Gaṇapati-khaṇḍa · Chapter 5
Sourceनारायण उवाच ।। श्रुत्वा व्रतविधाने च दुर्गा संहृष्टमानसा ।। पुनः पप्रच्छ कान्तं सा दिव्यां व्रतकथां शुभाम् ।। १ ।। श्रीपार्वत्युवाच ।। किमद्भुतं व्रतं नाथ विधानफलमस्य च ।। अधिकां तत्कथां ब्रूहि व्रतं केन प्रकाशितम् ।। २ ।। अथ पुण्यकव्रतकथा ।। श्रीमहादेव उवाच ।। शतरूपा मनोः पत्नी पुत्रदुःखेन दुःखिता ।। ब्रह्मणः स्थानमागत्य सा ब्रह्माणमुवाच ह ।। ३ ।। शतरूपोवाच ।। ब्रह्मन्केन प्रकारेण वन्ध्यायाश्च सुतो भवेत् ।। तन्मे ब्रूहि जगद्धातः सृष्टिकारणकारण ।। ४ ।। तज्जन्म निष्फलं ब्रह्मन्नैश्वर्य्यं धनमेव च ।। किंचिन्न शोभते गेहे विना पुत्रेण पुत्रिणाम् ।।९।। तपोदानोद्भवं पुण्यं जन्मांतरसुखावहम् ।। सुखदो मोक्षः प्रीतिदाता पुत्रश्च पुत्रिणाम् ।। ६ ।। पुत्री पुत्रमुखं दृष्ट्वा चाश्वमेधशतोद्भवम् ।। फलं पुन्नामनरकत्राणहेतुं लभेद्ध्रुवम् ।। ७ ।। पुत्रोत्पत्तेरुपायं वै वद मां तापसंयुताम् ।। तदा भद्रं न चेद्भर्त्रा सह यास्यामि काननम् ।। ८ ।। गृहाण राज्यमैश्वर्य्य धनं पृथ्वीं प्रजावहाम् ।। किमेतेनावयोस्तात विना पुत्रैरपुत्रिणोः ।। ९ ।। अपुत्रिणो मुखं द्रष्टुं विद्वान्नोत्सहते ऽशिवम् ।। मुखं दर्शयितुं लज्जां समवाप्नोत्यपुत्रकः ।। १० ।। अथवा गरलं भुक्त्वा प्रवेक्ष्यामि हुताशनम् ।। अपुत्रपौत्रमशिवं गृहं स्यात्स्त्रीविहीनकम् ।। ११ ।। इत्येवमुक्त्वा सा साक्षाद्ब्रह्मणोऽग्रे रुरोद ह ।। कृपानिधिश्च तां दृष्ट्वा प्रवक्तुमुपचक्रमे ।।१२।। ब्रह्मोवाच ।। शृणु वत्से प्रवक्ष्यामि पुत्रोपायं सुखावहम् ।। सर्वैश्वर्य्यादिबीजं च सर्ववाञ्छाप्रदं शुभम् ।।१३।। माघशुक्लत्रयोदश्यां व्रतमेतत्सुपुण्यकम् ।। कर्तव्यं शुक्लकाले च कृष्णमाराध्य सर्वदम् ।। १४ ।। संवत्सरं च कर्तव्यं सर्वविघ्नविनाशनम् ।। द्रव्याणि वेदैरुक्तानि व्रते देयानि सुव्रते ।। १५ ।। व्रतं च काण्वशाखोक्तं सर्ववाञ्छितसिद्धिदम् ।। कृत्वा पुत्रं लभ शुभे विष्णुतुल्यपराक्रमम् ।। ।। १६ ।। ब्रह्मणश्च वचः श्रुत्वा सा कृत्वा व्रतमुत्तमम् ।। प्रियव्रतोत्तानपादौ लेभे पुत्रौ मनोहरौ ।। १७ ।। व्रतं कृत्वा देवहूतिर्लेभे सिद्धेश्वरं सुतम् ।। नारायणांशं कपिलं पुण्यकं पुण्यदं शुभम् ।। १८ ।। अरुन्धतीदं कृत्वा तु लेभे शक्तिसुतं शुभा ।। शक्तिकान्ता व्रतं कृत्वा सुतं लेभे पराशरम् ।। १९ ।। अदितिश्च व्रतं कृत्वा लेभे वामनकं सुतम्।। शची जयन्तं पुत्रं च लेभे कृत्वेदमीश्वरी ।।२०।। उत्तानपादपत्नीदं कृत्वा लेभे ध्रुवं सुतम् ।। कुबेरजाया कृत्वेदं लेभे च नलकूबरम् ।। २१ ।। सूर्य्यपत्नी मनुं लेभे कृत्वेदं व्रतमुत्तमम् ।। अत्रिपत्नी सुतं चन्द्रं लेभे कृत्वेदमुत्तमम् ।। २२ ।। लेभे चांगिरसः पत्नी कृत्वेदं व्रतमुत्तमम् ।। बृहस्पतिं सुरगुरुं पुत्रमस्य प्रभावतः ।। २३ ।। भृगोर्भार्य्या व्रतं कृत्वा लेभे दैत्यगुरुं सुतम् ।। शुक्रं नारायणांशं च सर्वतेजस्विनां वरम् ।।२४।। इत्येवं कथितं देवि व्रतानां व्रतमुत्तमम् ।। त्वमेवं कुरु कल्याणि हिमालयसुते शुभे।।२९।। साध्यं राजेन्द्रपत्नीनां देवीनां च सुखावहम् ।। व्रतमेतन्महासाध्वि साध्वीनां प्राणतः प्रियम् ।। २६ ।। व्रतस्यास्य प्रभावेण स्वयं गोपाङ्गनेश्वरः ।। ईश्वरः सर्वभूतानां तव पुत्रो भविष्यति ।। ।। २७ ।। इत्युक्त्वा शंकरस्तत्र विरराम च नारद ।। व्रतं चकार सा देवी प्रदृष्टा शङ्कराज्ञया ।। २८ ।। इत्येवं कथितं सर्वं किं भूयः श्रोतुमिच्छसि ।। सुखदं मोक्षदं सारं गणेशजनिकारणम् ।। २९ ।। इति श्रीबह्मवैवर्त्ते महापुराणे तृतीये गणपतिखण्डे नारदनारायणसंवादे पुण्यकव्रतकथनं नाम पञ्चमोऽध्यायः ।। ५ ।।
nārāyaṇa uvāca || śrutvā vratavidhāne ca durgā saṃhṛṣṭamānasā || punaḥ papraccha kāntaṃ sā divyāṃ vratakathāṃ śubhām || 1 || śrīpārvatyuvāca || kimadbhutaṃ vrataṃ nātha vidhānaphalamasya ca || adhikāṃ tatkathāṃ brūhi vrataṃ kena prakāśitam || 2 || atha puṇyakavratakathā || śrīmahādeva uvāca || śatarūpā manoḥ patnī putraduḥkhena duḥkhitā || brahmaṇaḥ sthānamāgatya sā brahmāṇamuvāca ha || 3 || śatarūpovāca || brahmankena prakāreṇa vandhyāyāśca suto bhavet || tanme brūhi jagaddhātaḥ sṛṣṭikāraṇakāraṇa || 4 || tajjanma niṣphalaṃ brahmannaiśvaryyaṃ dhanameva ca || kiṃcinna śobhate gehe vinā putreṇa putriṇām ||9|| tapodānodbhavaṃ puṇyaṃ janmāṃtarasukhāvaham || sukhado mokṣaḥ prītidātā putraśca putriṇām || 6 || putrī putramukhaṃ dṛṣṭvā cāśvamedhaśatodbhavam || phalaṃ punnāmanarakatrāṇahetuṃ labheddhruvam || 7 || putrotpatterupāyaṃ vai vada māṃ tāpasaṃyutām || tadā bhadraṃ na cedbhartrā saha yāsyāmi kānanam || 8 || gṛhāṇa rājyamaiśvaryya dhanaṃ pṛthvīṃ prajāvahām || kimetenāvayostāta vinā putrairaputriṇoḥ || 9 || aputriṇo mukhaṃ draṣṭuṃ vidvānnotsahate 'śivam || mukhaṃ darśayituṃ lajjāṃ samavāpnotyaputrakaḥ || 10 || athavā garalaṃ bhuktvā pravekṣyāmi hutāśanam || aputrapautramaśivaṃ gṛhaṃ syātstrīvihīnakam || 11 || ityevamuktvā sā sākṣādbrahmaṇo'gre ruroda ha || kṛpānidhiśca tāṃ dṛṣṭvā pravaktumupacakrame ||12|| brahmovāca || śṛṇu vatse pravakṣyāmi putropāyaṃ sukhāvaham || sarvaiśvaryyādibījaṃ ca sarvavāñchāpradaṃ śubham ||13|| māghaśuklatrayodaśyāṃ vratametatsupuṇyakam || kartavyaṃ śuklakāle ca kṛṣṇamārādhya sarvadam || 14 || saṃvatsaraṃ ca kartavyaṃ sarvavighnavināśanam || dravyāṇi vedairuktāni vrate deyāni suvrate || 15 || vrataṃ ca kāṇvaśākhoktaṃ sarvavāñchitasiddhidam || kṛtvā putraṃ labha śubhe viṣṇutulyaparākramam || || 16 || brahmaṇaśca vacaḥ śrutvā sā kṛtvā vratamuttamam || priyavratottānapādau lebhe putrau manoharau || 17 || vrataṃ kṛtvā devahūtirlebhe siddheśvaraṃ sutam || nārāyaṇāṃśaṃ kapilaṃ puṇyakaṃ puṇyadaṃ śubham || 18 || arundhatīdaṃ kṛtvā tu lebhe śaktisutaṃ śubhā || śaktikāntā vrataṃ kṛtvā sutaṃ lebhe parāśaram || 19 || aditiśca vrataṃ kṛtvā lebhe vāmanakaṃ sutam|| śacī jayantaṃ putraṃ ca lebhe kṛtvedamīśvarī ||20|| uttānapādapatnīdaṃ kṛtvā lebhe dhruvaṃ sutam || kuberajāyā kṛtvedaṃ lebhe ca nalakūbaram || 21 || sūryyapatnī manuṃ lebhe kṛtvedaṃ vratamuttamam || atripatnī sutaṃ candraṃ lebhe kṛtvedamuttamam || 22 || lebhe cāṃgirasaḥ patnī kṛtvedaṃ vratamuttamam || bṛhaspatiṃ suraguruṃ putramasya prabhāvataḥ || 23 || bhṛgorbhāryyā vrataṃ kṛtvā lebhe daityaguruṃ sutam || śukraṃ nārāyaṇāṃśaṃ ca sarvatejasvināṃ varam ||24|| ityevaṃ kathitaṃ devi vratānāṃ vratamuttamam || tvamevaṃ kuru kalyāṇi himālayasute śubhe||29|| sādhyaṃ rājendrapatnīnāṃ devīnāṃ ca sukhāvaham || vratametanmahāsādhvi sādhvīnāṃ prāṇataḥ priyam || 26 || vratasyāsya prabhāveṇa svayaṃ gopāṅganeśvaraḥ || īśvaraḥ sarvabhūtānāṃ tava putro bhaviṣyati || || 27 || ityuktvā śaṃkarastatra virarāma ca nārada || vrataṃ cakāra sā devī pradṛṣṭā śaṅkarājñayā || 28 || ityevaṃ kathitaṃ sarvaṃ kiṃ bhūyaḥ śrotumicchasi || sukhadaṃ mokṣadaṃ sāraṃ gaṇeśajanikāraṇam || 29 || iti śrībahmavaivartte mahāpurāṇe tṛtīye gaṇapatikhaṇḍe nāradanārāyaṇasaṃvāde puṇyakavratakathanaṃ nāma pañcamo'dhyāyaḥ || 5 ||
English translation
The glory of Pu^yaka Vrata Narayana said - After listening to the method of performing the Punyaka-vrata, the mind of goddess Durga was fully delighted. Thereafter, she enquired about the sacred vrata from lord Parvatl said - O lord, this is an astonishing type of vrata. You kindly tell me the way of performing it, its result, its story and who started Mahadeva said - Once Satarupa the wife of Manu, felt concerned because of the non- availability of a son. She was desirous of the same and she went to Brahma and said.
Because, O Brahmana, the household in which there is no son, the life of the house-holder is of no consequence besides the riches and the fortune. The house is devoid of glory.
The merit earned by performing tapas and charity is useful in the other worlds and the son provides pleasure to the parents besides A person having a son earns the merit of performing the Asvamedha sacrifice because his son protects him from falling in the hell named Purh. Therefore you kindly tell me, whose mind is filled with grief, a remedy for begetting a son or otherwise 1 shall retire to the forest with my You take away our kingdom, fortune, riches and the land filled with people because, O father, in case we remain childless then what could we do with all these.
The intellectual people do not want to see the face of a childless person, who is considered inauspicious and the one having no son also feels shy of facing others.
Or otherwise, I shall jump into the fire flame by consuming poison, because a household without sons, grandsons and housewife is considered to be inauspicious.
Thus speaking, she started crying before Brahma. Thereafter the merciful Brahma spoke looking at her.
Brahma said - O daughter, I will tell you the pleasant way of begetting a son, which is quite auspicious, bestows riches and fulfils all the There is a vrata called Supunyaka which is performed on the bright thirteenth day of the moon in the month of Magha. This vrata should be performed with devotion in the auspicious time for lord Krsna who fulfils all the wishes.
O lady, this vrata is the destroyer of all the obstructions and has to be completed in one full year. For that purpose, one should give away in charity all the things that are prescribed in the Vedas. O chaste lady, thus according to Kanvasakha, all the wishes are fulfilled by performing this vrata and with the completion of this vrata one gets a valorous son with the grace of lord Visnu.
On hearing the words of Brahma she performed that vrata as a result of which she got two sons named Priyavrata and Uttanpada. By performing the same auspicious Punyaka-vrata, Devahuti begot a son named Kapila who possessed the rays of Isvara and Narayana.
y i RfacBRn gw f5?gT fg M Mfty R H.ii n Arundhati on the other hand got a son named sakti, after performing this vrata and the wife of sakti after performing this vrata achieved Parasara as her son.
By performing this vrata, Aditi got a son who happened to be the dwarf incarnation and IndranI, the goddess of all the gods, achieved a son named Jayanta by performing this vrata.
The wife of Uttanapada got a son named Dhruva after performing this vrata and the wife of Kubera got two sons named Nala-Kubara.
Sahjna, the wife of Atri got a son named The wife of Ahgira then got a son named Brhaspati who happened to be the priest of the gods. The wife of Bhrgu got a sou named Sukra who happens to be the priest of the demons, who was bom from the rays of Narayana and was quite illustrious.
O goddess, I have, therefore, narrated to you the details about the best of the vratas.
Therefore, O chaste lady, O daughter of Himalaya, O auspicious one, you also perform this vrata. O great ascetic, the chief queens can perform this wata. It provides pleasure to the goddesses and is liked by the chaste ladies better then their lives.
Because of the influence of this vrata, Krspa happens to be the lord of cowherds beside being lord of all the bhutas and will be your son also.
O Narada, thus speaking ^iva kept quiet.
Thereafter the goddess accepting the command of Siva performed this vrata, Thus I have spoken everything to you which provides pleasure, salvation and is the cause for the birth of Ganesa; what else do you want to listen to from me.
Chapter-aligned complete witnesses. Sanskrit Wikisource revision 117452 (2017-08-08T14:29:01Z); Shanti Lal Nagar English scan pages n608–n611: https://archive.org/details/brahma-vaivarta-purana-all-four-kandas-english-translation/page/n608/mode/1up. The historic English OCR transcription is lightly normalized; no verse-by-verse alignment is asserted.