Gaṇapati-khaṇḍa · Chapter 4
Sourceनारायण उवाच ।। श्रुत्वा व्रतविधानं च दुर्गा संहृष्टमानसा ।। सर्वं व्रतविधानं च संप्रष्टुमुपचक्रमे ।। १ ।। पार्वत्युवाच ।। सर्वं व्रतविधानं मां वद वेदविदां वर ।। हे नाथ करुणासिन्धो दीनबन्धो परात्पर ।। २ ।। कानि व्रतोपयुक्तानि द्रव्याणि च फलानि च ।। सनियमं सभक्ष्यं च विधानं तत्फलं प्रभो।।३।। देहि मह्यं विनीतायै नियुक्तं सत्पुरोहितम्।। पुष्पोपहारान्विप्रांश्च द्रव्याहरणकिंकरान् ।। ४ ।। अन्यानि चोपयुक्तानि मयाऽज्ञातानि यानि च ।। सन्नियोजय तत्सर्वं स्त्रीणां स्वामी च सर्वदः ।। ९ ।। पिता कौमारकाले च सदा पालनकारकः ।। भर्त्ता मध्ये सुतः शेषे त्रिधाऽवस्था सुयोषिताम् ।।६ ।। . तातोऽशोकः प्राणतुल्यां दत्त्वा सत्त्वामिने सुताम् ।। स्वामी निर्वृतिमाप्नोति संन्यस्य स्वसुते प्रियाम् ।। ७ ।। बन्धुत्रययुता या स्त्री सा च भाग्यवती परा ।। किञ्चिद्विहीना मध्या च सर्वहीनाऽधमा भुवि।।।। एतेषां च समीपस्था प्रशंस्या सा जगत्त्रये।। निन्दिताऽन्येषु संन्यस्ता सर्वमेतच्छ्रुतौ श्रुतम्।।९।। सर्वात्मा भगवांस्त्वं च सर्वसाक्षी च सर्ववित्।। देहि मह्यं पुत्रवरं स्वात्मनिर्वृतिहेतुकम्।।१०।।' स्वात्मबोधानुमानेन महात्मनि निवेदितम्।। सर्वान्तराभिप्रायज्ञं बोधज्ञं बोधयामि किम्।।११।। इत्युक्त्वा पार्वती प्रीत्या पपात स्वामिनः पदे ।। कृपासिन्धुश्च भगवान्प्रवक्तुमुपचक्रमे।।१२।। श्रीमहादेव उवाच ।। शृणु देवि प्रवक्ष्यामि विधानं नियमं फलम् ।। फलानि चैव द्रव्याणि व्रतयोग्यानि यानि च ।। १३ ।। विप्राणां शतकं शुद्धं फलपुष्पोपहारकम् ।। किंकराणां च शतकं द्रव्याहरणकारकम्।।१४।। दासीनां शतकं लक्षं नियुक्तं च पुरोहितम् ।। सर्वव्रतविधानज्ञं वेदवेदान्तपारगम् ।। १५ ।। प्रवरं हरिभक्तानां सर्वज्ञं ज्ञानिनां वरम्।। सनत्कुमारं मत्तुल्यं गृहाण व्रतहेतवे।।१६।। देवि शुद्धे च काले च परं नियमपूर्वकम्।। माघशुक्लत्रयोदश्यां व्रतारम्भः शुभः प्रिये।।१७।। गात्रं सुनिर्मलं कृत्वा शिरस्संस्कारपूर्वकम् ।। उपोष्य पूर्वदिवसे वस्त्रं संशोध्य यत्नतः ।। १८ ।। अरुणोदयवेलायां तल्पादुत्थाय सुव्रती ।। मुखप्रक्षालनं कृत्वा स्नात्वा वै निर्मले जले।।१९।। आचम्य यत्नपूतो हि हरिस्मरणपूर्वकम् ।। दत्त्वाऽर्घ्यं हरये भक्त्या गृहमागत्य सत्वरम्।।२०।। धौते च वाससी धृत्वा ह्युपविश्यासने शुचौ।। आचम्य तिलकं धृत्वा समाप्य स्वाह्निकं पुनः ।।२१।। घटं संस्थाप्य विधिवत्स्वस्तिवाचनपूर्वकम् ।। पुरोहितस्य वरणं पुरः कृत्वा प्रयत्नतः ।।२२।। सङ्कल्पं वेदविहितं व्रतमेतत्समाचरेत् ।। व्रते द्रव्याणि नित्यानि चोपचारास्तु षोडश।।२३।। देयानि नित्यं देवेशि कृष्णाय परमात्मने ।। आसनं स्वागतं पाद्यमर्घ्यमाचमनीयकम् ।।२४।। स्नानीयं मधुपर्कं च वस्त्राण्याभरणानि च ।। सुगन्धि पुष्पधूपं च दीपनैवेद्यचन्दनम् ।। २५ ।। यज्ञसूत्रं च ताम्बूलं कर्पूरादिसुवासितम् ।। द्रव्याण्येतानि पूजायाश्चाङ्गरूपाणि सुन्दरि ।।२६।। देवि किञ्चिद्विहीनेन चाङ्गहानिः प्रजायते ।। अंगहीनं च यत्कर्म्म चाङ्गहीनो यथा नरः ।। अंगहीने च कार्य्ये च फलहानिः प्रजायते ।। २७ ।। अष्टोत्तरशतं पुष्पं पारिजातस्य विष्णवे ।। देयं प्रतिदिनं दुर्गे स्वात्मनो रूपहेतवे ।। २८ ।। श्वेतचम्पकपुष्पाणां लक्षमक्षतमीप्सितम् ।। प्रदेयं हरये भक्त्या वर्णसौन्दर्य्यहेतवे ।। २९ ।। सहस्रपत्रपद्मानामक्षतं लक्षकं तथा ।। भक्त्या देयं च हरये मुखसौन्दर्य्यहेतवे ।। ३० ।। अमूल्यरत्नरचितं दर्पणानां सहस्रकम् ।। देयं नारायणायैव नेत्रयोर्दीप्तिहेतवे ।। ३१ ।। नीलोत्पलानां लक्षं च देयं कृष्णाय भक्तितः ।। व्रताङ्गभूतं देवेशि चक्षुषो रूपहेतवे ।। ।। ३२ ।। हिमालयोद्भवं लक्षं रुचिरं श्वेतचामरम् ।। प्रदेयं केशवायैव केशसौन्दर्य्यहेतवे ।। ३३ ।। अमूल्यरत्नरचितं पुटकानां सहस्रकम् ।। प्रदेयं गोपिकेशाय नासासौन्दर्यहेतवे ।। ३४ ।। बन्धूकपुष्पलक्षं च देयं राधेश्वराय च ।। सौम्यौष्ठाधरयोश्चैव वर्णसौन्दर्यहेतवे ।। ३५ ।। मुक्ताफलानां लक्षं च दन्तसौन्दर्यहेतवे ।। देयं गोलोकनाथाय शैलजे भक्तिपूर्वकम् ।। ३६ ।। रत्नगण्डूषलक्षं च गण्डसौन्दर्य्यहेतवे ।। महेश्वराय दातव्यं व्रते शैलेन्द्रकन्यके ।। ३७ ।। रत्नपाशकलक्षं च देयं ब्रह्मेश्वराय च ।। ओष्ठाधः स्थलरूपाय व्रती प्राणेशि भक्तितः ।। ३८ ।। कर्णभूषणलक्षं च रत्नसारविनिर्म्मितम् ।। देयं सर्वेश्वरायैव कर्णसौन्दर्य्यहेतवे ।।३९।। माध्वीककलशानां च लक्षं रत्नविनिर्म्मितम् ।। देयं विश्वेश्वरायैव स्वरसौन्दर्य्यहेतवे ।।४०।। सुधापूर्णं च कुम्भानां सहस्रं रत्ननिर्म्मितम् ।। देयं कृष्णाय देवेशि वाक्यसौन्दर्य्यहेतवे ।। ४१ ।। रत्नप्रदीपलक्षं च गोपवेषविधायिने ।। देयं किशोरवेषाय दृष्टिसौन्दर्य्य हेतवे ।। ४२ ।। धत्तूरकुसुमाकारं रत्नपात्रसहस्रकम् ।। देयं गोरक्षकायैव बलसौन्दर्य्यहेतवे ।। ४३ ।। सद्रत्नसाररचितं पद्मनालसहस्रकम् ।। देयं चण्डकपालाय बाहुसौन्दर्य्यहेतवे ।। ४४ ।। लक्षं च रक्तपद्मानां करसौन्दर्यहेतवे।। देयं गोपांगनेशाय नारायणि हरिव्रते ।। ४५ ।। अंगुलीयकलक्षं च रत्नसारविनिर्म्मितम् ।। अंगुलीनां च रूपार्थं देयं देवेश्वराय च ।। ४६ ।। मणीन्द्रसारलक्षं च श्वेतवर्णं मनोहरम् ।। देयं मुनीन्द्रनाथाय नखसौन्दर्य्यहेतवे ।। ४७ ।। सद्रत्नसारहाराणां लक्षं चातिमनोहरम् ।। देयं मदनमोहाय वक्षःसौन्दर्य्यहेतवे ।। ४८ ।। सुपक्वश्रीफलानां च लक्षं च सुमनोहरम् ।। देयं सिद्धेन्द्रनाथाय स्तनसौन्दर्य्यहेतवे ।। ४९ ।। सद्रत्नवर्तुलाकारपत्रलशं मनोहरम् ।। देयं पद्मालयेशाय देहसौन्दर्य्यहेतवे ।। ५० ।। सद्रत्नसाररचितं नाभीनां च सहस्रकम् ।। प्रदेयं पद्मनाभाय नाभिसौन्दर्य्यहेतवे ।। ५१ ।। सद्रत्नसाररचितं रथचक्रसहस्रकम् ।। नितम्बसौन्दर्य्यार्थं च देयं वै चक्रपाणये ।। ५२ ।। सुवर्णरम्भास्तम्भानां लक्षं च सुमनोहरम् ।। प्रदेयं श्रीनिवासाय श्रोणिसौन्दर्य्यहेतवे ।। ५३ ।। शतपत्रस्थलाब्जानां लक्षमम्लानमक्षतम् ।। प्रदेयं पद्मनेत्राय पादसौन्दर्य्यहेतवे ।। ९४ ।। सुवर्णरचितानां च खञ्जनानां सहस्रकम् ।। गतिसौन्दर्य्यहेत्वर्थं देयं लक्ष्मीश्वराय च ।। ५५ ।। राजहंससहस्रं च गजेन्द्राणां सहस्रकम् ।। सुवर्णरचितं देयं हरये गतिहेतवे ।। ।। ५६ ।। सुवर्णच्छत्रलक्षं च देयं नारायणाय च ।। विचित्रं रत्नसारेण मूर्द्धसौन्दर्य्यहेतवे ।। ५७ ।। मालतीनां च कुसुममक्षतं लक्षमीश्वरि ।। देयं वृन्दावनेशाय हास्यसौन्दर्य्यहेतवे ।। ५८ ।। अमूल्यरत्नलक्षं च देयं नारायणाय वै ।। सुव्रते व्रतपूर्णार्थं शीलसौन्दर्य्यहेतवे ।। ५९ ।। स्वच्छस्फटिकसङ्काशं मणीन्द्रश्रेष्ठलक्षकम् ।। देयं मुनीन्द्रनाथाय मनस्सौन्दर्य्यहेतवे ।। ६० ।। प्रवालसारसंकाशं मणिसारसहस्रकम् ।। देयं कृष्णाय भक्त्या च प्रियारागविवृद्धये ।। ६१ ।। माणिक्यसारलक्षं च देयं कृष्णाय यत्नतः ।। जन्मनः कोटिपर्य्यन्तं स्वामिसौभाग्यहेतवे ।। ६२ ।। कूष्माण्डं नारिकेलं च जम्बीरं श्रीफलं तथा ।। फलान्येतानि देयानि हरये पुत्रहेतवे ।। ६३ ।। रत्नेन्द्रसारलक्षं च देयं कृष्णाय यत्नतः ।। असंख्यजन्मपर्य्यन्तं स्वामिनो धनवृद्धये ।। ६४ ।। वाद्यं नानाप्रकारं च कांस्यतालादिकं परम् ।। व्रते सम्पत्तिवृद्ध्यर्थ श्रीहरिं श्रावयेद्व्रती ।।६५।। पायसं पिष्टकं सर्पिः शर्कराक्तं मनोहरम् ।। प्रदेयं हरये भक्त्या स्वामिनो भोगवृद्धये ।। ६६ ।। सुगन्धिपुष्पमालानां लक्षमक्षतमीप्सितम् ।। प्रदेयं हरये भक्त्या हरिभक्तिविवृद्धये ।। ६७ ।। नैवेद्यानि च देयानि स्वादूनि मधुराणि च ।। श्रीकृष्णप्रीतिप्राप्त्यर्थं दुर्गे नानाविधानि च ।। ६८ ।। नानाविधानि पुष्पाणि तुलसीसंयुतानि च ।। श्रीकृष्णप्रीतये भक्त्या व्रते देयानि सुव्रते ।। ६९ ।। ब्राह्मणानां सहस्रं च प्रत्यहं भोजयेद्व्रती ।। स्वात्मनः सस्यवृद्ध्यर्थं व्रते जन्मनि जन्मनि ।। ७० ।। पुष्पाञ्जलिशतं देयं नित्यं पूर्णं च पूजने ।। प्रणामशतकं देवि कर्तव्यं भक्तिवृद्धये ।। ७१ ।। षण्मासांश्च हविष्यान्नं मासान्पञ्च फलादिकम् ।। हविः पक्षं जलं पक्षं व्रते भक्षेच्च सुव्रते ।। ७२ ।। रत्नप्रदीपशतकं वह्निं दद्याद्दिवानिशम् ।। रात्रौ कुशासनं कृत्वा नित्यं जागरणं व्रते ।। ७३ ।। स्मरणं कीर्त्ततं केलिः प्रेक्षणं गुह्यभाषणम् ।। संकल्पोऽध्यवसायश्च क्रियानिर्वृत्तिरित्यपि ।। ७४ ।। स्वप्नमैथुनकं त्याज्यं व्रतिना व्रतशुद्धये ।। सम्पूर्णे च व्रते देवि प्रतिष्ठा तदनन्तरम् ।। ७५ ।। त्रिशतं वै षष्ट्यधिकं रल्लकं वस्त्रसंयुतम् ।। सभोज्यं सोपवीतं च सोपहारं ददात्वयम् ।। ७६ ।। त्रिशतं वै षष्ट्यधिकसहस्रं विप्रभोजनम् ।। त्रिशतं वै षष्ट्यधिकं सहस्रं तिलहोमकम् ।। ७७ ।। त्रिशतं वै षष्ट्यधिकं सहस्रं स्वर्णमेव च ।। देया व्रतसमाप्तौ च दक्षिणा विधिबोधिता ।। ७८ ।। अन्यां समाप्तिदिवसे कथयिष्यामि दक्षिणाम् ।। एतद्व्रतफलं देवि दृढा भक्तिर्हरौ भवेत् ।। ७९ ।। हरितुल्यो भवेत्पुत्रो विख्यातो भुवनत्रये ।। सौन्दर्यं स्वामिसौभाग्यमैश्वर्य्यं विपुलं धनम् ।। ८० ।। सर्ववाञ्छितसिद्धीनां बीजं जन्मनि जन्मनि ।। इत्येवं कथितं देवि व्रतं कुरु महेश्वरि ।। ८१ ।। पुत्रस्ते भविता साध्वीत्युक्त्वा स विरराम ह ।। ८२ ।। इति श्रीब्रह्मवैवर्त्ते महापुराणे तृतीये गणपतिखण्डे नारदनारायणसंवादे पुण्यक व्रतविधानं नाम चतुर्थोऽध्यायः ।। ४ ।।
nārāyaṇa uvāca || śrutvā vratavidhānaṃ ca durgā saṃhṛṣṭamānasā || sarvaṃ vratavidhānaṃ ca saṃpraṣṭumupacakrame || 1 || pārvatyuvāca || sarvaṃ vratavidhānaṃ māṃ vada vedavidāṃ vara || he nātha karuṇāsindho dīnabandho parātpara || 2 || kāni vratopayuktāni dravyāṇi ca phalāni ca || saniyamaṃ sabhakṣyaṃ ca vidhānaṃ tatphalaṃ prabho||3|| dehi mahyaṃ vinītāyai niyuktaṃ satpurohitam|| puṣpopahārānviprāṃśca dravyāharaṇakiṃkarān || 4 || anyāni copayuktāni mayā'jñātāni yāni ca || sanniyojaya tatsarvaṃ strīṇāṃ svāmī ca sarvadaḥ || 9 || pitā kaumārakāle ca sadā pālanakārakaḥ || bharttā madhye sutaḥ śeṣe tridhā'vasthā suyoṣitām ||6 || . tāto'śokaḥ prāṇatulyāṃ dattvā sattvāmine sutām || svāmī nirvṛtimāpnoti saṃnyasya svasute priyām || 7 || bandhutrayayutā yā strī sā ca bhāgyavatī parā || kiñcidvihīnā madhyā ca sarvahīnā'dhamā bhuvi|||| eteṣāṃ ca samīpasthā praśaṃsyā sā jagattraye|| ninditā'nyeṣu saṃnyastā sarvametacchrutau śrutam||9|| sarvātmā bhagavāṃstvaṃ ca sarvasākṣī ca sarvavit|| dehi mahyaṃ putravaraṃ svātmanirvṛtihetukam||10||' svātmabodhānumānena mahātmani niveditam|| sarvāntarābhiprāyajñaṃ bodhajñaṃ bodhayāmi kim||11|| ityuktvā pārvatī prītyā papāta svāminaḥ pade || kṛpāsindhuśca bhagavānpravaktumupacakrame||12|| śrīmahādeva uvāca || śṛṇu devi pravakṣyāmi vidhānaṃ niyamaṃ phalam || phalāni caiva dravyāṇi vratayogyāni yāni ca || 13 || viprāṇāṃ śatakaṃ śuddhaṃ phalapuṣpopahārakam || kiṃkarāṇāṃ ca śatakaṃ dravyāharaṇakārakam||14|| dāsīnāṃ śatakaṃ lakṣaṃ niyuktaṃ ca purohitam || sarvavratavidhānajñaṃ vedavedāntapāragam || 15 || pravaraṃ haribhaktānāṃ sarvajñaṃ jñānināṃ varam|| sanatkumāraṃ mattulyaṃ gṛhāṇa vratahetave||16|| devi śuddhe ca kāle ca paraṃ niyamapūrvakam|| māghaśuklatrayodaśyāṃ vratārambhaḥ śubhaḥ priye||17|| gātraṃ sunirmalaṃ kṛtvā śirassaṃskārapūrvakam || upoṣya pūrvadivase vastraṃ saṃśodhya yatnataḥ || 18 || aruṇodayavelāyāṃ talpādutthāya suvratī || mukhaprakṣālanaṃ kṛtvā snātvā vai nirmale jale||19|| ācamya yatnapūto hi harismaraṇapūrvakam || dattvā'rghyaṃ haraye bhaktyā gṛhamāgatya satvaram||20|| dhaute ca vāsasī dhṛtvā hyupaviśyāsane śucau|| ācamya tilakaṃ dhṛtvā samāpya svāhnikaṃ punaḥ ||21|| ghaṭaṃ saṃsthāpya vidhivatsvastivācanapūrvakam || purohitasya varaṇaṃ puraḥ kṛtvā prayatnataḥ ||22|| saṅkalpaṃ vedavihitaṃ vratametatsamācaret || vrate dravyāṇi nityāni copacārāstu ṣoḍaśa||23|| deyāni nityaṃ deveśi kṛṣṇāya paramātmane || āsanaṃ svāgataṃ pādyamarghyamācamanīyakam ||24|| snānīyaṃ madhuparkaṃ ca vastrāṇyābharaṇāni ca || sugandhi puṣpadhūpaṃ ca dīpanaivedyacandanam || 25 || yajñasūtraṃ ca tāmbūlaṃ karpūrādisuvāsitam || dravyāṇyetāni pūjāyāścāṅgarūpāṇi sundari ||26|| devi kiñcidvihīnena cāṅgahāniḥ prajāyate || aṃgahīnaṃ ca yatkarmma cāṅgahīno yathā naraḥ || aṃgahīne ca kāryye ca phalahāniḥ prajāyate || 27 || aṣṭottaraśataṃ puṣpaṃ pārijātasya viṣṇave || deyaṃ pratidinaṃ durge svātmano rūpahetave || 28 || śvetacampakapuṣpāṇāṃ lakṣamakṣatamīpsitam || pradeyaṃ haraye bhaktyā varṇasaundaryyahetave || 29 || sahasrapatrapadmānāmakṣataṃ lakṣakaṃ tathā || bhaktyā deyaṃ ca haraye mukhasaundaryyahetave || 30 || amūlyaratnaracitaṃ darpaṇānāṃ sahasrakam || deyaṃ nārāyaṇāyaiva netrayordīptihetave || 31 || nīlotpalānāṃ lakṣaṃ ca deyaṃ kṛṣṇāya bhaktitaḥ || vratāṅgabhūtaṃ deveśi cakṣuṣo rūpahetave || || 32 || himālayodbhavaṃ lakṣaṃ ruciraṃ śvetacāmaram || pradeyaṃ keśavāyaiva keśasaundaryyahetave || 33 || amūlyaratnaracitaṃ puṭakānāṃ sahasrakam || pradeyaṃ gopikeśāya nāsāsaundaryahetave || 34 || bandhūkapuṣpalakṣaṃ ca deyaṃ rādheśvarāya ca || saumyauṣṭhādharayoścaiva varṇasaundaryahetave || 35 || muktāphalānāṃ lakṣaṃ ca dantasaundaryahetave || deyaṃ golokanāthāya śailaje bhaktipūrvakam || 36 || ratnagaṇḍūṣalakṣaṃ ca gaṇḍasaundaryyahetave || maheśvarāya dātavyaṃ vrate śailendrakanyake || 37 || ratnapāśakalakṣaṃ ca deyaṃ brahmeśvarāya ca || oṣṭhādhaḥ sthalarūpāya vratī prāṇeśi bhaktitaḥ || 38 || karṇabhūṣaṇalakṣaṃ ca ratnasāravinirmmitam || deyaṃ sarveśvarāyaiva karṇasaundaryyahetave ||39|| mādhvīkakalaśānāṃ ca lakṣaṃ ratnavinirmmitam || deyaṃ viśveśvarāyaiva svarasaundaryyahetave ||40|| sudhāpūrṇaṃ ca kumbhānāṃ sahasraṃ ratnanirmmitam || deyaṃ kṛṣṇāya deveśi vākyasaundaryyahetave || 41 || ratnapradīpalakṣaṃ ca gopaveṣavidhāyine || deyaṃ kiśoraveṣāya dṛṣṭisaundaryya hetave || 42 || dhattūrakusumākāraṃ ratnapātrasahasrakam || deyaṃ gorakṣakāyaiva balasaundaryyahetave || 43 || sadratnasāraracitaṃ padmanālasahasrakam || deyaṃ caṇḍakapālāya bāhusaundaryyahetave || 44 || lakṣaṃ ca raktapadmānāṃ karasaundaryahetave|| deyaṃ gopāṃganeśāya nārāyaṇi harivrate || 45 || aṃgulīyakalakṣaṃ ca ratnasāravinirmmitam || aṃgulīnāṃ ca rūpārthaṃ deyaṃ deveśvarāya ca || 46 || maṇīndrasāralakṣaṃ ca śvetavarṇaṃ manoharam || deyaṃ munīndranāthāya nakhasaundaryyahetave || 47 || sadratnasārahārāṇāṃ lakṣaṃ cātimanoharam || deyaṃ madanamohāya vakṣaḥsaundaryyahetave || 48 || supakvaśrīphalānāṃ ca lakṣaṃ ca sumanoharam || deyaṃ siddhendranāthāya stanasaundaryyahetave || 49 || sadratnavartulākārapatralaśaṃ manoharam || deyaṃ padmālayeśāya dehasaundaryyahetave || 50 || sadratnasāraracitaṃ nābhīnāṃ ca sahasrakam || pradeyaṃ padmanābhāya nābhisaundaryyahetave || 51 || sadratnasāraracitaṃ rathacakrasahasrakam || nitambasaundaryyārthaṃ ca deyaṃ vai cakrapāṇaye || 52 || suvarṇarambhāstambhānāṃ lakṣaṃ ca sumanoharam || pradeyaṃ śrīnivāsāya śroṇisaundaryyahetave || 53 || śatapatrasthalābjānāṃ lakṣamamlānamakṣatam || pradeyaṃ padmanetrāya pādasaundaryyahetave || 94 || suvarṇaracitānāṃ ca khañjanānāṃ sahasrakam || gatisaundaryyahetvarthaṃ deyaṃ lakṣmīśvarāya ca || 55 || rājahaṃsasahasraṃ ca gajendrāṇāṃ sahasrakam || suvarṇaracitaṃ deyaṃ haraye gatihetave || || 56 || suvarṇacchatralakṣaṃ ca deyaṃ nārāyaṇāya ca || vicitraṃ ratnasāreṇa mūrddhasaundaryyahetave || 57 || mālatīnāṃ ca kusumamakṣataṃ lakṣamīśvari || deyaṃ vṛndāvaneśāya hāsyasaundaryyahetave || 58 || amūlyaratnalakṣaṃ ca deyaṃ nārāyaṇāya vai || suvrate vratapūrṇārthaṃ śīlasaundaryyahetave || 59 || svacchasphaṭikasaṅkāśaṃ maṇīndraśreṣṭhalakṣakam || deyaṃ munīndranāthāya manassaundaryyahetave || 60 || pravālasārasaṃkāśaṃ maṇisārasahasrakam || deyaṃ kṛṣṇāya bhaktyā ca priyārāgavivṛddhaye || 61 || māṇikyasāralakṣaṃ ca deyaṃ kṛṣṇāya yatnataḥ || janmanaḥ koṭiparyyantaṃ svāmisaubhāgyahetave || 62 || kūṣmāṇḍaṃ nārikelaṃ ca jambīraṃ śrīphalaṃ tathā || phalānyetāni deyāni haraye putrahetave || 63 || ratnendrasāralakṣaṃ ca deyaṃ kṛṣṇāya yatnataḥ || asaṃkhyajanmaparyyantaṃ svāmino dhanavṛddhaye || 64 || vādyaṃ nānāprakāraṃ ca kāṃsyatālādikaṃ param || vrate sampattivṛddhyartha śrīhariṃ śrāvayedvratī ||65|| pāyasaṃ piṣṭakaṃ sarpiḥ śarkarāktaṃ manoharam || pradeyaṃ haraye bhaktyā svāmino bhogavṛddhaye || 66 || sugandhipuṣpamālānāṃ lakṣamakṣatamīpsitam || pradeyaṃ haraye bhaktyā haribhaktivivṛddhaye || 67 || naivedyāni ca deyāni svādūni madhurāṇi ca || śrīkṛṣṇaprītiprāptyarthaṃ durge nānāvidhāni ca || 68 || nānāvidhāni puṣpāṇi tulasīsaṃyutāni ca || śrīkṛṣṇaprītaye bhaktyā vrate deyāni suvrate || 69 || brāhmaṇānāṃ sahasraṃ ca pratyahaṃ bhojayedvratī || svātmanaḥ sasyavṛddhyarthaṃ vrate janmani janmani || 70 || puṣpāñjaliśataṃ deyaṃ nityaṃ pūrṇaṃ ca pūjane || praṇāmaśatakaṃ devi kartavyaṃ bhaktivṛddhaye || 71 || ṣaṇmāsāṃśca haviṣyānnaṃ māsānpañca phalādikam || haviḥ pakṣaṃ jalaṃ pakṣaṃ vrate bhakṣecca suvrate || 72 || ratnapradīpaśatakaṃ vahniṃ dadyāddivāniśam || rātrau kuśāsanaṃ kṛtvā nityaṃ jāgaraṇaṃ vrate || 73 || smaraṇaṃ kīrttataṃ keliḥ prekṣaṇaṃ guhyabhāṣaṇam || saṃkalpo'dhyavasāyaśca kriyānirvṛttirityapi || 74 || svapnamaithunakaṃ tyājyaṃ vratinā vrataśuddhaye || sampūrṇe ca vrate devi pratiṣṭhā tadanantaram || 75 || triśataṃ vai ṣaṣṭyadhikaṃ rallakaṃ vastrasaṃyutam || sabhojyaṃ sopavītaṃ ca sopahāraṃ dadātvayam || 76 || triśataṃ vai ṣaṣṭyadhikasahasraṃ viprabhojanam || triśataṃ vai ṣaṣṭyadhikaṃ sahasraṃ tilahomakam || 77 || triśataṃ vai ṣaṣṭyadhikaṃ sahasraṃ svarṇameva ca || deyā vratasamāptau ca dakṣiṇā vidhibodhitā || 78 || anyāṃ samāptidivase kathayiṣyāmi dakṣiṇām || etadvrataphalaṃ devi dṛḍhā bhaktirharau bhavet || 79 || haritulyo bhavetputro vikhyāto bhuvanatraye || saundaryaṃ svāmisaubhāgyamaiśvaryyaṃ vipulaṃ dhanam || 80 || sarvavāñchitasiddhīnāṃ bījaṃ janmani janmani || ityevaṃ kathitaṃ devi vrataṃ kuru maheśvari || 81 || putraste bhavitā sādhvītyuktvā sa virarāma ha || 82 || iti śrībrahmavaivartte mahāpurāṇe tṛtīye gaṇapatikhaṇḍe nāradanārāyaṇasaṃvāde puṇyaka vratavidhānaṃ nāma caturtho'dhyāyaḥ || 4 ||
English translation
The Performing of Punyaka Vrata Narayana said - After listening to the method of performing the Punyaka-vrata, the mind of Durga was delighted; she therefore enquired about the per forming of the vrata.
During childhood, the woman is protected by the father, during youth the husband protects her and during old age, the son protects her.
Therefore, there are three stages of a chaste The father gives away in marriage his daughter to the best of the husbands and feels satisfied thereafter and the husband feels satisfied after entrusting his wife to the care of the son.
Thus a woman who deals with three types of these relatives is considered to be quite fortunate; the one who is with some deficiency, is considered to be mediocre and the one who is deprived of all the three is considered to be the degraded of all. Such a woman who remains with these relatives is considered to be the best Such a woman, the care of whom is entrusted to anyone else earns denouncement.
This is all prescribed in the Vedas.
You are the soul of all, the lord, the witness for all and you know everyone; therefore you kindly tell me everything to enable to me to achieve the best son.
I have spoken out to you, O great lord, everything and you are the one who knows the mind of everyone; what else can I speak to you?
Thus speaking Parvatl at once fell at the feet of the lord. Thereafter, lord ^iva started speaking to Parvatl.
Mahadeva said - O goddess I am going to speak out to you the method for performing the vrata, its regulation, the reward and the things which are eatables and those who are prohibited from consumption for this vrata. You listen to it.
A hundred Brahmanas are needed for the collection of flowers and fruits and another hundred servants are required for bringing up other materials.
A crore of female slaves are required and the priest should be such as should be well-versed in the bringing of the material and well-versed in the Vedic and post-Vedic literature and should be the best of the devotees of lord Visnu and the foremost of the intellectuals. Therefore for performing vrata you request Sanatkumara to function as a priest.
O goddess, O beloved, during the auspicious time you start this vrata in a proper manner. The bright thirteenth day of Magha shall be the most auspicious time.
After taking a bath including washing the hair of the head, one should clad oneself in clean garments and then resort to fasting, the next day, in the early morning one should get up from the bed and brush the teeth, should take a bath with clean water performing Acamana and with great effort recite the name of Hari and offer arghya to lord Krsna and proceed to his abode. One should clad oneself in two clean garments and be seated on the sacred seat. One should complete the daily routine taking Acamana (sipping of water), the application of sandahpaste and performing all other routines. Thereafter by making an effort, the priest should be selected who should consecrate the vase reciting the svasti-mantra.
Thereafter, taking a sarhkalpa according to the provisions of the Vedas, one should complete the vrata. One should make all the sixteen offerings daily, while performing pujd. O goddess, these articles are offered to lord Krsna daily which include the seat, welcome padya, arghya, ornaments, fragrant flowers, essence, lamp, ndivedya, sandal-paste, yajnopavita, camphor and fragrant betel.
O beautiful one, all these articles are a part of the puja, O goddess, in case of any deficiency in the offerings, the performer is likely to lose her And the person is deprived of limbs with deficient performance. A deficient performance also results in the loss of merit. O Durga, a hundred and eight Pdrijata flowers are required to be offered to lord Krsna daily.
And in order to increase the beauty, the white jasmine flowers are required to be offered besides a lakh of unbroken rice with devotion to lord Krsna, in order to increase the beauty of the face; a lotus with hundred petals and a lakh of unbroken flowers should be offered to the lord with devotion for the increase of the glory of the eyes. A lakh of mirrors made of invaluable gems should be offered of Narayana.
O goddess, for the increase in the beauty of the eyes, lord Krsna should be offered a lakh of blue lotus flowers with devotion which form part of the vrata.
For adding to the beauty of the hair on the head, a lakh of fly-whisks which are produced in the Himalaya should be offered to lord Kesava.
For increasing the beauty of the nose, a lotus and beautiful boxes made of invaluable gems should be presented to Krsna the lord of the To increase the beauty of the lips, a lakh of Bandhukal flowers should be offered to Krsna, the lord of Radha.
O daughter of the mountain, for increase in the beauty of the teeth, lakh of pearls should be offered to the lord of the Goloka with devotion.
O daughter of the mountain, in order to increase the beauty of the cheeks, a lakh of balls made of gems should be offered to Mahesvara with devotion.
O lady of my life, for the increase of the beauty of the lower part of the lips, a lakh of gem-studded ornaments should be offered to lord Krsna with devotion; for increasing the beauty of ears, a lakh of ear ornaments should be given away in charity by the devotees to the lord of all.
For increasing the beauty of the voice, a lakh of kalasas filled with bassia letifolia should be offered to the lord of the universe.
O goddess, for the increase in the beauty of speech a thousand pitchers filled with 'nectar should be offered to lord Krsna, with devotion.
For increase in the beauty of the eyes, a lakh of lamps made of gems should be offered to the Balamukunda form of lord Krsna.
To increase the beauty of the throat, a vase studded with a thousand gems, resembling the thorn-apple should be offered to lord who is the protector of the cows; for protecting the beauty of the arms a thousand lotuses with stalks should be offered to Candakapala.
O NarayanI, for increase in the beauty of the hands a lakh of red lotuses should be offered to the lord of the Gopis with devotion.
To increase the beauty of the fingers, a lakh of finger rings studded with gems should be offered to Devesvara.
For the increase of the beauty of the nails the best of gems of white colour should be offered numbering a lakh of them to Munindranatha.
In order to increase the beauty of the chest, a lakh of beautiful garlands studded with gems should be offered to Madanamohana.
For increasing the beauty of the breasts a lakh of ripe wood apples should be offered to lord For increase in the beauty of the body, a lakh of golden sheet studded with gems should be offered to lord Visnu, with devotion.
For increasing the beauty of the navel, a thousand of navels made of the best of gold and studded with gems should be offered to Padmanabha. For increasing the beauty of the pelvic region, a thousand of Ratha-cakras made of the best of gems should be offered to lord For the increase in the beauty of the thighs a lakh of trunks of the banyana trees, made of gold should be offered to lord Srinivasa.
For the increase in the beauty of the mind, a lakh of crystal gems should be offered to lord For increasing the beauty of the teeth, a lakh of spotless and unbroken lotuses should be offered to Kamala-nayana.
For increase in the grace, a lakh of fire-flies made of gold should be offered to the lord of For preserving the speech, a thousand geese made of gold and a thousand elephants, made of gold should be offered to lord Gajendra.
In order to increase the beauty of the head a thousand umbrellas made of gold and studded with gems should be offered to Narayana, O goddess, to preserve the beauty in the smiling, a lakh of jasmine flowers and a lakh of unbroken Mdlatl flowers should be offered to the lord of O chaste lady, for the increase of the beauty of the character and for the successful completion of the vrata, a lakh of valuable gems, should be offered to Narayana.
In order to preserve the chastity of the lady and for the long life of her husband, a lakh of rubies should be offered to lord Krsna with the desire of having a son; a melon, a coconut citron and wood apple should also be offered to the For the increase of the fortune of the husband in innumerable births, a lakh of the best of the gems should be offered to lord Krsna; at the time of completion of the vrata, the devotee should arrange for a musical concert in honour of lord Offering the delicious eatables made of ghee and sugar, besides the payasam and stuff made of a mixture should be offered to the lord.
For the increase in the devotion of the lord, the garland of a lakh of flowers should be offered with devotion to the lord.
O Durga, in order to achieve the grace of lord Krsna, several types of delicious and sweet preparations may be offered as naivedya.
O chaste lady, in order to attract the grace of lord Krsna, one should offer the TulasI leaves and several other flowers with devotion.
In order to increase the prosperity in several coming births, a thousand Brahmanas should be O goddess, for the completion of this vrata, a hundred offerings of flowers should be made daily with devotion offering at the same time The person who performs this vrata should live on the left-over of the food of the sacrifice or on fruits for five months. The left-over of Hari for a fortnight and for a fortnight one should live on consuming water alone.
During the performing of the vrata, a hundred lamps of gems should be lighted and one should sleep on the bed of kusa-grsiss during the night and always remain awake.
By remaining awake in Jdgarana, there is increase in intelligence and by consuming fruits and roots, one develops noble wisdom. During this time, one should get oneself free from greed, illusion, passions, anger, fear, grief and unnecessary discussion. O goddess, for keeping chastity during this Punyaka-vrata, the worshipper should detract his attention from voluptuous thoughts, recitations, sports, gazing at something, secret talk, resolve for getting something, efforts for getting something, conjugal pleasures and various types of love- sports besides quarrelling should be discarded.
At the completion of the vrata one should perform the ceremony of establishing it. One should collect three hundred and sixty blankets, clothes, food, yajhopavUa and presents should be given away in charity, one should feed three hundred and sixty Brahmanas. One should make the offering of three hundred and sixty sea-same seeds and should also offer three hundred and sixty gold coins in daksind. This has been ordained by Brahma. O goddess, on the day of the completion of the vrata an other daksind has to be given which I am going to tell you.
Thus after completing this vrata one gets the reward of achieving immense devotion to the lord. One also gets a noble son who is well known in the three worlds and he attains enough of beauty and she gets fortune for the husband and enormous riches. In every birth she achieves Satarupa said - O Brahmana, you are the creator of the universe and the cause of the creation of the same. Therefore, you kindly tell me, how a barren woman can achieve a son.
Chapter-aligned complete witnesses. Sanskrit Wikisource revision 144334 (2018-05-10T23:30:22Z); Shanti Lal Nagar English scan pages n601–n608: https://archive.org/details/brahma-vaivarta-purana-all-four-kandas-english-translation/page/n601/mode/1up. The historic English OCR transcription is lightly normalized; no verse-by-verse alignment is asserted.