Brahma-khaṇḍa · Chapter 5
Source।। शौनक उवाच ।। ।। गोगोपगोप्यो गोलोके किं नित्याः किंनु कल्पिताः ।। मम संदेहभेदार्थं तन्मे व्याख्यातुमर्हसि ।। १ ।। ।। सौतिरुवाच ।। ।। सर्वादिसृष्टौ ताः क्लृप्ताः प्रलये प्रलये स्थिताः ।। सर्वादिसृष्टिकथनं यन्मया कथितं द्विज ।। २ ।। सर्वादिसृष्टौ क्लृप्तौ च नारायणमहेश्वरौ ।। प्रलये प्रलये व्यक्तौ स्थितौ तौ प्रकृतिश्च सा।।३।। सर्वादौ ब्रह्मकल्पस्य चरितं कथितं द्विज ।। वाराहपाद्मकल्पौ द्वौ कथयिष्यामि श्रोष्यसि ।। ४ ।। ब्राह्मवाराहपाद्माश्च कल्पाश्च त्रिविधा मुने ।। यथायुगानि चत्वारि क्रमेण कथितानि च ।। ५ ।। सत्यं त्रेता द्वापरं च कलिश्चेति चतुर्युगम् ।। त्रिशतैश्च षष्ट्यधिकैर्युगैर्दिव्यं युगं स्मृतम् ।। ६ ।। मन्वन्तरं तु दिव्यानां युगानामेकसप्ततिः ।। चतुर्दशेषु मनुषु गतेषु ब्रह्मणो दिनम् ।। ७ ।। त्रिशतैश्च षष्ट्यधिकैर्दिनैर्वर्षं च ब्रह्मणः ।। अष्टोत्तरं वर्षशतं विधेरायुर्निरूपितम् ।। ८ ।। एतन्निमेषकालस्तु कृष्णस्य परमात्मनः ।। ब्रह्मणश्चायुषा कल्पः कालविद्भिर्निरूपितः ।। ९ ।। क्षुद्रकल्पा बहुतरास्ते संवर्तादयः स्मृताः ।। सप्तकल्पांतजीवी स मार्कण्डेयश्च तन्मतः ।।1.5.१०।। ब्रह्मणश्च दिनेनैव स कल्पः परिकीर्तितः ।। विधेश्च सप्तदिवसे मुनेरायुर्निरूपितम् ।। ११ ।। ब्राह्मवाराहपाद्माश्च त्रयः कल्पा निरूपिताः ।। कल्पत्रये यथा सृष्टिः कथयामि निशामय ।। १२ ।। ब्राह्मे च मेदिनीं सृष्ट्वा स्रष्टा सृष्टिं चकार सः ।। मधुकैटभयोश्चैव मेदसा चाज्ञया प्रभोः ।।१३।। वाराहे तां समुद्धृत्य लुप्तां मग्नां रसातलात् ।। विष्णोर्वराहरूपस्य द्वारा चातिप्रयत्नतः ।। १४ ।। पाद्मे विष्णोर्नाभिपद्मे स्रष्टा सृष्टिं विनिर्ममे ।। त्रिलोकीं ब्रह्मलोकान्तां नित्यलोकत्रयं विना ।। १५ ।। एतत्तु कालसंख्यानमुक्तं सृष्टिनिरूपणे ।। किंचिन्निरूपणं सृष्टे किं भूयः श्रोतुमिच्छसि ।। १६ ।। ।। शौनक उवाच ।। ।। अतः परं किं चकार भगवान्सात्वतांपतिः ।। एतान्सृष्ट्वा किं चकार तन्मे व्याख्यातुमर्हसि ।। १७ ।। ।। सौतिरुवाच ।। ।। अतः परं तु गोलोके गोलोकेशो महान्प्रभुः ।। एतान्सृष्ट्वा जगामासौ सुरम्यं रासमण्डलम् ।। एतैः समेतैर्भगवानतीव कमनीयकम् ।। १८ ।। रम्याणां कल्पवृक्षाणां मध्येऽतीव मनोहरम् ।। सुविस्तीर्णं च सुसमं सुस्निग्धं मण्डलीकृतम् ।। १९ ।। चन्दनागुरुकस्तूरीकुङ्कुमैश्च सुसंस्कृतम् ।। दधिलाजसक्तुधान्यदूर्वापर्णपरिप्लुतम् ।। 1.5.२० ।। पट्टसूत्रग्रन्थियुक्तं नवचन्दनपल्लवैः ।। संयुक्तरम्भास्तम्भानां समूहैः परिवेष्टितम् ।। २१ ।। सद्रत्नसारनिर्माणमण्डपानां त्रिकोटिभिः ।। रत्नप्रदीपज्वलितैः पुष्पधूपादिवासितैः।।२२।। शृंगारार्हभोगवस्तुसमूहपरिवेष्टितम्।। अतीव ललिताकल्पतल्पयुक्तैः सुशोभितम् ।। २३ ।। तत्र गत्वा च तैः सार्धं समुवास जगत्पतिः ।। दृष्ट्वा रासं विस्मितास्ते बभूवुर्मुनिसत्तम ।। २४ ।। आविर्बभूव कन्यैका कृष्णस्य वामपार्श्वतः ।। धावित्वा पुष्पमानीय ददावर्घ्यं प्रभोः पदे ।। २५ ।। रासे संभूय गोलोके सा दधाव हरेः पुरः ।। तेन राधा समाख्याता पुराविद्भिर्द्विजोत्तम ।। २६ ।। प्राणाधिष्ठातृदेवी सा कृष्णस्य परमात्मनः ।। आविर्बभूव प्राणेभ्यः प्राणेभ्योऽपि गरीयसी ।। २७ ।। देवी षोडशवर्षीया नवयौवनसंयुता ।। वह्निशुद्धांशुकाधाना सस्मिता सुमनोहरा ।। २८ ।। सुकोमलांगी ललिता सुन्दरीषु च सुन्दरी ।। बृहन्नितम्बभारार्त्ता पीनश्रोणिपयोधरा ।। २९ ।। बन्धुजीवजिता रक्तसुन्दरोष्ठा धरावरा ।। मुक्तापङ्क्तिजिता चारुदन्तपंक्तिर्मनोहरा ।। 1.5.३० ।। शरत्पार्वणकोटीन्दुशोभामृष्टशुभानना ।। चारुसीमन्तिनीचारुशरत्पङ्कजलोचना।। ३१ ।। खगेन्द्रचञ्चुविजितचारुनासा मनोहरा ।। स्वर्णगण्डूकविजिते गण्डयुग्मे च बिभ्रती ।। ३२ ।। दधती चारुकर्णे च रत्नाभरणभूषिते ।। चन्दनागुरुकस्तूरीयुक्तकुंकुमबिन्दुभिः ।। ३३ ।। सिन्दूरबिन्दुसंयुक्तसुकपोला मनोहरा ।। सुसंस्कृतं केशपाशं मालतीमाल्यभूषितम् ।। ३४ ।। सुगन्धकबरीभारं सुन्दरं दधती सती ।। स्थलपद्मप्रभामुष्टं पादयुग्मं च बिभ्रती ।। ३५ ।। गमनं कुर्वती सा च हंसखञ्जनगञ्जनम् ।। सद्रत्नसारनिर्माणां वनमाली मनोहराम्।।३६।। हारं हीरकनिर्माणं रत्नकेयूरकङ्कणम् ।। सद्रत्नसारनिर्माणं पाशकं सुमनोहरम् ।। ३७ ।। अमूल्यरत्ननिर्माणं क्वणन्मञ्जीररञ्जितम् ।। नानाप्रकारचित्राढ्यं सुन्दरं परिबिभ्रती ।। ३८ ।। सा च सम्भाष्य गोविन्दं रत्नसिंहासने वरे ।। उवास सस्मिता भर्तुः पश्यन्ती मुखपङ्कजम् ।। ३९ ।। तस्याश्च लोमकूपेभ्यः सद्यो गोपाङ्गनागणः ।। आविर्बभूव रूपेण वेशेनैव च तत्समः ।। 1.5.४० ।। लक्षकोटीपरिमितः शश्वत्सुस्थिरयौवनः ।। संख्याविद्भिश्च संख्यातो गोलोके गोपिकागणः ।। ४१ ।। कृष्णस्य लोमकूपेभ्यः सद्यो गोपगणो मुने ।। आविर्बभूव रूपेण वेषेणैव च तत्समः।। ४२ ।। त्रिंशत्कोटिपरिमितः कमनीयो मनोहरः ।। संख्याविद्भिश्च संख्यातो बल्लवानां गणः श्रुतौ ।। ४३ ।। कृष्णस्य लोमकूपेभ्यः सद्यश्चाविर्बभूव ह ।। नानावर्णो गोगणश्च शश्वत्सुस्थिरयौवनः ।। ४४ ।। बलीवर्दाः सुरभ्यश्च वत्सा नानाविधाः शुभाः ।। अतीव ललिताः श्यामा बह्व्यो वै कामधेनवः ।। ४५ ।। तेषामेकं बलीवर्दं कोटिसिंहसमं बले ।। शिवाय प्रददौ कृष्णो वाहनाय मनोहरम् ।। ४६ ।। कृष्णांघ्रिनखरन्धेभ्यो हंसपङ्क्तिर्मनोहरा ।। आविर्बभूव सहसा स्त्रीपुंवत्ससमन्विता।। ४७ ।। तेषामेकं राजहंसं महाबलपराक्रमम् ।। वाहनाय ददौ कृष्णो ब्रह्मणे च तपस्विने ।। ४८ ।। वामकर्णस्य विवरात्कृष्णस्य परमात्मनः ।। गणः श्वेततुरङ्गाणामाविर्भूतो मनोहरः ।। ४९ ।। तेषामेकं च श्वेताश्वं धर्मार्थं वाहनाय च ।। ददौ गोपाङ्गनेशश्च संप्रीत्या सुरसंसदि ।। 1.5.५० ।। दक्षकर्णस्य विवरात्पुंसश्च सुरसंसदि ।। आविर्भूता सिंहपङ्क्तिर्महाबलपराक्रमा ।। ५१ ।। तेषामेकं ददौ कृष्णः प्रकृत्यै परमादरम् ।। अमूल्यरत्नमाल्यं च वरं यदभिवाञ्छितम् ।। ५२ ।। कृष्णो योगेन योगीन्द्रश्चकार रथपञ्चकम् ।। शुद्धरत्नेन्द्रनिर्माणं मनोयायि मनोहरम्।। ५३ ।। लक्षयोजनमूर्ध्वे च प्रस्थे च शतयोजनम् ।। लक्षचक्रं वायुरहं लक्षक्रीडागृहान्वितम् ।। ५४ ।। शृङ्गारार्हं भोगवस्तुतल्पासंख्यसमन्वितम् ।। रत्नप्रदीपलक्षाणां वाजिभिश्च विराजितम् ।। ५५ ।। नानाचित्रविचित्राढथं सद्रत्नकलशोज्ज्वलम् ।। रत्नदर्पणभूषाढ्यं शोभितं श्वेतचामरैः ।। ५६ ।। वह्निशुद्धांशुकैश्चित्रैर्मुक्ताजालैर्विभूषितम् ।। मणीन्द्रमुक्तामाणिक्यहीरहारविराजितम् ।। ५७ ।। आरक्तवर्णरत्नेन्द्रसारनिर्माणकृत्रिमैः ।। पङ्कजानामसंख्यैश्च सुन्दरैश्च सुशोभितम् ।। ५८ ।। ददौ नारायणायैकं तेषां मध्ये द्विजोत्तमः ।। एकं दत्त्वा राधिकायै ररक्षाशेषमात्मने ।।।। ५९ ।। आविर्बभूव कृष्णस्य गुह्यदेशात्ततः परम् ।। पिङ्गलश्च पुमानेकः पिङ्गलैश्च गणैः सह ।। 1.5.६० ।। आविर्भूता यतो गुह्यात्तेन ते गुह्यकाः स्मृताः ।। यः पुमान् स कुबेरश्च धनेशो गुह्यकेश्वरः ।। ६१ ।। बभूव कन्यका चैका कुबेरे वामपार्श्वतः ।। कुबेरपत्नी सा देवी सुन्दरीणां मनोरमा ।। ६२ ।। भूतप्रेतपिशाचाश्च कूष्माण्डब्रह्मराक्षसाः ।। वेताला विकृतास्तस्याविर्भूता गुह्यदेशतः ।। ६३।। शङ्खचक्रगदापद्मधारिणो वनमालिनः ।। पीतवस्त्रपरीधानाः सर्वे श्यामचतुर्भुजाः ।। ६४ ।। किरीटिनः कुण्डलिनो रत्नभूषणभूषिताः ।। आविर्भूताः पार्षदाश्च कृष्णस्य मुखतो मुने ।। ६५ ।। चतुर्भुजान्पार्षदांश्च ददौ नारायणाय च ।। गुह्यकान्गुह्यकेशाय भूतादीञ्छङ्कराय च ।।६६।। द्विभुजाः श्यामवर्णाश्च जपमालाकरा वराः ।। ध्यायन्तश्चरणाम्भोजं कृष्णस्य सततं मुदा ।।६७।। दास्यो नियुक्ता दसाश्चैवार्घ्यमादाय यत्नतः ।। आविर्भूता वैष्णवाश्च सर्वे कृष्णपरायणाः ।। ६८ ।। पुलकाङ्कितसर्वाङ्गाः साश्रुनेत्राः सगद्गदा ।। आविर्भूताः पादपद्मात्पादपद्मैकमानसाः।।६९।। आविर्बभूवुः कृष्णस्य दक्षनेत्राद्भयङ्कराः।। त्रिशूलपट्टिशधरास्त्रिनेत्राश्चन्द्रशेखराः ।। 1.5.७० ।। दिगम्बरा महाकाया ज्वलदग्निशिखोपमाः ।। ते भैरवा महाभागाः शिवतुल्याश्च तेजसा ।। ७१ ।। रुरुसंहारकालाख्या असितक्रोधभीषणाः ।। महाभैरवखट्वाङ्गावित्यष्टौ भैरवाः स्मृताः ।। ७२ ।। आविर्बभूव कृष्णस्य वामनेत्राद्भयङ्करः।। त्रिशूलपट्टिशव्याघ्रचर्माम्बरगदाधरः ।। ७३ ।। दिगम्बरो महाकायस्त्रिणेत्रश्चन्द्रशेखरः ।। स ईशानो महाभागो दिक्पालानामधीश्वरः ।। ७४ ।। डाकिन्यश्चैव योगिन्यः क्षेत्रपालाः सहस्रशः ।। आविर्बभूवुः कृष्णस्य नासिकाविवरोदरात् ।। ७५ ।। सुरास्त्रिकोटिसंख्याता दिव्यमूर्तिधरावराः ।। आविर्बर्भूवुः सहसा पुंसो वै पृष्ठदेशतः ।। ७६ ।।
|| śaunaka uvāca || || gogopagopyo goloke kiṃ nityāḥ kiṃnu kalpitāḥ || mama saṃdehabhedārthaṃ tanme vyākhyātumarhasi || 1 || || sautiruvāca || || sarvādisṛṣṭau tāḥ klṛptāḥ pralaye pralaye sthitāḥ || sarvādisṛṣṭikathanaṃ yanmayā kathitaṃ dvija || 2 || sarvādisṛṣṭau klṛptau ca nārāyaṇamaheśvarau || pralaye pralaye vyaktau sthitau tau prakṛtiśca sā||3|| sarvādau brahmakalpasya caritaṃ kathitaṃ dvija || vārāhapādmakalpau dvau kathayiṣyāmi śroṣyasi || 4 || brāhmavārāhapādmāśca kalpāśca trividhā mune || yathāyugāni catvāri krameṇa kathitāni ca || 5 || satyaṃ tretā dvāparaṃ ca kaliśceti caturyugam || triśataiśca ṣaṣṭyadhikairyugairdivyaṃ yugaṃ smṛtam || 6 || manvantaraṃ tu divyānāṃ yugānāmekasaptatiḥ || caturdaśeṣu manuṣu gateṣu brahmaṇo dinam || 7 || triśataiśca ṣaṣṭyadhikairdinairvarṣaṃ ca brahmaṇaḥ || aṣṭottaraṃ varṣaśataṃ vidherāyurnirūpitam || 8 || etannimeṣakālastu kṛṣṇasya paramātmanaḥ || brahmaṇaścāyuṣā kalpaḥ kālavidbhirnirūpitaḥ || 9 || kṣudrakalpā bahutarāste saṃvartādayaḥ smṛtāḥ || saptakalpāṃtajīvī sa mārkaṇḍeyaśca tanmataḥ ||1.5.10|| brahmaṇaśca dinenaiva sa kalpaḥ parikīrtitaḥ || vidheśca saptadivase munerāyurnirūpitam || 11 || brāhmavārāhapādmāśca trayaḥ kalpā nirūpitāḥ || kalpatraye yathā sṛṣṭiḥ kathayāmi niśāmaya || 12 || brāhme ca medinīṃ sṛṣṭvā sraṣṭā sṛṣṭiṃ cakāra saḥ || madhukaiṭabhayoścaiva medasā cājñayā prabhoḥ ||13|| vārāhe tāṃ samuddhṛtya luptāṃ magnāṃ rasātalāt || viṣṇorvarāharūpasya dvārā cātiprayatnataḥ || 14 || pādme viṣṇornābhipadme sraṣṭā sṛṣṭiṃ vinirmame || trilokīṃ brahmalokāntāṃ nityalokatrayaṃ vinā || 15 || etattu kālasaṃkhyānamuktaṃ sṛṣṭinirūpaṇe || kiṃcinnirūpaṇaṃ sṛṣṭe kiṃ bhūyaḥ śrotumicchasi || 16 || || śaunaka uvāca || || ataḥ paraṃ kiṃ cakāra bhagavānsātvatāṃpatiḥ || etānsṛṣṭvā kiṃ cakāra tanme vyākhyātumarhasi || 17 || || sautiruvāca || || ataḥ paraṃ tu goloke golokeśo mahānprabhuḥ || etānsṛṣṭvā jagāmāsau suramyaṃ rāsamaṇḍalam || etaiḥ sametairbhagavānatīva kamanīyakam || 18 || ramyāṇāṃ kalpavṛkṣāṇāṃ madhye'tīva manoharam || suvistīrṇaṃ ca susamaṃ susnigdhaṃ maṇḍalīkṛtam || 19 || candanāgurukastūrīkuṅkumaiśca susaṃskṛtam || dadhilājasaktudhānyadūrvāparṇapariplutam || 1.5.20 || paṭṭasūtragranthiyuktaṃ navacandanapallavaiḥ || saṃyuktarambhāstambhānāṃ samūhaiḥ pariveṣṭitam || 21 || sadratnasāranirmāṇamaṇḍapānāṃ trikoṭibhiḥ || ratnapradīpajvalitaiḥ puṣpadhūpādivāsitaiḥ||22|| śṛṃgārārhabhogavastusamūhapariveṣṭitam|| atīva lalitākalpatalpayuktaiḥ suśobhitam || 23 || tatra gatvā ca taiḥ sārdhaṃ samuvāsa jagatpatiḥ || dṛṣṭvā rāsaṃ vismitāste babhūvurmunisattama || 24 || āvirbabhūva kanyaikā kṛṣṇasya vāmapārśvataḥ || dhāvitvā puṣpamānīya dadāvarghyaṃ prabhoḥ pade || 25 || rāse saṃbhūya goloke sā dadhāva hareḥ puraḥ || tena rādhā samākhyātā purāvidbhirdvijottama || 26 || prāṇādhiṣṭhātṛdevī sā kṛṣṇasya paramātmanaḥ || āvirbabhūva prāṇebhyaḥ prāṇebhyo'pi garīyasī || 27 || devī ṣoḍaśavarṣīyā navayauvanasaṃyutā || vahniśuddhāṃśukādhānā sasmitā sumanoharā || 28 || sukomalāṃgī lalitā sundarīṣu ca sundarī || bṛhannitambabhārārttā pīnaśroṇipayodharā || 29 || bandhujīvajitā raktasundaroṣṭhā dharāvarā || muktāpaṅktijitā cārudantapaṃktirmanoharā || 1.5.30 || śaratpārvaṇakoṭīnduśobhāmṛṣṭaśubhānanā || cārusīmantinīcāruśaratpaṅkajalocanā|| 31 || khagendracañcuvijitacārunāsā manoharā || svarṇagaṇḍūkavijite gaṇḍayugme ca bibhratī || 32 || dadhatī cārukarṇe ca ratnābharaṇabhūṣite || candanāgurukastūrīyuktakuṃkumabindubhiḥ || 33 || sindūrabindusaṃyuktasukapolā manoharā || susaṃskṛtaṃ keśapāśaṃ mālatīmālyabhūṣitam || 34 || sugandhakabarībhāraṃ sundaraṃ dadhatī satī || sthalapadmaprabhāmuṣṭaṃ pādayugmaṃ ca bibhratī || 35 || gamanaṃ kurvatī sā ca haṃsakhañjanagañjanam || sadratnasāranirmāṇāṃ vanamālī manoharām||36|| hāraṃ hīrakanirmāṇaṃ ratnakeyūrakaṅkaṇam || sadratnasāranirmāṇaṃ pāśakaṃ sumanoharam || 37 || amūlyaratnanirmāṇaṃ kvaṇanmañjīrarañjitam || nānāprakāracitrāḍhyaṃ sundaraṃ paribibhratī || 38 || sā ca sambhāṣya govindaṃ ratnasiṃhāsane vare || uvāsa sasmitā bhartuḥ paśyantī mukhapaṅkajam || 39 || tasyāśca lomakūpebhyaḥ sadyo gopāṅganāgaṇaḥ || āvirbabhūva rūpeṇa veśenaiva ca tatsamaḥ || 1.5.40 || lakṣakoṭīparimitaḥ śaśvatsusthirayauvanaḥ || saṃkhyāvidbhiśca saṃkhyāto goloke gopikāgaṇaḥ || 41 || kṛṣṇasya lomakūpebhyaḥ sadyo gopagaṇo mune || āvirbabhūva rūpeṇa veṣeṇaiva ca tatsamaḥ|| 42 || triṃśatkoṭiparimitaḥ kamanīyo manoharaḥ || saṃkhyāvidbhiśca saṃkhyāto ballavānāṃ gaṇaḥ śrutau || 43 || kṛṣṇasya lomakūpebhyaḥ sadyaścāvirbabhūva ha || nānāvarṇo gogaṇaśca śaśvatsusthirayauvanaḥ || 44 || balīvardāḥ surabhyaśca vatsā nānāvidhāḥ śubhāḥ || atīva lalitāḥ śyāmā bahvyo vai kāmadhenavaḥ || 45 || teṣāmekaṃ balīvardaṃ koṭisiṃhasamaṃ bale || śivāya pradadau kṛṣṇo vāhanāya manoharam || 46 || kṛṣṇāṃghrinakharandhebhyo haṃsapaṅktirmanoharā || āvirbabhūva sahasā strīpuṃvatsasamanvitā|| 47 || teṣāmekaṃ rājahaṃsaṃ mahābalaparākramam || vāhanāya dadau kṛṣṇo brahmaṇe ca tapasvine || 48 || vāmakarṇasya vivarātkṛṣṇasya paramātmanaḥ || gaṇaḥ śvetaturaṅgāṇāmāvirbhūto manoharaḥ || 49 || teṣāmekaṃ ca śvetāśvaṃ dharmārthaṃ vāhanāya ca || dadau gopāṅganeśaśca saṃprītyā surasaṃsadi || 1.5.50 || dakṣakarṇasya vivarātpuṃsaśca surasaṃsadi || āvirbhūtā siṃhapaṅktirmahābalaparākramā || 51 || teṣāmekaṃ dadau kṛṣṇaḥ prakṛtyai paramādaram || amūlyaratnamālyaṃ ca varaṃ yadabhivāñchitam || 52 || kṛṣṇo yogena yogīndraścakāra rathapañcakam || śuddharatnendranirmāṇaṃ manoyāyi manoharam|| 53 || lakṣayojanamūrdhve ca prasthe ca śatayojanam || lakṣacakraṃ vāyurahaṃ lakṣakrīḍāgṛhānvitam || 54 || śṛṅgārārhaṃ bhogavastutalpāsaṃkhyasamanvitam || ratnapradīpalakṣāṇāṃ vājibhiśca virājitam || 55 || nānācitravicitrāḍhathaṃ sadratnakalaśojjvalam || ratnadarpaṇabhūṣāḍhyaṃ śobhitaṃ śvetacāmaraiḥ || 56 || vahniśuddhāṃśukaiścitrairmuktājālairvibhūṣitam || maṇīndramuktāmāṇikyahīrahāravirājitam || 57 || āraktavarṇaratnendrasāranirmāṇakṛtrimaiḥ || paṅkajānāmasaṃkhyaiśca sundaraiśca suśobhitam || 58 || dadau nārāyaṇāyaikaṃ teṣāṃ madhye dvijottamaḥ || ekaṃ dattvā rādhikāyai rarakṣāśeṣamātmane |||| 59 || āvirbabhūva kṛṣṇasya guhyadeśāttataḥ param || piṅgalaśca pumānekaḥ piṅgalaiśca gaṇaiḥ saha || 1.5.60 || āvirbhūtā yato guhyāttena te guhyakāḥ smṛtāḥ || yaḥ pumān sa kuberaśca dhaneśo guhyakeśvaraḥ || 61 || babhūva kanyakā caikā kubere vāmapārśvataḥ || kuberapatnī sā devī sundarīṇāṃ manoramā || 62 || bhūtapretapiśācāśca kūṣmāṇḍabrahmarākṣasāḥ || vetālā vikṛtāstasyāvirbhūtā guhyadeśataḥ || 63|| śaṅkhacakragadāpadmadhāriṇo vanamālinaḥ || pītavastraparīdhānāḥ sarve śyāmacaturbhujāḥ || 64 || kirīṭinaḥ kuṇḍalino ratnabhūṣaṇabhūṣitāḥ || āvirbhūtāḥ pārṣadāśca kṛṣṇasya mukhato mune || 65 || caturbhujānpārṣadāṃśca dadau nārāyaṇāya ca || guhyakānguhyakeśāya bhūtādīñchaṅkarāya ca ||66|| dvibhujāḥ śyāmavarṇāśca japamālākarā varāḥ || dhyāyantaścaraṇāmbhojaṃ kṛṣṇasya satataṃ mudā ||67|| dāsyo niyuktā dasāścaivārghyamādāya yatnataḥ || āvirbhūtā vaiṣṇavāśca sarve kṛṣṇaparāyaṇāḥ || 68 || pulakāṅkitasarvāṅgāḥ sāśrunetrāḥ sagadgadā || āvirbhūtāḥ pādapadmātpādapadmaikamānasāḥ||69|| āvirbabhūvuḥ kṛṣṇasya dakṣanetrādbhayaṅkarāḥ|| triśūlapaṭṭiśadharāstrinetrāścandraśekharāḥ || 1.5.70 || digambarā mahākāyā jvaladagniśikhopamāḥ || te bhairavā mahābhāgāḥ śivatulyāśca tejasā || 71 || rurusaṃhārakālākhyā asitakrodhabhīṣaṇāḥ || mahābhairavakhaṭvāṅgāvityaṣṭau bhairavāḥ smṛtāḥ || 72 || āvirbabhūva kṛṣṇasya vāmanetrādbhayaṅkaraḥ|| triśūlapaṭṭiśavyāghracarmāmbaragadādharaḥ || 73 || digambaro mahākāyastriṇetraścandraśekharaḥ || sa īśāno mahābhāgo dikpālānāmadhīśvaraḥ || 74 || ḍākinyaścaiva yoginyaḥ kṣetrapālāḥ sahasraśaḥ || āvirbabhūvuḥ kṛṣṇasya nāsikāvivarodarāt || 75 || surāstrikoṭisaṃkhyātā divyamūrtidharāvarāḥ || āvirbarbhūvuḥ sahasā puṃso vai pṛṣṭhadeśataḥ || 76 ||
English translation
Establishment of the routine of the Goloka and emergence of RSdha and other Saunaka said: “Are the cows and the cowherdesses also available in the Goloka or are they imaginary? Please, tell me to remove my Sauti said: “O Brahmana, the cows, cowherds and the cowherdesses reside in the initial creation, as I have already told you and they merge in the form of Kfsna at the time of dissolution. In the beginning of the universe, only Mahesvara and Nariyana alone are present.
Both of them with the nature remain at the time of dissolution.
O Brahmana, I have narrated first of all the characters of the Brahmakalpa. I shall now describe the Vdrdha-kalpa and Pddma-kalpa, You please listen to it. Because of the differentiation of Brahma, Varaha* and Padma there are three types of kalpa. As the four yugas like Satya, Treta, Dvapara and Kali move in a chronological manner, similarly the kalpas too move accordingly. A divine yuga consists of three hundred and ^ixly yugas, A manvantara comprises of seventy-one divine yugas. After the passing of fourteen Manus, a day of Brahma is counted.
After the expiry of three hundred and sixty days, a year of Brahma is completed. Thus Brahma is believed to live for a hundred and eight years. The same period has been prescribed by Lord Kr§na. The people well-versed in the scriptures have prescribed the age of Brahma, equivalent to a kalpa.
There are several small kalpas known as Samvarta. Markandeya is known to have lived for seven kalpas.
But this kalpa equates with a single day of Brahma. Therefore in the seven days of Brahma, Markandeya completes his age.
There are only three kalpas known as Brahma, Varaha and Padma. Now you listen to the creation of each one of these kalpas, During the Brdhma-kalpa, the earth was created out of the bodies of Madhu and Kaitabha.
After the creation of the earth, the creator created the creatures on earth with the permission of the Lord Krsna, In the Varah- kalpa, the earth which had been submerged in water after dissolution Lord Vi§nu, taking the form of a boar, rescued the earth and the world was inhabited thereafter.
Thereafter in the Padma-kalpa the creator, created the universe seated over the lotus emerging from the navel of Lord Vi§nu. All the three worlds up to Brahmaloka were created by him and not the three lokas of the upper region.
I have told this story relating to the creation of the Universe. What else do you want to listen to?
Saunaka said: “After this, what did Kfspa do and what other universe did he create? Please enlighten me about the same.
TPt iraM O g H H,!
Sauti said: “Thereafter, Lord Krsna, the lord of Goloka, went to the place of the divine dance, after completing the above creation. The place of the divine dance was located in the beautiful grove of the kalpavrksas (or wish fulfilling trees). The Rasamandala was arranged in a circular fashion and looked quite charming (from a distance.)
It was decorated with the sandal-wood trees, aguru, kasturl and vermilion. The curd, boiled paddy, powdered barley and rice were showered over it. The sandal leaves tied in silken cord were serving as an item of decoration of the place. It was decorated with the trunks of the banana tree.
Three crores of mandapas were decorated there with the best of gems illumining the earth. The lamps made of gems were lighted there. The place had the fragrance of flowers and incense.
A large quantity of cosmetics and perfumes was stored therein. Lord Krsna arrived there with all his companions. All of those present there were immensely surprised at the sight of the She became the lady of the life of Krsna and she became dearest to him because she had emerged out of his own body.
She was youthful and of sixteen years of age.
She was clad in the garment of the complexion of the molten gold. She was quite beautiful and youthful and a smile over her face.
She had extremely tender limbs. She was the best of all the beauties. She had developed breasts and the pelvic region. Her face was like the flower and the lips were red. She had the teeth like the pearls and her face possessed the lustre of crores of moons. Her eyes were beautiful and looked like the lotus of the winter season. Her nose was more beautiful than the beak of Garuda. Both her cheeks were shining like a mirror.
At the same time, a girl emerged out of the left side of the Lord Krsna. She rushed at once and brought the flowers and she started offering them at every step of the lord.
O best of the sage, she was given the name of Radha by the intellectual because she was bom in the stage of dance and had started mnning about the lord.
She was adorned with all the gem-studded ornaments which decorated her ears. The collyrium etc., were applied on her face which added to her beauty. Her well arranged hair was decorated with the jasmine flowers. The beautiful damsel had arranged her hair in a tuft.
Her walking was graceful. She wore the garlands of gems, the best of forest flowers, gem- studded armlets and anklets and several other ornaments of gems and precious stones. She talked to Lord Krsna and with his permission looking smilingly at the face of her lord she got herself seated over the gem-studded lion throne.
At the same time the cowherdesses emerged from her body, who were as beautiful as she was.
They were crores in number. They were all youthful. The intellectuals in Goloka have spelt out the number of Gopikas like this.
At that very moment, the cowherds also appeared from the body of Lord Krsna, who had a similar beauty and form.
The srutis pronounce that the number of tht cowherds in Goloka is thirty crores.
At the same time several young cows also emerged out of the body of lord Krsna.
Which included the bulls and the cows of high breed of the lineage of Surabhl, besides the calves. Some of them were the Kamadhenu Lord Krsna gave away a beautiful bull which was quite strong resembled to crore of lions to lord Siva, to serve him as his mount.
Thereafter the geese were bom out of the feet of lord Krsna which included males and females.
Out of those, the one who was the most beautiful was given over by the lord to ascetic Brahma.
The white complexioned horses emerged from the hole of left ear of the lord Krsna. The lord of the cowherdesses, delightfully gave away one of the white horses to Dharma, to serve him as his vehicle in the assembly of gods.
Thereafter in the assembly of gods from the hole of right ear of the lord a group of lions emerged which was very mighty and strong.
He handed over one of the lions to the goddess Durga, besides a boon and a garland of precious gems, in addition to a boon.
Krsna, the lord of the yogis, created fine divine chariots which were made of pure gems and which moved with the speed of the mind.
The height of each one of them exceeded a lakh of yojanas and the width was a hundred yojanas. Each chariot had a lakh of wheels which moved with the speed of the wind. Each one of them had a lakh of sport halls, make-up rooms and innumerable materials for consumption and the beds were innumerable. They were adorned with innumerable lamps and the horses.
They contained various types of paintings.
They were further adorned with charming kalasas (vases), the mirrors of gems, ornaments and the fly-whisks. Like the gold heated in the fire, costumes, the illuminating astonishingly beautiful garlands of gems, besides the gems, decorated the place.
O best of the Brahmanas, Lord Krsna then handed over a set of gems and ornaments each to lord Narayana and Radhika and the rest were kept by him for himself.
Thereafter a Pifigala purusa emerged out of the private parts of lord Krsna, together with others of his companions. Because of their birth out of the secret parts of lord Krsna, they were known as Guhyakas. The chief among them was later known as the lord of riches as well as the A girl was bom out of the left side of Kubera.
That beautiful lady was subsequently known as the wife of Kubera.
The goblins, PisScas, evil spirits, KiJsmandas, Brahma-raksasas and Vetalas also appeared from the secret parts of the lord. O sage, then some attendants emerged out of the mouth of lord Kfs na. They all held conch, disc, club and locus; and were clad in the yellow lower garment. They were four armed and were of dark complexion.
All of them were adorned with the kirlfa crowns, Kundalas and the gem-studded ornaments.
Lord Krsna gave away the four armed attendant to lord Narayana. Similarly the goblins, Pretas, were presented to lord Siva, while the Guhyakas were given over to Kubera.
Thereafter two armed attendants emerged out of the feet of lord Krsna. They had dark complexion and held the garlands of victory in their hands. The best of these attendants always were devoted to the feet of lord Krsna. Sri Krsna entrusted them with the duties of attendants.
They emerged for faithfully serving the gods. All of them felt emotional with tears flowing out of their eyes and their speech was choked. Their minds were completely devoted to the auspicious and tender feet of the lord.
He was clad in tiger's skin. He was Digambara and Mahakaya and possessed three eyes. His head was adorned with the crescent crown and was known as Isana. He happened to be the leader of the Dikpalas.
Thereafter Dakinis and Yoginis emerged out of the nostrils of lord Krsna, besides hundreds of Then three crores of gods emerged out of his back side having the best and the divine Terrific looking men holding tridents and patt isa also emerged out of the right eye of Lord Krs na. All of them possessed three eyes each and were adorned with crescent type of crowns over their heads. They were all of gigantic size and had no costumes on their bodies and illumined the place like dazzling fire flames. They were called Mahakala Bhairavas and resembled Siva in glory.
Rudra, the god of death, destruction, time, anger, terror, Mahabhairava and KhatvMga are known as the eight Bhairavas.
A terrific man was born out of the left eye of lord Krsna. He held a trident, pattisa and a club.
Chapter-aligned complete witnesses. Sanskrit Wikisource revision 400024 (2023-12-26T21:30:35Z); Shanti Lal Nagar English scan pages n19–n25: https://archive.org/details/brahma-vaivarta-purana-all-four-kandas-english-translation/page/n19/mode/1up. The historic English OCR transcription is lightly normalized; no verse-by-verse alignment is asserted.