Gaṇapati-khaṇḍa · Chapter 1
Sourceनारायणं नमस्कृत्य नरं चैव नरोत्तमम् ।। देवीं सरस्वतीं व्यासं ततो जयमुदीरयेत् ।। १ ।। नारद उवाच ।। श्रुतं प्रकृति खण्डं तदमृतार्णवमुत्तमम् ।। सर्वोत्कृष्टमभीष्टं च मूढानां ज्ञानवर्दनम् ।। २ ।। अधुना श्रीगणेशस्य खण्डं श्रोतुमिहागतः ।। तज्जन्म चरितं नॄणां सर्वमङ्गलमङ्गलम् ।। ३ ।। कथं जज्ञे सुरश्रेष्ठः पार्वत्या उदरे शुभे ।। देवी केन प्रकारेण चालभत्तादृशं सुतम्।। ।। ४ ।। स चांशः कस्य देवस्य कथं जन्म ललाभ सः ।। अयोनिसम्भवः किं वा किं वाऽसौ योनिसम्भवः ।। ५ ।। किं वा तद्ब्रह्मतेजो वा किं तस्य च पराक्रमः ।। का तपस्या च कि ज्ञानं किं वा तन्निर्म्मलं यशः ।। ६ ।। कथं तस्य पुरःपूजा विश्वेषु निखिलेषु च ।। स्थिते नारायणे शम्भौ जगदीशे च धातरि ।। ७ ।। पुराणेषु निगूढं च तज्जन्म परिकीर्त्तितम् ।। कथं वा गजवक्त्रोऽयमेकदन्तो महोदरः ।।८।। एतत्सर्वं समाचक्ष्व श्रोतुं कौतूहलं मम ।। सुविस्तीर्णं महाभाग तदतीव मनोहरम् ।।९।। श्रीनारायण उवाच ।। शृणु नारद वक्ष्यामि रहस्यं परमाद्भुतम् ।। पापसन्तापहरणं सर्वविघ्नविनाशनम् ।। १० ।। सर्वमङ्गलदं सारं सर्वश्रुतिमनोहरम् ।। सुखदं मोक्षबीजं च पापमूलनिकृन्तनम् ।। ११ ।। दैत्यार्दितानां देवानां तेजोराशिसमुद्भवा ।। देवी संहृत्य दैत्यौघान्दक्षकन्या बभूव ह ।। १२ ।। सा च नाम्ना सती देवी स्वामिनो निन्दया पुरा ।। देहं संत्यज्य योगेन जाता शैलप्रियोदरे ।। १३ ।। शङ्कराय ददौ तां च पार्वतीं पर्वतो मुदा ।। तां गृहीत्वा महादेवो जगाम विजनं वनम् ।।१४।। शय्यां रतिकरीं कृत्वा पुष्पचन्दनचर्चिताम् ।। स रेमे नर्मदातीरे पुष्पोद्याने तया सह ।।१५।। सहस्रवर्षपर्य्यन्तं दैवमानेन नारद ।। तयोर्बभूव शृंगारो विपरीतादिको महान् ।। ।। १६ ।। दुर्गांगस्पर्शमात्रेण मदनान्मूर्च्छितः शिवः ।। मूर्च्छिता सा शिवस्पर्शाद्बुबुधे न दिवानिशम् ।। १७ ।। हंसकारण्डवाकीर्णे पुंस्कोकिलरुताकुले ।। नानापुष्पविकासाढ्ये भ्रमरध्वनिगुञ्जिते ।। १८ ।। सुगन्धिकुसुमाश्लेषिवायुना सुरभीकृते ।। अतीव सुखदे तत्र सर्वजन्तुविवर्जिते ।। १९ ।। दृष्ट्वा तयोस्तच्छृङ्गारं चिन्तां प्रापुः सुराः पराम् ।। ब्रह्माणं च पुरस्कृत्य ययुर्नारायणान्तिकम् ।। ।। २० ।। तं नत्वा कथयामास ब्रह्मा वृत्तान्तमीप्सितम् ।। संतस्थुर्देवताः सर्वाश्चित्रपुत्तलिका यथा ।। २१ ।। ब्रह्मोवाच ।। सहस्रवर्षपर्य्यन्तं देवमानेन शङ्करः ।। रतौ रतश्च निश्चेष्टो न योगी विरराम ह ।। २२ ।। मैथुनस्य विरामे च दम्पत्योर्जगदीश्वर ।। किम्भूतं भविताऽपत्यं तथ्यं कथितुमर्हसि ।। २३ ।। श्रीभगवानुवाच ।। चिन्ता नास्ति जगद्धातः सर्व भद्रं भविष्यति।। मयि ये शरणापन्नास्तेषां दुखं कुतो विधे ।। २४ ।। येनोपायेन तद्वीर्यं भूमौ पतति निश्चितम् ।। तत्कुरुष्व प्रयत्नेन सार्द्धं देवगणेन च ।।२५।। यदा च शम्भोर्वीर्य्यं तत्पार्वत्या उदरे पतेत् ।। ततोऽपत्यं च भविता सुरासुरविमर्दकम् ।।२६।। ततः शक्रादयः सर्वे सुरा नारायणाज्ञया ।। प्रययुर्नर्म्मदातीरं ययौ ब्रह्मा निजालयम् ।। २७ ।। तत्रैव पर्वतद्रोणीबहिर्देशे सुराः पराः ।। विषण्णवदनाः सर्वे बभूवुर्भयकातराः ।। २८ ।। शक्रो राजा कुबेरं च कुबेरो वरुणं तथा ।। समीरणं च वरुणो यमं चैव समीरणः ।। २९ ।। हुताशनं यमश्चैव भास्करं च हुताशनः ।। चन्द्रं तथा भास्करश्च त्वीशानं चन्द्र एव च ।। ३० ।। एवं देवाः प्रेरयन्ति देवांश्च रतिभञ्जने ।। हरशृंगार भंगं च कुर्वित्युक्त्वा परस्परम् ।। ३१ ।। द्वारि स्थितो वक्रशिराः शक्रः प्राह महेश्वरम् ।। ३२ ।। इन्द्र उवाच ।। किं करोषि महादेव योगीश्वर नमोऽस्तु ते ।। जगदीश जगद्बीज भक्तानां भयभञ्जन ।। ३३ ।। हरिर्जगामेत्युक्त्वा तमाजगाम च भास्करः ।। उवाच भीतो द्वारस्थो भयार्त्तो वक्रचक्षुषा ।।३४।। श्रीसूर्य्य उवाच ।। किं करोषि महादेव जगतां परिपालक ।। सुरश्रेष्ठ महाभाग पार्वतीश नमोऽस्तु ते ।। ३५ ।। इत्येवमुक्त्वा श्रीसूर्य्यः स जगाम भयात्ततः ।। आजगाम तथा चन्द्र अवोचद्वक्रकन्धरः ।। ३६ ।। चन्द्र उवाच ।। किं करोषि त्रिलोकेश त्रिलोचन नमोऽस्तु ते ।। आत्माराम स्वयंपूर्ण पुण्यश्रवणकीर्त्तन ।। ३७ ।। इत्येवमुक्त्वा भीतश्च विरराम निशापतिः ।। समीरणोऽपि द्वारस्थस्संवीक्ष्योवाच सादरम् ४। ३८ ।। पवन उवाच ।। किं करोषि जगन्नाथ जगद्बन्धो नमो ऽस्तु ते ।। धर्मार्थकाममोक्षाणां बीजरूप सनातन ।।३९।। इत्येवं स्तवनं श्रुत्वा योगज्ञानविशारदः ।। त्यक्तुकामो न तत्याज शृङ्गारं पार्वती भयात् ।। ४० ।। दृष्ट्वा सुरान्भयार्त्तश्च पुनः स्तोतुं समुद्यतान्।। विजहौ सुखसम्भोगं कण्ठलग्नां च पार्वतीम् ।। ४१ ।। उत्तिष्ठतो महेशस्य त्रासलज्जायुतस्य च ।। भूमौ पपात तद्वीर्य्यं ततः स्कन्दो बभूव ह ।। ४२ ।। पश्चात्तां कथयिष्यामि कथामतिमनोहराम् ।। स्कन्दजन्मप्रसङ्गे च साम्प्रतं वाञ्छितं शृणु ।। ४३ ।। इति श्रीब्रह्मवैवर्त्ते महापुराणे तृतीये गणपतिखण्डे नारदनारायणसंवादे प्रथमोऽध्यायः ।। १ ।।
nārāyaṇaṃ namaskṛtya naraṃ caiva narottamam || devīṃ sarasvatīṃ vyāsaṃ tato jayamudīrayet || 1 || nārada uvāca || śrutaṃ prakṛti khaṇḍaṃ tadamṛtārṇavamuttamam || sarvotkṛṣṭamabhīṣṭaṃ ca mūḍhānāṃ jñānavardanam || 2 || adhunā śrīgaṇeśasya khaṇḍaṃ śrotumihāgataḥ || tajjanma caritaṃ nṝṇāṃ sarvamaṅgalamaṅgalam || 3 || kathaṃ jajñe suraśreṣṭhaḥ pārvatyā udare śubhe || devī kena prakāreṇa cālabhattādṛśaṃ sutam|| || 4 || sa cāṃśaḥ kasya devasya kathaṃ janma lalābha saḥ || ayonisambhavaḥ kiṃ vā kiṃ vā'sau yonisambhavaḥ || 5 || kiṃ vā tadbrahmatejo vā kiṃ tasya ca parākramaḥ || kā tapasyā ca ki jñānaṃ kiṃ vā tannirmmalaṃ yaśaḥ || 6 || kathaṃ tasya puraḥpūjā viśveṣu nikhileṣu ca || sthite nārāyaṇe śambhau jagadīśe ca dhātari || 7 || purāṇeṣu nigūḍhaṃ ca tajjanma parikīrttitam || kathaṃ vā gajavaktro'yamekadanto mahodaraḥ ||8|| etatsarvaṃ samācakṣva śrotuṃ kautūhalaṃ mama || suvistīrṇaṃ mahābhāga tadatīva manoharam ||9|| śrīnārāyaṇa uvāca || śṛṇu nārada vakṣyāmi rahasyaṃ paramādbhutam || pāpasantāpaharaṇaṃ sarvavighnavināśanam || 10 || sarvamaṅgaladaṃ sāraṃ sarvaśrutimanoharam || sukhadaṃ mokṣabījaṃ ca pāpamūlanikṛntanam || 11 || daityārditānāṃ devānāṃ tejorāśisamudbhavā || devī saṃhṛtya daityaughāndakṣakanyā babhūva ha || 12 || sā ca nāmnā satī devī svāmino nindayā purā || dehaṃ saṃtyajya yogena jātā śailapriyodare || 13 || śaṅkarāya dadau tāṃ ca pārvatīṃ parvato mudā || tāṃ gṛhītvā mahādevo jagāma vijanaṃ vanam ||14|| śayyāṃ ratikarīṃ kṛtvā puṣpacandanacarcitām || sa reme narmadātīre puṣpodyāne tayā saha ||15|| sahasravarṣaparyyantaṃ daivamānena nārada || tayorbabhūva śṛṃgāro viparītādiko mahān || || 16 || durgāṃgasparśamātreṇa madanānmūrcchitaḥ śivaḥ || mūrcchitā sā śivasparśādbubudhe na divāniśam || 17 || haṃsakāraṇḍavākīrṇe puṃskokilarutākule || nānāpuṣpavikāsāḍhye bhramaradhvaniguñjite || 18 || sugandhikusumāśleṣivāyunā surabhīkṛte || atīva sukhade tatra sarvajantuvivarjite || 19 || dṛṣṭvā tayostacchṛṅgāraṃ cintāṃ prāpuḥ surāḥ parām || brahmāṇaṃ ca puraskṛtya yayurnārāyaṇāntikam || || 20 || taṃ natvā kathayāmāsa brahmā vṛttāntamīpsitam || saṃtasthurdevatāḥ sarvāścitraputtalikā yathā || 21 || brahmovāca || sahasravarṣaparyyantaṃ devamānena śaṅkaraḥ || ratau rataśca niśceṣṭo na yogī virarāma ha || 22 || maithunasya virāme ca dampatyorjagadīśvara || kimbhūtaṃ bhavitā'patyaṃ tathyaṃ kathitumarhasi || 23 || śrībhagavānuvāca || cintā nāsti jagaddhātaḥ sarva bhadraṃ bhaviṣyati|| mayi ye śaraṇāpannāsteṣāṃ dukhaṃ kuto vidhe || 24 || yenopāyena tadvīryaṃ bhūmau patati niścitam || tatkuruṣva prayatnena sārddhaṃ devagaṇena ca ||25|| yadā ca śambhorvīryyaṃ tatpārvatyā udare patet || tato'patyaṃ ca bhavitā surāsuravimardakam ||26|| tataḥ śakrādayaḥ sarve surā nārāyaṇājñayā || prayayurnarmmadātīraṃ yayau brahmā nijālayam || 27 || tatraiva parvatadroṇībahirdeśe surāḥ parāḥ || viṣaṇṇavadanāḥ sarve babhūvurbhayakātarāḥ || 28 || śakro rājā kuberaṃ ca kubero varuṇaṃ tathā || samīraṇaṃ ca varuṇo yamaṃ caiva samīraṇaḥ || 29 || hutāśanaṃ yamaścaiva bhāskaraṃ ca hutāśanaḥ || candraṃ tathā bhāskaraśca tvīśānaṃ candra eva ca || 30 || evaṃ devāḥ prerayanti devāṃśca ratibhañjane || haraśṛṃgāra bhaṃgaṃ ca kurvityuktvā parasparam || 31 || dvāri sthito vakraśirāḥ śakraḥ prāha maheśvaram || 32 || indra uvāca || kiṃ karoṣi mahādeva yogīśvara namo'stu te || jagadīśa jagadbīja bhaktānāṃ bhayabhañjana || 33 || harirjagāmetyuktvā tamājagāma ca bhāskaraḥ || uvāca bhīto dvārastho bhayārtto vakracakṣuṣā ||34|| śrīsūryya uvāca || kiṃ karoṣi mahādeva jagatāṃ paripālaka || suraśreṣṭha mahābhāga pārvatīśa namo'stu te || 35 || ityevamuktvā śrīsūryyaḥ sa jagāma bhayāttataḥ || ājagāma tathā candra avocadvakrakandharaḥ || 36 || candra uvāca || kiṃ karoṣi trilokeśa trilocana namo'stu te || ātmārāma svayaṃpūrṇa puṇyaśravaṇakīrttana || 37 || ityevamuktvā bhītaśca virarāma niśāpatiḥ || samīraṇo'pi dvārasthassaṃvīkṣyovāca sādaram 4| 38 || pavana uvāca || kiṃ karoṣi jagannātha jagadbandho namo 'stu te || dharmārthakāmamokṣāṇāṃ bījarūpa sanātana ||39|| ityevaṃ stavanaṃ śrutvā yogajñānaviśāradaḥ || tyaktukāmo na tatyāja śṛṅgāraṃ pārvatī bhayāt || 40 || dṛṣṭvā surānbhayārttaśca punaḥ stotuṃ samudyatān|| vijahau sukhasambhogaṃ kaṇṭhalagnāṃ ca pārvatīm || 41 || uttiṣṭhato maheśasya trāsalajjāyutasya ca || bhūmau papāta tadvīryyaṃ tataḥ skando babhūva ha || 42 || paścāttāṃ kathayiṣyāmi kathāmatimanoharām || skandajanmaprasaṅge ca sāmprataṃ vāñchitaṃ śṛṇu || 43 || iti śrībrahmavaivartte mahāpurāṇe tṛtīye gaṇapatikhaṇḍe nāradanārāyaṇasaṃvāde prathamo'dhyāyaḥ || 1 ||
English translation
Conversation between Narada and Offering salutation to the back of the humans, Narayana, Sarasvatl, the goddess of speech as well as Vyasa, reciting the slogan of victory, the recitation of the Puranas should be started.
Narada said - I have listened to the Prakrtikhanda which is like nectar and the best of all and bestows knowledge even to the foolish people. Now I intend to listen to the Ganesakhanda because the birth of Ganesa provides prosperity and all welfare. How was the best of gods Ganesa bom from the womb of ParvatT? How did the goddess achieve him as a son? Of which god does he belong to be the part and how was he bom? Was he bom with human contact or without it.
What is the extent of his divine glory, his prowess, the tapas, his intelligence and the spotless popularity? How was he considered to be adored first of all inspite of the presence of Narayana, Siva and Brahma in the universe? In the Puranas, his birth is treated to be quite mysterious. How did he get the face of an elephant, one tusk and the protruding belly? O virtuous one, you kindly tell me the whole story in detail because it is quite pleasant and I feel quite anxious to know about it.
Narayana said - O Narada I am revealing the astonishing secret you to and you listen to it. The one who removes mental agony because of the commission of sin, is the remover of all obstmctions, grants all welfare, is the essence of all, is quite pleasant to listen, bestower of pleasure, the cause of moksa and the destroyer of When the gods were troubled by the demons, the goddess emerged from the tejas of the gods and she destroyed the demons. Thereafter she was bom as a daughter of Daksa.
She was known as Satl there. In the earlier times the same Satl protesting against the denouncement of Siva, ended her life and was reborn as Parvatl from the womb of Mena.
Himalaya the king of the mountains pleasantly gave away Parvatl in marriage to Siva. Lord Mahadeva accompanied by Parvatl retired to a Reaching the bank of the Narmada they came across an orchard where they prepared a flowery bed and both of them enjoyed the conjugal pleasures there.
O Narada, they continued to enjoy the conjugal pleasures using various means of make up or decoration of the body up to a thousand divine years.
In the forest there echoed the sweet voice of geese, ducks and other birds like cuckoos.
Several types of flowers blossomed there, the black-wasps emitted the hissing sound and fragrant breeze pervaded the entire forest. It was a quite pleasant and charming place which was devoid of wild animals. Finding both of them so indulging in conjugal pleasures, the gods felt concerned. They went to Brahma and taking him with them they reached the abode of Visnu.
Brahma offered his salutation to him and he narrated the entire story of lord Visnu, while other gods stood there like puppets.
Brahma said - Lord Siva is inactive because of his indulging in the conjugal pleasures for a thousand years. The great yog! is not detracting himself from the love-sport.
O lord of the universe, what type of child will they produce after the end of this love-sport you kindly tell me?
With the very touch of the limbs of Parvatl, was infatuated with passion and fainted.
Similar was the case with Parvatl. While indulging in love-sport they lost the sense of day and night.
VHUIIMifll'klMi 5:li I^IR'ill The lord said - O creator of the universe, don't get worried about this. Everything will be well done because those who take refuge with me can You do something by which the semen of lord falls on earth. You should accomplish this with the help of all the gods because, in case the semen of Siva is implanted in the womb of Parvatl, in that case a son will be bom to her who will be the destroyer of all the gods and the Thereafter Indra accompanied by other gods, at the command of Narayana, reached the bank of Narmada. Thereafter Brahma retired to his The gods feeling upset in their mind stood in the valley.
Indra said - O Mahadeva, O yogisvara, I offer my salutation to you. O lord of the universe you are the cause of the universe and remove the danger of the devotees. What is all this that you are doing? Thus speaking Indra left the place; thereafter the sun-god stood at the gate and feeling panicky in his mind he said.
Surya said - O Mahadeva, O preserver of the universe, O best of the gods, O virtuous one, O lord of Parvatl, I bow in reverence to you. What is all this that you are doing? Thus speaking Surya feeling panicky left the place; thereafter Candrama arrived and turning his face to the other direction he also spoke.
Thereafter Indra said to Kubera and Kubera spoke to Varuna, Varuna spoke to Vayu, Vayu spoke to Agni, Agni spoke to Surya, Surya spoke to Candrama and Candrama spoke to Tsana.
Thus the gods were conversing among themselves to detach Siva from his conjugal pleasure inciting one another to obstruct the love- sport of lord Siva.
Indra then stood at the entrance gate, turning his face and spoke to lord Siva.
Candrama said - O lord of the three worlds, O three-eyed lord, I offer my salutation to you. You pervade the soul. You are complete in yourself, your voice is auspicious for the ear; what is all this being done by you?
Thus speaking Candrama the lord of the night kept quiet feeling panicky in his mind; thereafter the wind-god standing at the gate also spoke The wind god said - O lord of the universe, O friend of the universe, I bow in reverence to you, you are the seed for dharma, artha, kdma and moksa and you are eternal; what is all this being done by you?
Siva who was completely well-versed in the yogic practices, on hearing the prayer could not discard the conjugal pleasure getting afraid of PSrvatl though he wanted to discontinue the Feeling panicky Siva saw that the gods were starting to offer prayer again and as such he discarded the conjugal pleasure and separated himself from the embrace of Parvatl.
Feeling remorseful from fear and shame, ^iva j dropped the semen on the earth from which Karttikeya was bom.
Thereafter the pleasant story of the same will be recited but currently you listen to the story relating to the birth of Karttikeya.
Chapter-aligned complete witnesses. Sanskrit Wikisource revision 117448 (2017-08-08T14:18:30Z); Shanti Lal Nagar English scan pages n590–n594: https://archive.org/details/brahma-vaivarta-purana-all-four-kandas-english-translation/page/n590/mode/1up. The historic English OCR transcription is lightly normalized; no verse-by-verse alignment is asserted.