravo dvija || 34 || tīrthānyatithipādeṣu śaśvattiṣṭhanti niścitam || tatpādadhautatoyena miśritāni labhedgṛhī || 35|| sa snātaḥ sarvatīrtheṣu sarvayajñeṣu dīkṣitaḥ|| atithiḥ pūjito yena svātmaśaktyā yathocitam || 36 || mahādānāni sarvāṇi kṛtāni tena bhūtale || atithiḥ pūjito yena bhārate bhaktipūrvakam || 37 || nānāprakārapuṇyāni vedoktāni ca yāni vai || anye cātithisevāyāḥ kalāṃ nārhanti ṣoḍaśīm || 38 || apūjito'tithiryasya bhavanādvinivarttate || pitṛdevāgnayaḥ paścādguravo yāntyapūjitāḥ || 39 || yāni kāni ca pāpāni brahmahatyādikāni ca || tāni sarvāṇi labhate nābhyarcyātithimīpsitam||40|| brāhmaṇa uvāca || jānāsi vedānvedajñe vedoktaṃ kuru pūjanam || kṣuttṛḍbhyāṃ pīḍito mātarvacanaṃ ca śrutau śrutam || 41 || vyādhiyukto nirāhāro yadā vā'naśanavratī || manorathenopahāraṃ bhoktumicchati mānavaḥ||42|| pārvatyuvāca || bhoktumicchasi kiṃ vipra trailokye ca sudurlabham|| dāsyāmi bhoktuṃ tvāmadya majjanma saphalaṃ kuru ||43|| brāhmaṇa uvāca || vrate suvratayā sarvamupahāraṃ samāhṛtam || nānāvidhaṃ miṣṭamiṣṭaṃ bhoktuṃ śrutvā samāgataḥ||44|| suvrate tava putro'hamagre māṃ pūjayiṣyasi || dattvā miṣṭāni vastūni trailokye durlabhāni ca || 45 || tātāḥ pañcavidhāḥ proktā mātaro vividhāḥ smṛtāḥ || putraḥ pañcavidhaḥ sādhvi kathito vedavādibhiḥ||46|| vidyādātā'nnadātā ca bhayatrātā ca janmadaḥ || kanyādātā ca vedoktā narāṇāṃ pitaraḥ smṛtāḥ || 47 || gurupatnī garbhadhātrī stanadātrī pituḥ svasā || svasā mātuḥ sapatnī ca putrabhāryyā'nnadāyikā || 48 || bhṛtyaḥ śiṣyaśca poṣyaśca vīryyajaḥ śaraṇāgataḥ || dharmaputrāśca catvāro vīryyajo dhanabhāgiti || 49 || kṣuttṛḍbhyāṃ pīḍito mātarvṛddho'haṃ śaraṇāgataḥ || sāmprataṃ tava vandhyāyā anāthaḥ putra eva ca || 50 || piṣṭakaṃ paramānnaṃ ca supakvāni phalāni ca || nānāvidhāni piṣṭāni kāladeśodbhavāni ca || 51 || pakvānnaṃ svastikaṃ kṣīramikṣumikṣuvikārajam || ghṛtaṃ dadhi ca śālyannaṃ ghṛtapakvaṃ ca vyañjanam || 52 || laḍḍukāni tilānāṃ ca miṣṭānnaiḥ saguḍāni ca || mamājñātāni vastūni sudhayā tulyakāni ca || 53 || tāmbūlaṃ ca varaṃ ramyaṃ karpūrādisuvāsitam || calaṃ sunirmalaṃ svādu dravyāṇyetāni vāsitam ||54|| dravyāṇi yāni bhuktvā me cāru lambodaraṃ bhavet || anantaratnodbhavaje tāni mahyaṃ pradāsyasi || 55 || svāmī te trijagatkarttā pradātā sarvasampadām || mahālakṣmī svarūpā tvaṃ sarvaiśvaryyapradāyinī || 56 || ratnasiṃhāsanaṃ ramyamamūlyaṃ ratnabhūṣaṇam || vahniśuddhāṃśukaṃ cāru pradāsyasi sudurlabham || 57 || sudurlabhaṃ harermantraṃ harau bhaktiṃ dṛḍhāṃ sati || haripriyā hareḥ śaktistvameva sarvadā sthitā || 58 || jñānaṃ mṛtyuñjayaṃ nāma dātṛśaktiṃ sukhapradām || sarvasiddhiṃ ca kiṃ mātaradeyaṃ svasutāya ca || 59 || manaḥ sunirmalaṃ kṛtvā dharme tapasi santatam || śreṣṭhe savaṃ kariṣyāmi na kāme janma hetuke || 60 || svakāmātkurute karma karmaṇo bhoga eva ca || bhogau śubhāśubhau jñeyau tau hetū sukhaduḥkhayoḥ ||61|| duḥkhaṃ na kasmādbhavati sukhaṃ vā jagadambike || sarvaṃ svakarmaṇo bhogastena tadvirato budhaḥ || 62 || karma nirmūlayantyeva santo hi satataṃ mudā || haribhāvanabuddhyā tattapasā bhaktasaṅgataḥ || 63 || indriyadravyasaṃyogasukhaṃ vidhvaṃsanāvadhi || harisaṃlāparūpaṃ ca sukhaṃ tatsarvakālikam ||64|| harismaraṇaśīlānāṃ nāyuryāti satāṃ satī || na teṣāmīśvaraḥ kālo na ca mṛtyuñjayo dhruvam || 65 || ciraṃ jīvanti te bhaktā bhārate cirajīvinaḥ || sarvasiddhiṃ ca vijñāya svacchandaṃ sarvagāminaḥ || 66 || jātismarā harerbhaktā jānate koṭijanmanaḥ || kathayanti kathāṃ janma labhante svecchayā mudā || 67 || paraṃ punanti te pūtāstīrthāni svīyalīlayā || puṇyakṣetre'tra sevāyai parārthaṃ ca bhramanti te || 68 || vaiṣṇavānāṃ padasparśātsadyaḥ pūtā vasundharā || kālaṃ godohamātraṃ tu tīrthe yatra vasanti te || 69 || gurorāsyādviṣṇumantraḥ śrutau yasya praviśyati || taṃ vaiṣṇavaṃ tīrthapūtaṃ pravadanti purāvidaḥ || 70 || puruṣāṇāṃ śataṃ pūrvamuddharanti śataṃ param || līlayā bhārate bhaktyā sodarānmātaraṃ tathā || 71 || mātāmahānāṃ puruṣāndaśa pūrvāndaśāparān || mātuḥ prasūmuddharanti dāruṇādyamatāḍanāt || || 72 || bhaktadarśanamāśleṣaṃ mānavāḥ prāpnuvanti ye || te yātāḥ sarvatīrtheṣu sarvayajñeṣu dīkṣitāḥ || 73 || na liptāḥ pātakairbhaktāḥ santataṃ harimānasāḥ || yathā'gnayaḥ sarvabhakṣyā yathā dravyeṣu vāyavaḥ ||74|| trikoṭijanmanāmante prāpnoti janma mānavam || prāpnoti bhaktasaṃgaṃ sa mānuṣe koṭijanmataḥ || 75 || bhaktasaṅgādbhavedbhakteraṅkuro jīvitaḥ satī || abhaktadarśanādeva sa ca prāpnoti śuṣkatām || || 76 || punaḥ praphullatāṃ yāti vaiṣṇavālāpamātrataḥ || aṃkuraścāvināśī ca varddhate pratijanmani || 77 tattarovarddhamānasya haridāsyaṃ phalaṃ sati || pariṇāme bhaktipāke pārṣadaśca bhaveddhareḥ || 78 || mahati pralaye nāśo na bhavettasya niścitam || sarvasṛṣṭeśca saṃhāre brahmalokasya vedhasaḥ || 79 || tasmānnārāyaṇe bhaktiṃ dehi māmambike sadā || na bhavedviṣṇubhaktiśca viṣṇumāye tvayā vinā ||80|| tadvantaṃ lokaśikṣārthaṃ svatapastava pūjanam || sarveṣāṃ phaladātrī tvaṃ nityarūpā sanātanī || 81 || gaṇeśarūpaḥ śrīkṛṣṇaḥ kalpe kalpe tavātmajaḥ || tvatkroḍamāgataḥ kṣipramityuktvā'ntaradhīyata || 82 || kṛtvā'ntardhānamīśaśca bālarūpaṃ vidhāya saḥ || jagāma pārvatī talpaṃ mandirābhyantarasthitam || 83 || talpasthe śivavīryye ca miśritaḥ sa babhūva ha || dadarśa gehaśikharaṃ prasūte bālake yathā ||84|| śuddhacampakavarṇābhaḥ koṭicandrasamaprabhaḥ || sukhadṛśyaḥ sarvajanaiścakṣūraśmivivarddhakaḥ || 85 || atīva sundaratanuḥ kāmadevavimohanaḥ || sukhaṃ nirupamaṃ bibhracchāradenduvinindakam || 86 || sundare locane bibhraccārupadmavinindake || oṣṭhādharapuṭaṃ bibhratpakvabimbavinindakam || 87 || kapālaṃ ca kapolaṃ ca paramaṃ sumanoharam || nāsāgraṃ ruciraṃ bibhradvīndracañcuvinindakam || 88 || trailokye vai nirupamaṃ sarvāṃgaṃ bibhraduttamam || śayānaḥ śayane ramye prerayanhastapādakam || 89 || iti śrībrahmavaivartte mahāpurāṇe tṛtīye gaṇeśakhaṇḍe nāradanārāyaṇasaṃvāde gaṇeśotpattivarṇanaṃ nāmāṣṭamo'dhyāyaḥ || 8 ||
English translation
NarSyana said - On hearing the prayer of PSrvatl, Krsna the ocean of mercy appeared before her, who is invisible for all and difficult to Goddess Parvatl visualised the form of Krsna in her mind devoted toward him, in the form of the lustre which was quite surprising. He was wearing a garland studded with jewels, a beautiful garland of rubies, the yellow garments purified by fire, the best of all and bestower of progeny; his throat was adorned with the garland of forest flowers, had a dark complexion, was adorned with ornaments, was clad in garments studded with gems, was of tender age, was clad in astonishing costumes decorated with sandal- paste, a beautiful serene smile on the face, putting to shame the lustre of the moon of the winter season, wearing a garland of jasmine flowers, placing the feather of a peacock on the head, surrounded by the cowherdesses, illumining by embracing Radha, lowering the
glory of crores of gods of love, quite pleasant to look at, joyful and the one who bestowed the grace on the devotees.
At the sight of the lord, the beautiful goddess ParvatT desired in her mind to have a son like him. She was granted the boon at the same time, Krsna the lord of bestower of boons, was the form of lustre fulfilling the desire of all the gods and than disappeared from the same place.
The gods then convinced Sanatkumara who was all merciful and returned Siva and ParvatT.
Thereafter Durga, the adorable wife of the lord of the universe, distributed gems among the Brahmanas besides gold to the beggars and the bards. She served the presents and adored lord The drams were beaten; the welfare songs were sung and arrangements for the devotional music were made in honour of the lord. Thus completing the vrata and giving away valuables in charity, Durga served food to all with a serene smile on her face. Thereafter, she also took food herself together with Siva.
She also served the fragrant betels with camphor to all and also herself took the same.
Thereafter, the supreme goddess reclined on the beautiful bed made of gems with a bed-sheet of pure white colour, quite charming, filled with flowers and sandal-paste, kasturl and kurhkuma, she retired to bed with Siva.
At that point of time in a part of Kailasa in the beautiful forest of sandal-wood, filled with fragrant flowers and a fragrant breeze, in which the hissing sound of black-wasps was being echoed and was the only place for the cuckoo to issue its sweet notes. Ambika went to the forest with Siva.
But at the time of the falling of the semen he was influenced by Visnu who reached there in the form of a Brahmana at the gate of the O sage, the beggar had the form of a Brahmana who had dishevelled hair on the head with tom clothes, white teeth and was upset with of being quite weak. You better look an old person like me.
TraiESTir 'dvIH.I O mother, get up and give me the water of welfare besides food. O daughter of Himalaya, the abode of immense jewels, I have come to take refuge under you. You better protect me.
O mother of the universe, come here, I am not out of the universe, I am suffering from lack of food and water inspite of my mother remaining The lean and thin fellow had applied the shining tilaka on the head and spoke in a grief- stricken tone. He appeared in quite a miserable condition. He was desirous of food and was quite weak and old and was moving with the help of a staff. He accordingly reached the door of pleasure house and he called for lord Mahadeva.
Brahmana said - O Mahadeva, what are you doing? You protect a person like me who has come to take refuge under you. I am hungry after performing vrata for seven nights and feel quite disturbed. I went to have food.
O Mahadeva, O lord, O ocean of mercy, what are you doing? I am quite old and thirsty because sage thus after hearing the grief-stricken words, ^iva got up and his semen fell on the bed instead of in the womb of Durga.
Thereafter the terrified Parvati also clad herself in fine garments and accompanied Siva up to the door.
looked at the Brahmana who was quite poor, old and disturbed. His body was trembling.
He was an ascetic disturbed and could walk bending his back with the help of the staff. His throat, neck and tongue were dried up and inspite of that he was bowing in reverence with great The blue throated Siva, listening to his nectar- like words, spoke to him smilingly.
said - O Brahmana, O best of those well- versed in the Vedas, where do you live? What is your name? You tell me.
compare even one sixteenth part of the merit of adoring the guest.
Therefore if a guest goes away from a house without adoration, his manes, gods, Agni and even teacher meet with disrespect and l»ave that Parvatl said - O Brahmana, you have arrived here because of my fortune. Where from have you arrived, my life has been successful today, a Brahmana has arrived here as a guest.
O Brahmana, the one who adores the guest he himself adores in the three worlds, the gods, Brahmanas and the teachers at the same place.
The sacred places reside in the feet of the guest, a householder by washing his feet achieves the merit of receiving the water of holy Therefore, the one who adores the guest, according to his own competence, gets the merit of bathing in all the holy places and receives the diksa of all the yajnas.
He is taken to have performed all the great charities on earth. The one w^ho adores the guest with devotion, All the merits described in the Vedas do not He who does not adore the desired guest, attracts the sin of Brahmahatyd.
Brahmana said - O well-versed in the Vedas, you are well aware of the Vedic practices; therefore you perform the pujd as prescribed in the Vedas. O mother, I am suffering because of hunger and thirst. I have heard in the Vedas that the one who suffers from ailment, is hungry or resorts to fasting, decides to have things of his own liking.
ParvatT said - O Brahmana, what would you like to eat? I will serve you anything which is difficult to get in the three worlds. I can serve you the same food. Let my life meet with Brahmana said - O chaste lady, I have heard that for performing the vrata you have collected all types of the best of food. I have therefore arrived here to consume various types of sweets.
O chaste lady, I am like your son, you adore me after giving away the sweets which are difficult to get in the three worlds.
WRIT: Tj^fggr: nin^ fqfqeji: ipT:i O ascetic lady, there are five types of fathers described in the scriptures and the number of mothers is innumerable. The sons however, are of five types. This has been ordained in the The one who imparts knowledge, the giver of food, the one who protects others from danger, the one who gives birth and the one who gives away the daughter are the five types of fathers described in the Vedas.
The list of mothers includes the wife of the teacher, the one who carries a child in the womb, the one who feeds with breast milk her child, the sister of the father, the sister of the mother, the step-mother, the wife of the son and the one who gives away food are called to be the mothers in the universe.
There are five types of sons described in the scriptures which include the servant, the pupil, one who is brought up or adopted and the one who is bom of one's own semen and the one who arrives to take refuge. Out of these, four are as called Dharma-putras and the one who is bom of one's own semen, he inherits the property and i riches. O mother, I am suffering from hunger and thirst, am quite old and have come to take refuge with you. Currently, I am an orphan son of a barren lady like you.
flcg ifg grfq pgrr ^ gig g mlH t g^i You give me the fried round flour cakes, pdyasam, ripe fruit, many stuffs made of flour, stuffs made according to the time and the place, ripe cereals, svastika, milk, juice of sugar-cane and the stuffs made of it, besides ghee, curd boiled rice, the stuffs made or fried in ghee, the balls of sea-same, sweets of gu(^a and all other stuffs which are unknown to me besides the sweets which are delicious like nectar and fragrant like camphor, in addition to the best of betels and spotless, clean and tasteful water. O daughter of the mountain, you make all these things available to me by eating which I should become a person with protmding belly.
Your husband happens to be the lord of the three worlds and the creator of the three worlds, bestower of all the riches and you are yourself MahalaksmI who can bestow all the fortunes.
You bestow on me the firm devotion of the lord Hari together with a beautiful gem-studded lion-throne, ornaments studded with gems and invaluable garments purified by fire, the mantra of the god which is difficult to get, because you are the beloved of the lord and always remain there as his sakti.
You also give me the knowledge of overcoming death because you are the one who provides pleasure and all the siddhis. O mother, you can give everything to your son. O best of the ladies, I shall devote myself to dharma and tapas purifying my mind but I shall never enslave myself with worldly desires.
One performs one's deeds according to his desire and also has to face the result of the same.
One has to face the reward of his deeds which are good as well as bad and result in pleasure and O goddess, one neither gets pain from anyone nor pleasure. Whatever one has to face is the result of one's own deeds, therefore the learned people always remain unconcerned with the One who adores the lord with his utmost intelligence and tapas, gets pleased after coming into contact with the devotees of the lord which ultimately results in removing all the karmas.
Because the pleasure derived out of the combination of the pleasure of the organs of senses is short lived and the pleasure of the reciting of the name of the lord always remains present at all the times.
O chaste lady, the life of those who recite the name of the lord never gets wasted, the time cannot overpower them nor can lord Siva do so.
In the land of Bharata, the devotees of the lord always have a long life and they achieved all the success and move about in all the places The devotees of the lord preserve the memory in earlier births; therefore they are well aware of the happening of crores of births who continue narrating these stories and they are reborn pleasantly according to their own wishes.
They are always pure at heart and by their performance they purify even the sacred places where they go on roaming about to serve others.
In a sacred place where the Vaisnavas stay up to the evening, the land gets purified with the very touch of their feet because a person in whose ear the mantra of lord Visnu enters from the mouth of the teacher, the people well-versed in the ancient scriptures consider him to be as sacred as a holy place.
The devotees in the land of Bharata redeemed a hundred generations of their ancestors and a hundred coming generations without much effort. Similarly the brothers, the mother, maternal grandfather and ancestors, of ten generations are redeemed together with the ten generations of the maternal grand mother.
Those of the people who had an audience with the devotees or embraced them, earn the merit of all the holy places and receive dlksa of all the yajnas. The devotees who always remain engrossed in the devotion of the lord and never get involved in any of the sins which are like fire which consumes everything but the wind remain unaffected by it.
One gets the human birth after three crores of births and after having crores of births, a human being comes across the company of the devotees.
O chaste lady, by coming across the devotees, the seed of devotion is sprouted which dries up at the sight of unbelievers.
But it blossoms again after conversation with Vaisnavas because only such of the sprouting remains intact and grows in every birth.
O chaste lady, when this tree grows up a person achieves the slavehood of the lord and thereafter when the devotion is placed on firm footings, he becomes the courtier of the lord.
Then such a person survives at the time of great dissolution when even BrahmS and the entire globe vanishes. This is definite.
O mother, therefore you bestow on earth always the devotion of the lord. O illusion of Vis nu, without your grace one cannot achieve the devotion of the lord.
People adore you or perform your tapas, vrata or pujd for the sake of education, because you are the one who bestows the reward on all the people. Besides, you are everlasting and eternal.
In every kalpa lord Krsna happens to be your son in the form of Ganesa and he is shortly coming in your lap. Thus speaking the Brahmapa disappeared from the scene. After disappearing from the scene the lord changed himself into the form of a child and he entered the bed of Parvatl and was soaked in the semen of Siva and he started looking like a just bom infant and started looking at the peak of the palace.
pltmn (qvSTIHH.I He had the complexion of pure jasmine flower, the lustre of crores of moons, pleasant to look at by all, the one who increases the eye¬ sight, having extremely beautiful body which could put even the god of love in fallacy and had the face of the shining moon of the winter season. Both his eyes were beautiful and could put the lotus to shame. His beautiful lips could put the ripe wood-apple to shame; he had quite charming cheeks and his head and his nose could put the beak of the parrot to shame. Thus he was having beautiful limbs and was moving his hands and feet on the bed.
Parvatl said - O extremely old Brahmana, you were quite hungry; where have you gone? O father, O illustrious one, you appear before me and save my life. O Siva, get up at once and search for the Brahmana. He appeared before us for a moment only. O lord, the householder from whose house a hungry and thirsty guest goes away without adoration, the life of the same house-holder becomes of no consequence.
Because the manes do not accept the offering the pindas and offerings made in fire from his hands. The gods also do not accept the flower and water offered from his hand.
Chapter-aligned complete witnesses. Sanskrit Wikisource revision 117455 (2017-08-08T14:38:05Z); Shanti Lal Nagar English scan pages n630–n638: https://archive.org/details/brahma-vaivarta-purana-all-four-kandas-english-translation/page/n630/mode/1up. The historic English OCR transcription is lightly normalized; no verse-by-verse alignment is asserted.